| وش تسوي إذا غلطت في رقم التلفون ؟|

[أول الغيث]

السلام عليكم ورحمة الله وبركاته


كيف حال الشباب ؟

إن شاء الله بخير بس ؟


طبعاً هالموضوع طرحته قبل كم سنة ،، لكن من قرادة الحظ حذفته بالغلط وصار في خبر كان

لكن ما يمنع نطرحه مرة ثانية للأعضاء العتّق .. واليدد ،، ونسولف فيه مع بعضنا البعض ..


][ عندما تخطأ في رقم الهاتف ... ماذا تفعل ؟ ][



يعتبر الهاتف أحد أهم مكونات الحياة المعاصرة وأبرز ضرورياتها التي لا يمكن الإستغناء عنها ،،

حيث يمثل أداة للاتصال وإنجاز الكثير من متطلبات الحياة العامة ،، فتجده في المنزل ، المكتب ، الشارع ، السيارة ،... إلخ.


كثيراً ما تتشابهالأرقام ، بحكم تسلسلها وتتابعها ،، خصوصاً لو تحدثنا عن " الهاتف الثابت "

فرقم هذا المنزل يشبه ذاك المنزل ،، وذاك المنزل يشبه ذاك المحل التجاري أو تلك الجهةالحكومية

وكثيراً ما تتشابه الأصوات بين البشر ،، فصوت فلان يشبه صوت فلان الآخر ... وهكذا دواليك ..


من هنا تحدث بعض الأخطاء أثناء الاتصال والتحدث بواسطة الهاتف

و كثيراً ما يتبع ذلك العديد من المواقف المضحكة ،، والمشاكل في بعض الأحيان ..


طبعاً الخطأ قد يصدر منك ، وقديصدر من الطرف الآخر،،بل أحياناً قد لا تكون هناك أخطاء

إنما مقالب مدبّرة،، وقفشات شبابية بهدف الضحك والتسلية .


تتعدد المواقف وتتباين التصرفات فيها ، كلٌ بحسب طبيعته و نوع الموقف الذي تعرض له

وعاد الحين نبغى كل واحد يذكر لنا موقف من هالمواقف اللي تعرض لها شخصياً ،، أو تعرض لها أحدا أقاربه أو معارفه ..

 

 

[kaha]

أول الغيث يعطيك العافيه على الموضوع الرائع ..


انا صارت معي اول مادقيت .

السلام عليكم

عليكم السلام

من معاي مو محمد انت

يقول انت غلطان


انا اسف بس اشوه مشت على كذا ..




طبعا في مواقف بس خل اتذكر وبكتب المواقف المضحكه .

 

 

[أسينآت..~]

يعطيك العافية اخوي على الموضوع الجميل


أنا مره دقيت على صديقتي وأنا كنت بالجامعة فما كنت اسمع عدل لاني كنت في مكان ضجة
كنت أناديها الو فلانه وينش ماكانت ترد أو يمكن مااسمعها
وأنا أكلم كنت امشي لما وصلت لمكان هادي بعيد عن الضجه أبغي اسمع
تدرووووووووووووون شنو سمعت>>>>>>> اممممممم مابقول
،
،
،
،
،
،
،
،
،
،
صبروا اشوي ليش مستعجلين
،
،
،
،
،
،
،
،
،
،
،
،
،
سمعت
،
،
،
،
،
،
،
،
،
،
،
،
ايه
،
،
،
،
،
،
،
،
،
،
،
،
سمعت هندي يقولي أنا خباز مين انت>>>>>>>>>>هههههههههههههه

 

 

[عركاوي 89]

موضوع رائع


في مواقف كثيرة
خلني أتذكر وأكتب إنشاء الله

 

 

[إشراقة أمل]

وعليكم السلام ورحمة الله وبركـاته ..,

فعلا التلفون موضع إشكـال صآر .. انتهينا من الثابت وجينا للجوال ..

فيه اللي يغلطون صج غلطانين .. ونآس تتعمد الخطأ .. واحنا ماشيين ..

