ماهي اكثر صــفة تضاايقك في المرأة ..وماهي اكثر صفة تضايقك في الرجــل ..,,.؟؟؟

[ليت للقلب عين]

اقتباس مثل الكذب والخيانة والعصبية اللي تحرق

اقتباس انا بصرااااحه اكره شي عندي في الرجل الخيانه ونكران الجميل

يا جماعه شفيكم على الخيانه

طيب انا بوضح نقطقه

الرجل ما يطالع بره بيته الا اذا كان ناقصه شي داخل بيته

مستحيل نشوف رجال لاقي كل حاجه (كل حاجه) من زوجته ويفكر انه يسوي شي غلط
كذلك المراه ما تسوي شي غلط اذا كان الزوج مو مقصر معها في كل شي (كل شي)
كانت هالنقطه في بالي وذاك اليوم سمعتها في ام بي سي برنامج آدم وحواء

ها وضحت الصوره اختي سكووونه وورده ابله احلام ^___*



معكم الدكتور النفسي ليت للقلب عين اي مشكله حاظر

 

 

[وردة الأحلام]

لا يا أخي انا اعارضك في هذي النقطة بنسبة 61%


لأن في رجال عيونهم زايغة على ما يقولون يعني اللي عنده ما يشبعه،’


ومسكينة المرأة لو تكون صاحبة وفاء وكمال الرجال احياناً ما يشبع،’

يعني مثلاً اللي يتزوج اكثر من 2 والمرأة طيبة وفيها كل الصفات الطيبة لازم يتزوج غيرها بس ما اعتبرها خيانة لانه يبغي يبشع رغباته،’ بس المشكلة تجي في وقت الخيانة،’


يادكتور ارجوك تفهم إن مستحيل يجي إنسان كاااااااااااااااامل ومستحيل تحصل على شريكة حياتك مثل ما انت تبغيها بالضبط لازم يطلع شيء غير،’والإنسان لازم يكون فيه عيب،’

بس الرجال غالباً ما يعرف هذا الشيء عدل ولا يفهمه بالرغم إنه محاط بالعيوب،’


والكذب هو بداية الخيانة،’ *_*


وانا ما قلت كل الرجال،’بس هذا سائد عند الرجال،’

 

 

[وردة الأحلام]

نسيت أقول لك أخي الكريم ليت للقلب خشم،’


أنت معزوم في موضوع يوم في حياة عضو،’

نتمنى منك المشاركة بأسرع وقت،

دُمتَ بخير،’’

 

 

[ليت للقلب عين]

ممكن كلامك صحيح وممكن خطأ

مو كل الرجال ان المره تترس عينه بكل شي وهم يتزوج او يخون

لكن الــ 5% فقط او الــ 10% هم الي مهما تسوي المراه ما تترس عينهم
وهذي النسبه تعتبر ولاشي بالنسبه لـ 90%

والكذب ما يصير بين الزوج وزوجته الا اذا كان مافيه تفاهم بينهم.


وبالنسبه للكمال

ماكامل الا وجهه

هذي ما يسمونها كمال يسمونها واجبات

يعني من واجب الزوجه انها كذا وكذا وكذا

والرجال شنو يبي من زوجته غير انهاتكون محافظه على نظافى بيتها ومهتمه بأعيالها في غيابه

ومهتمه فيه وهذا الشي الاهم

اذا بروح الدوام تعطره او حتى تلبسه شماغه

ولا بأس بقبله قبل الدوام وبعده


هيك شي ^___^



وبالنسبه للعزومه هذاني بروح اشوف
اذا مافيه عصير فراوله فرش ترى ما ابي ^_____*

 

 

[وردة الأحلام]

كلامك صحيح،’


هو المفروض المرأة بنفسها تجذب زوجها وتبعده إنه يفكر في خيانتها بأسلوبها إنها تفهمه ويفهمها وتصارحه في كل شيء وتهتم بحياته وبأهله وببيته وتحفظ أسراره وبأولاده والرومانسيات وغيرها،’


على المرأة إنها تحاول تأدي واجبها بتجاهه بإتقان،’



لا نطلع عن الموضوع،’


بس الرجال دائِماً يلجأ للكذب وانا ما ادري ليش هالصفة زااايدة،’

بس بإعتقادي إنه يا يحب إنه يكذب عليها أو إنه مسوي شيء خطأ ويحاول يخفيه عليها أو يكون من الزوجة نفسها يخاف إذا قال لها الحقيقة تتهمه بالخطأ أو ما تفهمه أو ...................(يصير طق ومطيقق بينهم ههههه)


بس أعتقد إن خيانة الزوج لزوجنه الخطأ يرجع للزوج نفسه،’

يعني لو كان هو خانها لأنه ما شاف اللي يبغي منها المفروض عليه يصارحها بهذا الشيء ويطلبه منها وبعدين يتصرف،’



.......................................

