•.¸¸.•°°•.¸.• سـوالـفـك مـع القـرقيعــان °•.¸ ¸.•°°•.¸.•°

[وسط النخيل]

بسم الله الرحمن الرحيم
اللهم صل على محمد وآل محمد
.
.

في البداية ,
حـدثـنا يا وسط النخـيل عن شعورك بهذه الاستـضافة :
وسط النخيل : الحمد لله , بصراحة أشعر بأن نبضات قلبـي تـتسارع من شدة الأنـس
بالتواجد في مثل هذه الأماكـن وهذه المواضيع الرمضانية الدافـئة .

.
.

طيب يا وسط النخـيل , ممكـن تجـاوب على الأسـئلة الآن .؟؟.
وسط النخيل : بكل سرور أقـدم الإجابات , مع كلمات الشكر للأخت / زهـور الريف

موصول للأعضاء
أول الغيث , طلة قمر , بحر الوفـا , طرفاوي أصيل , احساس قاتل , حلى الشرقية

.
.

يالله يا وسط النخـيل , المايكـروفـون لك الآن , تـفـضل
واحد , اثـنـين , ثلاثة , !!!!! أكـشن !!!!

.
.


كم كان عمرك أول ما قرقعت , ومتى تـوقـفـت ؟

أتوقع كان عمري 6 سنوات , وتـوقـفـت عـند سن 14 سنة تـقـريـبا ً

.
.

,
,



مع ميـن كـنت تـقرقـع .؟؟.

أشكال وألوان , كل سنة مع نـاس جـدد
( الولد يـؤمن بمبدأ التـجـديد , والتـغـيـير , وبناء العلاقـات ) .

.
.

.


ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

أتـذكر كـنا نطلع من صباح الله خـير , ونـحوس الديـرة وبعـدين الراشدية
والبـيت اللي نـشوفه مسكـر ( يا ويله يا سواد ليله ) ..

.. ما نرجع البـيت , إلا وجوهـنا صارت صفرا من التعـب ..

.
.

- هل كنت تلبس ملابس خاصة في القرقيعان ؟ و لاّ تلبس أي شي ؟

أي شي يجـي من الوالدة , حـياه الله .. ما نـقـول شي
( الوالدة بالنسبة لي .. هي أروع مصممة أزياء بحـياتي )

.
.


موقف صار لك في القرقيعان و لا يمكن أن تنساه ؟

بصراحة المواقـف واجـد , ويا حـب بعض الأعـضاء حق فـضايح وسط النخـيل

الموقـف
يوم الوالدة الله يحفظها ويطول لي بعمرها , طلبت مني توزيع القرقيعان
وقالت لي : أنا بطلع شوي , وبرجع لك ..

الولد قام يوزع القرقيعان , وظل وقـت طويل , والوالدة ما رجعـت ,
إلى ما خـلص الكـرتون اللي عـندي والناس والأطفال داخلين البـيت ومو عارف
من وين أجـيـب لهم القرقيعان .؟؟.

× طيب شنو صار بعـدين يا وسط النخـيل .؟؟.
اللي صار .. إن الولد مضطر يعـتـذر للأولاد والبنات ويقـول لهم بكل أدب :
سامحـونا يا جماعـة , ترى القـرقيعان اللي عـندي خـلص
والوالدة طلعـت وما رجعـت ..
( يحليله الولد مؤدب ومحترم واجـد ) ...

بعـدين
الأولاد صاروا يتـكلمون مع بعضهم , ويفكـروني ما أسمع الكلام اللي يقـولونه :
ول , ممدى .. بسرعه قرقيعـانهم خلص ...!!!

والولد أصلا ً متوهـق , ومو عـارف شلون يتـصرف بالموضوع


.
.

.



ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

اللي يجـي من الله حياه الله
بس يا كـثر ما نحصل على ربـيان ( نسمة + بفكي قـطر ) .
ما شاء الله من كـثرهم , نبدأ فيهم .. أول شي ناكلهم , وبعدين ناكل الباقي .

.
.


شنهي ردة فعلك لمّا تروح بيت ،، و ما يعطونك قرقيعان ؟

ما أتـذكر كانـت لي ردة فعـل , بس كأن خاطري يقـول :
يعني القـرقيعان ما يخلص إلا يوم نجـي عـندكم ؟؟؟

.
.

.

شنو يوزعون بيتكم في القرقيعان عادةً ؟

الله يرحم بسكـوت ( شيكـو ) , وبسكوت ( كلايـدي )
بصراحة كـنا عـلى طوول ناكلهم , ونوزعـهم بالقـرقيعـان ....
( الولد متحمس شكله يـبغي ياكل واحد )
.
.

الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟


أفـا عـليكم بس
يوم من الأيام ذبحـنا العـطش , وكان عمري يمكن 10 سنوات
وشان يا بوزعم احنا صايمين , أول ما دخلنا أحد البـيوت , إلا نـشوف برادة ماي
عـند الباب , وبدال ما ناخـذ القرقيعان من عـندهم , نسينا كل شي

وبعـدين
رحنا طبـينا على البرادة , واشرب ليـن تـقـول بس ...
( مو صايم انت .؟. , لا عـادي , يجوز الواحد يفطر يوم القرقـيعان )
الولد صار مفـتي , من يوم كان عـمره 10 سنوات

.
.

.


بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟

ما أذكر إني سويتها , بس مو مشكلة , المناسبة باسم كريم أهل البـيت عليهم السلام
ولو رجع الواحد أكثر من مرة , يا هلا ومرحبا فـيه
وفرصة سعـيدة نـشوفك مرة ثانية .

.
.
.

.
.



بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

بالعـكـس ’ الأمر يسعـدني كـثـير .. ولو حـاب تاخـذ الكـرتون كله , يسلم راسك
ويسلم راس أخـوك اللي ما عـمره عرف شي اسمه قرقيعـان .

.
.
.


.
.



كم كانت حصيلة القرقيعان اللي تجمعها عادةً ؟ و شنو تسوي فيها ؟

يمكن .. قـد كرتـون كامل مال ربـيان ( فـش فاش )
أول شي نـبدأ بالربـيان , وبعـدين نبدأ بالبسكـوت ..
( يا بو زعم الولد عـنده نـظام خاص ) .


