’’,, ســآعة صـــرآحـــة ,,’’

[إشراقة أمل]

أنـا من أشد المؤيدين ..

الغريب دحينه مشغول .. بس بعد شهر يمكن يخف الشغل والضغط ..

نختـار عضو غيره .. و راجعين بكل تأكيد لصاحب الكرم ..

مديرنا الفاضل | الغريب ..

>>> ترى الغريب من النااااادر جدًا يرد دعوة الأعضاء الا في الشديد القوي ..

عشان كذا شكل شغله الحين جامد .. فخلوها لين يفضى وأنا متأكدة بعدين ما بيردكم بإذن الله ..

صمت المشاعر1 ..

اختر عضو ثاني غير الغريب حد حاضر

وأنا أرفع يدي مع اللي يقول هات لنا أول الغيث

وإلا ترى مجاهري بتستلمها كلها بوقت واحد .. وتعرف وش معنى الوهقة عدل

:
:

 

 

[صعب تملكني]

- موقف لن تنساه ؟
وفاة جدتي الله يرحمهاا
شخص تفتقدو في حياتك ؟
جدتي الله يرحمها ويغفر لهاا
صديق ندمت على صداقتة ؟
اممم مااذكر بس وايد الله لايردهم
-كم سـاعه تقعد ع الكمبيــوتر ؟
اممم ماادري كم سااعاات بس يمكن3 او 4 او ااكثر
-آخـــر شخـــص تتـــذكــــره قبـــل ما تنـــــام؟
امممم والله اشيااء واايد بس منهم جدتي الله يرحمهاا
-من الشخص الي تتمنى ياخذ فرحك علشان ماتشوفة حزين ؟
امي وابوي الله يخليهم
-كم شخص عندك في المسنجر ؟
اممم والله وااايد
مشكوره ع الموضوع الحلو الله يعطيك الف عاافيه وسوري انا رديت ع بعض الاسئله

 

 

[أول الغيث]

إشراقة أمل .. شكلش متفائلة حيل تجاه شيسمونه ذاك .. طوط طوط


المهم .. هذاني جيت .. وقبل لا أبتدي .. أرى أنه من الواجب أني أشكر الأخت طيف العمر على هذا الموضوع

وأشيد بفكرته الجميلة .. وأشكر كل المشاركين على تفاعلهم .. وبالأخص من طرى اسمي ..

وهمّ الشكر موصول للي يؤيد حضوري


،،

،،


من انت اوانتي ؟

أنا نبضة في صدر هذا الكون الفسيح



2_ متى اخر مرة ضحكت اوضحكتي من القلب وليش ؟

قبل أسبوع ..

كنا طالعين طلعة شبابية لأحد المنتجعات

وطبعاً كان فيه برجة .. وحدة كبيرة .. جنبها على طول برجة صغيرة للبزران

وجنب هالبرجة زحلوقة تطل عليها على طول

فقام أحد الشباب بيتزحلق .. وكان طويل حييل

وتزحلق وطبّ في البرجة بقووة وتعوّر

وكان منظرة مضحك مرررة .. وفقعوا الجماعة ضحك على شكله يتحلق ويتأوه من الألم ..


3- اخر مرة بكيت من القلب وليش ؟


بكيت في المنام قبل فترة وجيزة

لأني حلمت بوفاة إحدى قريباتي ..


4-هل حسيت في يوم من الايام بالضعف ومتى

نعم ..

أيام الدراسة ,,


5-من الشخص الي تتمنى ياخذ فرحك علشان ماتشوفة حزين ؟

أمي وأبوي



6-اذا كنت متضايق شو اول شي تفكر تسويه ؟

أختلي بنفسي .. أو اطلع أتمشى بروحي ..



7-شو احلى ذكرى في حياتك ومستحيل تنساها ؟

أتذكر سنة 2008 .. كانت سنة جميلة

لا توجد بها ذكرى محددة .. لكن كل شي كان فيها جميل

يمكن لأني حققت فيها أكثر من نجاح ،، وحصلت فيها الكثير من المواقف الحلوة ..



8-آخـــر شخـــص تتـــذكــــره قبـــل ما تنـــــام؟

لا يوجد شخص محدد

وأحياناً ما أتذكر أحد ..



9-شو تعنيلك في هالكلمااات


البحر =مقبرة الهموم


السماء = حلم لا بداية ولا نهاية له


المسجد الحرام = صفحة جديدة ناصعة البياض بروازها الطهر وسطورها النقاء


الحب = أكسجين الحياة


الصديق = نبع الوفاء



10-كم شخص عندك في المسنجر ؟

أحس .. قديييم الماسنجر

دقيقة خل أشيّك ..

