]| احساسكـ .. تحت المجهـــــر |[

[إشراقة أمل]

السلام عليكم ورحمة الله وبركاته ..}

اعضاء منتدانا الغالي..

عندي موضوع وان شاء الله يعجبكم..

وهو اني راح ادعي عضو على حسب اختياري..

والعضو اللي اختاره لما يخلص من الاجابه..

عالاسئله يختار هو عضو ويورطه بالورطه..

بحيث يرسل له رابط الموضوع برساله خاصه ..




اتمنى التفاعل وعساكم عالقوة..




في البدايه

عرفنا عن نفسك
اللقب/
هوايتك/

1-ضع مسج حب من اختيارك نبي نشوف ذوقك؟

2-اكتب مسج عتاب من راسك ؟

3-بعد الخيانة إنتهت رغبتي فيك .. و إن كنت تذكرنا ترانا نسيناك
(( وش احساسك لما يوصلك هذا المسج على جوالك وش راح ترد ))

4 لك وحشه ماهي لغيرك من الناس .. انت اللي .. بس .. اقدر اسميك غالي...!!
نبي تحط لنا رد على هذا المسج بمسج من احساسك

5-من هو فنانك المفضل ؟ وش الشيء اللي يخليه يكون قريب الي قلبك واحساسك؟

6_ شاعرك المفضل ؟ ومسج من اشعاره وقريبه الى قلبك واحساسك؟

7-نبي احساسك باللحظه هذه توصفه لنا بمسج ؟

8_الطيب أساسك و الفخر للي يماشيك ، و الذوق شخصك ، و يا سعد من هو يخاويك (احساسك لما يوصلك هالمسج ))

9-هل انت انسان حساس؟

10_ نبي تحط لنا صوره تعبر عن احساسك ؟

11-وش احساسك لمن تحط موضوع وتعبان عليه مره ويجي واحد يرد عليك يقولك(( يسلمو _ شكرآ ))

12-وش اكثر احساس تحسه بأيامك ؟

13-وبعد نهاية الاسئله وش احساسك الحين ؟


((تنبيه ))

لاتنسى اختيار عضو وتورطه بالورطه
ارسل له رابط الموضوع برساله خاصه

وضيفنـا الأول .. هو

|[ أول الغيث ]|







الفكرة منقولة بتصرف

 

 

[زهرة اللوتس]

إشراقة أمل ... و المجاهر ...!

حتّى الاحساس صار له مجهر ؟!

الحين مخترع المجهر فرحان حدّه .. في أحد يذكر معروفه ليل نهار ..


إشراقة .. أنا احساسي على شفا حفرة من الموت ... موقّل بين الوجود والعدم .!

يعني من الحين مالي في هالموضوع ..



في انتظار اول الغيس ...

تحيّة ....

 

 

[فيض المشاعر]

موضوع جميل وخفيف .. وما أدري أقول هنئيا لك على الورطة

وإلا الله يعينك ... في أنتظارك عزيزي أول الغيث ...



إشراقة أمل يسلموا على الطرح الجميل ...

 

 

[إشراقة أمل]

اقتباس المشاركة الأصلية كتبت بواسطة زهرة اللوتس إشراقة أمل ... و المجاهر ...! حتّى الاحساس صار له مجهر ؟! الحين مخترع المجهر فرحان حدّه .. في أحد يذكر معروفه ليل نهار ..

هذي الحسنـة الوحيـدة اللي سواها بحيـاته

وما تدرين .. يمكن بعدين ينسبون لي إختراع المجهـر ..

<<< يحلم القطـو ...

اقتباس إشراقة .. أنا احساسي على شفا حفرة من الموت ... موقّل بين الوجود والعدم .!

اقتباس يعني من الحين مالي في هالموضوع ..

هو لو إني أنـا اللي أختـار الأعضاء بكيفي ..

ما اختارك إلا أنتِ بعد غيثوو ..

بس للأسف النظـام .. كل عضو يختار اللي بعده ..

بس شكلي بقلب الدعوى .. وبخليهـا على كيفي

اقتباس في انتظار اول الغيس ...

على طاري غيس ..

ذكرتيني بغيث اللي في عصر الجنون ..

راح نص المسلسل وأنـا على بالي اسمه ( قيس ) ..

