أسَأَلك باللي خلق قلبك .. اكرهنـي | روايـة ]|~

[إشراقة أمل]

مدينة الكويت

المآرينآ مول .. الساعه 6 المغرب

ناصر بصوت خفيف : ليه لابسه عدسات ؟

بتول : وش فيها يعني ؟ اول مره البس ؟؟

ناصر : هناك غير وهنا غير .. تخلي الواحد يتحسف انه طلعك مكان


جراح : شفيكم ؟

ناصر : ولا حاجه .. نبغى كوفي قريب ..


بتول : ندخل معكم صح ؟


جراح : شرايج ؟؟ مع اني ما احب ادخل مع اهلي هالأماكن .. ؟ لكن عشانكم ..

ناصر عصب من كلمته : دامك ما تحب تجيب اهلك هنا وراك مخلينا نجي
؟؟ ترا ما وقفت على هالمكان ؟؟


جراح : لا هو مافيه شي .. بس كل واحد ووين يرتاح عرفت شلون ؟؟

ناصر : اها ..


تسنيم عامله حالها فاهمه كل حاجه : بتول هناك في محل جناط .. حيل
حلو .. تبين نروح له ؟

بتول تناظر بناصر : ؟؟؟

ناصر : روحي بس لا تباعدي ..

بتول توقف : اوك


/

تسنيم : وش رايك فهذي ؟؟ حلوه صح ؟

بتول : لا وع صغيره .. ابغى كبيره انا

تسنيم : تعالي للمحل الثاني ..

وهما طالعين صادفو شباب .. ولابد شباب وبنات لازم يصير شي من
لقافه او مغازل او رسم شخصيه على حساب الثاني ..

بتول بخوف : تسنيم بنات تعالو من هنا

الرجل : فديت اللي تقول هنا انا .. انتي مو كويتيه ؟

تسنيم توزع ابتسامات ..

بتول : انت قليل ادب ..

الرجل : اهااااااا حبايبنا المملكه ؟؟؟ وانا اقول الكويت شفيها منوره ؟؟

بتول : تسنيم والله ان شافنا ناصر ليتهاوش معهم فكينا ..

تسنيم : وآنآ شكو ؟

بتول تلتفت لهم : اسمعني انت معاه .. ابعدو من هنا لا وربي لأنادي عليكم السكيوريتي



الرجل : ههههههههه خرعتني يا ولد ،، عبالي بتقول الهيئه

الثاني : هههههههههههه

الرجل : والله انج مزيونه .. يرحم امج عطينا وجه والله ما راح اعضج ..

بتول لاحظت ان مافيه فكه فضلت انها تروح لناصر واللي فيها فيها

بتول : آخر تنبيه .. اخواني هناك والله ليتهاوشو معك انت وياه

تسنيم لازالت تبتسم


الرجل : والله لو ابوج هني .. مستعد لأي شي .. و أحد يحصل قمر .. ويروح عنه ؟

بتول طلعت عند ناصر : ..........

ناصر يلتفت لها : ايش فيه ؟؟؟

بتول : ولا حاجه

جراح يناظر بالشباب اللي وراهم رافع حاجبه ويأشر بيده : .....

ناصر : مين تأشر له انت ؟

جراح : الكلاب اللي هناك ..

ناصر باستغراب : لا حقينكم ؟

تغريد بلقافه : ايوه ..

جراح ماسك يد ناصر : اقعد يا ولد .. اذكر الله

ناصر : لا اله الا الله .. ما تشوفهم واقفين ما راحو ؟؟

جراح : لا تحرج نفسك .. بيقولولك الكوفي مو كوفي ابوك .. اقعد بس ،، تبي تمنع الناس ما تشوف ؟؟

ناصر : لا اجل اتركه يناظر بهالطريقه الوقحه ..
عارف كيف .. (التفت لبتول ) تغطي

بتول : ايش ؟

ناصر : غطي وجهك لا وربي تكملي سهرتك في البيت ..

بتول تغطي وجها : افففففففف

ناصر يلتفت للبنات : وانتو ،، !! غطي وجهك انتي ويااها .. خلينا نشوف آخرتها معهم ...



/

/

في قصر أبو دآنه ... فوآز السآمي ..

ام دانه قالت احلى يكون البوفيه مفتوح .. لأن الناس ما حتطول ...

فواز في المجلس عند الرياجيل .. : حي الله من جانا ..

/

في غرفة دانه اكبر حفيدات السآمي ...

دانه: نزله ماني بنازله

نجود : تعوذي من ابليس مافيه احد تحت الا قرايبنا

دانه : ابعدي نجود ترا ماني فايقتلك ،، اصلا انتي اكثر وحده فرحانه اني
ماني موافقه

نجود كتمتها فقلبها وقالت : اسمعيني يا بنت امي وابوي .. كلامك
سكاكين فقلبي .. لكن ابغى اقولك ان سوالفك يا دانه انتي راح تطفشي
منها بعد كم شهر .. وراح تدوري على ابن الحلال اللي يستر عليك
ويحبك .. وساعتها راح تتحسفي انك ما وافقتي على نايف ..

تعوذي من ابليس وصدقيني كل هذا لمصلحتك




دانه : لمصلحتي والا لمصلحتك انتي ؟؟؟ عشان يظل اقرب لك ..


نجود : عارفه كيف ؟؟ الغلطانه مو بأنتي ؟؟ انا الغلطانه اللي ضيعت وقتي معك ..



.


.

 

 

[إشراقة أمل]

/





الفصل الرآبع عشــــــــــر




بـ /


بــظهـرِ آلغيـب ’ حبيٺـكہ ، ۈ ۈدعٺـكہ بـ / ظهـرِ آلغيـب
خيـآل ۈ بعـض آلأحيـآن آلخيـآل يكہـۈن بـهـ - حٺفـكہ -

قبـل مـآ آلملـم آلبـآقي مـن أۈرِآقـي ۈ × أغيـب ×
‏آبـي منـكہ طلـب ۈآحـ 1 ـد
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::


نوف بغرفتها والليل خااافت جالسه لوحدها تبكي .. اشتاااااااااقت
لنااااااصر مرررررررررره

فجأه جت الماس تركض وفتحخت الباب : نو ...... !!!

الماس : علااااااامك تبكين ؟؟؟؟؟

نوف تزيد بالبكي : قلت لك مليون مره استأذني قبل تدخلين ..

