موضوع خفيف لطيف ( شنطتك تحت التفتيش)

[سُندس }]

حركات شنطة المدرسه والله ويازينها والله يذكر أيامها .

طيب اذا طلعتي وين تودي جوالك - تحقيق حشى خبرك محكمه

ولا ماعندك ؟!.



تصدقي انسى وجود قائمة الرسائل احياناً واحذف منهم بس من فتره لفتره


يتجمعون ولا احذف منهم ولايهمك نحذف حق المجاهر الثانيه .




/



توته ماشاء الله وشها الزين يا زينه .

حركات سكنات شُنط الوان وحزر فزر ..

اشوى اني جيت قبلهم عشان احتال ع كل شي .

روعه الشنط عجبوني اكثر من الجزدان - ماتجامل .

بقولك لكم ..!

ابي الكحل ضروري ماعندي يا ناس زي الناس


* شدخلنا فيك بعد .

شـ النوعيه اللي تسخدميها توته ؟!

صايره كل شي ع اثنين جوالين وعطرين قصدك انا وانتِ صح .




يعطيك العافيه البوو وننتظر مفاجئتك اللي بعدك .

 

 

[تاروتية]

آهلا يالدانة وحياك الله مايغلون عليك حلالك كلهمـ >شفتوا الكرم
بس خاطري في شطنة كمان أكبر من شنطتي الحالية لطلعات
والشنط الصغيرة للعراس تكون أحلى .

اقتباس روعه الشنط عجبوني اكثر من الجزدان - ماتجامل .

عيونك الحلوة والله
أقولك أنا ماحب الجوزدانات أبد وعندي واحد حلو نسيت أصوره .
والبارحة كنت بشتري واحد رهيب بس السعر مادخل مزاجي ههههههه .

اقتباس شـ النوعيه اللي تسخدميها توته ؟!

D.M.A.M هذا المكتوب والله أعلم نصحني فيه صاحب المحل وصدقته .
بس تراه ممتاز .

وكريم الأساس من MAXFACTOR قبل لا تسألي .

اقتباس صايره كل شي ع اثنين جوالين وعطرين قصدك انا وانتِ صح .

أي كل شئ ثنين بس ربي واحد .
أي صح كيف عرفتي ؟



بعدين أعلمكم من المفجأة إللى بعدي .

 

 

[قيثارة]

موضوع رائع يا بنوتات ..
وخرافه ..
توته روعه الاغراض عجبتني ..

 

 

[عطر المساء]

أنا ما طلعت معب أغراضك تاروتية

ليش ؟

/
\

وانت اشراقووووه

كل هالفضايح تودينها معك المدرسة

واحنا يا غافلين لكم الله

ما مرة عزمتيني أشوفك على كشتتك مع البنات ! } بالله وش دخلش ؟

/
\

تاروتية

ننتظر المفـاجعة والله يستر منهـا

 

 

[الساهرة]

حساااااافه حتى انا ما طلعت الصوره عندي

شالسالفه توتو جربي حملي الصور مرتن ثانيه عيوني ,,,

وعلى فكره الكحل هذا من افضل نوعيات الكحل يعني يا دانه اشتريه وانتي مطمنه


يله توتو ننتظر تحميل الصور من جديد وننتظر المفاجأه ...

 

 

[وردة الأحلام]

سلملم بناااااااات......


كيف حالكوووون.....!!؟


توني طحت هالمجهر بعد ما قالت لي ربيعتي عنه......







توتو....


شوفي حل الصور ما طلعت عندي..!!

 

 

[تاروتية]

غريبة الصور طالعة عندي 100 %
بس ولا يهمكن نرفعم مرة ثانية من موقع ثاني لخاطركم .

هذي شنطي

وهذي جوزداناتي

وهذي أغراضي إللى في الشنطة .

 

 

[الساهرة]

مشاء الله تاروتيه ولا سيدات الاعمال جوالين بعد وحركات


والشنط مشاء الله كلهم ذوق


رحله شيقه كانت في شنطة تاروتية


ولازلنا في انتظار الشنطه الجديده

 

 

[تاروتية]

قيثارة
الله يسلمك عيونك الحلوة تسلمي لي .

