أنا لأبن عمي [ ! ] .. ] ^_^ [ ..

[وتين الورد]

السلآم عليكم ورحمة الله وبركآته

//

انآ فتآة منذ ان عرفت نفسي وأنآ لأبن عمي لم يكن بتصريح بل مزآح الكبآر على عقول الصغآر اخذت الفكر تكبر بعقلي وتتجمل لي رآيته فآرس احلآمي وبطلي وهو كذلك كآن يبآدلني الشعور والرسآئل الغرآم والهدآيآ ويمدحني ويعترف لي بحبه كنآ صغآر جداً على مثل هذآ

كنآ [عآيشين الدور >.<]
لآ أكذب عليكم كبرت و كنت احبه حبآ جمآ في دآخلي وكنت احتفظ بأشيآء سخيفه له وأرآهآ من اعضم مقتنيآتي.

ولقربنآ العآئلي وعآئلتنآ الوووآآآفره بالامرآض والورآثيه
[ بعد مآحلل وطلع حآمل لثلآسيميآ طلب مني ان احلل وحللت بعد 3 سنوآت~.~ وطلعت سليمه ]
أخذت آمي وعمتي بحديثي مطولآ عن ان زمام الحل والربط في يدي وعلي ان ارفض هذا الزوآج وان ابتعد كليآ عن هذا الشخص المرعب المحمل بالامرآآآآض التي سوف تقتل سعآدتي وان التحليل لآ يكفي ودم هذه العآئله فسد لكثر زوآجهم من بعضهم

كنت اقول وين كلآمكم أول
وهذول نآس فآضيه ومآيبون مصلحتي >< وهم مآيحبوني كنت بزززر
بعد تخرجي من الثآنوي شعرت بلإفآقه والنضج
رأيت اني سخخيفه ورميت بالموضوع جآنباً حتى يحين وقته نسيته بالفعل
وهتتمت بنفسي وعلآقتي بربي تعلق قلبي بربي اكثر ..

الزوآج مآيهمني ومآمبي اتزوج اخآآف لوو عيلتنآ تدوم مآآبي اتززووج
قضى حبي له خلص وانآصغيره >< اتوقع كذا الحين استغفر الله اكرررهه معنه واحد كوويس مرره
بديت اقول انه زي اخوي واصلأآ انآ ناسيه السالفه وكل ماذكرتها اتنآساها امي تززن هذا بيوقف نصيبك ابووك يرد الناس علشانه والله على كثر ماتقولي هالكلآم عممممرهم مآ أحد قالي في احد خطبني ولآ شآوروني ولا شي
ليه يكلموني والله تعبوني نفسيه كر
عمتي اخر مره مسكتني وتكلمني وتصيح وتقولي شووفي عيآآلي >>عيالها فيهم حساسيه قآتله
وتقولي انآ زعلت انك سليمه وكل ماقول هي تحبه اقول الله يلعنهآ ويلعن الحب هذا

وآنآ اشررح لهآ اقولهآ مالي دخل صح اول احبه بس والله كبرت مو هذاك الحب تغير
اقول بخآطري بلآ حب بلآبطيخ الحين تقولي روحي كلمي ابووك وتفاهمي معه>_< وش اقول لابووي استحي والله وآخآف اني اندم وهي كلآمها يخوف تقولي اليوم حسآسيه والقلب وو بكره منغوليآآ *_* وإعآقات


يآآنآآس انآكتب هالموضوع علشآن :


1- والله العظيم هو الاهم لآتقوولو فلآن بنزوجه فلآنه ولو اطفآل ولا تحيرو البنآت ارجووكم والله حرآآم الي يسير
ولا تقولو ولد عمهآآ اولى فيها من الغريب حرآآم ارجووكم اتقوآ الله في عيآلكم هذول امآنه لآ تفتحون عقولهم على اشياء هم موقدهآ ارجووكم : (

2- استشآرآتكم كيف اكلم ابوي (أسلوب وطريقة) وآنآ تقريبا ان شآء الله اقتنعت اقتنآع كبير اني اترركه انآصليت استخآره وعآدي الوضع اصلأآ تبلد مشآآعر مآعاد احس ><

3- انآ مآبي اجرح ولد عمي ولآ ابي اخسر اهله وانآ اعرف انهم حسآسين من هالنآحيه ومتأملين كيف اتصر : (
/

الكراكتير .. مضاف ..



/

ملطوووووش .. منتدى عالم الاسرة والمجتمع ..

 

 

[خادمة الرضا]

أصلا كاثره هالشغله في ديرتنا وبنات واااااااااااااجد توقف نصيبهم والسبب ولد هالعم مدري ليه الله يكون في عون اللي أبوها لازال على عادات قديمه
وروووووووووووود تشكراااااااات على هيك موضوع
الموضوع يبيله هذرة وأنا ألحين صايمه ومالي خلق أقرق لي عودة

 

 

[DANI ALVES]

كم سمعت وكم رأيت بعيني هذا الشي

وليس الأمر متعلق فقط بـــ أبناء العمومه

مسألة الحجز ما لها وما عليها

فلان لــــ فلانه وفلانه لـــ فلان

للأسف البعض يطبق المثل القائل دهنا في مكبتنا

عشان ما تتفكك العائلة عيالي يطلعون مرضى
عشان ما تتفكك العائلة أغلب وقت حمل الزوجة في المستشفى

الطرح موفق وممتاز

 

 

[الغريب]