بعدين اكتشفت ان اسمه ( غيس = غيث )

اقتباس تحيّة ....

ولكِ مثلهـا

.
.

 

 

[إشراقة أمل]

اقتباس المشاركة الأصلية كتبت بواسطة فيض المشاعر موضوع جميل وخفيف .. وما أدري أقول هنئيا لك على الورطة

اقتباس المشاركة الأصلية كتبت بواسطة فيض المشاعر وإلا الله يعينك ...

الله يعينـه على الورطــة .. وهنيئاً للأعضـاء هالصيــدة ..

اقتباس في أنتظارك عزيزي أول الغيث ...

سمعت أول الغيث ..

يقول في انتظـــارك .. مو تتهرب ..

اقتباس إشراقة أمل يسلموا على الطرح الجميل ...

ويسلمو على المرور الجميــــل ..

سعدت بإطلالتك ..

وعقبى لـ ان .. نشوفك في هالورطـة

.
.

 

 

[زهور الريف]

مشكوره أختي أشراقة أمل على الموضوع الرائع

.,.
ويعطيك العافية
.,.
موضوع رائع يكشف لنا مدى أحساس الأعضاء
.,.
في أنتظار أخوي أول الغيث على أحر من الجمر ..
.,.

" إشراقة أمل "
سأتشوق لجديدك
.
.
.

 

 

[كاتمه جروحي]

مشكوره على الموضوع الرائع
يعطيك الف العافيه
&&كاتمه جرووووووووووووووووحي&&

 

 

[وردة الأحلام]

إنا لله وإنا إليه راجعون...

شركات المجاهر ما زالت تصدر لنا وأحنا الضحايا..!؟ <<أقول إشراقة بس أنتِ وش منصبك هناك عندهم.؟


أنا كل خوفتي يجي يوم وتقولين....وردة الأحلام تحت المجهر...!!!!!!!!!!! واخزياااااه..!!





ننتظر الضحية الأولى..


*_*

 

 

[أول الغيث]

عليكم السلام و رحمة الله وبركاته


أخواني أخواتي ،، أعتذر لكم عن هذا التأخير

و أشكر الأخت إشراقة أمل ،، على هالفناتق اللي ما أدري من وين تجيبها ؟!

و أشكر كذلك جميع الأخوة المشاركين في هذه الصفحة فرداً فردا

و أتمنى أن أكون ضيفاً خفيفاً على قلوبكم

اقتباس في البدايه عرفنا عن نفسك اللقب/ هوايتك/

عبد من عبيد الله


اللقب : أول العيث

الهواية : يمكن الرسم ..

اقتباس 1-ضع مسج حب من اختيارك نبي نشوف ذوقك؟

الذوق مشّ حالك ،، و لكن ..


عشقتك و ابتدا بي ليلل ،، و شفتك وانتهى بي حيل

يا عالم ها العشق لاوين بعد راح يوديني ؟!


أحبك من هنا للعمر ،، وأحبك من هنا لليل

أحبك لودروب الحب تكتبني وتمحيني ..

اقتباس 2-اكتب مسج عتاب من راسك ؟

من راسي ؟!.. أجل يبيلي 4 - 5 ساعات ،،

لذلك نستعين بالمحفوظ في الذاكرة ،، في كتابة كل الأشعار في هذه الصفحة ..


و أنا اعذرك لاغبت وأبطيت عني . .

مير اتصل بي واتصل بك ولا اجفاك


خلّك على خبري على حسن ظني ،،

لين الزمان الصعب يسمح بلقياك ..

اقتباس 3-بعد الخيانة إنتهت رغبتي فيك .. و إن كنت تذكرنا ترانا نسيناك (( وش احساسك لما يوصلك هذا المسج على جوالك وش راح ترد ))

طبعاً بقول في خاطري :


لا تأخذني بأقوال الوشاة و لم..

أذنب و لو كثرت فيّ الأقاويل


و الرد راح يكون بـ :


يا اللـي نســيتونـا ،، رحتوا وبعـتونا

وباسم الهوى اللي كان ،، صرتوا تسمّونا

حبنا اللي منكم راح ،، وباجـر تدوّرونا

دنيا و مـن يدري ؟ ،، كل شي يصير فيها

عشرة عمر و سنين ،، بلحظات نمحـيها !!

