صفحة دافئة في هذا البرد وفي ليالي الشتاء .. لا ادري لما حينما نقول ليالي الشتاء نشعر بالهدوء وبالسكون وكأن الناس جميعا في سبات عميق وبالذات في فترة الليل .. طيب نجاوب على اسألتك يا أحلى ملاك .. حبيت أطرح هذا الموضوع نشوف جوكم في الشتاء كيف يكون .. 1/ كيف استعديتـ/ي لـ فصل الشتاء ؟! طبعا تعرفون كيف يكون استعداد الأمهات يعني تصفية دولاب الملابس نشيل ملابس الصيف ونحط ملابس الشتاء ونشوف الناقص ونتوجه الى السوق مع اول راتب من أجل تجديد ملابس الشتاء حق العيال ..هذا اولا .. ثانيا .. التشيك على الدفايه ثالثا.. انا بيتي كله سراميك وفي فصل الشتاء افرش الممرات زل لأن الأرض تكون باااااااارده .. رابعا .. في الصيف تكون جلستنا بالصاله لكن بالشتاء في غرفة الجلوس لأنها وسط البيت وادفى وبس. 2/ موقف صار لك في البرد ولا يمكن تنساه ؟! اتذكر لما كان عمر 8 سنوات تقريبا ايام (( محاسن )) اخذنا ابوي كلنا الى منتزه محاسن طبعا انا واخواني بس بدون ماما المهم قال انا بنزلكم وبعد ساعه بيجي عمكم ياخذكم ابوي نزلنا من هنا وماهي الا ربع ساعه وتجي ذيك العاصفه مطر ورعد وبرق وريح وكل شي في خلال 10 دقايق المنتزه صار فاضي بس احنا فيه ومحنا عارفين وش نسوي تبللنا وذبحنا البرد لا والظاهر ان ابوي نسانا لأن مرت 3 ساعات ومحد جانا المهم بدينا نحس بالجوع والعطش >>>> اي عطش في عز البرد لا تزوديها عاد المهم ما اطول عليكم فجأه جاء من بعيد زورو على حصانه الأسود ههههههههه لا اقصد جا رجال واستغرب وجودنا في هالجو قعد أخوي الكبير يسولف وياه وذاك حس بوضعنا يعني طبعا الكبير فينا كان عمره بذاك الوقت 12 سنه المهم ما قصر الرجال راح الكفتيربا وطلب من صاحبها يفتحها ويخلينا ندخل <<<< اخيرا احد حس دخلنا وما قصر الرجال جاب لنا عشا لكن اخوي عزة نفسه قال ابد مستحييل نقبل بهالشي وقتها ما اخبي عليكم تمنيت اقوم واسطر اخوي على اللقافه المهم اقتنع اخوي بعد ما قال الرجال اعتبرهم دين ورجعهم لي اذا كبرت واشتغلت المهم تعشينا وطلب اخوي من الرجال ان يكلم راعي الكفتيريا يخليه يكلم ابوي تلفون في العمل واتصل على ابوي وعلمه بالسالفه وابوي على طول جانا ووصلنا البيت وقعد يحكي اخوي القصه حق ابوي وتالي طلع ابوي يعرف الرجال وبعد كم يوم عزمه بيتنا وشكره على الي سواه وانتهى الفلم الهندي ههههههه بس تبون الصراحه احنا مستحييل ننسى هالموقف ابدا كان بالرغم من قساوته بس حلوووو.. 3/ وش الشي الي تشوفـ/ين انه من مميزات فصل الشتاء ؟! الدفايه وابو فروه والضو في المزرعه وبالذات اذا صنفت في راس ابوي وطبخ لنا ذيك الكبسه على الحطب يم يم 4/ أنت ممن محبين الشتاء أم العكس ؟ ( وياليت تقول السبب )؟ لا انا من عشااق الشتاء احب اجواءه واهم سبب اننا نفتك من الرطوبه والمكيفات اثنينهم عدويني واكرهم . 5 ممكن تتفضلون وتقولون شنو الأكلات والشراب الي تحبون تاكلونها في الشتاء ؟ العصيده 6/ شنو تتمنى يحصل في الشتاء ؟ ودي يطيح ثلج ابيض على الأقل نحس اننا على جبل في ايران ولا غابة في حدى هالدول الثلجيه وأخيرا أول لكم أتمنى لكم ليلة دافئة تحياتي الساهرة