][ طريقة تمنع سرقة الساندويتشات بالمدرسة ][

[أول الغيث]

السلام عليكم و رحمة الله و بركاته


][ طريقة تمنع سرقة الساندويتشات بالمدرسة ][


تنتشر في مدارس اليابان سرقة الساندويتشات من الحقائب المدرسية ..

فما كان من أحدهم إلاّ أن قام بابتكار هذه الطريقة اللطيفة والغريبة ..

و إذا يقول السارق أنه صج ،، فليآكل هذي السندويتشه !!




بـريـده هذي مب ساندويشة

<< بعضهم يقول " سندويس " ..








خلاص أخواني ،، ( خصوصاً البنات اللي يودّون ويّاهم فسحة المدرسة ) [ قديم ]

اللي تعاني من سرقة بريدتها ،، تسوّي هذي الحركة

لعل و عسى تنفع مع الحرامية ..

 

 

[العاشقه]

الظـآهـر المبتكر للطريقهـ هذي ..
معـآني منها ..

مشكور أخـوي على الطرح

يعطيك ربي العافيه

 

 

[زهور الريف]

مشكور أخوي أول الغيث على الطريقه الذكيه

.,.
ويعطيك ألف عافيه
.,.
هههههههههه
الطريقه روعه تنفع مع الحراميه
ذكرتني يا أول الغيث يوم أنا صغيره كل ما أحط شئ في الثلاجه أنسرق ذاك اليوم وصلت حدي وقلت لأمي أبغي أحط العصير في الثلاجه بس خايفه أحد يسرقه قالت لي أمي تبغين تعرفين الحرامي قلت لها أيه أخذت العصير وفتحته وحطة في الكاس وحطت بداله ماي معه بهارات وسكرت العصير (( طبعا عصير الرى إلا بو نصف ريال )) المهم جاء أخوي وأخذ العصير وفتحه وأول ما شربه طشر العصير كله في الجدار أنا وأمي كانا وراء وشفنا الموقف ومتنا عليه من الضحك وقلت له تستاهل علشان غير المره ما تاخذ عصير مو لك .
والمفروض يكون العقاب ملموس علشان يحس بالقهر ولا يعيدها مره ثانيه

اقتباس << بعضهم يقول " سندويس " ..

ههههههه هذولا البدو إلا يقولون سندويس حسبي الله على إبلسيهم تأثرت إبهم صرت بعض الساعات أتكلم مثلهم

اقتباس خلاص أخواني ،، ( خصوصاً البنات اللي يودّون ويّاهم فسحة المدرسة ) [ قديم ] اللي تعاني من سرقة بريدتها ،، تسوّي هذي الحركة لعل و عسى تنفع مع الحرامية ..

لالالالالا ما أحب أودي شئ معي في المدرسه وحتى وأنا صغيره ما مره سويتها


.,.
* أول الغيث *
تودي معاك سندويشات وانت صغير ؟؟
سأتشوق لجديدك.
.
.

 

 

[أول الغيث]

اقتباس الظـآهـر المبتكر للطريقهـ هذي .. معـآني منها ..

أكيد انه ضايق الويل مسكين !!

و على قولتهم : الحاجة أم الإختراع ..



العاشقه


الله يعافيش أختي و ما قصرتي

على هذا المرور الجميل

و ألف شكر لش

 

 

[أول الغيث]

زهور الريف

اقتباس هههههههههه الطريقه روعه تنفع مع الحراميه

بس تهقين تنفع مع الحرامية اللي عندنا ؟؟

اقتباس ذكرتني يا أول الغيث يوم أنا صغيره كل ما أحط شئ في الثلاجه أنسرق ذاك اليوم وصلت حدي وقلت لأمي أبغي أحط العصير في الثلاجه بس خايفه أحد يسرقه قالت لي أمي تبغين تعرفين الحرامي قلت لها أيه أخذت العصير وفتحته وحطة في الكاس وحطت بداله ماي معه بهارات وسكرت العصير (( طبعا عصير الرى إلا بو نصف ريال )) المهم جاء أخوي وأخذ العصير وفتحه وأول ما شربه طشر العصير كله في الجدار أنا وأمي كانا وراء وشفنا الموقف ومتنا عليه من الضحك وقلت له تستاهل علشان غير المره ما تاخذ عصير مو لك .

