•.¸¸.•°°•.¸.•° مقابله مع طفل•.¸¸.•°°•.¸.•°

[أميرة الدلع]

اقتباس المشاركة الأصلية كتبت بواسطة شموخ امراه اميرة الدلع بوسي لي حسون ياحليله بيعقد الله يحفظه ويخليه لكم يارب

شموخة الولد مو حسون .. حمود
سلمتِ ع المرور النايس

دمتِ في حفظ الرحمن

 

 

[أميرة الدلع]

اقتباس أثر حليله ولد عمك سيم سيم

تقول كذا سيم سيم أجل احم احم .. يلا ولد عمو و طالع علي
وناااااسة

اقتباس ماشاء الله عليه ,,,, تفكير مستقبلي

أجل هااااا .. يعجبك ولد العم

اقتباس ربي يحفظه وتدزونه معرس بالأجازة الجايه

هاااااا الإجازة الجاية مرة وحده
تو الناس عليه ولد عموووووو

اقتباس يعطيكِ العافية سمو الأميرة

يعافيك ربي عزوووووف ع المرور الجميل ع صفحتي
لاعدمناك

تحية طيبة لك

 

 

[أميرة الدلع]

اقتباس حلوة يحل المشاكل << يفكر روحة فوزية الدريع .,.

ههههههه .. شكله كذا

اقتباس أمورة قولي له إذا يبغي يصير لاعب لازم يكون مثل ياسر القحطاني .,.

لاتوصين زهووووورة هو يموت في شي اسمه الهلال وبالذات القحطاني

اقتباس والله من حقة صراحة النوم لذيذ

أكيد .. النوم لذيذ وأحلى من الحلو كمان

اقتباس رائع آستجواب أبن عمك حمود ة يارب يحفظة من كل شر وتشوفونة بالبشت الأسود

سلمتِ لنا يازهورة
ويحفظك ربي أنتِ كمان

اقتباس "أميرة الدلع " مشكورة على قبول الدعوة

ولوووو خيتو أنتِ غالية علي وتستاهلين كل خير

لكِ مني أجمل تحية

 

 

[زهور الريف]

معكم اليوم :

شخصية اوجدتـ نفسها بنفسها
ردودها مميزه ولي وجودهااا طعم آخر
يفرضـ إحترامهـ بمنتدى بآخلاقهـ لابشيء آخر

هو.........................


" {وسط النخيل} "

 

 

[وسط النخيل]

بسم الله الرحمن الرحيم
اللهم صل على محـمد وآل محـمد
.
.

كل الشكـر
يا زهور الريف على الكلمات التـي هي أكـثر من حـقـنا


وأنا الآن جالس
أعد حق مقـابلة مع طفـل , راح يكون فيها الكثير من المتعة


بس عـندي سؤال
هل أستطيع أن أقـدم مقابلة مع أكـثر من طفـل في وقت واحد ؟
أم أن الفكرة مقصورة على طفل واحد بس .؟.؟.


.
.


انـتـظرونا


.
.


قـلب داخـل فـكـرة


.
.

 

 

[زهور الريف]

اقتباس بس عـندي سؤال هل أستطيع أن أقـدم مقابلة مع أكـثر من طفـل في وقت واحد ؟ أم أن الفكرة مقصورة على طفل واحد بس .؟.؟.

يقتصر على طفل واحد فقط

 

 

[وسط النخيل]

بسم الله الرحمن الرحيم
اللهم صل على محمد وآل محـمد
.
.

كل الشكر
لزهور الريف على التوضيح , وبصراحة أنا جهزت موضوع لطفـلين في وقـت
واحد , وحسيت إن إجاباتهم مكملة حق بعض , وما قـدرت أخلي الإجابات
مفصولة عن بعضها ,

ويا ريـت تسمحي لنا يا زهور الريف
في هذه المرة فـقط , والمرات الجاية راح نرجع مع أطفال آخرين
بفكرة الموضوع الرئيـسية .


