|
|
|
30-07-2010, 07:34 PM
|
رقم المشاركة : 81 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
|
|
|
|
30-07-2010, 07:38 PM
|
رقم المشاركة : 82 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
|
|
|
|
|
30-07-2010, 07:41 PM
|
رقم المشاركة : 83 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
![رد: أسَأَلك باللي خلق قلبك .. اكرهنـي | روايـة ]|~](http://www14.0zz0.com/2010/01/18/21/634676107.gif) المستشفى ما حبوا يطولو عندها التعب باين عليها الكل ترك نوف ترتاح .. وبقى الجد سامي و الجده سلمى ونايف ونجود .. تناظر فيهم ويطري فبالها ناصر تخيلته جالس بينهم .. جلست تدوره بعيونها بس مو فيه جلست تناظر مكان فاضي .. جلست تتخيله جاي عشانها .. جلست تتخيله جاي يعتذر .. جلست تتخيله جاي يقول لها تراي ظلمتك .. جلست تتخيل انها سامحته .. جلست تتخيل انها رمت كل حاجه ورا ظهرها .. جلست تتخيل انها تمزح معه وتضحك .. جلستت تتخيل ان علاقتهم ما تغيرت! فحلقها غصه .. ودها تبكي .. بس ما تبغى تذرف عشانه دمعه .. خلاص نسيته ونسيت كل حاجه بينا .. حتى لو عرف اني بريئه ما عاد يهمني .. ولو ايش ماراح اغفر له .. هو بطريق وانا بطريق .. كل ما دخلت وشفت نآآسي والأحبأأب .. ! وما شفت وجهك بينهم ,, ودي أبكي ., =( قطع خيالها الجد سآمي : ها يا نوفه حبيبتي الحين أشوى ؟ نوف بألم : الحمد لله الجد سامي : يستاهل الحمد سبحانه نوف : ابغى اطلع من هنا طفشت نايف بيده مسباحه : ما امداك تطفشين .. يوم الي جلستيه هنا .. نوف : نايف تكفى ابغى اطلع .. والله بيتنا اريح بكثير نايف يقهرها ببروده : لا لا دكتور ريان قال ما فيه طلعه .. نجود بتردد : تجي بيتنا .. انا راح اتركها ترتاح .. زين هنا واحسن نايف وده يقتلها على تفكيرها : هههههه نجيد يرحم امك عامله فيها دكتوره .. والله هنا احسن .. وراكم كارهين المشفى (يتلفت) مع ان الجو خيال نوف بزعل : ايه بقوه سلمى : طيب طلعوها .. وش له جلستها هنا ؟ جيبوها وانا كل يوم أخبز لها وأغذيها .. نايف : طلعه مافيه يا جده .. وانا عندك ورا ما تخبزيلي وتغذيني ؟ سلمى : انت عندك مره تطبخ لك .. ما عدنا ملزومين بك نايف سكت (أنا متزوج ؟ من جدكم ؟ طيب ليه ما احس ؟ وليه ما اشتاق لزوجتي ؟ وليه ما انتظر العرس بفارغ الصبر زي الناس ) : الله يسامحك سلمى : امزح معك .. انت بس متى ما اشتهيته علمني .. نايف : يصير خير ![رد: أسَأَلك باللي خلق قلبك .. اكرهنـي | روايـة ]|~](http://vb.al-wed.com/images/smilies/smile.gif) الجد سامي يرجع لموضوعه : بس هذا عشان مصلحتك يا عمري .. تبغين احد يجلس عندك يسليك ؟ نوف بطفش : يقولو ممنوع ؟ الجد سامي : مافيه شي ممنوع على حبيبتي .. ؟ انتي بس آمري نوف : ايوه اكيد ابغى احد يجلس عندي .. نجود : انا اجلس عندها نايف : انتي عندك جامعه نجود : عادي .. وش فيها اذا غبت يوم والا يومين .. كله يهون عشان نويف .. نوف : تسلميلي نجود نايف : اقول نجود .. دانه ما زارت نويف ؟ نجود باحراج : لا .. بس هي ناويه تجي اليوم .. بس طلع عندها بروفه لفستانها نايف وكن فيه حاجه اوجعت قلبه بقوه (ناظروا كيف قالتها وكن ولا شي هامها .. ياااوه يا نجود يا ان عليك تمثيل والا هوليود ) : اها نايف يناظر فيها : ........ نجود تحاول ما تناظره هي ما صدقت تصير طبيعيه .. يارب ساعدني والله مافيني .. نجود : تبغى تغير الموضوع أخذت عبايتها : جدو انا نازله تحت اجيب حاجه لنويف واجي .. الجد سامي : طيب لا تأخرين .. نجيد عشان حنا نبغى نمشي نجود تلبس عبايتها بسرعه : ابشر (ما عندها سالفه بس تبغى تبعد عنه ليما يطلع ويروح ) نايف وقف : انا اروح معك .. الوقت متأخر نجود تصرخ فقلبها (لاااااااااااااا وش تبي ؟؟ ياربي ليه ما تتركني لما احتاج ابقى لحالي .. ؟؟ وليه لما احتاجك ما القاك ؟؟ ) : .......... نايف طلع قبلها عشان ما يسمع منها حاجه .. او تغير رايها : : مشت وراه .. تناظره كيف يمشي خطوه ويلتفت لها بالخطوه الثانيه .. نجود بدون الغطا : ....... دخلو الاصنصير .. وقمة الربكة كانت فيه .. نجود ونايف لوحدهم .. وكلهم يفكروا بنفس الحاجه .. كلهم يفكروا كيف قلوبهم مقهوره واحساس انهم الوحيدين المظلومين في العالم .. دقايق مرت وكنها شهوووور .. نجود فحلقها غصه وقامت ترجف .. ليه كل ما يجي طاري هالموضوع اضعف ليه ؟ داخل عيوننا حزن كبير .. وكآبه ..*.. وداخل قلوبنا .. جرح له اسنين فينا .. .. آخر اثنين عاشو والظروف اتشابه ..*.. نكره اسكوتنا ونخاف ليمن حكينا .. وقف الاصنصير ونزلو .. نايف وقف قبالها : نـ نجود وش تبغين من هنا ؟ المستشفى تحت كل حاجه فيه .. هدايا وستار بوكس و كورنر لأنواع الخبز .. كان مره فخم .. شكله اشبه بالمجمع الفخم نجود تناظره و تفكر وش تبغى هي ؟ : ...... نايف عارف من زمان انها ما تبغى شي ولا نازله تشتري شي .. هي طالعه تبكي نجيد واعرفها : وشو نسيتي ؟ نجود تبعد عيونها اللي باينه الدموع داخلها .. واول ماناظرت الكوفي : أ ا أ أبغى موكا لنويف .. تحبه .. نايف ما يبغاها تبكي .. حاول يخفي معرفته بسبب نزولها لكنها ما عطته مجال .. دموعها نزلت بشكل غريب .. البنت ساكته عادي ودموعها تنزل ما يدري وش يسوي .. : نجيد ليه تسوين فيني كذا ؟ تكفين طالبك لا تبكين .. ؟ والله كل دمعه من عيونك تحرقني مليون مره .. (نايف يتلفت حوله ) وده يضمها ويتركها تبكي وتطلع كل شي فقلبها وده يآخذها لأبعد مكان ما يكون فيه احد ويرتاح وده يشوف ابتسامتها القديمه .. وده و وده و وده بس من يحقق هذا كله وكيف ؟؟ نجود وقفت بزاويه ابعدت عنه .. بس هذا نايف ما يتركك لوحدك لو ايش : ليه نزلت معي ليه ؟؟؟؟؟ نايف يبلع ريقه بصعوبه .. شكلها كان ينرحم .. والله لو ما الانتحار حرام كان قتلت نفسي وفكيتها مني : يا نجيد لا تبكين .. واللي يرحم والديك .. وربي دموعك غاليه .. وش اسوي عشان ارضيك ؟ والله لو بيدي كان سويته ؟ لا تجرح خدودك ترى الدمع يجـرح.. ان ما جرح خدك جرح قلب مغليـك. ما للبكا فـي عينـك اليـوم مطـرح..، قلّي وانا ابكي عنك يا عل ما ابكيـك. ما احتاج اقول لك انت واعيد واشرح..، ان الغلا يـا اول غـلا هايـمٍ فيـك. وشلون يبرح قلّـي اشلـون يبـرح..، حـب تمكـن فـي خفـوقٍ يباريـك. الخافق الـي فيـك بالحـب يسـرح..، كنّه سفينـه مـن بحـرك لموانيـك. يحب ..يهوى. .يعشق..القلب مسـرح..، لحبك عسى قلبي مع الـروح,,, يفديـك. واعرف تراني فيك اضيق وبك افرح..، وازعل على شانك وازعّلك وارضيك. بس انتبـه للدمـع لا سـال يجـرح..، قلبٍ يضمّـك مابـه احـدٍ يساويـك. نجود تشهق زي البزران : نايف ابعد عني لا تحكي معي .. انا ابغى اسكت وانت تزيد بكلامك هذا .. ت تك تكفى روح ارحل بصمت بدون توديع وازعـاج ما دامهـا فرقـا بـلاش نتواجـه ~ | مافيـه داعـي للمذلـه والاحـراج والموقف اللي ما لنـا فيـه حاجـه | ~ نايف : والله ماروح واتركك .. اسكتي نجيد .. لا اشوف دموعك .. مرت ممرضة تناظر فيهم وهي رافعه حاجبها .. مستنكره هالموقف وكيف تبكي نجود وعندها رجال .. باين عليهم ماهم متزوجين اصلا .. كملت وتعدتهم وطلعت نجود تغطي وجهها : كيف اطلع فوق الحين كيف .. ياربي (تنهد بقوه) نايف رحم شكلها : لا حول ولا قوة الا بالله .. امشي انا بنادي جدي وجدتي وبنطلع .. وانتي ادخلي عند نوف .. نجود بقهر : كل شي عنده حل عندك يا نايف نايف : وش قصدك ؟ نجود سكتت ما تبغى ترد تبغى تطلع للاصنصير نايف يمشي قبلها : أبغى افهم ليه ما تقولينها بوجهي وتفكي عمرك .. ليه كل كلامك صاير الغاز ؟ وكنك تبغين توصليلي حاجه فمخك نجود ساكته ما تحب تزعله : .......... ذبل ورد الكلام وجف ينبوع الحكي وأيقنت بأن الـصمـت في بعض المواقف يعتبر حكمه دخلو لوحدهم بالاصنصير نايف بصوت عالي ويناظر بنجود : تبعين تقولين اني حمار لأني عطيت ابوي وعمي كلمه ؟ بقولك ايوه كلامك صح تبغين تقولين اني غبي لأني اخترت اخت حبيبتي عشان اقهرها ، بقولك غلطانه واذا هذا تفكيرك فيني وماعرفتيني تبغين تقولين اني بيوم بنساك او بتجاهلك او او او بقولك وربي غلطانه ومليون غلطانه .. يا نجيد الحب مو باختيارنا .. لو باختيارنا كان حطيت دليت لك وبديت احب دانه .. لكن حبك والله مو بيدي انا متعذب اكثر منك .. وانا منقهر اكثر منك .. وانا الوم حالي اكثر منك وقف الاصنصير وطلع نايف بسرعه معصب مره : ....... مشى قبلها ومر بجنبه ولد بعمر 16 تقريبا ومن اول ما دخل بداية الممر وهو يناظر نجود اللي تمشي ورا نايف رايحين لجناح نوف . نايف وفيه عصبية توزع على العالم وتزود .. و بصوت عالي : وش له تناظر ياااااااا ؟ الولد دوروه ما تلاقونه جاته خرعه شكله ليومنا هذا ما نام .. نجود خافت من صوت نايف ودخلت بسرعه لعند نوف اللي مستغربه نجود وراها مغطيه وجها ؟؟ نايف على بالبااب : ما تبغانا نمشي يا طويل العمر ؟ الجد سامي : ما لقيتي اللي تبغينه ؟ نجود : ...... نايف بصوت غريب : ايوه ما لقت اللي تبغاه .. الجد سامي : جيبه لها من برا ؟؟ نايف : ما اقدر يا جد .. ماراح ألقى .. ان شاءالله تعذرني .. نجود فهمت قصده نوف & سامي & سلمى : ؟؟؟؟ نايف : مشينا ؟ الجد سامي ما عطى الموضوع اهميه : تامرون بشي يا بنات ؟؟؟ ترا حاكيتهم يا نجيد وقالو اوكي .. و الحين يجيبون لك سرير اضافي نوف ترد بدالها : سلامتك .. الله يطول فعرمك جدوووووو الجد سامي بابتسامه : فمان الله
|
|
|
|
|
30-07-2010, 07:42 PM
|
رقم المشاركة : 84 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
قصر أبو سالم دخلو جوا القصـــر سالم رمى غترته وطاقيته على الكنب في الصاله : السلام عليكم ناصر يقلب في القنوات : وعليكم السلام .. ام سالم : مرحبا ناصر : اهلين ام سالم : يوووو يا سالم متى بتكبر يعني .. ليه راميهم بالطريقه هذي ؟ سالم يبتسم : وش اسوي أتدلع يعني توني صغير ناصر يقطع حكيهم بدون لا يحس : كيفها ؟ سالم فاهم : مين ؟ ناصر ما هو قادر ينطق اسمها : يعني مين ؟؟ انت من وين جاي ؟ سالم : اوف اوف ليه كل هالعصبيه ؟ ناصر : ما عصبت بس انت دمك ثقيل ( طلع من الصاله) ام سالم عليها علامة استفهام كبيره ؟؟؟ سالم : علامه ولدك ؟ ام سالم : انت اللي علامك ؟؟ ما غلط قالك كيفها ؟ سالم : وانا كمان ما غلطت قلت له منهي ؟ فيه ستين بنت شفتها اليوم ا م سالم برفعة حاجب : جد والله ؟؟ ليه وهو ملزوم بهالـ 60 بنت اللي شفتهم حضرتك ؟؟ كان يقصد نوف سالم بتمثيل : يووووووو نوف .. نسيت .. ام سالم طلعت فوق لناصر لان شكله ما كان طبيعي من اول ما رجع من الدمام غرفة ناصر واقف في البلكونه ويشرب زقاره الليل و الضيق و الأحزان و الشمعة جماعتي جعـل ربـي مايحييهـم ام سالم دخلت غرفته بدون لا تستأذن مع انها ماهي من عادتها لكن .. ! ناصر ما انتبه بفتحة الباب .. جالس ويناظر الحديقه والسيارات ام سالم بصوت زعلان : علامك يا ناصر ؟ ناصر التفت لامه وطفى الزقاره بهدوء : هلا يمه ام سالم توقف بجنبه : متغير يا ناصر ما عدت الاولاني ناصر : بالعكس مافيني حاجه .. بس يمكن شوية تعب .. !! ام سالم : والله ان فيك شي .. ولدي واعرفك زين .. وبعد اعرف انك ما راح تعلمني بالحقيقه .. ناصر بلع ريقه وناظر قدام : وليه يمه تسئلين ؟ ام سالم : نوف ناصر عيونه انفتحت لآخر حد ووجه صار يعطي ألوان قال بسرعه : وش فيها نوف يمه ؟؟؟ ام سالم شكوكها فمحلها : وش فيك صرت كذا .. اقصد ليه ما زرتها اليوم معنا ؟؟ ناصر حس ان انفعاله مو بمحله وكان مبالغ فيه وامه ذكيه : ايه .. لا بس مو لازم ازورها انتو تكفون .. ليه يمه فيها شي اذا ما زرتها ؟؟ ام سالم بذكاء : حط عينك بعيني وقول الحكي اللي قلته مره ثانيه !!! ناصر : ........... ام سالم : من متى تشرب هالزفت ؟ ناصر : من اول ما رحت الدمام ام سالم : رحت لوحدك ؟ ناصر : ايوه ام سالم : لأنك كنت ضايق ؟ ناصر : ايوه ام سالم : من نوف ؟ ناصر بعصبيه : تحقيق هو ؟؟ وش فيكم كل من مر علي احد فتح تحقيق معي ؟؟؟ يا ناس ما ابغى احد يحكي معي لأني ما ابغى أزعل احد مني افهموني .. ام سالم : براحتك يا ناصر .. بس لا تضايق نفسك عشان حاجة .. واذا تبغانا نخطب لك نوف ترا عادي اقدر اطلبها من اخوي راشد .. السأله سهله .. ناصر وده يصيح زي البزارين (سهله أول .. و وش عقبه يمه ؟ نوف حتى لو انا أصريت اتزوجها هي عافتني خلاص ،، نويف راحت يمه راحت ما عادت تطيقني ) : لا يمه ما ابغى تخطبيلي احد .. وراح تتعوديني على شكلي هذا .. ناصر : ايه يمه قبل ما انسى .. ترا بكره عندي غدا لواحد من اخوياي .. أبغاك تضبطينا لو ما عليك امر ام سالم حزنت على شكل ولدها : ابشر يمه / / الساعه 5 المغرب داخل افخم مطعم في المملكة سبازيو 77 دانه : هههههههههههههههههه وربي دمك عسل عبدالله : هههههههههههه انتي العسل والله دانه بدلع : حبيبي عبودي ؟ عبدالله : لبيــه دانه : مممممممم ما بينت لي انك زعلان لأن عرسي قرب . . ! انت ما تحبني . ؟ عبدالله : حياتي نجود .. انا ليه ازعل وانا ادري انك تحبيني ما تحبينه هو .. وليه ازعل دام علاقتي فيك بتكون مستمره ؟ دانه انصدمت : من جدك انت ؟؟ يعني اخونه ؟؟ لا لا ما اقدر اخاف عبدالله انقهر الحقيره الكلبه : افا نجودتي يعني تستغنين عني ؟ انا محتاجك .. كيف اصحى وما اسمع منك صباح الخير كيف أعيش حياتي بدون وجهك اللي يرد الروح تبغين تقتليني ؟؟ والله انتحر .. دانه صدقته : بس نايف .. اذا عرف والله ليقتلني انت ما تعرفه عبدالله (كيف ما اعرفه وانا اجلس معه فمجلس واحد ؟؟ ) عامل حاله غيران : مليون مره اقولك لا تجيبي اسمه قدامي دانه مبسوطه يعني يغارعلي ؟ : مممممم عارف ايش مشتهيه ؟ عبدالله باهتمام مصطنع : ايش حبيبتي ؟ دانه : مممممم كريمة برولي عبدالله فقلبه انا وين وانتي وين : ألحين أطلبها لك .. كم نجود عندي انا ها ؟ دانه تبتسم له .. عبدالله (( وانتي من كل قلبك بتركك كذا ،، وش استفدت انا غير ان عنز تتدلع قدامي .. وكل يوم تحوم لي كبدي .. لا حلا ولا اسلوب ولا عقل .. لا وتبغيني تقطعين عني بعد العرس ها ؟ ايه صح قالولك تصبيره انا ،، أجل كيف لو اقولك اني اعرف نايف وناصر . ههههههههه والله لأوريك يا نجيد ،، بعدين عارفك حتى لو تركتيني راح ترجعين زي \ الكلبه ) ما انتي بنهاية دنيتي لو تغيبي ،، روحي على ما تشتهي مرجعك لي / / قصر الجد سآمي السآمي .. الساعه 8 بالليل .. ![رد: أسَأَلك باللي خلق قلبك .. اكرهنـي | روايـة ]|~](http://www9.0zz0.com/2010/01/18/21/713687751.gif) دخل القصر ولقى قباله ريتاج تستقبله : هلاااااا فبنت الغالي ريتاج ازعجتها لحيته لما باسها : ....... سامي : بابا فيه ؟ سلمى في الصاله مع نوره نوره تبوس راس جدها : لا يا عم خالد في القصر .. انا بس جايه اعطي جدتي سلمى دواها واطلع سامي ما يدري ليه ما يحب نوره مع ان ماجا منها الا كل خير : الله يجزاك خير اجلسي والا اذا حضرت الشياطين ذهبت الملائكه نوره استحت وجلست : لا شدعوه يا جدي والله جلستك ما تنمل بس فيصل تعبان شوي .. سامي : مايشوف شر .. نوره شربت فنجال .. وقهوت جدها وطلعت .. سامي قبل ما تطلع نوره وصاها تقول لنايف انه يبغاه فالقصر .. / قصر ابو خالد لمو جالسه تقرا كتابها عندها اختبار بكره ،، ونايف اول ما جا غير ملابسه ونزل تحت عندها في الصاله لمو : نايف نايف يكتب مسج بدون ما يناظرها : هلا ؟ لمو : تعرف بتاريخ الفن ؟ نايف : ولو ؟ لمو : ريحتني .. تكفى عجزت افهم حاجه .. معقوله تجيب لنا الدكتوره صور ؟؟ نايف يترك الجوال ويمسك الكتاب : أكيد بتجيب لك صور .. من جدك انتي ؟ الماده كلها تعتمد على الصور وتعليقك عليها .. وكيف جت ؟ وبأي عصر ؟ ومنو راسمها ؟ وليه رسمها ؟ لمو : يوووووووووووه وش ذا .. وانا وش دخلني ؟ نايف : وانا وش دخلني بعد ههههههه لمو : لا نايف تكفى ما ابغى نايف : ههههههههه وانا وش دخلني .. بياع انا عشان تكاسريني ؟ لمو : خخخخ طيب تقدر تفهمني ؟ فاضي ؟ نايف قبل لا يجاوبها دخلت نوره نوره ترمي الشيله : السلام عليكم لمو & نايف : وعليكم السلام رتوجه تركض لنايف وتجلس فحضنه نايف : هلا حبيبتي نايف : حي الله ام فيصل .. بشري اخذت علاجها ؟ نوره : الله يحييك .. بالغصب الله لا يوريك ،، اقول نايف جدي يبغاك في القصر !! نايف : توني تاركه .. شسالفه ؟ نوره : والله علمي علمك يا نايف .. يلا رتوجه امشي .. عن اذنكم .. نايف وقف يبغى يطلع : شوي واجيك .. مو اجي القاك نايمه على الكتاب لمو : وين انام الله يخليك .. ما درست شي .. تكفى لا تطول نايف بثوبه النوم : طيب اقري على ما اجيك لمو تمسك ريموت التلفزيون : ذكرتني بدكتورتي ههههههه وش اقرى نويف .. انتظرك انا نايف : ههههههه الله يقلعك
|
|
|
|
|
30-07-2010, 07:43 PM
|
رقم المشاركة : 85 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
/ شقة ابو تركي ساره بغرفتها مع الجوهره تسوي العاب حق روضتها : ها وش قالك عزوز هههههههههه ؟؟؟ الجوهره بعصبيه : اسكتي لا اقتلك وربي .. ساره : قايلتلك .. هذا عزوز دام ما فيخا مصلحه له وش له يروح ؟؟ الجوهره : سويره عاد خلاص .. خليك فبزارينك وشغلهم ساره : بزاريني احسن منك .. على الاقل يفهمون النصيحه الجوهره تكلم بقهر : سويره حطي حالك فمكاني .. صاحبتك في المستشفى ،، وكل البنات راحو لها الا انا .. بالله عليك مو فشله ساره : بالعكس مو فشله دامها عارفه ظروفك ومقدره الجوهره بصوت فيه بكيه : وليه ظروفي كذا ؟؟؟ ليه غير عن صاحباتي في الجامعه كلهم ليه ؟ ساره : عشان كذا انا معلمه امك ما تدخلك من البداية هالجامعه بالذات لأنها ماهي من مستوانا .. بس اخوك تركي لازم ينفذ طلبات ست الحسن والكمال شي طبيعي تكوني اقل منهم كلهم ؟؟؟ الجوهره : والله يا حياتي اذا أفضل وارقى جامعة في المملكة انا ما دخلتها .. مين يدخلها ؟؟؟ انا هذا مكاني .. وهذا مستواي .. بس الحظ ما عمره وقف بصفي ساره ما تحب الجوهره اذا صارت كذا : خلاص اجل .. اسكتي وتحملي اللي يجيك دام هذا مستواك .. (بتريقه) داخلتلي جامعة كلها أميرات و بنات وزراء و رجال اعمال واغنياء وجايه تقولي ليه ظروفي كذا ؟ الجوهره : ............. / / / قصر الجد سامي قبل لا يفتح نايف الباب الكبير حق القصر .. قاله واحد من رجال الجد سامي : طويل العمر في المجلس ينتظرك .. رجع نايف ودخل الديوان الكبير حق جده نايف : السلام عليكم الجد سامي : وعليكم السلام .. تعال يا نايف دخل نايف وجلس عند جده : سم يا طويل العمر الجد سامي بتردد : والله مادري وش اقولك يا نايف ،، نايف فقلبه (ايوه ارموا علي بعد .. وش بقى ما شيلتوني اياه ؟ ) : فيه شي ؟ الجد سامي : الشركة بانحدار يوم عن يوم وكل ما نحاول نرجعها زي زمان ترجع تنتكس .. نايف : وش الجديد يا جدي .. عارفين هالشي .. أحس ودك تقول شي ثاني ؟ الجد سامي ينزل عصاته : حنا محتاجين تاجر يطلعنا من هالمحنة .. حنا محتاجين واحد يربطنا بصفقه من صفقاته الغالية ونطلع على ظهره نايف ما فهم : كيف يعني ؟ نستغله ؟ الجد سامي : لا يا نايف ,, هو راح يكون عارف بكل حاجه .. نايف : ومين هالشخص ؟ الجد سامي : بعدين تعرف !! نايف : أجل ليه ناديتني ؟ الجد سامي : عشان ما ابغاك تتدخل بأي حاجه جايه في الطريق .. نايف حس ان خالد له يد في الموضوع : ما اتدخل من أي باب .. ؟ تقصد ان الحاجه تخصني وما تبغاني اتدخل . والا الحاجه ما تعنيني وتطلب مني اني ما اتطفل لأنها تفرق يا طويل العمر ؟؟؟ .. الجد سامي توتر يعرف ان نايف مبدأه قبل اي حاجه : اثنينهم نايف وقف رافع حاجبه حاس ان فيه حاجه وسخه راح تصير : اها كذا يعني ؟ يا جدي انت عارف مكانتك عندي .. لكن انا ما اسمح لأي أحد يمسني او يمس حاجه تهمني (يقصد خواته) طلع وترك جده غارق بأفكاره : : : فتح جواله الجد سامي معصب سامي : ألو خالد : بشر ؟ سامي : اخوك صنم .. جبل ما تقدر تحرك فيه حاجه .. بعدين بيني وبينك انا كمان ما ابغى ابيع نوف بهالطريقه .. خالد : ياجدي انت ما قلت ان اهم حاجه عندك نوف ؟؟؟ نوف موافقه وانتهينا .. وما حنا طالعين من هالأزمه الا بشيين يا ترجع لأبو تركي زوج عمتي وننذل عنده عشان بس يطلعنا منها بحكمته او نزوج نوف صالح و يساعدنا بحكم انه نسيبنا .. بعدين يا جدي انا مو غبي ابيع اختي .. ونوف ماهي رخيصه .. وربي انها غاليه .. بس الرجال شاريها من زمان حتى قبل أزمتنا .. وللحين هو عند كلمته ويبغاها .. وين المشكله ؟؟؟؟ الجد سامي سكت شوي يفكر بعدين قال : اسمعني يا بو فيصل انا مالي دعوه بهالحكي .. لا أقنعت أبوك و نايف انا راح اكمل مهمتك .. لكن هالنايف هذا مالي كلام معه .. سلآم : : صبـآح آلضِـحكـه . . ‘ إللي تِـسسعد آلدنيـآ وَ . . { تسسعدني ‘! صبـآح آلخير . . ،/ يـآأغلى صبـآح . . بِعـآلمي كلـه : يالرياض فيك اوقات حلوه نذكرها .. وفيك اوقات صعبة نحاول ننساها .. فيك الفرح .. وفيك الحزن .. فوق هذا كله حبك يزيد ................................. يزيد ........................................ يزيد قصر العم سلمان الساعه 10 بتول جالسه في البيت لأنها ماخذه راحه اليوم وبكره راح تبدا دوامها اللي ما تهنت فيه .. اشتاقت للدراسه ولصديقاتها .. سالم جالس يفطر عندها وهو فاتح عين ومسكر عين شكله مره يضحك كنه مغصوب على الاكل .. والعم سلمان جاي من المجلس وهو ما بطل حكي ع الجوال ابو سالم : اذا انت ما حليتها مين اسلمها يعني ؟؟ ....... ابو سالم : اتصل بالمحامي ابراهيم .. او اي احد .. انا لا تسألني لاني ماني فاهم حاجه ولا راح افيدك ؟ ..... ابو سالم : انت جالس تضيع الوقت .. وش فيك يا متعب ؟ مشكله زي هذي ما انت قادر تزينها ؟ ........ ابو سالم : عارف كيف بنايف وهو يعلمك .. و بلغ سعد يترك اوراق الميزانية والملفات كلها .. فمكتبي وقوله محد يدخل ليما اجي فاهم ؟ ......... ابو سالم : سلام جا وسلم وجلس معهم يفطر .. : : بتول ماسكه جوالها وتحاول تجيب له صوره حلوه من كل الجهات .. بتول تضحك بصوت هادي : ههه ههههه ابو سالم يناظر فيها : والله ان اخوك مفهي .. من جده هذا والا يمزح معنا ؟ بتول بهمس : لا بابا لا يصحى تكفى .. انتظر آخر لقطه هههه ابو سالم : ورا وجهه كذا ؟ أحد غاصبه يفطر معنا بهالنفس ؟ بتول لما خلصت : هههههههههههههههههههههههه آه يا بطني .. وربي هالرجال يعجبني .. يعمل أكثر من حاجه فوقت واحد هههههههههههه ينام وياكل ابو سالم بتريقه : ايوه من كثر ماهو مشغول .. 2 فــ 1 بتول : . شآمبو مو بـ سالم ههههههههههههههههههههههههه قام سالم على صوت ضحكها : وش فيكم ؟ ابو سالم ما رد عليه كمل أكله : ........... بتول مسكت ضحكتها تخاف منه اذا عصب : ه ههههه سالم وقف و قام يمشي ببطء وتعب ،، وبيجامته مبهذله كنه بزر : بيت مجانين بتول لما طلع : أكيد .. لأنك فيه هههههههه ايو سالم : تبوله عيب لا يسمعك سمعوا صوت ناصر قايم من النوم .. : صبآح الخير سالم : ........... دخل الصاله وقال : علامه هذا ما يرد ؟ صباح الخير الكل : صبااااااااااح النوووووووور بتول : هههههههههه سالم زين يمشي .. ترا ما يحس باللي حوله .. تلقاه الحين يتمشى بالسطح ناصر : هههههههه الله يستر عليه .. للحين يمشي وهو نايم ؟ بتول : لا تطور .. صاير يحكي كمان .. ناصر بصوت خشن : بوكيمون مو سالم .. أقول يا السلطه صبي لي شاي .. بتول : راح تشرب احلى شاي فحياتك ؟ ناصر باندهاش : يا ماشاءالله انتي مسويته ؟ من متى ؟ بتول ناقده عليه : من جدك انت !! انا أعمل شاي ؟ ليه قامت القيامه ؟؟ لأ اقصد انا اللي بصبه لك في الكوب .. مع انه تعب علي بس يلا تكرم عينك ناصر : الله ينهى عنك ولا يبلانا واذا عملتي شاي وين المشكله ؟ بتول : انا مطبخنا ناسيه شكله تصدق ؟ حتى الطباخه ما اذكر اسمها ؟؟؟ ناصر : والله من الفسق والدلع .. كيف اذا طلب منك زوجك تطبخيله من يدك ؟؟؟ تبوله بتفكير وبعد الاستنتاج قالت : والمطاعم والطباخات ليه نقطع رزقهم ؟؟ ابو سالم : فديت بنتي .. طالعه على ابوها ما تحب تقطع رزق احد .. (طلع وهو يضحك على البتول ) .. يلا سلام ناصر & بتول : ههههه مع السلامه ناصر يكمل : على طاري المطبخ .. تبوله حبيبتي اليوم خويي بيجي .. و مسوي له غدى فالقصر .. ابغاك تشرفين عليه وترا عازم اخوياي الباقين بتول فز قلبها : من جدك اليوم ؟؟؟ مين ؟؟ ناصر فتح عيونه : قايلك اوباما جاينا ؟؟ بتول : لا اقصد حفله يعني ؟؟ ناصر زاد استغرابه : انتي ما انتي بصاحيه ؟؟ شاربه شي ؟؟ كل هالطول وهالعرض أعمل حفله ؟؟ وش قالولك دلوع مامي ؟؟ اقولك غدا رياجيل وتقوليلي حفله استحي على وجهك بتول بقلبها افففففف وش اقول يعني : ليه الرجال ما يسوون حفلات ؟؟ ناصر وقف : انا ان جلست عندك يا بتجننيني يا بذبحك .. ( طلع ) بتول : اف محد يعطيني وجه فهالبيت .. ناصر رجع للصاله بسرعه كنه ذكر حاجه : تبوله حبيبتي بتول تخرعت : خرعتني نويصر .. بسم الله ناصر : شايفه جني .. .. تبوله حياتي بسألك ؟ بتول تناظر بوجهه اللي تغير : وشو ؟ ناصر : ممم نويف كيفها الحين ؟ بتول وجهها باين عليه التعجب : ها ؟ زينه ناصر بصوت عالي شوي : كيف يعني زينه ؟ يعني وشو ؟؟ بتول : وش تبغاني اقول نويصر ؟؟ ناصر بعصبيه : قولي وش فيها ؟؟ وش قالولها ؟؟ متى راح تطلع ؟؟ صحتها كيف ؟؟ تعافت ؟؟ تاكل علاجها ؟؟ ( خف صوته و تغير ) يعني نويف بخير ؟ بتول رحمته : أجاوب هذا كله ما اعرف !! .. ناصر : تبوله ما اقدر اسئل الا انتي .. جاوبيني بأي حاجه يرحم امك .. بتول شوي وتبكي شكله يوجع القلب : أ أ ياربي وش اقول .. انا رحت لها وكان باين عليها التعب .. بس عادي كانت تسولف شوي .. ولما شافتني جلست تبكي وضمتني بقوه مادري ليه .. اول مره اشوفها زي كذا منهاره بس الدكتور ريان قال كم يوم وتطلع ناصر تذكر دكتور ريان : طيب ريان يدخل عندها دايم والا قليل ؟؟؟ بتول حسته انجن : مادري بس لما كنا فيه .. ما جا الا مره وحده .. ناصر : ونوف و ش كانت لابسه؟ بتول : ناصر وش فيك ما انتبهت .. ناصر : تذكري غطت شعرها شي ..؟ بتول : ناصر نسيت .. بعدين حتى لو ما غطته هذا دكتورها ناصر بصوت عالي : لا ماهو عادي دكتور .. ورجال .. و سعودي .. وصغير .. وتقولي عادي ؟؟ بتول : يعني وش بيسوي ؟؟ ناصر ما قام يثق بأحد لا بنوف ولا حتى بنفسه : قوليلها ما تخليه يدخل وحتى لو يبغى يدخل تتغطى كويس .. فاهمه بتول : ا ان ان شاءالله // قدام قصر الجد سآمي في الحديقة الواسعه وعلى الطاولة الكبيره الكل جالس يتقهوى ويفطر ويسولف .. ام دانه واقفه على باب القصر : قلت لك لا تطلعين .. افطري داخل .. حنا اتفقنا ما يشوفك نايف .. عرسكم ما بقى عليه شي تبغين تفشلينا انتي ؟؟ دانه تناظرهم من الشباك : لا والله ؟؟ وشو يعني أحبس نفسي هنا عشان حضرته ؟؟؟ بعدين هو ماهو برا ام دانه : حتى ولو .. الحن يصحى من النوم ويطلع دانه طلعت فوق وهي تصايح .. : وش هالحياة وش هالتعقيد ؟؟؟
