][ بـزر أنت .. عشان تسوق سيكل ؟!! ][

[هدير الصمت]

وااااااااااااااااااااااااو
موضوع ولا اروع
كم هي جميلة ذكريات الطفوله
وبصراحه انا عديت عمر ال17 بس احب اسوق سيكل اخوي
لانها فيها ذكريات جدا رائعه

 

 

[أول الغيث]

وردة الأحلام

اقتباس بصراحة انا في البيت آخذ سيكل اخوي والعب في البيت إذا صرت زهقانة واتخيل روحي في الشارع........ههههاي

أجل هذي " أحـلام اليقظة " .. ؟؟


يلاّ العوَض و لا القطيعة ...


طيب السيكل بو 3 كفرات ؟؟ .. ولاّ بو كفرتين صغار ورى ؟؟




زهوررر الريف

اقتباس ذكرتني بأيام الطفوله يومنا اركب سياكل أخواني الصبيان وألعب على كبر التهويه ونسوي مسابقه ونجلس من الصبح وعندنا سياكل اثنين وكم من طفل صدمته بالسيكل وانا اسوق وناسه والله

الفتيات مسكينات ... مغامراتهن محصورة داخل التهوية

و فوق هذا ... البعض منهن لم يمتلكن سيكل ..

اقتباس تري انا فنانه في سياقه السيكل << مدري شبيله <<

أجل أنتي تعرفين حق سيكل بو كفرتين ..؟؟

اقتباس أول الغيث الحين الوضع تغيير انا ما اشوف سياكل راحت ايامها وأطفالنا ما اشوف عندهم سياكل إلانادر

لا والله .. السياكل مابرحوا ... خصوصاً هالعطلة ما شاء الله ..

أشوف الله كثّر من قروبات البزارين اللي يحوسون بهالسياكل ..

اقتباس بس يا أول الغيث فشله ولد كبيير يسوق سيكل لو اشوف ولد كبير يسوق في الشارع سيكل شان اموت من الضحك ولا أسكت

طيب ... لماذا الشعوب الأخرى لا تعتبر قيادة الدراجات للكبار " فشيلة " ؟؟


بل إننا عندما نراهم نعتبر هذا الأمر طبيعي و لا يوجد به ما يدعو للغرابة أو الضحك !!!


إذن ماالفرق بيننا و بينهم ؟؟


ربما يكون التصور الذي نضعه دائماً عند الحديث عن قيادة الكبار للسيكل ... هو :


( ثوب + شماغ + سيكل صتي " طياس ، خبّابات ، .......إلخ ) .


وقد يكون رفضنا لهذا الأمر ،، هو عدم ملائمة هذا الوضع مع قيادة الدراجة


أو أننا لم نعتد رؤية وممارسة قيادة الكبار للدراجات ..


لكن ماذا لو كانت هناك دراجة مناسبة و لباس مناسب خاص بها ؟؟..


هل سيكون هذا مدعاة للفشيلة و الضحك ؟؟

اقتباس أي والله نعرفه أذكر أذا أتخترب أصلحه

أجل عندي صنقل يبيله تشحييم ... تعرفين له ؟؟

اقتباس دائما مواضيعك تحفه

تحفة ؟؟


لا تقولون " تحفة " ترى لها معنى ثاني يفشل ..




hanoon_2006 ،، وحي العشق

اقتباس وبصراحه انا عديت عمر ال17 بس احب اسوق سيكل اخوي لانها فيها ذكريات جدا رائعه

أجل اشتر لك واحد .. عن ما تتخانق مع أخوك على السيكل ...




الله يعطيكم العافية و ما قصرتوا


على المداخلة و إبداء الرأي


ألف ألف شكر لكم

 

 

[وردة الأحلام]

اقتباس طيب السيكل بو 3 كفرات ؟؟ .. ولاّ بو كفرتين صغار ورى ؟؟

ههههههههه لا تطنّز عاد......,,

بس كفرتين وحدة قدّام و وحدة ورى.......,,


اشدعوة عاد سويتنا موول ما نعرف شيء....<<<<<<عصبت صراحة

 

 

[شعاع القمر]

أيـــام عـ السيــكل . .

موضوع متفاعل . .

عفاك الله

لاتمنعنا جديدك . .

 

 

[الحب العذري]

وعليكم السلام ورحمة الله وبركاته

أول الغيث

أووووه السيكل قديم

أنا أتذكر لما كنت صغيرة

أحب السياكل وكنت أركب

سيكل أخوي بس وناااسه

ولا كنا نتخيل ان احنا في الشارع

وكانت السالفة فيها إشارة مرور

بس انا احيانا إذا شفت ولد في الشارع

يعني كبير نقول في المتوسط يعني

وعاد إذا صار طويل أفقع من الضحك

على شكله

بس والله صج السياكل وناااسه

حظهم الأولاد على الأقل يطلعون به

في الشارع ويلعبون فيه

أول الغيث

مشكور عالموضوع الرائع

ربي يعطيكــ مليون عافية

تقبل مروري

تحياتي

الحب العذري......

