شوفوا البنات وش يسوون بالحصص...!!

[ابو عيون عسليه]

شوفوا البنات وش يسوون بالحصص...!!

اول ما تبدا الحصه

(((( استاذة ما فهمت الدرس ))))
اكيد ما فهمتيه هدا من الهذرة والسوالف والبرم والسرحان والضحك بالحصة

(((( استاذه .... ممكن اروح الحمام ؟؟؟؟؟))))
يعني ما افتكرتي الروحة الا الحين ........ بعد الحصة روحي .. انتم زي الاطفال رايحين جايين على الحمام

(((( استاذة ممكن تعيدين اللي قلتيه ما سمعته ))))
اكيد ما سمعتي ..... انتي وصحباتك بس تسولفون ...... شلون بتسمعون ؟

((((استاذة ممكن اشرب ماي ؟))))
يعني ما صرتي عطشانة الا الحين ... احسن خلك عطشانة علشان ما تسولفن وتتكلمين

(( استاذة منهجنا صعب ...... خططيلنا على الكتاب))
من قبل المعلمة 3 ردور
اول شي ؟؟؟؟؟؟؟؟؟؟ اخططلكم ؟؟؟ اطفال انتم ؟؟؟؟؟
ثاني شي انتم صرتوا كبار ........ بصف (...) لازم تخططين بنفسكم
ثالث شي ما في تخطيط .... كل شي معكم احفظوا

(((( استاذة دفتري ضايع ....وش اسوي ؟؟؟))))
في هاي الحاله المعلمة ترد عليها
الرد الاول : هاه ... نعم ؟؟؟ وش تسوين ؟؟؟ ايش رايك اروح بيتكم و ادور عليه ؟؟؟ الا انتي دوردي علية وانا شو ذنبي ان ضاع ؟؟؟ انا الي ضيعته ؟؟؟
الرد الثاني : لالا ... الحمد لله ... ما عندي دفاتر بمكتبتي انا ارسلتلكم كل الدفاتر ذيك المره
الرد الثالث : ترى ان ما لقيتي دفترك ... راح تعيدينه كله من اول كامل

((( بنت تمسح اللوح .. وبعد ما خلصت ....استاذة ممكن اغسل ايدي )))
انا اعرفكم يا بنات ....تبون تتهربوا من الحصة لا يا حبيبتي ما في طلعه خذيلك منديل

(((( استاذة ... الجو حار شوب ما نقدر نستوعب ..... المكيف خربان))))
شو شايفيني انا المصلح اللي يصلحلكم المكيف ؟؟؟ روحوا الادارة وقولولهم ...يلا لا تضيعي حصتنا

(((( استاذة في نمله تحت الدرج )))
اصلا النمله تخاف منكم ... يلا بلا تضيع وقت .. خلونا نكمل شرحنا ..بس علشان نمله صغيره مسويين قصة

((استاذه الجو حلو ممكن تفتح الشبابيك ))
انتم ما تفتحون الشبابيك الا علشان تتفرجوا على الرايح ولي جاي ما راح نفتح


((( استاذة ... الشمس على عيوني ممكن نسكر الستاير؟)))
لا خلوها احسنلكم الشمس مفيده لكم

(( استاذه ... صراحة .... الامتحان كان كثير صعب))
سكتووووووووووا ما في حدا طلب رايكم

((( في حصة فراغ ))) استاذة الله يخليج .. طلعينا بره
مجننونة انا اطلعكم ؟؟؟ عشان تسوون ازعاج تزعجون الصفوف بعدين المديرة ما ترضى

((( استاذة انا تعبانه .. وديني على المشرفه )))
معليش ... لاتشاركين معانا ... بس استمعي او حطي راسك على الدرج وخدي غفوه وانامي
الطالبه بتسئل سؤال بسيط ميس ندرس من الدفتر ولا من الكتاب؟؟؟
تتحول ملامحها المعلمة الى شر وتقول من الاتنين



(((استاذة ممكن نفتح الباب ؟؟؟))
لا عشان تتفرجو ا على صاحباتكم خليه عشان تتنتبهوا للدرس

 

 

[سوسو الدلوعه]

ههههههههههههههههه
بصراحه
كل الكلام صج يصير في المدرسه مع المعلمات مافي فكه

يعطيك العافيه


أختك في الله

 

 

[الطنان]

اقتباس المشاركة الأصلية كتبت بواسطة سوسو الدلوعه ههههههههههههههههه بصراحه كل الكلام صج يصير في المدرسه مع المعلمات مافي فكه يعطيك العافيه أختك في الله

صح كلامش يا سوسو

 

 

[$ سنفورة $]

ههههههههههههههههههههههههههههههه

وربي صادق ..