.
.

.



هل يتعرض قرقيعانك لأي اعتداءات أو سرقات سواء في الخارج أو في المنزل .؟؟.

لا .. الحمد لله , وبالنسبة للمنـزل .. أي واحد يـبغي شي , يكلمني وأنا أعـطيه
( الظاهـر الولد , مسوي له بوفـيه مفـتـوح )

.
.

.


هل تتمنى يرجع بك الزمن إلى الوراء ..عشان تقرقع ؟ وشنو اللي ودّك تسوّيه لو قرقعت ؟

تكـفيني متعـتي بالقـرقـيعان الآن , وبالأجواء الولائية التي تجعـلك تشعر
كأنما انـت داخـل ساحة من الساحات الربانية الخالصة .

.
.

مالدور الذي تقوم به في القرقيعان حالياً ؟

يعـني يا زهـور الريـف , ما يحـتـاج نـجـيـب طاري الكاميرا
ولا يحـتاج نـسوي دعـاية حـق موضوع .." صور من قـرقـيعان ديـرتـنا " ..



.
.

.

هل تؤيد خروج البعض من الأولاد الكبار ،، أو البنات الكبيرات ،، للقرقيعان

إي والله , أؤيـد حتى خـروج الآباء والأمهـات . بس المشكلة إن احـنا خـذنا
جو القرقـيعان للأطفـال بس , ومنعـتـنا بعض التـقـاليد .

الآباء : عـيـب الولد والبنـت إذا كـبروا يروحـون يقـرقـعـون
الأبناء : طيـب وش فـيها .؟؟.
الآباء : بس , ولا كـلمة .

.
.
.


هل ترى بأن هناك عادات جديدة دخلت في قرقيعان اليوم ..
و هل هي إيجابية أم سلبية من وجهة نظرك ؟

عادة القرقيعان الخصوصي
حلوة في بعض الأحيان , ومو حلوة في أحـيان أخرى
تماما .. مثل موقـف الصبغ في وجه ( بحـر الوفـا )

.
.

وللأسف
بدأنا في الوقـت الحالي , نـفـقـد بعض الأجواء الشعـبـية الرائعة من أهازيـج القرقيعان .. ( قرقع قرقع قرقيعان , عطونا الله يعطيكم )

الأطفـال الآن
أصبحـوا لا يعرفـون هذه الموسيقى الرائعة في أجواء القرقيعان


.
.

.


طيب يا وسط النخـيل
وصلنا معـاك إلى نهاية الحـلقـة , ومشكـور على هذا الحـضور

وسط النخـيل يـبكي
وش فـيك يا وسط النخـيل ؟؟؟ ليش البـكاء هـذا .؟؟.

يعني أنا الآن صار لي وقـت طويل جالس أتـكلم عـن القـرقيعان
وما شفـنا شي من القرقيعـان . ولا عـطيتـونا حاجة .؟؟.

.
.

عـاد / احنا ما لنا شغـل
احنا بس جالسين نعمل معاك لقـاء في الاستـوديو
والأمور الثانية كلها عـند زهور الريف , وبقـية الأخـوان ...

.
.


يالله
الله يسامحـكم كلكم .

.
.


.


في نهاية الحـلقـة
وسط النخـيل خرج من الاستـوديو , وكاد أن يكـسر باب الاستـوديو
( يعني كل هذا معصب ما عطيناك قرقيعان ) .؟؟.,

يا أخي خلاص ما راح نجـيـبك مرة ثانـية , ما دريـنا إن الشغـلة فيها بلشة

.
.

.



و س ط ا ل ن خ ي ل


,
.
.


قـــلب داخـل فــكـرة




.
.



.
.

 

 

[بحرالوفا]

اقتباس - هل كنت تلبس ملابس خاصة في القرقيعان ؟ و لاّ تلبس أي شي ؟ أي شي يجـي من الوالدة , حـياه الله .. ما نـقـول شي ( الوالدة بالنسبة لي .. هي أروع مصممة أزياء بحـياتي )

أووووه .. حركـــات الله يخلي لك الوالدة يااارب

شيء طيب أنك تثق بذوق أمـــك

اقتباس والولد أصلا ً متوهـق , ومو عـارف شلون يتـصرف بالموضوع

سكرت باب البيت بدال ماتتعذر لكل واحد

اقتباس أفـا عـليكم بس يوم من الأيام ذبحـنا العـطش , وكان عمري يمكن 10 سنوات وشان يا بوزعم احنا صايمين , أول ما دخلنا أحد البـيوت , إلا نـشوف برادة ماي عـند الباب , وبدال ما ناخـذ القرقيعان من عـندهم , نسينا كل شي وبعـدين رحنا طبـينا على البرادة , واشرب ليـن تـقـول بس ... .

يعني مثلنا مسجل اسمك من ضمن الفاطرين

اقتباس ( مو صايم انت .؟. , لا عـادي , يجوز الواحد يفطر يوم القرقـيعان ) الولد صار مفـتي , من يوم كان عـمره 10 سنوات

ماشاء الله نفس الفتوى آثاري احنا خذناها منكم

اقتباس يعـني يا زهـور الريـف , ما يحـتـاج نـجـيـب طاري الكاميرا ولا يحـتاج نـسوي دعـاية حـق موضوع .." صور من قـرقـيعان ديـرتـنا " ..

فيك الخييير والبركة ... الله لايحرمنا منك ولا من كاااميرتك

اقتباس عادة القرقيعان الخصوصي حلوة في بعض الأحيان , ومو حلوة في أحـيان أخرى تماما .. مثل موقـف الصبغ في وجه ( بحـر الوفـا )

الحمد لله .. في أحد حس فينا

ماتتصورون كيف انصبغ وجهنا

للحين إذا شفت البنت يتبادر إلى ذهني هذا الموقف وقفتنا وشفتنا في الأخير ماالتفت لنا ((ماعبرتنا)) بس بنت عمي !! انزين واحنا مالنا شيء


وقتها تمنيت مادخلت بيتهم ولا صابنا الأحراج <<< البنت حساسة


الله يوفقها يااارب وين مااراحت وين ماجااات


وأخيــــــراً

أشكر أخي المتألق دائماً وأبداً إن شاء الله


وسط النخيل




تحية لحضوركـ المتألق

ويعطيك ألف عافية




.

