{[..يــومـ فـي حيــاة عــضو....]}

[حلم الليالي]

يومٍ جميـــلَ ياسكون الصمت

والله منظم وروتينــــــ ,, رووعهـ

موفقهــ يارب

أرشح الاخت غرووووم

 

 

[وردة الأحلام]

أختي حلم تم ترشيح الأخ ليت للقلب عين،’


وياليت أحد يقدر يساعدنا ويخبره إن احنا بإنتظاره،’

 

 

[ليت للقلب عين]

السلام عليكم ورحمة الله وبركاته

كيف حالكم حبايبي ان شاء الله

عساكم عالقوه

بصراحه تفاجات لما جاني الخبر من اختي الغاليه وردة الاحلام وحان نتناقش هناك

واشكر
بحر الوفاء
وسكون الصمت
وعاشق ابن الانجليز
وكل من رشحني


وانا محرج منكم صراحه بس اتمنى ماحد يزعل مني

طالما وقع الاختيار علي رغم اني منخش لكن مافي فايده فضحتنا بحر الوفاء


وطالما انا صاحب الشان الآن


اقدم وبالنيابة عني

الاخــــت

مـ ــهــ ــاوي


لا تزعلون بس لي الحق احيل العزيمه


الحين منو فيكم <<يعترف يلا
بس جد اتمنى ماحد يزعل مني وماراح اخيب ظنكم فيني المرات الجايه

نتمنى ان تصل الاخت مهاوي في اسرع وقت .












في حفظ الباري

 

 

[ترابي]

ننتظر مهاوي محلا

من ليت للقلب عين لعتذاره

 

 

[غرااام]

مهاوي اذا ماخاب ظني غايبه عن المنتدى

من فتره

تحياتي

 

 

[ليت للقلب عين]

اقتباس مهاوي اذا ماخاب ظني غايبه عن المنتدى

لا عاد ما يصير قولي كلام ثاني...


مو مشكله ننتظرها الى بكره ان ماجات هناك حديث آخر




في حفظ الباري

 

 

[بحرالوفا]

اقتباس نتمنى ان تصل الاخت مهاوي في اسرع وقت .

أن شاء الله الأخت مهاوي تصل يوم الأحد بالسلامه

وفقكم الله

 

 

[ليت للقلب عين]

يعني مافي فايده

علينا علينا

بأذن الله بكون التقرير جاهز اليوم

استانسي يا ابله احلام رجع علينا الدور




لـــــي عوده

 

 

[إشراقة أمل]

.
.

مســاكين بعض النـــاس . .

حتى الإحــالة ما نفعت معــاهم ..

يبون ينخشون .. ويعتذرون بأي طريقة ..

بس ما عرفوا !!

.
.

ننتـظــــر ..
فلا تُطيــل الانتظــــار !!

.
.

 

 

[حلم الليالي]

يعني وراك وراك ياليت للقلب عين

ياللهبأنتظار تقريرك

 

 

[وردة الأحلام]

اقتباس يعني مافي فايده علينا علينا

ههههه ما في بعد تهرب خلااااص وراك وراك،’

اقتباس بأذن الله بكون التقرير جاهز اليوم

وكلنا بالإنتظار،’

اقتباس استانسي يا ابله احلام رجع علينا الدور

يييييييس علشان تعرف إن المسألة جد مش لعب وتهرب ،’

اقتباس لـــــي عوده

ونتمنى توجد صور مع التقرير،’
بإنتظارك....موفق للخير،’





أخذوه درس من الأخ إن اللي يستضاف عندنا ما في مجال يتهرب،’

 

 

[ليت للقلب عين]

السلام عليكم وحمة الله وبركاته


بعد محاولات من الفرار وعدم القدره على ذلك رضينا بالأمر الواقع

وانا سعيد لذلك لوجود بعض المشاكسات مني ومن الاخت ... عفوا . من ابلتنا احلام.


بسمه تعالى نبدأ

خلاص الحين باللغه العاميه


اجلس من النوم الساعه 12.30 للصلاة ولشي ثاني بعد


طبعا قبل ما اتوضأ لازم >> المثل يقول نام بكير واصحى بكير وشوف حالك شو بصير صح؟

انا اقول : دعش كثير وفرش كثير شوف اسنانك شو بتصير

اصلي صلاة ربي وبعد ما اخلص صلاتي اروح اسوي الشي الثاني الي هو.

