البنات و النظرة الشرعية (( مواقف مظحكة ))

[أبو إلياس]

مواقف البنات كثيييييييييييره في هذا اللقاء





تقول وحده : انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من ورا
يالله وش أسوي ؟؟
جلست وأنا أقول لنفسي يالله وشلون بقوم ؟؟!!
وخطيبي جالس ماقام (( مستانس وش وراه )) وأبوي يناظرني والشرر يتطاير من عيونه وياشرلي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..
وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع فشششششششششششششش على غرفتي قبل لا يشوفني أبوي ويأدبني ...





والثانية تقول : أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..





والثالثة تقول : يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله )
وقام وقف قدامي وهو يردد(( ماشاء الله ماشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( ما شاء الله ماشاء الله ))





والرابعة تقول : أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
وناداني (( يامنيييييييييييييره تعالي شيلي الأغراض )) جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية واخوي يحاول يهديني ويقول : (( يامنــــــــــيره أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..




مواقف لا تنسي وتبقي في الذاكره



منقووووووووول

:floso: تحياتي العطرة :floso:

أبوإليــــــــــاس

 

 

[الرايق]

ههههههههههههههه حلوه مره

 

 

[habeeb]

هع هع هع هع هع هع
الله حاله
على العموم مشكور اخوي ابو الياس
هع هع هع هع

 

 

[الجازي]

برافوووووو
حلوة
ههههههههه

 

 

[زهرة اللوتس]

ههههههههههههههههه حلووووه حييييييل حلووووووه

في موقف بعد .. تعرضت له وحده .. تكسر الخاطر وتضحك في نفس الوقت ..

انشالله يكون لي عوده للموضوع واذكره ..

مشكور على الموضوع ..

 

 

[المميز]

اقتباس والثانية تقول : أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..

مسكين مو مصدق أنه شايف بنت

خلاص ما قدر يشيــل عيونه

بـس حلوة ذي (( لحظه .. لحظه .. أبغى واحد لو سمحتي )) >> الرجال لَبِـقْ




كل الشكر لك أخـي // أبو إليــاس //

على هذه الفكاهات و المواقف المحرجة و المضحة في نفس الوقت و التي لا تنسـى


الله يســـتر في يوم خطبتي وش بيصـــير



تحياتي
-----------
ا ل م م ي ز

 

 

[بسمله]

والرابعة تقول : أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
وناداني (( يامنيييييييييييييره تعالي شيلي الأغراض )) جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية واخوي يحاول يهديني ويقول : (( يامنــــــــــيره أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..

أهههههههههههههههههههههههههه
حلوه ذي

 

 

[جموح]

هههههههههههههههههههههههههههههههههههههه

وربي فطست من الضحك
مشكور خيو ابو الياس على الموضوع ال

دمت بود

 

 

[نجـــ سهيل ـــمة]

ههههههههههههه

موتني من الضحك

مشكور أخوي بوألياس

 

 

[أبو إلياس]

الرايق : غموض : الجازي : زهرة اللوتس : المميز : بسمله : الشاب الظريف : نجـــ سهيل ـــمة

الشكر الجزيل لكم أحبتي لمروركم اللطيف


وأدام الله هذه الضحكه والإبتسامه دائماً على محياكم


والله يعطيكم العافيه


تحياتي

اقتباس المشاركة الأصلية كتبت بواسطة زهرة اللوتس في موقف بعد .. تعرضت له وحده .. تكسر الخاطر وتضحك في نفس الوقت .. انشالله يكون لي عوده للموضوع واذكره ..

ونحن في إنتظار هذه العوده

ولكم جزيل الشكر



تحياتي

 

 

[زهرة اللوتس]

مشكور اخوي ابو الياس ..
ومن زمان انتظر ردكم .. اذا تبونا نذكر الموقف ولا لأ ..
وأول ماشفته .. كبست .. وهذا الموقف .. والله كسرت خاطري ..
وحده جا خطيبها يشوفها وطبعا هي بتموت من الحيا . المهم دخلت عليه وابوها كان موجود الا شويه ودخل خالها وبعدين عمها وبعد شوي يدخلون اخوانها كلهم وصار المجلس مليان ناس( وطبعا كلهم عيونهم عليها)
ومن يوم شافتهم كان بيغمى عليها . فكرت تطلع. راحت للباب ولقته مقفل
( مقفلته امها علشان ماتطلع)

طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله)

المهم ظلت واقفه شوي لما استوعبت انه في باب ثاني راحت تركض له تبي تطلع وبعد كم خطوه الا هيلا هوب وتطيح

طبعا هذي اللحظه البنت كان بيغمى عليها من الحيا وبس وصلت للباب واخيرا طلعت
وهي تسمع ضحكات الشباب في المجلس عليها .
..
مسكينة صح ...
في مواقف ثانيه وانشالله لي عودة ..

تحياتي .
زهرة اللوتس ..