 

 

[زهور الريف]

أآحساس قاتل

اقتباس الثاني /دخلنا كذالك بيت سالنا في قرقيعان قالوا ايه فيه حياكم ودخلنا كلنا داخل البيت الا نشوفهم جالسين يتغدوا وانواع الحراجات

موقف لا يحسد علية
عاد سويتوا روحكم ما تفهمون وجلستوا تتغدون معهم
إلا تعال شلون يتغدون واحنا في رمضان؟؟!

اقتباس كلهم يم يم يم وأموت علي المكسرات بالرز

أجل أنا أحب بسكوت أولكر الأحمر الدائري عرفتة
سألت خواتي الصغار عن هالبسكوت ولا أحد فيهم حصل

اقتباس الحمد الله ماسويتها كنا صغار ونتخوف من الكلام لي نسمعه لعبوا بعقولنا لعب في معي يفطرون لانه مابعد يتؤجب علينا بس أنا كنت أتخوف وأشكك هل صحيح بتطلع لنا نخله في جبهتك وأنواع الاحلام بالليل شلون لو طلعت بتقصها ههههههههههه

نخلة مره وحده في جبهتك
مدري من وين تجبون هالكلام ؟؟!
بحر الووفا تقول اللي يفطر يطلع له ذنب يوم العيد
وآحساس قاتل يقول تتطلع نخلة من الجبهة
الله يعين الفاطر أجل يوم العيد

اقتباس أووه خير ماشاء الله كرتون كبير أو ثلاث أكياس وأكثر << يبيع بسطه

ماشاء الله لو تفتح بقالة واجد أحسن تربح
من وراء هالقرقيعان

.,.
حلى الشرقية

اقتباس عساكم من قشر عووه ههههههههه

أول مرة أسمع إبها شو معناتها ؟؟

اقتباس بطاطس و مكسرات وحلآوه وبسكوت وبعض الاحيان مصاري

أوووه
كثرت بيوت اللي توزع فلوس بيتكم وبيت الغيث وبيت أحساس قاتل

اقتباس يمكن لكـن نسيت

نسيتي ولا ما تبغين تقولين
خايفة يوم العيد يطلع لك ذنب ونخلة ها ؟؟!

اقتباس اييييي يآليت والله يـرجع وترجع الطفوله كلهآ << كأن عمري 50

أجل تصدقين مستغربة من نفسي تدرين ليش ؟؟
الكل يبغي يرجع ابه الزمن علشان يقرقع
إلا أنا عادى عندي ولا أحب القرقيعان ليش مدري ..!
.,.
وسط النخيل

اقتباس حـدثـنا يا وسط النخـيل عن شعورك بهذه الاستـضافة : وسط النخيل : الحمد لله , بصراحة أشعر بأن نبضات قلبـي تـتسارع من شدة الأنـس بالتواجد في مثل هذه الأماكـن وهذه المواضيع الرمضانية الدافـئة .

شدعوى
دقات قلبك تتسارع شايفني ماسكة العصا

اقتباس أي شي يجـي من الوالدة , حـياه الله .. ما نـقـول شي ( الوالدة بالنسبة لي .. هي أروع مصممة أزياء بحـياتي )

أوووه
طلعت الوالدة مصممة أزياء حركااات
أجل يوم أبغاها سلفة تصمم لي ملابسي ممكن ؟؟..

اقتباس بعـدين الأولاد صاروا يتـكلمون مع بعضهم , ويفكـروني ما أسمع الكلام اللي يقـولونه : ول , ممدى .. بسرعه قرقيعـانهم خلص ...!!! والولد أصلا ً متوهـق , ومو عـارف شلون يتـصرف بالموضوع

تقريبا بالضبط صابني مثل هالموقف بس على آخر ولد صارت له آخر بطاطس وحمدت ربي
وعلى طول سكرت وراهم الباب عقب لا يدخل أحد وأتفشل

اقتباس وبعـدين رحنا طبـينا على البرادة , واشرب ليـن تـقـول بس ... ( مو صايم انت .؟. , لا عـادي , يجوز الواحد يفطر يوم القرقـيعان ) الولد صار مفـتي , من يوم كان عـمره 10 سنوات

يعني قرقيعانكم من هالبيت هو ماي
بس تعال ما خفت يوم العيد يطلع لك ذنب ولا نخلة ؟؟

اقتباس يعـني يا زهـور الريـف , ما يحـتـاج نـجـيـب طاري الكاميرا ولا يحـتاج نـسوي دعـاية حـق موضوع .." صور من قـرقـيعان ديـرتـنا

اي والله ما تقصر يا وسط النخيل
تخلينا نشوف القرقيعان اللي برة ونشوف فرحت الأطفال

اقتباس إي والله , أؤيـد حتى خـروج الآباء والأمهـات . بس المشكلة إن احـنا خـذنا جو القرقـيعان للأطفـال بس , ومنعـتـنا بعض التـقـاليد . الآباء : عـيـب الولد والبنـت إذا كـبروا يروحـون يقـرقـعـون الأبناء : طيـب وش فـيها .؟؟. الآباء : بس , ولا كـلمة .

أؤيد في حالة وحده إذا كان مثل القطيف
يعني يسون مهرجان في الشارع والكل يحضره من صغير وكبير
ذكرتني بقرقيعان ليلة الناصفة حضرتها في القطيف وكان رائع
وهذه بعض الصور المهرجان اللي في القطيف مصورتة بجوالي ما عندي كاميرا مسكينة

وهذه صورة سفينة في أسماء الأئمة سلام الله عليهم

وهذا شلال فية أسماء الأئمة كذلك

وهذا شكل ثاني

صج هذه صور مو واضحه لذاك الزود بس حطيتها تشوفون كيف المهرجان هناك رائع حريم , رجال , أطفال

ودي أحط لكم زود بس أكتفي إلى هنا ..