بس بصرآحة انا لو غلطت بالرقم .. أتوهق

حتى في كلامي واضح إني متوهقة .. ومرآت تمشي معي ومرآت تدقر .. والله يعيني أنا ويعين اخواني ..!

:

آخر حآدث صآر معي .. حآدث عآدي :

دقيت على وحدة من صاحباتي من زمان ما كلمتها ع جوالها ..

دقيت ولا ردت .. إلا باليوم الثاني تدق ..

رفعته وأنا فرحآنهـ .. هلا والله وغلاا ..

إلا وش ها الصوت ..!!

على طول سكرتهـ بعد ما استوعبت انه صوت رجّـال ..!

خليته يولي .. ظل ظل ودق مرة ثانية .. وطنشته .. >> مع انو جا في بالي انه واحد من أهلها وان رقمي مو مخزن عندها بس للاحتياط طنشت ..

وبرضوو كل ما تم دق ..

قلت ما فيه إلا اني أرد وأشوف السالفة .. والمشكلة ان ولا احد من اخواني جنبي يسعفني ..

رديت .. نعم ؟

طلع لي هندي ما ادري وش ملتهـ ..

قلت له وش تبي ؟

قال انتِ داقه ..

قلت لهـ أنا غلطـانة .. ولا تدق مرة ثانية على هذا الرقم .. و سكرت ..

ولا سلمت منه ظل يدق وتطنيييييييش وهوّن والحمد لله

:

أنا بعد بتذكر بعض المواقف.. و بسدحها لكم >>> هي ما تقلد على اللي قبلها ، هوع !

،’

أول الغيث ..

شكرًا لطرحك .,

 

 

[إشراقة أمل]

خآدمة زينبيـة :

ليش ؟ مو مخزنــة رقم صاحبتك ؟ ..

أجــل خبــآز .؟!

ترى خدمة التوصيل مجانًا .. كآن وصيتيه بخبز طيب ..

:

الله يكثّـر من ها المواقف >>> نذلـة .!

.
.

 

 

[ريحه المسك]

عادي بتاسف وبقول غلطانه
بس ولا بعيده

 

 

[عطر المساء]

مرة دقيت على صديقتي من رقم اخوي على اساس حافظة الرقم وبسوي فيها مقلب

رد علي رجال

فكرتها اخوها

السلام عليكم

وعليكم السلام

وين فلانة

غلطانة مو رقم فلانة

اقول لك عطني فلانة بسرعة تراني مو فاضية لك

قلنا لك غلطانة ما تفهمين

ادري بها وبخراطها تبي تسوي فيني مقلب وعاطيتني اخوها أحسن لك عطني اياها والله ما لي خلقكم

يوووه وش فيك ما تفهمين هذا مو رقمها صدقتي صدقي وإلا بالطقاق

طوووووووووووووط !

وأنوااااااااع الفشيلة والاحراج وجالسة أرادده وأجادله وانا الغلطانة ومفتكره بسوي فيها مقلب مالت علي

 

 

[طيف العمر]

يعطيك العافيه ع الفكره خيو

والله ياكثر المووواقف اللي تصير وبذكر لكم مووقف واحد


في يوم كنا مسوووين شووربه

وبالصدفه نفس الوقت دقت وحده غلطانه على جوالي

وقالت لي طفي على الشوربه وسكرت حتى ماعطتني فرصه ارد

وأنا انصدمت كيف عرفت انا حنا مسوين شوربه ..>>


الزبده اتوقع شوووربتهم احترقت لأن الحرمه معتمده علي وتفتكرني من اهلها....هههههههههه

 

 

[أحسائية]

اقتباس المشاركة الأصلية كتبت بواسطة طيف العمر الزبده اتوقع شوووربتهم احترقت لأن الحرمه معتمده علي وتفتكرني من اهلها....هههههههههه

