للحيارى .. مشكلتك لها حل ...... هنا استشر من دون احد يعرفك

[وردة الأحلام]

عصبية أخوك مش طبيعية أبداً ،’

أنا أقول تكلمون واحد قريب من عايلتكم أو من شيوخ بلدتكم يروح له أبوك ويعلمه بحالته علشان ياخذه على جنب ويكلمه بهدوء <<يمكن إذا صار رجال مؤمن وغريب يحترمه ويسمع كلامه (بشرط أن يكون الكلام بينهم سكّاتي ما أحد من الناس يدري)


وحبيبتي لا تخلين الخوف يسيطر عليك أو يأثر في نفسك أنتِ معاك أمك وأبوك ومعاك اللي يحفظك وهو الله لا تتركين الدعاء والصلاة،’
وتجنبي تقربين جنه أو تكلمينه وهو معصب،’



أتمنى أفدناك باللي عندنا،’

 

 

[انين قلم]

سلاما من الله عليكي

وتحيه طيبه مني لك ومساء محمل بعبير الياسمين ازفه لكم جميع

وابارك لكم هذا الشهر الفضيل

اختي العزيزة ..

بصراحة قصة جدا محزنه تحدث وسط هذا العالم الذي يسكنه دين محمد وعلي

عزيزتي ..

انتي تقولين الولد من لم كان طفل كان كذه بصراحة يعني وين ابوك وامك عنه لم كبر تحولون تدورون الحل من شبه على شي شابه عليه

لكن بأذن الله راح تكون هناك في حلول

اول شي اختي لازم تشوفين من خلال حياتك مع اخوك شنهو الشي الي يلين قلبه ويخليه يفتح مجال لنقاش

زي مثلنا لو سويتي له شي يحب ياكلها ينبسط ويصير في مقدورك تتكلمي معه

لازم تعرفين منهو ربعه منهو اقرب انسان له يقدر يأثر عليه مستحيل مايكون هناك له صديق

انا اعرف شخص في البرمجة الغة العصبيه وهذا ميحتاج شرح لها اكيد عارفه شنهو وظائف هذا الشخصية

يحلل شخصية .. يحل مشاكل اجتماعيه .. يقوم بمقام الدكتور النفسي . واشياء كثيرة

وهذا الرقم اختي 0504930829

اسم الشخص علي العباد

وهو طبعا مشهور في قريتنا الحبيبه

والله يهدي اخوك ويهدي الجميع يارب في هذا الشهر الفضيل

بنتظار عوتدك خيتو

واتمنى اني فدتك

انين قلم

 

 

[أين الحل؟؟]

السلام عليكم ورحمة الله وبركاته

قبل فتره تقدم شخص لاختي

للاسف ماصار نصيب

المشكله ان امي وابوي رفضو الولد دون علم اختي ((اختي مخلص دراسه وهي في سن مناسب للزواج ))

انا سالت زوجي عن الشاب ومدح لي الرجال وقال والنعم فيه واخلاقه تمام وموقاصره شي

بس تتوقعون وش سبب الرفض












للاسف انا اشوف كثر من الناس هذا تفكيرهم




سبب الرفض

ان واحد من اهله اخلاقه موشي

طيب الشاب وش ذنبه

يتعلق مصيره مصير ان هالشخص من اهله

سؤالي ليش الناس صار تفكيرها كذا
لاتقولين حالولي في الاهل
حاولت بس تفكيرهم متحجر

اذا رب العالمين يرحم الناس ماترحم
يوم القيامه كلنا يتحاسب عن نفسه

انا حطيت نفسي مكان هالشاب احس اني مقهوره مرره شلون هو

ان اوجه كلامي لكل من يمر من هنا وتفكيره نفس تفكير اهلي
حط نفسك مكان هالشخص



؟
؟

 

 

[الساهرة]

اين الحل؟؟

تأكدي ان احرص الناس هم الاب والام على بنتهم ولابد ان هناك سبب تجهلونه

وان كان السبب هو ان فلان اخوه او وابوه او اي احد من اهله سيء السمعه فأنا اجده سبب مقنع وان كان هو ماله ذنب

هل تعلمين لماذا؟؟

لان هذي للأسف نظرة من المجتمع ككل على سبيل المثال لو تزوجت اختك هذا الشاب وجاء شاب اخر يريد ان يخطب اختك الثانيه

سوف يسأل اهله عنكم وحينما يعلمون انكم زوجتم ابنتكم لشخص عنده اخ او ابن عم او قريب سيء السمعه او ان اسم العائلة وسمعتها مش ولا بد يمكن يرفضون هذا النسب ..