الماس تحرك اختها : نوف صاير شي ؟؟

نوف : مافيني شي .. ابعدي خليني اطلع اكمل لبسي ..

الماس : اتفاهم معك بعدين .. اتركك تجهزي .. انا تحت وراح اصعد لك بعد شوي ..

نوف بعد ما طلعت لمو جلست تمسح دموعها .. : مو بوقتك ابدا ..


/

المزرعه ..


عزيز : حبيب قلبي والله

بندر : اعجبك انا ..

عزيز : طيب وينهم ؟؟؟

بندر : في السياره .. وانت اللي راح تطلع تجيبهم ..

عزيز : كان كملت جميلك وجبتهم ؟؟

بندر : تؤ تؤ تؤ عاد انا ما احب الطمع ..


عزيز : امري لله ..

علي يتثاوب : وووووووووووين الغرض ؟؟؟ ترا طول علينا .. زمااااااااان عنه .. !

جابر : هههههههه آه فديت لونه يا ناس .. انا ماخذ اجازه من اهلي

قايلهم اليوم عندي شفت في الدوام.. ماراح اجي الا بكره الصبح

علي : اجل نروح لهم وحنا سكارى ؟؟؟ والله ليعلقو رقابنا ..


عزيز: ماانتم رياجيل انت ويااااه .. وش تركتو من خوف للحريم ؟؟؟

بندر باستهزاء: مو زيك .. !

عزيز ناظره وهو رافع حاجبه : انا طالع اجيبهم ..



/

في المجمع الساعه 8 ..

بتول : ياااااااي يجنن مره ..

ناصر : عاجبك ؟

بتول : ابغى 2 واحد لنويف و واحد لنجيد ..

ناصر : ابشري .. عطنا يا معلم 2


بتول تتلفت وتحاكي ناصر بصوت خفيف : وش معلمه نويصر ؟؟
جالسين فقهوه حنا ؟؟

ناصر توهق : ها ؟ مو متعود اتسوق مع حريم .. لا تزعجينا عاد .. هذا
حكيي ،،

بتول : وين جراح والبنات ؟

ناصر : في الكوفي ..

بتول : ناصر بليز ابغى اطلع الكورنيش بلييييييييييييييز

ناصر : بحر المارينا روعه فوق ما تتخيلين .. اذا طلعنا مريناه

بتول : فديت اخوي يا ناس ..


/

قصر ابو خالد

ألماس : نويف والله طفشت .. انا اوريك مره ثانيه راح اتأخر زيك
واخليك تنتظريني افففف

نوف : تحط كريم على سيقانها .. : يعني انا متعمده ؟؟ كنت احاكي ناصر يسلم عليكم


الماس : اهاااااااا عشان كذا كنتي تبكين ؟؟؟ الله يسلمه ،، شخبار تبوله ؟؟ اكيد تسرح وتمرح في المجمعات ؟

نوف : شرب انتي .. ،، يقول ناصر طالعين للمارينا مول .. !


الماس : آه يا حظها .. الجامعه بعد اياااااااام وانا ما غيرت جو اففف

نوف : لو انا ابغى اروح للكويت .. بكلمه مني تلاقين نفسك هناك

الماس بقهر : عارفه والله .. عشان كذا .. خلينا نروح نويف تكفين حاولي فيهم ..

نوف : مممممم افكر واقولك .. (تناظر بالساعه) !!!! ياويلي وربي
تأخرنا .. عييييييب

الماس : الكل هناك .. اتصلت ماما تقول وينكم ؟؟؟ ما بقى الا انا وانتي ..

نوف : سوري حياتي والله الحين اخلص .. عطيني 10 دقايق ..


/


دانه تتصل فعبدالله بس ما يرد عليها .. لأنه بالسياره وطالع للمزرعه
معزوم .. على حفله من نوع خاص ..

دانه : افففففففف هذا وقتك يعني ؟؟ ياويلي لو يدري ان اليوم
خطبتي .. !! يا قلبي يا عبودي ..

ام دانه فتحت الباب : من تحاكين انتي ؟

دانه بغرور : محد

ام دانه : ابوك متحلف فيك .. يقول الحين تنزلين

دانه : بس بس لا يصير فيكو شي .. دقايق وانزل يا قلبي انتي

ام دانه باستغراب : فيك شي انتي ؟؟ ما انتي بصحيه والله

دانه بصوت عالي : يوووووووووووووه انتو ما يعجبكم شي ؟؟؟؟

ام دانه : لا لا لا انا انتظرك برا .. لا تتأخري .. حنا ما صدقنا .. الله
يكملك بعقلك يا بنيتي ..


دانه تحكي مع حالها بصوت هادي : مجنونه انا عشان الله يهديني ..
والله لأوريك يا نجيد الكلبه انتي ونايف الحمار


ام دانه : انتي وش تقولين

دانه وكنها صحت لنفسها : ولا شي ماما .. اقول اطلعي عشان ابغى البس .. !




/


على الكورنيش

جالسين على الكرآسي ..

جراح : انا رايح اجيب بريد تبون ؟؟

بتول بهمس : نويصر .. بريد يعني آيس كريم ؟

ناصر : ايوه هههه

بتول تعلي صوتها : جراح بليز كله كاكاو

جراح : من عيوني .. وانتو ؟؟

ناصر : انا ما آحبه

تسنيم : وانا بعد

تغريد بصدمه : تسنيم خلينا نطلب اللي دايما نآكله فآنيليآ بالكاكاو .

تسنيم تضرب اختها على كتفها : قلت لك ما احبه

جراح : على راحتج

بتول وناصر يناظرو فبعض وبفمهم ضحكه

جلسو البنات بجنب بعض وقام ناصر يمشي عالبحر يبغاهم ياخذو راحتهم شوي ..







آه على من يطير للرياض ويناظر بنويف ايش تعمل الحين ؟ نايمه ؟
والا جالسه تناظر باتلفزيون والا بالسوق والا عند نجيد

والا ذكرتني بهاللحظه ؟؟

انا وش هالتفكير اللي علي .. ياااااوه يا نوف كذا تعملي فيني ؟؟ والله احس

ما بقى بي عقل افكر فيه .. غبت عنها يومين وحالي ماهي حال ..