اقتباس وسط النخـيل خرج من الاستـوديو , وكاد أن يكـسر باب الاستـوديو ( يعني كل هذا معصب ما عطيناك قرقيعان ) .؟؟., يا أخي خلاص ما راح نجـيـبك مرة ثانـية , ما دريـنا إن الشغـلة فيها بلشة

بل بل
وجع في قلب إبليس وأهلة
خلاص بعطيك قرقيعان ولا تزعل
تفضل :

يلا أرجع وصك الباب بهدوء
.,.
سعدت بحضوركم أخواني
يعطيكم العافية

.,.

 

 

[طرفاوي أصيل]

انا حاب اشكر وسط النخيل على أسلوبه الظريف والممتع في الأجابة على الأسئلة ..


انا شخصيا استمتعت كثيرا .. وربي يعافيكم جميعا .


تحياتي للجميع ... طرفاوي أصيل

 

 

[زهور الريف]

[ دحيم.. مثالية..]

تجملت صفحتي بحضور محمس كحضوركم
وتأيد موفق بان عليكم
فلـ اروآحكـــم النقيه من الاحترام اصدقه ومن الجمال اعذبه
ولاآ تحرموني من صفاء تواجدكم بين صفحاتي

لا عدمتكم
.
.
.

 

 

[زهور الريف]

نستضيف في هذي الحلقة كلاً من : 1 - تاروتيـة2 - الدانـة3 - جرح الفـؤاد

 

 

[إحسآإس قآإتل]

اقتباس المشاركة الأصلية كتبت بواسطة زهور الريف أآحساس قاتل موقف لا يحسد علية عاد سويتوا روحكم ما تفهمون وجلستوا تتغدون معهم إلا تعال شلون يتغدون واحنا في رمضان؟؟! .,.

يغدون عيالهم ههههههههههه
ايه هين نفطر
أيام زمان ماكنا نعيش التطور والنصيحه الجميله
فـ يكون ضغط من الاهل بالتخويف والترهيب

اقتباس المشاركة الأصلية كتبت بواسطة زهور الريف نخلة مره وحده في جبهتك مدري من وين تجبون هالكلام ؟؟! بحر الووفا تقول اللي يفطر يطلع له ذنب يوم العيد وآحساس قاتل يقول تتطلع نخلة من الجبهة الله يعين الفاطر أجل يوم العيد

أنواع التخويف نخله بجبهتك وذنب أعوذ بالله
وعيونك ووجهك مدري وش يصير فيه

اقتباس المشاركة الأصلية كتبت بواسطة زهور الريف ماشاء الله لو تفتح بقالة واجد أحسن تربح من وراء هالقرقيعان

تصيري معي شريكه

ماشاء الله صور رائعه ياليت يصير عندنا
قلت بجي عندكم هالسنه بس ماسمحت الظروف
أن شاء الله يكون عندنا أو نجي عندكم كلا واحد

 

 

[سُندس }]

::


يُسعدني أن أكون من ضمن حلقات سواليف القرقيعان

ومناسبة القرقيعان مناسبة فرح للكبير والصغير .







بسم الله ..


/



1 - كم كان عمرك أول ما قرقعت ؟ و متى توقفت عن القرقيعان ؟

بصراحه السؤالين ما أعرف لهم اجابه * أفا من بدايتها

اذكر كنت اقرقع في بيوت واجد لما كنت صغيره ولما كبرت

اقرقع حق صغارنا في العيله والحين خلاص نوزع



2 - مع من كنت تقرقع ؟

أمممم اقرقع مع أختي وبنات الجيران واذكر فيها مواعيد واتفاقيات


3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

الخطه أنو احنا نقرقع ع الفريج أول وماجاورها ومن ثم نبتعد

ثم الى شوارع الراشديه .


4 - هل كنت تلبس ملابس خاصة في القرقيعان ؟ و لاّ تلبس أي شي ؟

لا أبد ما أذكر بس ياليت حاصل لأن الزي يعطي طابع أكثر ذكرى وفرحه .



5 - موقف صار لك في القرقيعان و لا يمكن أن تنساه ؟

أذكر مره واحنا نقرقع مع بنات الفريج في عز الحر خبرك أيام أول يعني

القرقعان حره شديد , واحنا صيام الله يلعن يزيد وصار لنا وقت من قرقعنا

يعني خلاص رحنا فيها وطــــي عاد احنا جماعه نفس ماقلت لك وصلنا بيت

عطونا عصير الري باااااارد ع ليمون وبرتقال مو مذكره يعني

عصير بارد والعطش حده وشـ شعورنا تتوقعين ؟!

عطونا اياه ونطلع من بيتهم ومشو البنات ونخليهم يمشون قداااااام

واحنا ورى متعمدين ووناخذ العصير ونشربه كله ونفتك ونستريح



6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟


أفضل بطاطس , ربيان , بسكوت , مكسرات وبعدها المصاص

وها الأمور بمعنى مختصر أحب قريقعاني يكون منوع من كل شي .


7 - شنهي ردة فعلك لمّا تروح بيت ،، و ما يعطونك قرقيعان ؟


أقتهرررر واتندم اني دخلت البيت .
با الذات لما يكون ماعندي الا قرقيعان اشوي


8 - شنو يوزعون بيتكم في القرقيعان عادةً ؟

بطاطس و بسكوت و مصاص وأيام أول قديماً بفكي قطر


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

الموقف اللي ذكرته هذا يكفي * كفايه فضايح

بس ما أعتقد سويت غيره .

10 - بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟


ما أحبهاااااااا نهائي , لا ماأسويها .



يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟

لا بعد ياليت ازيدك من الشعر بيت , ياليت بعد عشان اخوهم الصغير وانتهينا صارت السنه عشان عمتهم ومدري منو بعد
أقوله وينهم ؟ قال ماجاو أجل شفايده يعني قرقعان ع حساب غيري
الله يعفي بس هههه .