 

 

[أول الغيث]

اقتباس ههههههههه لا تطنّز عاد......,, بس كفرتين وحدة قدّام و وحدة ورى.......,, اشدعوة عاد سويتنا موول ما نعرف شيء....<<<<<<عصبت صراحة

قلت يمكن بعد و لاّ شي ..




عاشق ابن الانجليز



الله يعافيك اخوي و ما قصرت


تمنينا أن نرى رأيك

 

 

[زهور الريف]

اقتباس أجل أنتي تعرفين حق سيكل بو كفرتين ..؟؟

هههههههههه
ليش أنت معتقد أني أركب سيكل بوثلاث كفرات
أنا اركب بعد سيكل الجبلي
..

اقتباس طيب ... لماذا الشعوب الأخرى لا تعتبر قيادة الدراجات للكبار " فشيلة " ؟؟

لأنهم تعودوا من هم صغار يشوفون ابائهم يركبو ن سيكل فصار أمر طبيعي

اقتباس ربما يكون التصور الذي نضعه دائماً عند الحديث عن قيادة الكبار للسيكل ... هو : ( ثوب + شماغ + سيكل صتي " طياس ، خبّابات ، .......إلخ ) . وقد يكون رفضنا لهذا الأمر ،، هو عدم ملائمة هذا الوضع مع قيادة الدراجة أو أننا لم نعتد رؤية وممارسة قيادة الكبار للدراجات .. لكن ماذا لو كانت هناك دراجة مناسبة و لباس مناسب خاص بها ؟؟..

فعلا يمكن لآن التصور الذي نتصوره بهذا الشكل

اقتباس هل سيكون هذا مدعاة للفشيلة و الضحك ؟؟

اذا كان فعلا فيه لبس خاص ما راح يكون فشيله او ضحك
ثانيا يمكن بدايه الأمر راح يكون فيه يمكن ضحك وفشيله
وبعدين الناس راح يكون عندهم أمر طبيعي
..
أول الغيث
شرايك تسويها تركب سيكل وتشوف موقف الناس منك
وعاد جيب لنا صورتك وانت راكب السيكل
..

 

 

[أول الغيث]

الحب العذري

اقتباس أووووه السيكل قديم

يوووه ... اشلون ما سمعتي عن السياكل الجدد ؟؟

اقتباس أنا أتذكر لما كنت صغيرة أحب السياكل وكنت أركب سيكل أخوي بس وناااسه

أقول لكم إن أغلب البنات ما كانوا يشترون لهم سيكل

صج مظلومات حتى في طفولتهن ..

اقتباس ولا كنا نتخيل ان احنا في الشارع وكانت السالفة فيها إشارة مرور

أجل هذي " أحلام اليقظة " مرة ثانية ..

اقتباس بس انا احيانا إذا شفت ولد في الشارع يعني كبير نقول في المتوسط يعني وعاد إذا صار طويل أفقع من الضحك على شكله

بس ما أدري يعني ،، كأنه عادي ..

خصوصاً إذا ضبط بذاك اللباس و لبس ذيك الخوذة ... بس خلاص من قدّه ؟؟

لكن اللي شفتيه يمكنّه راكب على سيكل 18

اقتباس حظهم الأولاد على الأقل يطلعون به في الشارع ويلعبون فيه

ماحد قال لكم تصيرون بنات ...




الله يعافيج أختي الحب العذري و ما قصرتي

على هذه الإطلالة الخفيفة و الحضور الجميل

 

 

[عبدالله]

الله يرحم أيام الجبلي

أذكر ذاك اليوم العصيب اللي شنقحت اختي فيه ..ماحد يسوقه كثرها لين كسرته الله يكسر راسها

بالنسبه عن سواقة الكبار للسيكل
والله هو شوف يا الطيب مو على كل حال
يعني انا عندي خالي عمره ثلاثين وعنده طحة عيال وعادي ماعنده ماعند جدتي
ياخذ سيكل خويه الصغير ويروح يحوس ابه ويسوي فيه بعد حركات بهلوانيه
ويودي عياله حديقة الدواني
الا اذا صارت معه المعزبه لا اهنا مايقدر صج اشوي فشيله يرجع السبب في ذلك ضخامتها

بس لأنه واحد مسكين طوله مايعدي 145 والوزن الله خير .. واحد بو سنتين

عواافي خيي ..