كثر ما احبك كثر ما ودي ما ابعد عنك .. وارتاح اكثر لما اشوف حبك

لي بعيونك .. كل جلسه لي ولك مع بعضنا ما نسيتها .. لو هي

دقايق .. بس لحظه ؟ معقوله هذي هي الحياه ؟؟؟؟ معقوله الانسانه

اللي احبها وتحبني بجنبي قريبه واقدر اوصلها بأي طريقه ؟؟؟ وين

التعب والفراق اللي يقولو عنه ؟؟ معقوله حياتي معها راح تكون

سهله ؟؟؟ حب وبعده زواج وعيال وبيت كبير !!! معقوله ؟؟؟؟

قلبي ماهو متطمن .. !! والله ماني مرتاااااح .. ربي يحفظك نويف ..



قاطعه صوت جراح .. : صارلك ساعه لوحدك ما طفشت ؟؟
ناصر :ساعه ؟

جراح : اي والله .. حتى البنات طفشو من البحر ..

ناصر : السموحه والله ما حسيتت بالوقت .. يلا مشينا ؟؟

جراح : توكل على الله ..

/

قصر ابو دانه

دانه بهمس .: ماما مين تحت ؟

ام دانه : اهلنا بس ..

دانه : طبعا انا ماراح اسلم عليهم ؟

ام دانه : يا بنت الناس مو مهم .. اهم شي يشوفك عريسك وخلاص

دانه بفرحه بقلبها : والله لأقهرك يا نويف : طيب ماما من بيكون موجود
جوا بالصاله الثانيه

ام دانه : وش هالاسئله انتي وياه وابوك ..

دانه : لااااااا ماما ماراح ادخل الا ونجود معي .. اخاف اناا استحيييييييي

ام دانه : خبله انتي ؟؟ وش يجيب نجيد لكم .. عيب والله اني مستحيه ادخلها ..


دانه : والله عاد انا علمتك .. هذا شرطي ..



/

نايف جالس بالصاله ينتظر دانه .. وهو يقول فقلبه (ليه كل هالحركات
يا ناس .. عارفها وشايفها .. ليه اتعبوني اكثر ؟؟ )


جالس يفكر ..


اما ابو دانه وابو خالد راحو يودعو الرياجيل اللي هناك لان زمان تعشو
وانتهو ..


ام دانه : ماما نجود .. اطلعي الصاله اللي تحت وبخريها كويس .. نايف
و دانه راح يجلسو فيها ..

نجود وكن فيه شي يقطعها من داخل .. ما تحس بوجود قلبها ..
تحسه بمكان ثاني ماهي بعادته .. : ابشري ..



/

نزلت تحت بعد ما طلعو النسوان ( خلاص ؟؟ راح تزوج يا نايف ؟ الله
يوفقك ويوفق اختي .. يا رب يا رب يا حبيبي ترزقه على قد نيته ..
وتخلي اختي حبيبه معاه ولا تكدره يا رب ) سرحت بتفكيرها و فكره
نجيبها وفكره توديها ..



دخلت بهدوءها الغير معتاد .. دايم نجود تحب الحركه والنشاط

والضحكه اللي دايم على شفايفها ..

لكن اليوم غير .. طبعا قدام الكل الابتسامه ما ابتعدت عنها ثانيه
وحده .. لكن الحين خلاص تركت قناعها فوق ونزلت بوجها الطبيعي ..
وجها البريء اللي مرسوم عليه الحزن .. والظلم .. وكل معنى قاسي في الحياه


دخلت الصاله والبخور فيدها .. وصلت للنصف .. وبعدها صحت لحالها ..
لقت واحد رامي راسه على يدينه من التعب .. لكنها اعرفته .. ايوه
عرفته .. نايف .. هذا جسمه وهذا طوله وهذا هدوءه وهذا عطره اللي
تارس المكان ..



وقفت بمكانها بهدوء وبيدها المبخر ماسكته بيديها الثنتين .. وحست
في عينها دموع تتزاحم تبغى تطلع .. لكنها حست حالها اقوى
ومسكتهم ..

رجعت لورا بخطوات مش ثابته .. رجعت لورا تبغى توصل للباب
بسرعه .. لكن مكان فيه نجود ونايف لازم يحسو فبعض ..


رفع راسه نايف .. وناظرها باستغراب .. وقبل ما تطلع .. بصوت واحد : نجووووود

نجود غمضت ووقفت مكانها .. كرهت حالها انها نزلت .. وش راح يقول لها الحين ؟

نايف وقف وراح لها : نجود ؟

نجود خايفه من قرب المسافه : نـ نــعم

نايف : ما فيه مبروك لولد عمك ؟

نجود بغصه ليه يا نايف ليه : مبروك


نايف : عيونك ذبلانه .. ووجهك اصفر .. وشفايفك ترتعد بالثانيه الف
مره .. ودموعك اشوفها وهي جوا ..

وش تفسيرك لهالكلام يا نجيد ؟


نجود بصوت مرتعد : مافيني شي .. بس تع

نايف : تعبانه ؟

نجود تنزل راسها : ايوه

نايف : انتي تعملي حالك قويه وانتي الهوا يطيرك .. ياليت اللي فبالي ما كان صح .. (تنهد بقوه)

ليه يا نجود تركتيني كذا ؟ والله لو عارف مشاعرك زمان كان ما فرطت فيك ثانيه وحده .. يا نجيد (تغير صوته)

يا نجيد انا ... والله ماني عارف كيف اقولها ..

لكن الله يوفقك ويكتب لك الخير في كل خطوه تخطينها .. يمكن
هاللحظه آخر مره احكي معك فيها بصراحه لأن من بعدها .. بيني
وبين اختك كتاب ربنا اللي يخليني ما اتهاون فيه واخونها فيه حتى لو بنظره لك ..

يكفي انك اختها .. وهذا اللي معور قلبي اكثر .. اذا افترقنا لا تزعلي
لأن بيوم بنجتمع .. واحلفك بالله ما تبكي ..



نجود لو ترمش دموعها راح تنزل .. لفت تبغى تهرب .. تهرب من كل
شي : لكن حركة نايف خلتها تبكي بقوه



مسكها نايف بقوه مع كتوفها .. وكنها يبغى يصحيها : الحب بالنسبه
لي يجي مره وحده وانا حبيتك ويعلم الله اني ما تركت الفرصه تروح
مني الا لما اجبرت اني عطيت عمي كلمه .. والا والله ما اتركك .. الله
يقدرني ويساعدني اسعد اختك .. واللي ابغاه منك تنسيني لاني
والله احبك ولا ابغاك تتعذبي .. عشت اللي عشتيه وتعذبت اكثر منك
لأن القرار كان بيدي ..