طبعاً هاذي الحركه ما أحبها بعد نهائي وما أتمنى احد يقول
عشان مايحرج روحه ولا يحرج غيره , وصارت وقلتها لهم مانعطي الا اللي بيجي * شديده هههه بس انا طيبه كأني عطيت واحد مدري ثنين

أعطي اللي عنده كيستين وأخوه صغيره مايعرف يشيلها ممكن
واحد عطيته بعد جهد وجهيد وقال لي أسم عمته وبـ الذمه بعد



12 - كم كانت حصيلة القرقيعان اللي تجمعها عادةً ؟ و شنو تسوي فيها ؟


أممم واجد حتى نحطه في كرتون الظاهر كيستين كبار اذا ما خاب ظني أو أكثر , خلاص ناكله


13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

لا ما أظن حريصين عليه كتير


14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

لا عادي لأني لو بدي اقرقع مو مشكله القرقعان فرحة بـ المولد
ومثل ماهو حاصل عادي بنات تقرقع



15 - مالدور الذي تقوم به في القرقيعان حالياً ؟


أجلس و أوزع و


16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟


مو مشكله بس الأولاد يقرقعون عند البيوت اللي يوزعون فيها اولاد , والعكس صحيح .



17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟


اي وهذا ما رأينه بـ الطبع هذا العام .


أأيدها و أشجعها وأنادي بها عشان نفرح بسبط رسول الله .


واتمناها مع كل مولد وبـ الأخص مولد الامام الحجه عج .











كل عام وأنتم بخير .










/

 

 

[وسط النخيل]

بسم الله الرحمن الرحيم
اللهم صل على محمد وآل محمد
.
.

ما راح أتـكلم الآن
بعـد اللقـاء ’, وبعـد القـرقـيعان اللي حصلناه
خلاص , الآن أنا ساكـت وما بقـول شي .

.
.

وكل اللي بسويه
شي واحـد بس .. ( يعـني انـتـوا تـنـتـظرون شنو هذا ) .؟؟.

.
.

اللي بسـويه
يالله يا وسط النخـيل , لا تـطولها
ورانا مواضيع واجد بنطالعها في المنـتـدى

.
.

زيـن يا شباب بقـول لكم الآن

.
.

.

اللي بـسويه الآن
إني بجـلس أستـمتع في نهار رمضان بجلسات رمضانية
حلوة مع موضوع ( سوالفك مع القرقيعان ) ..

.
.

عافاكم ربـي

.
.


.


زهـور الريــف
الموضوع , نـتـمنى مواصلته إلى ما بعـد أيام العـيد
والصور بصراحة طيـبة حـيل .. يا ريتها عـندنا
( الولد مقـتـهر )
.
.


و س ط ا ل ن خ ي ل


.
.

.


قــلب داخـل فـكـرة


.
.



.
.


.




.
.


.



.

 

 

[جرح الفؤاد]

تشرفني هذه الإسـتضافة .. و خاصة أنها من العضوة المميزة (( زهور الريف ))

أعجبني الموضوع .. و أعجبني أسلوب الطرح .. <<< خلصنا بلا هذرة

بسم الله نبــدأ

- كم كان عمرك أول ما قرقعت ؟ و متى توقفت عن القرقيعان ؟

ج / أول ما قرقعت أعتقد كان عمري 6 سنوات .. و آخر سنة قرقعت فيها كنت في سادس <<< أصيييل

2 - مع من كنت تقرقع ؟

ج / كل سنة غير .. سنة مع عيال عمي .. و سنة مع صديق الدراسة .. و سنة مع بنات خالي .. <<< أيوه يا رجال العيلة يا قائد السفينة

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

ج / عادتي أول ما أطلع .. أبتدي بالفريج بعدين باقي الفرجان المجاورة .. و نروح بعييييد .. لجنووووب .

ج2 / أما عن متى أطلع .. فالعادة كنا نطلع من الساعة 2 أو 3 الظهر .. لأن ساعتها كان شتاء وباردة الشمس
<<<<< مساكين كلوها اللي يقرقعون هالأيام صييييف و حــر .. و النهار طويل

أما عن الرجعـة فكنا نرجع مع أذان المغرب <<< طماعين .. ما بقى فريج ما راحوا له
لأنووو النهار قصير


4 - هل كنت تلبس ملابس خاصة في القرقيعان ؟ و لاّ تلبس أي شي ؟

ج / ما أذكر إن كنت لبست لبس خاص .. لكن مهتمين للمناسبة .. و نلبس شيء جديد و حلو


5 - موقف صار لك في القرقيعان و لا يمكن أن تنساه ؟

ج / أخخخخخخخخ بس .. ضربتوا على الجرح .. بس رجـاءً لا أحـد يتطنز

فيه موقف أحد السنوات .. يوم كنت مع بنات خالي .. على اني قائدهم .. كنا راجعين للبيت خلاص .. منهكين من الطريق ..
الله يكرمكم فيه بلاعة كانت مفتووووحة و محطوط فوقها خشبة خفيفة .. و أنا كنت أمشي و أسولف و لا حاط بالي .. شوي !!!! كانت المصيبة .. طحت
.. نصف جسمي داخل و نصف جسمي بره <<<< أمحق قائد

بس أشوة البلاعة ما كانت مفوضة .. ساعدني واحد من الشباب المؤمنين و قمت .. و بالاخير

طااااحت طبجة من انعالي .. <<< الله يكرمكم

و صار يمشي هالقائد برجل و رجل

بس لا أحد يتطنز


6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

ج / أحسن شيء البطاطس و الربيان .. و أحب الشغلات المكيسة <<< مشكّل فيها كل شيء


7 - شنهي ردة فعلك لمّا تروح بيت ،، و ما يعطونك قرقيعان ؟

ج / عادي .. بس فشيييييلة


8 - شنو يوزعون بيتكم في القرقيعان عادةً ؟

ج / كل سنة غير .. بس أشوف الوالد مطيّح هالأيام بالبساكيت


9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

ج / مـعـــاذ الله أعملها <<<< شوي شوي



10 - بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟

ج / أنا بصراحة ما أطيج هالحركة .. و أحس انوو فيها قلة أدب <<<< عاد يا ويه استح

و بما اني ما أحب هالحركـة .. لذلك ما مرة سويتها <<< أبضــاي


11 - بعض اللي يقرقعون ،، يجيك و يقول عطوني قرقيعان لأخوي أو أختي ..
و لما تقول له وينه ؟ ليش ما يجي يقرقع معاك ؟
يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!
فما رأيك في هذي الحركة ؟ و هل سويتها ؟