احتار شسوي لان يكون اخوي جالس عالنت فــ

اروح اضم حبيبي نص ساعه او اقل واخش الماس عالجوال

منو حبيبي؟

هذهو




وبعدها اروح عند التلفزيون اذا فيه شي لان من امر اشوف اخواني يتابعون جنون الليل

خلاصة الكلام اشوف لي اي شغله الى الساعه 3.30

بعد الساعه ثلاث ونص اروح عالدوام ... سوبر فايزر في ارامكو

اقصد وظيفه تمشي العمل وتطير الزهق لاني كنت ادور على اي شي اشتغل فيه المهم ما اجلس في العطله ومن يومين حصلت الوظيفه.الحمد لله


اروح بعد صلاة العصر مباشره وطبعا تكون في اوقات فراغ فــ اخش الماسنجر واسلوف من ذيك وذياك.

يأذن المغرب وارجع لبعد عمري


منو بعد عمري شوفوه تحت




واصلي وارجع الدوام طبعا ينتهي الساعه 9

لكن وقت اذان العشاء كذلك ارجع البيت واجلس على بعد عمري ربع ساعه وارجع الشغل والساعه تسع اروح النادي واخلص الساعه 10 او اكثر بشوي

ارجع البيت

اتروش واكل لي اي شي طبعا الاكل قبل التروش


بعد التروش اجهز واكشخ واطلع مع ربعي الى الديوانيه

طبعا زي اليوم اللبس المفضل لاني توني شاريه في المدينه واتمنى انكم تعطوني رايكم فيه

هذهو تحت مو هنا تحت الله يهداك\ي




طبعا ما اروح ديوانية الشباب الا الساعه 12 على ما كلت وتروشت وتكشخت

نجلس مع الشباب

زي امس شنو سوينا عزمنا كل واحد يجيب من بيتهم شي

الي جاب سمبوس والا جاب شوربه والا جاب ورق عنب والا جاب دونات والا جاب زعتر والي جاب ذاك ما ادري شسمونه والا جاب البارد ثنتين حمضيات وواحد ببسي

والا جاب الحب والقهوه

اما الشاي نسويه في الديوانيه

وفيك خير واكل

بس انا تأخرت شوي وراح علي السمبوس قلت ما يصير حرام عليكم



المهم جلستنا عباره عن سوالف واذا جا شي مهم في التلفزيون نتابعه زي سنوات الضياع او فلم اكشن

وشوي ونسوي مباريات سوني بس اترك الكلام حماس

واصلي الفجر معهم وامشي واجي البيت

بنام بس اشوف بعد عمري المفروض تكونو حفظتوه منو؟

السرير والا الكمبيوتر؟

عليكم الجواب

اجلس ساعه وانام واجلس الساعه 12.30


هذا هو نظامي منذ يومين


اتمنى ما اكون طولت عليكم<<

والصور وحطيناها يا ابله بس ابي رايك بالبدله اوكي؟







في حفظ الباري

 

 

[Gauls]

مشكورة ياوردة الأحلام عالموضوع الرائع
انا ارشح برشلوني الطرف
تحياتي.....

 

 

[سكون الصمت]

اقتباس المشاركة الأصلية كتبت بواسطة وردة الأحلام سكون الصمت ما شاء الله يومك جميل ورائع،’ و وجودك ومتابعتك للموضوع أروع،’ دُمتِ بخير،’

مشكوره انتي اروع

من ذقج الله يسلمج


لك ارق التحايا ...

 

 

[سكون الصمت]

اقتباس المشاركة الأصلية كتبت بواسطة حلم الليالي يومٍ جميـــلَ ياسكون الصمت والله منظم وروتينــــــ ,, رووعهـ موفقهــ يارب

مشكوره حبيبتي

ردك الاروع


دمتي بود

 

 

[سكون الصمت]