نجود تبعد يدينه عنها : ابعد نايف اوجعتني (جلست تبكي) انت تقول
اشياء غلط انا اصلا ما احبك انت زي اخوي (جلست تبكي بقوه
وبصوت اعلى)



نايف بصوت اعلى وكن عيونه صارت فيها لمعه غريبه ؟ : نجود ؟
احلفك بالله ما تزعلي مني .. لا تبكي .. فاهم ومقدر موقفك .. ارضينا
الكل على حساب نفسنا ..

نجيد فكت نفسها منه ..

نايف : فمآن الله

نجود : ركضت لفوق .. خافت اهلها يشوفوها وش يقولو ؟؟؟ طلعت
لغرفتها وقفلت الباب وجلست تبكي وتبكي وتشهق .. حست راح
تطلع روحها ..

نجود تبكي : لااااااا ما كنت ابغاك تحكي .. ليه تتكلم لييييييه يا نايف .. (تبكي) ليه يا نايف ؟؟




/
/



الهنوف والعنود : والله لندخل،، حلوه هذي كمان ؟

نوف : يا عمه اتركيهم يدخلو حنا اهل .. وش دعوه ..

ام دانه : كيفكم اعملو اللي تبونه

نايف بالصاله .. من طلعت نجود وهو واقف ما جلس : .......


خالد : علامك نايف ؟؟ اجلس يا بن الحلال .. اللي يسمعك يقول
ناس اول مره نشوفهم ؟؟

نايف : لا عادي مافيني شي ..

خالد : واضح .. ناظر بشكلك في المنظره

نوف حست بنايف : بالعكس يجنن اخوي فديته .. بس هذا طبيعي ..

خطبه هذي مو لعب

خالد : حكت الفيلسوفه ..

نايف : مو كنها طولت ؟

نوف مستغربه وش فيه هذا ؟؟؟ ما تدري انه يبغى يخلص من
الواجب ويطلع يركض يهرب من اللي هو فيه : الحين تنزل !!


/

دانه قلت لك والله ما ادخل الا لما تجي

ام دانه : الله ياخذ هالوجه .. ارسلت لها الخادمه تقول نايمه

دانه بحقد (نايمه ولاا ما تبغى تشوفني وياه ؟؟) : وهذي قعده ..
ماني بقايمه الا لما تجي اختي ..

ام دانه طلعت على السلم تركض .. : نجود ؟؟؟ نجود ؟؟؟ (تضرب
الباب )

نجود بعد ما ارتاحت شوي فتحت الباب : نعم ؟؟

ام دانه : دانه فضحتنا تحت تكفين تعالي

نجود باستغراب : وانا وش دخلني ؟

ام دانه : تقول ما هي داخله الا معك .. خايفه ..

نجود وقلبها يضرب بقوه : انا ؟؟ صاحيه هذي ؟؟

ام دانه : كيف ؟

نجود : ماما انا تعبانه

ام دانه تترجى بنتها : تكفين طلبتك نجيد .. فكيني من سوالفها
وانزلي .. بس شوي واصعدي

نجود ما حبت ان امها تترجاها اكثر ضغطت على نفسها : ابشري ..

ام دانه : الله يخليك لي ..










نجود عدلت المكياج ومسحت الكحل اللي نازل وحطت كحل وثبته ..
وزيت الشدو .. وزادت الروج ..

ونزلت بسرعه ..


/

نايف يناظر بالموجودين .. الكل موجود هنا ما عدا ام دانه ودانه
ونجود .. متأكد ان نجيد ماهي نازله ..

التفت لقى الهنوف والعنود يناظرو فيه ابتسم لهم ..

نايف يحاكي نوف : نويف وين الريم ؟؟؟

نوف : هناك عند نوره

نايف : ناديها بالله

نوف : انشاء الله

وفجأه

دخلت دانه وكان شكلها مره حلو .. طووووويله وجسمها يجنن كان
مره باين عليها الرشاقه والتناسق .. وسمارها البرونزي طالع روعه
مع الميك أب وفستانها أخضر روتانا ..


نايف يناظر بورى دانه يدور على نجود .. بس مالقاها ..

نجود عملت حالها داخله مع دانه .. وتركتها تدخل لوحدها ..بعدين تجي هي ..

نايف فقد الامل .. وكان توقعه في محله .. ابتسم لدانه ابتسامه بارده
مرررررره وكانت تناظر فيه نجود من براااا


الكل كان يلولش ويضحك ويرقص ..


ام خالد : ههههههههههههههه اول مره اشوف خطبه زي كذا

ام دانه : اي والله صادقه .. بس والله احلى

نوره : اي والله دايم الخطب تكون ممله ومتوتره .. هذي غير ..

الريم واقفه بعيد .. ناداها نايف ..


دانه فقلبها .. قليل ادب انا بجنبه ولا عطاني وجه ورايح ينادي البزر

نايف : هلا ريومه وينك من الصبح ما شفتك ؟

الريم فررحانه حتى فخطبته ذكرها : موجوده .. بس .. (استحت)
مبروك نايف .


نايف : ههههه الله يبارك فيك يا قلبي .. عقبال ما ابارك لك ..
الريم استحت مره وراحت ..


دانه (بعد تقول لها ياقلبي .. كل الناس قلبه .. مالت عليه ،، وهذي وينها الكلبه قالت لي بدخل وما دخلت)



دخلت نجود .. والكل عادي ما انتبهو اصلا ما عدا ثلاثه .. (نايف ودانه نوف)


هالثلاثه كلهم كانو يناظرو بنجود اللي جايه من بعيد بابتسامه تسحر .. تخفي وراها حزن مدفون ..

ابتسامتها كانت ماليه وجها ليما جت عينها فعين نايف تغير وجها
وكأنها تتذكر حكيهم اللي ما مر عليه حتى الساعه

نوف : نجيد .. طالعه قمر فديتك ..

نجود : تسلميلي يا قلبي ..

نوف تبغى تهدي الوضع .. امش نبارك

نجود بصوت هادي : ما ابغى .. اخاف نويف

نوف : نجيد .. ترا دانه حاسه .. امشي

نجود : وش حاسه انتي .. ؟ البنت متأكده ..

نوف .. : اجل امشي معي وبس ..

نايف يناظرهم من بعيد وهم جايين يباركون ..

نوف بصوت عالي عشان الموسيقى : مبروووك نويف واخيرا بتعرس .. ضمته بقوه

نايف وهو ضام نوف يناظر بنجود اللي صارت قدام وجهه : نويف لا يطبع روجك على الغتره

نوف : هههههه .. فديت اخوي يا ناس طالع قمر .. الله يوفقكم يا رب ..