اقتباس 4 لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا المسج بمسج من احساسك

الله يـا كـبـر الـمـعــزة ويـا كبـر لهفـة حنيـنـي

أنـت حلـم فـي حياتـي وأنت من حقق مناتـي


والشـكـر لا مــا يكـفـي يـا وجـودي يــا غنـاتـي

الــغــلا لأهــــل الــغــلا والـجــزا لـلــي مـلــى ..

اقتباس 5-من هو فنانك المفضل ؟ وش الشيء اللي يخليه يكون قريب الي قلبك واحساسك؟

فهد الكبيسي ..

لأنه دائماً ما يحاكي "الروح " و يغوص فيها !!

اقتباس 6_ شاعرك المفضل ؟ ومسج من اشعاره وقريبه الى قلبك واحساسك؟

مبارك العنزي << يمكن مب مشهور


لا تتعب الراس بالدنيا ودوايرها

وابدا طريقك وخلّ الخطوة محسوبة


وإن كان ودّك تذلّلها وتصغرها

أحسن ظنونك وجدّد نيّة التوبة


والهيبة اللي في راسك لا تكبّرها

والراي رايك ولا تقدر تجي صوبه


ولا لا تغرّك سواة اللي يعبّرها

لاشك بكره تجيه الضحكة مقلوبة

اقتباس 7-نبي احساسك باللحظه هذه توصفه لنا بمسج ؟

غريب ومركبي حيران .. في بحر الدمع والأحــزان

بدور للفرح مرسى .. عسى قلبي الحزن ينســى


ألاقي الموج عم يقسى .. ويغرق مركبي الحيـران

غريب ومين يواسيني .. وطير السعد ناسيني ؟

اقتباس 8_الطيب أساسك و الفخر للي يماشيك ، و الذوق شخصك ، و يا سعد من هو يخاويك (احساسك لما يوصلك هالمسج ))

بحسّ بالرزّة اشوي يعني

و بقول : و الله زين لك مكانة و مقام عند البعض ..

اقتباس 9-هل انت انسان حساس؟

ها؟؟

آنا أشوف أني حساس ..

اقتباس 10_ نبي تحط لنا صوره تعبر عن احساسك ؟

اقتباس 11-وش احساسك لمن تحط موضوع وتعبان عليه مره ويجي واحد يرد عليك يقولك(( يسلمو _ شكرآ ))

بعض المواضيع لا تستحمل مثل هذه الكلمات

حيث تكون مواضيع لا إستعراضية ،، كالمعلومات أو الإعلانات

و إنما نقاشية أو قابلة للتعليق و إبداء الرأي ،،

و عندما أجد هذا النوع من الردود ،، أضع تصوراً يقول بأن العضو ربما لم يقرأ الموضوع و لم يعلم مالمراد منه

و ربما شارك فيه لزيادة رصيده من المشاركات فقط !!

اقتباس 12-وش اكثر احساس تحسه بأيامك ؟

الــحــيــرة ..

اقتباس 13-وبعد نهاية الاسئله وش احساسك الحين ؟

احساس و شعور جميل ،، لتواجدي بين أخواني و أخواتي

لكن سرعان ما ينعفس هذا الشعور ..

عندما أتذكر أن هناك شيئاً ما ينتظر أن أنتهي منه ،،

الله يعين بس ..

اقتباس ((تنبيه )) لاتنسى اختيار عضو وتورطه بالورطه ارسل له رابط الموضوع برساله خاصه

أوكي .. أجل نورّط :: زهور الريف ::

 

 

[زهور الريف]

اقتباس الله يـا كـبـر الـمـعــزة ويـا كبـر لهفـة حنيـنـي أنـت حلـم فـي حياتـي وأنت من حقق مناتـي والشـكـر لا مــا يكـفـي يـا وجـودي يــا غنـاتـي الــغــلا لأهــــل الــغــلا والـجــزا لـلــي مـلــى ..

عجبنـــي هـــذا المســج بحيــل ..

اقتباس الــحــيــرة ..

أدعي ربك يا أخوي أن الله يفرجها عليك وعلى المؤمنين

اقتباس أوكي .. أجل نورّط :: زهور الريف ::

يؤ شلون جذيه يا أول الغيث
على العموم كونوا بإنتظاري

 

 

[الغلآ]

ـأول الغيث ..
ـأحساسكـ ،، مرهف <<ليكبر رأسك>>..