 

 

[أول الغيث]

اقتباس هههههههههه ليش أنت معتقد أني أركب سيكل بوثلاث كفرات أنا اركب بعد سيكل الجبلي

ايه سيكل جبلي ... بس فيه كفرتين صغار و رى ....

اقتباس لأنهم تعودوا من هم صغار يشوفون ابائهم يركبو ن سيكل فصار أمر طبيعي

إذا كان هذا السبب ،، فالأمر بسيط ، و لا يعتبر مشكلة

و نستطيع التغلب عليه ، ، كما تغلبنا على غيره من الأمور

التي لم يتقبلها المجتمع عند بداية ظهورها ، و أصبح اليوم من أشد الممارسين لها .

اقتباس اذا كان فعلا فيه لبس خاص ما راح يكون فشيله او ضحك ثانيا يمكن بدايه الأمر راح يكون فيه يمكن ضحك وفشيله وبعدين الناس راح يكون عندهم أمر طبيعي

نعم .. سيكون الأمر طبيعاً عندما يكون بالشكل المناسب

و عندما تتغير نظرة الجميع له و لممارسيه .

اقتباس شرايك تسويها تركب سيكل وتشوف موقف الناس منك وعاد جيب لنا صورتك وانت راكب السيكل

أبَد عادي ،، ما عندي مشكلة مع سواقة السيكل ..

بس بدون صورة ..



ما قصرتي أختي على العودة

و التي كانت بالتأكيد بواسطة السيكل الجبلي ..

 

 

[أول الغيث]

عبد الله

اقتباس الله يرحم أيام الجبلي

صدقت ياخوي ...

خصوصاً إذا جاك ،، جبلي 4 .. ولونه أسود و فضي ... شي غيرررر

اقتباس أذكر ذاك اليوم العصيب اللي شنقحت اختي فيه ..ماحد يسوقه كثرها لين كسرته الله يكسر راسها

اشفيك ياخوي عصّبت ؟؟ ،، خلّك حليم عااد ..

اقتباس بالنسبه عن سواقة الكبار للسيكل والله هو شوف يا الطيب مو على كل حال يعني انا عندي خالي عمره ثلاثين وعنده طحة عيال وعادي ماعنده ماعند جدتي ياخذ سيكل خويه الصغير ويروح يحوس ابه ويسوي فيه بعد حركات بهلوانيه ويودي عياله حديقة الدواني الا اذا صارت معه المعزبه لا اهنا مايقدر صج اشوي فشيله يرجع السبب في ذلك ضخامتها

تقول كذا يعني !!!

خلاص أجل يخلّي السيكل للأمور البسيطة ، و المشاوير القصيرة ..

اقتباس بس لأنه واحد مسكين طوله مايعدي 145 والوزن الله خير .. واحد بو سنتين

أجل ماراح يعاني ما سيعانيه الكبار لو حدث وساقوا السيكل !!



الله يعافيك أخوي عبد الله

على هذا التعليق الظريف

ونتمنى لك قيادة آمنة و ممتعة برفقة السيكل

 

 

[قاهر العمالقه]

آآآآآآآآه جبتها على الجرح وكنك مادريت السيكل ,, هههههههههههههههههههههههه

السيكل شيء أساسي بحياة الطفل

بس أنا بقولكم شيء , تخيلوا شكل واحد مثلي شغال في بقيق وفي عز القايلة وهو على طريق الدمام وراكب السيكل هذا أووووووووف والله فلم لالالالا ماتجي والله على قولة أهل جدة يابوية مررررة مايجي

السيكل تقدر تقول أنه داخل البلد مو خارج البلد لأنك لو ركبت سيكل وتعديت مسافة 50 كيلو راح تطلع عليك بيع السوق


موضوع حلو وشكراً لك وآسف على الإطالة

 

 

[أول الغيث]

قاهر العمالقة

اقتباس آآآآآآآآه جبتها على الجرح وكنك مادريت السيكل ,, هههههههههههههههههههههههه

اقتباس السيكل شيء أساسي بحياة الطفل بس أنا بقولكم شيء , تخيلوا شكل واحد مثلي شغال في بقيق وفي عز القايلة وهو على طريق الدمام وراكب السيكل هذا أووووووووف والله فلم لالالالا ماتجي والله على قولة أهل جدة يابوية مررررة مايجي السيكل تقدر تقول أنه داخل البلد مو خارج البلد لأنك لو ركبت سيكل وتعديت مسافة 50 كيلو راح تطلع عليك بيع السوق

نعم ،، و هذا ما أكدنا عليه خلال المشاركات و المداخلات التي تخللت الموضوع ..



الله يعافيك أخوي قاهر العمالقة

على هذه المداخلة و المتابعة

و لا تحاتي ،، ماكو إطالة منك