سلمت على دانه عادي وطلعت

نجود وقفت قبال نايف ما تدري وش تسوي : مبروك نايف

مد يده نايف : الله يبارك فيك .. وعقبال ما نفر ( قلبه عوره وما كمل
جملته ،، حس كأنه يدعي على نفسه كيف نجيد تاخذ واحد ثاني)


نجود استغربت انه وقف عن الحكي وللحين ماسك فيدها بس هي
سحبتها بسرعه وسلمت على اختها وطلعت لغرفتها تركض ..

 

 

[إشراقة أمل]

أحاول !!
أخفي إحساسي

ولكن بالعشق مفضوح ..
تشوف الفرحة في عيني

أحبك بالعقل وبالروح ..
احبك حب مااقدر

اعاند فيه احساسي ..
لقيت الحب شي اكبر

من إني آخذ انفاسي ..

/


شقة ابو تركي

الجوهره : اليوم خطبة نايف اخوي نوف .. على دانه

ساره : مين دانه ؟

ام تركي : دانه الكبيره بنت فواز ..



ساره : يا حليلهم .. الله يوفقهم

ام تركي : اول بنت تزوج من السامي .. اللي سبقها بس خالد ..

ساره : خالد مين ؟؟

الجوهره : اففف كل دقيقه تقول مين ومين

ام تركي : خالد اخوي نوف .. وش فيك ساره ..

ساره : وانا شعرفني يمه .. اللي يسمعك يقول امس متغدين
معهم .. تحسسو الواحد انه فاقد الذاكره


ابو تركي دخل عليهم : السلام عليكم


الكل : وعليكم السلام .. هلا وغلا

ابو تركي : هلا فيكم ..


منيره ام تركي : ها بشر ؟

ابو تركي وجهه لوحده يحكي : خير ان شاءالله

الجوهره : ها يبه ؟

ابو تركي : مالقيت اليوم وظيفه بكره القى .. الله ما ينسى احد ..

.......... : سبحآنه



راحت الجوهره غرفتها .. و كل دقيقه يطري عليها تركي .. اشتقت

لك مره وربي .. متى ترجع ياخوي .. ارسلت له مسج ونامت ..

يــا خـــوي
أنت آلسند [ حزة الضيق ] ~

وَ أنتَ الذيّ يغني الناس
عن | ظله !

الطيب يرفع من مقآم المخآليق
وأنتَ بْـ / طيبك ’ ترفع الطيب كله !

/

/

في المزرعه ..

وبوسط دهشة ديلار الخادم اللي في مزرعه ابو سالم .. !!

ديلار يناظر بالكل : متسدحين .. ويضحكو على اتفه الاسباب ..

وهناك بالزاويه عند المطبخ واحد واقف ويحاكي حاله ..

ديلار : !!!!


عزيز مكيف مررررررره .. شرب شرب شرب ليما طاح وراح فنومه ..

عقول فآرغه .. تدور على الغلط وتركض تعمله .. والحلال قدآمهآ و
لأنه حلال يشوفوه سهل ويبعدو عنه

هذا الانسان وهذي طبيعة اغلب البشر فيه .. كل ممنوع مرغوب ..
وكل ممنوع هو اول خيار يجربوه .. ويكتشفوه ..

الله لآيبلآنآ ..


/

الخطبة تمت .. ومر هاليوم ثقيل على الكل .. البعض ثقيل على قلبه
من الحزن والبعض ثقيل على جسمه من التعب ..



جت الساعه 1 بالليل ,, دخلو اهل ابو خالد البيت

صعد خالد جناحه

طلعت نوف ونايف وحمودي لغرفهم فوق ..


نوف حست بنايف عنده حكي يقوله ..

نوف قبل ما تدخل غرفتها .. : نايف تبغى شي ؟؟

نايف واقف على باب غرفتها : ......

نوف : ؟؟؟؟؟

نايف : لا لا سلآمتك ..

نوف : تصبح على خير ..


/

نجود ونايف .. تعبو مره .. نفسيتهم كانت مره بالارض .. تعبو من
التفكير .. تعبو من البحث عن حلول ..

سلمو امرهم لله وتوكلو على الله وتأكدو ان كل انسان راح يآخذ حقه
عآجلآ غير آجل ..

تمدد نايف على السرير


اتصلت نجود بنوف .. و كانت عاليه مره نغمة نوف ..

نوف : هلا نجيد ؟

نجود : تعالي شوي ..

نوف : عارفه انك راح تتصلي وتقولي تعالي .. جيت عند بابك بس مارديتي علي


نجود : سمعتك بس استحيت افتح

نوف بخوف : نجود تبكين ؟

نجود : تعالي نويف .. تكفين .. انا شوي وانجن

نوف تسمع طق على الباب : مين ؟

نايف : انا ؟

نوف بقلبها كملت نجود على الخط ونايف على بالباب : تفضل

نايف وكن شكوكه فمحلها : مين تحاكي بهالليل ؟

نوف : ها ؟

نجود : لا تقوليله نجود ..

نوف وقفت خايفه .. كنها عامله عمله ..

نايف : اذا خلصتي من نجود ابغاك برا ..

نوف : طيب ..



/

نجود : ليه تعلميه

نوف : هبله انتي ؟؟ انا ما قلت شي .. هذا وانتي جالسه تسمعين كمان

نجود : اكيد أشرتيله ..

نوف : كيف يعني ؟؟ أمثل طريقة وجهك مثلآ ؟؟؟

نجود : هههههههه

نوف : فديت الضحكه انا .. يلا اخلص من نايف واجيك طيااااااااره ..

نجود : جآو ..

/
/



نوف لبست بيجامتها .. وطلعت له : هلا نايف ؟

نايف : ابغى اسافر .. احس راح اختنق ..

نوف : وين ؟


نايف : مادري وين .. اي مكن ان شاءالله جزر القمر

نوف : ليه طيب ؟

نايف : نوف لا تعملي حالك غبيه .. انا ضايقه فيني الارض .. احس
ودي اشق ثوبي ..

نوف : طيب روح لناصر في الكويت ..

نايف : ناصر هناك ملتزم بعمه واهله .. وانا طالع ابغى ارتاح ..

