ارجو الانتبهاه ...

[فرج الله قريب]

بســــــم الله الرحمــــــــن الرحيم ...
السلام عليكم ورحمة الله وبركــــــــــاته ..
أمـــــــــــا بعد :.


بس حبيــت انبهكم عن موضوع وياليت الكل يسمع ويستفيد هي حركة تهكير( الايميلات ) والجهاز كمان وياخذ كل شي في الجهاز
وانا عااد صارت معي باأكثر من ايميل كان موجود عندي من الاهل وهو رجال عاطل ماعنده مشغله وقاعده يلعب على عيال خلق الله
واول مايدخـــــل يكلمك اول بدايه يسلم وبعده على طووول يقول لكم افتحووا الكام والصراحه هالايام منتشرة كثيرة وحبيت انبهكم بهذا الشي
والله يستر علينا وعلى المؤمنين ان شاء الله .....

 

 

[ست البنات]

يسلموا خيو على هالتنبيه
الله يكفينا شرهالنفوس المريضة
آمين

 

 

[إحسآإس قآإتل]

اللهم صل وسلم على محمد وآل محمد

يعطيك العافيه خيتو على التنبيـه بس ممكن تركزي أشوي
..
لا أحد يستطيع أختراق جهازك او سرقة أيميلك الا اذا أنتي سمحتي له بهالشي
أول شي حطي برنامج حماية بجهازك
ثانيا لا تستقبلي أي روابط أو تفتحيها أو ملفات من ناس مجهوله أو من ربعك الا اذا تشوفينهم ثقه
من مجرد ينسرق أيميلك أتصلي على جميع من تعرفينهم وخبريهم يعملوا حظر على الايميل المسروق
:
ناقصتك أشوية معلومات علشان تكون عندك خبره بالنت ومحد يقدر يخدعك أو يسرق أيميلك بهالسهوله
اذا وفرتي كل الحمايه للجهازك وللنفسك
هالشي ليس بجديد من اول مافتح الانترنت ودائم ننصح أنتبهوا وتعلموا كيف تحمون انفسكم
وطرق الحمايه سهله جدآ
..
قدمي بلاغ لـ أدارة موقع الهوتميل باسم الايميل المسروق علشان يوقفوا الحساب
..
الله يحفظك ويحفظ الجميع

 

 

[فرج الله قريب]

اشكرك اخوي احساس قاتل
على تفاعلك ومساعدتك معي
وانا كمان اعرف عشان ماينسرق بالسهوله لازم يتكون الايميل
من حرووف وارقام لان من الاصعب اسراقه اتمنى للكل الاستفادة
والي مايعرف يغير كلمة المرور انا مستعده اقوول الطريقه ... شكرا

 

 

[عزتي سمو ذاتي]

إنا لله ولله صار النت بعض الاوقات لعنة بسبب بعض الناس مشكور على التنبية

 

 

[وتين الورد]

اقتباس وانا كمان اعرف عشان ماينسرق بالسهوله لازم يتكون الايميل من حرووف وارقام لان من الاصعب اسراقه

مو صحيح هذا الكلام .. وكل ما فيه السالفه انو في برنامج
توضع في الايميل ويقوم بفك شفرة الرقم السري .. ويجيك الرقم بالكااامل
عساك تحطين اسماء الدينا كلها وارقامهم بكل سهوله يقدر يفكه ..

الله يكفينا شهرهم يارب ..

 

 

[إحسآإس قآإتل]