موافـقـة يا زهـور الريف .؟؟.


إذا موافـقـة

خلونا نطلع عـلى اللقـاء

.
.






طبعـا
أنا التـقـيت بشخصين في الشارع , والحقيقة انا ما أعرفهم لكن الصراحة
شعرت بالمتعة معهم بعد ما جاوبوني على الأسئلة .

الأول اسمه : ضـياء , وهذا شخص اكـتـشفت
انه ذكي إلى حد خارق ما شاء الله عليه
والأهم من ذلك انه يملك حس إنساني عالي كـثـير .

الثـاني اسمه : خـالد , وهذا شخص
خجـول واجـد , ومستحي مني من أول ما شافني




ضياء : انت كم عـمرك .؟؟.
أنا عـمري تـسع سنوات

خالد : كم عـمرك انت .؟؟.
نـفـس عمر ضياء

أبغي أعـرف طيب !, ليش ما تـقـول لي : تـسع سنوات .؟؟.


.
.


ضياء : إذا صرت أنت فاضي , وين تروح .؟؟.
أروح السوق

ما شاء الله ,, شكلك بتـطلع تاجر إذا كـبرت
انت الآن صغير وعلى طول تطلع السوق ؟

بس أبغي أعرف بعـد : أي سوق اللي يروح له ضياء كلما صار فاضي .؟؟.

.
.


ضياء : انـت تعـرف الاتـيكـيت .؟؟.
شنو هذا الـكـيك .؟؟.

هذا يا خوي ضياء , كيك يحطونه دائما في الافراح ...

خالد : تعـرف الاتـيكـيت .؟؟.
لا , ما أدري

أشوى ما قلت مثل رفيجك ضياء , شنو هالكيك .؟؟.

.
.


ضياء : تعرف الصداقـة .؟؟.
أيه أعرفها ...

طيب شنهي الصداقة يا ضياء .؟؟.
انك تحط فلوس في المسجد , وما أحد يدري عـنك ..

يا سلام عـليك يا ضياء , أنـت انسان فعلا ذكي
والا من وين جبت .. وما أحد يدري عنك .؟؟.


خالد : انت تعـرف الصداقة .؟؟.
خالد , ظل يفكر واجد في الاجابة , وكأنه يـبغي يعبر عنها بأروع عبارات الإخلاص
وفي النهاية , ما قـدر يجاوب على السؤال ..

ما ألومك يا خالد , واضح انك تـقـدس الصداقة لدرجة انك ما قدرت تعبر عنها بشي





ضياء : انـت تعـرف منو الصديق .؟؟.
الصديق اللي انا دائما أطلع معاه وأمشي معاه , ودائما أشتري له اللي يـبغي ..

يا سلام , يا ريـت يرجع عمري تسع سنوات , كان أخليك صديقي الحميم يا ضياء
طبعا مو لله , بس على شان يشتري لي اللي أبغي ..

.
.

ضياء : لو ربحـت ألف ريال , وش بتـسوي فيها ..؟؟؟
آخذ لي خمسمائة ريال , والباقي أتـصدق فيها على الفـقـراء ..

رائع انت يا ضياء , يعني ما شلت هم أحد , إلا الفـقـراء ,؟؟.
بصراحة انت انسان راقي يا ضياء لأنك تـقاسمت ما تملك مع الفقراء


خالد : لو ربحـت ألف ريال , وش بتـسوي فيها .؟؟.
آخذ عشرة ريال بس , والباقـي راح أحطهم في المسجـد

يا سلام عليك , أنـت قمة في الإيـثار والإخلاص ,
وربي يجعلك دووم من المصلين ’ ودووم صديق للمسجـد يا رب .

بس خاطري أعرف يا خالد :
من وين بتجـيب فكة حق الخمسمائة على شان تاخذ منها عشرة ريال .؟؟. ,
والسؤال الثاني : أنت شنو تبغي بالعشرة .؟؟.

