قصيدة مشوار الحب والامال تابعت ادروبه باسم الكربلائي

[غزال الريم]

مشوار الحب و الآمال تابعت دروبه
قلب العاشق و الميال عبد لمحبوبه
بالمحشر يوم الخوف مغفورة ذنوبه
بولاية أهل البيت مقبولة التوبة


واضح طريق الإيمان و الواضح ما يتأول
لمن ينص القرآن لولا الله ما يتبدل
يوم الغدير المعروف آيات بيه تتنزل
معناها حيدر يا شاك مو رابع هو الأول
يا محلا براس الكرار تاج الإمارة
فاق البشر بآياته و سجل صدارة
للـ حبه و الـ والاه جنة مكتوبة بولاية أهل البيت مقبولة التوبة


اثنعشر إمام المرسول كل ساعة بيهم يحدي
و يعددهم بالأسماء من حيدر حتى المهدي
يا شاك كل شي مذكور غض البصر ما يجدي
بلياهم يا جنة تريد خلك صريح و جدي
اثنعشر إمام و تشهد كل المساند
عددهم لون تقدر كافي تعاند
بس عندنا هالأطهار اثنعشر محسوبة بولاية أهل البيت مقبولة التوبة


دروب النجاة و كل خير ينبع لطف من عندهم
ع الأمة صاروا أسياد و المصطفى سيدهم
الله رفعهم ع الناس لون دعوا ما يردهم
باب الشفاعة المقفول مفتاحه حطها بيدهم
محبتهم نور من الله تهطل علينا
و على بحور الأهوال حبهم سفينة
شمس و حاشاها بغيمات تبقى محجوبة بولاية أهل البيت مقبولة التوبة


من فطرتي لهذا اليوم ماضي بطريق الهادي
و أهل الإمام الأكرام هم عزوتي و أسيادي
بالأولى هم درب الفوز بالآخرة أمجادي
من كفهم أشرب كوثر و أروي دليلي الصادي
ربي يحشرني وي الآل شيعي بدربهم
لأني أقسمت بكل حال ما أنسى حبهم
حبهم أصل الإيمان مو حب لعوبة بولاية أهل البيت مقبولة التوبة<br /><br /> المصـدر: غزال الريم<br /><br />

 

 

[غزال الريم]

يسلموووووووووووووو

 

 

[خطاك ضيع غلاك...]

يسلمووووووو
انا بجد معجبه بهي القصيده

 

 

[وحــيد بدنيتــي]

اللهم صلى وسلم على محمد وآل محمد

يعافيك ربي على طرحك اللماسي تسلم يمناك على ماخطه قلمك اللامع

لاعدمنا طرحك الذوق يالغلا