أسَأَلك باللي خلق قلبك .. اكرهنـي | روايـة ]|~

[إشراقة أمل]

ليّا إنشدو? النآس فـ / إحرص على الميم ،
. . . . . مآشفت ! مآقلت ! مآاوحيت ! مدري !!



لبنان - بيروت - الخميس - الساعه 4 العصر

فندق الهيلتون - الدور الاول

نجيد خلصي عاااااااااد يلاااااااا
نجود : يوووووووه نويف اكلي تبن والله ازعجتيني
نوف : طفشت يلا عاد .. نايف قال خلصو وقوموني
نجود باستغراب : اصلا اخوك هذا مدري كيف جاي ؟ بسم الله ما امدانا جينا الا حط راسه ونام ؟؟
نوف بقهر : لا ويقول كلها يومين .. كيف يومين وهو بنصفهم ناااايم ؟

نجود تكمل لبسها : اي والله

نوف : عطيتك وجه انتي بعد يلااااا عشان لما اكلمه أكون صادقه

نجود بتأفف : يووووو روحي قوليله يقوم خلصت فكيني

نوف تطلع مسرعه لنايف اللي نايم بغرفته بأمان الله وقمة الهدوووووء و الجوو اللي يساعد على النومه

نوف تفتح الباب بهدوء وجتها لفحة هوااااا بااااااارد من هالغرفة الظلمة : نايف ؟

نايف محتضن السرير : .........

نوف بهدوووء : ن ن نايف !!!

نايف ما يرد : ..........

نوف قربت أكثر : ناااااايف ؟؟


//
السعودية / الرياض




كيـف أبنسـى والريـاض لسيرتـي مثـل الكتـاب !
حافظتني بيت بيـت .. و حـي حـي .. و دوُر دوُر

مـن كثـر ماكنـت أدوّر فـي شوارعهـا جـواب
هو صحيح الحب أعمى ! أو عيـون النـاس عـور ؟!


قصر سلمان
غرفة بتول

....... : ههههههههه احلى وحده بالعرس ها ؟

بتول تلعب بتعليقة الجوال : ممممممممم ما فيها كلام ..

عبير : بس ما عمرك كلمتيني عن هذي اللي اسمها دانه !!

بتول : مادري وش اقولك بس هي ماهي مرره معانا .. يعني عادة حالها من الكبار ما تتنازل وتجلس معنا

عبير : اهااااااا .. ما احب هالنوعيه من البنات .. مادري ليه ما تعيش شبابها لاحقه على حكي وجلسة النسوان الكبار

بتول : وانا اقول كذا كمان .. بس من تعلمين ؟؟؟ اصلا حتى طلعاتها لوحدها بسم الله مادري كيف تنبسط ؟

عبير : لا ما اظن أكيد مع صاحباتها ..

بتول : اي صح صح دايم تقول طالعه مع صديقاتي مممممممم المهم ما علينا منها .. تجين العرس ؟

عبير : رجعنا لسالفتنا ههههههههههه اقولك لا هو عرسك ولا عرس اختك ولا عرس اخوك وش له تعزميني يا بنت الناس ؟

بتول : يووووووو انتي صاحبتي يعني لازم تكونين معي بالسراء والضراء

عبير : معركة هي ؟ ممممممم ماري وش اقولك بس اشوف الماما .. وبيني وبينك العرس كلن يتحكي فيه ما اظن الماما راح تطوفه ههههههههه

بتول بثقه : اي حياتي والله جناااااااان وترا الدعوات محدوده وانا علمتك

عبير : لا حبيبتي احجزيلي من الحين .. جيت والا ما جيت

بتول تبغى تكمل بس سمعت صوت ضرب الباب : مييييين ؟

ناصر يفتح الباب : تبوله ما شفتي (انتبه للجوال اللي بيدها ) وكمل تحكين مع نوف ؟

بتول ارحمته .. ما تدري وش تقول : ها ؟

ناصر انحرج : تبوله ما شفتي جهازي الثاني إن 95 ؟؟؟

بتول :لا ما شفته .. اسئل سعد عنه !!

عبير : من هذا ؟؟؟

ناصر وهو يسكر الباب : طيب


بتول بحزن : ناصر

عبير : وش في صوته متغير ؟؟

بتول : وش هذا عادته واحد من الربع ؟؟؟

عبير : هههههههههه لا يا حماره اقصد احسبه فارس ..

بتول : لا لا هذا ناصر ..


//


سعد جالس مع ولد الجيران ويلعب معه كوره بالحديقة

ناصر وهو حاط يده فوق عيونه يبغى يبعد الشمس عنه : سسسسسسسسسسسسسعد

سعد يأشر له وش تبغى ؟

ناصر : تعال ..

سعد : نعم

ناصر : وين جوالي الثاني ؟

سعد وملامح الخوف بانت بوجهه .. حط يده على فمه بصصدمه

ناصر : علامك ؟

سعد : نسيته فبيت خالي

ناصر : خالك من ؟

سعد : خالي فوااااااز والله نسيت

ناصر انعقدت حواجبه : الله ياخذ هالوجه ما تنعطى حاجه يالبزر (دخل القصر)

سعد رح يكمل لعب


/


بعد اذان العشاااااااء


آآآآآآآآه يا ظهرييييييييييي
أعوذ بالله من الشيطان الرجيم

أيووه فوق فوق .. أيوه هنااااا آآآآخ

كان أبو تركي نايم في الصاله والجوهره تدلكه

الجوهره ودها ان الالم كله بظهرها ولا تشوف ابوها حياااااتهاااااا يتوجع كذا .. : سلامات يبه ما تشوف شر

ابو تركي : الشر ما يجييك .. اقري عليه يابنيتي

الجوهره : ابشررر (جلست تقرا اللي حافظته وتمسح بيدها )

جت ام تركي وجلست : ها يا مبارك وين اللي وعدتني ؟

ابو تركي : وش وعدتك فيه ؟ خير الله يجعله خير ؟؟؟

ام تركي : انت قلت لي بتطلع تبوك تسأل عن تركي ؟؟؟ والا نسيت ؟

الجوهره : اي والله يبه .. تكفى ترا والله العظيم ماهي حاله .. أكيد فيه حاجه .. تركي ما عمره ابطى علينا كذا

ابو تركي يعدل جلسته : لا حول ولا قوة الا بالله العلي العظيم .. لا تفاولون على الرجال .. علامكم كذا ؟؟ تفاألوا بالخير تجدوه
هذا رجال وما عليه .. وهو قايل لنا من الاول ان عنده عمل بشركة بسيطه بتبوك كم شهر وراجع ..

ام تركي : وليه ما اتصل يطمنا ؟؟ ليه ؟؟؟

ابو تركي : عا ما تدرين عن ظروفه انتي .. وش يدريك عنها ..

الجوهره : ظروفه تخليه ما يقدر يرفع السماعه ويحكي معنا دقيقه وحده يطمنا فيها على حاله ؟؟؟

ام تركي : طيب ليه جواله مقفل ؟؟؟؟

ابو تركي طفش من هالكلام اليومي .. اللي فيه كافيه لكن كيف يسافر ويتركهم لحالهم ؟؟؟؟

ام تركي عارفه وش يفكر فيه : عزيز صار عندنا روح وانت متطمن

ابو تركي : وانتي عادته رجال ؟؟؟ الجوهره اسم الله عليها ارجل منه ..