شدعوى حافظ أشعار الدنيا<<ماعليك مني>>..

ـأن شاء الله نشووف أشوووي من رسوومآتك ..

والله يعينك زهوووووووور الريف ..

 

 

[زهور الريف]

السلام عليكم ورحمة الله وبركاته

سامحوني على التأخير بس حبيت أن أول الغيث يحق حقه من التعليق ..

كما أشكر أول الغيث على الأستضافة الجميله والمتعبه ..

.,.

عرفنا عن نفسك

اللقب/ زهــور الــريف

هوايتك/ الـرسمـ والتــلوين

.,.

-ضع مسج حب من اختيارك نبي نشوف ذوقك؟

قول { أحبك } يبتسمـ عالـــمـ خيــالى × ؛
واحلمـ أني مــالك . الدنيــا . لحالى
أشتري كل* النجــوم * من السمـــا ..+

وما أحلى (( وردة )) تشعر بـ الظمى .
.,.

2-اكتب مسج عتاب من راسك ؟

إنتظرتك ليه طولت الغياب
وأنت لامن غبت لحظات افقدك
جمرة اشواقي تناديك
بعتاب
كيف جالك قلب تنسى موعدك؟
سيد الإحساس حسك كيف غاب
كيف عن دافي شعوري يبعدك
وادري إنك ماتأخرت
بغياب
بس أناإللي دايم
أسبق موعدك

.,.
3-بعد الخيانة إنتهت رغبتي فيك .. و إن كنت تذكرنا ترانا نسيناك
((وش احساسك لما يوصلك هذا المسج على جوالك وش راح ترد ))

برحل عن دنيتك و بترك هواك
روح من قلبي روح الله معاك
يا بايع احساسي و ناسي هواي
فمان الله يا حب غالي بدنياي

.,.
لك وحشه ماهي لغيرك من الناس .. انت اللي .. بس .. اقدر اسميك غالي...!!

نبي تحط لنا رد على هذا المسج بمسج من احساسك

البلا ..اشعر اني مـا وحشتـك !
وانت والله كل شي بـك وحشنـي
كان صدرك ضاق من قلبي وبلشتك
والله ان الشوق لترابـك بلشنـي

.,.

5-من هو فنانك المفضل ؟ وش الشيء اللي يخليه يكون قريب الي قلبك واحساسك؟

ما عندي فنان مفضل لآني مو حيل مع الأشعار

.,.
6_ شاعرك المفضل ؟ ومسج من اشعاره وقريبه الى قلبك واحساسك؟

حامد زيد
وابتدت لحضة جفا ونتهت لحضة وصال
وأنطفى نور السعادة واحسب انه ضوى
ماتقبلت الفراق وما ليدي فيه حيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها
والعذاب اللي يذوب بعين من يفقد خليله
عندي اكبر من عذاب العين لو تفقد نظرها
لاحصل بالحب قسمة ولا جا لي مجال
غير اشوف معاند الجرح وعناد الدوى
ماهقيت ان السعادة خيال في خيال
.,.
7-نبي احساسك باللحظه هذه توصفه لنا بمسج ؟

الليله احساسي غريب..
عاشق وانا مالي حبيب
حبيت كل الناس لاموني..
حبيت كل احبابي باعوني
قلت احب الحب احسن ..
قلت احب الحب اضمن ..
لا احن ولا اتوه ولا بعد في يوم احزن
الليله غير ... شعوري غير ... اشواقي غير
.,.
_الطيب أساسك و الفخر للي يماشيك ، و الذوق شخصك ، و يا سعد من هو يخاويك (احساسك لما يوصلك هالمسج ))

بشعر بالفرح والخجــل

وبرد عليه

أغليــــ،،ــــك !!
وأغلي كل من يغليك ..
ويهون لاجلك كل درب مشيته ،،
بصبر عسى الأيام تسمح وألاقيك .. !!
وترد لي قلبي مثل ما خذيته ،،
وإلا أموت ويدفنوني بأراضيك ..
واهنى بروحك لو هي الروح ،،
>> ..،، ميـــــته ،،.. <<

.,.
9-هل انت انسان حساس؟

مزودة أشوي في الأحساس
.,.