الظاهر عنده جوال , وما فيه رصيد ولا ريال ..


ضياء : لو صرت مدير مدرسة , شنو تـسوي .؟؟.
أجلس أنظم الطلاب , وأرتبهم في الطابور

والله انا معجـب في إجاباتك يا ضياء , واضح عليها الحس الإنساني العالي

خالد : لو صرت أنت وكيل للمدرسة , شنو بتـسوي .؟؟.
على بالي خالد راح يقـول لي , إنه راح يساعد المدير في شئون المدرسة
, ويكون الشخص المكمل للمدير في إدارة المدرسة .


بس تعـرفـون شنو قـال .؟؟.



.
.

ما أتـوقع أحد راح يتـخـيل شنو قـال لي خـالد ..

.
.

قال لي كلام رائـع جـدا
كلام غـريـب وعجـيـب , ويا ريـت أعـرف من وين جابه .؟؟.

.
.



,
.

طبعا السؤال كان لخالد :
لو كـنـت وكيـل مدرسة , شنو تـسوي .؟؟.؟

الجـواب :
أشوف أي طالب فـقير, وبـيتهم صغـير , وأبنـي له بـيت جـديد ..

.
.

يا سلام , شو هالإجابات الحلوة هذي .؟؟.
يا ريـت يسمعونك يا خالد الأمراء والتجـار الـكـبار , على شان يتعلمون منك
كل معاني الانسانية , وكل معاني الاحساس بالآخرين .


لـكـن انا سؤالي كان .. لو كنـت وكيل مدرسة
مش لو كـنت وكيل وزارة الاسكان ..؟؟. ! ...





بس واضح يا خالد : إنك تملك طموح عالي , وخـيال واسع كـثير .

.
.


طبعا غيرت سؤال .. ( تحبـني .؟؟. ........ ليش ) .؟؟.
إلى صيغة ربما تكون أقوى في التعـبـير لدى الأطفـال
.
.

ضياء : أنـت منو أكثر واحد تحـبه في الدنيا .؟؟. وليـش .؟؟.
أحـب أمي ,
وبكل طلاقة يكمل ضياء
لأنها هي اللي جابتـني وربتـني وعـلمتـني

يا سلام .. كلام حـلو يا ضياء , والله يخليك حق أمك يا رب ويخليها لك.


خالد : أنت منو أكثر واحد تحبه في الدنيا .؟؟.
أحب أهلي كلهم ..

عاد يا خالد انا قلت لك واحد بس , ما قلت لك جـيش كامل .؟؟.




.
.



ضياء : ويـن ودك تـسافـر .؟؟.
ودي أسافر الدمام , والبحـرين

عاد ما أدري شنو الفرق بين الدمام والبحـرين .؟؟.
بس الظاهر ان البحرين فيها حلوى , وضياء طايح فـيها
على شان كذا يـبغى يروح هناك .


خـالد : وين ودك تـسافر .؟؟.
سوريا

أجل لا تنسى تجيب لي معاك عسكريم , لأن هناك عسكريمهم حلو ورخيص


.
.

ضياء : أنت تعرف أصحاب الكـساء .؟؟.
نعم .. هم أهل البيت عليهم السلام

يا سلام عليك يا ضياء

طيـب كم عدد أصحاب الكـساء يا ضياء .؟؟.
يفكر شوي ... وبعـدين يجاوب جواب غـريـب

.
.
بعد ما فكر ضياء تفكير عميق شوي يجاوب :
عـددهم أتوقـع / اثـنين وأربعـين ألف ...

وااااااااوووووو


هذا عدد أصحاب الكساء .؟
والا عدد أعضاء منـتديات صوت القرآن الكريم .؟؟.

.


.

عاد ما لقـيت غير هالرقم يا ضياء .؟؟.

.
.


