لقيطه ! الله يسامحك يمه ..

[نبض الروح]

بليلة برد وبرق ورعد *** من خوفي بكت عيني
ولا أحد يحس فينــي *** أنا من لي أنا ويني
يايمه ليه تركتينــي *** بلا حسّ يدفينـــي


يايمه هانت دموعـي *** يايمه هانت سنيني
يادنيا وينهـا أمي؟؟ *** ليه يايمه تعافيـني؟؟
أنا ولدك أنا أنتي *** أنا ياكيف تنسيني ؟؟


أنا شسويت يايمه *** أنا شذنبي أنا شفيني
أنا غلطان يايمه *** أنا ياكيف بعتيني ؟؟
ياليتك جاهله يمه *** وبإيدك وأدتيــني؟؟


ياليتك قبل ما أحيى *** أنابجوفك قتلتينــي
أنا شسويت يايمه *** أنا شذنبي أنا شفيني
يايمه أحلف بربـي *** دعاء منك يحمينـي


يايمه ياترى وحشتك *** مثل ماأنتي وحشتيني
يايمه وينها عيونك *** من دموعي تواسيني
يهون عليك يايمه *** بلا أسم تخلينـــــي


أنا ساره أنا نوره؟؟ *** أنا كيف بتنادينـــي
أحس ببرد يايمه *** أبي صدرك يدفينــي
أحس بخوف يايمه *** أبي قلبك يغطينـــي


أنا شسويت يايمه *** أنا شذنبي أنا شفيني
حملتيني وسط جوفك *** وللوحدة رميتينــي
وكنت أسمع صدى *** نوحك يوم أنك ولدتيني


أبد ماهانت دموعك *** يوم أنك بكيتيـــني
يايمه أسألي سجودي *** بأعلى الصوت يدعيني
يايمه أسألي ركوعي = من حالي بيرثينـــي


يايمه أسألك أنتــي = الى يومك تحبينـــي
يهون عليك يايمــه ..*** بثوب العار تكسينــي
يهون عليك هالعالم = لقيط الدار يسمينــي


يايمه سامحك ربـي = يوم أنك شقيتينـــي
يايمه سامحك ربـي = يوم أنك خذلتينـــي
يايمه سامحك ربـي = على مر جرعتينــــي


يايمه أنتي مو أمي = أنا أمي ما تخلينـــي
ياأنتي أيه ياأنتي= أبي تنسي عناويــنـي
وأبي تنسين يــوم = أسود يوم أنك ولدتيني


وكل يومي أنا بدعي = لباس الصبر يكسينــي
وأنا مؤمن برب الكون = خلقني مايخلينــــي
وأنا مؤمن برب الكون = خلقني مايخلينــــي

مما ابكاني

منقول

 

 

[اول حب]

تسلم يمناك على النقل الرائع صحيح بكاء

الله لا يحرمنا من موضيعك ولا منك يارب

تقبل مروري على صفحتك الجميله بعد غيابي عليك بنتظار جديدك لا يطول

نبوض الى الامام دوم مو يوم الله يوفقك وين مارحت تحياتي لك اخوكـِ

 

 

[ابن الشهيد]

اللهم صل على محمد وآل محمد وعجل فرجهم وألعن اعدائهم

والله منقولك رائع الله يعطيك العافية

 

 

[وحيده كالقمر]

واااو كلامات روعه الله يعطيك العافيه على النقل الرائع

 

 

[الرونق]

بوح رائع واحساس عذب بين السطور ينقلنا الى عالم اخر بين خيال الكلمات
نبض الروح

..ارق التحايا لروحك

اختك الرونق