الجوهره تشققت من جوا بكلام ابوها هذا .. حست انه يسوااااا كل كلمة مدح جاتها

ابو تركي بتفكير عميق : ممممممم انتو بس عطوني فرصه والقى حل واسافر له ولا يهمكم بس خلوني ارتاح الحين (طلع غرفته)


//


توه راجع من الشركة .. وجاه اتصال مهم مرررررررره .. وده ما يرد عليه لكنه مجبووووووووووور وش العمل ؟؟

صالح يتصل بك

خالد محتار لكنه قرر يرد على الرجال : ألو ؟

صالح برزانته : السلام عليكم
خالد : وعليكم السلام يا هلا والله .. كيف الحال ؟

صالح : طيب الحمد لله .. أخبارك ابو فيصل ؟ بشرنا عنك .ز

خالد : أبد كل شي بخير الحمد لله

صالح : اخبار فيصل واخوانه ..

خالد : الحمد لله كلهم طيبين .. عاش من سمع صوتك

صالح : عاشت ايامك .. وعدتنا باتصال بس سحبت علينا .. قلت اصير أحسن منك واتصل

خالد ما يحب اللف والدوران : والله يا صالح انت تعرفني .. انا ما اتأخرت عليك الا لأني ما عندي خبر أكيد
وعلمتك خلني انتهي من عرس اخوي و وتبشر بالخير

صالح : يا ابو فيصل ما بقى بالعمر كثر اللي راح .. وهالامور السرعه مطلوبه فيها .. خير البر عاجله

خالد سكته رد صالح : والله مادري وش اقولك !! باذن الله ما انت متزوج الا نوف بقدرة واحد أحد

صالح ارتاح شوي : الله يكتب اللي فيه الخير .. أتركك الحين ما اطول عليك تامر بشي ..

خالد : سلامتك يالامير

صالح : فمآن الله



//

/


نجود : من جدك انتي ؟؟؟ اوووووووف الوقت بالليل مصخت السالفه
نوف : وربي أكلمك جد .. اجي عند اذنه اصااااااايح ما يرد .. اسحب الفراش ما يرد ما يتحرك يخووووووووووف
نجود : ههههههههههههههه من جده هذا .. عاد اللي يسمعك يقول نايم بسابع نومه .. وهو ما أمداه دخل بثاني نومه

نوف : هههههههه مو بوقتك .. امشي نشوف الرجال وش فيه والله جد أكلمك انا قربت أخاف

نجود عامله حالها قويه : وش يخوفك .. يعني ما تعرفين اخوك ؟ اعلمك فيه ؟

نوف : يعني والعمل الحين ؟ وش السواة ؟

نجود بكلام طفولي : ممممممممممم مافيه الا نجلس عند بابه ونزعجه .. ان شاءالله نكسر الجناح كله

نوف : ما عندي مانع .. أهم شي أطلع طفشت ..



//

 

 

[إشراقة أمل]

غرفة ناصر ..

غير ملابسه - و راح للمرايه يضبط شعره - تعطر واخذ اغراضه وطلع

وهو نازل على الدرج سمع رنة جواله .. النظيف يتصل بك

ناصر يحط الجوال على اذنه ويثبته بكتفه : أرحب

سامي : قسم بالله انت مشكله ..

ناصر بابتسامه : الزبده وش تبغى ؟

سامي : وينك تاخرت ؟

ناصر : حنا ما اتفقنا على الساعه 12 ؟؟

سامي : الا

ناصر : والساعه الحين كم يا شاطر ؟

سامي : مممممممم المهم لا تاخر

ناصر : ابتلشت ها ؟؟

سامي : لا والله بس جالس مع الشباب وحبيت ازعجك .. ترا السهر هما تحلى الا فيك

ناصر : اقلب وجهك طيب هههههههه يالمنافق .. انا الحين طالع بيت خالي أجيب غرض واجيكم المجلس

سامي : سلام أجل

/




آه مــــن قـــلــبٍ تعـذب بالمــواجع والجـــروح
والمصـيـبـه خِـلـّـه الــلي بالمـــواجع جـــارحـه


شغل السياره ناصر .. وحرك على طول لبيت خاله فواز .. ما كان عنده مشكله انه يروح هناك او يقابل أحد لان فباله
نجود مو فيه .. وش له ارتبك .. وكان ناوي على طريقه يسأل السواق كم سؤال ..

شغل الاغنيه ورفع صوت المسجل عااااااالي

وشي طبيعي نوف وخيالها يجي ويروح .. بس ناصر فكر انه ما يهتم لنوف زي ماهي رايحه تنبسط وناااسيته وما هي بيمه
وطبعا ناصر أي قرار ضد نوف لو ايش ما يطبقه بحذافيره

مدرى هو آحسآسى بفقدى لغآلين..
وآقول بعد آللى رحل وش بقآلى..

دآم آقرب آحبآبى نسونى وسآلين..
وآنآ لو آنسآهم تنآسيت حآلى..

بين آلصبر وآلصمت وآلخآطر آلزين..
تجى مسآفآت آلمعآنى توآلى..

ومن كثر صدمآتى بنآس كثيرين..
صرت آتحرى صدمتى من آظلآلى..

وصل بيت خاله فواز .. ترك السياره تشتغل ووصل لغرفة السواق

ياااا محمد .. محمممممممممممممد

محمد : نعم بابا

ناصر : مممممم أمس وين يروح انت ؟؟

محمد : ؟؟؟؟؟؟؟؟

ناصر ابتلش فيه .. جلس يأشر بيديه : أمس انت وين يروح .. وين كنت ؟؟

محمد : ؟؟؟؟؟؟

ناصر وهو فاقد الامل : في أحد يقول حق انت ؟ ان انت كمخه ؟

محمد : ؟؟؟؟؟؟؟

ناصر غسل يده منه ما يفهم .. وبس يهز براسه .. طلع و دخل المجلس لقى خالــــــه فواز .. مع خالد : السلام عليكم

...... : وعليكم السلام

//


بيروت والساعه قربت لـ 11

نوف & نجود وضرب بالارض

نجود : نوف ناظري شكلك ههههههههههههههههههههههههههههه

نوف تضرب بالكعب عند باب الغرفة باجتهاد باين عليها : ههههههههههه كلي تبن ومو هذي فكرتك ؟

نجود ما تقدر تتكلم من الضحك : ههههههههههههههههههه بس مو كذا هههههههههههههههههههه

نوف : انا تعبت دورك

نجود قربت عند الباب وعطته ظهرها وجلست تطلع ازعااااااااج أكثر من نوف وبس تضحك

هنا فتح الباب نايف وبالغصب يفتح عيونه .. معصب مررررره ما يدري وش هالصوت : ؟؟؟؟؟؟؟؟؟؟؟

نجود تركت اللي بيدها وقامت عن الارض ووقفت بجنب نوف اللي واقفه ببراءه : ......