خالد : كم عـدد المعصومين .؟؟.
يفكر شوي خالد . . ويجـاوب : عـددهم عـشرة

باقي اربعة يا خالد .. وين وديتـهم .؟؟.

الظاهر متأثر خالد بالمدرسة , ويفـكـرني سألتـه :
عـن عـدد المبشـرين بالجـنة .؟؟.

.
.

ضياء : أنت شنو تعـرف عن الانسولين ؟
ما أعرفه


خالد : تعـرف الانسولين .؟؟.
أنا أعرف السوني

طبعا خالد يقـصد / جهاز الألعاب : سوني بلاي ستـيشن



,

ضياء : انت شنو تعرف عن الانـترنت .؟؟.
هذا ما عـندنا فـي البــيت

حتى لو صار عندكم في البـيت
راح تشوف شركة الاتصالات على طوول الاشتراك في الدي اس أل مقطوع


خالد : أنت شنو تعرف عن الانترنت .؟.؟.
كـمبـيوتر

عاد في أحد قال ان الانـترنت عبارة عن آلة حاسبة .؟؟.



.
.



انا عجـبتـني أجوبة ضياء , وخالد ..
قـلت خلني أسألهم أسئلة إضافـية , لأني ما بلتـقي فيهم مرة ثانية ..


.
.


ضياء : لو كـنـت أنت مسئول عن حديقة , شنو تسوي فـيها ؟.؟؟.
يجاوب ضياء بكل سرعة , وبدون تـردد

أحط فيها ألعاب ,’ وأنظفـها , وأرتبها , وأحط فيها دراريف , وزحلوقات
وأحط فيها أشياء كثيرة , وما أخلي أحد يحتاج حق شي ..


يا سلام ..
إجابات راقية واجـد ,
يا ريت يسمعونك بلدية الأحساء

وعاجـبني الحس اللي يملكه ضياء , بالرغم من صغر سنه , إلا أنه يفكر دائما
في حياة الاخرين , ويفكر دائما انه يخليهم يعيشون حياة حلوة .

.......
....
..
.

خالد : لو صرت أنت مسئول عن سوبر ماركت شنو تسوي فيه .؟؟.
أبيع وأشتري , والأرباح أعطيها الفـقـراء

في هذه ما عجـبتـني يا خالد ....

ليش ما تبيع وتـشتري .؟؟؟.
والأرباح تـبني فيها مشروع آخر يقـضي على نسبة الفـقراء .؟؟.

يعني الى متى راح يعيشون الفقراء على هذه الحالة .؟؟.



.
.

ضياء : لو وديناك المكـتـبة , شنو راح تـشتري منها .؟؟.
أشتري قـصص عن أهل البيت عليهم السلام

.
.

يا سلام , يا ريـت أقـدر أوفرهم لك الآن فـورا ,
وأخليك تـقـرأ إن عـدد أهل البـيت عليهم السلام 14 , وليس 42000 .



وانـت يا خالد ؟ لو دخلت المكـتبة شنو تـشتري منها .؟؟.
أشتـري نـفـس ضياء .. قـصص .



طبعا ما يحب يتـوهـق خالد في الاجابة , وقـال : أشتـري نـفـس ضياء

كفو عليك والله يا خـلودي

.
.



.
.



طبعا عن نـفسي
استمتعت بلقـائهم وبإجاباتـهم ...

وبالتأكيد عندي رحلة ثانية مع أطفال آخرين

بس ما أتوقع ألاقي شخصـين مثل .. ضياء , وخالد

عجبوني كثير هالأولاد , ويا ريـت يظلون طول عمرهم مع بعض , على شان
نـشوف الحدائق تـترتـب , ونـشوف كيف قـضينا على الفـقـراء بعـقـل ضياء ,
وبالمنازل اللي راح يـبنيها لنا خالد , بعد ما يصير وكيل وزارة الأسكان .


.


طولت عليكم , سا محـوني
.


.
.


قلب داخل فكرة



.
.


.
.

