للبنات فقـــــط !! بدون خجل هل تفعلينها لو طلبها منك ليلة الدخلة؟؟

[ليت للقلب عين]

للبنات فقـــــط !! بدون خجل هل تفعلينها لو طلبها منك ليلة الدخلة؟؟

--------------------------------------------------------------------------------



السلام عليكم ورحمة الله وبركاته




الموضوع هو..


او خلوني انقل لكم هالقصه وبعدها نشوف الموضوع





كان مره فيه عريس قاعد مع زوجته

ودق الموبايل رد عليه العريس وصار هالحوار اللي كانت تسمعه العروس


الاتصال:الو السلام عليكم ورحمة الله وبركاته

الزوج:وعليكم السلام ورحمة الله وبركاته

الاتصال:مبرووووووك زواجك

الزوج:ليه ماجيتو القصر


الاتصال:ابد بس السياره تعطلت علينا وكان باقيلنا 200كيلو والحين وصلنا


الزوج:الحمد الله على سلامتكم عشاكم عندي الليله

الاتصال:لا لا انت عريس وهذي ليلة دخلتك

الزوج:على الطلاق بالثلاث ان عشاكم عندي بس كم عددكم؟

الاتصال:لا طلاق ولا حاجه خلاص حنا بالطريق وحنا 10

الحرمه خافت ترجع لاهلها من اول ليله

ودخلت المطبخ بفستان الزواج من الخوف

وطبخت وخلصت وتعشوا وراحوا الرجال

وكانت في المطبخ تغسل المواعين

نادها زوجها وقالها تعالي وجاته وقط عليها 50000

خمسين الف ريال هي ماصدقت وسألته من وين ؟

وقالها
السالفه انه هو واصدقاه متراهنين على ان العروس بتعشيهم ليلة عمرها

ان عشتهم بيدفعون له 50 الف

وان مارضت يدفع لهم هو 10 الاف


هي زعلت شوي وبعدين رضت




المقزه زي ما يقولون



هي الاجوبه على هذه الاسئله..


1\هل تقبلين ان تطبخين لزوجك يوم دخلتك؟

لحظه

من دون 50000


2\وكيف سيكون شعورك؟


3\وما هي الطبخه الي قد تكون في بالك الآن لتطبحينها له وتجيدينها كذلك؟


4\وهل ستطبخين له من نفس والا ؟


5\وهل ستحكين هذه القصه لاحد من اهلك او اصدقائك؟



بلا شك ان الكثير منكم يقول الآن

موضوع وهمي لان مافي زوج راح يقول لزوجته تطبخ ليلة الدخله..


احنا نقول خلونا نتخيل ... نتوقع .. نحط احتمال .... نجهز نفسنا لو صار


اتمنى من الاخوات وضع الاجوبه على الاسئله الخمسه السابقه..





في حفظ الباري

 

 

[سكون الصمت]

اقتباس السلام عليكم ورحمة الله وبركاته

وعليكم السلام والرحمه والبركه ,,,

اقتباس 1\هل تقبلين ان تطبخين لزوجك يوم دخلتك؟

بداية الامر أكيد بستغرب وبنقهر ,, بس مصيري بطبخ أبرك لي من إني أرجع لأهلي من أول ليله صح ؟؟

وبدون الخمسين الف اساساً هي ماكانت تدري عنهم وهذي هي طبخت بهم وبدونهم ,,

اقتباس 2\وكيف سيكون شعورك؟

مقهوووووووره ومستغربه ,,, بس تبقى ليله صعب نسيانها ,,

اقتباس 3\وما هي الطبخه الي قد تكون في بالك الآن لتطبحينها له وتجيدينها كذلك؟

اكيد الكبسه مع اني ما احب حقت البيت بس ماعليك بضبطها دام إنه أول مره بيذوق طبخي وأغلب الرجال يحبون الكبسه ,,