نايف رفع حاجبه وجلس يناظر فيهم : بالله عليكم انتم صاحيات ؟

نجود منحرجه مررررررررررره ،، بس نوف ميته من الضحك

نايف : الحمد لله والشكر جايب بزارين معي .. وش هالحركات ؟؟؟؟؟؟؟؟؟؟؟؟

نجود كل مالها تكره نفسها اكثر .. وتناظر بنوف اللي ميته ضحك

دخل نايف الغرفه وسكر الباب بقوه

الا النوم عند نااااايف أهم حااااااجه


/

نجود سحبت نوف بقوه ودخلو غرفتهم وسكرت الباب وحطت يديها فوق راسها : يوووو يوووووو يا فشلتي ..
حسبي الله عليك يا نوف حسبي الله عليييييييييييك

نوف : هههههههههههههههههههههههههههههههههههههههههههههههههه ههههههههههههههههههههههه

نجود : تضحكين يا نذله ؟؟؟ شفتي كيف حكى معي ؟؟؟

نوف : آآآآآآآآآآه ياربي .. والله ماني قادره خلاص

نجود : ياويلي .. كني مجنونه جالسه على الارض وطايحه دفش وضرب فيها .. ياويلي وش يقول عني ؟؟؟

نوف : ههههههههههههههههه نجيد يرحم امك خلاااااص فكرتك هذي موووووووووو ؟ ههههههه

نجود : الله ياخذني وياخذ فكري .. وش لون أبقايل وجهه ؟؟؟

//

//


طلع ناصر من المجلس بعد ما استأذن من خاله و من خالد بحاجه انه يجيب جواله ..
اول ما دخل وبعد ما تنحنح .. ما لقى أحد الا الريم تقلب في هالقنوات

ناصر بابتسامه : مرحباااااااااا يا بو الشبااااااااب

ريم توقف : اهليييييييييين نويصر كيفك ؟؟؟؟

ناصر : اصغر عيالك انا ؟؟؟

ريم : انت قلت لي ابو الشباب ؟؟

ناصر : وش يعني ؟ وحده بوحده ..

ريم باحراج : تقدر تقول كذا

ناصر : المهم اخبارك ؟ واخبارا لدراسه معك ؟؟

ريم : تماااااااام الحمد لله

ناصر : ورا البيت كذا ؟ وين الناس ؟

ريم تناظر بالساعه : الساعه 11 ونص بالليل وتقول وين الناس ؟ ابوي في المجلس وامي تلقاها تصلي الشفع والوتر
وفوفا ودودا نايمات و نجود مسافره و دانه بغرفتها وانا هنا وانت بعد هنا

ناصر فاتح عيونه ويناظر فيها : الله عليك .. وش له كل هالموجز ؟؟؟

ريم باستغراب + بلاهه : انت سألتني

ناصر : هههههههههه هي كلمة وتنقال .. وين الناس .. ما حلفتك بالله تعلميني كل واحد ومكانه هبله انتي ؟؟؟

ريم ناقده على نفسها : يقولون

ناصر : هههههههههه قلتيلي انتي هنا ها ؟

ريم باحراج : يوووووووو

ناصر : بسألك ريومه جوالي ناسيه سعد عندكم و

ريم تقاطعه : ايوه عندي .. انا حفظته لك هههههههههه

ناصر يحك راسه : الله يستر .. عساك بس ما فتشتيه ؟؟؟ بعدين تعالي يالتعبانه ورا ما قلتيلي انه عندكم ؟؟؟

ريم : والله نسيت .. يعني بالله عليك وش ابغى فيه من حلاته ؟ على الاقل لو حلو كان كشخت فيه عند صديقاتي هههههههههه

ناصر : هههههههه والله تعجبني الصراحه .. شكلي عطيتك وجه .. قومي جيبيه اخلصي ..

ريم راحت تجيب الجوال من فوق ..

ناصر يوقف : براااااااااافو على الشطوره جيتي بسرعه
ريم : اعجبك ههههههه تفضل

ناصر : دام فضلك .. (جا بيسألها عن أمس .. ومين اللي كانت طالعه من خواتها بس انحرج وطلع )
ياليتك سألت يا ناصر .. عشان تتأكد .. لكن سبحان الله قدر الله وما شاء فعل ..

//


بيروت

نوف ونجود يناظرون بكشخة بعض وبس يضحكون

نوف : حنا علامنا .. هههههههههههه

نجود : لان نايف سحب علينا هههههههه

نايف من برا : يلا يا بناااااااااااات

نوف & نجود طلعو يركضووووووووون : يلاااااااااااااااا

نايف باستغراب : خير ؟

نوف ونجود يناظرون فبعض : وش فيه ؟

نايف يناظر بلبسهم : وين اللي جاهزين وجاهزين ؟؟؟

نوف ونجود بعيونهم ضحكه : وش تبينا نلبس ؟

نايف وكنه بدا يعصب : من جدكم بتطلعون معي بهاللبس ؟ وش شايفيني ؟ سالم والا جدي سامي ؟

نوف بزعل : وش تبغانا نلبس نايف ؟

نجود بزعل اكثر : نطلع بعباية ولثام اووووووووف
نوف : ما لبسنا لثام بالرياض عشان نلبسه هنا .. نايف عاد لا تصير كذا

نايف يجلس بهدوء : ما قلت لك تغطي .. البسي عبايتك وشيلتك وامشي .. عاجبك كان بها ماهو عاجبك الحين نرجع الرياض

نجود دخلت الغرفة وهي معصبه .. هذا اللي ما حسبت حسابه
نوف تكلم نايف بهدوء مع انها عارفه عناده : نايف يا حياتي .. ما انت شايف أحد تعرفه .. بعدين وش يعرفهم انا سعوديات ؟

نايف : انتي عارفه انا هالكلام ما يمشي معي .. ادخلي البسي واطلعي .. لا تخليني اغير رايي ..

طلعت نجود من الغرفه بعباايتها وبابتسامه غريبه : يلا نوف حياتي لا تعطلينا

نايف : شفتي كيف ؟ هذي الناس الفاهمه ..

نوف مصدومه : ؟؟؟؟؟؟؟؟

طلعوا يتمشون على البحر .. وراحو لمطعم قريب (مانويلا) يطل على البحر ،، أكله جنان ..
ورجعو بعدها للفندق يرتاحون بعد هالمشاور المتعب . .



أضحك gأسـgلف gان لحقني سهر نمت
............................. لكن قسم بالله مآنيب طيّب ..~ْ}


:
:
:

 

 

[إشراقة أمل]

كان السفرْ غيمة .. وعنوان الجروح سكونْ..؟
وشبَّاك الأمل غفلة .. وصوتي مايناديني ..!

بقي في آخر إحساسي طفل مهما كبر مجنونْ
إذا جيت أنهره يغفي على صدري ويبكيني



/


/


يوم الجمعة
الصبآح



مـدري وش ـآكـتـبلـكـ ع شـآن تـقـرآ
مـآدآمـني مـآع ـدت قـآدر ـآكـلـمكـ

ـآهم شي ـآن ـآنت بشـعـوري ـآدرى
سوآء ـآع ـلـمـكـ ولآ مـآ ـآع ـلـمـكـ...



