تطويل الشعر للرجل هل هو انتقاص للرجوله (موضوع للنقاش)

[طموح رجل]

اقتباس المشاركة الأصلية كتبت بواسطة نور الإيمان السلام عليكم ورحمة الله وبركاته قبل ما اجاوب على الأسئلة عندي بعض الرد بصراحة في ناس لما يطيل الشعر تحس انه لايق عليه يعني جاي تمام ويعطيه استايل حلو للمظهر ومن ناحية اخرى في ناس اعوذ بالله تقول شيطان رجيم شكله يخوف ومظهره يفشل على الشعر الطويل قصدي كله اذا كان بيعطي مظهر حلو لا بأس اما لا واضح انه مظهر بيكون فاشل وبايخ انا اقول ما يحتاج .... 1) اذا جا الوقت اللي تفكر فيه انك تطول من شعرك الى اي حد بتطوله ؟؟ ما اعتقد يجي لاني ما عمري فكرت فيه فا عذرا 2) وش الحكمه من وجهة نظرك بالضبط من تطويلك لشعرك ؟؟ لا يوجد حكمة أبدا من وجهة نظري وفي الاخير تشكرات على الموضوع

اوك لما يجي احد يطول شعره قبل يطوله يمر عليك البيت ويقولك قيم شكلي بالشعر الطويل احسن ولا شعر قصير واذا ابي اطوله شاسوي فيه وش نصايحك ،


كل واحد وحر بشكله هو عاجبه شكله وعاجبته قصته



وبس

 

 

[وتين الورد]

نور الايمااان وجهة نظرررر ونحترمهااا
وعلى العين والرأس

تشكراتي لك على المرور

 

 

[بنت الغرام]

بكل صراحه اقول في بعض الرجل حلو وبعض من شكله موحلو عليه
تقبلوووومروري
بنت الغرام

 

 

[قيثارة]

مو مشكله يطول شعره لين حد الإذن اطول شوي بس في حاله وحده اذا شعره كذا خلقه من الله خلقه ناعم بس يجيك شعره مكسر ومع اقل هوا او رطوبه ينفش او اصلا شعره فلافل ويطوله لين كتفه ويقول كيفي لا والله تحسه صاير كنه ام الخضر والليف واقف بالشارع حق تروع العيال .. مع احترامي يعني للاشخاص اللي يسوون هالحركه بس فعلا موقف صار قدامي طفل عمره سنه ونص او سنتين كذا شاف واحد شعره طويل ونافش تصروع وقام يصرخ من قمه راسه هذا دليل ان شكله مو مقبول وحتى الأطفال ينفروا منه ..
يعني قلنا حريه شخصيه بس بعد انت ليه تعرض نفسك للسخريه والغيبه مثل ما قال اخوي الفاضل زكي ..
في ناس لايق عليهم الطويل المعقول مثل ما قلت لحدود الأذن اطول شوي بس مو اكثر حتى لو شعره ناعم وموصل شعره لكتفه بيكون وع وشكله بصراحه مهما تعددت القصات بالنهايه لانه رجال شكله بيصير وع وملفت والكل بيقعد يحش فيه شوفوه شنو مسوي وشكله مستهجن ..
صحيح مجتمع الطرف لازال على العادات القديمه بس عمره ما انتقد شيء الا اذا زاد عن حد الإحترام للمجتمع والعاادات ..

شكراااا خيتو على الطرح الرائع ..

 

 

[وتين الورد]

طووووح رجل
هههههههههههه وجهة نظر ويا اخي وش فيهااا وأمرهم شورى بينهم

بنت الغرام


قيثاااره

 

 

[جناح الملائكة]

بسم الله الرحمن الرحيم ،،،

بصراحة تطويل الشعر بالنسبة للرجال أمر غيرلائق وكما ذكر الأخ ( زكي مبارك ) بأنه لايوجد دليل قطي على أن النبي صلى الله عليه وآله وسلم أطال شعره كما يدعي بعض الأخوان السنة .

ولو رجعنا إلى الحديث الشريف ( لعن الله المتشبهين من الرجال بالنساء، والمتشبهات من النساء بالرجال ) رواه البخاري ، وكما هو المعروف بأن الشعر الطويل من صفات المرأة فـ هل يعقل بأن الرسول إطالته لشعره في هذا السلوك لايتصادم مع الحديث الشريف ؟

طموح رجل / لا أدري مامدى مهفومية الحرية بالنسبة لك ، فـ لو كل تصرف تصرف به شخص من المجتمع على أساس الحرية لأصبحت الأمور كلها مشاكل في مشاكل ، وهذا القانون لم يسنه المسلمون وإنما سنه أعداء الإسلام من أمريكا وأروبا وكما يسمع البعض وشاهد الآخر عندما سافر إلى هذه الدول كيف كانت المرأة تهان وكل ذلك باسم الحرية ، تبادل القبلات في الشارع وأمام الناس علناً كله باسم الحرية و...إلخ .

ينبغي أن تستخدم هذا المصطلح في مماراساتك الدينية والعقائدية ولا أرى في مسألة تطويل الشعر أو الأظافر أو الدخول إلى بيت الله الحرام أو عندرسول الله بثوب النوم أو القميص والجنس فيه نوع من الحرية بل على العكس تماماً فيه ألفات للنظر ولو أدار هذا الشخص عينيه إلى المجتمع الذي حوله لـ رأى الاستنكار بادٍ في وجهوههم .

ونرى انعاكس الآيات في مختلف السلوكيات في مجتمعنا من السهر في الليل والنوم في النهار على عكس ما طرحه القرآن الكريم ، الرجل يطيل شعره والمرأة تقص شعرها أمر مقزز واختلاف الولاية والوصاية في البيئة المنزلية ... إلخ .

واقعاً قضاياً يندى لها الجبين ، والشكر موصول للأخت على هذا الطرح الرائع ، ودمتم سالمين .

 

 

[وتين الورد]

جنااااح ما تفضلت به هو عين الصواااب
وكلامك في غاااية الروعه بصرااحه

دمت بكل خير
وسلمت يمناااك على هذه المشاااركه
واشكرك على ارجاااع روح النقاااش لمواضيعي
طبت لياليك