وعليكم السلام ورحمة الله
يا كثر هذه المواقف اللي ما تخلص أما لأنهُ الشخص يعتمد إنهُ حافظ الرقم أو تغيير الأرقام
( في ناس كل يوم لهم رقم مدري ليه
أذكر موقف كنت بدق على كذا بنت وما كنت مخزنه أرقامهم في الجهاز
كانت الأرقام موجودة بورقة
كنت أنظر لرقم معين فما أدري كيف خذيت الجزء الأول من الرقم الأول والجزء الثاني من الثاني
رد رجال
بعد السلام
موجودة ام عبدالله ( قلت يمكن زوجها
فما أدري شنو قال ما فهمت عليه قلت إني غلطانه وقفلت
ثواني ويدق علي رقم غريب غير اللي دقيت عليه
رديت إلا هو نفسه سألني من إنتِ
قلت له إنت اللي داق قال إنتِ دقيتي على جوالي الثاني
قلت إني غلطانه قال وين بيتكم ( داخل عرض
فقفلت
وظل يدق لحد ما تعب والحمد لله خلصنا منهُ
( شكله أخو الخباز هو الثاني طلع هندي

 

 

[أول الغيث]

kaha

اقتباس طبعا في مواقف بس خل اتذكر وبكتب المواقف المضحكه .

ايه اخلص علينا عااد .. ترى مانبي إلاّ المواقف اللي فيها أكشن ..



خادمة زينبية

اقتباس سمعت هندي يقولي أنا خباز مين انت>>>>>>>>>>هههههههههههههه

مسكيين .. تجاري بحت ..

ماعرّف نفسه ،، إلاّ بمهنته ..



عركاوي 89

اقتباس في مواقف كثيرة خلني أتذكر وأكتب إنشاء الله

بــــــــــــــــعــــــــــــــــد ؟!!

 

 

[عركاوي 89]

اقتباس المشاركة الأصلية كتبت بواسطة أول الغيث السلام عليكم ورحمة الله وبركاته

وعليكم السلام ورحمة الله وبركاته ..
,
,
تذكرت احدى المكالمات التي صارت لي إحراج وهي ..
كان لي صديق متفقين على الذهاب الى الهفوف
لشراء بعض المستلزمات للكمبيوتر
وصديقي هذا صوته يشبه صوت اخوه الكبير
وقبل الذهاب كانت هذه المكالمة بيننا وهي ..
,
,
,
,,
طووط..طووط.طووط.طووط
,
,
أولاً اخو صديقي رد على التلفون مادري ليش .
الو السلام عليكم .
وعليكم السلام .
نعم آمر.
شنو آمر يالله وصلت يم بيتكم بسرعة أطلع ليه برًه .
أي أطلع شتبي انت .
تستهبل علي .
لاأستهبل ولاشيء قول شتبي بس خلًصني .
فلان شفيك مو بتروح معاي الهفوف مثل ماأتفقنا .
أي هفوف انت الثاني .
هآآآآ .
اهآآه اكييد انت تبي اخوي الي فلان1 .
هآآ اجل انت منو .
انا اخوه الكبير .
آسف .
لاعآآدي لا تتأسف شدعوه .
ماشاء الله صوتك مثله وايد .
صح صدقت وعلشان كذيه ضعت انت .
هيء هيء صحيح .
والحين تبي شيء .
أي نعم قوله إذا خلًص ينزل ليه تحت عند الباب .
أوكي أبشر .
يالله باي .
مع السلامة حيًاك الله .
وخلًصت المكالمة ..
..,
,
,
وبعدين جاء صديقي وقلتله السالفة
ومات من الضحك علي .
,
,
,
وأحب أشكرك اخ أوًل الغيث على موضوعك
الرائع
,
,

 

 

[سكون الصمت]

بقول لكم آخر موقف صار لي من اسبوعين تقريبا ..



كنت بتصل على وحده من صديقاتي ,, على الثابت ..



أنا : ألوو ..

الطرف الثاني : نعم ..

أنا : السلام عليكم ..

الطرف الثاني : وعليكم السلام ..

أنا : موجوده فلانه ؟

الطرف الثاني : نعــــــم !! سلامات .. النمره غلط ..

أنا : طيب شكرا ..

الطرف الثاني : طوط طوط طوط ..