زين عاد .. ارفقوا على الولد ..

كل هذا انتقام منه مسكين ؟!!

اقتباس (( طبعا عصير الرى إلا بو نصف ريال ))

اقتباس والمفروض يكون العقاب ملموس علشان يحس بالقهر ولا يعيدها مره ثانيه

خلاص أجل .. نآخذ بهذا العلاج الفعال و المقنع

عسى أن ينفع الله به عموم المسلمين ..

اقتباس ههههههه هذولا البدو إلا يقولون سندويس حسبي الله على إبلسيهم تأثرت إبهم صرت بعض الساعات أتكلم مثلهم

هي عاد وقفت عالبدو بس ؟؟

آنا أعرف لكم عايلتين من كبيرهم إلى صغيرهم .. يقولون " سندويس " ..

اقتباس لالالالالا ما أحب أودي شئ معي في المدرسه وحتى وأنا صغيره ما مره سويتها

ما سوّيتيها ؟؟ ... ترى آلاف غيرش سوّوها .. ولا زالوا يسوّونها ..

اقتباس * أول الغيث * تودي معاك سندويشات وانت صغير ؟؟

يااه !!

هذا اللي باقي بعد ؟!!

مب عيب طبعاً .. لكن !!
.


زهور الريف


مشكووورة أختي وما قصرتي

على هذا الحضور و المشاركة الرائعة

و اشوي اشوي عالحرامية .. لازم تعاملونهم برفق ولاّ ما يتوبون ..

 

 

[مثالية]

اقتباس فما كان من أحدهم إلاّ أن قام بابتكار هذه الطريقة اللطيفة والغريبة ..

اقتباس و إذا يقول السارق أنه صج ،، فليآكل هذي السندويتشه !!

خوش اختراع سلاح فتاك عن البوق ...!!!

اقتباس << بعضهم يقول " سندويس "

مأحد سالم منك


اول الغيث

في المدرسه كنت اعاني من سرقه القلامه دور لي حل ؟؟ فتحت على روحك باب

والف شكر لك على مواضيعك التى لاتخلو من الطرافه ...

 

 

[أميرة الدلع]

ههههههه
بيقول الحرامي في خاطره : شدعوى كل يوم يجيب السندويس معفن
وبعدين تصير عنده مناعه وبيسرقها
..
أول الغيث
يعافيك ربي ع رسم الابتسامه في وجوهنا
..
ألف شكر لك

 

 

[أول الغيث]

مثالية

اقتباس خوش اختراع سلاح فتاك عن البوق ...!!!

هو سلاح فتاك صحيح ..

بس أخاف ما ينفع مع كل الناس !!

اقتباس مأحد سالم منك

اقتباس في المدرسه كنت اعاني من سرقه القلامه دور لي حل ؟؟ فتحت على روحك باب

مالش إلاّ تحطّين لهم القلم اللي ينفض مثل الكهرباء ،، يمكن ينفع ويّاهم ..



مشكوورة أختي مثالية وما قصرتي

و إذا ما نفعت هالحركة

نشوف لش حركة ثانية ..

 

 

[أول الغيث]

أميرة الدلع

اقتباس بيقول الحرامي في خاطره : شدعوى كل يوم يجيب السندويس معفن

عاد هذا كلّش صبّه !!

كل يوم يبي يسرق من نفس الشخص ؟!!

اقتباس وبعدين تصير عنده مناعه وبيسرقها

يسوّيها و الله !!

إلاّ إذا راح بلا رجعه من أول مرة ..



أميرة الدلع


الله يعطيش ألف عافية أختي و ما قصرتي

على هذه الإطلالة الجميلة

ألف شكر لش


أميرة الدلع من الناس اللي يقولون " سندويس "

 

 

[яίcαŕdσ]

طريقة رائعة .. !!

أعتقد بأن هذه الطريقة هي الطريقة المثالية للتعامل مع السارقين ..

لكن عندي سؤال / لو جاكـ سارق [ ما في بياخذ البريده بياخذهـا ] !!

وش الحــــــــل .. ؟ !! !! ؟



أول الغيث

نقل مُميز ..