اقتباس المشاركة الأصلية كتبت بواسطة ليت للقلب عين السلام عليكم ورحمة الله وبركاته وعليكم السلاام والرحمه ... كيف حالكم حبايبي ان شاء الله بخير الحمدالله نسأل عنك ... عساكم عالقوه الله يقويك ..... بصراحه تفاجات لما جاني الخبر من اختي الغاليه وردة الاحلام وحان نتناقش هناك واشكر سكون الصمت العفو شدعوه ماسوينا شي ماسوينا الا الواجب وانا محرج منكم صراحه بس اتمنى ماحد يزعل مني خذ راحتك افا عليك طالما وقع الاختيار علي رغم اني منخش لكن مافي فايده فضحتنا بحر الوفاء وطالما انا صاحب الشان الآن اقدم وبالنيابة عني الاخــــت مـ ــهــ ــاوي لا تزعلون بس لي الحق احيل العزيمه الحين منو فيكم <<يعترف يلا بس جد اتمنى ماحد يزعل مني وماراح اخيب ظنكم فيني المرات الجايه نتمنى ان تصل الاخت مهاوي في اسرع وقت . في حفظ الباري

لاتخاف مصيرك بتطيح في الشبكه

جاري الانتظار ...

 

 

[سكون الصمت]

اقتباس المشاركة الأصلية كتبت بواسطة ليت للقلب عين لا عاد ما يصير قولي كلام ثاني... مو مشكله ننتظرها الى بكره ان ماجات هناك حديث آخر في حفظ الباري

ههههههههههههههههههههههههه


احسن احسن هذا عقاب لك هههههههههههههههههههههههههههه

يالله مافي مجال ....


في الانتظار ...

 

 

[سكون الصمت]

اقتباس المشاركة الأصلية كتبت بواسطة ليت للقلب عين يعني مافي فايده علينا علينا بأذن الله بكون التقرير جاهز اليوم استانسي يا ابله احلام رجع علينا الدور لـــــي عوده

ههههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههه

من جد ضحكتني


مصيرك تطيح قلت لك


وحالك حال غيرك


في الانتظار

 

 

[سكون الصمت]

اقتباس المشاركة الأصلية كتبت بواسطة إشراقة أمل . . مســاكين بعض النـــاس . . حتى الإحــالة ما نفعت معــاهم .. يبون ينخشون .. ويعتذرون بأي طريقة .. بس ما عرفوا !! . . ننتـظــــر .. فلا تُطيــل الانتظــــار !! . .

هههههههههههههههههههههههه
اي والله مساكين الله يعينهم

 

 

[سكون الصمت]

يوم جميييييييييييييل ومنظم بس بعد يباله شوي ترتيب من ناحية النوم لانك ماتنام مثل الناس



وصحيح بسأل سؤال منو مرتب سريرك ؟؟؟؟؟؟؟؟


وبعدين حلوه البدله ودام انها من مدينة رسول الله بتصير احلى واحلى


وبعدين طلعت مثل زوجي النت ضرتي صاير في البيت :


كل وقته لها وانا مالي وقت مثلها

صج اكره النت من اشوف زوجي عليه بس ما اقدر اتركه كثير عادي عندي يعني للتسليه مو على طول يصير من اساسياتي يعني اذا فضيت قعدت عليه واذا مالي خلق ولا افكر ادخله انا اقعد على الجهاز لاني احمل قصصي عليه واقعد اقراهم بدون نت يعني بامكاني استغني عنه مو مثل بعض الناس يصير ((بعد عمرهم )) وزوجي يعتبر النت مرته الثانيه مالت عليها امحق مره ...


وطلعت مثلي تروح رياضه بعد ... زين منها تقضية وقت وصحه ....



يالله انا عطيتك رايي في يومك يالله عطني رايك في يومي


والله يوفقك وتتزوج ومايصير عندك وقت للنت ياااااااااااااااااااااااااااااااااااااااااااااااار ب

<<<<< ول ول ول شكله الحين بينط له عرق من العصبيه ....






وبعدين اترك عنك الهرب وصير شجاع اوكي



وعذرا اني مارديت عليكم يابنات لان النت عندنا خراااااااااااابه



يحرق قلبي اذا قعد زوجي عليه يصير عدل اما انا من اقعد نطت في وجهي عبارة
((لايمكن العثور على الملقم)) مااااااااااااالت عليه جعله يحترق ان شاء الله والله كل مره اشوف زوجي عليه اسب في هالنت اللي شاغله عن بيته وعني<<<<<<<<< يؤ استحي .. <<<< ماكأنها توها معصبه خخخخخ




يالله اخليكم فشيت خلقي شوي


ومشكور اخوي ليتو لانك ضحكتني شوي والله كان ضايق خلقي


يالله انا ارشح اختي وحبيبتي وصديقتي حلى الشرقيه ....



في انتظارج

آسفه على الاطالهـ



لكم ارق التحايا