اقتباس وبالنسبه للعزومه هذاني بروح اشوف

أهلاً وسهلاً فيك،’

اقتباس اذا مافيه عصير فراوله فرش ترى ما ابي ^_____*

ما في إلا عصير ما نجو.................الفراولة خلّص،’

 

 

[ليت للقلب عين]

اقتباس بس أعتقد إن خيانة الزوج لزوجنه الخطأ يرجع للزوج نفسه،’ يعني لو كان هو خانها لأنه ما شاف اللي يبغي منها المفروض عليه يصارحها بهذا الشيء ويطلبه منها وبعدين يتصرف،’

واذا قالها ومافي فايده؟ يطلع الذنب على منو يا شاطره؟

والكذب ما يصير بين الزوجين الا اذامافيه تفاهم بينهم زي ما قلت لك
يهني لو الزوجة تتصف بالمواثفات الي قلت انا فوق تتوقعين بيكذب؟

ولو بيكذب بكون كذب عشان ما تصير مشاكل وهالكذب حللوه ما تدرين ؟ ^___^

اقتباس ما في إلا عصير ما نجو.................الفراولة خلّص،’

خلصتيه انتي كل يوم كاسين وحجم كبير بعد بو 6ريال

المهم المانجو عطيته الي هناك بالعافيه مقدما ^___*

 

 

[وردة الأحلام]

اقتباس واذا قالها ومافي فايده؟ يطلع الذنب على منو يا شاطره؟

بس البعض بس يشوف شيء ناقصه يروح طاااير بدون تفاهم ويخون،’

اقتباس ولو بيكذب بكون كذب عشان ما تصير مشاكل وهالكذب حللوه ما تدرين ؟ ^___^

غالباً ما يكون الكذب حلو علشان تخف المشاكل،’

بس لو يحاول إنه يقول الحقيقة بطريقة وبإسلوب أحسن من إنه يكذب علشان يخفف المشاكل،’


أنا ما زلت مصرة إن الكذب سببه من الزوج نفسه،’ومهما كان الكذب عليه الكذب صفة سيئة تحسب للزوج،’


وثانياً ليش ما يكون في تفاهم بين الزوجين........؟؟

الواجب إن كل واحد يفهم الثاني ولا كيف بيعيشون.....؟؟

التفاهم شيء أساسي للحياة الزوجية،’



بس عاد إذا جاك رجال ما يفهم وماعنده تفاهم ابعد عنه،’


أدري إني قاطة كل اللوم على الزوج.........بس هذا اللي أشوفه في الأغلب،’


.......................

اقتباس خلصتيه انتي كل يوم كاسين وحجم كبير بعد بو 6ريال

أنا ما أحب عصير الفراولة،’

بس كل ما جى ضيف صبينا له منه (بس ما بنشتري إلا مع عزبة رمضان مرة وحدة)

اقتباس المهم المانجو عطيته الي هناك بالعافيه مقدما ^___*

أنا عصبت إنك رفضت تكتب لنا الجدول،’

بس خيرها في غيرها،’*_*

 

 

[ليت للقلب عين]

اقتباس غالباً ما يكون الكذب حلو علشان تخف المشاكل،’

مو حلو او باصق

انا اقول الكذب حللوه يعني الكذب حلال اذا فيه مصلحه للزوجين مثلا:

وحده تحب هالزوج ودائما تتصل عليه جوال وتقوله انها تحبه وفجأه يوم من الايام دقت عليه وهو جمب زوجته وما رد... وسألته زوجته منو هذي؟ بقول لها وحده تحبني؟اكيد بتصير مشاكل ... وعاد الحريم في الهذره الله يعينك يا الرجال

من وين عرفتها وكيف حبتك واكيد بينكم علاقه وشسمها ومن وين وبقول لاهلي يتفاهمون معاك وكل يوم تبي تاخذ الرقم وبصير اي تلفون ما تبي ترد عليه بتقول اكيد وحده ثانيه

فلو كذب وقالها هذا واحد من الي معي بالعمل مو مشتهي ارد عليه لاني يبني اداوم محله

بصير كل هذا؟

هنا الكذب حلال
والرجال يحقر هالي تحبه ولا يرد عليها ومردها بتمل وبتنسحب من حياته من دون مشاكل

اقتباس وثانياً ليش ما يكون في تفاهم بين الزوجين........؟؟

يووووووه وردة ابله احلام حرام عليك شفيك على الرجال
وسوء التفاهم مايجي الا من الرجال
هذا الشي الوحيد الي ما يصير الا من الثنين
ليه سموه مافي تفاهم لان الثنين معندين

يعني الزوجه تبي كذا والزوج يبي كذا والثنين مصرين على رايهم يعني مافي تفاهم بسببهم مو بسبب واحد منهم.

اقتباس أنا ما أحب عصير الفراولة،’

راح عليك نص عمرك اجل ^____^

اقتباس أنا عصبت إنك رفضت تكتب لنا الجدول،’

والله ^____^

شي عدل ان عصبنابك ^__*

لا لاتزعلين علينا اوكي ابله احلام.

