منتديات الطرف .. مع السلامة / زهرة اللوتس

[زهرة اللوتس]

السلام عليكم ورحمة الله وبركاته

اللهم صل على محمد وآل محمد ..














..

أستودعكم الله وأسألكم براءة الذمة ان كان بدر مني أي شيء يشين لأي أحد منكم







من العادات والتقاليد الخاصة للمسافر حرص العديد من الأقارب أو من الجيران ((والمعارف والأصدقاء)) فى الريف والحضر على السواء (( ويمكن تصير في المنتدى :D )) الحضور للسلام على المسافر قبل سفره ، ويقوم كل زائر بطلب دعاء المسافر له وخاصة اذا كان السفر لزيارة المراقد الشريفة ..



مراقد اهل البيت عليهم السلام



أختكم مسافرة لزيارة أشرف بقاع الأرض مكة المكرمة وزيارة مدينة الرسول الأعظم صلى الله عليه وآله .. يوم الأربعاء




( فياليت كلكم تسامحوني وتبروا ذمتي )




( يلا ماشفت احد سلـّم علي .. ولا أنا مااستاهل كيفكم مو عن شي بس انا رايحة لرسول الله )



حلوووة التخريعة صح ؟؟!! وجاية في آخر الليل بعد يعني كملت ..




أنا حطيت الموضوع من اللحين اذا احد فيكم وده يتهاوش ومنقهر علي يعني يبقى القصاص عادي ياخذ راحته .. :D

هههههه اذا فيه في ذمتكم قولوا .. !!!!







سأنقطع عن منتدانا الغالي منتديات الطرف للأسف .. فترة( كذا اسبوع وشوي )



( بس يظل في أهم وفيه مهم صح ولا لأ)


رســــــــــول الله هذا ...



اسال الباري عزوجل ان يرزقكم جميعا زيارة جميع المراقد المقدسه


والله بشتاق لهذا المنتدى واعضائه ومشرفيه ومشرفاته ومديريه ومواضيعه .. وكل شي


ماابقى أذكر أسماء كلكم غالين وغاليات ..






بس طلب صغيرون ( لاتنسوني في ذمتكم .. وأنا والله مابنساكم راح اذكركم وادعي لكم )




نستودعكم الله ونترككم في حفظه ورعايته

أختكم

زهرة اللوتس ..

مع السلامة ..

 

 

[أسوار البقيع]

سلام الولاء الممزوج بعطر الصلاه على محمد وآل محمد


حبيبتي وصديقتي الغاليه التي كانت ومازالت ونعم الصديقه التي تتمناها كل بنت لها


أوخيه سافتقدكِ كثيراً كثيراً .. سأشتاق الي سوالفك ومواقفك والي جلساتك التي لاتومل والي وقفاتك معاي دوماً


حقاً أنتي أنسانه رائعه وبل أكثر من ذلك


فما عساني أن أقول سوى حفظك الله بحق الذي قاصدته وبحق الأطهار المظلومين أهل البقيع


وبلغكِ مطلبك ومقصدك ومرادك بحق الزهراء


أوخيه حبيبتي وغاليتي أوصيكِ بي وصيه لا تنسيها


بلغي سلامي لي رسول الله ولي فاطمة الزهراء وقبلي عني أسوار البقيع وخصوصاً عند الممسك حيث أهنت وظربت .. ودعي عند وقفك قبال هذا السور أن الله يوفقني لما أقوم به وييسر أمري ويسهل علي .. وأنتي كما تعرفين لدي أختبار وهو صعب جداً ومصيري دعواتك أن الله يجعلني من الناجحين .. ويفك كل مسجون سجن ظلم



ونحن في أنتظارك على أحر من الجمر

محلله مبريه الذمه .. وفي حفظة وصونه قلبي



أختك :: كيــ أسوار البقيع ــان

 

 

[الغريب]

اللهم صل على محمد وآل محمد

نتمنى لكِ رحلة سعيدة وموفقة

لا تنسونا من صالح الدعاء

تروحين وترجعين بالسلامة إن شاء الله










وفق الله الجميع

 

 

[قلب طفلة]

ماشاء الله زيارة حته وحده


عليك بالف عافية ولا تنسينا من الدعاء


و يمكن يحالفك الحظ الوصول للروضه الشريفة


ادعي لنا بتغير الحال لأفضل باذن الله


وش اقولك انا بعد معزومة على زيارة ( حلوة معزومة ).. وما زالت


في قيد الدراسة ...