27 شخص


11-كم سـاعه تقعد ع الكمبيــوتر ؟

6 – 9 ساعات


12-هل فعلا انت مرتاح في تواجدك في المنتدي و مع الاعضاء ؟

الحمد لله على كل حال


13-عضو اوعضوة يستحق الصداقه ؟

والنعم في الأغلب من الأعضاء والعضوات .. خصوصاً المتواجدين في هذه الصفحات

لهم حضورهم الطيب وسمعتهم الحسنة وتعاملهم الجميل مع الجميع

منهم على سبيل المثال لا الحصر : كاها .. صمت المشاعر 1 ..


14-عضو شفتة و عضو ودك تشوفه ؟

أعضاء شفتهم ...

واايد .. مثل :

الغريب – قاهر المستحيل – طالب الغفران – محمد رضا – كاها – غصن الروح – دي ماريا – ابن الطرف& - وحي العشق .. وسط النخيل << زهقت منه .. وغيرهم وغيرهم

بعد فيه كم عضوه من اللي متواجدات في هذا الموضوع .. بس ما نبي نعلّم <<< لا يبلشونا بكرة ويشتكون عند أمي ..


عضو ودي أشوفه .. احساس قاتل .. طرفاوي أصيل



15-عضو تحس شخصيته مثل شخصيتك ؟

إلى حدٍ كبير .. زهرة اللوتس – إشراقة أمل



16-عضو تعجبك شخصيته ؟

أكثر من عضو

مثل : قميص يوسف



17- متى آخر مرة قرأت القرآن الكريم ؟

البارحة



18- شي في نفسك تحب تظهره للآخرين ومنت قادر ؟

( الصراحة ) .. أحياناً ما تقدر تطلعها وتفصح عنها ..




19 - كم عدد اصدقائك اوصديقاتك المقربين ؟

المقربين يوصلون 4- 5


20 - صديق ندمت على صداقتة ؟

ماكو



21 - موقف لن تنساه ؟

موااااقف

منها .. مرة من المرات يوم كنت في رابع إبتدائي تقريباً .. رحت المسجد الجامع لصلاة المغرب

ويوم وصلت كان الشيخ محمد يقيم .. وبعد ما كبّر كبّرنا وصلينا

المهم وصل الركعة الثالثة .. لكن ما جلس للتشهد الأخير !!

وآنا أقول شالسالفة ؟ ليكون نسى ؟

وهالجماعة الله يهديهم ،، ليش ما يقولون شي؟


عموماً ما عرفت شسوّي ورفعت مع الجماعة وكمّلت معاهم الركعة الرابعة

وبعدها اكتشفت أن الجماعة في الفرض الثاني ( العشاء ) وآنا على بالي أنه في المغرب

فقمت وعدت صلاتي كل أبوها .. ولا استفدت من روحتي للمسجد ..

>>> بس يلا .. نيّة المرء خير من عمله



22 - الحياة بالنسبة لك ؟

زيارة قصيرة




23 - شخص تفتقدو في حياتك ؟

ابن خالتي




24 - حب ما تنساه ؟


آآآآآه

خلوها في القلب تجرح .. ولا تطلع وتفضح



25 - ماهي اهتمامتك سابقا وحاليا ؟

سابقاً : الخط والرسم .. والتعبّث في البرامج الصوتية

حالياً : أغلب شيء القراءة - التصوير

 

 

[kaha]

عاد تشكر طيف بس عشان تصلي لك هالركعتين
ترى الموضوع من انشاء غلا روحي بصراحة ما الومك نص مواضيع طيف استضافات

أول الغيث / بصراحة كانت ساعة ممتعه في خفايا ايامك الجميلة وعسى ايامك حلووووة بعد مانسمع ذاك الخبر ..!
الله يعطيك العافية عاد اختار عضو من بعدك ليكمل > اختار الغريب يمكن يجي

بالانتظار ..~

 

 

[أول الغيث]

اقتباس عاد تشكر طيف بس عشان تصلي لك هالركعتين ترى الموضوع من انشاء غلا روحي بصراحة ما الومك نص مواضيع طيف استضافات

أوفففف .. لا تقول !!!

يلاّ ما يخالف .. كلهم ربع ويتشابهون وينيازون مع بعض


" الغريب " ما بعد يقضي عذره ... لذلك العضو اللي عقبي ..