بس وراكـ ما تطلع على شقاوة التماسيح

 

 

[ابو عيون عسليه]

هع هع هع . . .

الله يعافيك سوسو

اكيد صادق ياااااسنفوووره مدام انتي ووياهم لازم وانتي اكيد مسويه في المدرسه ازيد عن اللي قلت بس يالليت فديني اكثر عن شقاوتكم بعد ههههههه يسلمو على المرووووووور

 

 

[ملاك الرومانسيه]

هههههههههههههههه ايه والله هالكلام مشكور اخوي بو عيون عسليه على


هالموضوع الحلو


ملاك الرومانسيه

 

 

[ريهام]

هههههههههههه
صادونا مول نفس مدرستنا بالضبط

تحياتي ريهام

 

 

[ابو عيون عسليه]

هههههههههههاي مثل مدرستكم يالليت تفيديني اكثر بعد عنكم سوالف والله وناسه (:

 

 

[ابو عيون عسليه]

هههههههههههاي مثل مدرستكم يالليت تفيديني اكثر بعد عنكم سوالف والله وناسه

 

 

[سعوديه متمرده]

انا بقولك سالفه فعلن صارت معي ابلة الرياضيات انا اكرهه
ومره كانت لابسه لون اخضر فاتح و غامق كانها خياره
المهم من باب اني بفشلها قلت لها ابله صايره اليوم اخياره البنات ماتو من الضحك
واهي انحرجت تستاهل وبعدين قالت صديقتي اللي جنبي تبقا لها ملح وليمون واللي قالت جيبو المقشار انقشرها والله ليرويك اشلون صار وجهه واخر شي زفوني الاداره وكتبوني تعهد
شفت وشلون
انا انا يكتبوني تعهد
السنه راح اوريهم انجوم القايله
(شموخ الحوراء )

 

 

[سعوديه متمرده]

مشكور يييييييييييييييييا ابو اعيون عسليه
يسلمون لك هاالعيون عساهم 6\6

 

 

[ابو عيون عسليه]

ههههههههههههههههاي والله انك طرشي ياشموخ

وليه مسوي سوووالف مع الابله يعني ماتخافي تسوي لك سالفه عدله

<== اتخيل نفسي واحد من الطلاب يقول لي كذا

شنو عاد بسوي له بسفر الهند او بنغلاديش


ايه عيوووووووووووني ياااحليلهم 10 على 10 ههه مو 6 على 6

يسملو يسملو ياشيموخ نوورتينا

 

 

[المميز]

ما شاء الله ما شاء الله


النــاس قالبينها ضحك هنـا وأنا ما أدري


خوش والله خوش



بـس بصراحة أظنّ أنه هالحاجات حتى في مدارس الأولاد تصير


بــس تبون الصج ،، كلها تصــير ,,, بــس ردود المدرسين تحتلف على حسب الشخص اللي يطلب الخروج

يعني مثل المتحدث لكم ،، الحمد لله ما فيه ولا مدرس يرفض له طلب ،، لأن خروجي أصــلاً قليل ..



وطبعاً أزيدكم من الشعر بيت ،، أول ما أرجع يقول طالب ثاني للمدرس أبغى أروح دورة الميـاه ــ ولكن المدرس ما يرضى له // عاد يعصب يقول شلون (.....) راح وانا ما أروح



يرد عليه ويقول له... صير مثل ( ....) وأخليك تروح ،، فيسكت وما ينطق بكلمه





وسوري على الإطالة ،،



ودمتمــ،،

 

 

[ابو عيون عسليه]

ههه

بالنسبه لي انا مااااطلع الا على حسب الطالب اذا شفته هادي ومؤدب اوكيه اطلعه

بس اللي اشوفه مسوي فيها لو يمووت اجلده اشوي على ظهره ووبعدين اطلع

بس على خفيف ابتدائي ماااايستحملوون الا خفيف هههههه

 

 

[تاروتية]

هههههههههههههههههههههههههه

حلووووووووووووووووووووووووة

والله سوينا أكثر من كذا..

بعدين أعلمكم..لي عودة.

تسلم أخوي>>ولاتقصر في الطلاب يستاهلون..

ههههههههه

 

 

[عاشق الليالي]

مساكين الطالبات فضحتوهم هههههههههههه

بس يستاهلون عشان ما يكررونها مرة ثانية ههههههههه

 

 

[(روح الله)]

بصراحه اذا كان تصرف البنات في المرسه مثل كذاء فأنه
الصبيان اكثر فوضه وازيد

 

 

[حديث الروح]

تسلم السنتكم على هاالكلام اللحلو
شموخ الحوراء