كل الموفقية لك خيه


وتروحين وترجعين بالسلامة


ببركة الصلاة على محمدوآل محمد

 

 

[لحن الروح]

اللهم صل على محمد وآل محمد

نتمنى لكِ اعمال وزيارة مقبولة ان شاء الله .

لا تنسونا من صالح الدعاء

يلا بلغناش الدعا والزيــارة

تروحين وترجعين بالسلامة إن شاء الله

 

 

[|[..استفانوس..]|]

يؤؤؤؤؤ وين على الله تروحين وتخلينا ..

تدرين شلون بصير نذله ألحين
ماني محللتك ولا مسامحتك بس بكيفي ولا تسأليني وش السبب ..


المهم عاد مايحتاج نوصيك ..

دعي علي عند النبي يمكن أروح ماتدرين


ع العموم ..


تروحين وتردين بالسلامه ..

طبعاً قبل لا تدخلين المنتدى نبغى الهديه سمعتي >>> طراره ومتشرطه






في أمان الله ..

 

 

[AL-NAQEEB]

زهرة اللوتس
.
.
اللهم صلى على محمد وآل محمد
.
.
تروحين وتجين بالسلامه
ولاتنسين الهدايا
للعضوات



تقبلوا تحياتي/
AL-NAQEEB

 

 

[أبو إلياس]

تروحين وترجعين بالسلامه


لا تنسونا من دعواتكم

 

 

[الساهرة]

افاااااااااا زهرة اللوتس تروحي ولا تعزمين ...
لا واسبوع واكثر يا الظالمه وانا قاعده اطر يومين خميس وجمعه اطرهم من ابو الاولاد نروح المدينة نزور النبي وصار له شهر يدرس الموضوع <<<<< حشا لو بتهاجر ما سويت كذا ...خخخخخ

المهم حبيبتي لا تنسي تنادين هناك والله مشتااااقه حدي ازور النبي صلى الله عليه وآله وازور البقيع واتنفس عبق اهل البيت الطاهر ...
يلا هنيئا لك وانتي تستاهلي كل خير قلبووو,,
ما ابي منك شي بس دعواتك حبيبتي ان ما تخلص السنه قبل ما ازور النبي
واذا مافي كلافة ابي فستان حق زواج اختي وشنطتين وعطر واحد والباقي كتبتهم برسل لش علاوي يجيبهم لش للبيت لان فيهم مقاسات جزم واسماء مركات بعض المكياج ...
وترجعين لنا بالسلامه حبيبتي

تحياتي
الساهرة

 

 

[أمجـَاد]

شذا شذا ..يالساهرة ..كان ضبطتيها في قائمة أفضل بعد ..!!

زهرة اللوتس بتروح مدينة رسول الله مو المملكة ولا الفيصلية


حبيبتي زهرة اللوتس ..

قلدناك الدعوة والزيارة ...

ولاتنسين تجطلين بالساهرة أدري انك ماعندك مال ابو الا جابها ..ولا ابوعيالها الا مليعها




مودتي,,

 

 

[قاهر المستحيل]

ايه والله لا تنسينا في الدعاء

ان شاء الله تروحين وتجين بالسلامة

ننتظر عودتك


لكم كل التحايا



والله ولي التوفيق ..،

 

 

[الحكم الخامس]

اللهم صل على محمد وآل محمد

نتمنى لكِ رحلة سعيدة وموفقة

لا تنسونا من صالح الدعاء

تروحين وترجعين بالسلامة إن شاء الله

 

 

[زهرة اللوتس]

أولا .. وعليكم السلام ورحمة الله ..