,,


هذا آخر موقف ,, وإذا ذكرت مواقف ثانيه .. كتبتها لكم ..



أخي أول الغيث .. مميز كعادتك .. فكن هكذا دوما ..



لك خالص تحياتي ..

 

 

[أول الغيث]

إشراقة أمل

اقتباس آخر حآدث صآر معي .. حآدث عآدي : دقيت على وحدة من صاحباتي من زمان ما كلمتها ع جوالها .. دقيت ولا ردت .. إلا باليوم الثاني تدق .. رفعته وأنا فرحآنهـ .. هلا والله وغلاا .. إلا وش ها الصوت ..!! على طول سكرتهـ بعد ما استوعبت انه صوت رجّـال ..!

شكله جاش صاروخ أرض جو ،، عقب ما ردّ هالطيب ..

اقتباس خليته يولي .. ظل ظل ودق مرة ثانية .. وطنشته .. >> مع انو جا في بالي انه واحد من أهلها وان رقمي مو مخزن عندها بس للاحتياط طنشت .. وبرضوو كل ما تم دق .. قلت ما فيه إلا اني أرد وأشوف السالفة .. والمشكلة ان ولا احد من اخواني جنبي يسعفني .. رديت .. نعم ؟ طلع لي هندي ما ادري وش ملتهـ .. قلت له وش تبي ؟ قال انتِ داقه .. قلت لهـ أنا غلطـانة .. ولا تدق مرة ثانية على هذا الرقم .. و سكرت .. ولا سلمت منه ظل يدق وتطنيييييييش وهوّن والحمد لله

مب سهلين الهنود أثرهم ..

بس ما يندرى ،، يمكن يكون خباز ولاّ راعي بقالة ولاّ شي ..

اقتباس أنا بعد بتذكر بعض المواقف.. و بسدحها لكم >>> هي ما تقلد على اللي قبلها ، هوع !

خلصوا يلاّ .. آنا متأكد أنها جاهزة ،،

بس مايخالف ،، كل يوم و ترك ،، سدحوا اشوي منها <<< على حسابك بس ،، ماعندنا إلاّ هالموضوع ..





ريحة المسك

اقتباس عادي بتاسف وبقول غلطانه بس ولا بعيده

هــــا ؟!

ايه إن شاء الله .. خلاص ..

 

 

[أسينآت..~]

السلام عليكم

في مرة من مرات انحذفت كل الارقام الي في جوالي مادري كيف؟
طبعا الارقام بدون أسماء
المهم جاني اتصال رديت طلعت وحده من بنات الجامعه كلمتها وخلصت وسكرت ودقت وحده ثانيه وكلمتها وسكرت كانت تسألني عن اختبار مادة
وبعد فترة جاني اتصال ثالث رديت هلا ألو ألو ألوووو ماحد رد سكرت
بعدها جاني مسج
,
,
,
,
,
,
,
( عجبني صوتك ودخلتي قلبي لاتخافين أنا راح اسعدك ولاأخلي مجال للهموم تبقى بقلبك الطيب بس لاتحاولين تسوين شي) أنا خفت بقوة كيف عرف اني تعبانه وفي قلبي هموم وفعلا في ذيك الفترة كنت متأزمه نفسياً وبقوة بعد بس حطيت في بالي انه مقلب من وحده من البنات دقيت على نفس الرقم ولا رد ودقيت مره ثانيه ولا رد
أخذت جوال أمي ودقيت ولا رد رسلت له مسج من جوال أمي (مين معي؟) بعدها جاء مسج على جوالي ( قلت لك لاتحاولين تسوين أي شي ترى راح تندمين)
هالمره أنا صج خفت بقووووووووة ونشف دمي وموعارفه شنو اسوي قلت في نفسي الظاهر ان صج مو مقلب
على طول رحت حق اختي وقلت لها وكنت ارتجف وحالتي حاله وشافت المسجات قالت لاتخافين طنشيه واذا دق لاتردين عليه واذا رسل مسج لاتهتمي فيه ولاكأن شي صار عشان مايمسك عليك ممسك يهددك فيه قلت لها بس أنا رسلت له مسج من جوال أمي
قالت لي خلاص انسي السالفه ولاتشغلي نفسك فيه وانتي الحين اهتمي باختباراتك
بعدها اختي طمننتني وهديت وقعدت أقرى قرآن عشان يطمئن قلبي (ألا بذكر الله تطمئن القلوب)
وفعلا هديت وبعدها نمت ومر يومين ولاجاني أي شي ولله الحمد
وتعلمت من هالتجربة اني مارد على أي رقم غريب وإذا رديت ماأتكلم قبل ما أتأكد من الشخص المتصل