لست مع مسألة الحجز

وربما فيها إجبار على الزواج

وربما نظرة الفتاة تتغير مع مرور السنوات عن ذلك الشاب

أو العكس ، ربما ذلك الشاب لا يريد تلك الفتاة وتغيّرت نظرته

لذلك ، اتركوا لهم الحرية وابتعدوا عن الحجز

الله يعطيكِ العافية على هذه المشاركة






وفق الله الجميع

 

 

[سجود الروح]

موضوع مهم جدا ومشكلة واقعية تكثر في المجتمعات العربيه
مقولة البنت لولد عمها فيها تجني على البنت والزواج بالاكراه وهذا مالا يجيزه الشرع والدين
طيب لنفرض أن ولد عمها أجبر أيضا على الزواج منها فالنتيجة زواج فاشل وضياع أسر وتفككها
أو لنفرض أن البنت انتظرت ولد عمها وعندما قرر أن يتزوج اختار غيرها

فما ذنب المسكينة وقد حكم عليها بالعنوسه والتعلق بشخص باخر المطاف تركها
وهناك أمر خطير ينتج عن زواج الأقارب وهو الأمراض الوراثية وغيرها وهو يعتبر من سلبيات زواج الاقارب
والايجابيات كثيره مثلها مثل الزواج من غير الاقارب

(( احترامي للكل ))
(( فقط وضعت رايي بالموضوع ))
اهنيك ع الموضوع الرائع والمهم جدآ

 

 

[♥ gѕη яσσн]

&

في هذآ الموضوع , حدثت لـ أحدى الشبــآب ..

أجبر عَ الزوآج و بعدهـــآ تطلقوآ , ممـــآ أضــآع مستقبل البنت بـ عز شبــآبهــآ طــلآق ..
من سببه | اجبــآر ..

فـ أجبــآر سـ يكون ضدهم , و ضيــآع اسره ..

فـ أغلبية الشبــآب لآ ينطق بـ الزوآج الآ عندمــآ عدل أموره ..

المفروض يـكون الحديث بين الي سـ يعقد الزوآج و الطرفين بـ مفردهمـــآ ..
عدم تدخل الوآلدين ..

هنــآ , سـ يكون أمور بخير ..




يعطيك العــآفيه أختِ ورود ..

موفقه | ..



&

 

 

[واثق الخطوة]

بالحقيقة يجب على الفتآة أن تكون صاحبة شخصية قوية
بحيال هذا الامر ، حتى لو لاقدر الله أٌجبرت البنت ’ تكون قادرةً
للرد على والديها رغم إصرارهما على القبول ..
ولذلك أنا ضد هذا القـآنون الغديم و( الدكتــآوري ) ..
أتركوهم لـوحـدهــــم ..
/
احسنتِ

 

 

[الريـــم]

بصراحه انا ضد الحجز منذ الصغر ,,,

الحمد لله انا ماعشت ذا التجربه بس شفت حالات كذا

مارتبطوا ونهاية علاقتهم باءت بالفشل

مشكوره اختي على الموضوع ويعطيك مليوووووووون عافيه

 

 

[سكون الصمت]

انا عشت هالتجربه .. وتألمت كثير .. بس الحمدالله مشت اموري تمام .. وأنا متزوجه ولد عمي وولد خالتي ,, في نفس الوقت .. والحمدالله صحيح تعبت .. لأن لما قلت شروطي لأمي قالت إن قلتي جنب الشيخ شي بقص لسانج .. بس الحمدالله على كل حال ..




اعرف وحده مرت بهالتجربه .. وبعد ما عطاهم امهر وخلاص حددوا مكان الشبكه وعزموا الناس طبعا كل هذا وهم لسى ما ملكوا وراحت اخذت التحاليل طبعا اثنينهم حاملين للأنيميا المنجليه .. جا الشيخ واخذ منها وكاله عشان صادف ذيك الليله خسوف وصعبه يتمموا الملكه .. عموما اخذوا الوكاله فقط من البنت انها موافقه .. وثاني يوم من الوكاله .. ومع فرحة البنت تصدمها امها ان ولد عمك ما يبيك عشان الامراض الوراثيه .. بصراحه انصدمت كثير لما قالت لي البنت .. وبعدين ما ادري شنو صار بس تمت الشبكه الحمدالله .. وحضرتها صحيح كانت البنت مو مرتاحه كثير بس الحمدالله على كل حال .. وبعد الزواج بفتره .. بشرتني انها مرتاحه كثير مع زوجها ومافي مشاكل غير المشاكل البسيطه ..


واكثر شي ضايقني انها تقول على كثر اللي خطبوها ما عرفت عنهم شي ولا درت بهالمخاطيب الا قبل ملكتها بفتره ,, صج عقل الاهل مشكله ,,



ان شاء الله هالامور ما تتكرر في ديرتنا .. بصراحه تعور القلب ...



مشكوره على هيك موضوع ..

 

 

[ناقد]

.. حقيقة .. انا ضد هذه المشكلة -ان صح التعبير- ..


.. وبالمختصـر .. نحن نبحث عن ابناء و اجيال اصحاء ...

.. لذالك .. اليوم .. الفحص هو الوحيد الذي يحدد كل شيء ..
( طبعا إذا اردنـا حياة سليمة لابنائنـا )


تحياتي للجميع .. نـــــآقـد

 

 

[الساهرة]

البنت صعب انها تفتح مثل هالمواضيع بشكل مباشر مع والدها لذا افضل حل انها تكلم عمتها تكلم الولد وتشرح له الموضوع وبعدين تكلم ابو البنت وانتهت المشكله

لازال الوقت موجود واعتقد المشكله الان تبقى صغيره مادام مافي توافق ...