 

 

[نائح]

ا

السلام عليكم ورحمة الله وبركاته

للأطفال عالم خاص ... لا يعيشه أحــد سواهم ,,

ولمعرفة عالمهم هناك العديد من الدراسات والأبحاث التي تطرح رؤيتها لسلوك الأطفال والتفسيرات الخاصة لكل سلوك

.. الموضوع عجبني بصراحة .. وأحببت أن أشارك فيه بطريقة أخرى وهي تقديم معلومات تخص هذا الموضوع وهي التطور اللغوي للأطفال ومن خلال هذا الموضوع سيتبين للأعضاء المشاركين في الموضوع ..

كيف يتحدث الأطفال حسب أعمارهم ؟

كيف تتطور الحصيلة اللغوية للأطفال ؟

وغيرها الكثير من الأسئلة الرائعة والمهتمة لهذا الموضوع ..

لن أبدأ إلا بعد أخذ أذن مسبق من صاحب الموضوع وتفاعل الأعضاء ...

تحياتي ..

 

 

[مثالية]

وسط النخيل منور

اقتباس ضياء : إذا صرت أنت فاضي , وين تروح .؟؟. أروح السوق

هذا طلع مثل الحريم

بس أبغي أعرف بعـد : أي سوق اللي يروح له ضياء كلما صار فاضي .؟؟.
يمكن سوق السبت اقرب

يعطيكم العافيه

 

 

[بحرالوفا]

اقتباس طبعا السؤال كان لخالد : لو كـنـت وكيـل مدرسة , شنو تـسوي .؟؟.؟ الجـواب : أشوف أي طالب فـقير, وبـيتهم صغـير , وأبنـي له بـيت جـديد .. .

الله يديم هالتفكير

اقتباس طيـب كم عدد أصحاب الكـساء يا ضياء .؟؟. يفكر شوي ... وبعـدين يجاوب جواب غـريـب . . بعد ما فكر ضياء تفكير عميق شوي يجاوب : عـددهم أتوقـع / اثـنين وأربعـين ألف ...

الله الله من وين جاب هالعدد




وسط النخيل



أضفت للموضوع نكهة رائعة


رحلتك صراحة لها طعم خــــاص


مميز بكل ماتحمله هذه الكلمة


الله يعطيك ألف عافية

 

 

[هدير]

[SIZE="4"]

موضوع رائع وممتع
اما انا فماقبلتي مع اخوي حسن عمره 10 سنوات
عاد شوفوا الابداع
1/ وش تسوي إذا صرت فاضي ؟
العب واصلح السيكل
2/ لو فزت بـ 1000ريال ايش تسوي فيها ؟
اشتري لي سيكل واعبثه واشتري جوال
طبعا حسن عاشق السياكل
3/ وين ودك تسافر؟
الصين4/
لو صرت مدير مدرسة شو بتسوي ؟
اضرب الطلاب ضرب اليهود
شري<<<<[/SIZE]5/
تحبني يا........ ؟ طيب ليش؟
نص ونص لان بعض الاحيان اتهاوش معاها
6/ وش تبي تصير اذا كبرت ...؟
يصير عندي معرض سيارات ومحل سياكل ودبابات وعمارات7/
تحب المدرسـه ..؟ طيب ليش ...؟
اذا مات استاذ الرياضيات احبها8/

شنو تعرف عن :
الأنسولين :
مادري
الإنترنت :
اتابع مسلسلات والعاب
مجلس الشورى :
مادري
الإتيكيت :
طبعا اول ماقلت له الاتكيت قعد يقل فالكلمه وقال مادري
الصديق :
يعني صديقي
الحب :
يعني الناس يحبون بعض
اتمنى انكم استمتعتوا معا حسن
تسلمي عالموضوع الشيق

 

 

[هدير]

هه موضوع رائع ومميز

 

 

[مذهلة]

مقابله رائعه مع الطفلين

ضياء وخالد .. ربي يحميهم

يعطيك ربي ألف عافيه أخوي وسط النخيل

زهور الريف

سلمت يمناك على جهودك

في انتظار العضو القادم

كل الشكر والتقدير

..