...... : خلاص يالغالية ماحنا متأخرين وان شاءالله اجيبها معي
الجده سلمى : يلا اجل فمان الله

ام سالم تنادي الخادمه : روحي نادي تبوله . صحيها

الخادمه : اوكي

ام سالم تناظر بالساعة اللي وصلت لــ 11 الظهر .. و استغربت ناصر .. !! اليوم تاخر للحين ما صحى من نومه
ابوه واخوانه طلعو لصلاة الجمعة .. معقوله كل هذا نوم ؟؟؟ ما عمره عملها .. طلعت فوق تصحيه

دخلت الغرفة وبدفاشة سحبت فراشة و شبت الانوار : ناصر !!!! وش هالنوم ؟؟؟
ناصر بصوت مش واضح : يمه انالالنتتخك
ام سالم : اليوم الجمعه علامك ؟؟ قم لحق عليهم
ناصر : آآآآه والله تعبان يمه .. (فتح قميص البجامة)
ام سالم : اسم الله عليك .. وش فيك ؟؟؟ (تساعده يجلس )
ناصر رجع وضرب راسه السرير بقوه من الاغماء : ......

ام سالم : نااااااااااااااااصر

ام سالم : بتوووووووووول يا بتووووووول
بتول توها صاحية من النوم وتبغى تدخل الحمام جت تركض لما سمعت صوت امها العالي : وش فيه ماما ؟
ام سالم : ن ناصر يا بتول مادري وش فيه ؟
بتول تصعد السرير بخفة وسرعه : ناصر ناصر (تحركه) لا ماما لازم الاسعاف
ام سالم : اتصلي على الاسعاف بسرررررررررعه انا اجلس عنده

بتول راحت تركض .. اخذت جوالها وجلست ترجف ياربي كم رقم الاسعاااااااااااف يااااااااارب .. ايوه اتصلت بسرعه و سكرت الجوال
فتحت الدولاب طلعت عبايتها وشيلتها ولبست الجزمه اللي قدامها وقالت للخادمة تجيب عباية امها
اما ام سالم ماسكته وتصيح وتبكي وحالتها حاله .. وبس تنادي عليه .. اول مره يصير مع ناصر او أحد من عيالها كذا ..
وصلت الاسعاف باستغراب من جيرانهم .. !!
دخلو ناصر السياره ولحقته امه وتبوله مع السواق ..
:
:

بيروت - مغارة جعيتا ..
احد العجائب .. اللي تتواجد فيها ابداعات الخالق سبحانه وتعالى
بعد ما تمشو في المغارة العليا .. قررو ينزلون تحت ويكملون جولتهم يها بس بالقواااااااااارب




الله عطآني من المهآبه والقبول ..
والله عطآن حب منهم حولي ..
براءه & خفه & زين .. عليهم الكل حسدوني ..



نجود : هههههههه والله وجهك ما يعطي براءة
نوف بخوف : انا اكره حاجه اسمها مويا .. والحين جايبين بهالقارب .. آه راسي احس دايخه
نايف : نويف بلا نصب .. ما فيك الا العافية ..
نوف : محد حااااااس فيني اسمع اصوااااااات
نايف : وش هالبزر
نجود : حياتي نويف لا تخربين الجو .. وشرايك نايف بعد ما نخلص تودينا لعالم المااااااااركات
نايف : وين يا ام الماركات
نجود : خخخخخخخ أبغى abc
نايف : وش هذا ؟ حضانة ؟
نوف : ههههههههههه لااااااا .. هذاااا سوق فيه أفخم الماركات
نايف : اهاااا يصير خيــــــر .. أهم شي نفتك من فساتينكم .. وبعدين اللي تبونه يصير

/

المستشفى ..
الدكتور : ما فيه الا العافية تطمنوا
ام سالم : طيب وش فيه يا دكتور ؟
الدكتور : هبوط في الضغط ..
ام سالم : طيب ليه صار معه كذا ؟؟؟
الدكتور بابتسامه عريضة : انا اللي مفروض سألكم ليه صار معه كذا ؟؟ الظاهر انه مضايقه شي .. عشان كذا هبط الضغط عنده
وهذا اللي خلاه يفقد الوعي ..
ام سالم : لا حول ولا قوة الا بالله ..
بتول : طيب يقدر يطلع معانا ؟
الدكتور باهتمام : أكيد يقدر .. الحمد لله ما فيه الا العافية ..
ام سالم : الله يجزاك خير بارك الله فيك
الدكتور : الحمد لله على سلامته .. انا وصيته ينتبه لصحته .. لانها اذا راحت ما ترجع .. وانتم بعد ذكروه بهالشي ..
خلوه ينتهي من المغذيات وياخذ الابره اللي وصيتهم فيها وبعدها توكلو على الله .. عن اذنكم
ام سالم & بتول : شكرا

/
ياليتني لا طحت لا طحت لا طحت
ماطيح عند اللى يسره مطيحـي

وفي زاوية الغرفة ناصر صحى فجأه .. ولقى حاله بغرفة مجهولة وحولينه مغذياااات .. قام بصعوبه .. بعد ما تعرف على المكان
سحب المغذي بقوه .. نزف دمه .. سحب فاين .. غطا الجرح .. لبس جزمته .. وطلع من الغرفة ولقى قباله امه
ام سالم بصدمه : علاااااامك ناصر اسم اله عليك
ناصر بعصبيه : من قالكم تجيبوني هنا ...
بتول بخوف : ناصر علامك ؟؟؟ انت كنت نا حس بالدنيا .. وش تبينا نسوي يعني ؟ نتركك
ناصر : ياليتك تركتيني .. انا مافيني شي .. لازم تخلوني مريض لازم ؟؟؟؟
ام سالم تمسك يده وبعينها دمعه تحاول تطلع : يا ولدي طلبتك ترجع .. انا مالي الا انتم ... ليه تسوي بنفسك كذا ليه ؟؟
ناصر يرجع باستسلام داخل ويتمتم بصوت ماهو مسموع : انا اللي ليه كذا ؟؟ والا انتم ؟؟ ياااااااربي فكني .. ياااااااااارب

ام سالم تهديه : اذكر ربك .. اهم ما عليك صحتك .. كل شي يروح الا الصحه (تقصد نوف)
ناصر ساكت ويناظر لاارض بانكسار ما قد حس فيه من قبل .. ليه أي حاجه تصير لي تجي فبالي نوف ؟؟؟ ليه انا هنا بالمستشفى ؟؟؟
وهي طالعه تمشى بأسواق لبنان و ماليه الضحكه فمها ؟؟ ليه انا جالس اعذب بنفسي وهي آخر من يعلم ليييييييييييييييييييه ؟؟؟
ياربي والله ماعاد اتحمل شي .. أحس راح أنفجر .. خذ روحي يارب ماعاد لي حاجه
أعوذ بالله يا ابليس ..
بتول تهمس لأمها باذنها : يمه يخوف .. تكفين اتصلي فـ بابا خليه يجي
ام سالم تأشر لها لاااااا

ناصر حس بدوخه ورجع بقوة بكل جسمه على السرير .. رمى حاله لا شعوريا ً .. : آآآآآخ
طلعت بتول بسرعه نادت النيرس وركبت له الدريب مره ثانيه .. وسحبت ايده بسرعه وعطته الابره وطلبت منهم يتركونه لي العصر ..
لانه فقد كثير من طاقته ..