عطر المساء / وردة الأحلام
وهذا رفعناهم من موقع ثاني لعيونكن .


الساهرة

اقتباس مشاء الله تاروتيه ولا سيدات الاعمال جوالين بعد وحركات

سيدة الأعمال أحسن مني بشو ؟
ههههه مو الهدف أنه غرور والله بس طلعت زين عشان العرض الجميل حقهم
وصراحة ماقدرت أستغني عن سوا رغم أنه الأغلب مقفل .

اقتباس والشنط مشاء الله كلهم ذوق

الله يسلمك وذوقك الحلو.

 

 

[تاروتية]

المتورط الجديد والمفجأة الحلوة







هي










( الســـــاهرة )

 

 

[الساهرة]

دبه والله هذي ثاني توهيقه اليوم

حطيت موضوع مجهر في منتدى ثاني واول وحده توهقن انا والحين نفس الشي



يله مو مشكله انتظروني بكره مع الصور والله يعين



تحياتي

الساهرة

 

 

[الساهرة]

طبعا ذوقي في الشنط فاشل اشوي

لكن يله كرمال عيونكم بحط لكم كل شنطي

وما يغلون عليكم الي تبي بس تأشر


يله بسم الله نبدء

هذي اخر شنطه شريتها



وهذي الشنطه هي اكثر شي استخدمها خفيفه وعمليه وفيها مجال


هذي قديمه بس ما قصرت وياي نحلتها من كثر ما استخدمتها عشان كذا ما طاوعني قلبي وبصراحه كل الي يشوفها تعجبه ويسألني من وين عشان كذا انا محافظه عليها


هذي اشتريتها من فتره من العثيم وكانت حيل عاجبتني بس الى الان ما استخدمتها
احس كرهتها وصارت ما تعجبني



هذي الشنطه اموووت عليها لانها رفيقتي بالسفر



وهذي هديه من امي جابتها لي من سوريا احاول ما استخدمها كثير لانها جلد طبيعي واخاف عليها تخترب



هذي الشنطه من ماركة فرساتشي عجبتني بس ما استخدمها كثير لانها ثقيله بدون شي




هذي الشنطه تاروتيه تعرفها زين ( تتذكري بالمدينه اقولك شوفي المرأه الي شنطتها قطوه هذي انا)



وهذي اغراضي الي دائما بشنطتي




جولسيد ( كريم لليد)

مرايه وملقط ههههه لازم

كحل قلم هههه مثل حق تاروتيه ومحدد وروج وبرايه

جوالين واحد الي تشفونه (زين طايح حظه ما فيه ابراج) والثاني الي اصور فيه سوا

بتشوفون حلاوه ومصاصه هذي حق حمووود الي تشوفون صورته تحت اسمي

هذا ثقييل وخجووول وما يجي يسلم علي الا اذا فيه مغريات

وعطر مثل منتو شايفين

ومفتاح بيتي

فلاش ميموري


وبث



اتمنى ما اكون طولت عليكم


وانتظرو شنطه جديده


جاري البحث ....


تحياتي


الساهرة

 

 

[إشراقة أمل]

يه يه .. وش ذا الحركاااااات توتة وسوسو ..

صج انكم حريم ..

كريمات ومكياج وما ادري ايش

الحمد لله اني مو تبع هالحركــات .. <<< توني صغيرة عليهـا

بس ذكرتيني سوسو ..

الفلاش مومري .. أهم شي ينحط في الشنطة في كل طلعة ..

صار أهم من الجوال حتى ..!

.

سوسو ..

أنا أعلمك من تختارين ..؟

اختاري وردة الأحلام ..

تلقينها مجهزة شنطتهـا من زام ..

وتنتظر بس أحد يقول لها [ شنطتك تحت المجهر ] ..

<<< وردة .. ربيعتك فضيحة مــو ..؟!

.

تحيتي لكن

.
.

 

 

[مثالية]

ابله توتو اغراض شنطتك << تشبهني الى حد ما

سلفيني جوال << جوالي مرهون هالفتره

عزيزتي الساهره << اغراضك يونسون >>وشنطة الجينز عذاب

بعد اغراضش حلوة بس كأن ناقص المسكار

يعطيكم العافيه

 

 

[الساهرة]

اقتباس يه يه .. وش ذا الحركاااااات توتة وسوسو ..