اللهم صل وسلم على محمد وآل محمد

لا خيتو ورود غلطانه بالمعلومات ماعدا الاول
..
نعم هناك برنامج أسمه التخمين لكنه بطيئ بالحصول على كلمة السر الذي يتكون فقط من أرقام أو حروف ساده
علشان تكون كلمة السر قويه لازم تحط أول شي فوق 6 حروف ثم أرقام ثم رموز الي هي (*&^%$#@! )
حاول تجعل كلمة السر خليط من الحروف والارقام والرموز
أتحدى أكبر هكرز يقدر يسرق أيميلك
..
الـحـمايـة
أنا أفضل الكاسبر على سائر البرامج كلها وأفضلها من ناحية المتصفحين بكثره والذين يحملون برامج
أو لهم تفاعل بالنت يستخدمون الكاسبر لانه قنبله بوجهة الهكرز لانه يكتشف أي تحرك بسهوله
صحيح فيه عيوب لكن العيب يجي من صاحب الجهاز اذا أستقبل ملف من أحد أو فتح صفحه مزوره
قد يعطيك أنذار أن الصفحه ملغومه وأحيانا يطلع لك مربع تحذير أن هناك باتش وصلك تقبله أو ترفضه
كذا تجبر البرنامج على فتح الباتشات بأذنك واذا تركتها هو يحذفها لوحدها
..
برنامج اخر والذي يعمل صفحات مزوره طبق الاصل لـ صفحة الهوتميل أو الياهو
أي موقع يطلب منك أسم أيميلك ورقم السري لا تضعه أبدا حتى لو تشترك موقع او منتدى لازم يكون موثوق
أو حط أيميل ماله قيمه عندك حق الاشتراكات بالمنتديات أو المواقع حتى لو انشرق بداله مليون
أهم شي ايميلك الشخصي تحاول تحميه من أي تطفل فقط خله للتؤاصل بين الاصدقاء والاهل وخل بريدك نظيف
من الرسائل العشوائيه يعني بعض أصدقائك أو الاهل يرسل لك معلومات مهما كانت حاول تعمل لها دليت كل مره
واذا فيها روابط مواقع أنتبه منها حاول تعرف مصدر الموقع عبر نسخه ووضعه في محرك البحث
كل الطرق نستطيع تلغيمها بروابط بالصور بالملفات بالصوتيات كل مايخطر على بالك
يقدر عليه بس أهم شي أنت وذكائك وحذرك من هالاشياء
..
موقع الهوتميل يعطي لـ مستخدمينه حماية قصوى بدرجة 100% بشرط أن يكون جهازك نظيف
حتى لو ماوضعت فيه برنامج حمايه وأبتعادك عن المواقع المشبوه محد يقدر يدخل جهازك
بس الان حنا في منطقة الغزو الالكتروني من قبل الخرفان بدل مايهكروا على اعداء المسلمين يهكروا على أنفسهم
:
أهم شي أعمل الاتي :
- كلمة سر قويه خليط من حروف وارقام ورموز مثل ماذكرت سابقا
- برنامج حمايه
- عدم فتح روابط مجهوله أو أستقبال ملفات مشبوهه حتى من الاصدقاء
- عدم أضافة أي أيميل مجهول حتى لو كان صديقكك ماخبرك وسوا لك مفاجاه أعمل له دليت وطيره علشان يتادب
اي شخص يؤد اضافتك يخبرك مسبقا ويعلمك باسم أيميله علشان تستقبله
- أعتمد على تسجيل كامل بيناتك الاساسيه بالحساب
- السؤال السري
- الايميل البديل
- رمز البريد
الايميل الثلاثي << طبعا مراح تعرفون شنو هذا يعني ماله داعي تعرفونه بس لي يحب النت مايقصر
..
اذا تبي تفتح بريدك أكتب (www.HOTMAiL.com) هوت ميل
الصفحات المزوره كثيره بدايتها مثالين :
hotfial
hotmeil
:
ركزوا بالحروف راح تجدوا حرف واحد أو اثنين متغير وهذه الصفحه مزوره وملغومه
اخيرا لازم كل شخص يدخل الانترنت يتعلم أشوية معلومات ويطلب مساعده من الاخرين
ويكتب كل شي بالدفتر مبدئيا لين ماتكون عنده خبره أهم شي مايكون هكرز
..
علشان أكون صريح معاكم نعم في طريقه سهله نقدر نسرق كلمة سر الايميل بسهوله بس لها شروط
اهم شي انت لا توفر هالشروط و اذا طبقت كل الاشياء لي فوق ما أحد يقدر عليك ابدا
واذا شفت الجهاز يخبص عليك والصفحات تتغير والشاشه تقلب أعرف ان في احد داخل جهازك
علطول افصل سلك النت اذا شابك بجهازك واذا واير لست اعمل اعادة تشغيل وافصل الكونكت
وافتح ايميلك على جهاز اخر مؤقتا واعمل بحث للفايروسات بجهازك لين تتطمن وقتها ارجع افتح ايميلك عليه
..
دمتم بؤد أخواني

 

 

[إحسآإس قآإتل]

للتوضيح فقط اذا كانت الصفحه مزوره أو ملغومه يعطيك مثل هالاشاره هذه
الدخول غير مسموح .. ممنوع الدخول
في معلومات بالمربع والسبب