نوف : خلاص سافر لمكان ثاني ولا تعلم احد

نايف : وين اروح ؟

نوف :تبغى بعدي والا قريب؟

نايف : لا قريب .. عارف حالي .. يومين وراجع .. ما احب السفر ..

نوف : سافر .. مصر .. ؟؟ او لبنان .. ؟
نايف وقف ..


نوف : وين ؟؟

نايف : طالع اجهز شنطتي يومين مصر وجاي .. لا تخبري احد ..

نوف : انتبه لحالك نايف .. واذا وصلت بلغني ..

نايف : ابشري .. بس انتبهي لجوالك ..






يتعبنا الهوى دايم وتتعبنا مشاويره
ويجيك من الهوى ظلم كثير كثر ما جاني

ترى ما للهوى أسباب ترى ما للهوى ديره
ولكن لا غابت عيونك بربك كيف تلقاني



/



نوف رآحت لنجود .. ..


دخلت القصر اللي كان مليان ازعاج .. وكان هادي مرره

طلعت فوق بهدوء لقت نجود متمدده على الصوفا


نوف : نحود ؟

نجود قامت : هلا نوف ..

نوف : وش في شكلك كذا تقولي مدمنه ؟؟

نجود : وش كان يبغى منك نايف ؟؟

نوف : انا وين وانتي وين ؟ احاكيك انا ؟

نجود : مافيني شييييييي .. ما قلتيلي وش يبي ؟؟

نوف تجلس : نايف طلع المطار يبغى يروح لمصر يومين ويجي ؟؟


نجود : ليه ؟

نوف : اول مره اشوف نايف كذا .. انا مستغربه على كثر السنين اللي
قضيتها سوالف واسرار معاه ولا مره حكالي عن حبه لك .. كنت اعرف
من تصرفاته .. لكن اليوم احس صمت السنين كله طلع فجأه .. ياااي
يا نجود صعبه تشوفي اخوك ضعيف وماله قدره يعمل حاجه الا انه
يهرب من واقعه .. عور قلبي .. ودي ابكي .. انا مادري كيف خليته
يسافر ياليتني منعته ..

نجود تتنهد : ربي يرجعه بالسلامه ..



يرحم الله والدينـك لاتطـوّل = السفر ماهو لزومٍ أو ضـروره

كان قصدك بالسياحه والتجوّل = عدّني ذاك المكان اللي تـزوره

قم فديتك من خفوقي لاتحـوّل = دوك قلبي من جذوره لي جذوره

صابني شيٍ من الضيقه يهـوّل = بالغٍ في داخلي كل الخطـوره

راحو لغرفة نجود ..

نوف : .. تعبانه مره .. وانتي كمان ارتاحي ..

نجود : آه كل شي يوجعني .. تصبحي على خير نويف

نوف تضم المخده : تلاقي خير يا قلبي ..



محتاج .. رآحه / ظِل / أحلام / مدري !!
............... عن إذنكم ياناس ...... [نوم إضطراري ]


..
.

 

 

[إشراقة أمل]

الكويت ..


اشتقت لك واشتقت لأيامك ..


/

ناصر : هلا هلا وعليكم السلام ..

نايف بصوت مبحوح : هلا فيك كيفك

ناصر : عسى ما شر وش فيه صوتك ؟؟

نايف : أبد ما شر .. بس انا في الفندق في المملكة ..
وانتظر بعد ساعه طيارتي لمصر

ناصر : نعم ؟

نايف يكح : اللي سمعته يا بو سلمان

ناصر : نايف احلفك بأغلى ما عندك يا رجال وش فيك ؟ ترا دقايق بالطياره وحنا عندك

نايف : شدعوه نويصر والله ما فيني شي .. بس ضايق وقلت اسافر

ناصر : من متى تسافر فجأه ؟؟ اخبرك تكره السفر ؟؟؟

نايف : آآآآآآآآخ .. خلها على ربك

ناصر : يا ويلي عليك يا نايف .. بلاك من نجود ؟ اذا ماني غلطان

نايف سرح وجلس يناظر بشنطة المره اللي قباله

ناصر : الو ؟؟؟

نايف صحى : ههههههه نويصر احراج جالس اخز شنطة المره سرحت وهي مستغربه شككتها بنفسها ..

ناصر : خل عني المره وشنطتها لا تضيع السالفه ..

نايف : ايه ايه يا ناصر نجيد .. ارتحت ؟

ناصر : وراك معصب .. هذي الحياه يووم لك ويم عليك .. تذكر لما كنت اقولك لا توهق نفسك . واهم ما عليك حياتك و

نايف : يرحم والديك لا تكمل درينا انك نصحتني .. بس انا ما اقدر ارجع فكلمتي لو ايش ..

ناصر : حتى لو على حساب نفسك ؟

نايف : حتى لو على حساب نفسي يا ناصر وانت عارف هالشي

ناصر : ........

نايف : تامر على شي ..

ناصر : ابد سلامتك لا وصلت عطنا ألو ..

نايف : الله يسلمك .. عساي ما انسى .. ادق على نويف ..

ناصر فز قلبه : كيفها ؟


نايف بحنان : طيبه الحمد لله

ناصر تغير وجهه : عساه دوم .. سلم لنا عليهم كلهم .. وما تشوف شر ..


سكر الخط ناصر .. وجت فباله نوف جا بيتصل فيها بس انحرج ،، ورمى الجوال على السرير ..


والله يا نويف خايف اني انا اللي فاقدك .. قمت اخاف انك ما تفكري فيني او تنسيني ..
اففففففف وش هالتفكير .. ان جلست هنا راح انجن



ما للغياب اعذار غير المقادير
لو ما فقدتيني انا اللي>>> فقدتك<<<

/

/

قصر ابو خالد .. الرياض

محمد : صباااااااخ الخير

بو خالد + نوف : ههههههههههههههه

ام خالد : اهلين حمودي .. بابا قول صباح الخير ماهو صباخ

محمد يجلس على الكرسي : ما اعرف

نوف تبوسه : يا لبى كلك .. كل شي يطلع منه حلو

خالد دخل : السلام عليكم

الكل : وعليكم السلام

نوف بقلبها (ياربي ليه كل ما يدخل هالبني آدم يحرك معه كل شي احس تصير ضجه بجيته مع ان كل شي ثابت !!) :

وعليكم


خالد : يا تردين السلام بنفس يا ..

نوف : الحمد لله شبعت .. انا طالعه السوق بابا تامر بشي ..

ابو خالد : سلامتك ..