وفعلا هذا الشي حاصل وبالذات في مجتمعنا القروي اعرف 4 بنات مثل فلقة القمر وصلو عمرهم فوق الثلاثين وما تزوجو والسبب ان اختهم تزوجت شخص من عائلة سيئة السمعه مع ان الشخص محترم ...

هنا الاب والام يفكرون بنظرة مستقبلية قد نكون غافلون عنها ...


لذا هوني عليك وايضا اقنعي اختك بهذا الكلام وان شاء الله اذا نصيبها بتاخذه واذا الله ما كتب يجيها افضل منه وترفع راس اهلها فيه

لانها اذا تزوجت بدون رضى اهلها صعب تتوفق ...


تحية طيبة

الساهرة

 

 

[غرااام]

اقتباس تأكدي ان احرص الناس هم الاب والام على بنتهم ولابد ان هناك سبب تجهلونه وان كان السبب هو ان فلان اخوه او وابوه او اي احد من اهله سيء السمعه فأنا اجده سبب مقنع وان كان هو ماله ذنب

أنا أؤايد كلامك أختي الساهره،،

وسبق وخطب وحده من قريباتي شاب محترم...

ومايعيبه شيء لكن بمجرد عرفت امها أنه فلانه

تصيرجدة الولد وهي أنسانه سيئه ولها ماضي أسود....

ع طول رفضت الموضوع من غير التفكير فيهـ

فأنا أقوول يمكن أهلك معهم حقـ

وأهم أبخصـ.....

وأن شاء الله أختك بتأخذ

اللي الله كاتبه لهـ//

وتتوفق يارب،،،،،

 

 

[أين الحل؟؟]

اقتباس المشاركة الأصلية كتبت بواسطة غرااام أنا أؤايد كلامك أختي الساهره،، وسبق وخطب وحده من قريباتي شاب محترم... ومايعيبه شيء لكن بمجرد عرفت امها أنه فلانه تصيرجدة الولد وهي أنسانه سيئه ولها ماضي أسود.... ع طول رفضت الموضوع من غير التفكير فيهـ فأنا أقوول يمكن أهلك معهم حقـ وأهم أبخصـ..... وأن شاء الله أختك بتأخذ اللي الله كاتبه لهـ// وتتوفق يارب،،،،،

اخواني الكرام

الدين يسر مهو بعسر
احكم على العائلة كاملة على تصرف من احد افراد العائلة
اصابعك غير متساوية
اذا كان الشخص محنرم ودين وخلق وفادر على المسؤلية
فما المانع

ياناس اتقوا الله
الله يمهل ولايهمل
حط نفسك اذا انك شاب متقي الله
او حط نفسك اذا انك بنت خلوقة متقية الله
وش ذنبك

اذا كل واحد يفكر بهذا الاسلوب ماحد عاش

ولا الناس مالها الا الظاهر

من بره الله الله والداخل يعلم الله
اذا كان الله خالق السموات والارض يغفر
وانت ياعبده ماتغفر
كل شخص مسؤل عن تصرفاته

اذا نحكم على الاشخاص كما ذكر الأخوان او الاخوات

طبعا لا

واكرر ياناس الدنيا مالها امان في هذا الزمان
انت كامخلوق لاتحاسب فيما فعله غيرك

 

 

[الساهرة]

اين الحل ؟؟

هوني عليك

نحن شرحنا فقط وجهة نظر الاهل

وكما ذكرتي انك حاولتي ولكن دون جدوى

اي انه لا يمكن لك ان تغيري وجهة نظر اهلك

وحتى لو غيرتيها فلن تستطيعي تغير مجتمع كامل

نحن لا نقول انك على خطأ لكن ايضا اهلك معذورين

نعم قال الرسول الاعظم صلوات الله عليه وآله ( من ترضون دينه وخلقه فزوجه )

لكن ايضا قال ( اختاروا لنطفكم فإن العرق دساس )

هنا يتضح ان مسئلة الزواج وخلط الانساب ليس بالامر الهين وخصوصا بالنسبة للأب والام فهما المحاسبان ايضا على اختيار الزوج لأبنتهم لذا يجب عليهم التفكير الف مره ..