:: وسط النخيل ::

وإن شاء ما يرد الدعوة ،، ويتحجج بالعيد وأعذاره

 

 

[kaha]

يالله مايخالف

بانتظار / وسط النخيل

> عاد ارسل له رساله دعوة عشان يجينا بسرعة
ولا انا ارسل له ..؟

 

 

[أول الغيث]

اقتباس > عاد ارسل له رساله دعوة عشان يجينا بسرعة ولا انا ارسل له ..؟

خلاص .. الرجال عنده دعوة من أمس..

 

 

[kaha]

اقتباس المشاركة الأصلية كتبت بواسطة أول الغيث خلاص .. الرجال عنده دعوة من أمس..

الله يعطيك العافية / بالانتظار ..~

 

 

[إشراقة أمل]

إذا انتوا على وسط النخيـل .. بتبطوووووون .!

فيه موضوع نسيت اسمه .. بس كان هنا في الاستراحة ..

غبّر الموضوع وللحين ما جا .. و لا هم اختاروا غيره .! حتى راعيه نساه ..,

بس إن شاء الله بما انوو الدعوة من أول الغيث .. يجي .,

،’

أول الغيث ..

اقتباس 24 - حب ما تنساه ؟ آآآآآه خلوها في القلب تجرح .. ولا تطلع وتفضح

امممم ..

اسمها [ ساعة صراحة ] ..

يعني كان ودنـا ما تحط حواجز .. و تفضفض ..

لا تخليها تجرح .. ما نرضى بها لك ..

>>> إلا قولي عروق كل ابو عايلة اللقافة نطوا .. مو فضفض ..

/

اقتباس 14-عضو شفتة و عضو ودك تشوفه ؟ أعضاء شفتهم ... واايد .. مثل : الغريب – قاهر المستحيل – طالب الغفران – محمد رضا – كاها – غصن الروح – دي ماريا – ابن الطرف& - وحي العشق .. وسط النخيل << زهقت منه .. وغيرهم وغيرهم

افااا ..

وسطووو تزهق منه .؟!

ما يصير .. غيّر بدّل ..

:

اقتباس بعد فيه كم عضوه من اللي متواجدات في هذا الموضوع .. بس ما نبي نعلّم <<< لا يبلشونا بكرة ويشتكون عند أمي ..

من هم ذووووولي .؟!

>> رجعت عروق كل أبو عايلة اللقافة نطت .!

:

اقتباس 3- اخر مرة بكيت من القلب وليش ؟ بكيت في المنام قبل فترة وجيزة لأني حلمت بوفاة إحدى قريباتي ..

.. من هي اسم الله عليها .؟!

>> هووه هوووه .. رجعنا .!

:

اقتباس إشراقة أمل .. شكلش متفائلة حيل تجاه شيسمونه ذاك .. طوط طوط

طوط طوط طوط ..

احم .. ما أحد شاف شي

>>> إلا تعال .. وش تقصد .؟!
<< اووووم الفهاوة .!

:

ساعة حلوة .. مع صراحتك مراقبنا ..

والموقف اللي برابع .. فلللللة وقصوووور ..

أعجبني أقوى شي ..

شكرًا بعد أقوى شي .. لحضورك و تلبية الدعوة ..

 

 

[أول الغيث]

اقتباس بس إن شاء الله بما انوو الدعوة من أول الغيث .. يجي .,

هذا ما عنده في أحد ..

يسحب وكأنه العيد عنده

اقتباس اسمها [ ساعة صراحة ] .. يعني كان ودنـا ما تحط حواجز .. و تفضفض ..

المشكلة مب كل ما يعرف يقال

وأنتي أبخص في هالسوالف

اقتباس وسطووو تزهق منه .؟! ما يصير .. غيّر بدّل ..

شسوي له ؟ .. صار مكرر !!

اقتباس من هم ذووووولي .؟!

لو الود ودي .. سدحت أسمائهن هنيه

لكن خايف أنطرد من ساحة الرحمة الإلهية بعدين ..

اقتباس من هي اسم الله عليها .؟!

ذيك شيسمونها .. ايه هذي هي ..

الله يحفظها ويعطيها طولة العمر .. إن شاء الله ..

 

 

[إشراقة أمل]

خلاص رحمة بحالك .. و حفاظًا على الرحمة الإلهية ..

بنخليها مستورة من جميع النواحي ..

و وسط النخيل .. شوفوا له صرفة ..

حركة السحب كل مرة مب حلوة ..

شنسوي معه .؟!

وأبدن أبدن أبدن .. ما اتنازل عن جيته ..

وراه وراه إلين يجي ..

>> ودها في مظاهرات شكلها .!