اقتباس 4\وهل ستطبخين له من نفس والا ؟

في البدايه اكيد لا بس بعدين بتقبل الامر الواقع ,,

اقتباس 5\وهل ستحكين هذه القصه لاحد من اهلك او اصدقائك؟

عن نفسي بسكت في البدايه بعدين عادي بصير اضحك كلما ذكرتها ,, والله لايحط أحد في مثل هالموقف ,,

~ ~ ~ ~ ~ ~ ~



أخي ليت للــقلب عيون ,,


موضوع جميل فيه من روح الفكاهيه والتسليه الكثير ,,


مدري شلون جا على بالكـ ؟؟


بس اذا عن القصه سمعت عنــها وقريتها اكثر من مره بس على الاسئله اول مره اشوف هالحركه


بس يالله كل شي يصير


اخــي ليت للقــلب عيون كما عهدتكـ مميز دوماً


فكن كذلكـ والى الامــــــــــــــــــــــام ,,



يعطيكـ ربي الـف عافيهـ



لكـ خالـــــــص شكري


,
,
,

 

 

[ليت للقلب عين]

ملاحظه مهمه

اتمنى من الجميع ان لا يتأثر بمن هو قبله وان يقرأ الموضوع ويرد عليه مباشره دون النظر الى الردود
وبعد الرد بإمكانه مشاهدة الردود والسبب كما ذكرت

لعدم التأثر بمن قبله..

 

 

[هذيان أنثى]

اقتباس بدون خجل هل تفعلينها

طيب راح نتجرأ اشوي ..

بس بعد مأرجع مرة ثانيه وبأقرب فرصه وأرد ع أسئلة الخجولات

لي عوده ..

 

 

[ليت للقلب عين]

اقتباس بداية الامر أكيد بستغرب وبنقهر ,, بس مصيري بطبخ أبرك لي من إني أرجع لأهلي من أول ليله صح ؟؟

اي صح وما عليها كلام بعــد

اقتباس مقهوووووووره ومستغربه ,,, بس تبقى ليله صعب نسيانها ,,

وليه عاد تنقهرين شالله حادك..

سويها اكشن.. عادي

اقتباس اكيد الكبسه مع اني ما احب حقت البيت بس ماعليك بضبطها دام إنه أول مره بيذوق طبخي وأغلب الرجال يحبون الكبسه ,,

الله وكيلك توني ماكل الكبسه ترتيب

تسلم يد الوالده

اقتباس في البدايه اكيد لا بس بعدين بتقبل الامر الواقع ,,

د
هههههههه

وهذي المره السنعه زي ما يقولون.

اقتباس بس اذا عن القصه سمعت عنــها وقريتها اكثر من مره بس على الاسئله اول مره اشوف هالحركه بس يالله كل شي يصير

بالفعل.

القصه انا ماخذها
بس الاسئله يسمونها..
نكهة ليت للقلب عين في منتدى الطرف..

سكون الصمت..

لا حرمنا من جميلك خيتي.

في حفظ الباري

 

 

[ليت للقلب عين]

اقتباس لي عوده ..

ونحن ننتظر هذه العوده.


في حفظ الباري

 

 

[هذيان أنثى]

وعليكم السلام والرحمة ..} ~
1

اقتباس \هل تقبلين ان تطبخين لزوجك يوم دخلتك؟ لحظه من دون 50000

ايه أكيد اني أقبل ..
علشان مايقول من أول طلب لها ماسمعت الكلام
مع إنه في هذه المواقف المطاعم عادله روحها ,,
بس شكله اللي في القصه حده بخيل أومخباه فاضي بعد مصاريف زواجهـ ..
وراح أطبخ من دون مقابل ,, لان خدمة زوجي مستحيل تكون بمقابل ,,
أشتري راحته وش فيها ..؟؟

اقتباس \وكيف سيكون شعورك؟

أكيد راح استغرب في بداية الامر وبعيش في وهم قصص ألف ليلة وليلة
بس بعدين مردي بستوعب الامر غصباً علي ..