خالد : سلامات .. السوق بهالصبح ؟؟ رايحه تفتحي ابواب المحلات ؟؟

نوف بأدب : لا بس الجامعه بعد بكره .. ورايحه اشتري كم حاجه ناقصتني ..

خالد وهو يشرب الشاي : مع مين ؟

نوف ملت من اسئلته: نجيد و باقي البنات

خالد : يا كرهي لحركات البنات وتجمعاتهن .. مليون وحده يمشن مع بعض ..

نوف : بس حنا مو بمليون حنا 3 بنات

خالد : والباقي ؟؟ الله هاديهن ؟؟

نوف برفعة حاجب : تامر بشي ابو فيصل ؟

خالد : سلامتك ..

نوف سحبت العباية وطلعت .. (اف منك كل شي لازم تعلق عليه .. ولا كأن فيه ناس اكبر منك .. اتخيل نفسي عايشه معك لوحدنا والله ليقتل الواحد الثاني .. الله يخلي ماما وبابا ولا يحرمني منهم )


لمو تركض على السلم فبجامتها وشعرها القصير :
نوووووووووويف .. لا تنسين اللي وصيتك
ههههههههههههههههه

نوف بقلبها (الله يفضحك) : اوكي .. بس اسكتي

حمودي : حتى انا ابغى نوفه

نوف : ههههههههههههه ابشر ..


/
/

بالسيارة ..

نجود + العنود ..


نوف دخلت سلمت وجلست : آه

نجود : يلا تحرك

العنود : وش فيك تأخرتي .. ؟؟ يا شينك

نوف : سوري بس وربي ما خلصت من خالد واستجوابه

العنود : الله يعينك ..

نوف : وش فيها اللي بجنبك

العنود : صار لها كم يوم ماهي عاجبتني ..

نجود : العنود لا تألفي مافيني شي .. (نجود تكمل بزعل) :
نوفه ليه امس طلعتي وتركتيني

نوف : والله نجيد رجعت القصر خذيت دوش وقلت برجع لك لكن اغراء السرير كان اقوى مني ومنك

نجود : ما علينا اي مول رايحين ؟

نوف : عندي كم شغله بكملها في المملكة والباقي عاد بالفيصلية ..

مع حركة السيارة ودورانها حول النافوره الخارجية .. ارخت

نجود راسها على المرتبة وجلست تتذكر


/
/

فيلا ابو جراح ..


بتول بتعب : ماما ساعديني ..

ام سالم تجلس فوق شنطة الملابس الكبيرة .. : يلا
سكريها

بتول : هههههههههه ماما انتي مره فله .. اللي يشوفك ما يققول عجوز عندك 5 عيال ..

ام سالم بعصبية : عجوز يا اللي ماني بقايلة .. استحي
على وجهك جايه اساعدك

بتول تجلس فحضن امها : هههههه امزح معك يالغالية وربي
قمر اللي يشوفك يقول اختي مو بأمي ..

ام سالم وكأن ثقتها بنفسها ارجعتلها : تعدلي يا بنت ..


بتول توقف : اقول ماما .. انا طفشت من هالبيت واللي

فيه .. اهلنا في الرياض ابرك منهم وارقى بالمره

ذيلا مره سوفاج ..

ام سالم : هذا وهم سعوديين يحتقرونا زي كذا .. بس والله
الديرة واهلها مره فريندلي ..

بتول باستغراب ممزوج بضحكة : ههههههههههه احلى ماما تحكي انقلش ..

ناصر يدق الباب : فديت الأخضر واللي لابس اخضر

ام سالم : هلا وغلا بوليدي .. وينك ؟

ناصر : ترا بعد 3 ساعات طيارتنا ..

ام سالم : طيب انت وين رايح ؟؟؟ الغدا بعد شوي

ناصر : لا ابغى اتغدا برا .. اهم شي جهزو كل شي على
شان نطلع للمطار بسرعه

بتول تمسك يد ناصر : بليز نونو حياتي خذني معك

ناصر : والله لو تدلعيني من اليوم لبكره مافيه جيه .. ابغى
هدوء .. وشكلي معطيك وجه زياده عن اللزوم

بتول بدلع : انا اختك الوحيده لازم تدلعني اصلا

ناصر : لا جد طالع شوي واجي ..

بتول : طيب لا تأخر اشتقت للرياض

ناصر : اشتقتي لها بعد المولات والتسوق .. بعد ما خلصتي بضاعة الكويت ؟؟ يااوه يا الحريم

بتول : خخخخخخ

/


طلع ناصر بسيارة جراح اللي نايم في الفيلا .. حب يتمشى
لوحده ما يدري ليه .. لكن حس بضيقة وناصر من النوعية
اللي لو يجلس لوحده عادي

يعشق الهدوء والخلوه ..

ناصر يطلع الجوال من جيبه ويتصل لا شعوري (حب هالرقم وحب راعيته )


ناصر ساكت يبغى يسمع صوتها : .........


نوف : ألو ..

ناصر : .......

نوف باستغراب : ناصر ؟

ناصر : يا عيون ناصر ..

نوف : خوفتني الله يسامحك

ناصر : ويسامحك انتي بعد

نوف : افا ليه وش سويت

ناصر : والله مادري .. بس الله يسامحك ..

نوف : كيفك ناصر ..


ناصر سمع صوت رجال بجنبها : طيب الحمد لله نويف وش هالصوت ؟؟

نجود تحاكي صاحب محل الشنط .. : عطني 2 ماكس فاكتر

نوف : انا في السوق ..

ناصر : ومن صوته هذا ؟؟

نوف : مادري يمكن صاحب المحل .. ليه ؟

ناصر : .......

نوف : ناصر فيه شي ؟؟

ناصر بضيقه : مافيني شي ..

نوف بصوت باين عليه الاستغراب : طيب ليه تحاكيني كذا ؟

ناصر : نويف انا مادري وش فيني .. لا تزيدين علي

نوف : انت وينك ؟

ناصر نزل من السياره ويسكر الباب ويعدل السماعه فأذنه :
انا نازل فرايديز


نوف جت بتتكلم بس سكتت : لا و

ناصر : وش فيك سكتي

نوف : فيه بنات ؟

ناصر بعصبيه : رايح مرقص انا .. والارايح عشان البنات ؟؟؟


نوف تبعد عن البنات : ناصر مليون مره اقولك لا تحاكيني كذا .. اففففففف باي


ناصر بصوت عالي : لا تسكرين انا اكلمك


نوف شوي وتبكي : ما اقدر اسكر اصلا


ناصر اوجعت قلبه : عارفه كيف .. ؟ انا راجع سيارتي وبجلس فيها زين كذا ؟


نوف : ناصر خلاص عاد .. طلعت مني عفويه .. لا تزعل بليز .. انت عارفني ..