بتول زعلت لانه كان مفروض يطلع معهم .. بس عناد ناصر .. خلته يجلس اكثر .. وبهاللحظه تذكرت بتول نوف .. وخاصة لما صار فيها نفس اللي صار بناصر .. وكل واحد منهم يتعب بسبب الثاني .. يالله وش هالعذاب .. وش اللي قلب حالهم ؟؟ سبحان مغير الاحوال وقلب القلوب ..
ليه يا نوف كذا ليه ؟ شوفي كيف صار أخوي .. ! كنه انسان جديد أول مره اشوفه .. واعرفه .. !! حرام عليك وش هالقسوه ؟

قدر الله ومآ شاء فعل ..

/

شركـ’ة سآمي السآمي وأبنائه ..
العصـر السآعه 3
أبو تركي : لا هنت يا بو سلمان ..
سالم يقهوي زوج خالته : ولا أنت .. يالله انك تحييه
أبو تركي : تسلم .. مأ تقصر .. بس بغيت أنشدك
سالم يجلس على المكتب : سم
أبو تركي : ليه تأخرو خوالك اليوم ؟ وجدك بيجي ؟
سالم : ممممممم بعد صلاة الجمعة يتأخرون لأنهم يتجمعون فبيت جدي طال عمرك .. وعلى الساعه 4 كذا يشرفون ..
والعاده أجي ونايف قبلهم ..
أبو تركي : آهآ .. وش راي أبدى على ما يجون ؟
سالم يأشر له : تفضل .. خذ راحتك المكان مكانك
ابو تركي : بارك الله فيك ..

/

قصـر الجد سآمــي ..
السآعه 3 ونص ..
....... : والله .. حنااااااا لناااااااا الله .. ماني بنوف والا نجيد ..
أبو راشد لــ ألمآس : انتي ما بغيتي تروحين .. فيه أحد منعك ؟
الجد سامي : اتركها اتركها .. هذي جحوده البنت ..
الماس بزعل باااااين بطريقة حكيها : لا والله ماني جحوده .. ما انكرت فضلك .. بس يا جدو ماهو عدل ..
الجد سامي بجديه : البنات طلبني وانا وافقت ولو انتي جايه معهن كان طلعتي معهن وين المشكله ؟
خالد يناظر ألماس بتوعد : .....
ألماس سكتت فجأه ..
الجد سامي : ردي علي ..
الماس : ولا حاجه ..
فارس : تستاهلن هههههههههههههههههههههههههه والله لعبن عليكن ورااااااااااااحن
الهنوف والعنود والريم والماس ودهم يمسكونه من شوشته اللي موقفها ويعلقونه بالجدار
العم سلمان : لا لعبن عليهم ولا شي .. عادي ... خواتهن وراحن لشيء اساسي وراجعات بسرعه

فارس : ههههههههه اي هين .. سوق مع بعض .. جامعه مع بعض .. تمشية مع بعض .. مطعم مع بعض .. وش له لما جت السفره غدروا بهم
ههههههههههه
الهنوف : ما غدروا اصلا .. معلمينا قبل يروحون ..
العنود : اي اصلا ندري ..
الجد سامي : عاد هالبزارين وش يسكتهم .. ! يا فارس اتركهم وانا جدك
فارس : هههههههه ابشر ابشر .. بس عشان تعرفون انهم اذكى منكم
البنات من جدهم صدقو كلام فارس وطلعو فوق بسرعه يعني زعلانين ..
الكل يجلس يضحك .. وقالت سلمى بصوتها المبحوح : وانتي يا الريم وراك ما زعلتي مثلهن ؟؟؟؟
الريم حاطه رجل على رجل وتاكل ايس كريم : من جدك تبيني ازعل على سفره ؟؟ الله يهنيهم
خالد ابتسم بقوه : والله محد مريح باله الا انتي ..
الريم تناظره وتبتسم : والله جد .. .. بعدين وش احلى من هالجمعه الحلوه .. هههههههههه
ابو خالد : لا بالله سكتتنا هههه
فارس فجأه : أقول يبه .. ردو عليك ؟؟
الكل لاحظ ابو سالم و الجوال اللي ما تركه من أول ما دخل : لا ..
فارس :كلهم ؟
ابو سالم : محد يرد .. حتى ناصر .. !!
فارس : انا بكلم السواق .. أكيد يعرف مكانهم
ابو سالم : لا اتعب حالك .. الكمخه ما يرد بعد
فارس يوقف : أكيد فيهم شي !!!
ابو سالم : هذا للي خايف منه ..
الكل ساكت ويسمع .. !!
قال سآمي : وراكم خايفين عليهم .. مافيهم الا العافية .. عادي يمكن راحو مشوار وجايين
سلمى تتدخل : لا يا بو راشد .. انا حكيت معها اليوم الصبح قالت شوي واجيكم انا و بتول
فجأه جا اتصال على جوال سلمان .. رد بسرعه : ألو ؟ وينكم فيه ؟؟
بتول : بابا .. ما فينا شي .. بس
ابو سالم : ؟؟؟

بتول : ناصر تعب شوي .. ورحنا المستشفى .. وهذا حنا في البيت ..
ابو سالم يوقف : علامه ناصر ؟
الكل خاف ..
فارس قلبه اووووجعه بقوه ..
بتول : لااااااا مافيه الا العافية .. بس نزل الضغط عنده .. والله مافي شي .. تبغى تحكي معه ؟
ابو سالم : لا حول ولاقو ة الا بالله .. عطينياه ..
ناصر على سريره : هلا ..
ابو سالم : سلامات ما تشوف شر
ناصر : الشر ما يجييك ..
ابو سالم : علامكم خوفتونا كذا ؟؟ علامك وش قال الدكتور ؟؟
ناصر : ولا حاجه ..
ابو سالم : طيب علام صوتك كذا .. ؟؟
ناصر : هههههه مافيني شي يالغالي .. تحسسني اني بزر
ابو سالم : أجي البيت واتفاهم معك .. سلام الحين
سكر الجوال .. واستأذن وطلع مع فارس .. بعد ما حكى لهم وش حصل لناصر وطمنهم عليه ..

/


يااااااارب يااااااااارب ان ناصر ما عرفني .. يارب .. وش العمل ؟؟ وش السواة الحين ؟؟ عز الله رحتي فيها يا دانه .. ياويلي لو يدري نايف
والله ليحطني تحت سنونه ويطحني .. عاد هو خلقة ما يطيقني .. كله من نجووووووود لو وافقت كان ارتحت وافتكيت من هالهم
ياااااحياتي يا عبدالله اكيد انك تعبااان نفسيا هاللحين .. ياربي .. ودي اسمع صوته واتطمن عليه .. بس كيف ؟؟ ما اقدر .. !!

ما تدري دانه ان عبدالله بهاللحظه يلعنها بالدقيقه ألف مره ... ويلعن الساعه اللي عرفها فيها .. عارف ان نايف وناصر ماهم تاركينه ..
وين يروح ؟؟

قررت تتصل بنجود ..
دانه : ألو ؟؟
نجود : أهلين
دانه ما تدري وش تقول : مممممم كيفكم ؟ وكيف الاجواء ؟
نجود في السوق .. بدون نفس : تمام كل شي تمااااام الجمد لله
نايف : ؟؟؟؟
نوف : مييييييين نجيد ؟؟؟
نجود : دانه هذي تسلم عليكم ..
نايف بابتسماه وبدون نفس : سلميلنا عليها ..

