وصاتي بعد مماتي (((( رائعه ))))

[علي مع الحق]

وصاتي لك من بعدي ........ تموت فيها علشاني

ابيها تعيش و تحيا بك ........ وأظل بالذاكرة مفقود

وصاتي لك تنساها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن أشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من أحزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..أزماني

أنا عودتها دايم ........ أدلعها وأنا موجود

وصاتي لك تعاملها ........ بطيبه قلب و إحساني

تراها تذرف الدمعة ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

أبيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبو نورة بعد هاني

وتنسيها ندم غلطة ........ أنا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني أنا الظالم ........ وأنا من حرق الأخدود

وصاتي لك تشبهني ........ بدم أحمر قاني

وأنا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا أخبرك رجل موقف ........ وأنت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

 

 

[الغريب]

الله يعطيك العافية على هذه القصيدة

ونأمل الإشارة إلى اسم صاحب القصيدة أو كتابة عبارة (منقول)

حفظاً للحقوق الأدبية

ننتظر جديد مشاركاتك










وفق الله الجميع

 

 

[شرقاويه]

الله يعطيك الف عافيه
وسلمت يمينك

 

 

[شهرزاد]

الله يعطيك العافيه أخيه علي مع الحق..

على نقل هذه المقطوعه الرائعه..

فالقصيده هذه كانت لشخص يدعى خالد

أصابه وباء السرطان والعياذ بالله

كتب هذا الشعر لأحدى اصدقائه

يقول له فيه:

أنه مغرم بحبيبته ويتمنى أن تنساه

بعد وفاته..

القصيده تستاهل القرآءه من قبلكم

ففيها كل معاني الحب الصادق..



تحياتي القلبيه..

شهرزاد

 

 

[مقدركم]

مااقدر اوصف حلاة الشعر وااااااااااااااااااااااااجد حلووووو