 

 

[زهور الريف]

اقتباس كل الشكر لزهور الريف على التوضيح , وبصراحة أنا جهزت موضوع لطفـلين في وقـت واحد , وحسيت إن إجاباتهم مكملة حق بعض , وما قـدرت أخلي الإجابات مفصولة عن بعضها , ويا ريـت تسمحي لنا يا زهور الريف في هذه المرة فـقط , والمرات الجاية راح نرجع مع أطفال آخرين بفكرة الموضوع الرئيـسية . موافـقـة يا زهـور الريف .؟؟. إذا موافـقـة خلونا نطلع عـلى اللقـاء

ما في اي مانع موافقة
يلا خل نطلع

.,.

اقتباس طبعـا أنا التـقـيت بشخصين في الشارع , والحقيقة انا ما أعرفهم لكن الصراحة شعرت بالمتعة معهم بعد ما جاوبوني على الأسئلة .

رائع يا وسط النخيل حركة مميزة منك


.,.

اقتباس الأول اسمه : ضـياء , وهذا شخص اكـتـشفت انه ذكي إلى حد خارق ما شاء الله عليه والأهم من ذلك انه يملك حس إنساني عالي كـثـير . الثـاني اسمه : خـالد , وهذا شخص خجـول واجـد , ومستحي مني من أول ما شافني

ماشاء الله قدرت تحكم عليهم من مرة وحدة

.,.

اقتباس نـفـس عمر ضياء أبغي أعـرف طيب !, ليش ما تـقـول لي : تـسع سنوات .؟؟.

حلوووة هذة نفس عمرة ضياء

.,.

اقتباس طيب شنهي الصداقة يا ضياء .؟؟. انك تحط فلوس في المسجد , وما أحد يدري عـنك .. يا سلام عـليك يا ضياء , أنـت انسان فعلا ذكي والا من وين جبت .. وما أحد يدري عنك .؟؟.

ماشاء الله علية
ذكرتني بأختي يوم سألتها هالسؤال
قالت نفس الأجابة
.,.

اقتباس ضياء : لو ربحـت ألف ريال , وش بتـسوي فيها ..؟؟؟ آخذ لي خمسمائة ريال , والباقي أتـصدق فيها على الفـقـراء .. رائع انت يا ضياء , يعني ما شلت هم أحد , إلا الفـقـراء ,؟؟. بصراحة انت انسان راقي يا ضياء لأنك تـقاسمت ما تملك مع الفقراء

أجل يارب تحصل على ألف لكي تساعد أخوانا الفقراء
بس لية ما قال بساعدأخوانا إلافي غزة

.,.

اقتباس خالد : لو صرت أنت وكيل للمدرسة , شنو بتـسوي .؟؟. على بالي خالد راح يقـول لي , إنه راح يساعد المدير في شئون المدرسة , ويكون الشخص المكمل للمدير في إدارة المدرسة . بس تعـرفـون شنو قـال .؟؟.

قال مثل ما قلت بساعد المدير

اقتباس . . ما أتـوقع أحد راح يتـخـيل شنو قـال لي خـالد .. .

عاد ليش شنهو قال شوقتنا

اقتباس قال لي كلام رائـع جـدا كلام غـريـب وعجـيـب , ويا ريـت أعـرف من وين جابه .؟؟.

أيه عاد قول شنهو قال

اقتباس . . , . طبعا السؤال كان لخالد : لو كـنـت وكيـل مدرسة , شنو تـسوي .؟؟.؟ الجـواب : أشوف أي طالب فـقير, وبـيتهم صغـير , وأبنـي له بـيت جـديد .. .

اوووة
فعلا ما تخيلت الجواب يكون كذا ما شاء الله عليك يا خلوود


.,.

