[الساهرة]

عزيزتي كيان طفلة ..

السمبوسه اشكال وعلى حسب الحشوه المفضله

يعني احنا مثلا انا وزوجي نفضل سمبوسة الخضار

مقاديرها :
1 بطاطس متوسطة الحجم
1 جزره كبيره
1 كوسا كبيره
1 باذنجان
جبن مبشور


تقطع الخضار مكعبات صغيره طبعا بعد تقشيرها ثم تغسل جيدا وتسلق او تقلى على حسب الرغبه
وبعدين نحط عليها جبن مبشور ونلفها ...


في ناس تفضلها بطريقه ثانيه :

3 بيضات مسلوقة
جبن مالح أبيض وزن تعرفونه اكيد
نعناع مطحون

نخلط الكل ونلفها بالسمبوسه ونقليها


وفي سمبوسة لحم بالجبن

يعني نعمل لحم مفروم مع حمسة بصل ونضيف بعدها جبن مبشور ونلفها ونقليها

ونقدر نستبدل اللحم بالدجاج او التونه على حسب الرغبه ...


واحلى سمبوسة واسهل سمبوسه بالعالم والي يموتون فيها عيالي

سمبوسة بجبن الكيري

نقسم قطعة الجبن قطعتين على شكل قطري زاويه

وناخذ كل قطعه في شريحه ونلفها ونقليها وتطلع ولا احلى وسهله حيييييييييل وبالهنا والعافيه ...



نسايم ليل مشكوووره على الموكا

وباااااااااين انها سهله ولذيذه بجربها وبقولك


تحياتي لكم

الساهرة