اي حركات ما نلعب

اقتباس صج انكم حريم .. كريمات ومكياج وما ادري ايش الحمد لله اني مو تبع هالحركــات .. <<< توني صغيرة عليهـا

اي بعد شنسوي يا شرووقه لزوم الكشخه يعني

بس ذكرتيني سوسو ..

اقتباس الفلاش مومري .. أهم شي ينحط في الشنطة في كل طلعة .. صار أهم من الجوال حتى ..!

انا ما استغني عنه الفلاش لذا اشيله من الشنطه وارجعه على طول

بس بالنسبه لي الجوال اهم

.

اقتباس سوسو .. أنا أعلمك من تختارين ..؟ اختاري وردة الأحلام ..

عندي احساس انك تبي تورطين البنيه

عموما انتظروا وشوفو انا بختار مين

اقتباس تلقينها مجهزة شنطتهـا من زام .. وتنتظر بس أحد يقول لها [ شنطتك تحت المجهر ] .. <<< وردة .. ربيعتك فضيحة مــو ..؟!

اممم شكلي بفكر جد بالموضوع

بس بنتظر الى بكره بشوف ما جاك تكفيخ من البنت بختارها ههههه



اشراقة امل انتي عسل ومرورك عسل حبيبتي

الله لا يحرمني من طلتك الرائعة مشرفتنا الغاليه



تحياتي

الساهرة

 

 

[الساهرة]

اقتباس عزيزتي الساهره << اغراضك يونسون >>وشنطة الجينز عذاب

مشكوووره ميثو على ذوقك والشنطه وصاحبة الشنطه تحت امرك

اقتباس بعد اغراضش حلوة بس كأن ناقص المسكار

انا المسكره بعمرها ما احط منها الا للمناسبات عندي مسكار فاضي حاطه فيه ماي عشان انظف رموشي من غبار البودره

المسكره ما احبها ابد


\
يسلمووو على المرور الزيز حبيبتي

الله لا يحرمني من طلتك


تحياتي

الساهرة

 

 

[تاروتية]

ياربي تهوس تشبه إللى خاطري فيها
ماتغلى عليً يالساهرة صح ؟

اقتباس هذي الشنطه تاروتيه تعرفها زين ( تتذكري بالمدينه اقولك شوفي المرأه الي شنطتها قطوه هذي انا)

اقتباس

أي والله وأنا والله أقول في خاطري كيف يعنو قطوة أفتكرتها مثل شنط الأطفال
فيها وجه قطوة ههههههههه.

انا مثلك ياساهرة احياناً الملقط والمقص في شنطتي .


//


إشراقة أمل / مثالية
حياكمـ الله وش نسوي بعد لازم هالامور .

 

 

[الساهرة]

اقتباس ياربي تهوس تشبه إللى خاطري فيها ماتغلى عليً يالساهرة صح ؟

وربي ما تغلى عليك غناتي

بس عاد خلينا نشوفك يا الدبه ويصير خير

اقتباس أي والله وأنا والله أقول في خاطري كيف يعنو قطوة أفتكرتها مثل شنط الأطفال فيها وجه قطوة ههههههههه.

هذي الي بكفخها اللحين
شرفني مرورك حبيبتي



تحياتي

الساهرة

 

 

[إشراقة أمل]

سوسو ..

ترى البنت من جد تنتظر دورهــا ..

بس الخوفة .. لافشلتيني .. واخترتِ غيرهــا ..

.

عندي فكرة ..

لو حاطة في بالك وحدة ودك تورطينهـا ..

ورطي وردة الأحلام .. وارسلي لهـا بإسم العضو اللي ودك تورطينهـا

وبكذا انحلت المسألة

.
.

 

 

[الساهرة]

مرحبا اشراقة امل


ولا يهمك حبيبتي منو يحصل له متورط جاهز ههههههههه





يله يا ( وردة الأحلام )


اسدحي لنا شنطتك بالي فيها تفتيش الحديثه على غلفه ههههه


ننتظر بفارغ الصبر


تحياتي

الساهرة