 

 

[غرااام]

ياأختي فهمينيـ
معك حق أنه ماله ذنب
لكن أنا قاعده أقوول لكـ
من اللي قاعده أأشووفهـ
أنه أغلب الناس مايرضون
يزوجون بناتهم لواحد
حدمن قرايبه سمعته سيئهـ
يعني حتى أنتيـ
لوخطب بنتك واحد
أمهـ والا أبوه
سيرتهم ع كل لساان
من اللي يسوونه
ماراح ترضين تزوجين ولدهم بنتك
أنا قاعده أقولش وجهة نظريـ
وأنتي حره ياأختيـ،،،،،

 

 

[وردة الأحلام]

السلام عليكم ورحمة الله وبركاته،’,


هذي نظرة الناس للشاب إذا تقدم لخطبة فتاة قالوا ولد خالته فيه كذا وكذا
وهو المسكين ماله ذنب وتلقاه متدين وصاحب أخلاق عالية




يعني ليش الأهل يحملونه ذنب شخص من عايلته وهو ما يتصف بهذي الصفات......؟؟


وطبعاً بتقولون هذا من خوف الأهل على بنتهم ما يبغون يزوجونها واحد في عايلتهم أو من نسبهم واحد فيه أشياء مش زينة
لكنهم يهدمون مستقبل البنت ولا يبنونه بكذا
لأن مستحيييييل نشوف نسب أو عائلة ما فيها شيء يخربها حتى لو بسيط حتى لو صغير حتى لو من شخص واحد ما يكمل إلا الله سبحانه


يعني شفتوا القطوة كيف من الخوف على أبناءها تاكلهم؟؟إذا خافت على ولدها تاكله؟؟
هذا الأهل يسوون كذا من خوفهم على بنتهم يخربون عليها

 

 

[الود طبعي]

اقتباس المشاركة الأصلية كتبت بواسطة غرااام ياأختي فهمينيـ معك حق أنه ماله ذنب لكن أنا قاعده أقوول لكـ من اللي قاعده أأشووفهـ أنه أغلب الناس مايرضون يزوجون بناتهم لواحد حدمن قرايبه سمعته سيئهـ يعني حتى أنتيـ لوخطب بنتك واحد أمهـ والا أبوه سيرتهم ع كل لساان من اللي يسوونه ماراح ترضين تزوجين ولدهم بنتك أنا قاعده أقولش وجهة نظريـ وأنتي حره ياأختيـ،،،،،

مع احترامي ل غرام

هذا اذا كان احد افراد عائلته المتصلة بوالديه
امه ابوه معاكم حق

مو قرابة بعيدة من نفس العايلة احكم على العايلة كلها
او تصرف خاطئ من العايلة واحكم على الكل


اوكماذكر احد الأخوان ابن خاله او ابن عمه سمعته سيئه
انتو بتعطون الشخص نفسه ولا ابن خاله اوابن عمه


التأكد من صحة الأمور
قطع الارقاب ولا قطع الأرزاق

 

 

[البرنسيسة الصغيرة]

الصالح و المناسب للزواج

قال تعالى : "و من آياته أن خلق لكم من أنفسكم أزواجا لتسكنوا إليها و جعل بينكم مودةً و رحمةً إن فى ذلك لأيات لقوم يتفكرون"

قال رسول الله : (( إذا جاءكم من ترضون دينه و خلقه فأنكحوه))

 

 

[روح الرحمه]