وفي مواقف كثير بس انتظر اتذكرها

تقبل مروري أول الغيث

 

 

[بحرالوفا]

وعليكم السلام والرحمة


آخر موقف حصل لي من ضمن هالمواقف المحرجة

طبعاً أنا إذا اتصلت على شخص ماأحب أحد يرفع جواله وعطيني فلانة ومين أنتي ؟



فقبل فترة كنت اتصل على صديقة لي وإذا رفعت أمها أغلق الخط في وجهها

أنا مو حابة اسكر في وجهها لكن شسوي

المهم صديقتي استنكرت الحركة وقالت لي عاد بحر لاتسكرين في وجهها مرة ثانية .,.

المهم أنا سمعت كلامها وماعدت أسويها


ويوم من الأيام

كنت ابي اسأل عن شيء بالمواد المدرسية وأمشي بجوالي أدور على بنات الفصل

ولقيت بنت واتصلت

رد على الجوال ولد

اووووه وهقة << في خاطري

بعد تفكير مدة طويلة قررت أتكلم وماأسكر الخط في وجهه


أنا : السلام عليكم

الرجال : وعليكم السلام والرحمة

أنا : موجودة فلانة ؟

الرجال : ايه نعم لحظة .. فلانـــــــــــة تعالي

وصلت الفلانة

بعد ماسلمت عليها وسألتها وخلصت وطبعاً كل هذا جرى وأنا مو عاجبني ابداً إن الرجال يرد على تلفون البنت

لأن المتصلة أكيد راح تكون بنت

بعد ماخلصت كلام معها

قالت الفلانة : طيب وش عندك متصلة على جوال أبوي .!!!!

أنا : أبوووش !!! <<<<<< عاد بعدها أنتوا حددوا الفشيلة اللي حصلت عليها


طبعاً هي كانت متصلة علي من زمااان بجوال أبوها وأنا خزنته بإسمها




شكراً لك أخي / أول الغيث

وربي يعطيك العافية

 

 

[أول الغيث]

عطر المساء

اقتباس اقول لك عطني فلانة بسرعة تراني مو فاضية لك قلنا لك غلطانة ما تفهمين ادري بها وبخراطها تبي تسوي فيني مقلب وعاطيتني اخوها أحسن لك عطني اياها والله ما لي خلقكم يوووه وش فيك ما تفهمين هذا مو رقمها صدقتي صدقي وإلا بالطقاق طوووووووووووووط ! وأنوااااااااع الفشيلة والاحراج وجالسة أرادده وأجادله وانا الغلطانة ومفتكره بسوي فيها مقلب مالت علي

والله آنا أرثي لحال هالمسكين ..

اللي قطّه حظه السيئ ،، في هالموقف

<< الله لا يورّيك الحريم ‘‘ إذا استلموا أحد وشرشحوه ..




طيف العمر

اقتباس في يوم كنا مسوووين شووربه وبالصدفه نفس الوقت دقت وحده غلطانه على جوالي وقالت لي طفي على الشوربه وسكرت حتى ماعطتني فرصه ارد وأنا انصدمت كيف عرفت انا حنا مسوين شوربه ..>> الزبده اتوقع شوووربتهم احترقت لأن الحرمه معتمده علي وتفتكرني من اهلها....هههههههههه

أجل مساكين راحت شوربتهم ملح ؟!!

مالكم حق .. يا طيف العمر ،،

شان تنقّصتوا لهم من شوربتكم ،، يوم وهّقتوهم ..