|
|
|
|
|
30-07-2010, 07:44 PM
|
رقم المشاركة : 86 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
: الجو برا جناااااااان برااااد و هدووووء .. كان جالس هناك الجد سامي والجده سلمى .. والعم راشد وزوجته والعم ابو فواز وزوجته .. وخالد ونوره .. والتوأم فوفا ودودا .. والريم .. فواز : يازين الجو يصلح للمزرعه .. ابو خالد : اي والله صادق يا بو دانه .. . خالد يلعب مع فيصل : المشكله مافي وقت ،، الشركة ماخذه كل وقتنا .. ابو خالد : صحتنا وراحتنا اهم من الشركه .. سلمى : العمر ينتهي والشركة و ما تنتهي .. فواز : أجل خلونا نطلع كم يوم للمزرعة نغير جو .. بعد ما تطلع نوف والا وش رايك يا ام خالد ام خالد : براحتكم .. اللي تشوفونه فواز : ليه ساكت يبه ؟ وش رايك انت ؟ ابو راشد (سامي ) : بإيش ؟؟ فواز : لااااا .. طويل العمر ما هو معنا نهائيا .. ابو راشد : لا معكم .. تقصدون المزرعه ؟؟ ابو خالد : ايوه .. ابو راشد : يومين ماراح يأثرون .. حتى عشان نوفه ترتاح .. فواز : وانتم يا بنات وش رايكم ؟؟؟ الهنوف & العنود & الريم : اي والله فكره على الاقل نغير جو // داخل قصر راشد نايف صحى ونزل تحت .. ما لقى قدامه الا ريتا نايف بنبرة خشنه : وين الناس ؟ ريتا : كلو برا نايف متعود .. تجيهم ايام فاضين فيها ويقررون يطلعون برا بالحديقه كتغيير جو : طيب طلعي قهوتي برا .. طلع فوق و أخذ له دوش و لبس و تعطر ونزل لهم .. بالحديقه .. نايف : السلام عليكم الكل : هلا وعليكم السلام سلمى : يا صباح الخير نايف يبوس راس جده وجدته : صباحك طاعة .. وش هالجمعه الحلوه ؟؟ خالد بدون نفس : ناقصتك ؟ نايف يغير الموضوع : ماشاءالله .. الصبايا ما داومو ؟؟ وش السالفه ؟ الريم فقلبها يووه نايف انا ما صدقت بابا يقتنع : انا تعبانه شوي نايف يشرب قهوته : سلامتك ريما الريم فقلبها (وهـ فديتك يا حلو ريما بفمك ويا شينها بفم دانه ) الهنوف والعنود : وحنا محاضراتنا متأخره .. نايف : آهآ .. ولمو غايبه اكيد تضامنا مع نوف ام خالد : يا حرام ما تنام من كثر البكي .. لا وراقده بغرفة نوف .. نايف : طيب وامتحانها اللي اليوم ؟؟ الهنوف : العصر مو بألحين .. نايف : آهآ نايف : انا طالع المكتب .. تامرون بشي ؟ الكل : سلامتك ام خالد : نايف تكفى مر اختك .. انا بيوديني لها خالد العصر .. نايف : تبغين أوديك الحين ؟ ام خالد : لا ما ابغى اعطلك بعدين انا ابغى اطول عندها .. نايف : أبشري تامرين بشي ثاني ؟ ام خالد : سلامة قلبك نايف : يلا فمان الله / الساعة 1 الظهر المستشفى .. كان مره فآضي .. دخل نايف من البوابه وطلع فوق لجناح نوف ودخل غرفتها على طول .. تنحنح وفتح الباب لقى نوف نايمة .. التفت يدور نجود ما لقاها .. خاف مره راح الحمام تكرمون لقاه فاضي طلع البلكونه فاضيه .. راح غرفة استقبال الضيوف فاضيه .. وين راحت هذي ؟؟ دخلت نجود وبيدها صينية فيها فطور وكوب حليب بغت تجيها سكته قلبيه لما شافت رجال معطيها ظهره .. خافت انه عزوز .. حطت الصينية على جنب وجت تركض بسرعه .. قربت منه و التفت لها نايف بسرعه انصدم وش في وجها كذا ؟؟ نجود ناظرت فيه وتنهدت براحة .. ( انا وش فيني حتى ما ركزت ان هذا نايف وش هالغباء اللي على الصبح ) نايف رافع حاجبه ويناظر فيها : وش فيك ؟؟ علامك متخرعه ؟ نجود بعدت عنه : ما فيني شي نايف : وين كنتي ؟ جيت ما لقيتك .. نجود : كنت تحت .. اجيب لنويف فطور نايف : بس ما اشوف معك شي .. ؟؟؟؟ نجود (عاملي فيها شارلي كولمز على غفله . أحيي فيك ذكاءك )راحت أخذت الصينيه بدون لا ترد عليه وحطتها بجنب نويف وصحتها : نويف نويف ؟ نايف سكت وتحسف انه تسرع .. : كيفك نجيد ؟؟ نجود بألم : الحمد لله كل شـــــــــي تماااااااام تقول كيف الحال وآقول : طيّب ....... وما بين طيّب و الحقيقه [ مواني ] مدري فَرَح من ذكرياتي مغيّب ؟! ...... مدري شعورً خان صدق [ الأماني ].. ! نوف تصحى من نومها بس تغمض وتفتح : ...... نجود مره ثانيه : نويف حياتي اصحي يلا طفشت لوحدي .. ما تبغين تفطرين ؟ نوف : الساعه كم ؟ نايف : 1 الظهر نوف ما انتبهت له : هلا نايف انت هنا .. نايف يجلس : لا للحين ما جيت نوف : ههههههههه نايف عاد نايف : يلا قومي .. خوفتي النوم نوف تتمغط : يااااااي أحلى نومه وربي .. (تناظر نجود الساكته) بس انتي ما نمتي زين .. نجود : الا نمت نوف : كيف نمتي وانا كل ما صحيت شوي لقيتك قايمه .. نجود ودها تقتل نويف عليها فصلات مو بوقتها : طيب قومي تروشي وصحصحي عشان تفطرين .. نوف : وراك تقولينها كذا ؟ ههههههههه نايف : للحين ما فهمتي ؟ يعني تراي بقتلك بعد ما يطلع نايف .. نوف : ياويلي .. أجل لا تروح نايف نايف : ودي والله . . بس ما اقدر اتأخر بمر المكتب .. وبطلع لناصر عازمني على الغدا عندهم .. نوف ما تطيق اسمه .. اذا حد جاب طاريه ودها تستفرغ لكنها ما تحب تبين لنايف اللي باين عليه انه يلمح لحاجه : جد ؟؟ ليه وش عنده ؟ نايف : خويه سامي تو جاي من مصر .. زمان عنه وعازمه على الغدا في القصر .. نوف نست ناصر وبصدمه : سامي ؟؟؟ اللي رجله توجعه ؟؟؟؟ نجود تلفت وجها على الشباك (الله ياخذ عدوك نويف وش هالبنت هذي اللي ما تقدر تسكت حبتين .. هذي ما ينقال لها شي .. اللي فقلبها على لسانها ... ما فيه كنترول ) نايف يناظرها : كيف ؟ مادري بس وش عرفك انتي ؟ نوف تعرف ترمي الكلام بس ما تعرف ترقعه : قالولي نجود يعني السالفه عاديه بالنسبه لهم : كان في المشفى هنا لما تعبت تبوله .. و كانت رجله توجعه .. نايف انقهر اكثر : طيب وش دراكم انه سامي ؟؟ اصلا انتم وش دخلكم في الموضوع ؟؟ نجود (هذا وراه عصب لما حكيت انا ليتني ساكته ) : واحد قال ان لنا دخل !! كل مافي الموضوع ان فارس حكى لبتول .. وكان شكله يخوف لأنه دخل الطوارئ .. هذا كل مافي الموضوع نوف تعيد حكيها بخوف : ايه صح هذا الموضوع كل مافيه .. هذا مافيه الموضوع كله .. يووووووووه ماهي راضيه تطلع ههههههههههه نجود ما قدرت تمسك حالها من الضحك : ههههههههههههههههههههههههههه نايف يحمد ربه على العافية : ههههههههههههههه قسم بالله دجه .. تقول هنديه .. نوف : اطلع اتروش ازين .. هههههه / دخلت لجوا .. ونجود فقلبها (رجاءا نايف بتجلس ساكت اجلس .. بتتكلم اطلع تكفى ) : .......... نايف ساكت على غير عادته (دايم يحب يستغل كل دقيقه يكون فيها مع نجيد لحالهم ) : ............. نجود يرن جوالها اغنية محمد عبده : [ آه يا جود الحزن وياي وبالفرحه شحوح .. ضايعن بهمومي الغبره بوسط المعمعه .. أشتكي لوسادتي دنياي واسمعها تنوح .. كنها بعضي وبعضي منهو ؟ منهو معه ؟ .. مختلط في عبرتي حبر الشقى ودم الجروح .. مستوي في نظرتي غرب الوجود ومطلعه .. عودي المبري بقا به من بقايا الوقت روح .. فصل خامس ضايعن بين الفصول الاربعه ] تسمع الصوت بس ما تدري وينه .. صوته عالي .. بس ياربي وين حطيته .. ؟؟ نايف ما وده الاغنية توقف .. الاغنية حافظها ودايم يسمعها بس كنه أول مره يسمعها في حياته .. نجود (واخيرا لقيتك ) : ألو ؟ نجود : هلا وغلا .. حي هالصوت .. نجود ودها تطلع من الغرفه بس مو حلوه خافت يفهمها غلط : وانتي وحشتيني اكثر وربي ... نجود : لا مو تعبانه .. بس شوية ظروف .. داومتي اليوم ؟ نايف وده يعرف منو المتصل .. يناظرها وهي تلعب بطرف السرير : ....... نجود تناظره : خلاص أحكي معك بعدين .. نجود: يلا حياتي بآي .. نايف يعني طبيعي : نجيد .. أرسلي لي الاغنيه نجود ودها توديه شيخ يقرى عليه : أي اغنيه ؟ نايف : نغمتك .. نجود أخذت جوالها وفتحته ومن دون لا تسأله عن نكه أرسلتها .. : استقبل بليز نايف : ما قلت لك اسمي ! ( النآيف ) نجود توهقت عرفته لأنها فتشت فيه زمان هي وألماس : ممممم لأنه مافي الا هو .. وواضح اصلا ً نايف : معقوله ؟ مافي الا هو ؟ .. ترا ما جاني شي ؟ نجود فقلبها يووووه انتظر شوي وش فيك طاير : انتظر شوي نايف : اخاف ارسلتي (قبل ما يكمل وصلته ) وصل وصل نجود تحكي معه ببرود وتناظره ببرود : ....... نايف ما استقبل يناظر بنكها ساعه ( ×حيآتي أمرهآ بإيدك ×) نجود نست نكها .. : علق عندك ؟ نايف صحى : لا لا استقبلت .. نجود رمت الجوال على السرير وجلست تقرا في المجلات وهي ماهي يمها .. أصلا ما تدري وش تناظر .. بس جالسه تقلب الصفحات يعني مهتمه .. تسوي كذا عشان تهرب من نظراته نايف حس انها مو بمرتاحه : نجيد انا طالع .. تبغين حاجه ؟ نجود تناظره : سلامتك (ترجع تكمل المجله ) ناظر فيها ثواني وطلع وسكر الباب وراه نجود رمت المجله .. ودها تبكي بس خلاص وش مسلسل الدموع هذا اللي ماهو راضي ينتهي .. وش هالفلم الهندي الطويل ؟ وش هالكابوس الغريب ؟؟ ودها تقوله ارجع واجلس .. مكانك القلب .. ودها تناديه وتقوله ما مليت عيني منك .. ودها ترجع تقوله تراني اكابر والله اكابر والا وجودك وحضورك يسوى الدنيا ومافيها .. ودها تطلع تسحبه من يده زي زمان .. ودها تخليه يرجع وتفتح معاه مواضيع حلوه .. ودها تشوف ضحكته .. مالها الا انها توصي قلبه ما يطول بالغيبه .. ! دخيلك لا تخليني ولا تاخذ على الغيبه.. ترى والله ما أقدر ولا أقوى على غيابك.. غدا حالي مثل طفل فقد اغلا لعابيبه.. تصوّرتك كما طفل وانا الغالي من العابك..
|
|
|
|
|
30-07-2010, 07:44 PM
|
رقم المشاركة : 87 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
قطع حبل تفكيرها نوف ..
نوف تتلفت : نايف راح ؟ نجود بطفش : ايوه .. كان نمتي في الحمام ؟ نوف : شرب غيرلز اصلا كنت متعمده .. (تركض وتجلس بجنب نجيد ) وش قالك بالله .. ؟ (بابتسامه خبيثه ) أكيد اعتذرلك عن امس وقال : (تقلد نايف ) آسف نجيد والله ما كان قصدي .. بس انتي حكيك ينرفز هههههههههه نجود تناظرها يعني تراك ما تضحكين : وبعدين ؟ وش المطلوب ؟ اضحك ؟ نوف باستهبال : يعني اذا تقدرين ؟ نجود : اسكتي نويف .. أخوك هذا بيجنني .. نوف : اسمالله عليك .. عدوينك يارب نجود : حتى لو يسكت نظراته تقتلك .. تحسين نظراته تتكلم أكثر من لسانه .. ياااااااااي ينرفز ويوتر اذا دخل .. نوف : يااااااي فديته يا ناس .. نجود : عارفه وش اللي يضحك ؟ عجبته الاغنيه كنه اول مره يسمعها .. تخيلي يقول ارسلي لي ( اسمحيلي يالغرام) .. بغيت اقوله روح نزلها من النت الله لا يهينك .. وارسلها لجوالك .. نوف : ارسلتيها له ؟؟ نجود : وش رايك ؟؟ بزارين ؟؟ نوف : كان قلتي له .. أرسل لي وأرسل لك هههههههه نجود : هههههههه شايفتني جالسه مع الماس ؟ عشان يهفني بأقرب ما عنده .. من الخوف بغيت اعطيه جوالي بكبره نوف تتذكر : لا يكون شاف نكك ؟؟ نجود عيونها بغت تطيح بالارض من الصدمه : نسيتــــــــــــــــــــــه !!!!!!! نوف : ههههههههههههههه أحسن مليون مره اقولك غيريه .. نجود : يع يع الحين يحسبني رومانسيه تافهه نوف : هههههههههههههههه ليه عاد يع ؟ بالعكس يحبك اكثر راح يدري انك كاتبته له نجود : لااااااااااااا يرحم امك لا تفشليني اكثر .. بالله عليك يفهمها كذا تتوقعين ؟؟ نوف : ههههه امزح معك .. بس اخوي عنده ثقه زايده شوي .. نجود ترفع راسها : يحق له .. نوف : والله مجنونه ما انتي بصاحيه كل دقيقه بحاله نجود : يووووووووووو نسيت اتصل بتبوله تلاقينها الحين لابسه كل اللي في الكبت نوف ببلاهه : ليه ؟ وش عندهم ؟ نجود تاخذ الجوال : صدق من قال الجمال والذكاء لا يجتمعون في المرأه نوف : هههههههههههههههه اذا كذا .. أجل انتي بقره زيي نجود : هههههههههه لا حبيبتي أنا حاله شاذه .. انا أجمع الجمال والذكاء والثقافه والثقه و الاتيكيت و الذوق وكل حاجه حلوه في الدنيا نوف : لا يكثر نجيد لا اعلم نايف انك تحبين جورج كلوني وافشلك نجود : ماراح يعرفه اصلا ههههههه يحسبه كاكاو نوف تضربها بالمخده : وجع .. لا تغلطين على الغالي بعدين هو يعرف اللي ما تعرفينه .. وتراه يحب شريهان .. نجود : هههههههههه خليه يحبها .. زين ما قلتي هيفا نوف : لا يكره هيفا ما يطيقها .. نجود : حبيبتي نايف ما يحب الا مطربة وحده صوتها خيال .. اسمها نجود السامي نوف : ايه عرفتها اللي صوتها زي صوت البقره . ! نجود فتح الخط مع تبوله : ما بقره الا انتي .. ؟ بتول بصدمه : ليه وش سويت ؟ نجود : ههههههههه مو بأنتي .. نويف بتول : طيب البقره طلعت أقصد نويف طلعت ؟ نجود : هههههههههههه حلووووووووه يا ام دوده ،، لا انا مرافقه معها .. نوف بصوت عالي وهي تفطر : ترا سمعتك يا تبوله .. نجيد عارفه كيف؟ سكري الخط مو بلازم نعلمها بالخبر نجود : ايه صح يلا باي بتول بسرعه : لااااااا .. أحب المفاجئات .. لا تسكرون علموني بالله .. جايني معرس ؟ هههههه نجيد : ايه هههههههههههههه وجاي يخطبك اليوم وناصر عامله غدا لأنه راح يريحه منك بتول اللي فبالها صح : سامي هنا ؟؟؟ نوف : هههههههههه القلوب عند بعضها سبحان الله بتول بفرح : جد ؟ تدري وش اللـــي يهـــز. {.. ويكسـر الخاطر ... أنـــكـ تــمـــر بخيـــــالـــي وأنت مـــــاتــــــدري نجود : ايوه .. بس ترا مو جاي يخطبك لا تاخذي مقلب بنفسك بتول : اكلي تبن .. عارفه .. يلا باي باي نجود & نوف : ووووووووووووووووووين ؟؟؟ بتول مستعجله : بروح أزين الغدا واشوف السلطات .. و الحلا والقهوه والشاي والعصير و كل حاجه . باي باي نجود : يالخايسه .. بعتينا لما جا سامي .. ؟ بتول : يووووووووه تراكم عطلتوني مابقى شي ويحطون الغدا .. بروح اتعلق على الشباك زي القرده .. أبغى اشوفه بالثوب آآآآآآآآه نوف تسحب الجوال من نجيد : بالله صوريه تبوله ابغى اشوفه .. بتول : تشوفينه والا تشوفين ناصر ؟ نوف تغير وجها وانعقدت حجاجها وقامت .. ) .. مافيني شي ! وربي مافيني شي ! كل مافيني إني جالس أتعود غيآبه..وهو حيّ ! بتول : الو ؟؟ مو لابق الحيا نويف هههههه نجود اوجعت قلبها على نويف : هههههههه شفتي كيف البنت حياويه .. لا جد صوريه لنا .. طيب ؟ تبوله : اذا قدرت بس اخاف يطوفني ماراح اقدر اركز نجود : يخرب بيتك وش تركزين فيه ؟ اختبار ؟ هههههههههه تبوله : كح .. صح عليك راح اصوره .. عشان استفيد بعدين نجود : ياويلي البنت صار تفكيرها سياسي مره تبوله : ههههههههه وربي اخرتيني شكلهم وصلو بيوتهم .. باي نجود : باي
|
|
|
|
|
30-07-2010, 07:44 PM
|
رقم المشاركة : 88 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
|
|
|
|
|
30-07-2010, 07:45 PM
|
رقم المشاركة : 89 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
/ \ \ قصــر الـعم رآشـد في الصاله كانت جالسة نوره تحكي مع امها عالجوال وبجنبها رتوجه مع الخادمه .. دخل نآيف القصـر : السلام عليكم نوره : وعليكم السلآم .. نوره : يلا يمه ما تشوفين شر .. سكرت جوالها نايف : كيفك ام فيصـل ؟ نوره : الحمد لله بخيــر .. نايف طلع فوق .. وهو على السلم نزل شماغه و عقاله .. نعسااان ودايخ .. وضايق مايدري ليه ! ام خالد من غرفتها : نايف ؟؟؟ نايف يلتفت للصوت : هلا يمــة .. انتي هنا ؟ ام خالد : ايوه .. نايف يقرب : ما وداك خالد عند نويف ؟؟ ام خالد : لا يقول انه رايح يطلعها من هناك .. بتجي الحين ان شاءالله نايف : ههههههه اشوفك مبسووووطه ؟؟ ام خالد : ههههههه الحمد لله على كل حال ،، اقول نايف ابغى احاكيك بموضوع ؟ نايف عارف المضوضوع : سمي يمه ام خالد : وحنا واقفين ؟؟ تعال اجلس داخل .. نايف دخل : أبوي وينه ؟؟ ام خالد : فبيت عمي سآمــي .. رايح يتغدا هناك .. نايف : طيب وشو الموضوع ؟ ام خالد : انا مستغربه منك .. عرسك بعد اقل من اسبوعين وانت ما سويت حاجه ؟؟؟ نايف يغمض عيونه ويتنهد : يمه ؟؟ انا قلت لكم سوو اللي تبغون .. انا مالي دخل فهذا كله .. احجزوا وانا ما علي الا اني ادفع .. ام خالد باستغراب اكبر : خالد كان هو اللي يشيل ويحط فعرسه ... انت علامك كن مالك نفس ؟؟ نايف فجرها عند امه : لأنه بجد مالي نفس (طلع) عن اذنك يالغالية ام خالد تناظر فيه !!!! : : في المستشفى الخادمة تشيل ملابس نوف وحاجاتها .. نجود لبست عبايتها وجلست بجنبها ينتظرون خالد نجود سرحانه (ليه زعلت لما قالوا خالد اللي راح يجيبكم ؟ وش كنتي تبغين يا نجيد ؟ مو قلتي راح تنسين نايف ؟ وش فيك انتي اللي صرتي تفكرين فيه ؟ ) دخل خالد : السلام عليكم ،، نوف : وعليكم السلام خالد يناظر بنجود ويأشر لها بيده : ألوووووووووووو نجود ما كنت يمه : هلاا خالد : مشينا ؟ نجود & نوف : يلا / بالسياره خالد بالطريق يسولف على غير عادته : قالي ناصر .. ؟ نوف عيونها باين عليها الصدمه : وش قااااااااالــك !! صرت أعقد حجاجيِ إذا جابوك بأطراف الجدالْ وأنا قبل لا قالوا إسمك كني ميت ثم حييـت ! نجود خافت خالد : و ش فيك كذا ؟؟ قالي انه مركم اليوم ! نوف : ما مرنا .. من يقول ؟؟ خالد بصدمه : ما جاكم نايف ؟؟؟؟ نوف : انت قلت ناصر .. خالد (فاضخ قلبك ناصر ) : نعم ؟؟؟ ليه ما افهم وش أقول نجود لاحظت ان نوف انحرجت مره ،، اكره احكي معك يا خالد بس وش اسوي : انت قلت ناصر يا خالد .. خالد : المهم .. اذا سألك قولي الدكتور طلعني .. مالي نفس اتهاوش معه نوف : الله لا يجيب الهواش ،، وش له عاد .. كلها مستشفى وانا ابغى اطلع اصلا خالد : شسوي فيه اخوك هذا ؟؟؟ نجود ساكته .. (الله يعينك على نفسك ) دخل خالد بسيارته القصـر .. نزلت نجود ودخلت مع نوف القصـر تساعدها توصل غرفتها ترتاح نوف: ياااي أول ما ارتاح الا لما اطلع على السلم .. الحين ماني قادره .. نجود : اصلا كذا والا كذا بنطلع بالاصنصير لا تضيقي على نفسك طلعوا من الاصنصير .. واول ما سمع صوتهم نايف طلع من جناحه بسرعه .. اصلا ما نام لما درى انهم بيجون نوف : هااااي نايف : هلا وغلا تو مانور البيت يالغاليه نوف تضمه : بوجودك .. نايف يناظر بنجود .. وراح وصل نوف غرفتها وجلس عندها نجود جالسه على كرسي التسريحه .. ونوف ونايف على السرير نايف : ها كيفك الحين ؟ نوف بابتسامه : الحمد لله بخير نايف : آه يا نويف لو ادري بس منو اللي مسبب لك هذا كله .. نوف تغير وجهها : انا مافيني شي وش فيكم ؟؟ لازم اللي يتعب يكون فيه شي ؟؟ نايف ما حب يضايقها .. : ما يندرى عنك نويف .. دخلت الماااااس تركض : هاااااااااااااااااااي نوووووووووووووووووووووووووووفه نوف : ههههههههههههه لموووووو وينك يا حماره نايف : تحبها كثير ماشاءالله نجود ما ودها تضحك بس تعابير وجهه تضحكها : ههههههههه الماس : امي تنتظرك : تعالي سلمي عليها نوف : يلا .. نجود : لفت وجهها على التسريحه تزين العطور الميك أب .. بربكه واضحه ( والله ان ما صرتي طبيعيه يا نجيد لأكون قاتلتك .. السالفه مصخت ) نايف بصوته الخشن : ميرررررررررررررررررررررري ؟ ميري : ؟؟؟ نايف : وين لاب توب داخل غرفه ميري : ؟؟؟؟؟؟ نايف يأشر لها بيديه : زي كذا .. وووينه ؟؟ ميري : ؟؟؟؟ نايف : انتي تفهمي عربي ؟ ميري تناظره : ؟؟؟؟؟ نايف انقهر ما تفهم : اعوذ بالله منك يا ابليس ،، روحي روحي .. نادي ريتا جت ريتا : نعم بابا .؟ نجود تناظر فيه . حتى شرح ما يعرف يشرح : ....... نايف : وين لاب توب داخل غرفه ؟؟؟ ريتا : حمودي ياخذ نايف انصدم : انا اقول ؟؟؟؟ روحي جيبيه ونادي محمد : محمد خايف ويناظر من غرفة نوف وبصوت هادي : نعم نايف نايف : تعال حبيبي .. دخلت نوف والماس نوف : هاااااااي حمودي .. وش فيك كذا ؟؟؟ نايف : اتركيه اتركيه .. تعال محمد قدام نايف واقف : نعم نايف رافع حاجبه ويناظر فيه بقوه : ما شفت اللاب حقي ؟ محمد : ........ نايف معصب : يقولوا فيه احد ماخذه محمد شوي ويبكي : ........ نجود & نوف فقلبهم (حراااااااام شكله ينرحم) نايف فجأه ابتسم : طيب سامحتك .. روح جيبه .. انبسط محمد : الحين اجيبه (طلع يركض) نجود فقلبها ( الحمد لله والشكر ما انت بصاحي ) نوف : ياويلك من الله خوفته نايف : احسن عشان يتوب .. لمو : اصلا وش يسوي فيه ؟؟ نايف : انا ادري .. ! لمو تناظر نجود : نجيد .. وش فيك ؟؟ مين اللي جاي من المستشفى انتي والا نويف ؟ نايف يشغل اللاب واذنه معاهم يبغى يسمع ردها : ........ نجود تبتسم لـ ألماس بـ ألم .. نايف دخل الماسنجر .. و فاتح محادثه .. البنات جالسين يسمعون نغمة الماسنجر لما تجيك رساله .. والاصوات كانت مره واضحه وورا بعض !! نجود ودها تناظر من يحاكي ؟؟ نوف ببلاهه : نويف وش صوته ذاا والله مزعج .. نايف حطه ميوت : سوري نسيته .. زمان عن المسن .. نوف اول ما سمعت اسم المسن تذكرت ناصر : هذا اللي تحاكي فيه يور فريند ؟ نايف وهو يناظر الشاشه : ايوه .. وفيه احد ما يعرفه نجود : عن اذنكم نوف : نجيد وووووووووين ؟ وعدتيني تجلسين اليوم .. نجود غيرت رايها : لا ما عليش . اشوفك بكره بالجامعه .. اكيد امي تبغاني الحين .. نايف سكر الجهاز : خليك انا طالع .. طلع نايف وبيده اللاب راح لغرفته .. نوف تناظر نجود : انتوا وش فيكم .؟ نجود : وانا شدراني ..؟ انا عن نفسي مافيني شي .. هو اللي يعتقد ان الحكي عنه وكل حاجه منه .. !!! لمو : وش السالفه نوف : اسكتي انتي ... طيب اجلسي نجيد نجود بعصبيه : انتي بعد زيه .. خلاص قلت لك اشوفك بكره .. باااااي نوف تناظر بألماس : علامهم ؟؟ / الجد سامي يتصل على جوال نوف بس حاطته سايلنت ما ردت أخذت لها دوش و لبست بيجامتها وحطت راسها على المخده .. وعدت نفسها ما تتذكر اي حاجه مو حلوه غمضت عينها بس سمعت صوت بابها : مين ؟ دخلت لمو : جدو يقولك ردي على جوالك نوف : طيب تكفين عطيني الجوال .. نسيته في الشنطه .. لمو مستغربه : غريبه نويف اول مره تنامين وهو مو بجنبك .. لا وحاطته صامت ؟؟؟ نوف سحبت منها : ميرسي حياتي .. سكري الباب وراك اتصلت بجدها وبعد السلام .. قال لها جدها ان اليوم عامل لها حفله على سلامتها في قصره .. قالت له انها ما تبغى وتعبانه بس ما يمشي عليه حاولت تنام بسرعه عشان يمديها تصحى وتتجهز : الكل عرف بموعد الحفله والكل انبسط من مناسبتها .. حضروا نفسهم .. و الكل تجهز .. اليوم حفلة نوف .. اليوم بيفرحون بقومتها بالسلامه
|
|
|
|
|
30-07-2010, 07:45 PM
|
رقم المشاركة : 90 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
قصـر العم سلمان
ام سالم : يلا بتول .. يلا بتول عند المنظره : دقيقه ماما بس الروووج ابو سالم معصب : والله ان ما خلصتوا بطلع واترككم .. تنتظرون العيال اذا جو .. ام سالم & بتول : خلصنااااا فارس فوق بغرفة ناصر : كيف يعني الحين ؟؟ ناصر بصوت عالي : يعني ماني بجاااااااااااااااي .. فارس : ولييييييييييييه ؟ ناصر : لأنه بمزااااااااجي .. أروح والا أجلس .. سالم واقف على الباب : لأن فيه حاجه بينه وبين صاحبة الحفله فارس : ايش ؟ سالم : اللي سمعته ،، في حاجه حاصله بينهم .. وما يندرى ايش هي .. ناصر داخله بركان : احتررررررررررررررررم نفسك يا سالم .. وتذكر انك تحكي عن بنت خالك .. قبل أخوك سالم : تقدر تنكر الحكي اللي قلته ؟؟؟ ناصر : ايه .. كل اللي قلته غلط بغلط .. سالم تراني تعوذت من ابليس .. احفظ لسانك وتوكل على الله سالم : ههههههههه شفت يا فارس ؟ .. يعني كلامي صح !! ناصـر سحب سالم من ثوبه وصل لآخره : انت حقيـر يا سالم .. وربي حقير .. سالم فكه وطلع من الغرفه وقاله : لو جد مافي شي بينك وبينها ورا ما تجي اليوم حفلتها ؟؟ ناصر جا بيركض يلحقه .. بس مسكه فارس : تعوذ من ابليس .. ناصر : حقير وربي حقير فارس : خلاص .. امش معي للحفله واثبت له ولغيره ان مافيه حاجه بينك وبينها .. ناصر فقلبه ( بس انا ماني جاي عشانها وربي تموت ) فارس : اذا مو بعشانك عشانها .. لا تخلي سالم او غيره يحكون فيها .. مهما كان هذي نوف .. سالم حكى لك لأنه اخوك ما تدري لو ان فيه ناس حاسه بهالشي بس ساكته .. ! ناصر : ما اقدر اروح .. ما اقدر فارس : وليه ؟؟؟ ناصر : لأنه ..... سبب خاص فيني .. ما اقدر فارس : طيب روح عشان نوف .. لا تطول .. اجلس ساعه واطلع .. / / قصر ابو دانه ام دانه مره مشغووووووله : ابعدي عني يا دانه .. روحي حاكي ابوووووووك انا لا تحاكيني .. دانه بصوت عالي : ماااااااماااااا ابغى اجي الحفله .. وش هذا .. وربي ما تسوى علي بتزوج والا بموت ؟ ام دانه : نجيد فكيني منها نجود تزين ثوبها قدام المرايه الكبيره : ........ دانه : لاااااا صراحه بتفكك مني .. لا تدخلينها في الموضوع .. نجود تناظرها من فوق لتحت : ومن قالك اني صرت اتدخل بأي موضوع يخصك ! مآ عدتي تعنيني يااا اختي .. (طلعت للحديقة ) دانه انقهرت : حيوااااااااااانه ام دانه : وجع ان شاءالله .. وش هالكلام ؟؟؟ انتوا علامكم ؟؟ دانه : الله ياخذ اليوم اللي اخذت فيه هالزفت نايف .. وش لي في الزواج اناااااااااااااااا / قصر ابو خالد نايف : والله اكره هالحفلات .. ام خالد : هذا وحنا ما عزمنا أحد .. عائلية الماس : نايف يستحي يمه .. نايف يناظرها : انا استحي ها ؟؟؟ الماس تفشلت : سوري .. بس امزح .. نايف : نوف وينها .. مصدقه حالها نويف .. ههههههه نوره : يحق لها فديتها .. هي الاميره اليوم .. نايف : عاد مو بزود .. شكلها راحت عليها نومه روحي تأكدي منها لمو لمو : هههههههههههه لا تلبس .. / / نوف جالسه بغرفتها وتقرا مسجات قديمه لناصر .. لمو تطق الباب : انتي وينك الكل تحت اخلصي انزلي .. وش هذا على بالك عروس ؟ نوف تبتسم بألم .. يلا نازله .. < > الحديقة كانت مره رايقه .. المصممة دمجت اللونين الأخضر الفآتح + الوردي .. طلع شكل الحديقة مع الاضاءه والالوان والعشب راقي مره .. قرر الجد سامي هالمره ان الكل يجتمع بطاولة وحده كبيره .. من اكبر واحد لأصغر واحد .. و بين الحكي والسوالف الحلوه .. الكل جلس بمكانه .. الجد سامي و الجده سلمى .. ابو خالد وزوجته فواز وزوجته و سلمان وزوجته ساره والبنات كلهم موجودين .. الهنوف والعنود ونجود والماس والريم ونايف وخالد كانو موجودين دخلت البوابة سيارة سالم وكان لوحده .. الكل استغرب .. من عادتهم يجون مع بعض اذا صارت العزيمة للكل .. سالم : السلام عليكم الكل : وعليكم السلااااااااام .. أرحب أرحب سالم يناظر بالتنسيق والالوان : وش هالحلا كله ؟؟ أكيد ذوق جدتي ........ : ههههههههههههه الجد سامي : وين اخوانك ؟ سالم يدور نوف بعيونه : مادري يمكن ما يجون .. الكل : ؟؟؟؟؟؟ / نزلت نوف وبابتسامتها الحلوه .. وبفستانها الاحلى .. نزلت تناظر الكل بثقه .. تمشي .. والكل عيونه عليها .. ![رد: أسَأَلك باللي خلق قلبك .. اكرهنـي | روايـة ]|~](http://www10.0zz0.com/2010/01/22/05/519105821.gif) كانت تقرب أكثر وأكثر وكانت تناظرهم كلهم كأنها تدور على حاجه ضايعه منها .. أنادي لكْ / وَ جدراني تردْ الصوت " وَ أدري أنكْ بـ ديره وَ أنا بـ آخر حدود الكونْ ~ .. وَ لكني أنادي لكْ ركض لها فيصل وضمها بقوه : ههههههه فيصل بغيت اطيح وش فيك نوره : ههههه مو بوقتك فيصل .. الجد سامي : هلا وغلا بنويف .. هلا بالغاليه نوف تبوس راسه : هلا بك اكثر جدي .. سلمت على الكل .. ولما مدت يدها لسالم مسكها بقوه : كيفك يا نوف ؟ نوف باستغراب وتحاول تسحب يدها (انجن هذا والا ايش ؟ ) : تمام جلست نوف بجنب نجود .. نجود تهمس لنوف : انبسطي مهو جاي نوف فقلبها ( أنبسط ؟ بعد ما كان ينقال العكس .. صرت يا ناصر شي يضايقني وجوده ! ياليت اصحى من هالكابوس وافتك )
|
|
|
|
|
30-07-2010, 07:47 PM
|
رقم المشاركة : 91 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
وبهاللحظه دخـل جيب ناصر .. وكان بجنبه فـارس .. وقف السياره على جنب ونزل .. الاضاءه
كانت مره قويه .. اضاءه تعطيك احساس ان الجو هذا وقت الصباح مو ليل .. ناصر يناظرهم .. وده يرجع مكان ما جا .. وده بس سالم يترك أحد بحآله ؟ ![رد: أسَأَلك باللي خلق قلبك .. اكرهنـي | روايـة ]|~](http://www10.0zz0.com/2010/01/22/05/760449065.jpg) رتوجه تركض لناصر اللي يمثل لها مصدر الحلاو : نانا ناصر جاي بشكل غريب .. ماهي عادته يجي هالمناسبات بدون شماغ .. لكن عادي ماصار يهمه شي .. جاي يعمل الواجب ويطلع : هلا رتوجه رفعها بين يديه وكمل طريقه لهم فارس بهمس : خلك طبيعي اكثر من كذا ناصر : وش اسوي يعني ؟؟ ارقص ؟ ناصر لما قرب لهم : السلاااااام عليكم .. نوف & نجود & سالم & ام سالم & الجد سامي (مصدوووووووووميــن ) الكل : وعليكم السلاااااااااام ابو خالد : الله حيهم .. هلا وغلا يا ناصر فارس : وانا وش موقعي هنا ؟؟ ابو فواز : انت الغالي .. بس ناصر زمان عنه .. مشتاقين له ناصر يبوس راس خاله : تشتاق لك العافيـة .. قرب عند الجد سامي : كيفك يا طويل العمر (باس راسه ) الجد سامي بفرحه غريبه : بخير الحمد لله .. جيب القهوه يا سميــــــــــــــر الكل كان يرحب فيه .. ناصر ما يدري وش يسوي .. فارس راح لنوف و صافحها عادي .. وتحمد لها بالسلامه .. انا وش اسوي هنا .. ؟ هذا اللي ما حسبت حسابه !! الله يلعنك يا سالم .. نوف فقلبها لاااااااا لااااا تقرب ناصر .. والله لأبكـي .. .. تعلقت عيونهم فبعض ! نوف تناظر حزن كبير فعيون ناصر .. وناصر لمح دموعها فعيونها .. ناصر وده يمسحهم زي اول .. للحين يا نويف اشوف دموعك وهي بعدها ما طلعت !! كانت دموعه تختنق بين ( الأحداق ) ونظرات عيني تقتله ، ثم تحييـــه ، ! كني جلست أعلمه كيف يشتاق وكنه يعلم شعري شلون ( يرثيه ) قرب لنوف وهي عيونه معلقه بعيونه حارت داخلها عبره واضحه لناصر مو لغيره حاولت تتماسك لأنه عيب ايوه عيب .. شي طبيعي تبكي بس كيف تفهم هالعالم كلها ؟؟ عيب لأنها ما تبغى تحرج لا امها ولا ابوها ولا اخوانها .. عيب لأنها بنت وهو رجال .. عيب لانها نوف وهو ناصر .. وقفت من الكرسي بابتسامه تدل ان هذي جد نوف القويه : هلا ناصر ناصر بدون ملامح ولا تعابير (الله يا نويف وتعرفين تمثلين بعد ! ما خبرتك كذا ) : هلا بك يا .. (وقف شوي وبعدها كمل ) هلا بك يا بنت خالي .. نوف كن أحد ماسك سكين ويطعنها بقلبها .. نفذت وعدك يا ناصر ؟؟ خلاص ما عاد تنطق اسمي ؟ ليه ؟ وش فشلتك فيه ؟؟ لهالدرجه منزله راسك ؟؟ لهالدرجه انا عار عليك ؟؟ وين قلبك اللي دايم تقول انه ينطق باسمي ؟ وين الحين وينه ؟؟ ناصر حس بالعبره اللي فعينها .. وحس بريقها اللي تبلعه بصعوبه .. كل هذا ماهو راكب على ابتسامتها الغريبه .. ظل ماسك يدها ما يدري ليه !! نوف تناظره و تناظر كل شي ينهدم قدام عينها .. تناظره وتذكر مواقفه معها .. بس للأسف صايره ما اذكر له الا مواقفه الــلي توجع القلب .. مستغربه كيف سويت هذا كله فيني .. وانت اكثر واحد عارف اني ما اتحمله .. حملتني شي كبير يا ناصر انا ما استاهله هذا وانت كنت تقولي أحبك ! هـذا وانا الغــالي بقـلبك وشوف وش صـار ! أجـل لاآ قـلبك كرهـني وش يـسوي ؟! كأنك تقول اسمع حليين واختـآآر يا تنوي الفرقــآآ والا أنا بنـوي !! حلوه ذكرياتك يا ناصر .. والاحلى انك تركتها لي أتعذب بسببها كل يوم .. رغم كل هذا ما تحسفت على اي لحظه كانت بينا .. سحبت يدها والتفتت لنجود يعني مو بـ هامها : ما في اغاااااااااني ؟؟؟ / / / هل لصآلح دور بطولة في فلم نوف ! أو عابر سبيل .. وش هو شعووورك لو سكن قلبي انسان ؟ غيـرك ودورك انتهـى فـي حياتـي!! قصــر رجل الاعمال .. صآلـح .. صالح توه راجع من صلاة العشا : السلام عليكم ام صالح : هلا يمه وعليكم السلام صالح : عندي لك بشاره .. ام صالح : ؟؟؟ صالح : ما قلتي وش هي ؟ ام صالح : وشي البشاره ؟ صالح : الاسبوع الجاي بروح أخطب نوف السآمي رسمي .. أحمد : ههههههههه وافقوا عليك ؟ صالح يناظره وهو جالس خلفه بالصاله الثانيه : وانت شاك بهالشي ! أحمد يقوم من مكانه ويجيهم : لا بس .. ما تحس انك مره متعلق فيهم ؟ لدرجة انك تحسسني ان نوف ملكة جمال الكون ! صالح ما يحب اخوه يحكي بهالطريقه : أحمد .. ماهو وقت مزح .. نوف بتكون زوجة اخوك الكبيرة وحسبت اختك .. تخلى عن اسلوبك هذا .. أحمد : هههههههه عجبتني تخلى .. تحسسني جد اني جالس مع قاضي طراز أول .. صالح بعصبيه : أحمد !!! أحمد : وش فيك عصبت ياخوي .. والله امزح معك .. وش فيك ما عدت تتحمل مني حاجه ! صالح يطلع لجناحه : لا .. بس كل وقت وله جده ومزحه .. وهالوقت بالذات ما يتحمل الا الجد !! (طلع فوق ) ام صالح : انت علامك تحاكيه كذا ؟ ماتشوفه طاير بهالبنت اللي يبغى يدخلها قصرنا غصب ؟؟؟ أحمد : والله ودي اشوفها يمه !! اللي خلته يترك البنات اللي اخترتيهم اله . عشانها !! مع انهم أعلى منها مستوى ! ام صالح : الله لا يجيبها .. ويبعدها عن اخوك ! / / في الحديـقة .. قآم الكل من الطاوله وبقى الشباب .. والصباااااايا سالم يعشق هالحركات : نوف نوف نوف تلتفت له سالم ما عنده سالفه : لما اغمى عليك .. وش حسيتي فيه بالله نايف : هههههههه سالم وش فيك ؟ هذا سؤال ؟ فارس : والله انك مفهي .. اغمى عليها كيف تحس ؟؟ سالم : اي والله صح نوف : ههههههههههه نايف : ناصر أحسك ميت من التعب .. والله ما الومك .. اليوم عشى وغدا عندك ناصر : سهالات يا بن الحلال .. اللي يستاهل التقدير نقدره .. نايف : تسلم والله .. تستاهل الطيب .. نجود تهمس لتبوله : صورتي الــ هذا ؟؟ بتول ناسيه : وشو ؟ نجود عند اذنها : سامي بتول :يوووووووووووه نسيت اوريك .. هههههههههه الهنوف : وش اللي يضحك .. وش قلتي لها بالله الماس : وانتي وش دخلك فارس : اي والله وش دخلك انتي .. علميني انا بتول بتول : هههههههه لا انت ولا اانت ههههههه شي خاص سالم : نجيد ما تعلم الا انا .. صح ؟ نايف يناظرها : ........ ! نجود بتقهر سالم لعيون نوف : أكيد لا الكل : ههههههههههههه سالم ساكت : وش اللي يضحك .. ! نجود تحاول تبعد نظره عنها .. ودها تقوله قوم من هنا يا نايف .. والا انا بقوم .. بس كيف وهي تشتاق له كل ثانيه وكل دقيقه ؟؟ عشاق ؟ قلي ويش أو ليش عشاق ؟ إلا ( ضحايا وقت ) مدري شـ أسميه . . فارس بيده علبة مويا : وش رايكم نلعب لعبه على هالجمعه الحلوه العنود تقول لألماس : لأنك فيها يا فوفو فارس يناظرها : ايش ؟ العنود : ولا حاجه .. وشي اللعبه فارس وقف من مكانه وقال بجديه : اطلعي اطلعي العنود بصدمه : لييييييييييييه وش سويت فارس : مههههههههههه امزح امزح .. لعبة الصراحة .. نايف : مين هذي ؟ فارس : ابصم بالعشره انها ما قد مرت عليك نايف : كل تبن وقول .. فيها ركض والا حاجه ؟؟ ترا ما اقدر .. لازم اطلع اغير ملابسي فارس بالجينز والبدي : لحوووووووول من يفهم هالشايب .. نوف بصوتها المميز : لا نايف .. اللعبه ان فارس يلف العلبه .. واللي توقف عليه يسأل والثاني يجاوب .. غديت أتحطّب الذِكرىَ .. سمعتك للدفا " نبرَهـ " ........... وحسّ البَرد بوجودك ! وسافَر منكسر / عاريْ ..!! ناصر يناظر فيها اشتاق لصوتها بس فيه شي يوجعه .. ( مين يصدق ان انسانه بهالرقه والبراءه .. تعمل كذا ؟ .. أحسك تقولي عني فقلبك جبان .. لكن كيف أقدر أقول لأهلك وانا عارف ان خالد لحاله مصيبه ! أقول بنساك وانا للحين أحيك ليه ! ) نايف : اهااااا .. شكلي ما افهم الا منك نويف .. نوف : هههه نجود : فيه احد ما يبغى يلعب .. ؟ ناصر يرفع يده بطفش : أنا ... (طلع الزقاره وشربها قدام الكل وحط رجل فوق رجل ) أداوي بالزقآيــر ضيق صدري !.. ........ عسى نفسي تجد فيها متاعه }ّ~ نوف (ألحين تأكدت انك مو بناصر .. وش هالتغيير ووش هالاسلوب ووش الحركات ؟؟؟؟ تنهدت بقوه ) فارس : ما عليكم منه بيلعب .. عشاني .. عشاني ههههههههه نايف : تعجبني ثقتك فارس .. واصل يا قلبي فارس : يلا بسم الله (لفها ) نايف : مين ؟؟ الماس : سالم ونجود ههههه ياويلك فارس : الحين يسئلك ليه ما علمتيني عن هذاك ؟؟ الكل : ههههههههه سالم : دمكم خفيف .. ،، مممممممم نجيد .. بسئلك سؤال يعني جدي .. لو خيروك بالزواج بين واحد يحبك .. وواحد تحبينه من تختارين ؟؟ نجود : ههههههههه أطلب تغيير السؤال فارس : وش تغييره جاوبي .. نجود : ممممممم مادري .. نوف : أكيد اللي تحبينه نجيد .. نجود : مممم لا .. أكيد بــ أختار اللي يحبني .. الريم : الله الله يا الاجابه .. نايف يناظرها .. وهي تضحك .. وابتسم معها .. فارس (لفها ) نجود : مين ؟؟؟؟ فارس : ممممممم سالم و الريم الريم : لااااااا سالم وناصر .. ناظر مو بيمي العلبه نايف : صح سالم يسأل وناصر يجاوب .. سالم يناظر فناصر : ممممممممممم الكل : يلاااااا سالم لحظه يبلها وقت هذي .. ناصر فقلبه (اي والله ياخوي يبيلها وقت .. لازم تختار اكثر سؤال يجرح اخوك ويضايقه .. معااااااك كمل ) : ........ سالم : سؤال جريء عادي ؟؟ فارس مبسوط بس ماهو متوقع وش بتوصله : روووووووووووح .. سالم : طيب .. اذا خذلك و خانك شخص تحبه وقريب منك مره .. تعده روحك وقلبك وظلك .. تعده فخر .. وبدونه الحياه ولا شي .. وش راح تكون ردة فعلك .. ؟(يقصد نوف مع انه ما عرف بسالفتها ) ناصر قلبه احترق وما عاد به قلب داخل هالجسد .. الله عليك يا سالم وعلى سؤالك صراحة احييك عليه : ممكن تعيده عشان أستوعبه اكثر ( إلا عشان تطعني اكثر ) سالم انبسط : تامر .. اذا خذلك و خانك شخص تحبه وقريب منك مره .. تعده روحك وقلبك وظلك .. تعده فخر .. وبدونه الحياه ولا شي .. وش راح تكون ردة فعلك .. ؟ بصراحه عاد الكل فتح آذانه كويس عشان يسمع ناصر ناصر : وفيه احلى من الصراحه ياخوي !! .. انا اقولك .. ما فيه أحد أحبه وقريب مني و أعده روحي وقلبي والفخر بالنسبه لي غير أخوي .. (ناظره بقوه وكنه يوجه له الحكي ) واللي الحياه بدونه ولا حاجه .. .. اخوي يا سالم (قالها بحرقه ) اذا جا فيوم وخذلني .. أو خان العشره اللي بينا .. أو حاول يجرحني بدال ما يداويني .. وش تتخيل راح اسوي ؟؟ اجابتي لك بصراحه .. بحطه فوق راسي .. و بحترمه زي زمان و بحبه أكثر وأكثر .. لأن اذا رديت له الخيانه .. هنا ما راح أكون رديت اعتباري بالعكس .. انا خنت نفسي قبل ما اخونه .. وللأسف روح الانتقام مو فيني .. ولا الكره أقدر عليه .. الكل جالس يناظر بناصر اللي طوَل مره في الاجابه .. اللي كنه يوجهها لشخص معين .. كلهم كانوا شاكين .. لكن نوف كانت فاهمته .. وعارفه من يقصد ناصر بحكيه .. وقف ناصر بعد ما خلص اجابته .. : فارس تجلس والا تجي ؟؟ فارس خاف عليه .. سحب جوال : لا لا بجي معك .. سلام يا حلوين .. / انتهت الحفله بسرعه وكل شخص طلع لبيته ..