اقتباس ..سابد ا انا وبدون اية مقدمات المشكلة التي سوف اطرحها لاتخصني فقط بل تخص جميع من في البيت وخصوصا الضحيه زوجة اخي ويؤسفني جدا ان اعترف بهذا اخي هو سبب المشكلة ...ساشرح لكم اخي يعتبر الاكبر من بيننا ومتزوج وعنده 3 اطفال كل البرءاة فيهم وهو في البيت مسوي لنا رعب مو طبيعي بصراحة انا اتكلم عن نفسي اخاف منه حيل واذ شفته انخش في الغرفه او وراى اخواني موبس انا الكل بالبيت ...تتسالون ليش ؟؟؟ لان عصبي بشكل مو طبيعي صدقوني مو العصبية الي انتوا تظنونها اكبر من كذا الى درجة ان امي وابوي مايحترمهم ويخافون منه هذه المشكلة صار لها سنوات عندنا بس امي وبوي طيبين زايدة عن اللزوم وهذه النتيجة ...طلع متمرد عليهم لو المشكلة معانا معلي قلنا نصبر بس زوجته واطفاله ماسلموا منه والي قاهرني اكثر ان زوجته صار لها معنا بالبيت اكثر من 12 سنة واكثر من اخت لنا وماعمرنا بيوم شفناها مقصرة بالعكس ماكان يعطيهم فلوس الي في كل سنة مرة 100 ويرجع ياخذهم منها وحتى اطفاله بالمدرسة مايعطيهم فسحة ..يقوم فوق كل هذا وتزوج عليها بعد ماتحملته يجزايها بهشي ومن تزوج وهو صاير اشر من قبل وبقولكم موقف صار وانتوا حكموا ..مرة بنته الصغيرة جاتها حمى وكل ماقالت له زوجته ودها المستشفى مايرضى ويقول انتوا تبالغون وحتى خلاص ماتت من الخوف على بنتها كل شوي وحالتها تزيد دقت عليه وقالت له خلاص انا بقول حق اخوك يوديني ووافق وفجأة لما جاوو يركبون السيارة وصل وقام يصرخ ويسب وكانت بالسيارة وماسكة بنتها فتح باب السيارة وقام يمشع شعرها ويضرب فيها ويدوس في بطنها وهي ماسكة بنتها والصغير تفح من الصياح ..لما جاء اخوي يبي يبعده عنها قام وضربه بالباب السيارة وشق جبته وقطع ازراره ثوبه وقام يصارخ على امي وشوي كان بيضربها .. وانا كنت خايفة وماسكة بنته الثانيه لايسوي فيها شي وظل يكسر في البيت وبعدين جاء لنا انا قمت اقرء نادي علي مظهر العجائب ....وكان رايح يدخل علينا ويموتنا ضرب بس طلعت بوجه اختي والمسكينه اهي كلت الضرب دزها على السراميك على ظهرها وظل يدوس في بطنها وصارخ علينا وطلع والي قهرني اكثر لما شفت ابوي جاي البيت يركض ويقول وش فيكم وش صاير وكانت دمعته في عينه عورر قلبي ومن يومها وانا المشهد مايغيب عن بالي وطول الوقت ظل بالغرفة اخاف اطلع واشوفه والى درجة اني احس دائما ارتجف بدون مايصير شي سامحوني مااقدر اكمل

اولا احب اشكر وردة الاحلام الله يعطيها العافيه ويوفقها وماتمر عليها من هالمشاكل انشاء الله انشاء الله ماتشوف الا الخير

وبالنسبه للمشكله
القصه مره غريبه ولو قاريتها انا بمجله كان حكمت انها كذب بس يوم فكرت بالكلام اتضح الي ان القصه واقعيه وان من الاكيد اخوها فيه حاله نفسيه الا لاخوانها ولا والدينه ولا زوجته ولا اعياله راضيهم هذا يمكن مو عارف يحل مشكلته

واللي اقوله ماتلكم الا الصبر والله يفرجها ولا ننسى حكمتنا الصبر مفتاح الفرج وماندري بالايام شنو بيجري على هالانسان والحال مايبقى على حاله

 

 

[روح الرحمه]

اقتباس السلام عليكم ورحمة الله وبركاته قبل فتره تقدم شخص لاختي للاسف ماصار نصيب المشكله ان امي وابوي رفضو الولد دون علم اختي ((اختي مخلص دراسه وهي في سن مناسب للزواج )) انا سالت زوجي عن الشاب ومدح لي الرجال وقال والنعم فيه واخلاقه تمام وموقاصره شي بس تتوقعون وش سبب الرفض للاسف انا اشوف كثر من الناس هذا تفكيرهم سبب الرفض ان واحد من اهله اخلاقه موشي طيب الشاب وش ذنبه يتعلق مصيره مصير ان هالشخص من اهله سؤالي ليش الناس صار تفكيرها كذا لاتقولين حالولي في الاهل حاولت بس تفكيرهم متحجر اذا رب العالمين يرحم الناس ماترحم يوم القيامه كلنا يتحاسب عن نفسه انا حطيت نفسي مكان هالشاب احس اني مقهوره مرره شلون هو ان اوجه كلامي لكل من يمر من هنا وتفكيره نفس تفكير اهلي حط نفسك مكان هالشخص ؟ ؟