اقتباس 3\وما هي الطبخه الي قد تكون في بالك الآن لتطبحينها له وتجيدينها كذلك؟

صراحه في هذا الوقت مثل ماقالت سكوووون [ الرز] ..
بس أنا ماراح اسوي [ كبسه] علشان ماتقعد على قلبهم وهم بينامون بعدها
راح اسوي [ رز ابيض مع دجاج مشوي واذا بغوا بطاطس مقلي] ..~<< اسهل واختصار للوقت

اقتباس 4\وهل ستطبخين له من نفس والا ؟

أنا قبلت بـ/ الاول لازم اطبخ من نفس ولا..؟

اقتباس 5\وهل ستحكين هذه القصه لاحد من اهلك او اصدقائك؟

الاهل ممكن ,, بس الاصدقاء [ لا] ومن سابع المستحيلات
عارفه الربع بياخذون القصه مطنزه
أما الاهل ممكن انهم يصدقون بعد طووول تفكير واستيعاب


ربي يعافيك ليت ع الموضوع النايس ..~
اتمنى يكون مروري خفيف ..~
see yoy ..

 

 

[درة العشاق]

الاجوبه
على هذه الاسئله..

اقتباس 1\هل تقبلين ان تطبخين لزوجك يوم دخلتك؟

اكيد لا
عرووس واول يوم تطبخ مايصير
لحظه

من دون 50000


2

اقتباس \وكيف سيكون شعورك؟

بقتهروبصيح
بطبخ الي يبي بس بزعل عليه لين تبرد الحره

اقتباس 3\وما هي الطبخه الي قد تكون في بالك الآن لتطبحينها له وتجيدينها كذلك؟

مدامني طابخه بطبخ له الي نفسه فيه

اقتباس 4\وهل ستطبخين له من نفس والا ؟

ماعتقد لانه مارعه اني تعبانه وقدرني وهذا بدال مايدلعني

اقتباس 5\وهل ستحكين هذه القصه لاحد من اهلك او اصدقائك؟

لا لانه مابي احد يتكلم عنه اوينتقده في نهايه هو زوجي مأرضى عليه

بلا شك ان الكثير منكم يقول الآن

موضوع وهمي لان مافي زوج راح يقول لزوجته تطبخ ليلة الدخله..


احنا نقول خلونا نتخيل ... نتوقع .. نحط احتمال .... نجهز نفسنا لو صار


اتمنى من الاخوات وضع الاجوبه على الاسئله الخمسه السابقه..
تحياتي واتمنى تكون اجوبتي واضحه

 

 

[ليت للقلب عين]

اقتباس ايه أكيد اني أقبل .. علشان مايقول من أول طلب لها ماسمعت الكلام

كلام رائع وجميل ايضا.

اقتباس وراح أطبخ من دون مقابل ,, لان خدمة زوجي مستحيل تكون بمقابل ,, أشتري راحته وش فيها ..؟؟

انزين احنا ما قلنا شي لا تعصبين بس

اقتباس راح اسوي [ رز ابيض مع دجاج مشوي واذا بغوا بطاطس مقلي] ..~<< اسهل واختصار للوقت

هو صحيح ان الكبسه لها نكهه ثانيه
بس لا تنسين الصالونه مع الرز
والا مندي وفكي حالك..

اقتباس أنا قبلت بـ/ الاول لازم اطبخ من نفس ولا..؟

بلا شك طبعا طبعا::

يعافيك ربي ويخليك..
جوله رائعه في ليلة زفافك..


في حفظ الباري

 

 

[ليت للقلب عين]

درة العشاق

الله يعطيك العافيه

واشكرك على صراحتك..


وحضورك المتميز

الي احس ان في احد لاحقك








في حفظ الباري

 

 

[سكون الصمت]

اقتباس وليه عاد تنقهرين شالله حادك.. سويها اكشن.. عادي

لا لزوم بنقهر تدري العروس تتعب ليلة زفافها يكفي من صباح الله وهي في هالمشغل ,,

اقتباس الله وكيلك توني ماكل الكبسه ترتيب تسلم يد الوالده

عليك بالعافيه ,, وتسلم يدها خالتي <<< يؤؤؤؤ صارت خالتها ,, اي لازم كل حرمه كبيره تصير خاله صح ؟؟

اقتباس بالفعل. القصه انا ماخذها بس الاسئله يسمونها.. نكهة ليت للقلب عين في منتدى الطرف..