|
|
|
|
|
30-07-2010, 07:47 PM
|
رقم المشاركة : 92 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
بقصر العم راشد
كانوا البنات كلهم متجمعين .. قرروا ما يروحوا بكره الدوام .. مع ان تبوله كانت مره متحمسه تروح .. الهنوف والعنود والريم والماس طلعوا ينامون مبكر .. لأنهم تعودوا .. اما بتول ونوف ونجود ظلوا جالسين يسولفون للفجر .. ما شبعوا من بعض .. بتول بيدها الجوال : هههههههههههه ناظري ناظري كيف ابعد شماغه نجود تسحبه : بتول خلاص انتي شفتيه .. اتركيني اشوفه براحتي بتول : يوووووه ابغى اشوفه معك نجود : بالله عليك كم مره شفتيه حلفتك بتول انحرجت : والله ماعديتهم واااااااااجد .. نجود : هههههههههههههه و باخله علي بهالدقيقه .. ابعدي بتول : هاااااتي .. انا غلطانه نوف بصياح : يووووووووووه خلاص عاد نجود & بتول : افا طرده هذي ؟ نوف : لا والله مو بطرده .. انا ما صدقت تجلسون .. بس نجود : بس ايش ؟ نوف تبكي بقوه : ........ مادريت .. ليلة البارح غشاني صوتك العذب وبكيت .. ورحت أدور أي حاجه لاجل أنسى .. مالقيت .. إلا وجهك يرتسم لي ! يبتسم لي ! ودون ماأشعر بكيت !! بتول ما تحب هالمواقف اول مره تنهار نوف كذا .. : ....... نجود خافت يغمى على نوف بعد : نويف لا تبكين لا تبكين . (عارفه انه عشان ناصر بس كيف تسبه عند نجود .. ودها تفهم نوف انه ما يستاهل دموعها ) نوف تبكي وتتكلم : ما شفتي كيف كا يناظر سالم .. ما تعرفونه .. وربي كان منقهر .. الحين ماراح ينام .. عارفه ؟؟ نجود تضمها : نوف اسكتي لحد يسمعك نوف : خليهم يسمعون .. مليت وربي مليت .. هذا ظلم .. بتول : وش فيه سالم ؟؟ ومين هذا الي ماراح ينام ؟؟ ناصر ؟؟ نوف تبكي ......... نجود تأشر لتبوله تسكت نوف تكمل : ناصر ما كان راح يجي .. والله اعرفه ما كان راح يجي .. تدرين ليه جا ؟؟ أكيد عنده سبب .. والا والله ما يجي .. نوف تبكي أكثر لي ما غرق الدمع وجهها : عارفه اني كرهته وعارفه اني عدت احبه زي زمان .. بس مهما كان .. ناصر لحم ودم ليه يعاملونه كنه صنم ليه بتول : ؟؟؟؟؟؟؟؟؟ نجود بصوت عالي : اسكتي نويف اسكتي .. نوف : ماني ساكته .. ناصر ظلمني ايه .. بس انا عارفه ان قلبه طيب .. ناصر اذا احد ضايقه ما يطنش زي سالم وفارس لاا يحطها فقلبه ويسكت ويتحمل نجود : وش له هالكلام الحين ؟؟؟ اهدي نوف اهدي نوف تحط راسها على السرير وتبكي : ...... بتول : بالله نويف وش فيك والله خفت (بكت) نوف تضحك وكنها مجنونه : تبغين تعرفين وش فيني ؟؟ ناصر يا بتول ما عاد ينطق اسمي خلاص هههههههههه نجود : ....... نوف : والله جد اكلمك .. ناصر صرت انا عنده زي اي حاجه رخيصه .. بس .. بس (رجعت تبكي بس بقوه ) بس وربي انه ظلمني .. بتول : بسم الله عليك نوف .. اسكتي خلاص .. والله اذا جا نايف بيزعل نوف بعد ما مسحت دموعها : ما عاد يهمني أحد تبوله .. ناصر وهو ناصر عمل كذا .. الباقي وش بيسوون ؟؟ كنت استغرب حركات خالد .. وحقد دانه .. لكن ليه استغربه ؟؟؟ بالعكس صاروا أرحم من ناصر بكثيييييير (راح صوتها ) .. لا والللي يضحك .. اني سمعت انه تألم كثير لما مرضت وهو اللي وصلني بيده للمستشفى ؟ ليه طيب ليه ؟ بتول : لأنه يحبك يا نوف والله يحبك .. وللحين ينطق اسمك .. انا مادري وش السالفه بس والله كل يوم يسئل عنك .. آخر مره حسيته راح يبكي .. كان مـ نوف تقاطعها وتأشر لها بيدها : أوشششش لا تحكي تبوله .. والله لا اتعبي حالك .. ناصر ما عاد له مكان فقلبي .. نجود بصوت عالي مره : نوف .. ؟؟؟ خلاص عاد .. وربي اذا ما سكتي لأنادي عمي والله .. نوف : خفتي نجود ؟؟ ههههههه على بالك انجنيت صح ؟ ههههههه لا وربي ما انجنيت تطمني .. باقي حبتين (حطت راسها تبغى تنام ) ![رد: أسَأَلك باللي خلق قلبك .. اكرهنـي | روايـة ]|~](http://www.al8maal8maal8maal8maal8maal8maal8maal8ma.net/uploads/100111063020f4c05493.jpg) الله يساعدني على طي ذكراك - ياللي تراودني على ماطرالي سويت قرعة بين وصلك وفرقاك - ورست على فرقاك وألا أنت غالي نجود : نوف نامي ترا انا حلفت .. فجأه سمعوا صوت الباب .. : ...... الكل سكت ما رد . : ...... نايف : افتحي الباب .. نجود واقفه على الباب : هلا نايف ؟ نايف : نجود فيه حاجه ! نجود : لا .. نايف : أكيد ؟ نجود : ايوه ؟ نايف : وش هالصوت هذا ؟ وليه الازعاج ؟ بتول : جالسين نسمع اغاني .. نايف : وليه ما تفتحين الباب .. بتول تأشر لها : قوليله لابسين بجايم نجود بدون تفكير : لابسين بجايم نايف : نعم ؟؟ نجود تمسك راسها ( الله ياخذ هالوجه يا تبوله .. ) : نايف تبغى شي ضروري ؟ نايف : .. تصبحون على خير .. : نجود تناظر تبوله : لابسين بجايم ها .. وش دخل هذي الاجابه بالسؤال .. فشلتيني الله ياخذك بتول : وانا صادقه يعني عيب لابسين شورت مثلا نجود : ما تبغين أحلل له كمان ؟ بتول تناظر بنوف اللي نايمه وحاضنه المخده : المهم نويف وش فيها ؟ نجود تغطيها : بعدين تعرفين .. بس لا تعلمين ناصر بأي حاجه .. فاهمه بتول : أكيد .. / / ياليتني لا بغيت أكره قدرت أكره ما كان قلبي ليا جيت اكرهكـ عيا
|
|
|
|
|
30-07-2010, 07:47 PM
|
رقم المشاركة : 93 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
![رد: أسَأَلك باللي خلق قلبك .. اكرهنـي | روايـة ]|~](http://www9.0zz0.com/2010/01/24/02/178242372.jpg) يا فجر عمري " صباح الحب " وسنينه ... يا رب دايم ~ صباحاتك ~ على كيفك ? يا رب دايم ~ صباحاتك ~ على كيفك ? ...} ![رد: أسَأَلك باللي خلق قلبك .. اكرهنـي | روايـة ]|~](http://www.friendsoflight.com/pp/data/500/Ryiad_at_naitgh.jpg) صبآحك بسـمة يالريآض .. صبآحك خيـر يالريآض .. عشق ٍ ربآ فيني و أنآ توي صغير .. وحبك نمآ معي لين الشبآب .. وفخرنآ بك تعدى موتنآ تحت ترآبك .. / قصـر أبو خالد الساعه 11 الصبآح .. نآيف جآلس يقرا الجريدة .. وبجنبه أم خالد تفطر رتوجـه زي كل يوم .. ونورهـ و ألماس يناظرون اعادة برنامج من سيربح المليون .. أم خالد : لمو اطلعي صحي بنات عمك فواز .. وبتول .. والله صيفوا لمو تبغى تناظر التلفزيون : ماما بنات عمي فواز راحوا الصباح .. بعد ما افطرنا .. ونجيد وتبوله ما ناموا الا الفجر .. ماراح يصحون ام خالد : قولي ماني طالعه وخلاص .. سويتي قصه .. (طلعت تصحيهم ) ام خالد على السلم تناظر بريتا : ريتا اطلعي برا عند الالعاب واجلسي عند محمد .. ريتا : اوكي مدام .. / / جنآح نوف .. ام خالد واقفه على الباب محد فتح لها .. ام خالد : يا نوف ؟؟؟ نوف تسمع بس ماهي قادره توقف : ....... بتول تبعد الفراش عنها .. : لحظه بتول قامت من السرير بالغرفه الثانيه وفتحت الباب .. ام خالد تفتح الستاره .. : وش هالنوم هذا ؟؟؟ بتول : لااااا يا خاله تكفين .. والله ما نمنا .. تغطي وجهها وتكمل نومتها .. نوف : صبآح الخير ماما .. ام خالد : صبآح الورد .. يلا يا بنات .. نجود : انا بدخل الحمام .. لحد يدخل نوف : انا صحيت قبلك نجيد نجود : نويف انتي تقدرين تطلعين برا .. بلييييييييز ابغى آخذ دوش نوف تتثاوب : يلا روحي : : قصـر ابو دآنـة فوآز : وش تبغيني اسوي فيها يعني ؟ أضربها والا اهاوشها وهي اطول مني ؟ ام دانه : مادري .. بس والله جننتني هالبنت .. مادري من طالعه عليه !! فواز : انا اشوف ان من حقها .. هي بنت يا ام دانه .. و انتوا تمنعونها من حفلات وعزايم وطلعات .. وش دخل هذا في الزواج ام دانه : يا بو دانه .. هذا عرف عندنا .. ولأنها اول بناتك انت توك تنتبه .. بس والله هذا الطبيعي .. مشكلة بنتك انها ما تمسكها الارض .. فواز طالع للعمل : المهم .. ان البنت بتزوج وتروح لبيت زوجها .. وتصير تحت مسئوليته أبغاك تفهمينها انها مو فبيت ابوها ولا راح يدلعها زي الدلع اللي تعودت عليه هنا فهميها انها لازم تبيض وجهي .. الله ما عطاني عيال .. وما ابغا احد يتشمت فيني .. ترا بنتك عنيده ام دانه بيأس من بنتها : ابشر .. ابشر : : : غرفة دآنــة .. دانه : ههههههههه حيآتـــــــي .. عبدالله : فديت هالضحكه نجودتي .. عارفه ؟ انتي غيرتي أشياء كثيره بحياتي .. كنت انسان ولما عرفتك صرت انسان ثاني .. دانه مصدقه : مادري وش اقولك .. بس اللي اعرفه اني أحبك مره .. فوق ما تتخيـل عبدالله : كلمة اعشقك شويه عليـك .. ياااااوه يا نجودتي لوما انك مخطوبه كان جيت و خطبتك من ابوك .. وصرتي زوجتي على سنة الله ورسوله .. آه بس دانه بحزن : خلاص حبيبي .. لا تضايقني .. ترا وربي جالسه اجهز للعرس من دون نفس .. عبدالله يتغير صوته : خليني ساكت بس .. احاكيك بعدين (يقال متأثر) دانه : لاتزعل عبودي .. عبدالله : لا لا عادي .. باي دانه بألم : باي دانه فقلبها ( انت من وين طلعت لي يا نايف .. يااي لو كان زوجي عبدالله ؟ كيف راح تكون حياتي ؟ راح تكون أحلى قصة حب في العالم .. ياحبني لك وبــس .. لو تطلب عيوني مستعده اعطيها لك انت بس اطلب) تبــوك المستشفى الدكتور : طيب فيه أحد يعرفه في تبوك ؟ .... : لا يا دكتور .. وهو موصيني محد يدري الدكتور : بلا كلام فاضي الحين تتصل بأهله وتبلغهم .. ... : اعذرني يا دكتور .. هذا طلب خويي و انا وعدته .. الدكتور : انت اللي كنت معه في الحادث ؟ ..... : ايوه الدكتور : اذا انت جد تهتم لأمر صاحبك .. اتصل بأهله وبلغهم .. هذا مو لعب .. هذي مسئولية فيها حياة او موت .. وصدقني اذا صار له اي حاجه راح تكون اول واحد يحاسب قدامنا وقدام ربك ...... : كيف يعني ؟ انا وعدته وهذا طلبه .. له اسبابه الخاصه اللي يمكن تكون أهم من حكيك هذا .. الدكتور : مالي حكي معك .. عن اذنك / / غرفة نوف نجود تزين شعرها قدام المرايه : بنات عازمتكم اليوم .. ! تبوله : وين ؟ نجود : مممممممم في البلوره تبوله : لاااااااا ما ابغى والله طفشت منه نوف : لا لا .. اشتقت للفيصليه .. انا موافقه تبوله : دام نوف اشتاقت لها حتى انا اشتقت لها بتول ماسكه جوالها : محد يرد علي .. وش هذا ؟ نوف : ليه ؟ بتول : ابغى ارجع البيت .. اتكشخ نوف : كل شي هنا ليه تروحين !!! بتول : لا ابغى اروح اخلص واتجهز بعدين اجي .. نجود : ياحبك للمشاوير والتعب .. بتول فتح الخط معها : ألو ؟ ناصر بصوت باين انه نايم : ألـو بتول : ناصر نايم ؟ ناصر : وش شايفه ؟ بتول : نويصر تعال جيبني .. بليز .. ناصر : ليه وينك مدام بتول ؟ بتول : فبيت عمي راشد .. ناصر : سالم وينه ؟ وفارس بتول : والله مايردون علي ؟ ناصر : طيب تنتظرين بس ساعه انام فيها ؟ بتول : لااااا نويصر ابغى البس بطلع نجيد عازمتنا ناصر : اها .. أجيبك وأردك يعني ؟؟ بتول : لا عادي .. ارجع مع السايق ناصر : يلا اجهزي 10 دقايق بالكثير وانا عند الباب .. اذا طولتي بطلع واتركك (تذكر ناصر كيف كان يدور على اي حاجه و أي عذر عشان يروح لبيت خاله راشد .. ! وتذكر نوف وكيف ما يناظرون فبعض ألحين ! تركت فراغ كبير فحياته وغيابها غير اشياء كثيره فيه ) ![رد: أسَأَلك باللي خلق قلبك .. اكرهنـي | روايـة ]|~](http://www.al8maal8maal8maal8maal8maal8maal8maal8ma.net/uploads/1001050831008d524811.jpg) "ساعات" أحِسْ إن الزمن في غيبتـه كلـه (غيـاب) و "ساعات" أمِل مْن الغيـاب فهالزمـن (واستحقـره ) بتول : اوكي .. ماراح أتأخر صدقنـــــــي .. نوف بربكه : يلا بنات ننزل .. ما افطرنا .. نجيد : لا تفطرون بنطلع نتغدا .. وش هذا ؟؟؟ نوف : على الاقل خفايف .. لو نتغدا متأخر عادي .. يلا امشوا نجيد تدوووور : طيب عدل شكلي ؟ بتول : وانا وانا ؟؟ نوف تناظر فيهم : الحمد لله والشكر ؟ ليه وش فيكم ؟؟ نجيد تسبقهم : ولا شي .. بتول سحبت عبايتها وشنطتها وطلعت نوف نزلت وراهم .. الكل جالس تحت نوف جالسه بجنب نجود اللي تناظر كيف نايف يقرا الجريده بطريقه غريبه !! نايف بعد ما رد السلام على البنات .. رفع الجريده وجلس يقراها من جديد مع انه قرى أخبارها ،، وده يجي يوم و نجيد تحكياي حاجه .. ان شاءالله تتهاوش معه .. تظلمه .. تصايح .. تبكي .. اي حاجه .. وده انها تحكي قبل لا يندم وتندم بعدين تكفين نجيد تكلمي .. ردي علي .. اعرف عندك حكي كثير .. بس ليه انا اللي دايم ابدأ .. وتحسسيني اني ثقيل عليك ؟ عشانها اختك وماتبغين تخسرينها ؟؟ طيب وانا ؟؟ .. حتى انا ما ابغى اخونها . .. بس تكلمي انطقي .. قل اي شي ياصاحبي .. تراه خير من السكوت اخـاف دنيانـــا تمر يا صاح .. واحنا ساكتيــــن حتى ولو في خاطرك كلام يجرحني وامــــوت ؟ قل لايهمـــك ../ كلنا عند النهــــــايه ..ميتيـــن
|
|
|
|
|
30-07-2010, 07:48 PM
|
رقم المشاركة : 94 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
نجيد تقول لنوف بصوت هادي : ياي نوف أحس فيه حياة بيتكم .. ماشاءالله نوف : هههههههه وش فيه زود ؟ نجيد : لا بس حنا ما نتجمع الا اذا جا ابوي .. فاهمه نوف : اها .. ويمكن لأن القصر فيه بزارين .. نايف ينزل الجريده : أنا اشوف القصر منور ؟ نجيد وتبوله فيه ! نجيد وبتول يبتسمون .. يعني مستحيات .. لمو تناظرهم ببلاهه : يعني خجولات ؟؟؟ الله يرحم أول .. ترا نايف يعرفكم نايف : هههه ياويلك لمو منهم .. ناظري عيونهم .. ! بتول بقوه : ليه نستحي من نايف ؟ اصلا زي أخواني .. عادي .. بس انتي شكلك ما افطرتي كويس الماس تكمل البرنامج : لا يكثر بس .. بتول : اي بنات ترا بعد غدا نجيد .. عازمتكم فالقصر على فلم هندي نايف : هههههههههههه على طاري هذا .. بسئلكم .. ألحين انتوا اتابعون جد افلام هنديه ؟؟ بتول : ايوه ليه مستغرب ! نايف : يعني كيف تتقبلون القصه ؟ ذاك اليوم واحد من اخوياي يقول ان فيه لقطه يطيح البطل من هليكوبتر وينزل على رجوله نوره : والله ما جت على كذا .. والله اني اشوفه بالتلفزيون يسحب الطياره اللي رابطها بحبل بفمه والله يا إني انصدمت !!! نجود : هههههههههه لا مو كذا عاد نايف يناظرها .. ما صدق تنطق : أجل كيف ؟ نجود نست حالها بس حاولت تكلمه عادي مع انه واضح عليها التوتر : يعني هذا صديقك يبالغ شوي .. فيه لقطات مبالغ فيها بس مو كذا بتول : الا والله فيه نجيد انا شايفته شاروخ خان طاح من طياره ونزل سليم .. اصحى مني ومنك نايف : شفتي ؟؟؟ ههههه نجيد : لا اللي اذكره وللحين منصدمه منه .. ان البطل صوبوه بـ 6 طلقات بقلبه .. وطاح .. ثانيتين وصحى و قام يضرب ويهاوش .. وووو بس .. نوف ناقده عليها : وبس ؟ نجيد : ههههههههه وبس نايف : اما عاد هههههههههههه نجيد : وربي .. نوف : عاد كملتيه ؟ نجود : ها ؟ نوف : كملتيه ؟ نجود باحراج : ايوه ههههه نايف : هههههههههههه .. أجل لا تلومونهم .. انتوا عاجبكم الوضع نجود : لا بس شكلي كنت فاضيه .. بتول داخله عرض : اقول نايف .. وش رايك بشاروخ خان ؟ نايف بجديه : مين هذا ؟ هندي ؟ بتول بصدمه : فيه أحد ما يعرفه ؟؟؟؟؟ نوف : إلا نايف تعرفه .. تذكر في دبي لما جا وافتتح محل ساعات ؟؟ كان مره زحمه المول !! نايف يحاول يتذكر : مممممممم ما اذكر بتول : بس ما شفتوه صح نوف : اكيد لا .. معك خالد .. يكره شي اسمه زحمه بتول : والله لو منك .. ما اطلع .. (نست حالها) نايف يناظرها مره عطيتها وجه : جد ؟ بتول : ......... نوف : ههههههههه أحسن بتول بتهرب : ناصر برا يلا باي نايف : لحظه لحظه ناصر برا ؟؟؟ بتول : ايوه ومستعجل نايف : أقول اجلسي بس .. نايف يتصل بناصر : يا صباح الورد والله ناصر : صباحك خير نايف : هلا ناصر .. وراك ما تنزل تشرب لك فنجال قهوه ؟ مزاعلنا ؟؟ ناصر : ما عليه والله مستعجل .. وتبوله تبغاني أرجعها هنا .. نايف : طيب انزل شوي .. حتى انا ابغى اطلع للمكتب .. انتظر ونطلع سوى نوف تناظر بنجود يعني وش أسوي ؟؟ نجود تأشر لها بيدها يعني طنشي واجلسي .. تبغى تختبرها هي جد بيأثر فيها والا لا ؟؟؟ بتول : يووووه عاد والله راح اتأخر .. الله يسامحك نايف .. نايف : ما عليه .. ما تبغين اخوك يرتاح له شوي .. بتول : البيت بجنب البيت .. وش يرتاح منه ناصر بوسط صدمته : السلام ! (نزل راسه ليما وصل نايف وسلم عليه وجلس ) بتول & نايف & نجود & نوره : وعليكم السلام نوف ساكته ! ومركزه بالبرنامج مره مره مره .. نايف : وش هالحب لأختك قايم من عز نومك وجاي تاخذها ناصر بعيونه اللي باين فيها الحزن والانكسار .. (والله يا نايف لو تعرف السبب تنصدم وتنقد علي وانا اخوك .. نوف هبلت فيني ) : تستاهل تبولتي .. وعندي اغلى منها ؟؟ بتول : ههههههه فديتك كلك نوف تعض على شفايفها من داخل .. ما تتحمل تسمع صوته : ........ جلس يسولف نايف والكل كان منتبه معاه .. الا نوف .. كانت تناظر بالتلفزيون .. طلعت دعايه عاديه .. يعني الطبيعي تلتفت لهم .. تعبرهم .. لكن ما فيه !! عيونها على الشاشه واذنها معهم .. ! ناصر ماسك الفنجال .. ويناظر بنوف بطرف عينه عشان ما يبن لهم حاجه .. ويعني منتبه مع نايف وسوالفه .. وحكي الماس وتبوله و و و ناصر ( آه يا نوف لو أجي وأفتح قلبك و أدخل مخك واعرف وش جالسه تفكرين فيه !! أبصم بالعشره انك ما تدرين وش تناظرين في التلفزيون لكن عشان ما تناظريني .. ! لكن ما الومك انا لو مكانك عملت كذا .. الله يسامح اللي كان السبب .. والله يسامحك معه ) رغم هذا الحزن فيني عليّ الحرام أذكرك ، وأدعي : ياجعلي مـآ ذوق زْعلك فات ما فات من جرح وعتاب وملام ومدري أهملتني ؟ ولا القدر مـا مهلك ! تبوله تناظر بالساعه اللي على الجدار : نونو .. يلاااا بليز .. وربي تأخرت ما صارت غدا .. ناصر من اول ما دخل وهو على غير عادته .. هادي مره .. : يلا امشي .. (وقف) بتول تناظره باستغراب وتناظر بنايف وكنها تسأله هذا علامه .. !! نوف هنا بدون ما تحس لفت راسها بسرعه تبغى تناظره .. ودها تقوله اجلس ما امداك .. ودها تقول حق بتول أخريه حبتين .. الجلسه معه ما تنمل .. ودها تسمع ضحكته .. اللي لو سمعها الزعلان .. ضحك بسببها .. وين ناصر ؟؟ وين خذيته انت ؟؟ ومتى بترجعه ؟؟ عارفه انه ما بيرجع .. عارفه اول ما ناظرته .. كان هو زمان يناظرها بدون لأحد يحس .. التقت عيونهم .. وكان موقف نوف محرج بالنسبه لها .. لأنه شافها .. ما قدر يبعد عيونه .. أما نوف .. أبعدتها .. بس ما ابعدتها لأنها كرهته والا ما عادت تطيقه والا لأنه حاله حال اي حاجه فهالقصر .. لأ .. ابعدت عينها لأنها ما تبغاه يشوف الضعف اللي بعينها .. ما تبغاه يشوف الحزن اللي تركه فيها بعد ماراح .. ما تبغاه يشوف صورته فعينها .. ناصر فقلبه ( هذا هو صار الفراق يا نويف .. هذا هو صار اللي كنا خايفين منه أول .. كنا نحسبه الموت .. الموت بس اللي راح يفرقنا .. وللأسف تفرقنا مبكر .. تفرقنا .. وحنا الحب للحين يعيش بقلوبنا .. ! نكذب على بعض .. ونحاول نتناسى بعض .. وانتي اكثر وحده تكابر .. رحتي من يدي وانا ما حسيت بك ) * حلــوه عـذاريــبــك وحلــوه مـزايــــاك .::. حتى بـ يــوم فـــراقـنــا كــنـت هـادي * طلع ناصر مع بتول .. وقآم نايف بعدهم بـ 5 دقايق .. لغرفته عشان يلبس ..