وجهة نظري

يستحسن انك تحطي في بالك لو كان نصيب اختك خذته هذا سبب واحد
ثانيا نكون مع ابوك اذ كان يخص السمعه بالمعنى اذا كان سبب قوي بعد ابوك مو مسؤل عن اخطاء غيره واذا كان سبب تافه مالا داعي يرد الرجال لان الرجال ماله ذنب وعلى قولة المثل الخير يخص والشر يعم

 

 

[غرااام]

اقتباس مع احترامي ل غرام

ومع احترامي لك يأأخويـ
أنه كل واحد وله وجهة نظره
وحتى لوكانت وجهة نظري
خاطئه فهي لنفسيـ

اقتباس اوكماذكر احد الأخوان ابن خاله او ابن عمه سمعته سيئه انتو بتعطون الشخص نفسه ولا ابن خاله اوابن عمه

أنا ماقلت
ولدعمه والاولدخالهـ
قلت أمه والا أأبوهـ
وأتمنى محديزعل من كلامي...

تحياااتيـ

 

 

[أين الحل؟؟]

السلام عليكم ورحمة الله وبركاته ...

مبروك عليكم الشهر الفضيل .. وعذرا على التأخير << بسبب ظروف خارجه عن ارادتي


انا تلك المرأه اللي زوجها يمارس اللواط


كلامك على راسي من فوق يااخوي بوزينب14

والله قاعده احاول اني ما اقصر في اي حق من حقوقه


بس وصلت فيه الجرأه انه يمارس على سريرنا في اثناء غيابي


واحيانا ومابي اظلمه بس اشك وشكي اقرب الى اليقين احيانا يخليني انام في بيت اهلي بحجة انه
بيذاكر لواحد من ابناء اصدقاءه
از انه ما يقدر يشوف صديقه هذا الا هالليله لانه دوامه مايعطوه اجازه او او او الخ



انا مابي اظلمه بس صج تعبت من كثر ما اتأمل انه بيتغير الى الاحسن تعبت والله تعبت


ولا اللي يزيد الطين بله الناس اللي يحسدوني على السعاده اللي انا فيها <<< امحق سعاده


يالله يااااااااارب تاخذ حقي ممن ظلموني يااااااااارب


الهي جرحوني خانوني لعبوا بمشاعري فخذ حقي منهم ياااااااااااااااااااااارب



دعواتكم



تحياااااااااااااااااااااتي

 

 

[وردة الأحلام]

اقتباس انا تلك المرأه اللي زوجها يمارس اللواط

أختي أبغي اسـألك أنتي شلون دريتي إنه يمارسه.....؟؟ يعني شفتيه بعيونك أو بس شاكة في الأمر...؟؟يعني شنو الشيء الدال على هذا..؟؟
وقولي لي زوجك مارسه مع طفل....؟؟ولا ولد بالغ.....؟؟ولا رجال بنفس عمره....؟؟


يعني إذا صار طفل هذي مصيبة كبيرة لأنه راح يأثر على الولد وعلى حياته وعلى مستقبله في الزواج وهذا الولد إذا كبر راح يسوي هذا الشيء في واحد ثاني مثل ما صار له،’

أما إذا مارسه مع رجال من عمره هذي عاد أكبر مصيبة،’

يعني إذا تميتي مدة أطول من كذا راح تصير أكبر مصيبة وبيتمادى وبيسويها مع أكثر من واحد،’

 

 

[أين الحل؟؟]

هل هناك اطار محدد في طرح القضية

هل يمكن أن اطرح قضية خاصة تخص في المعاشرة الزوجية مثل


أما المجال غير مسموح

 

 

[الساهرة]

اقتباس هل يمكن أن اطرح قضية خاصة تخص في المعاشرة الزوجية مثل

عذرا لكن مثل هذه القضاياة ممنوع طرحها في المنتدى عموم سواء في هذا الموضوع او خارجه ...



اشكر تقبلكم واسأل الله ان يوفقكم ..

تحية طيبة

الساهرة

 

 

[كـآأإدي ا~]

يعطيك العافيه أختي على هذا الموضوع

 

 

[وردة الأحلام]

الله يعافيكم ويغنيكم من الشر والحرام،’
دُمتم بخير،’