ثانيا .. والله ماتتصورو وش قد فرحت جيت من الجامعة وتوليت المنتدى ههههههههه

انتظر أوصل .. قلت اللحين كم رد بشوف ؟؟

بس الحمد لله ردودكم تجيب البهجة ..

يلا بسم الله نبدأ ..

اقتباس أوخيه سافتقدكِ كثيراً كثيراً .. سأشتاق الي سوالفك ومواقفك والي جلساتك التي لاتومل والي وقفاتك معاي دوماً

أهلا بكم خيه .. أسوار .. لاتقولي الله يخليك كذا .. ترى أنا صياحة .. بسرعة أصيح

واسم الله علي الى اللحين ما....

يعني ان شاء الله راجعة .. وأنا اكثر بشتاق لكم والله

اقتباس حقاً أنتي أنسانه رائعه وبل أكثر من ذلك

تدري لفتت نظري هالجملة .. قلت اللحين أعرف أرز الفيس

مشكوووورة أسوار والله من ذوقكم .. ولاتقولي كذا ترى نشوف حالنا بعدين ..

ومنا الدعاء وعلى الله الإجابة

ان شاء الله المرة الجاية نكون معكم متوجهين لزيارة غريب طوس

موفقين

 

 

[زهرة اللوتس]

مشرفنا .. الغريب ..

اقتباس نتمنى لكِ رحلة سعيدة وموفقة

مشكور والله يعطيك العافية

اقتباس لا تنسونا من صالح الدعاء

أكيد .... منا الدعاء وعلى الله الإجابة

والله من زمان ودي أعبر بس مو طالع الكلام .. لكم كل التقدير على ماتبذلوه في سبيل خدمة رواد هذا المنتدى ..

اقتباس تروحين وترجعين بالسلامة إن شاء الله

الله يسلمكم ويبلغكم زيارة المصطفى محمد ( اللهم صل على محمد وآل محمد .)


والله يوفقكم

 

 

[زهرة اللوتس]

مشرفتنا الغالية ** ولاية علي **

اقتباس ماشاء الله زيارة حته وحده

ه حلوووة هاللي تشوفي ..

اقتباس عليك بالف عافية ولا تنسينا من الدعاء

الله يعافيكم .. وان شالله وانتو بعد لاتنسوني ..

اقتباس و يمكن يحالفك الحظ الوصول للروضه الشريفة

ان شاء الله .. الله يسمع منكم بحق محمد .. اللهم صل على محمد وآل محمد

اقتباس ادعي لنا بتغير الحال لأفضل باذن الله

الله يوفقكم بيت مكة يوديكم .. يوديكم لأهاليكم هههههه قرقاعو السالفة :D

اقتباس وش اقولك انا بعد معزومة على زيارة ( حلوة معزومة ).. وما زالت في قيد الدراسة ...

يارب ياكريم تروحي .. تدري أنا سالفتي سالفة من شهر محددة اني بروح بس راحت علينا بسبب ضروف حتى قطعت الأمل الا أمس أمي الله يحفظها سوتها لي مفاجئة .. جيت من الجامعة الاتقولي جهزي حالك أنا حجزت للسفر .. والله اني فرحت حيييييييل هههههههه قصة حياتي

اقتباس وتروحين وترجعين بالسلامة ببركة الصلاة على محمدوآل محمد

الله يسلمكم .. واللهم صل على محمد وآل محمد


مشرفنا الفاضل ** روح الوحي ** .

اقتباس لا تنسونا من صالح الدعاء

ان شاء الله .. واذا قدرت وساعدتني ذاكرتي بدعي لكم ( باسمائكم المستعارة هههههه )

اقتباس يلا بلغناش الدعا والزيــارة

منا الدعاء وعلى الله الإجابة وابروا ذمتنا

اقتباس تروحين وترجعين بالسلامة إن شاء الله

الله يسلمكم بيت مكة يوديكم ..

