ههههههههه
والله مواقف اول الزواج صج اتفشل
اتذكر موقف مستحيل انساه وحتى لو نسيته زوجي يذكرني فيه ..
كنت جالسه في الغرفه استنى عريس الغفله ههههههههه مسكين
المهم وانا انتظره تأخر الوقت طلعت التهويه انتظره يعني اني خايفه عليه <<<< تدرون تونا عرسان
المهم صرت اروح واجي في التهويه ,,, سمعت صوت السياره وعلى طووول طيران للغرفه
هو حس طبعا وانا اصعد الدرج ,, كان عنده بلونا تفاح يشربها ,, المهم صب التفاح في كاس وحط له ثلج 
ويدخل الغرفه ومغير صوته ويمشي وهو يطوح عاد انا حزتها دوروني ما تلقوني 
حسيت اني بموت من الخوف وبصراحه طاح من عيني قلت اشلون طلع كذا وانا توني اكتشف
قعدت اصيح وقلت له بروح ببيت اهلي انت تشرب منكر
تالي ما شفته الا انسدح من الضحك وقعد يضحك وانا اصيح عبالي من اثر الشرب تالي لما خف ضحك قال يا المجنونه ذا عصير تفاح اشربي صج انش طالعه من كرتون
عاد انا فشلت حدي بس قلت الحمد لله انها طلعت مزحه كلشي ولا هالشي والعياذ بالله
بس شاطر خلاني انسى انه متأخر وانسى الزعل ههههههههه
ادري طولت عليكم
يسلمو يا ولد البلد على الموضوع..
تحياتي
الساهرة