ج / هذي الحركة بعد ما أحبها .. و لا عمري سويتها


12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

ج / و الله كل سنة لازم نعبي كيستين كبار <<< مالين هجر و الله كباااار

_ بعد شسوي فيها .. أكيد آكلها



13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

ج / شيء أكييييد أكثر شيء من أخواني <<< بس مسامحهم



14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

ج / الله .. أكييييد أتمنى ذلك .. و اللي ودي أسويه .. زي كل سنة



15 - مالدور الذي تقوم به في القرقيعان حالياً ؟

ج / بصراحة أتهرب من التوزيع .. بس أحوس على القــرى .. و أستمتع بمشاهدة المقرقعين



16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

ج / بــالتـأكيـد (( لااااااااء )) .. لأنوو ليها سلبيات .. و لا أعتقد أن هناك أي إيجابية في خروجهم


17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

هناك عادات جداً رائعة جديدة دخلت في السنوات الأخيرة و هي قيام بعض الشباب المؤمن بتوزيع الشربت على المارة
و بعضهم يقومون بتوزيع الكيك أو القرقيعان .. أنواع و أشكال

و هناكـ عادات سلبية .. يكفي ما تكلم عنه أخي المشرف (( زكي مباركـ )) في موضوع خاص بمنتدى الديرة ..



بس في سؤال نسته أختي (( زهور الريف )) <<<< خلصنا لا تقعد تتفلسف

س / هـل فكـرة الموضوع جميلة ؟؟؟؟

ج /بالتأكيد جميلة .. بــل راااااائعــة .. يعطيكـ ألف عافية أختي على الإستضافة .. و أتمنى اني كنت ضيف خفيف الظل عليكم


و كــل عــامٍ و أنتم بألف خير

تقبلوا تحياتي :

جـرح الفؤاد

 

 

[تاروتية]

أنا جيت .

1- كم كان عمرك أول ما قرقعت ؟ و متى توقفت عن القرقيعان ؟
لا أذكر .

2 - مع من كنت تقرقع ؟
مع أخواني .

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
مافي خطة معينة بس نطلع نبدأ بالقريب ثم البعيد .
يعني نمشي مرتبين من النمل .

4 - هل كنت تلبس ملابس خاصة في القرقيعان ؟ و لاّ تلبس أي شي ؟
لازم تكون جديدة وحلوة .

5 - موقف صار لك في القرقيعان و لا يمكن أن تنساه ؟
ماصار لي شئ غريب .

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟
الحلويات والشكولاته .

7 - شنهي ردة فعلك لمّا تروح بيت ،، و ما يعطونك قرقيعان ؟
أقول بخيلين .

8 - شنو يوزعون بيتكم في القرقيعان عادةً ؟
مصاصات / علك / شبس / بسكويت / جلو / حلاوة .

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟
تعرفون في تاروت عندنا القرقيعان الليل فقط , فما في فطور .

10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟
ما حبها , لا ما أسويها أستحي >> يعني لو ماتستحي كان سويتيها ؟ لا حشى لله .

11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها ؟
يالله مسكين متنغص على اخوه والخير واجد .

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟
كيس وأحياناً كيسين .

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟
ما حد يقدر عليً , أسرق ما أنسرق .

14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟
ليت الشباب يعود يوماً لأخبره ماذا فعل المشيب .

15 - مالدور الذي تقوم به في القرقيعان حالياً ؟
أوزع , وتجمع لبعض الأهل .

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟
أي خلهم يتونسون .

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
نعم / المهرجانات والأحتفالات الكبيرة في الشوارع وجميع مناطق القطيف وضواحيها .
بشكل عام إجابية ولكن سلبيتها أزدحام الشوارع وأطلاق النار , ورفع أصوات الغناء من بعض الشباب في السيارات .

/

( كريكشون حلاوة ناصفة / أعطونا الله يعطيكمـ بيت الله يوديكم )

 

 

[زهور الريف]

أآحساآس قاآتل

اقتباس يغدون عيالهم ههههههههههه ايه هين نفطر أيام زمان ماكنا نعيش التطور والنصيحه الجميله فـ يكون ضغط من الاهل بالتخويف والترهيب

أها قول جذيه من البداية
والله قمت أشكك أقول معقولة ناس يفطرون في رمضان

اقتباس ماشاء الله صور رائعه ياليت يصير عندنا قلت بجي عندكم هالسنه بس ماسمحت الظروف أن شاء الله يكون عندنا أو نجي عندكم كلا واحد

الحمد لله أعجبتك الصور
يلا إن شاء الله السنة الجايه تروح القطيف

وسط النخيل

اقتباس زهـور الريــف الموضوع , نـتـمنى مواصلته إلى ما بعـد أيام العـيد والصور بصراحة طيـبة حـيل .. يا ريتها عـندنا ( الولد مقـتـهر )

إن شاء الله أخوي
والحمد لله إن الصور نالت أعجابك

 

 

[تاروتية]

بعض الصور من قرقيعان القطيف لقهر وسط النخيل .
وإن شاء الله أضع موضوع مستقل به الكثير من الصور التي تخص قرقيعان القطيف وتاروت .