 

 

[أبو إلياس]

هاهاهاهاهاها

عجبني الموقف

كشخه

بس الصراحه

نذاله فيهم

المفروض بالكثير ما يكون معاهم إلا واحد

أبوها أو أخوها

وإذا بدوووون أحسن .... خخخخخ

والله ما تنلام المسكينه





يعطيك العافيه أختي

زهرة اللوتس

على إضافتك لهذا الموقف

وأنا كلي شوق لعودتك بالمواقف الطريفه الأخرى

لا حرمنا الله تواجدك اللطيف دائماً معنا

والله يعطيك ألف عافية

تحياتي
أبوإليــــــــــــــــاس

 

 

[زهرة اللوتس]

اقتباس المفروض بالكثير ما يكون معاهم إلا واحد أبوها أو أخوها وإذا بدوووون أحسن .... خخخخخ

ههههههههههههههه هذي انت قلتها المفروض ...

بس الثانيه بدون أحسن ... لا لا لا مستحييييل ..


وهذي مواقف واتوقع آخر المواقف عندي وانشالله اذا لقيت بضيف على الموضوع ..
بتقول مصختها هذي .. !! انشالله تكون آخر اضافه ..

وحده جاب زوجها تمر وجلس يأكلها واستحت من رجلها تطلع

النواه قدامه .. قامت تبلع فيها وهو يعطيها تمر وهي تبلع (خبله)

وبعدين ودوها المستشفى . .. وش رايكم ..؟؟ !!


عاد هذا الموقف يوم الزواج مو مختص بالنظرة الشرعيه بس من لقافتي بذكره ...

ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لك لقمة ولا لقمتين .. والبنت تقول أبدا ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الماي يقول لها سمي خليه ينزل الاكل في بطنك وهي الي تتروع ... ( م )

بصراحه اول ما قريتها مت من الضحك وانا حبيت اهديها لكم ...
وآسفه على الاطالة والازعاج ...

تحياتي ..

زهرة اللوتس ..

 

 

[أبو إلياس]

هاهاهاهاهاهاهاهاهاهاها


أما الأولى من جد خبله
إذا هذي أولها الله يعين زوجها على تاليها

والثانيه
طلع رجلها فهيم
وعارف الدعوه
بس لو أنه صار نذل شوي
وشال الأكل معاه
وخلاها على لحم بطنها عشان تتأدب وتترك هالمستحى الزايد كان أحسن
خخخخخخخخخخخخخخخخخخ
أمزح طبعاً

تشكرات أختنا العزيزة زهرة اللوتس
على َضافاتك الرائعه
لا حرمنا الله من تواجد اللطيف دائماً

وإذا فيه زووووووووووود
فحنا في إشتياق لسماعه(( لا تقصرين ))


تحياتي
أبوإليـــــــــــــــــــــاس

 

 

[أسير الشوق]

هههههههههههههههههه
هههههههههه
ههههههههههههههه
ههههههههه
فطستوني من الضحك

لالالا خلاص ما أتحمل

مشكورين أخ أبو إلياس .. والاخت زهرت اللوتس

تكفون كثرو من هالنكت
تراها تصرقع من الضحك

أختكم أسيرة الشوق

 

 

[أبو إلياس]

حاضرين أختي أسيرة الشوق

ومنورين بوجودك دائماً


وتشكرات لمرورك اللطيف



تحياتي

 

 

[أبو إلياس]

وهذي بعد بعض القصص الطريفه ولكنها في أيام الزواج الأولى



فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!

:D :D :D :D :D

واحد تزوج على زوجته ( ومن الحرة اللي فيها )... جت في ليلة عرسة خذت ثيابه اللي بيلبسها ومسحت عليها قشر برشوم " والبرشوم فاكهه لها أشواك رهيبة وماتنشاف .

:D :D :D :D :D

فيه وحده تقول في اول ايام زواجي طلب مني زوجي ان افتح له علبة بيبسي .... قمت وفتحت العلبة قدام وجهه و.. يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وأنا أشوف هالموقف ..

:D :D :D :D :D

وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها

:D :D :D :D :D

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي





ودمتم بود

 

 

[زهرة اللوتس]

ههههههههههههههههههههههههه
حلوووووووووووووووه
شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها
هذي مسكينه والله العظيم مقدرة المعاناة اللي مرت فيها ...( شدعوه )

تسلم ابو الياس

شكلك بتخلي الموضوع وقف ( ههههه )
انا عندي مواقف المرة الجاية ادخل واذكرها

زهرة اللوتس

 

 

[أبو إلياس]

هلا والله بيك أختي زهرة اللوتس

السوالف في هالموضوع ما تخلص

اقتباس المشاركة الأصلية كتبت بواسطة زهرة اللوتس انا عندي مواقف المرة الجاية ادخل واذكرها

إن شاء الله ما تطول (( المرة الجايه ))


نحن في الإنتظار





تحياتي أبو إلياس

 

 

[قلب طفلة]

مواقف محزنة ومضحكة

شر البلية ما يضحك

ربي يكون في عونهم

الحمد لله ما حصلت معنا هذا المواقف

يسلمو ابو الياس