 

 

[غرااام]

أكثرصفه
تضايقني

الغيره

وحب السيطره

وردة الاحلام

يسلمووووووووووووو

 

 

[وردة الأحلام]

تسلمي غراام على المرور،’

اقتباس الغيره

غيرة المرأة الكفر وغيرة الرجل الإيمان،’

أنا مع غيرة الرجل لكن بحدود،’

اقتباس وحب السيطره

وحب السيطرة هذا من طبع الرجل كذا،’

اقتباس وردة ابله احلام

ليش تسميني وردة أبلة احلام......؟؟ شنو قصدك يعني....؟؟ *_*


أقول استاذ ليت للقلب فم أشرايك بغيرة الرجل......؟؟

 

 

[ليت للقلب عين]

نفس ما تفضلتي ايمان ^____^

يا وردة ابله احلام. ^___*

 

 

[وردة الأحلام]

اقتباس يا وردة ابله احلام. ^___*

ههههه أنا ابغي اعرف شنو السر ليش تسميني وردة أبلة احلام،’


الله يستر بس *_*





يلا ننتظر الآراء الباقية،’

 

 

[ابن الطرف]

ربما نعم وربما لا

بس تقريبا ايه

بعد لاننطق من هالحريم الحين

 

 

[وردة الأحلام]

أبن الطرف،’

اقتباس بعد لاننطق من هالحريم الحين

للمعلومية أن المرأة ألطف وأحن من الرجل،’

يعني لا تخاف مب تنطق،’

مشكور على المرور،’
دُمتَ بخير،’

 

 

[عزف]

اسلام عليكم ورحمه الله وبركاته
انا ما في شي يقهرني من ارجال ا اكرها اله انو عنده سياره ويطلع متى ما بقه وانحنا مافي سياره وزم بابا يوافق على شان نطلع اشي الوحيد انو ما يلبس عبايه ولا يتقطه ولا شي وما يتضايق يمكن عندو هموم بس مفرفش ومروق احنا لا سياره العباه مفروضه يعني مجبرين بكل شي
بـ ـعليـ نتـ

 

 

[وردة الأحلام]

دموع الفراغ...


وعليكم السلام والرحمة والبركة.....

اقتباس انا ما في شي يقهرني من ارجال ا اكرها اله انو عنده سياره ويطلع متى ما بقه وانحنا مافي سياره وزم بابا يوافق على شان نطلع

]


الأفضل لنا كذا أن ما عندنا سيارة ولا كان كله بالسوق ومن بيت إلى بيت....

وهذا من باب الحفاظ الغيرة والستر على البنت أن ما عندها سيارة.....

اقتباس اشي الوحيد انو ما يلبس عبايه ولا يتقطه ولا شي

والحمدلله أن الله كتب لنا الحجاب علشان نكسب أجر من وراه.....



دموع الفراغ....


أنصحك تروقين اشوي.....


وتنظرين للأشياء الإيجابية والحلوة اللي موجودة عن البنات ومش موجودة عند الأولاد.....



تحيتي لك...

 

 

[مثالية]

آكثر صفه اكرهها في بعض الرجال >>
البخل والكذب وللمتزوج عدم احترام زوجته والسيطره
والاآخوان << كثره الطلبات يقابلها >> كثرة الاعذار
وردة الاحلام
يعطيك العافيه
واذا على الصفات الغير مستحبه في الرجال >>
يبي لش مجلد

 

 

[أنثى مخملية]

اكثر صفه؟؟

طبعأ الرجل له طبيعه في حياته والمراه لها طبيعتها

فلو قلنا الزوج فيه وفيه من عيوب برضو نلقى
بعض الزوجات فيهم عيوب ايضأ

ولو دورة صفه انا ما احبه في الرجل
راح القى كثير وبيقولون ان نضلمهم

انا ماراح اقول خيانه وماخيانه علشان
ماتصيرحروب عضويه ههههههه

الشي اللي مايعجبني طبعأ
فرض الكلمه على المراه
يعني كلمته هو اللي صح
حتى لو كان انه يعرف انه غلطان
<< وترجع وتقول مو الكل طبعأ يا دكتور ليت للقلب عين
و صفة عدم المبلاه في بعض الامور ......<< هذي الصفه مو ترفع ضغطي وبس الا تفجر مخي

وردة الاحلان يعافيك ربي
على هذا الطرح

 

 

[وردة الأحلام]

مثالية...

شموخ امرأة....


الله يعافيكم على المرور...


بس انتبهوا لا يسمعكم ولد بعد نبتلش معاه....



*_*

 

 

[جناح الملائكة]

لو نلاحظ أن الأغلب يعبر عن تضايقه من الجنس الآخر سواء من الرجل أو المرأة عن الآخر كل على حسب نظرته وطريقته في الحياة فـ لربما تجد واحد من الرجال يتضايق من صفة ما في المرأة فـ تجد الآخر يراها صفة طبيعية في حياته كلٌ حسب نظرته للحياة وميوله والعكس صحيح ( ولولا الأذواق لـ بارت الأسواق ) .

فلا يمكن للكل الجزم بصفة القبح إلا ما أنطوت عليه ويمقتها الكل لكونها هي الصفة والعكس صحيح .

موضوع جميل وفقكم الله .