الله لا يبليكم بولد عم مثل هذا

[ولد هجر]

اولا السلام عليكم ورحمة الله وبركاته
ثانيا بيتكم وبيت عمك في شارع واحد الفرق بينكم ثلاث بيوت و ولد عمك اسمه نفس اسمك

ثالثا تخيل انك في يوم من الايام جاي من العمل تعبان الساعة 10 بالليل والبيت خالي من الاهل ومن الاكل وجلست تصنف يابوفلان شتسوي انت جايع وتعبان تبغى تنام وراك دوام الساعة ثمان شتسوي شتسوي حاير وجالس تفكر ماتبغى تتعب نفسك تطبخ وتنفخ وتالي بتغسل الصحون مشكل واجد وجالس تفكر وتفكر....بس بس بس لقيتها وجات الفكرة تطلب من المطعم ويجيبونه توصيل للمنازل هذا افضل حل بيريحك لاطبخ ولا تغسيل صحون حتى البيبسي بيجيبونه بارد لمكانك
شتبي اكثر (ذكرتني بالبيبسي في هالحر) ومااطول عليكم وبسرعة جب التلفون ورن رن على المطعم ألو جب لي كيت كيت كيت في البيت الفلاني بس لحظة اووووووووووووه نسيت رقم الاشتراك بس البيت في كذا كذا كذا ................ مقابل مدرسة البنات ورد السواق خلاص خلاص عرفته .........ز
طيب وتنتظر وتنتظر وتنتظر والساعة وصلت 12 يعني جالس ساعتين تنتظر وكل ماتتصل على المطعم مشغول واخيرا الساعة 1.30ردوا عليك (ولاحظ انك تبغى تنام علشان تجلس الساعة 8) ومنهو اللي رد السواق :
ها يافلان وين العشا
يرد: والله وديته من ساعتين (يعني الساعة 11.30والحين 1.30)
وين وديته؟
يرد : بيت فلان الفلاني اللي قبال المدرسة
طيب ومين اللي اخذ الطلب
يرد : اللي طلبه هو اللي خذه فلان بن فلان
وبعد مجادلات ومناقشات تكتشف ان

ولد عمك اللي على اسمك هو اللي خذ الطلب لان السواق راح بيت عمك ودق الجرس وسأل عن فلان وطلع له وهو جالس من النوم وخذ الطلب وحاسب السواق ولا حتى فكر منهو اللي طالب من المطعم................................!!!!!!!!!!!! !!!!!!!؟؟؟؟؟؟؟؟؟؟؟؟؟؟؟

وش راح تسوي لو صار لك هالموقف

مع العلم ان هذا الموقف حقيقي حصل لواحد من الشباب الله يستر عليه

الله لايبليكم بولد عم مثله

شر البلية مايضحك

 

 

[الغريب]

أذهب إلى ابن عمي وأتعشى معه ..

 

 

[الساهرة]

اسوي لي خبز وجبن وأشرب كاس ماي ( علشان ما اوسخ مواعين ) واعتبر الي صار مجرد كابوس واركب الجوال والساعه على الساعه 8( صباحا) :Ahbal وانام ...............

جواب منطقي :UP

 

 

[totti]

كان اروحوا حق ولد عمي وأطق عليه الباب واقوله جب العشاء واعطيه الفلوس :Sorry

وبالتأكيد ماراح يدري عن شي مثل مادرى عن شي يوم يجيبله العشاء اكيد ماراح يدري عن شي اذا سويت معاه كذا :UP

تحياتي ............ :Bye

 

 

[الساعي]

السلام عليكم ورحمة الله وبركاته،،

تحياتي ..... أظاهر ان ولد عمه كان جايع وقال في نفسه ...زين جانا لمكانا ....أيضً ويش دعوى ماجا على باله ان يكون ولد عمه طالب العشاء ....طيب افرض انه فكر أحد من البيت ه الي طلب عشا ....ماسئل ....لالا فعلاً يبي ينكب ولد عمة ....مسكين رقدة على جوع وبطنه يصاوي من قل الأكل ومن القهر وهو ينتظر .....الله يكون في عونه ..

اذا صار يااخوان مثل هالرجال جيرانه بيت عمه لابد أن يوضح لون البيت والأسم الثلاثي اذا أمكن وقوله ترى في العيله أكثر من اسم علي مثلاً ..

وشكرً ...تحياتي / الساعي

 

 

[بنت القمر]

انا وحده ماعندي لاولد عم ولابنت عم ..

لذلكــ عليهم بالعافيه .. يستاهلوون العشا ..
:Eyes

ت ح ي ا ت ي

 

 

[إشراق]

صج الظاهر أن ولد العم يوعان بالحيل فلذا ما فكر من اللي مطرشه له

وأما أنا فأقول الشكوى لله وأسوي لي بتر وبريد وأحط راسي وأتوسد وطقها نومة ..

:Ahbal

 

 

[دموع المحبة]

والله قهررررررررر----مسكين هارجال

سواله اي شيء واكله 00000 ولا ينام جوعان