10_ نبي تحط لنا صوره تعبر عن احساسك ؟

.,.
11-وش احساسك لمن تحط موضوع وتعبان عليه مره ويجي واحد يرد عليك يقولك(( يسلمو _ شكرآ ))

بفرح لآن رد على موضوعي حتى لو أن بس شكرا
بس بعض المواضيع ما يحتاج أن يكون فيه فقط كلمة شكرا
يكون فيها تعليق مثل المواضيع إلي تكون في قسم المجتمع
لآنها تطرح قضايا يعني على العضو أن يعلق على الموضوع ويطرح رأيه
ولو بشئ بسيط ..

.,.

12-وش اكثر احساس تحسه بأيامك ؟

بفرح لآني في عطله بس صار شئ وعكر على مزاجي
على العموم ما بخليه يأثر على عطلتي وفرحتي بأجازه
وبعيش الدقيقه والثانيه وبحاول أني أتنساه ..
.,.

13-وبعد نهاية الاسئله وش احساسك الحين ؟

أحساسي حلووو ورائع
.,.
لاتنسى اختيار عضو وتورطه بالورطه
ارسل له رابط الموضوع برساله خاصه

حابه أورط " وسط النخيــل "

 

 

[زهرة اللوتس]

ترتوووووب ... و الله ما تلعبُوا ... زهوور الريف وأول الغيث ...

اقتباس هو لو إني أنـا اللي أختـار الأعضاء بكيفي .. ما اختارك إلا أنتِ بعد غيثوو .. بس شكلي بقلب الدعوى .. وبخليهـا على كيفي

من زمان .. من سنة الغرقة ما رسلت لأحد رسالة لا على الجوال ... ولا على الإيميل .. ما اعترف بشي اسمه مسجات ...

و إن رسلت احسبي حساب إن الشمس ما أشرقت في بعلبك اليوم ...

و إذا رسلت ... كل رسايلي مواعيد و مناسبات .. بزيادة رسميّة

قلت لك الاحساس في جهة ... و مخي في جهة ... فلا شسمه وذاك

اقتباس راح نص المسلسل وأنـا على بالي اسمه ( قيس ) .. بعدين اكتشفت ان اسمه ( غيس = غيث )

عسسسى ؟؟!!

إلى يومش هذا توني أدري إن اسمه غيث ..!


إشراقة ... ( انشري ولش الأجر ) تحت الأبوب .. هاا قصدي تحت البيبان

تدري ... إن أول الغيث .. المُراقب ( الحذر الحذر ) ..!

في الأصل اسمه أول الغيس .. بس الخليجيين يسمّوه أول الغيث

،


في انتظار وصط النخيل

 

 

[وسط النخيل]

بسم الله الرحمن الرحـيم
اللهم صل عـلى محمد وآل محمـد
.
.

يا ساتـر
أنا صـج الحـين في منـتدى الطرف ؟ والا جالس في السجـن العـام ؟
يا أخي وش هـالبـلشة اللي بلشـتـوني فـيها .؟؟.

.


.
.


.

المذيع : العـضو وسط النخـيل ,
مرحبا بك في برنـامج .. متـورط فـي ورطة , وأهلا وسهلا فـيك
وسط النخـيل : يالله خـلصوني وخـلوني أمشي



المذيع : من هو العـضو الذي تـتمنى رحـيله عـن منـتدى الطرف ؟
وسط النخـيل : بالتأكـيد ( إشراقـة أمل ) .. الشرطي صاحب البلاوي كلها



المذيع : ومن هو العـضو الذي تمنيت أن لا تـسمع اسمه ؟
وسط النخـيل : زهـور الريف , هي اللي رفعـت القـضية ضـدي ,
وبلشتـني في الموضوع ..



المذيع : ليش انـت خايف .؟؟.
وسط النخـيل يجاوب بقـساوة : وشلون ما تـبغوني أخاف وأنا في هذه الورطة ؟؟




المذيع : كلها كم سؤال تجـاوب عـليهم وتمشي ؟
وسط النخـيل : واحـنا شنو اللي ضيعـنا أيام الدراسة غـير كلمة ( كم سؤال ) .؟؟.