هذا غير الهواش اللي أكيد صار عقب ما احترقت الشوربة

وما ترتب عليه من خلافات بين أفراد الأسرة الواحدة <<< خيال واسع

 

 

[أول الغيث]

أحسائية

اقتباس ( في ناس كل يوم لهم رقم مدري ليه

لا واللي يبط جبدك ،، إذا اتصل عليك برقمه الجديد

يكلّمك على أساس أنك تعرف الرقم ،، و تعرفه الحين وهو يكلمك ..

>> والله آنا أكثر من مرة أمشّي للمتصل ،، لين تخلص المكالمة ويسكّر ،، وآنا ماعرفته ولا هو عرف أني ما عرفته !!

اقتباس كنت أنظر لرقم معين فما أدري كيف خذيت الجزء الأول من الرقم الأول والجزء الثاني من الثاني

آنا أسويها إذا جيت أعطي أحد رقم الوالد ،،

لازم أتخربط في الجزء الثاني من الرقم ،، و أعطيه من رقم جوالي ..

اقتباس ثواني ويدق علي رقم غريب غير اللي دقيت عليه رديت إلا هو نفسه سألني من إنتِ

هاا .. بـدَت حركااات الأكشن والأفلام !!

اقتباس قلت له إنت اللي داق قال إنتِ دقيتي على جوالي الثاني قلت إني غلطانه قال وين بيتكم ( داخل عرض فقفلت وظل يدق لحد ما تعب والحمد لله خلصنا منهُ ( شكله أخو الخباز هو الثاني طلع هندي

هذا هو أجل ..

بس هالمرة مبيّن أنه يبي يشتكي ..



عركاوي 89

اقتباس تذكرت احدى المكالمات التي صارت لي إحراج وهي .. كان لي صديق متفقين على الذهاب الى الهفوف لشراء بعض المستلزمات للكمبيوتر

و آنا أقول عركاوي ،، كل اشوي عارض لنا كمبيوتر للبيع !!

اقتباس أي هفوف انت الثاني . هآآآآ .

بس ،، هنا بـدَت حركاات التسحيب ..

اقتباس اهآآه اكييد انت تبي اخوي الي فلان1 . هآآ اجل انت منو . انا اخوه الكبير . آسف . لاعآآدي لا تتأسف شدعوه . ماشاء الله صوتك مثله وايد . صح صدقت وعلشان كذيه ضعت انت . هيء هيء صحيح . والحين تبي شيء .

لا خلاص .. أنت خليت فيها شي الله يهديك ..,

روح روح بس صوّت حق أخوك ،، دام النفس عليك طيّبة ..



،،

،،


هذا سلّمك الله ،، واحد من الشباب ذيك السنة اتصل على أخوي

فقلتحق اخوي لا ترد .. خلني أرد عليه ،، وألعب فيه اشوي ..

المهم .. قال : هلا فلان

قلت : هلا

طبعاً قام يسأل .. وش اخبارك ؟،، وش فيك مانمت للحين ؟ ماعندك دوام بكرة ؟

<<< هذا السؤال التقليدي ،، اللي لايومك ما أحد تاركه ..


اشوي سأل : وش أخبار المعجم اللي عطيتك إياه ؟

عسى اعجبك ؟ .. بس انتبه لايخترب .. ترى تصليحه بذيك القيمة ..

وآنا طبعاً مآشي معاه وكل شي تمام .. لين صك التلفون

و إلى يومكم ما درى أني آنا اللي رديت عليه ذاك اليوم ..

