اليوم رحلتنا غير اليوم فيها يتحقق الحلم وهو زيارة مدينة الضباب والمدينة التي يطمح الكثير لزيارتها هي (( لندن )) مدينة ساحرة وجذابه بسبب الحياة فيها والانتعاش السياحي والاقتصادي .. بالفعل مدينة تستحق بأن تكون حلم لكل عشاق السفر ذهبنا الى لندن قبل موعد سفري بيومين حتى ناخذ جوله فيها اخذنا القطار المتوجه من سوانزي الى لندن واستغرق الطريق 4 ساعات لكنه ممتع لأنه لا يوجد صحاري مثل الي عندنا الطريق كله اشجار ومباني وانهار ركبنا الباص الساعه 9 صباحا ووصلنا في الساعه الواحده والنصف ظهرا اخذنا تاكسي وتوجهنا مباشرة نحو الفندق وهذا هو فندقنا الجميل من الخارج وهذا من الداخل اللوبي في قسسم من اللوبي في اجهزة كمبيوتر الي يحب يتصفح وطبعا مجاني وممكن تحلي ببسكويت وكافي وهذي غرفتي الجميله والراااايقه الغرفة كانت مريحة جدا وفيها كل وسائل الراحة والترفيه يعني عدة الكافي تلفزيون بلازما وكل القنوات وغير كذا النت مجاني بعد ما اخذنا قسط من الراحة خرجنا للغداء اخذنا غدانا من مطعم لبناني وتوجهنا نحو شارع العرب ومن ثم حديقة الهايد بارك وهذي الصورة في الطريق وهذا جزء من شارع العرب معظم الي فيه عرب وحتى المحلات معظنها عربيه وتخدم العرب من المقيمين والسواح لاحظو المعسل في زاوية الصورة من تحت عشان تحسو انه شارع عرب هههه:kwales_: هذي جلسات بالقرب من الهايد بارك وشفت هذا المجسم وعجبني قولوا لي وش رايكم في هالصورة تحفه :cipollinocoolpq9: هذي هي نوافير لندن الشهيرة بصراحة كلا اشوفها بالافلام المصريه اسمنهم في لندن يعني معلم مشهور شكله وهذي هي الهايد بارك:148: وهذا مرشدنا السياحي ابو أحمد وفاطمه:shy: الحديقة كبيرة جدا جدا لدرجة ان الشباب مستغلين هالمساحات وعاملين فيها ملاعب للكوره يعني ان شاء الله رحلة المسبحيات الجايه بتكون هناك عشان تكفي الجميع :104: وتتميز هالحديقة بكثرة السناجب فيها يعني عندهم السناجب مثل القطاوة عندنا:v9v9net_003: هااي سنجوبنا الجميل من الاشياء الغريبه الي شفتها بالحديقة هو وجود ما يسمى ب البقعة الحرة وهذي عبارة عن مساحة او بقعة في الحديقة ممكن ان تتحدث في اي موضوع سياسي او ديني او غيره من غير ان تحاسب حتى لو تسب الملكه عادي وغير محاسب قانونيا فعلا حرية شخصية جميله ومثل ما تشوفو كل واحد ياخذ له زاويه ويصعد فوق كرسي ويقول الي يبي والمجال للحوار مفتوح وهذي بعض النماذج الي شفناها وبالطبع كل واحد يتكلم بلغته ننرجع ونكمل جولتنا بالحديقة الخيول الي انتو شايفينها الناس الي عليها هم شرطو وامن للحديقه :duel: بصراحه الحديقة خيال بمعنى الكلمة العالم اخر روقان حديقة منتعشة بالحياة وبعد التجول في هذه الحديقة وطبيعتها الساحرة رجعنا البيت وفي الليل رحنا مطعم لبناني رايق تعشينا ورجعنا الفندق نمنا ويوم ثاني في الصباح الباكر وبعد اتناول وجبة الفطور بالفندق بوفيه مفتوح رحنا حجزنا تذاكر لركوب الباص السياحي الي بيفر فينا على لندن كلها وهذا شكل الباص ومافيها شك احنا ركبنا فوق:shy: هذي مرشدتنا السياحية ما قصرت المره ادت واجبها ولا سكتت دقيقة وانا ولله الحمد ما فهمت منها ولا شي:v9v9net_003: بس ابو احمد ما قصر ترجم لي الي تقوله:v9v9net_084: هذا قروبنا هذي لندن القديمه وكل المباني الي بتشوفها الان اجدد مبنى فيها لا يقل عمره عن 100 سنه من الصدف الجميله اننا وصلنا القصر الملكي وقت تبديل حرس القصر واثاري تبديل الحرس عندهم حفلة حبيت اوريكم جزء منها تجمع ضخم بالقرب من القصر وايضا تجمع ضخم في الساحة المقابلة للقصر اذا حق تبديل حرس القصر سوو كذا اجل كيف لو طلعت الملكه ؟؟ دخول الفرقة الموسيقية الي بتزف الحرس بصراحة جازلي المنظر والطقوس اشكالهم ذكرتني بمسلسل الكرتون سالي العالم والسواح كلها تصور بصراحه منظر يستحق الوقفه الي لابسين اسود هذول حرس القصر وهذا هو شكل القصر باين انه قديم لكن بصراحه تحفه على الرغم من الازدحام الا ان حركة السير ماشية ومنظمة عفية عليهم رجال المرور على فكرة كانو بقمة الذوق والي يبي يمر يمر لكن بنظام وبوقت مخصص يعني كل 10 دقايق مثلا مو عندنا اذا بيمر شخصيه مهمه سكرو الشوارع 3 ايام وعساك ما تتكلم الا حصلت تخيزر من الامن رجعنا ركبنا الباص وعودة الى ازقة وشوارع لندن القديمه هاااي فطوومه اهم واشهر معلم في لندن ساعة البج بان هذا تمثال لاحد الشخصيات المهمه واعتقد انه وزير او شي مثل كذا يهتمون جدا لمثل هذه التماثيل احد اشهر الكنائس في لندن والتي تم فيها زواج الملك والملكة والدي الملك شالز نهر التايم وهنا واضحة صورة الجسر احد اشهر واقدم الجسور سينما الرعب وهي تعرض اهم الاحداث المرعبه الحقيقية التي حصلت في لندن علىى مر السنين احنا الان نسير على الجسر قلعة جميلة ورائعة شكلها تحفة وبالداخل يوجد متحف جولة مائية في سفينه على نهر التايم بجد روووعه هذي الرحله ما بنساها ابد فديت هالابتسامه يا حبايب قلبي هذا مرشدنا السياحي كان يتمتع بروح الفكاهه والمرح الكبسولة الشهيرة الي تفرجك على لندن كلها وانت بمكانك الجو بااااارد بس خيااال وينش يا ايام لندن وهاذا احنا ننتظر الباص بعد انتهاء الجوله وهذه كانت اخر اللحظات الجميلة في لندن وفي بريطايا كلها بصراحه سفرة م العمر اتمنى تنعاد يوم من الايام اتمنى انكم استمتعتو معي بهذا التقرير وعشتوا معي السفره بلحظاتها الجميلة والرائعة لكم مني كل التحية والتقدير الساهرة