المذيع : أول الغيث تورط ونجـح , وزهور الريف تورطت ونجحت
فليش أنت خايف من برنامج متورط في ورطة .؟؟.
وسط النخيل : شوف , أنا ما علي من أحد , أنا ما يهمني النجاح وبس
أنا اللي يهمني أني أجيب العلامة الكاملة , وأصير متـفـوق .
( على باله بـيعطونه جائزة التـفوق ) .



المذيـع : والله جـبناك تـتورط , وجـيت انـت ورطتـنا
وسط النخـيل : لا يكون تـفـكروني واحد بسرعة تلعـبون عليه ؟؟
( ما شاء الله .. شاد حيلك واجد يا وسط النخيل ) .



المذيـع : أي شي تـبغاه بنعـطيك اياه
وسط النخـيل : أبغاكم تـفـكوني من هالبرنامج , وتـطلعـوني براءة .
( مصدق روحه واجد )



المذيع : والنهاية يعـني .؟؟.
وسط النخـيل : النهاية , ما أتـكلم إلا إذا طردتوا إشراقة أمل ,
وجمدتوا عضوية زهور الريف , يا أخي كلام مو معـقـول هذا ..
( وسط النخيل .. تراك زودتـها ) .


.
.

تم نـشر هذا الحوار في صحيفة ( حـبـيـبتـي الطرف )

.
.


ما أدري
شنو أقـول لكم , بس صبروا عـلي شوي على شان أجاوب على الأسئلة
اللي ورطتـوني فيها , وزين إذا طلعتوا مني سالميــن ..

.
.



و س ط ا ل ن خ ي ل


.
.


.
.

 

 

[إشراقة أمل]

اقتباس من زمان .. من سنة الغرقة ما رسلت لأحد رسالة لا على الجوال ... ولا على الإيميل .. ما اعترف بشي اسمه مسجات ... و إن رسلت احسبي حساب إن الشمس ما أشرقت في بعلبك اليوم ... و إذا رسلت ... كل رسايلي مواعيد و مناسبات .. بزيادة رسميّة قلت لك الاحساس في جهة ... و مخي في جهة ... فلا شسمه وذاك

ول ول ول ول .. شدعووووى ..!

مع إني أدري .. إنك لو حـاولتِ .. بيطلع معك ..

وشي عدل بعد

.

اقتباس عسسسى ؟؟!! إلى يومش هذا توني أدري إن اسمه غيث ..!

من صججججججججججججك ..؟!

يا حليلــه غيثووه مع أخوه ..

ودي أشوف المسلسل تاني

.

اقتباس إشراقة ... ( انشري ولش الأجر ) تحت الأبوب .. هاا قصدي تحت البيبان تدري ... إن أول الغيث .. المُراقب ( الحذر الحذر ) ..! في الأصل اسمه أول الغيس .. بس الخليجيين يسمّوه أول الغيث

ولا يهمك .. دام إني الشرطي صاحب البلاوي كلهـا

أعجبك

.

أبشري

.

 

 

[إشراقة أمل]

زهورتــي ..

طلعتِ خطيرة .. مو أي كلاااام ..

.

خلاص أجل ..

أبيك تكتبين فيني كم بيت وإلا ما أستاهل ..؟!

.

رحلــة موفقـة عزيزتي ..

ونِعم الاختيار اخترتِ ..

جبتيهـا .. و حطيتيه في بالي .. للمجاهر الثـانية

.

شاكرة لك

.
.

 

 

[إشراقة أمل]

اقتباس يا ساتـر أنا صـج الحـين في منـتدى الطرف ؟ والا جالس في السجـن العـام ؟ يا أخي وش هـالبـلشة اللي بلشـتـوني فـيها .؟؟.

وأنـا أشوفهـا خوووش بلشـة

ولا فيه أحلى منهـــا ..

.

اقتباس المذيع: من هو العـضو الذي تـتمنى رحـيله عـن منـتدى الطرف ؟ وسط النخـيل : بالتأكـيد ( إشراقـة أمل ) .. الشرطي صاحب البلاوي كلها

الله الله الله ..!

الحين أنـا صرت راعية البلاوي .. حتى في المنتدى ..؟

أجل أبوي ما غلط يوم عطاني هالصفــة ..خخخخ

<<< الحين اللي يسوي جو .. يصير راعي بلاوي ..!

.