اقتباس . بعد ما فكر ضياء تفكير عميق شوي يجاوب : عـددهم أتوقـع / اثـنين وأربعـين ألف ... وااااااااوووووو هذا عدد أصحاب الكساء .؟ والا عدد أعضاء منـتديات صوت القرآن الكريم .؟؟. .

على قولتك
.,.

اقتباس طبعا عن نـفسي استمتعت بلقـائهم وبإجاباتـهم ... وبالتأكيد عندي رحلة ثانية مع أطفال آخرين بس ما أتوقع ألاقي شخصـين مثل .. ضياء , وخالد عجبوني كثير هالأولاد , ويا ريـت يظلون طول عمرهم مع بعض , على شان نـشوف الحدائق تـترتـب , ونـشوف كيف قـضينا على الفـقـراء بعـقـل ضياء , وبالمنازل اللي راح يـبنيها لنا خالد , بعد ما يصير وكيل وزارة الأسكان .

وأنا بعد أستمعت معهم

.,.
رحلة وجولة رائعة مع ضياء وخالد
يارب تحضر عرسهم وتشوفهم متزوجين في ليلة وحدة
ويحفظهم من كل شر
.,.
"وسط النخيل "

مشكور على قبول الدعوة

 

 

[ليت للقلب عين]

وسط النخيلل


انا بعد عجبوني


براءه + طفوله +عقلانيه + تفكير راقي + انسانيه لا يمتلكها الكبار +++


ضياء وخالد.


شي اكبر مما نتصوره..



ماشاء الله عليهم وعيني عليهم بارده والله يثبت قلبهم ويعيشون ويكبرون


وتكبر معهم افكارهم..



وسط النخيل..



لاحرمنا منك ..






في حفظ الباري

 

 

[زهور الريف]

اقتباس لن أبدأ إلا بعد أخذ أذن مسبق من صاحب الموضوع وتفاعل الأعضاء

أهـــلا بك وبوجودك بيننا

 

 

[زهور الريف]

اقتباس لو صرت مدير مدرسة شو بتسوي ؟ اضرب الطلاب ضرب اليهود

يؤيؤ شالمدير الظالم <<الله يستر منه بس

.,.

اقتباس تحب المدرسـه ..؟ طيب ليش ...؟ اذا مات استاذ الرياضيات احبها8/

بل بل ليش عــاد

.,.

رحلة رائعة مع حسون

اللة يحفظة من كل شر وتشوفونة معرس

"هدير"


مشكورة على قبول الدعوة

 

 

[زهور الريف]

معكم اليوم:
صاحبـه شخصيهـ قويهـ
خدومة وأخلاقها عالية
نشاطها رغم الهدوء

هي ........

" {الساهرة} "

 

 

[الساهرة]

اشكرك عزيزتي زهور الريف على اختياري

وبصراحة اتشرف بالمشاركة في اي موضوع يخص أحبابنا واحباب الله ,,




اسم الطفل وصورته وعمره / أختياري للعضو


اليوم ضيفكم هو

عبدالمحسن (ولدي )

العمر: 8 سنوات وخش التسع ربي يحفظه وابلغ فيه ان شاء الله قولو آمين ,,









الأسئلة :





1/ وش تسوي إذا صرت فاضي ؟

يعني العب سوني واطالع التلفزيون وتعطيني ريال اروح اشتري من البقاله ====== وانا طول الوقت اعطيه ريال يشتري احسب انه جوعان اثاريه من الفضاوه ...

هنا خش مصطفى عرض وقال وانا اذا فاضي اكفخ خواني خخخخ




2/ لو فزت بـ 1000ريال ايش تسوي فيها ؟

اشتري بيت وسياره والباقي اعطيش وياهم تشيليهم لي حق اذا بتزوج هههههههه طموحه عاليه ولدي ,,






3/ وين ودك تسافر؟

سوريا ==== اشوف معظم الاطفال معلقين على سوريا مدري ليه ..