 

 

[زهرة اللوتس]

،

هالموضوع ذكرنا بشسمه الذي مضى ،

أذكره كان و أنا في سنة ثالثة جامعة ، أيام اختبارات الترم الأول

" إنزين عاد / إيه شلون تفهمكم إنها تذكره

اقتباس لكن من قرادة الحظ حذفته بالغلط وصار في خبر كان

ما أدري .... يتروالي أنا علقت عليه هالموضوع من أول العام ،

خلاص ما بعيد التعلوق من باب كلام الحكماء لا يُعاد / فسلة كسلة حد ماحدي

،

وش أقول لكم .. الذاكرة صفر .. ماهنا ولا موقف

بس خليني أقول اللي عندي علشان أبري ذمتي من هالموضوع خخخ

هذا الله يسلمكم في أحد صبحيات هالأسبوع رن التليفون

شان أرفع .. شان تقول الحرمة السلام .. شان أرد عليها و عليكم السلام

شان تقول لي : معش المستشفى الفلاني .. أخت فاطمة معي

أنا : قلت لها بلي معش أخت فاطمة

وأنا مستغربة ، تفكفكت براغي مخي / شلون هالحرمة عرفت إني أنا أخت فطوم أختي

قالت لي : إنتي حاجزة مع دكتورة آنا والدكتورة مسافرة هالأسبوع و ..... > تكمل الموضوع

وأنا عادي مول أسمع على نياتي

قلت لها .. تدري شلون دقي بعد دقيقة حتى تكلمش فاطمة

وذيك استغربت أكثر ههههههه

لما سكّرت الحجية أنا استوعبت .. تقول أخت فاطمة .. يعني تقصد فطوم أختي نفسها

ما تقصدني ..!

إيه عاد أقول لكم ، من سكنا بيتنا الحين عشر سنين إلى يومكم ، أسبوعيا نفس السؤال ونفس الإجابة

يرن تليفوننا : ألو موجود ضيف الله ، و إلا هذا بيت أم شاكر ، هذا بيت بو عيد

الجواب : لا حجيين ، النمرة غلط ...

من جدكم ؟

جوابنا : و الله

مع السلامة ...

الله يعطيك العافية حجي أول الغيث

 

 

[أسينآت..~]

اقتباس المشاركة الأصلية كتبت بواسطة زهرة اللوتس ، هالموضوع ذكرنا بشسمه الذي مضى ، أذكره كان و أنا في سنة ثالثة جامعة ، أيام اختبارات الترم الأول " إنزين عاد / إيه شلون تفهمكم إنها تذكره ما أدري .... يتروالي أنا علقت عليه هالموضوع من أول العام ، خلاص ما بعيد التعلوق من باب كلام الحكماء لا يُعاد / فسلة كسلة حد ماحدي ، وش أقول لكم .. الذاكرة صفر .. ماهنا ولا موقف بس خليني أقول اللي عندي علشان أبري ذمتي من هالموضوع خخخ هذا الله يسلمكم في أحد صبحيات هالأسبوع رن التليفون شان أرفع .. شان تقول الحرمة السلام .. شان أرد عليها و عليكم السلام شان تقول لي : معش المستشفى الفلاني .. أخت فاطمة معي أنا : قلت لها بلي معش أخت فاطمة وأنا مستغربة ، تفكفكت براغي مخي / شلون هالحرمة عرفت إني أنا أخت فطوم أختي قالت لي : إنتي حاجزة مع دكتورة آنا والدكتورة مسافرة هالأسبوع و ..... > تكمل الموضوع وأنا عادي مول أسمع على نياتي قلت لها .. تدري شلون دقي بعد دقيقة حتى تكلمش فاطمة وذيك استغربت أكثر ههههههه لما سكّرت الحجية أنا استوعبت .. تقول أخت فاطمة .. يعني تقصد فطوم أختي نفسها ما تقصدني ..! إيه عاد أقول لكم ، من سكنا بيتنا الحين عشر سنين إلى يومكم ، أسبوعيا نفس السؤال ونفس الإجابة يرن تليفوننا : ألو موجود ضيف الله ، و إلا هذا بيت أم شاكر ، هذا بيت بو عيد الجواب : لا حجيين ، النمرة غلط ... من جدكم ؟ جوابنا : و الله مع السلامة ... الله يعطيك العافية حجي أول الغيث

هههههههههههههههههههههههههههههههههههههههههههههههههه ههههههههه
والله تووووووووووووووووووووووووووووووووحفه انتي يازهور وخصوصا مقطع (قلت لها بلي معش أخت فاطمة)