اقتباس المذيـع : أي شي تـبغاه بنعـطيك اياه وسط النخـيل : أبغاكم تـفـكوني من هالبرنامج , وتـطلعـوني براءة . ( مصدق روحه واجد )

المذيع ما بيصدق خبــر .. و بيطلعكـ براءة ..

هيهـات وسطووو

.

اقتباس المذيع : والنهاية يعـني .؟؟. وسط النخـيل : النهاية , ما أتـكلم إلا إذا طردتوا إشراقة أمل , وجمدتوا عضوية زهور الريف , يا أخي كلام مو معـقـول هذا .. ( وسط النخيل .. تراك زودتـها ) .

لا .. لا تقوووول ..

ترى واسطتك قويــة .. وأخـاف يفنوني من على وجه الخليقـــة ..!

.

اقتباس ما أدري شنو أقـول لكم , بس صبروا عـلي شوي على شان أجاوب على الأسئلة اللي ورطتـوني فيها , وزين إذا طلعتوا مني سالميــن ..

سعداء باللقاء أخي وسط النخيــــل ..

وأقول لك شي ..

احنا بنطلع سالمين منها بإذن الله ..

وهذا بفضل حكمتك .. و إبداعك اللا متناهي ..

وإذا جبت درجة التفوق .. ابشر بالجـائزة

.

ننتظر

.
.
.

 

 

[زهور الريف]

اقتباس ترتوووووب ... و الله ما تلعبُوا ... زهوور الريف وأول الغيث

صــــج
مشكوره وما قصرتي فكرت بتقولين بس أول الغيث ترتوووووب

 

 

[ليت للقلب عين]

يعطيك العافيه يا اشراقة امل.



موضوع جدا رائع وحساس وشاعري .



الله يعطيك العافيه على مواضيعك الحلوه.






اول الغيث.


ما شاء الله عليك اثاريك رئيس الهلال وانا ما ادري مع هالاشعار.


ربي يحفظك يا المحتار.






زهور الريف.

ماشاء الله تألق في الاشعار

وهيام في الحب.


الله يكون في عونك..






وسط النخيل..


المفروض تتعود على إشراقة امل.

من يوم يومها وهي على هالحاله

حاطه في كل واحه مجهر.






إشراقة امل.


الله يعطيك العافيه مره ثانيه خيتي.

















في حفظ الباري

 

 

[زهور الريف]

اقتباس المذيع : من هو العـضو الذي تـتمنى رحـيله عـن منـتدى الطرف ؟ وسط النخـيل : بالتأكـيد ( إشراقـة أمل ) .. الشرطي صاحب البلاوي كلها

هههههه حلوووه يا وسط النخيل في هذه أنا معاك صراحة

.,.

اقتباس المذيع : ومن هو العـضو الذي تمنيت أن لا تـسمع اسمه ؟ وسط النخـيل : زهـور الريف , هي اللي رفعـت القـضية ضـدي , وبلشتـني في الموضوع ..

هههههههه

بل بل حرام عليك عاااد

وهذا انا قلت لهم خففوا عليه الحكم إلحين

.,.

اقتباس المذيع : أول الغيث تورط ونجـح , وزهور الريف تورطت ونجحت فليش أنت خايف من برنامج متورط في ورطة .؟؟. وسط النخيل : شوف , أنا ما علي من أحد , أنا ما يهمني النجاح وبس أنا اللي يهمني أني أجيب العلامة الكاملة , وأصير متـفـوق . ( على باله بـيعطونه جائزة التـفوق ) .

هههههههههه

ما أعتقد تجيب مثلي في درجة التفوق أنا و أول الغيث

.,.

اقتباس المذيع : والنهاية يعـني .؟؟. وسط النخـيل : النهاية , ما أتـكلم إلا إذا طردتوا إشراقة أمل , وجمدتوا عضوية زهور الريف , يا أخي كلام مو معـقـول هذا .. ( وسط النخيل .. تراك زودتـها ) .

بل بل يجمدوني مره وحده

الله يسامحك لو ندري ما رفعنا القضيه

.,.

اقتباس ما أدري شنو أقـول لكم , بس صبروا عـلي شوي على شان أجاوب على الأسئلة اللي ورطتـوني فيها , وزين إذا طلعتوا مني سالميــن ..

أن شاء الله تكسب القضيه وأنا أخسرها

المهم أني أطلع منها سالمه >> لهدرجه وسط النخيل يخوووف