|
|
|
|
|
30-07-2010, 07:48 PM
|
رقم المشاركة : 95 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/ ![رد: أسَأَلك باللي خلق قلبك .. اكرهنـي | روايـة ]|~](http://alajman.net/up/uploads/99c3436c5b.gif) احيان فيني شيء يصعب على البوح .................. واحيان فيني بـوح يكسـر سكوتـي اكبر خطا لاصرت مجموعة جـروح ...................اول احاسيسـي تباشـيـر مـوتـي نجود : انتي اللي عملتي هالفكره عن نفسك .. من مزاجك .. والا كلنا نقدر نتحكم بأنفسنا نوف : ايه صح .. زي ما انتي تقدرين تتحكمين بمشاعرك مع نايف .. صح برافو عليك نجيد نجود تناظرها : انا غير وانتي غير نوف : ليه ؟ وش غير فيه ؟؟ لأن نايف يستاهل دموعك وناصر لا ؟؟ واللي يقولك ان ولا واحد يستاهل هالدموع ؟؟ واللي يقولك ان انا وانتي نكذب على بعض !! نجود : نوف حتى لو كنت انا ضعيفه ما ابغاك تصيري زيي .. نوف انتي كنتي قويه .. وكنتي اكثر وحده تاخذ قراراتها صح .. هذا كله وين راح ؟؟ نوف انا عمري ما شفتك منهاره زي كذا وربي ما احب اشوفك كذا .. صايره كل ما اذكر وجهك .. اذكره بدموووووووع وبكي .. وين ضحكتك ؟؟؟
|
|
|
|
|
30-07-2010, 07:49 PM
|
رقم المشاركة : 96 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
نوف : هههههههه نجيد .. انتي تحسين كذا بس انا ما كنت ولا عمري راح اكون قويه ..
انا الهوا يطيرني . . ! ناصر كان معي طول حياتي وكان هو مصدر القوه بالنسبه لي .. الكل كان يعتقد اني قويه بس الحقيقه ان ناصر هو اللي كان مخليني قويه .. والله ناصر ولا احد غيره .. والدليل ناظري فيني الحين .. !! (طلعت فوق واتركتها ) نجود ماهي قادره تتحمل .. حرام تشوف نوف مظلومه ولا قادره تسوي حاجه لها .. تخاف تروح لناصر وتقوله الحقيقه وما يصدقها .. وتخسر نوف !! الله يعينك على عنادك يا نويف .. محد موديك بداهيه الا هو .. !! / / في الشــــركــة الجد سامي بصوت عالي : ألحين تجيبولي مسعود الكلب .. خالد : من وين نجيبه ؟؟ الرجال اختفى .. محد يدري وينه !! فواز ماسك الجوال : الأكيد انه ماهو طالع من السعوديه .. انا رايح أجيبه .. خالد بعد ما طلع عمه : هههههههه هذا وجهي اذا لقاه .. الكلب النذل .. سالم بعصبيه : انت السبب يا خالد .. نايف علمك ان مسعود ملفه أسود .. وقالك ان ماراح يجي منه الا المصايب بس انت دخلته خالد : اسكت انت . مالك دخل .. انا جبته ايه بس ماهو انا اللي خليته سكرتير جدك الأميـن الجد سامي بصوت عالي وهو يحذف الملف اللي قدامه : بتتهاوشون اطلعوا برا .. بتجلسون زي الرياجيل اجلسوا ساكتين .. خالد يضغط على سنونه : .......... سالم بهدوء : ابشر .. ابو خالد على الكرسي المتحرك : انا اقول تذكرون الله .. كل مشكله ولها حل .. اتصلوا بنايف خلوه يجي .. خالد حاط يده على خده : وش بيسوي نايف يعني ؟؟ سالم يتمصخـر : اللي ماسويته انت خالد يناظره وهو رافع حاجبه : عل صوتك لو رجال .. الجد سامي : بسسسسسسسسسسسسسسسسسس .. !! اسكتوا .. لو جايب سعد ومحمد ازين الجد سامي يكمل : اتصل فيه يا راشد الموظفين برا .. منصدمين .. ما يدرون وش السالفه وليه كل هالصياح .. !! : : نايف نازل الصاله وهو كاشخ : السلام عليكم نجود جالسه لحالها : وعليكم السلام نايف يناظرها وباين عليها الزعل بس مايدري ليه !! ![رد: أسَأَلك باللي خلق قلبك .. اكرهنـي | روايـة ]|~](http://mnab33up.com/upfiles/51418535.gif) أنآ لآ شفتك بـ [ ضيقَه ] أحس إنيّ أنآ الغلطآان ! أعآاتب نفسيّ بـ نفسي ~ ولَو [ مآكنتَ ] أنآ الجَاني نايف قدام المرايه ووده لو يجلس طول عمره قدامها : وش فيك ماده بوزك شبرين !! لأنك راح تدفعين فلوس بالعزيمه ؟ نجود كانت معصبه : ههههههههههههه نايف : ههه نجود بتردد : نايف جوالك يدق أكثر من مره نايف يقرب عندها : يمكن أحمد . تأخرت مره اليوم .. نجود فقلبها لا تقرب مو بعندي الجوال وش أبغى فيه : ...... نايف يناظرها وكنه يقول عطيني الجوال : ....... نجود : لا ماهو عندي .. بمكانه .. بس اقصد صوته نايف يبتسم بقوه : اها .. ( رفع الجوال ) (وباستغراب قال ) هذا ابوي ؟؟ 6 مكالمات !!! نايف اتصل : هلا بالغالي .. ابو خالد : هلا فيك نايف .. بالمكتب نايف يناظر نجود : لا في البيت .. فيه شي ؟؟؟ ابو خالد واضح بصوته الـتعب : لا بس نبغاك في الشركه شوي .. نايف : وش فيه يبه . . ؟ جدي فيه شي ؟ نجود تناظر بخوف ابو خالد : لا ان شاءالله .. بس حنا نبغاك شوي بأمور الميزانيه وكذا .. نايف : اها .. يلا جاي جاي .. سلآم نايف : تامرين بشي نجيد .. نجود ارتاحت لما عرفت انه مافيه حاجه .. بابتسامه : سلامتك .. نايف : فمآن الله نجود : باااي تدري متى تخنقني العبره واحس اني وحيد لاقلت تامرنـي بشـي وقلتلـك سلامتـك / / قصر الـعم سلمآن .. سآره أم سآلم : تبوله .. ترا راح اطلع اليوم .. ! بتول تزين شعرها بعد ما خذت دوش : وين ماما ؟؟ سآره : غآليـة والبنات عاملين استقبال حق فايزة وانا معزومه ؟ تجين معي ؟ بتول ردت بسرعه : لااااا ماما روحي انبسطي لحالك وش يجلسني عندكم ؟ رحت مره وحرمت اروح .. تووووووووبه والنبي ساره باستغراب : والله ان الجلسه حلوه .. وتجيب العافية بس انتي زي بنات خوالك ما تحبين الاختلاط .. بتول : ماما بس مو زي كذا .. الاعتدال يمدحوووونه .. ساره : ليه وحنا وشو ؟ بتول : ماما هناك أحس عازمين نصف الرياض .. بعدين كلهم يسئلون واحس انهم مو شي .. مغرورات مره ساره : عاد هم حبوك كثير وكل مره يسألون عنك بتول : خلصت من شعرها : وانا كمان حبيتهم .. مرررررررررررررررررررررررررررررررررره ساره تضحك من داخل على بنتها و هبالها .. وتعليقها .. وطريقة حكيها .. بتول ترجع لأمها مره ثانيه : ماما ترى بعد الغدا عازمه البنات هنا على فلم هندي .. ساره : حلـو .. نوف معهم ؟ بتول تناظر بأمها : شمعنى نوف ؟ ساره : أسئل عادي بتول : اول مره تركزين على نوف !! أكيد بتجي فيها كلام هذي بعد !! ساره تلوي فمها بمعنى الله أعلم !! بتـول حطت هالسؤال فبالها وراح تسأله نوف وتشوف .. وش تقول !!
|
|
|
|
|
30-07-2010, 07:50 PM
|
رقم المشاركة : 97 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
//
// قصـر فوآز نجود بغرفة الهنوف : ها آخر كلام !! الهنوف : وين قاعده حضرتك ! سوق غنم ! نجود مستعجله : تكلمي ماراح تجون ! الهنوف تمسك راسها : مليون مره اقولك .. عندنا اختبااااااااااااااااااااااار اختبااااااااااااااااااااااااااااار يوه نجود : والله انك ما تستحين جالسه اترجاك عشان سواد عيونك يعني ؟ والا جلستك الحلوه ؟ انا ابغاك تطلعين تنبسطين معنا العنود داخله بينهم : فوفا امشي نطلع بلا حركات يالدافوره .. كلها كم ساعه وجايين الهنوف وكنها محتقره العنود : هييييييييي انتي وش فيك بسرعه تغيرين رايك ؟ لهالدرجه مشفوحه على التمشيه ؟ العنود بصوت خفيف ما ينسمع : هذا اذا كان عندي راي الهنوف : كيف ؟ العنود اخذت كتابها وطلعت : ولا حاجه .. اففففففففف نجود : دودا ما عليك منها تبغين تجين تعالي .. هذا اللي ناقص بعد تتحكمين فيها الهنوف : والله حبيبتي ما تحكمت فيها .. هذي هي قدامك اطلعي كلميها .. نجود : أجل ليه تستأذن منك ؟ الهنوف منسدحه و تلعب بقلم الرصاص : لأنها حاسه بتأنيب ضمير .. الامتحان يخوووووف .. وما درسنا حاجه .. امس سهرانين واليوم نصه نايمين .. ! دانه : وش في صوتكم ؟ نجود : لا بس أسئلهم اذا يبغون يجون معي والا لا ؟؟ دانه : وين ؟ نجود : الفيصلية دانه : وع .. المفروض يسمونها النووووووووفانيه نجود : تكرهينها لأن نوف تحبها .. وش هالعقد اللي فيك .. متى تصحين انتي دانه : ههههههه المهم .. ما عزمتيني ؟ نجود باحترام : ما يبغالك عزيمه .. انتي الكبيره دانه .. دانه تمسك خدها : ههههههههه طول عمرك ذووووق (طلعت من الغرفه) نجود تطلع وراها بالممر : تجين ؟ دانه : نو حياتي .. انا عروس وراي شغل هههههههه مو لابق صح ؟ نجود ( وربي يا دانه كل يوم ادعي اني أنساه وان الله يوفقه معاك .. والله يا دانه اني أحبك أكثر من نفسي واتمنى لك حياه احلى من حياتي .. وربي وربي ان فوق كل هذا كله اعشقك بس أبغى أسئلك ليه تتعمدين تجرحيني ليه ؟ ) : بالعكس لابق عليك .. الله يوفقك دانه تناظرها بابتسامه : .......... نجود تركتها ونزلت على السلم تركض وتغني .. يعني عاااااااااااااااادي .. دانه تناظرها من فوق .. : جد مجنونه / / نـزلـت بتــوول وادخلت قصـر العم رااااشد .. ،، ناصر قبل لا يروح للمجلس عند بيت سامي اللي مواعده يتقهوى عنده .. حب ينزل شوي بالحديقه اللي قدام بيت جده وخواله .. ما يدري ليه .. لقى حاله بمكانه الخاص بمكانه اللي يحبه .. بمكانه اللي ما يبيعه بملايين الريالات .. ( وده يحكي مه هالطاوله ويقول لها : والله ان لك معزه كبيره .. أنسى انك جماد .. أحسك تشتاقين لي وتشتاقين لنوف .. أحسك بالفتره الاخيـره فاقدتنا مره .. وياما راح تفقدينا أكثر .. اعرف انها تجلس هنا بالساعات لوحدها .. واعرف انها لما تجي عندك تبكي والله اعرف .. واعرف انها لما تقرى الحكي اللي مكتوب عليك تضحك بس تنزل دموعها . اعرف .. بس وش اسوي ؟ حاولت أنسى بس والله ماني قادر انسى انها كانت بيوم من الايام بالمزرعه لوحدها مع الكلب .. ! وحتى لو أنسى هي ماراح تنسى ! نويف وأعرفها .. ) بنفس المكان لكني هالمره وحيد أبكي ألم وأقـول ليتك معايا بنفس المكـــــان وما معي غير القصيد أكتب عسى في يــوم تسمع ندايا شف هالمكان دايم أجـــي له وأنا سعيد عل وعسى ألقاك صــدفه ورايا نجــود وهي طالعه من القصــر .. ناظرت ناصر من بعيد .. جالس على طرف الطاوله .. ورجله على الكرسي .. ومنزل راسه يقرى حاجه .. نجود (توقيتي مره غلط .. ألحين ينحرج لما يشوفني هنا .. يارب ما يحس فيني .. ) مرت من عند خلفه وكنها ما شافته .. رفع راسه ناصر .. وناظرها .. من بعيد فيها من نوف كثير .. بس لما ركز .. عرف انها ماهي نوف بسرعه .. ناصر بصوته العادي : كيفك نجود ؟ نجود ودها تبكي لما تشوفه .. تحسه ظالم ومظلوم بنفس الوقت : تمام .. أخبارك ناصر ؟ ناصر يتنهد بهدوء ويبتسم لها على طلعة نوف والبنات من القصـر : الحمد لله تمام .. (التفت لجهتهم ووقف من مكانه و راح لسيارته بخطوات متزنه بطيئه .. يمشي ويلعب بمسباحه ولا التفت لهم ) نجود كانت تبغى تدخل القصر بس خلاص البنات طلعوا .. نزلو البنات من الدرج الصغير .. بس نوف ظلت واقفه .. وظلت تناظر بناصر من اول ما شافته ليما ركب جيبه البنات انتبهوا لها بس ركبوا مع السايق .. واتركوها .. نوف قلبها يبكي .. وجسمها يرتجف .. تحاول تبعد الشعر عن عينها ( ملامحك يا ناصر كل ما لها تتغيـر .. هدوءك كل ما يزيد يقتلني .. يارب رجعه لطبيعته اذا مو عشاني عشان امه .. مالها ذنب ) نوف اول ما طلع بسيارته .. نزلت وركبت بجنب نجود .. نجود تمسك يدها .. باااااااااارده مره .. والجو عاااااادي .. نوف تزين شيلتها تحاول تخفي توترها وعشان ما تعطي احد مجال يناقشها : ..... نجود تغير الموضوع : زين جيتي لمو .. احسبك تدرسين بعد الماس طالعه تجنن : ليه قالولك فوفا والا دودا .. يامامي خواتك ما يدرون انهم ناجحين ناجحين !! تبوله : يعني ما تعرفينهم ؟؟ لاااااا للواااااااااسطه .. نجود : اسكتوا بس خلونا ننبسط .. وش عليك نويف .. رايحه الفيصليه .. ههههههه بتول بتفكير : أموت اعرف وش اللي مخلي هالمكان احلى حاجه عندك ؟؟ الماس : وربي نفس سؤالي .. لو تقوليلها تروحي النمسا .. سويسرا .. والا الفيصليه .. تقولك : تقلد صوت نوف بنعومه : ( لا شووووووور الفيصليه ) بتول & نجود : هههههههه نوف تناظرهم وتبتسم .. لو جات من غيرك ، ترى كان هانت أما تجي منك يآ هي قويّه !! .. كذبت فيك احساسي و ناس قالت ما كنت أصدق أن حبك خطيه !.. يآ هي قويّه ........... يآ هي قويّه ................... يآ هي قويّه .............................. يآ هي قويّه : : الشركــة الساعه 3 الـعصـر لاتقول تايه وأنا لك عضد .." وسناد " .. وشلون أتجاهل قرآبــة نورت لي حياتي ..! ؟ نايف بتفكيــر : وانتوا من كل عقلكم .. تتوقعون مسعود هرب .. بس لأنه سرب معلومات تخص البورصه و اسهم الشركه .. ومشاريعها الكبيره ؟ الجد سامي : أجل ايش ؟ العم راشد : فيه حاجه ثانيه ؟ نايف : هههه أكيد فيه .. ومحد راح يجاوب على هالسئوال الا جدي ؟؟ الجد سامي يتذكر : ممممممم مثل ايش يعني ؟ نايف :أي حاجه .. امانات ممممممم مستندات خاصه بمدير الماليه ... مممم شيكات موقعه مممم يعني حاجات كذا ؟؟؟؟ الجد سامي تذكر : ايوه .. ايوه نايف باهتمام : ؟؟؟؟؟ الجد سامي : مسعود عنده الاوراق اللي اسست الشركه .. وعنده ملفات اسعارنا أول والحين .. و و (يتذكر) سالم : وايش ؟ الجد سامي يناظر بـ خالد : و هذا وش اسمه ؟ خالد بصدمه : رقم تعاطي البورصه السري !! الجد سامي بخيبة امل : ايوه سالم باستغراب شديد ونسى انه يحاكي جده : انت معلمه بالرقم ؟ نايف بهدوء: سالم الموضوع صار وانتهى .. ألحين انكشفت اوراقه كلها .. و مسألة انهم يطلعونه من تحت الارض هذي سهله .. ولازم تذكرون انه مو من حق أي أحد يحاسب الثاني .. الكل غلطان .. فواز دخل : حاكيت العميد وقال انه وكَل أكثر من دورية ،، وراح يجيبونه بغضون 24 ساعه بالكثير الجد سامي : آه بس لو امسكه والله لا اقطعه باسناني .. الخااااين نايف ساكت بس يقول فقلبه ( اللي ما يطيع يضيع ) : ...... العم راشد : طيب والعمل ألحين ؟ فواز بتردد : نادوا على هذا تركي .. اقصد ابو تركي .. الجد سامي : لا .. انسوا امره هذا .. لحد يحكي فيه .. (يقول فقلبه .. كلمته زمان ومارضى يجي معي الحين اذا رحت له يقول جا بعد ما طاح وغرق ) نايف بجرأه : ومافيها شي لو استعنى بخبرته .. اللي عرفته انه انسان ذكي و طلع الشركه اكثر من مره من نكباتها .. ما اشوف فيها حاجه صراحه الجد سامي يفكر بحكي نايف .. ! ~ياعيال آدم وحوّا تراها ماتدووووم دورة الاياااام لابـــدّها لا بـــــدّها ~ خالد بنرفزه : نقدر نحلها بدونه .. ما حنت من اللي ننذل او ننهان .. مشكله حالها حال اي مشكله جات الشركه نايف : اللي تحكي عنه هذا .. زوج عمتك .. وبحسبة عمك .. هدي يا خالد .. خالد يحرك يده بمعنى رووووح يا شيخ نايف : ابغى اطلب منكم طلب كلكم .. ماهي نصيحه لأنكم ما تحتاجونها مني .. اعتبروها هديه لانها راح تفيدنا نايف يكمل : عمي فواز يدخل ويطلع وهو معصب .. جدي اسمع صوته من اول ما دخلت الشركه تحت .. أبوي باين عليه الزعل والعصبيه .. كل هذا ماهو فمصلحتنا اذا عرفت الصحافه اي خبر يخص الموضوع والله راح تتدهور أمورنا اكثر واكثر .. لأن فيه شركات ماهي عارفه بمشكلتنا وللحين يتعاملون معنا طبيعي .. لا تخلون حد يحس خلونا نحاول نضبط اعصابنا وما نبين لأي شخص بالشركه عن هالمشكله لأنه ماراح يفيدنا بس يمكن يضرنا .. ما نبغى ننطعن من شخص ثاني .. كافي مسعود .. الجد سامي : كلامك عين العقل يا نايف .. ياليت الكل ينفذ كلامه .. الشغل يمشي زيه زي كل يوم .. لين ما نلقى حل ..