نجود ناظرته بسرعه و رجعت للجوال : يسلم عليك نايف ..
دانه : الله لا يسلمه ..
نجود ودها تقتلها على قلة حياها .. فوق انها غلطانه تسب الرجال .. : تبغين شي دانه .؟ انا مشغوله الحين ؟؟
دانه تكرهها : باي باي

//

قصر سلمان ..
دخل ابو سالم معصب على الحركة اللي عملوها فيه ..
وفارس كان يهديه من اول ماركبو في السياره .. !
ابوسالم بصوت عالي : ساااااااااااااااره سااااااااااااااااااره
ساره جت خايفه : هلا يا بوسالم .. ؟؟؟
ابو سالم بصياح : وش هالسواة ؟؟ وراك مادقيتي تعلميني باللي صار ؟؟؟ زين كذا تخليني زي الاطرش بالزفه ؟
ام سالم : ما كنت ابغى اشغل لك بالك .. قلت ليما يصحى واعلمك .. هذي نيتي يابن الحلال
ابو سالم : ما اشره على ناصر لانه ماكان حاس باللي فيه .. لكن قسم بالله أي حاجه تصير مره ثانيه واكون أنا آخر من يعلم فيها .. ماهو بأزين لك
(طلع بسرعه ..)

فارس يناظر بأمه .. وبتبوله اللي توها تجي على الصوت : ليه أبوي مكبر الموضوع ؟
ام سالم بزعل : ابوك ما يعصب دايم بس اذا عصب لحد يجيه .. بسم الله وش هذا .. ؟
تبوله : ايش فيه ؟ بابا ليه يصايح كذا ؟
فارس : روحي ارقدي روحي ..

تبوله : يووووووو ماما وش صار ؟؟؟

/
/




عيـــت يدي على ودآآعـك تهتدي

/

ناصر من أول ما كلم أبوه عالجوال وهو عارف انه بيسوي مشكله من ولا شي
جالس ناصر على السرير .. ومتمدد .. ما يحس بجسمه أبد .. تعباااااااان نفسيا وجسديا وعاطفياااااااا وكل حاجه
ما يدري من وين يلقاها .. !! مسك جواله بسرعه وجلس يناظر فيه .. فتح الارقام المحفوظه و طلع رقم نوف ..
.. وش أبغى فيها ؟ وراي دخلت رقمها ؟ لايكون تبغى تتصل فيها ؟ والا ترسل لها حاجه ؟؟
ان دقيت عليها يا ناصر ترا مانت برجال .. وش تبي بها خلها لا تلحقها لا تعتذر لها ولا تضعف لها ..
كم لك وانت تذل نفسك .. كم مره جرحتك قاصده ؟
متى بتفهم يا بن الحلال ان نوف ما عادت الاوليه ؟؟؟

/

وبهاللحظه نوف جالسه على بحر بيروت جالسه لحالها تفكر بالامور اللي جالسه تصير حولها .. تفكر فأبوها المريض و اخوها المعقد
وصالح اللي يبغى يعلقها فيه .. واخوها الثاني اللي وين ما يضربها عوجا .. و وفوق ذا كله وصلت عند ناصر .. وزااااد السرحان .. دخلت بجو في كل ذكرياتها معه ..
كل حاجه قبالها تشوف ناصر فيها .. كانت تعتقد لانها بالرياض ولان كل مكان مر فيه ترك له اثر وريحه منه . لكن هذا انا فبيروت واشوفه
بكل زاويه وكل ركن ! هذا انا بعيده عنه واشوفه يتحكم بتصرفاتي وافكاري وحياتي
أدري يا ناصر بحالتك .. عارفه وش كثر تعاني .. عارفه وش تفكر فيه الحين .. أدري انك تسبني بينك وبين نفسك لكن هذا اللي ابغاه
ابغيك مثل ما حبيتني تكهرني .. وابغيك كثر ما حبيتني تعوفني .. عارفه انك تشوفني متغيره بالمره .. والله عارفه .. لكن اللي ما تعرفه انك مهما
تقهرني غلاك ثابت ما نقص .. وهذا اللي يقهرني ..



وش فيكّ متعجب لأني تغيرت ؟
عندك خبر إن الليالي تغير

شكلي تغير "صح " كلي تغيرت !
إلا الغلا الملعون | عيا يتغير

صدقني انت اللي بديت وانت تتحمل .. كان ودي اشيل من همك لكن السموحه منك يا غالي .. ما اقدر اتنازل عن كرامتي لو ايش
اللي عملته فيني مو قليل .. ما بعد الشرف حاجه .. ولا بعد التشكيك شي
يارب قدرني وانساه يارب ..


/


نجود متضايقه لان نوف طلبت منها تتركها لوحدها .. وجالسه تاكل مكسرات .. ونايف يناظرها ويضحك على شكلها كيف معصبه بس تاكل

نايف يناظرها باهتمام : ........
نجود ماهي يمه .. ولما انتبهت له قالت : فيه حاجه ؟ وراك تضحك ؟
نايف ما قدر يتحمل : هههههههههههه ياليت فيه منظره عشان تناظري بشكلك
نجود تحسبه يقصد وجها والا شيلتها وشعرها : ها ؟؟؟؟؟ وش فيه شكلي (وجلست تعدل من نفسها )
نايف هنا ضحك بزود : هههههههههههههههههه يابنت الناس ما اقصد شكلك شكلك .. لا قصدي حركاتك
نجود ارتاحت بس عندها فضول: اهاااااا طيب قول كذا يا شيخ مالاول .. طيب وش فيها حركاتي
نايف : طيب وراك نعصبه كذا .. يمكن هي تبغى تجلس لوحدها ؟

لآ تـــــــرتـــــــبـــــــك لآ تـــــــحــــــآول تــــفــــضــــح آســـــرآرك
آقـــــرآك كــــلــــك عــــلــــى بــــعــــضــــك مــــن عـــــيــــونــــك

نجود ما تحبه اذا فهمها ردت بربكه وعصبيه : و و اصلا .. و يعني .. من قالك اني معصبه ؟ او عشان نويف ؟ كيفها هي الخسرانه
نايف :هههههههه اي والله هي الخسرانه
نجود ما تبغي اي دقيقه تمر بينهم وهم لوحدهم .. بس نوف ونذالتها .. : .....
نايف : ليه سكتي ؟
نجود بتوتر : لانك جالس تقول اشيا ما تنقال
نايف : وش قلت انا ؟ ممكن تفهميني ؟
نجود : يعني هالحكي اللي من شوي .. ماله داعي اعيده .. لكن لا تقوله لي
ماهي ( شجاعه ! ) .. تطعن القلب و/ تروح ..
.........................أطعن .. ! ولكن .. حط : عينك بـ عيني .. !!


نايف يرفع حاجبه ويناظرها بقوه عكسها اللي تبعد نظرها عنه : تراك صايره تجرحيني بزود من دون قصد منك ،، ما اظن اني قلت شي غلط ؟ عادي ؟ ليه انتي حساسه من هالناحيه ؟ قاعد احكي معك انا ؟ ناظريني ؟
نجود انحرجت : بس كذا .. ما ابغى وبس (جت تبغى تقوم و .. و ثبتت فمكانها لما قال والله ما تقومين استني )
نايف : انتي وش فيك ؟ كيف تفكرين ابغى ابفهم !!!
نجود : نايف رجاءا ما ابغاك تحكي ولا كلمه .. خلااااص
نايف بعصبيه تخوووووف : لا تقوليلي خلاص للمره المليون اقولها لك .. اسمعيني اتركيني انهي كلامي .. نجيد !!