مشكوووورين خية ولاية علي وأخوي روح الوحي

 

 

[زهرة اللوتس]

اقتباس يؤؤؤؤؤ وين على الله تروحين وتخلينا ..

خلاص ياشفافوووه أنا مليت من المنتدى مابقى كثر مامضى وانتي من أهله

ههههههههه وش جاب الجاب بس لاتلوموني لأني فرحانة

اقتباس تدرين شلون بصير نذله ألحين ماني محللتك ولا مسامحتك بس بكيفي ولا تسأليني وش السبب ..

هي شفافوووه غصب بتبري ذمتي .. يلا انا متى غلطت عليكم هااااا

هههههههههههههههه

اقتباس المهم عاد مايحتاج نوصيك .. دعي علي عند النبي يمكن أروح ماتدرين

ان شاء الله ومايحتاج توصين .. أنا في خدمتكم .. والله يبلغكم

ماتدري يمكن ينكتب اسمك من الزائرين وانتي في مكانك ..

اقتباس تروحين وتردين بالسلامه

..

الله يسلمكم عزيزتي ..

اقتباس طبعاً قبل لا تدخلين المنتدى نبغى الهديه سمعتي >>> طراره ومتشرطه

شي طبيعي .. بس اذا على كذا كملت الميزانية وراحت الخطة المرسومة .. ههههههههه

( بخيله البنيه ) والله ماتغلى عليكم حاجة اخواني أخواتي

حياك الله وكل يوم تعالي ومو تقطعين ..

مشرفنا الفاضل ×× AL-NAQEEB ××

اقتباس زهرة اللوتس

نعم ..

اقتباس تروحين وتجين بالسلامه

الله يسلمكم ويحفطكم ..

اقتباس ولاتنسين الهدايا للعضوات

خلاص الهدايا للعضوات .. وثواب الزيارة للأعضاء وش رايكم ؟؟ هههه

مشكووور أخوي وحياك الله ...

 

 

[زهرة اللوتس]

اخوي ** أبو إلياس **

اقتباس تروحين وترجعين بالسلامه لا تنسونا من دعواتكم

الله يسلمكم .. ويحفظكم .. وان شالله ماننساكم من الدعاء بناديكم كلكم جميع ..

مشكوووور

مشرفتنا العزيزة والغالية والفاضلة تستاهل صح ؟؟!!

** الســـاهرة ** بين قوسين أم مصطفى :D

اقتباس افاااااااااا زهرة اللوتس تروحي ولا تعزمين ...

هههههههههه والله توها تطلع هالزيارة وهاللي تشوفي جات مفاجئة من الوالدة الله يحفظها

اقتباس لا واسبوع واكثر يا الظالمه وانا قاعده اطر يومين خميس وجمعه اطرهم من ابو الاولاد نروح المدينة نزور النبي وصار له شهر يدرس الموضوع <<<<< حشا لو بتهاجر ما سويت كذا ...خخخخخ

هههههههههههههه ايييييه بظل واجد .. (بتزور النبي ونذله شلون تجي هذي ؟؟)

هااا مااسمح لش .. , المهم حاولي تقنعيه ترى بنروح ( رباعة ) على قولة الاماراتيين

يعني جمعة .. والله بنستانس حجزوا بس لايفوتكم ..

اقتباس المهم حبيبتي لا تنسي تنادين هناك والله مشتااااقه حدي ازور النبي صلى الله عليه وآله وازور البقيع واتنفس عبق اهل البيت الطاهر ...

اللهم صل على محمد وآل محمد يالله ياكريم ترزق أم صطوف تلين وتروح معي وتصير جنبي في السيارة ..

عدل كذا ؟؟!!