|
|
|
|
|
30-07-2010, 07:50 PM
|
رقم المشاركة : 98 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
|
|
|
|
|
30-07-2010, 07:50 PM
|
رقم المشاركة : 99 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
![رد: أسَأَلك باللي خلق قلبك .. اكرهنـي | روايـة ]|~](http://www.w3a4.com/up/uploads/images/w3a4-e89ec36c77.gif) هَيهِاتْ لوِ تَدِرِيْ عنَ الحَالِ هَيهاتْ.............. ..............قَلِبَنِ جرِيحِ وَضحِكَتنْ مسَتعِارَه !! قصـ{ــر العم سلمآن .. ارجعوا من المول .. و انزلوا البنات من السيارهـ .. وادخلوا القصـر .. بتول ترمي عبايتها على الكنب : بس جد كنت بزعل منك لو ما جيتي نوف بيأس : كلن زعل مني بتول .. انا الغلطانه فكل حاجه بتول باستغراب : نوف حبيبتي انت محد يقدر يزعل منك اكيد فاهمتهم غلط نوف بضحكة استهزاء : ايوه صح نجود تهدي : بتول انتي عارفه ان نوف تدور الوقت اللي تجي فيه هنا وتجلس معك .. بس هي شوي متضايقه لمو : اي والله صادقه نجيد بتول بزعل : أجل ليه قالت ماني جايه .. ليما اقنعتيها انتي ؟ وقلتلها انا ان محد من اخواني فيه ! نوف جلست على اقرب كرسي من التعب : خلاص بنات .. نجود بابتسامه : امك فيه ؟ بتول : لا نجود : وش اسمه ولد جيرانكم المزيوووون ؟ بتول : اي واحد ؟ كثير هههههه نجود : لاااااا .. صديق سالم ابو صوت يخقق بتول : فيصل نجود : تعرفي رقم بيتهم ؟ بتول باستغراب : ايوه أكيد .. نوف : وش ناويه عليه نجيد نجود تناظر بنوف : الحين اقولك .. روحي جيبيه تبوله بتول طلعت الصاله الثانيه تجيبه من دفتر الارقام والعناوين نجود : من كثر ما تسولف فيه تبوله أبغى اسمع صوته نوف : يا هبله وربي لو يدري سالم والا أحد ليقتلك .. نجود : ماراح يدرون .. مجنونه انتي ؟؟ نوف : وش بتقوليله ؟؟ لا نجيد تكفين بلا هبالك بتول جت : هذا هو نجود : أكيد ؟؟ بتول : ايوه .. نجود : واسمه فيصل أكيد ؟ بتول : ايوه نجيد .. يوووووه .. وش بتسوين طيب ؟ نجود : مادري بس أبغى اسمعه يقول ألو وبسكر الجوال بسرعه بتول : ههههههه عادي نوف : وربي انكم بايعاتها .. نجيد حنا اتفقنا على فلم .. مو على كذا .. نجود تتربع على الكنبه : تبوله عطيني جوالي من الشنطه بتول مبسوطه راحت تجيبه وهي تركض : اخذي نجود تضغط رقمهم وتحط الجوال على اذنها : يارب يكون فيه رد عليها صوت ولد بعمر الـ 15 تقريبا : ألو ؟ نجود تحسبه هو .. غيرت صوتها لصوت هنديه : هلووو ؟ الولد : مين ؟ نجود : مستر فاااايصل هير ؟؟ الولد : وشو ؟ فيصل !! نجود : يس بتول : ههههههههههههههههههههههههههه نجود تضربها بيدها : كوكلي بليز الولد طلع ينادي فيصل اللي جاي وهو مستغرب : هنديه تبغاني أنا ؟؟؟ الولد : ايوه مسك السماعه فيصل وبخامة الصوت النادره : ألـو ؟ نجود تنحت : ....... السبيكر مفتوح والكل يسمع نوف ماسكه ضحكتها .. بتول تأشر لها احكي : ...... نجود بخوف : هلووووووو فيصل : هلا ؟ نعم ؟ نجود :مستر فيصل ؟ فيصل : خير ؟ نجود عجزت تمسك ضحكتها : ........ فيصل : ألوووووووووووووووووووووووو نجود فقلبها يا ويلي لو اضحك والله ما يتركنا .. مسكت نفسها : يو آر فيصل ؟ فيصل طفش : منو الحمار اللي معطيك الجوال ؟؟؟؟ سكر الخط بتول & نجود & نوف : ههههههههههههههههههههههههههههههههههههه بتول : وهـ فديت ولد حارتنا نجود : هههههههه هذا شكله يتنفس العصبيه .. عايش عليها نوف : طيب وبعدين ؟ وش استفدتي نجود : نجيد لا تحسسيني ان عمرك 50 سنه ؟ ادري لابق لك هههههه بس كذا كان ودي اسمعه بتول : عاد وش رايك ؟ نجود : مممممم تقدرين تقولين أحلى صوت رجال مر علي نوف ناقده عليهم : كمان ؟؟ مصنفتهم مس نجود ؟ ونايف وين ترتيبه طيب ؟ نجود بتفكير : ممممممممم نايف أعذبهم .. و أرقآهم .. و نوف : بس بس اسكتي .. تبوله يلا خلينا نشوف الفلم يبيله سااااعات على ما يخلص .. ونجيد اذا حكت عن نايف ما تسكت نجود تضربها بالكوشيه : وجع نوووووووويف
|
|
|
|
|
30-07-2010, 07:52 PM
|
رقم المشاركة : 100 |
|
مشرفة داري يؤثثها اختياري وMobily وشاشة عرض
|
رد: أسَأَلك باللي خلق قلبك .. اكرهنـي | روايـة ]|~
/
: مجلس سآمي على العشا اللي كساه الهم ، و الضيق جوّه .. بالله يا ( سآمي ) قلّه وش الحل .. ! قام ناصر : كثر خيرك سامي : عافية .. ما كليت شي . ناصر : لا والله شبعت .. يامال العافية .. سامي يغسل يده بجنب ناصر : يعافيك .. اقول ناصر .. ناصر : تبغى نطلع نشم هوى ؟ ناصر بتعب : مره ثانيه ان شاءالله .. عساي بس اقدر اوصل القصر .. دايخ يا سامي .. على كثر ما انام احس ما اشبع سامي : هذا من الارق .. والتعب .. ناصر : الله يعين يا بن الحلال .. عندك شي بكره ! سامي : مممممم عندي قضية الصباح .. ناصر : خلاص اذا فضيت اتصل فيني .. عشان نشوف مكان نطلع فيه .. سامي : ابشــر .. ناصر : يلا تامرني بشي سامي : اجلس تقهوى .. خلنا نكمل اللعب ناصر : مره ثانيه ان شاءالله .. فمآن الله سامي : فمان الكريم / / قـ}ــصر الجد سامي الجده سلمى تقص الفاكهه .. والجد سامي يحكي بالجوال الجد سامي ما حكى لزوجته حاجه عن مشاكل الشركه اللي فيها مكفيها .. قصت له الفاكهه ورفض ياكلها على غير عاده سكر الجوال الجد سامي وتنهد بقوه .. سلمى : عسى ما شر يا بو راشد ؟ سامي : ولا حاجه .. انا طالع انام .. سلمى اتصلت بولدها فواز : ألو ؟ فواز : هلا بالغالية سلمى : كيف حالك ؟ فواز : الحمد لله بخير انتي وشلون صحتك ؟ سلمى : ابوك فيه حاجه مشغلته ؟ فواز : ليه يمه فيه شي ؟ سلمى : انا اللي اسألك فواز : لا مافيه شي .. الامور ماشيه تمام .. سلمى ما تدري وش فيه : ايه .. خلاص اجل .. فواز : اذا بغيتي شي اتصلي يمه تراي ماراح انام سلمى : ان شاءالله .. / / فواز يحاكي ام دانه : والله مادري وش افكر فيه الحين .. عرس نايف والا المصيبه اللي فوق راسنا .. والا صحة ابوي و وصحة ابو خالد .. !! ام دانه : خل الزواج ينتهي على خير .. وبعدها يحلها الف حلال فواز : ما ضنتي هالمره .. راح تنحل .. الشكاوي كثرت .. والارباح نزل معدلها .. ام دانه جتها ضيقه حاسه بزوجها : ما فيه مشكله الا ولها حل .. ارتاح الحين .. وخلني اجيب لك شي تاكله .. فواز بثوب النوم : لا مالي نفس .. بطلع شوي عند ابو خالد .. ام دانه : براحتك في الممر دانه : هاااااااي فواز وهو نازل : هلاااا بالعروووووووس هلا بحبيبة ابووووووها دانه تبوس راسه : هلا فيك يا أحلى بابا فهالدنيااااااااا كلهاااااا فواز : ليه ما نمتي ؟ دانه : مافيني نوم ،، انت ليه ما نمت ؟ فواز : انا بطلع شوي عند ابو خالد .. دانه بقهر : ترا نجود ما جت ؟ فواز : اي كلمتني تقول الفلم ما خلص .. مادري ليه ما تشوفه هنا بالقصر .. دانه تهز كتوفها : أنا ادري .. اسألها اذا جت .. فواز : يمكن أطلع أجيبهم من بيت سلمان .. يلا تبين شي ؟؟؟ دانه : سلامتك / تبوك الساعه 12 بالليــل .. الجو هادي .. والمستشفى متهالك .. والجدران يغلب عليها اللون الأبيض والرمادي .. ريحة المستشفى مميزة وتجيب الاكتئاب .. المكان شبه فاضي .. وبين الأسره كان فيه سرير .. سرير تركي .. اللي صار له حادث على خط تبوك .. بثآني يوم دوام .. ولما طلع من الملاحظه بلغ صاحبه انه ما يحكي لأهله شي ليما يتعافى ويقوم بالسلامه .. لكن الله ما كان كاتب كذا !! الله كتب انه يصحى من الحادث .. يعيش يومين تحت الاجهزه .. وبعدها دخل بغيبوبه .. غيبوبه ما ينعرف راح تطول والا لا !! لو درى ابوي راح يموت .. واعرفه ما يتحمل هالمواقف وامي لو درت .. الله اعلم بحالها .. انا لو أكون مزكم يرتفع ضغطها .. كيف لما تدري اني سويت حادث ! وساره والجوهره !! لا لا .. كلها كم يوم واطلع .. واصير كويس .. لكن ! الاقدار كانت لها كلمة ثانيه .. ................................. غيبوبـة .. ! / قصـــ}ــر العم راشد فواز جالس بالصاله مع راشد وخالد و نايف .. فواز بيده الفنجال : غريبه هالمسعود .. ما كان باين عليه نايف : هنا المشكله .. دايم تنصدم باللي ماهو باين عليهم .. يجيك صايم مصلي لحيته طويله بس مافيه مبادئ ولا اخلاق فواز : حسبي الله عليه كانه جابلنا المصايب .. والله ماني مصدق نايف : مسوي نفسه مطوع .. ! طيب ليه تستغل هالشي ؟ والله مو بـ رجال خالد يسمع وساكت : ....... ابو خالد : عسانا نقدر نسدد اللي علينا .. حنا راضين لو بنصف الارباح .. الله يستر بس وما يطفش الموظفين نايف : مو بمزاجهم يطفشون .. الرواتب اللي نعطيهم ما يحصلونها بالرياض لو ايش .. مو بهالسهوله يا طويل العمر ابو خالد : الله يسمع منك .. والله يحلها فواز : جاهز معرسنا ؟ نايف بقلبه .. ولا حركت حاجه ولا دريت اصلا : افا عليك يا عم كل شي جاهز فواز : والله احمد ربي ان نايف صار من نصيب وحده من بناتي .. نايف : الله يجزاك خيـر .. وانا وين ألقى أحسن من بنات فواز ؟ ابو فواز بابتسامه : الله يسلمك .. انا استأذن النوم سلطااان .. الكل : الله معك ..
|
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![رد: أسَأَلك باللي خلق قلبك .. اكرهنـي | روايـة ]|~](http://www2.0zz0.com/2009/09/12/21/897253574.gif)
![رد: أسَأَلك باللي خلق قلبك .. اكرهنـي | روايـة ]|~](http://www.kuwaitup.net/uploads/0910160811568fd96082.jpg)
![رد: أسَأَلك باللي خلق قلبك .. اكرهنـي | روايـة ]|~](http://mzyonh.com/up/uploads/images/traidnt-70cd77d987.jpg)
![رد: أسَأَلك باللي خلق قلبك .. اكرهنـي | روايـة ]|~](http://i50.tinypic.com/moh10.jpg)
![رد: أسَأَلك باللي خلق قلبك .. اكرهنـي | روايـة ]|~](http://www.mlfnt.com/live/12635053281.gif)
![رد: أسَأَلك باللي خلق قلبك .. اكرهنـي | روايـة ]|~](http://www14.0zz0.com/2010/01/24/01/452257376.gif)