اهااا ,,


خلاص اذا احتجت هالنكهه بطلبها منك في مواضيعي ,,


اخي ليتو ..

كما عهدتك ,,


مميز دوماً وراقي في مواضيعك ,,



يعطيك ربي الف عافيه .. ,,



مع خالص تحياتي

 

 

[ليت للقلب عين]

اقتباس اي لازم كل حرمه كبيره تصير خاله صح ؟؟

اي خبرك امي عمرها 100
هي بمثابة اختك..

وانتو ادرى خاله والا عمه يلا انتو اصلح

سكون.

الف شكر على التعقيب ..



في حفظ الباري

 

 

[سكون الصمت]

اقتباس المشاركة الأصلية كتبت بواسطة ليت للقلب عين اي خبرك امي عمرها 100 هي بمثابة اختك.. وانتو ادرى خاله والا عمه يلا انتو اصلح سكون. الف شكر على التعقيب .. في حفظ الباري

ام بما إنك كبري يعني امك تقريباً كبر امي ,,


وهذا اللي علّمونا اياه ابي وامي ,, مع التحيه << وناسه هالمسلسل ,,



لك خالص تحياتي ,,

 

 

[أنثى مخملية]

1\هل تقبلين ان تطبخين لزوجك يوم دخلتك؟

لحظه

من دون 50000

ممكن يحز في خاطري ان بدال مايدلعني وتصير ليله رومنسيه
واليوم الثاني نسافر باغيس ؛؛< متاثره الاخت با المسلسلات هع

طيب يقوم يقلبها لي طبخ ونفخ ولا واذا قال بعد يبي كبسه كملت حق البصل
علشان اللي يباركون لي يوم ثاني مايشمون ريحة عروس يشمون ريحة بصل ><

راح اتقبل بس راح اقلبها فوق راسه يوم ثاني
وحده رز ابيض ودجاج بس غيره مافيه حتى لو بيعطيني 100 الف

2\وكيف سيكون شعورك؟

بينكسر خاطري وبقول هذا اولها عزايم
وبتدلع اشوي وبكسر خاطره علشان يحن علي مره ثانيه ولايعزم الابا اذني

(( اصلا مين من المعاريس يحط العزبه والدجاج وغيره من اول الايام ))<<[COLOR="Teal"] جابتها من الاخر وارتاحت




3\وما هي الطبخه الي قد تكون في بالك الآن لتطبحينها له وتجيدينها كذلك؟
على حسب الموجود على اني مثل ماقلت ما اتوقع بشوف في الثلاجه الا الحلويات والكيكه
بحط لهم كيك وعصير

اسهل شي المندي او الرز الابيض مع دجاج مشوي


4\وهل ستطبخين له من نفس والا ؟

في البدايه بتثيقل الشغله بس بعدها برضى با الواقع وش اسوي بعد
اقلبها هواش من اول يوم ونكد
يوم لك ويوم عليك

يعني بطلع حرتي بعدين << مو سهله تفكر لبعيد ههههههه


5\وهل ستحكين هذه القصه لاحد من اهلك او اصدقائك؟

انا في البدايه لا ما اتوقع الا اذا هو الفضيح راح وقال قدام الكل يوم ثاني
[/COLOR]


الله لايجــــــــــــب ها اليوم كاشخه ومتحنيه واقطع بصل وطماط

مستحيل هههههههههههه


يسلمو ليت للقلب عين

تحياتي لك

وعقبال مانشوفكم انتو اللي تطبخون لنا اول ايام الزواج ههههههههه

مافيكم حنا لاتتعيرون

 

 

[هديل الشوق]

1\هل تقبلين ان تطبخين لزوجك يوم دخلتك؟

لحظه

من دون 50000

أكيد وبلا شك
2\وكيف سيكون شعورك؟

في غاية السعادة لأنها راح تكون أول طبخة يذوقها من ايدي
3\وما هي الطبخه الي قد تكون في بالك الآن لتطبحينها له وتجيدينها كذلك؟

على ذوقه وإذا ما قال راح اسويله معكرونة
4\وهل ستطبخين له من نفس والا ؟

من نفس أكيد
5\وهل ستحكين هذه القصه لاحد من اهلك او اصدقائك؟

يمكن

 

 

[ليت للقلب عين]

شمــــوخ..

