هذي قصه حقيقة لطالب في احدى الجامعات في الرياض

[طفلة الحنين]

عن لسانه صديقه يقول : والله العظيم اني لم اره فيحياتي متكدر
او متضايق او مزاجه عكر او مهموم

والله لايدخل عندنا القاعه الا وهو متبسم

ومبسوط ونفسيته والله العظيم لاتقارن بغيرها

والله ماهو ملتزم يعني ماهو مطوع ولاهو الي متشدد

ولد طبيعي زيه زي اي شاب من شباب الرياض

ولكن معروف عنه مايترك الصلاه ابدا يصليها بوقتها

ومع ذلك طبيعي يطلع يروح يجي

هو صديقي مقرب

اعرفه من 17 سنه مع اني اقرب المقربين له ماعلمني انه كافل

لكني اكتشفت لما ركبت معاه السياره ونزل هو يشتري من اسواق التميمي

فتحت الدرج حق سيارته بطلع شريط بتسمع لقيت ظرف وانا طبيعتي ملقوف

فكيت الظرف وهنا صراحه صعقت اكتشفت انه كافل ثلاث ايتام وحده عمرها 18

ووحده 8 سنين ووحده سنتين والله اني بكيت سبحان اللي يسرله هالعمل الصالح

والله يناس مو باين عليه ابدا يوم رجع وركب السياره طبعاً هو مرح جدا طلع

توكس وصقعه بخشتي قال خذ واستغرب شافيني ساكت قال شفيك قلت ولد انت كافل ايتام؟

هو برطم وسكت شوي وضحك قال امممممم ايه

قلت بالله وشو اللي خلاك تسوي عمل عظيم زي كذا

قال والله السبب واحد قريت حديث عن الرسول يقول

(( انا وكافل اليتيم في الجنه كهاتين ))واشار بيده الرسول بالسبابه والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ ووالله

ان ربي ساترني ورب الكعبه ان الفلوس ماتنقصني

وابوي وامي راضين علي واقسم بالله ماقد اصعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بلله

اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني

مهما اوصف ماراح تحسون في اللي احس فيه

فقلت له ابي اكفل زيك قال خلاص ورحنا اليوم الثاني المكان اسمه

مؤسسة مكه المكرمه الخيريه

هم لهم كذا فرع بالرياض والسعوديه وفروعهم هي

مكه + المدينه + جده + الطائف + الخرج + الدلم + الافلاج + الدمام + الاحساء + الخفجي +

حفر الباطن+ حائل + الزلفي +القصيم

والكفاله للأيتام داخل السعوديه 200 ريال

والكفاله للأيتام خارج السعوديه 100 ريال

اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحجبون عنا النار

واذا ماتبي تكفل اتمنى ان تساعدني في نشر القصه لاكبر شريحه ممكنه واسئل الله ان لايحرمنا الاجر

 

 

[النبض الصامت]

اللهم صل على محمد وآل محمد وعجل فرجهم

من فرج عن اخيه فرج الله عنه

هذا الشاب الذي يفكر في الآخرة

اغلب الناس او الأكثر لاهين في ملذات الدنيا وما فيها

واعمال خيرية مثل هذي هي من اعظم الأعمال


فنتمنى ان يقتدوا به الشباب

وقصة رائعه من طفلة الحنين

الله يعطيكِ العافية ونتمنى المزيد


والسلام خير ختام

 

 

[تسبيح الزهراء]

ما شاء الله

الله يوفقنا لعمل الخير

فعلا شاب يفكر صح ..

 

 

[قاهر المستحيل]

موقف مشرِّف ورائع من شاب بمثله

نتمنى أن نرى شباباً أكثر في مثل حماس ذلك الشاب

آجره الله وأثابه ، وأثاب كل من قام بإيصال الفكره والدعوة لها

الله يعطيكِ العافيه أختي طفلة الحنين
سلمت أناملكِ ، لاعدمانك
واحة القصص مسرورة بك وتترقب جديدك



والله ولي التوفيق