 

 

[زهور الريف]

الدانة

اقتباس عصير بارد والعطش حده وشـ شعورنا تتوقعين ؟! عطونا اياه ونطلع من بيتهم ومشو البنات ونخليهم يمشون قداااااام واحنا ورى متعمدين ووناخذ العصير ونشربه كله ونفتك ونستريح

لو أنا معاكم كان شاركتكم في شرب العصير ما ألومكم

اقتباس طيبه كأني عطيت واحد مدري ثنين

مو طيبة وبس إلا حيل طيبة

اقتباس أعطي اللي عنده كيستين وأخوه صغيره مايعرف يشيلها ممكن واحد عطيته بعد جهد وجهيد وقال لي أسم عمته وبـ الذمه بعد

حرام عليش ما سوت عليهم هالبطاطس

اقتباس أممم واجد حتى نحطه في كرتون الظاهر كيستين كبار اذا ما خاب ظني أو أكثر , خلاص ناكله

ماشاء الله
هذا قرقيعان ولد مو بنت
.,.
جرح الفؤاد

اقتباس فيه بلاعة كانت مفتووووحة و محطوط فوقها خشبة خفيفة .. و أنا كنت أمشي و أسولف و لا حاط بالي .. شوي !!!! كانت المصيبة .. طحت .. نصف جسمي داخل و نصف جسمي بره <<<< أمحق قائد بس أشوة البلاعة ما كانت مفوضة .. ساعدني واحد من الشباب المؤمنين و قمت .. و بالاخير طااااحت طبجة من انعالي .. <<< الله يكرمكم و صار يمشي هالقائد برجل و رجل بس لا أحد يتطنز

بموت من الضحك>> لا تضحكين زهور ترى يصير لش هالموقف
يلا تكبر وتنسى وهالنعال فدوه عن عمرك يولي
أهم شئ سلامتكم

اقتباس / و الله كل سنة لازم نعبي كيستين كبار <<< مالين هجر و الله كباااار _ بعد شسوي فيها .. أكيد آكلها

أوووه ماشاء الله
وزع علينا عاد

اقتباس ج / بصراحة أتهرب من التوزيع .. بس أحوس على القــرى .. و أستمتع بمشاهدة المقرقعين

مثلي أتهرب ما أحب أوزع
بس أحب أشاهد من بعيد لبعيد

اقتباس بس في سؤال نسته أختي (( زهور الريف )) <<<< خلصنا لا تقعد تتفلسف

تفضل أخوي أسأل بس لا تتفلسف واجد

اقتباس س / هـل فكـرة الموضوع جميلة ؟؟؟؟ ج /بالتأكيد جميلة .. بــل راااااائعــة .. يعطيكـ ألف عافية أختي على الإستضافة .. و أتمنى اني كنت ضيف خفيف الظل عليكم

ما تقصر والله
هذا من ذوووقك الراقي
وكانت الرحلة معاك مميزة
.,.
تاروتية

اقتباس تعرفون في تاروت عندنا القرقيعان الليل فقط , فما في فطور

أي والله حظكم
يليت احنا زيكم
.,.

اقتباس ما حد يقدر عليً , أسرق ما أنسرق .

بل عليش
ينخاف منش بروح أخش قرقيعاني

اقتباس بعض الصور من قرقيعان القطيف لقهر وسط النخيل

يؤيؤ توتة ليش جذيه
أنا حطيت صور قليلة علشان ما أقهر الولد زود كافي القهر اللي فيه
مسكين وسط النخيل من وين يلاقها منش ولا مني
.,.
ماشاء الله الصور روعة
ننتظر موضوعش
.,.
سعدت بحضوركم أخواني
يعطيكم العافية

.,.

 

 

[زهور الريف]

نستضيف في هذي الحلقة كلاً من : 1 - الغريب 2- شموخ إمراة 3 - DHYM

 

 

[الغريب]

كل الشكر على استضافة الغريب معكم في هذا الموضوع الخفيف

اقتباس 1 - كم كان عمرك أول ما قرقعت ؟ و متى توقفت عن القرقيعان ؟

لا أتذكر بالتحديد ولكن ربما في الخامسة أو السادسة وربما توقفت في سن الثانية عشرة.

اقتباس 2 - مع من كنت تقرقع ؟

مع الأصدقاء

اقتباس 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟

الذهاب لبيوت الجيران والأهل ثم بعض البيوت المجاورة وليست البعيدة جداً ثم العودة.

اقتباس 4 - هل كنت تلبس ملابس خاصة في القرقيعان ؟ و لاّ تلبس أي شي ؟

ثوب أبيض

اقتباس 5 - موقف صار لك في القرقيعان و لا يمكن أن تنساه ؟

لا أتذكر المواقف

اقتباس 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

جميع ما تم ذكره

اقتباس 7 - شنهي ردة فعلك لمّا تروح بيت ،، و ما يعطونك قرقيعان ؟

ربما شعور بالخيبة

اقتباس 8 - شنو يوزعون بيتكم في القرقيعان عادةً ؟

ربيان وبسكويت وبطاطس

اقتباس 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

لم أصوم حينما كنت طفلاً

اقتباس 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟

حركة حلوة لكني لم أفعلها

اقتباس 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟

شقاوة وبراءة الأطفال لا حدود لها

وأنا لم أفعل هذه الحركة.

اقتباس 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

ربما ثلاثة أكياس ، ويتم وضعها في البيت لتأخذ نصيبها من الأكل تباعاً

اقتباس 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

لا

اقتباس 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟

ذكريات الماضي والطفولة الكل يتمنى عودتها ، ولكن ....

اقتباس 15 - مالدور الذي تقوم به في القرقيعان حالياً ؟

آخذ ابنتي الصغيرة لكي تقرقع

اقتباس 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

لا أؤيد ذلك ، فهو خاص للصغار فقط

اقتباس 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟

القرقيعان بحد ذاته فرحة كبيرة ، وكل عام نرى فرحة الأطفال

فقط الفشخرة التي لا لزوم لها والمبالغة لدى البعض في القرقيعان.









وفق الله الجميع

 

 

[إحساس دمعة]

يعطيك ِ العافيه زهور الريف

بالحيل أستمتعنا بأأجوبة الاأعضاء

اقتباس أعطي اللي عنده كيستين وأخوه صغيره مايعرف يشيلها ممكن واحد عطيته بعد جهد وجهيد وقال لي أسم عمته وبـ الذمه بعد

يؤيؤ شدعوا عأد مأسوت عليه شكله ندم
ماراح يسوي الحركه مرة ثانيه ككك



نتنضر بقية الأعضاء

وفقكم الله }

 

 

[DHYM]

السلام عليكم ...
اولا اعتذر لي تأخير في رد على الموضوع لي ظروف مـاا ..!