اقتباس يلا هنيئا لك وانتي تستاهلي كل خير قلبووو,,

مشكورة عزيزتي

اقتباس ما ابي منك شي بس دعواتك حبيبتي ان ما تخلص السنه قبل ما ازور النبي

ان شاء الله .. الله كريم ويعطيكم على قد نياتكم

اقتباس واذا مافي كلافة ابي فستان حق زواج اختي وشنطتين وعطر واحد والباقي كتبتهم برسل لش علاوي يجيبهم لش للبيت لان فيهم مقاسات جزم واسماء مركات بعض المكياج ...

عاد هنا الفاجعة الكبرى .. وهذي اللي ككنت خايفة منه هههههههههههه

امزح والله امزح .. يلا ماجا علاوي هذي أنا انتظر ...

اقتباس وترجعين لنا بالسلامه حبيبتي

الله يسلمكم يالغالية .. وابروا ذمتنا وسامحونا واستروا على ماواجهتوا ..

ههههههههه لاتلوميني جالسة أرددهم علشان بكرة ..

مشكوووورة عزيزتي ( ردة ً أخرى :D ) عاد انتي افهميها

..

 

 

[زهرة اللوتس]

الله سدرة المنتهى هنا ... !!!

مااقدر أعبر عن شعوري لما شفت مشرفتنا الفاضلة ** سدرة المنتهى ** موجودة .. فرحت حيييييل

مع احترامي لكل المتواجدين ...

اقتباس شذا شذا ..يالساهرة ..كان ضبطتيها في قائمة أفضل بعد ..!!

ههههههههههه خليها أختي ... تامر أم صطوووف كم أم مصطفى عندنا في ... ؟؟!!

اقتباس زهرة اللوتس بتروح مدينة رسول الله مو المملكة ولا الفيصلية

ايييييه صح هذي اللي أقووول .. أنا رايحة المدينة ازور والا رايحة الرياض ؟؟؟

انقلبت عليها ... هههههههه

اقتباس قلدناك الدعوة والزيارة ...

منا الدعاء وعلى الله الإجابة .. الله يحفظكم ..

اقتباس ولاتنسين تجطلين بالساهرة أدري انك ماعندك مال ابو الا جابها ..ولا ابوعيالها الا مليعها

هههههههههههههههههه ( أبو اللي جابها ) هذي كلمتي المفضلة .. :D

مشكووورة عزيزتي ... وبلغنا الله وإياكم زيارة جميع المراقد المقدسة

 

 

[زهرة اللوتس]

أخوي الرياضي :D (( سعـــــودي ))

اقتباس ايه والله لا تنسينا في الدعاء ان شاء الله تروحين وتجين بالسلامة

ان شاء الله ( الله ومحمد وعلي ) والله يسلمكم ..

وكذلك انتم لاتنسونا من دعواتكم لنا بالموفقية ..

اقتباس ننتظر عودتك

مشكور والله يعطيك العافية

اخوي الفاضل (( ولد نجد ))

اقتباس نتمنى لكِ رحلة سعيدة وموفقة لا تنسونا من صالح الدعاء تروحين وترجعين بالسلامة إن شاء الله

مشكوور والله يعطيك العافية .. والله يسلمكم ...


ان شالله مو ناسية احد فيكم .. بس من الأسهل نناديكم كلكم مرة وحدة ..

( منتديات الطرف )

الله يخليكم ويحفظكم .. والله يبلغكم الزيارة وتمنيت اشوف احد منكم يقول بيروح ..

حللوني وابروا ذمتي

موفقين

 

 

[يوزر سيف]

يووووووووووووة روعتينيه


بعد فكرت بتطلعين جان أنقهر واتهاوش معاج علشان ماتطلعين

من له نرد ومن كان اكثر واحد يرد علينا حرام والله كان الموضوع صج

بس الحمد لله مو صدق

عموما قلدناك الدعوة والزيارة أخوج

بس ها لا تنسينا من دعاج ترى والله محتاجين

ومشتاقين لمكة للمدينه سنتين مارحت الحمد لله على كل حال
أخوج مطهري