من أي الاطفــــــــــال كنت ....؟؟

[همس المشاعر]

يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..

الطفل البريء


في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه لايدافع عن نفسه ..


الطفل العنيد

يطبق نظام البيت بالعناد .. يسوي اللي براسه ..

لا يخاف من الأب أو الأم .. لو قلت له هذا خطر لاتقرب عليه .. عناد فيك بيروح يسويه ..

يُــضرب كثيراً في طفولته .. ومع ذلك عنيد لا يغير رايه ..

الطفل الحنّـان


يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..

الطفل المادي


هذا الطفل مابيرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل الاخبار.. وكل شي بحسابه ..

الطفل الفتّــان

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه ..

هذا الطفل حتى لو شريت سكوته بفلوس..

توقع تلقى اخبارك ثاني يوم في الصفحه الرئيسية في الجريده

الطفل الدلوع


هذا دلوع ماما وبابا .. يكرهونه باقي الاطفال لانه مرفه وشايف حالوا عليهم..

تلبى رغباته قبل ان يطلبها.. شخصيته اتكاليه جداً ..


الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره بتجاوب عليه ومره تسفهه ..

واكثر الاوقات مابتلقى اجابه لاسئلته .. لانك في الحقيقه تجهلها ..

الطفل الداج

هذا الطفل مستحيل يقعد في البيت ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

الطفل اللزقه


تلقاه مسنتر عند باب البيت .. محدا بيطلع الا وهو لازق معه ..

حتى الضيوف من الممكن تلقاه يلزق فيهم ويطلع معهم..

يـُنـضرب كثيراً .. وخاصه من اخواته اللي اكبر منه ..

لانه عباره عن رادار على طلعاتهم ..

احياناً يضطرون يطلعو من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتو عليّ ..

الطفل الهادي

هذا الطفل ماله صوت ابدا.. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع مايتكلم ..

في كثير من الاحيان بتلاقي اهله ناسينه بالسوق او عند الاقارب اثناء الزيارات ..


الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل بيت طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..



بصراحه .. اي الانواع كنـتم



يالله طلعوا الفضايح

 

 

[AL MOShakes]

انا بصراحة كنت ثلاثة بواحد يعني <<< الطفل العنيد , الطفل الحنّان ,والطفل الدلووع

يعني كنت مشاكس اشوية <<<< اشوية طل هههه

بس كانت هادي بعد <<< ايه قابلني

بس اذا تبين تتأكدين اسألي امي <<< فديتها

اتمنى انك تكتبين وش كنتي انت طيب؟؟<<< مو بس تقصين علينا ولا تكتبين شنو كنتي هههه


تقبلوا شقاوتي
مشاكس

 

 

[عاشق العالمي]

الطفل الدلوع


هذا دلوع ماما وبابا ..

اقتباس يكرهونه باقي الاطفال لانه مرفه وشايف حالوا عليهم..

تلبى رغباته قبل ان يطلبها.. شخصيته اتكاليه جداً ..

لكن ما احد يكرهني ولا شايف حالي

بس دلوع ماما وبابا ولاحد الان انا دلوع ماما وبابا لكن مش واصغر واحد


مشكوره فروحه على الموضوع

اخوك عاشق العالمي

 

 

[رنين]

اقتباس الطفل الهادي هذا الطفل ماله صوت ابدا.. وين ماتحطه تلقاه .. احياناً يهملونه اهله .. لانهم ناسينه .. واحياناً يلقى اهتمام زائد من اهله .. لو يموت من الجوع مايتكلم .. في كثير من الاحيان بتلاقي اهله ناسينه بالسوق او عند الاقارب اثناء الزيارات ..

بس اهلي ماينسوني
كنت متميزه بهدوئي وعتمادي على نفسي
وعلى كل الهدوء الفيني اهلي يحبون اني اتكلم لاني كنت فصيحه
وخالي كان يعطين فلوس يبقاني اتكلم بس استحي ماخذ
اشكرك اختي فروحهعلى الموضوع ...واسفه للئطاله

 

 

[همس المشاعر]

المشاكس

عاشق العالمي

رنين

مشكورين على الردود

ودمتم في حفظ الباري

 

 

[تاروتية]

اقتباس الطفل الحنّـان يستخدم وسيلة الحنة لتلبية رغباته له نغمه خاصه في المنزل .. تلبى رغباته كـُرهاً .. يعانون اهله من الصداع المستمر ..

تسلمين حبيبتـــــي على الموضوع اللطيف

طلعتـــــي المستور

وذكرتينا بأيام الطفــــــــولة والشقاوة

 

 

[مثالية]

اقتباس الطفل الهادي هذا الطفل ماله صوت ابدا.. وين ماتحطه تلقاه .. احياناً يهملونه اهله .. لانهم ناسينه .. واحياناً يلقى اهتمام زائد من اهله .. لو يموت من الجوع مايتكلم .. في كثير من الاحيان بتلاقي اهله ناسينه بالسوق او عند الاقارب اثناء الزيارات ..

اظن كنت هاديه..........
لاني لااتذكر كيف كانت طفولتي
بس الحين كل ماتشوفني وحده من الحريم الكبار
قالت هذا انتي اللي امك تدلعك ولاترضى احد يكلمك
اقول مااذكر صج وانا كبيره حسيت باالدلع والاهتمام
الله يسلم بابا ........وامي يقولون تخاف مني!!!!!!!

فروحه شكلك طفله حنانه
تسلمين ياالغاليه

 

 

[مجاهد]

اقتباس الطفل البريء في المنزل تجده حبوووب وطبيعي 100 % لكن مع دخوله المدرسة .. ( تنمحي ) شخصيته .. فتكثر الاصابات في وجهه .. لأنه لايدافع عن نفسه ..

ولكنني ادافع عن نفسي
فمرة غالب ومرة مغلوب


ما قلتي لنا يا فروحة من اي الاطفال انتي



دمتم بود

 

 

[مدرسة الحب]

مشكورة اختي على طرحكي هذا الموضوع اللطيف وحبوب

تحياتي
مدرسة الحب

 

 

[الساهرة]

اقتباس الطفل العنيد يطبق نظام البيت بالعناد .. يسوي اللي براسه .. لا يخاف من الأب أو الأم .. لو قلت له هذا خطر لاتقرب عليه .. عناد فيك بيروح يسويه .. يُــضرب كثيراً في طفولته .. ومع ذلك عنيد لا يغير رايه ..

علي ولدي تنطبق عليه نفس هالصفه وانا وابوووه مو قادرين عليه

وعبودي حنان لأبعد الحدوود .. فديته هذا دلوعة امه يحن وعلى قلبي زي العسل هذا هو نايم يمي ..

مشكوووره فروحه

تحياتي
الساهرة

 

 

[همس المشاعر]

تاروتيه

مثاليه

كرت احمر

مدرسه الحب

الساهره
تسلمو

لهذه الإشراقة البيضاء

بين سطوري,,

تشرفت بقدومكم وزدتم

شرفا بردكم الجميل

تحياااااتي

اما عن نفسي
من الطفله الهاديه

الطفل الهادي

هذا الطفل ماله صوت ابدا.. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع مايتكلم ..

في كثير من الاحيان بتلاقي اهله ناسينه بالسوق او عند الاقارب اثناء الزيارات ..