4/ لو صرت مدير مدرسة شو بتسوي ؟

اجمع المدرسين في الغرفه واقول لهم الي يسطر اي طالب بفصله

بصراحه استغربت حيل من إجابته وتفكيره احس اكتشفت اشياء في ولدي بس ما اخبي عليكم الولد متعقد من موقف صار له مع مدرس الله يهديه

مصطفى قال :اول يوم في الطابور اقول للطلاب روحو بيوتكم ولا اشوف وجيهكم ههههه ونعم المدير المثالي



5/ تحبني يا........ ؟ طيب ليش؟

اييييوه اجل هاااا ==== ندري انك من البطاليه ههههه

طيب ليش ؟؟ امي بعد اشلون ما احبش انتي الي حملتيني وولدتيني وتعطيني ريال و انتو تعرفون الباقي كله نكتبه بالتعبير حافظ الولد ههههه ( تالي ما شفته الا قام وباسني) وي فديته هالولد




6/ وش تبي تصير اذا كبرت ...؟
انااا بصير زي ابوي شرطي === لا حبيبي ان شاء الله تصير احسن منه قول امييين ,,



7/ تحب المدرسـه ..؟ طيب ليش ...؟

اي احبها بس اشوي

ليش ؟؟ لانها تعلمني اقرا وأكتب




8/ شنو تعرف عن :




الأنسولين :

ضل يطالعني ولسان حاله يقول وش ذا البلشه تونا حلوين!!

بعدين قالي ويش ذا معرفه .




الإنترنت :

اي هذا الي كله تلعبي فيه هههه



مجلس الشورى :

سكت اشوي وتالي حب يتفلسف ههه

قالي هذا الي يشورو فيه هههههه اتوقع على وزن يصورا




الإتيكيت :

قال مدري

مصطفى شفته يضحك وكنه عارف الاجابه سألته تعرفه ؟؟

وهو يضحك وخجلان قالي ايه

قلت يعني شنو ؟؟

قال يعني ياااي وبعدين قال يعني انتي وخالتي كذا تتكلمو اشوي اشوي وتقولو اتكيت ههههههه هذا الي قدرت عليه يا صطوف يا ليتك ساكت احسن ..





الصديق :

يعني كذا اصدقائي عمار ولد عمي وزهراء بنت عمتي وكذا يعني ..

علي ومصطفى اخوانه موجودين قلت هالمره خل اسأل علي ( ولدي الرومنسي الحالم )

قلت له علي يعني شنو الصديق ؟؟

قالي يعني انتي وبس صديقتي الوحيده مقدر على هالولد انا ..






الحب :

حبيت اسأل علي اول ==== عجبها الوضع

ها علي شنو يعني الحب ؟؟

ضل ساكت ويفكر

قالي يمه انا بصراحه ما احب الا وحده وبس ===== نعم؟؟؟؟؟؟؟؟؟؟؟؟؟؟؟!!!!!!!


ايه انتي حبي الأول والاخير

هههههه مصر يخجلني هالولد

وسألت عبود ..

قالي الاشياء الي يحبها

يعني كذا احب السيكل والاندومي واحبش واحب اخواني وابوي ==== بس بتقول لنا قصة حياتك


شاركنا في المقابله ,,

مصطفى :12 سنه

علي: 10 سنوات


تحياتي لكم واتمنى لكم وقت ممتع ,,,


الساهرة

 

 

[تاروتية]

- أخي وسط النخيل -
لقاء أكثر من ممتع مع الطفلين وزاده جمال اسلوبك في الطرح .

/

- الغالية أم مصطفى -
يجنن عبود ماشاء الله عليه عنده خطط مستقبلية
أما علاوي عاد تعرفيني حبيته من أول نظرة لا وطلع رومانسي بعد

/
الله يحفظهم ويخليهم ويبلغكم فيهم يارب ..