 

 

[طيف العمر]

اقتباس المشاركة الأصلية كتبت بواسطة أول الغيث إشراقة أمل .. شكلش متفائلة حيل تجاه شيسمونه ذاك .. طوط طوط المهم .. هذاني جيت .. وقبل لا أبتدي .. أرى أنه من الواجب أني أشكر الأخت طيف العمر على هذا الموضوع

اول الغيث صح كلامك من الواجب اشوا شكرتني
لاشكر على واجب
بس مسكينه صاحبة الموضوع ماشكرتها حطمتها
لهدريجه تهلوسون بأسمي

يسلمو لكل من طراااني جعله يتوفق

 

 

[صمت المشاعر1]

يا الربع ترى الموضوع نام بما فيه الكفاية
اذا وسط النخيل مو جااي اختاروا عضو غيره

 

 

[صمت المشاعر1]

اقترحنا على بعض الناس يحطوا لنا اسماء الاعضاء الذين تمت استضافتهم
بشكل دوري ..
بس ما اكو حس ولا خبر الظاهر ان العرق السوداني ضارب هاليومين

:
:
اسماء الاعضاء الذين تمت استضافتهم :

بْوٍحَيْ أنيقْ~~اسينات~~شقاوة أنثى~~غصــ الروح ــن~~غلا روحي~~DI.MARIA~~kaha~~ ريحه المسك~~ وينكـ ياحضن امي~~إشراقة أمل~~ أنين الشوق~~درة الفجر الباسم
لحن الخلود~~ميمي كاتي~~سجود الروح~~وحي العشق~~ Ĺ.Méśśі~~غلا الروح~~طيف العمر~~صمت المشاعر1~~اول الغيث~~والغريب (اعتذر)
:
طبعاً الاعضاء اللي باللون الاحمر عادي اذا فيه حد يبي يستضيفهم مره ثانيه تراهم مستعدين ولا يردون احد



:
:
وش رايكم نختار قاهر المستحيل اراسله ؟

..

 

 

[غلا روحي]

اقتباس اقترحنا على بعض الناس يحطوا لنا اسماء الاعضاء الذين تمت استضافتهم بشكل دوري .. بس ما اكو حس ولا خبر الظاهر ان العرق السوداني ضارب هاليومين

وسط النخيل حياه متى ما جى ..
بانتظار قاهر ..
*

 

 

[إشراقة أمل]

افااا ..

الحين اقول لكم ما بتنازل عن وسطووو ..

تجيبون لنا قاهر .!

ترى حتى قاهر احتمال يسحب مثل وسط ..

//

صمت ..

ارسل لقاهر .. شودن ما يردك

 

 

[قاهر المستحيل]

ماشاء الله ..

لكثرة الرسائل التي وصلتني حيال هذا الموضوع

شككت أنه لاتوجد سالفة إلا قاهر

إن شاء الله تكون عودتي بالإجابات ، ولاأملك القدرة على رد دعوة أخي صمت الشماعر

الله يعطيكم العافية ، وأتمنى ألا أتأخر بما يكفي الموضوع للنوم مرة أخرى

 

 

[♥ gѕη яσσн]

اقتباس المشاركة الأصلية كتبت بواسطة قاهر المستحيل ماشاء الله .. لكثرة الرسائل التي وصلتني حيال هذا الموضوع شككت أنه لاتوجد سالفة إلا قاهر إن شاء الله تكون عودتي بالإجابات ، ولاأملك القدرة على رد دعوة أخي صمت الشماعر الله يعطيكم العافية ، وأتمنى ألا أتأخر بما يكفي الموضوع للنوم مرة أخرى

أقــول قــآهر ..



تعــآل بـ سرعـــــه قبل لآ تجينــآ , أم الهول و نشيلك من هنـــآ ..

بـ أنتظــآرك ..

 

 

[قاهر المستحيل]

لازلتم تنتظرون قاهر المستحيل ؟! << شكله متوهق



أعتذر كل الإعتذار عن التأخير .. ولكنني لاأعتقد أنني قادرٌ في الوقت الراهن

ولاأقصد بمشاركتي هذه أنني أرد كل من راسلني ، ولكن لضيق الوقت أؤجل مجيئي لوقتٍ لاحق

وأعدكم أن لي عودة بإذن الله

رشحوا غيري ، وستكون عودتي حافلة بإذن الله




والله ولي التوفيق

 

 

[إشراقة أمل]

هااه هااه قاهر ..

عسى ما شر الاعتذار .؟!

الحين ما عندنا سالفة إلا قاهر .. وفي الأخير تعتذر .!!!

يعني كلش كلش كلش ما تقدر تفضي نفسك لنا نص ساعة بس .؟!

،’

هااا صمت .. شتقول .؟!