ثانيا اشكر زهور الريف جمعت قصص الاعضاء في القرقيعان ماذا يحصل جمعتها في موضوع واحد
الله يعطيك الف عافيه

1 - كم كان عمرك أول ما قرقعت ؟ و متى توقفت عن القرقيعان ؟
3 او 4

2 - مع من كنت تقرقع ؟
اخوي وعيال عمي وعيال عمتي وعيال الفريج .. كنا قروب واحد

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
خطتنا اووووه طويله خطتنا نطلع من الصباح ولا نرجع إلا المغرب >>بختصار ّ4 - هل كنت تلبس ملابس خاصة في القرقيعان ؟ و لاّ تلبس أي شي ؟
لا بس ملابس جديدهـ ..

5 - موقف صار لك في القرقيعان و لا يمكن أن تنساه ؟

اممممممم مااتذكر 6

6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟

ربيـان 7

7- شنهي ردة فعلك لمّا تروح بيت ،، و ما يعطونك قرقيعان ؟
نقول بخيليييين ...!!


8 - شنو يوزعون بيتكم في القرقيعان عادةً ؟
بطــاطس .!

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟
امممم اتوقع اول سنه قرقعت فيهاا ..!

10 - بعض اللي يقرقعون يروحون ويجوون على البيت الواحد أكثر من مرة ؟
فما رآيك في هذي الحركة ؟ و هل كنت تسويها ؟
امممم حركة انانيه بنسب لي .. انا ماااتذكر نسويهاا .! 11 - بعض اللي يقرقعون ،، يجيك و يقول عطوني قرقيعان لأخوي أو أختي ..و لما تقول له وينه ؟ ليش ما يجي يقرقع معاك ؟يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟
اممممم اختي واخوااني معااي .. في القرقيعاان يعني ما سويتهااا زالحين انا اعطي إلا يقولون لي كذا ..!

12 - كم كانت حصيلة القرقيعان اللي تجمعها عادةً ؟ و شنو تسوي فيها ؟
اوزع منها اشوي والباقي في بطني .! 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

اكييد في داخل المنزل 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟
امممممم نفس قبل و\ي اقرقع كان قرقيعاان قبل احسن من الحين بكثير .!

15 - مالدور الذي تقوم به في القرقيعان حالياً ؟
اوزع نص النهاار وباالليل دواره مع الشباب بالسياره

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟

اكيد بس كل وااحد يكون محترم نفسه لان هذه فرحة لنا كلنا صغير كبير 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
اممم الحين قام التنافس بين الجيران والاهل من الافضل يوزع في القرقيعاان والي يحط صورة بنته او ولده انا أيدها شخصيا لسبب الصوره راح ترمى في الزباله في الطريق ...

ومشكوره يا زهور الريف .. وسامحوناا التأخير .!

 

 

[أنثى مخملية]

كح كح <ادري طلعت الغبار من التاخير ههههه
اولا اشكرك زهور على هذه الاستضافه
واسفه على التاخير لاانشغالي بملكة اخواني

بسم الله نبدء وعلى بركة الله << بتخطب البنت ههههههه
1 - كم كان عمرك أول ما قرقعت ؟ و متى توقفت عن القرقيعان ؟

مااتذكر باالضبط بس الاكيد من 6وفوق

2 - مع من كنت تقرقع ؟
مع خالاتي وبنات خالاتي والاولاد اللي من قدي نتجمع كلنا سوا وبعدها نتفرق كل شخص يسبق الثاني علشان يحصل اكثر هههههه

3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟
والله مافيه شي معين نطلع من البيت ووين مانوصل نوصل

4 - هل كنت تلبس ملابس خاصة في القرقيعان ؟ و لاّ تلبس أي شي ؟
لا شي عادي واهم شي خفيف ومريح

5 - موقف صار لك في القرقيعان و لا يمكن أن تنساه ؟
كنت داخله مع اللي يقرقعون معاي ونسوني وراحو :@ ههههههههه
من خوفهم على القرقيعان لايخلص
6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟
كل شي حلو مافيه شي معين اهم شي اعبي الكيسه وتصير كبيره ههههههههه

7 - شنهي ردة فعلك لمّا تروح بيت ،، و ما يعطونك قرقيعان ؟

انقهر ههههههههه اقول تعبنا نفسنا وجينا على الفاضي نطلع ونسكر الباب < ينقال لهم مودبين هع

8 - شنو يوزعون بيتكم في القرقيعان عادةً ؟
عصير: بطاطس : حلاوه
تنويع يعني

9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟

وااايد بس باالخش هههههههه
ولاني مااتحمل التعب والمشي الكثير مو متعوده يعني

10 - بعض اللي يقرقعون يروحون ويجوون على البيت الواحد أكثر من مرة ؟

فما رآيك في هذي الحركة ؟ و هل كنت تسويها ؟
مو حلوه شبعه هي .....,,,


11 - بعض اللي يقرقعون ،، يجيك و يقول عطوني قرقيعان لأخوي أو أختي ..

و لما تقول له وينه ؟ ليش ما يجي يقرقع معاك ؟

يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !!

فما رأيك في هذي الحركة ؟ و هل سويتها .؟
اي والله استحي يطلبني ولااعطيه وهذا من مال الاامام الحسن عليه السلام واللي ينقص في ذاك اليوم
يزيد من غير ماتشعر


12 - كم كانت حصيلة القرقيعان اللي تجمعها عادةً ؟ و شنو تسوي فيها ؟

على حسب لاني ماكنت شاطره حيل احيانا كيسه او كيسه ونص ماتتعدى اكثر

13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟

يؤؤ ياكثرها ههههههههه14
- هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟
اي والله وناسه ياليت علشان اروح البيوت اللي ماكانو يعطوناا هع << شوف التفكير بس


15 - مالدور الذي تقوم به في القرقيعان حالياً ؟
التوزيع

16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟
الامر عادي وحلو في نفس الوقت
علشان الاطفال يحسون بفرحة القرقيعان ومنها يحافضون على العيال من السيارات وغيرها

17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟
البعض ايجابيه مثل وقت القرقيعان في الليل
والتوزيعات في الشوارع والمواليد
اما السلبيات شي قليل يذكر

زهور الريف الله يعطيك العافيه

وتسلمي على روعة الموضوع

دمتي