اقتباس ممكن يحز في خاطري ان بدال مايدلعني وتصير ليله رومنسيه واليوم الثاني نسافر باغيس ؛؛< متاثره الاخت با المسلسلات هع

هذا الي اشوف ....

اقتباس راح اتقبل بس راح اقلبها فوق راسه يوم ثاني

شنو ستفيدين ؟ ..
مشيها وكبري بعينه اكثر واكثر..

اقتباس بينكسر خاطري وبقول هذا اولها عزايم وبتدلع اشوي وبكسر خاطره علشان يحن علي مره ثانيه ولايعزم الابا اذني

اكيد بس هالمره صارت من دون إراده..

اقتباس على حسب الموجود على اني مثل ماقلت ما اتوقع بشوف في الثلاجه الا الحلويات والكيكه بحط لهم كيك وعصير اسهل شي المندي او الرز الابيض مع دجاج مشوي

مو شرط ..
الاغلب يكون ليلة زواجهم البيت عامر ما يحتاج..

اقتباس انا في البدايه لا ما اتوقع الا اذا هو الفضيح راح وقال قدام الكل يوم ثاني

اذا ذكرها عند ربعه بالعكس راح يكون شي يفتخر به..

رغم اني ما اح ان الزوج يطلع اسرار بيته بــره..

شموخ إمرأه.

يعطيك العافيه

على وجودك الرائــع






في حفظ الباري

 

 

[ليت للقلب عين]

هديــل الشوق..


تعجبني هذه الثقه في جميع الاجابات..

ولكن الاهم من ذلك هو تطبيقه في حال حدوثه..

هديل الشوق.. اجوبه مختصره وسريعه وكأن هناك من يلاحقك ...


الا انها اعجبتني .. ^___^



لا حرمنا من هذا الوجود الرائع..







في حفظ الباري

 

 

[طيرشلوى]

يسعدلي مساكم

موضوع جميل طرحه وبصراحه انا واحد يمكن اسويها لانه انا واحد راعي مقاليط تجيني جماعه ولا شي اكيد زوجتي هي الي راح تطبخ ولا بخليها تطبخ ذبيحه مو مندي ومش حالك اخليها تبيض الوجه عند الرجاجيل اجل ها

بس بصراحه مو حلو الواحد يتحدى في مثل ها الامر ماحس لها داعي ابد تسوي حزازيه بين الزوجين

العفو على ردي لاني ولد ههههههاي

 

 

[طيرشلوى]

يسعدلي مساكم

موضوع جميل طرحه وبصراحه انا واحد يمكن اسويها لانه انا واحد راعي مقاليط تجيني جماعه ولا شي اكيد زوجتي هي الي راح تطبخ ولا بخليها تطبخ ذبيحه مو مندي ومش حالك اخليها تبيض الوجه عند الرجاجيل اجل ها

بس بصراحه مو حلو الواحد يتحدى في مثل ها الامر ماحس لها داعي ابد تسوي حزازيه بين الزوجين

العفو على ردي لاني ولد ههههههاي

 

 

[ليت للقلب عين]

طير شلوى,....


هلا بك وهلا بالرجاجيل..


حلفت عليك ان تقول تم وتقلط وتتقهوى



صحيح كلامك الي مثلك اصحاب عزايم وكذا.



لابد تتوفر لهم حرمه عليها نفس على الطبخ..



بس عاد ذبيحه مره وحده.... بتذبحها انت من اول يوم










طلة بهيه ونكهه خاصه يا طير شلوى..





في حفظ الباري