شُكراً لك ..

تحيتي المُعطرة .. !!

 

 

[أول الغيث]

alkasser 20


الله يعطيك العافية أخوي و ماقصرت

و أهلاً و سهلاً بك في صفحتي..

اقتباس لكن عندي سؤال / لو جاكـ سارق [ ما في بياخذ البريده بياخذهـا ] !! وش الحــــــــل .. ؟ !! !! ؟

الحل ؟؟

الحل أنك ما تجيب بـريـده و تفكّ نفسك ..

و الله يعينك تشتري لك من المقصف ..

 

 

[ريحه المسك]

تصدق اول الغيث لاعت كبدي

تحياتي مسوكه

 

 

[أول الغيث]

ريحة المسك

اقتباس تصدق اول الغيث لاعت كبدي

يعني تنفع الحركة في ردع و صد كل من تسوّل له نفسه التعدي على بريدات الناس ؟؟


مشكوووورة خيتي و ما قصرتي

على هذا المرور و التواجد ..

 

 

[زهرة اللوتس]

حلووووووة حيييل ، بس حتى في كذا اليابانيين اسم متطورين

ما بقول عقبالنا لإن يتروالي هوّنوا الناس ما يبوقوا هالأيام >>> وش دراش ؟؟!

الوضع في الجامعة يكفي يا لوتس .!

اقتباس << بعضهم يقول " سندويس "

هههههه بصراحة ضحكت إلى بقيق

حراااااااااااام يا أول الغيث شكلك ناوي تودينا للمهالك


يعطيكُم العافية ،.

 

 

[أول الغيث]

زهرة اللوتس

اقتباس حلووووووة حيييل ، بس حتى في كذا اليابانيين اسم متطورين

اليابانيين عايشين بس للإختراع و الإبتكار !!

و إن شاء الله في شي عنهم ، جاي في الطريق ..

اقتباس ما بقول عقبالنا لإن يتروالي هوّنوا الناس ما يبوقوا هالأيام >>> وش دراش ؟؟!

والله صج .. قلّت سوالف السرقات هالأيام ،، بس ما يندرى شالسبب ؟!

اقتباس الوضع في الجامعة يكفي يا لوتس .!

واحد مسكين ذاك اليوم يتشكّى ، بسبب سرقة آلته الحاسبة

( يعني طالب جامعي اشكبرك ؟ تقوم و تبوق ؟! )

<<< هذا كلامه و هو قاعد يشكي الحال لنا مسكين ..

اقتباس هههههه بصراحة ضحكت إلى بقيق حراااااااااااام يا أول الغيث شكلك ناوي تودينا للمهالك

ليكون بس زهرة اللوتس من اللي يقولون " سندويس " ؟!

بس هالكلمة تضحّك أكثر لمّا يقولها واحد كبير ..



زهرة اللوتس


الله يعافيش أختي و ما قصرتي

على هذا الحضور المميز

وتراني ماني بمسئول عن تبعات الموضوع ..

 

 

[بوناجي]

أقول عقوول
الفكره مره بسيطه
والفايده تسد الجوع والجوع كافر

موفق اخي اول الغيث

 

 

[أول الغيث]

بو ناجي

اقتباس أقول عقوول الفكره مره بسيطه

مرررة بسيطة ،، بس بعضهم ما تطري عليه ..

اقتباس والفايده تسد الجوع والجوع كافر

يعني تهقى الحرامي ، بتصدّ نفسه و بينسى جوعه ؟

إذا كذا .. أجل بنآخذ أجر فيه ..



بو ناجي


الله يعافيك أخوي و ما قصرت

مع تمنياتنا لك بالتوفيق

مع الكاميرا اليديدة ..

 

 

[نورة عبدالله]

يعطيك العافيه اخوي على الفكرة أقول أنا اليابانين مو هينين بس فكرة حلوة

تقبل مروري @اللحن الحزين@

 

 

[أول الغيث]

اللحن الحزين

اقتباس أقول أنا اليابانين مو هينين بس فكرة حلوة

إن شاء الله قريباً .. كل الأفكار و الابتكارات تُصَدّر من السعودية ..


اللحن الحزين

ماقصرتي خيتي على التواجد الكريم

و ألف ألف شكر لش