تصدقون ولا ما تصدقون ؟؟

[صريح جدا]

السلام عليكم ورحمة الله تعالى وبركاته
تحية طيبة وبعد ..طبعا قصتي غريبه وعجيبه ومستحيله وحتى انا ما اصدقها
القصه هي ..
اني كنت في يوم من الايام كنت امشي في الصناعيه اللي في الدمام اللي فيها
الشركات والمصانع ... المهم وانا امشي كان ابوي مطرشني اشتري ملف
ملف اخضر علشان اختي الصغيره بنسجلها في المدرسه طيب ؟؟
المهم وانا امشي بالملف ورايح البيت تتوقعون شنهو اللي صار ؟
اشوف واحد يركض وراي ويقول لي وقف وقف وقف انتظر يا اخ
انا خفت واستغربت وركضت من الخوف من هذا اللي يركض وراي زين ؟؟
وقمت اركض واركض واركض وهو وراي وراي يركض وماسك غترته علشان ما تطير من الهوى ( يركض بكشخته ) وانا اركض منحاش منه
المهم انا تعبت وهو تعب وقفت وهو وقف وبعدين خذنا نفسنا شوي من التعب
جلسنا شوي شربنا ماي وارتحنا وبعدين قال لي :
ليش ما وقفت لي ؟ قلت له انا ما اعرفك وخايف منك اول مره اشوفك وخفت
تموتني ولا تطقني ولا شي وانحشت ..
المهم قعد يضحك قلت له شفيك تضحك ؟ قال لي ليش اضربك ولا اموتك .؟
قلت له ما ادري عنك يمكن .. انا اقول كل شي جايز ..
قال لي لالالا .. انت ما عرفتني قلت له لا والله من انت ؟؟ وشتبي مني وشحقه
تركض وراي كل هالمسافه ؟؟ قال لي .: انا مدير شركة سابك ’’
وقمت اضحك عليه .. وقال لي انت مو مصدق صح ؟ قلت له لا مو مصدق
وقام طلع لي اثباته وطلع فعلا مدير شركة سابك .. واعتذرت منه على قلة الادب وضحكتي عليه .. وقال لي لالالا عادي عادي اضحك اضحك ولا يهمك
المهم بعدين قلت له خير شعندك ممكن اعرف ؟
قال لي : انت تدور على وظيفه ؟؟
قلت له : لا
قال لي : ليش شايل الملف وتدور الصناعيه اجل ؟
قلت له : هذا الملف شاريه حق اختي الصغيره بنسجلها المدرسه السنه هذي
وبعدين قام يضحك وقمت اضحك وياه
وبعدين راح هو الشركه وانا رحت البيت اودي الملف حق ابوي عشان يسجل
اختي الصغيره المدرسه ( الله يوفقها يا رب )
صدقتوا ولا ما صدقتوا,, شنها قويه شوي صح ؟ راح اخفف بعدين ...
قولوا لي رايكم في مدراء الشركات عندنا شي يجنن بصراحه اخر طيبه فيهم .

 

 

[أحلى ملاك]

أنا صدقت .. وشو ما صدقت ,,
بما إنها موجود في باب المرح ,,

يعني في حالة حيرهـ من أمرنا ؟!!

على العمومـ .. مشكور
على إنك ضحكتنا شوي ,,

أحلى ملاك

 

 

[ابوالزهراء]

لقد كتبت هذه الكلمات بقلبك
فوصل الى قلبي واحساسي بمآسي الآخرين من أبناء مجتمعنا المناظل من أجل لقمة الحياة الحرة

 

 

[شرقاويه]

كلك خفة دم
واكيد ضحكتنا
كيف مانضحك واحنا في ساحة المرح
تسلم يمناك

 

 

[شيعية وكلي فخر]

مادام انك اللي كاتبه لازم نصدق غصب طيب مشكووووووووووور

 

 

[رهين الهيام]

ههههههههههههههه

مشكور أخوي

اقتباس كلك خفة دم

ليه كم وزنه؟؟

هايمـ ....

 

 

[المميز]

أقـــــول


أخــي :: صريــح جـــداًًًً ::



من صجــك انت ؟؟!!!


و الله قـــــويـــــــة



الله يهديــــــك خـــفــف مرة ثــانــية و الله قــويــة ما تتصدق



بــس يــللا هالمــــرة بصدقــك لأنــك عضــو جديـــد و راح نعطيك فرصــة تجيب شــيء أقــوى المــرة الجايــة





تحياتي
------------
ا ل م م ي ز