نايف يكمل بنفس العصبيه : نجيد انتي أكثر وحده عارفتني .. وانتي عارفه كمان اني ما اقصد اللي فبالك .. انا قلتها من باب حسن النيه .. ماراح اضحك عليك واقولك انا قفلت موضوعك خلاص .. لا .. هذا شي محد يقدر يتحكم فيه وانا اعترف لك اني أكثر من مره اقول لنفسي انساااااهاااااا انساااااااها واوهم نفسي بهالشي بس للاسف ارجع ...... ،، !! المهم اني أبغى اوصل لك اني قررت ما احكي معك من باب حبيب وحبيبته صدقيني .. يمكن لو مكانك الريم او العنود كانت قلت للها نفس الحكي ..
صحيح ان مشاعري غير .. لكن نيتي وحده والله يعلم بها ..
ما ارضى ان دانه تخونني وانا ما ارضاها لها .. انتي عارفه اني اقص الحق من نفسي .. لو غلطت كان اعترفت واعتذرت منك ..
لكن خلاص .. جا الوقت اللي احط فيه حدود .. وطبعا عشانك مو عشاني . انا اتحمل لكن انتي اعرفك ما تتحملين .. ما ابغاك بعدين لا ذكرو اسمي او حاجه تكرهيني او تكرهي حالك .. تراك عزيزه وغاليه علي .. فوق فوق ما تخيلين ..
نجود ودها تصيح بس ردت وهي تناظر البحر : المطلوب مني ؟
نايف تقهره بأسلوبها : المطلوب انك تتناسين كل حاجه .. وابغاك تكرهيني .. وابغاك اذا سمعتي اسمي .. كنك سامعه اي اسم عادي ..
ابغاك ما تعذبين حالك .. ابغى ضحكتك ترجع زي الاول .. ابغاك تكوني زي ما كنتي ..

نجود بنفس النبره : وبس ؟
نايف بتردد : و و
نايف يحاول يطلعها بالغصب : وبس يا نجود
فمان الله يا اوّل من سكن بين الضّلوع العوج
عسى دربك سفير وياعسـى الله مايخلينـي

نجود : ابشر ما طلبت شي

نايف : ما ابغاك تزعلي مني ..
نجود : تكفى يا نايف خلاص .. حتى لو انا بنسى انت غصب تذكرني .. !! ياخي كل ما اجي اخفف هالذكريات تجي انت تزيدها ..
يرحم امك لا تكلمني بهالموضوع ثاني مره حتى لو شفتني أموت قدامك .. انت اخوي .. أخوي وبس ..

نايف حس بضيقه لما سمع كلمة أخوي .. حس ان نجود قالتها بثقه و هي واثقه من صحت هالكلمه .. قالتها وكنها تبغى تنهي كل حلم جالس ابنيه .. وكل أمنيه افكر بها .. ليه ما تضايقت من كلامها الاول ؟ ليه على اخر الحديث معها ضقت ليه ؟ تنهد بقوه .. وجلس يناظر البحر بعد ما كانت عيونه على نجود .. نجود وبس ..

 

 

[إشراقة أمل]

تبي تعرف وش أقسى [ألم]بات بصدر مقهور
جفاف الضحكة بشـفَّـــة [ جريحٍ ] في وســط فــرحــــه

يجي و الضحكة بعـيـنـه [تغــازل] بالـحـنــيـن شعــور
ويرحل شايل بـعـيـنـه [ دمـوع ] و في يــَدَهْ .. جــرحــه


نوف تناظرهم من بعيد .. كانت معهم لحظه بلحظه .. كانت تشوف أخوها يغرق ولا هو قادر يساعد نفسه ولا احد قادر يساعده .. الله وحده اللي يقدر يساعده وما كنت تملك الا الدعاء له ..



وبنفس الوقت والمكان تناظر باختها وتوأمها وحياتها .. جالسه تنهار قدامها .. تناظر بعيونها اللي غرقانه دموع بس عزتها حرمت عليهم النزول
تناظرها بعين شفقانه وعين تقول : كلنا في الهوى سوى .. لا انتي قادره تسعديني وترجعيلي الراح ولا أنا .. السموحهـ منك يا توأم روحيـ السموحه ..
وهي جالسه تناظر بهم على هالكرسي وكل واحد يناظر البحر قباله ومكتف يديه .. والحزن بعيونه .. رن جوالها وفتحت الخط بسرعه .. وكان صوت الموج معها لحظه بلحظه وساعه بساعه ..





هلا تبوله
هلا فيك يالغاليه كيفك ؟
انا تمام وش اخبارك يا قلبي ؟
مممممم الحمد لله
تبوله حبيبتي وش في صوتك ؟
ولا حاجه نويف .. بس بابا زعلان على ماما هههههه
لا ولا يهمك يزعلون ويرضون .. انتي كيفك ؟
نويف ما سألتيني ليه متهاوشين ؟
نوف حست الموضوع فيه إن .. ما ودها تسألها : لـ لـــيه !
بتول وكنها تبغى تبري ذمتها : ناصر تعب علينا
وقبل ما تكمل حكيها بتول : ووووووووووووشفيه ؟
بتول : لا لا مافيه شي الحمد لله .. لا تخافين .. بس يقول ضغط ومادري ايش !! الله يعينه وبس
هو وينه فيه الحين ؟ ووش قاله الدكتور ؟ طيب ليه تعب ؟
ممممممم هو هنا .. في البيت .. حطوله مغذيات وعصب وسحب الدريب وحالته زادت .. بالغصب طلعوه .. ينرحم يا نوف والله ينرحم
ط ط طي طيب .. كيفه بعد ما طلع ؟
الحمد لله زين .. اظنه نايم الحين .. يا حياتي يا ناصر ولا مره شفته كذا .. حالته غريبه .. احسبني بس انا اللي ملاحظته طلع بابا وماما والكل
نوف ودها تصيح وتبكي .. ماهي قادره تتخيل شكل ناصر مريض !
بتول : اقول نويف ماما تناديني سلمي على اللي عندك - وباااااااي




سكرت نوف ومانطقت بكلمه
اصلا بدون احساس منها فتحت رقمه واتصلت .. حتى قبل لا تحط احتمالات لكيفية رده .. او لاعذارها او حتى ايش راح تقوله !
اتصلت ومرت الثواني كنها ساعات .. حاطه السماعه وتنتظره يرد .. بس بتول قالت نايم !
ليه يا نوف اتصلتي هاللحين .. لأنك متأكده انه ماراح يرد ؟؟ وتكونين أديتي الواجب بالاسم بس ؟؟؟
وهي جالسه تفكر . . بآخر لحظه رد عليها ناصر بألم وصدمه و حزن باينين في صوتهـ اللي اصلا ماكنه صوتهـ



ناصر : ألو ؟
نوف : .....
ناصر : ألووو !!
نوف بتردد واضح بين كل حرف وحرف جلست تلعب بالتراب : ال الس السلام عليكم
ناصر و كنه يحاكي نفسه ويقول صدق صدق هذي نوف : وعليكم السلام
نوف استغربت الصوت : ناصر ؟
ناصر بالنبره اللي تأكدت فيها من شخصيته : لبيـه !
نوف غمضت عيونها بقوووووه ونزلت دمعه .. دمعه وحده لكنها حاره : ال الح الح الحمد لله على سلامتك
ناصر يستمع بامعان وكنها طفل توه تعلم الحكي ببراءه : أي سلآمه تقصدين ؟

نوف فقلبها (لا يا ناصر لا تبدي لا تبدي ) : كيفك ألحين !؟
آتـــــــــرك خـــــطــــآيــــــآك و آتـــــــــرك عـــــنـــــك آعـــــــذآرك
و آنــــــســــــى عــــذآبــــي و قــــلــــي آنــــت وشــــــلــــــونـــــــك

ناصر : مآ جآوبتيني ؟ سلآمة الجرح ؟ والا سلآمة المرض ؟
نوف مسحت دموعها بسرعه : الاثنيـن
ناصر بأسلوب استهزاء : الله يسلمك يارب من المرض والجرح .. لكن الجرح ما طاب يوووووو يبيله سنين وماهي نتيجة أكيده
نوف بقوه : الله يشفيك منهم اثنينهم .. و يبعد عنك المرض و ينسيك الجرح
ناصر متغطي بالفراش عن البرد اللي ماله مبرر : الله يجزاك خيـر أجمعيـن يارب
هدوووووووووووووووووء
و هدووووووووووووووووووووء
لمدة دقيقتين .. أنفاسهم هي الواضحه ..
ناصر : ليه متصله ؟
نوف من الصدمه ماتدري وش ترد : ...... ؟
ناصر : ليه سكتي ؟
نوف ماعندها اجابه على استفزازه اللي ماهو من عادته : حتى اتطمن عليك
ناصر بألم : وعساك تطمنتي ؟
نوف : .........
ناصر بصوت ماليه الحزن : طول عمري ما اعرف الا الضحك والفرح .. كنت ادعي للي جرب الهم و الحزن .. وكنت ارحمهم بنفس الوقت ..
بس ما عمري تخيلت ان الهم صعب حمله .. صعب نسيانه .. صعب حله ..

ويكمل ناصر : صحيح انك جبتيلي الهموم بتصرفاتك و قسوتك لكن ماني قادر انساك ولاني قادر اقسى زيك .. كل ما افكر أقسى تردني الذكريات الحلوه .. تردني اشيااااء كثيره للاسف ما ردتك ..
ياليتك قتلتيني قبل لا اشوف النظره هذيك بعيونك .. ياليتك طعنتيني بسكين ولا بكلامك هذاك اليوم ..

نوف بدموعها : لا تصورني ظالمه يا ناصر ! ولا تبرر لنفسك اخطاءك ..



{ . . .
يــآورد ..، سَـامِحٌـنيّ وٍتُشـكَرٍ مِسـَآعِيكٌ..!
اللُيٌ حَـصَلٌ يآورد غَصـَبٌ عَلَيَـهٌ ..،
يآمآ فَعَـلتٌ .., لخَآطِرٍ عِـيوٍنّ مِهـديكٌ ..!
ضَحَيِتٌ مِثـلِـكّ لِيـنّ صٌرِت ..
,.. آلضَحـَيـّـه ..،

ناصر بفقدان أمل : ايه ايه صادقه يا بنت راشد انا الغلطان وانا الظالم وانا كل حاجه شينه .. اذا هذا يريحك مستعد أكون كلهم ... فمآن الله نويـف













سكر الخط
بوسط صدمة نوف

!


بوسط ندمها اللي غرقت فيه
حست ودها تجري وتدخل جوا البحر وتغرق
ودها يسحبها وما يرجعها
ياليتني ما اتصلت فيه .. وياليتني قفلت الخط قبل ما اسمع حكيه ..
ليه كل كلمه قلتها طعنتني ليه ؟
ليه برودك وصوتك حسسني اني ظالمه وناكره للعشره ليه ؟
ليه كل هذا شايله فقلبك يا ولد عمتي ليه ؟؟؟
كنك ما انت بناصر اللي اعرفه .. تغيرت مررره
بس ليه الومه لحاله وانا لي يد في الموضوع
حتى لو كان هو الظالم في البدايه فـ أنا ظلمته وقسيت عليه اكثر بالنهايه
سبحان الله يا هالقصه .. كنت اقول لألماس اني ماراح اتزوج ناصر وكانت تأكد لي العكس
احساسي بمحله .. ياليتني ما عرفتك يا ناصر .. وياليت فيه حاجه امحي فيها كل ذكرى معك مره أو حتى حلوه ..
لكن اذا انمحت هالذكريات وش بيبقى لي اعيش فيه ؟ اذا كل حاجه محفوظه فذاكرتي ناصر جزء فيها ؟
انا عايشه على هالذكريات .. خليهااااا يمكن تسليني بأوقات أضيق بهآ ..

{ . . .



ياما على الماضي تلهفت واشتقت ::::::::: وسالت على خدي مدامع عيوني
اعوام راحت ليتها ماتــــــــــــعدت ::::::::: ياما على ذيك الليالي احسدونـي








وتبقى صرخة الدهشه تترجم للأسي عنوان
تترجم صدمتي بانسان هقيته مخلص ووافي




/

 

 

[المرأة الذهبية]

السلام عليكم
مرحبا أختي إشراقه أمل
يسلموووووو على القصة فعلا في قمة الروعه
والله يعطيك العافية
بس ليش متكرر البارت الأخير مرتين
عزيزتي متى بتنزلين البارت اللي بعده
ترى متشووووقه مره للنهاية ....

 

 

[إشراقة أمل]

وعليكم السلام ورحمة الله وبركـاته ..

مراحب فيك ..


البـارت اللي بعـده .. والله على حسب ظروف الكـاتبة ..

لأني فهمتهـا خطأ ..

افتكرت القصـة منزلتها كاملـة ..

لكنها كانت تقصد ان القصة كاملة عندهـا .. لكنها ما نزلتها كاملة ..

و ظروفهـا حاليًا و وقتها ما يسمحون لهـا تنزل بقيــة البارتات ..

يعني يبغى لنـا نطوّل بالنـا عليها شوي .. لين ما تتحسن ظروفها شوي ..

وتقدر تكتب بقيـة القصة وتنزلهـا بالهون

شكلي بخرشهـــا .. عشان تتأذى مني .. و تنزل الباقي

بس ما يدعيني قلبي .. ظروفهـا تجبر الواحد انه يصبر ويتحمل ..!

.

أشكرك للمتابعـــة والرد .. ولكل من تابع ..

وإن شاء الله أنـا متابعة معكم القصـة ..

دعواتكم للكـاتبــة


.
.
.

 

 

[المرأة الذهبية]

السلام عليكم

أختي إشراقة أنا بعد متابعه القصة من المنتدى اللي قالت عنه أخت هادي
بس توقعت من كلامك أن القصة موجودة كامله عندك بصراحه ما توقعت أنك أنتي بعد
تنتظرينها ...........
أقولك من الحين توقعي أن القصة ما راح تكتمل إلا بعد سنة و آخر بارت نزلتيه ما راح تنزلين اللي بعده إلا بعد 3شهور .....
عذريني لأني مليت من كثر الأنتظار .....

نراك على خير

 

 

[دودي هانم]

ايه الحلاوه دي

تستاهلين التقييم