ناصر : يا قلبي قلبك .. عارف بس انا ضايق بملابسي .. احس بنجن

نوف : اسم الله عليك .. وش فيك ناصر ..


ناصر جالس في السياره : برجع الرياض بعد كم ساعه ..
وبظل منقطع عنك .. وش هالحياه .. اشتقت لك والله اشتقت لك

اول اقول اني متضايق عشان امي وابوي .. الحين انا جالس معهم .. وللحين ضايق

وش تفسيرك لذا .. غير ان انتي قريبه وبعيده بنفس الوقت ..

وربي يا نويف احسد السواق واحسد حتى صاحب المحل
اللي قبل شوي .. امانه يا نويف ماهو شي يفشل ؟؟

والا من يفكر بكذا الا واحد منتهي قاضي .. ؟؟



نجود : نووووووووووووف تراك ازعجتينا لا خلصتي شغلك ولا خلصنا شغلنا .. مين تكلمين ؟

نوف : ناصر

نجود سكتت : طيب انا ودوده هناك

ناصر : نويف نويف

نوف : هلا ..

ناصر : انا عطلتك .. اسمعيني نويف انا مهما قلت ومهما
زعلتك هالفتره اعذريني وامسحيها فوجهي تراي والله
ماعندي احد احط حرتي فيه الا انتي ..

وكله اصلا بسببك .. انتي عارفه وش كثر احبك واغار
عليك .. وانقهر اكثر اني ماني عارف وش حالتك ولا اخبارك ..

نوف : ابشر يا ناصر ما طلبت شي ..

ناصر : تبشرين بالجنه يا قلب ناصر انتي .. سلميلي على البنات وما تشوفين شر ..





ان تفرقنا وخانتنا الظروف
والمسافة كل يومن تتسع

كل ما خطيت من اسمك حروف
اذكرك واقول يارب نجتمع

/

/

شقة ابو تركي ..

الجوهره : يمه تكفين يمه

ام تركي : لا يعني لا .. انتي ما تفهمين ؟

ساره : يا شينك يا الجوهره لا صرتي زي البزر .. دام امي
رافضه انسي تقتنع

الجوهره : يمه تكفين والله ماراح اطول عندها ساعه وحده

ام تركي : الجوهره اسمعيني انا ماني ناقصه خالتك والا

خوالك يجون ويقولون وش جايب بنتك فبيتنا


جايه تشحذ والا قطة وجه بس


الجوهره : لو تركي هنا كان وداني .. عزاه يا تركي .. آه

ام تركي : تركي صار له كم يوم ما يدق ..

ساره : الغايب عذره معه ..بعدين اكيد انشغل بهالدوره

ام تركي : قلبي ما هو مرتاح

الجوهره بتريقه : عاد امي توها شايفه فلم عربي .. ها يمه
وش قلتي

ام تركي ماسكه راسها : ساره ابعديها عن وجهي .. ما
ابغى ازعل عليها

الجوهره تطلع وهي معصبه : اف كل شي في هالبيت لا ولا




/

/
/

قصر سامي السامي ..

كالعادة الهدووووووووووووووووء مالي المكان .. والقصر رغم

جماله وفخامته اللي مالها شبيه الا في الاساطير
الا انه جامد ومافيه حياة ..

سامي جالس على سريره متمدد


سلمى توها تدخل الغرفة . (غريبه ابو راشد وش فيه اول مره يرقد بهالوقت ؟؟؟ )

سلمى : ناظرته من بعيد لقته يرجف ..

سلمى عرفن انه جالس يبكي ..

سبحان الله الواحد كل ما يكبر في العمر قلبه يحن و يصير لين مره .. لدرجة ان الواحد ما يعرف حاله

سامي حس بوجود ام راشد : (جلس يتمتم بكلمات ماهي مفهومه)


سلمى : سم ؟؟ وش قلت ؟؟

سامي بهدوء : وهو بنفس الجهة حاط يده تحت راسه : انا
فرقت عيالي عن اخوانهم .. وحاولت ابعد احفادي عني
لانهم قالو الحقيقه

الواحد ينصدم لما تجيه النصيحه من شخص اصغر منه بالعمر ..

اليوم هذاك لخبط كل شي .. كرهت الطلعه كرهت كل
حاجة بسبة هالناصر .. ذكرني بأشياء كثير ناسيها او في

الحقيقه احاول اتناساها مع انها مطبوعه في الذاكره


ام راشد فضلت السكوت لأن باين على سامي انه يبغى يفرغ صمت كل هالسنين ..


سامي : حاولت اعتذر منه بأكثر من طريقة لكنه عنيد .. وعزته فوق كل شي مع انه مفروض

يشيل الحواجز اللي بينا ..

(بنبرة عالية )وش يبغاني اسوي اكثر من كذا ؟؟

سلمى : اذكر الله يا ابو راشد كلنا نغلط .. خلاص انت
سويت اللي عليك .. لا تحمل نفسك اكبر من طاقتك .. ترا جسمك له عليك حق ..

سامي : اذا احد اتصل كالعاده قولي نايم طالع اي حاجه ..

/
/
/

قصر ابو خالد

خالد : نوره جيبي غداي بسرعه

نوره : ابشر

ابو خالد : انتظر شوي نوف هذي هي هنا .. قربو

خالد : يبه والله تأخرت على الشركة .. ابغى اتغدى بسرعه واطلع

ابو خالد : على راحتك .. جيبيه يا ام فيصل

نوره : سم

تغدا خالد وجا بيطلع .. فتحت الباب نوف ونجود ..

خالد نزل نظارته الشمسيه : السلام عليكم

نوف +نجود : وعليكم السلام

خالد : كيفك نجيد ؟

نجود : تمام

خالد يلتفت لامه وابوه : فمان الله

..

نوف تبوس راس ابوها : ماما وين الغدا جوووووووووعانين

ام خالد : 5 دقايق وكل شي جاهز

نوف : كان خليتينا نتغدا في المول ..

ابو خالد : افا وانا وامك مين يتغدا معنا ؟؟

نوف : وفيه احد يفوت فرصة زي كذا ..

نجود تهمس لنوف : نوفه انا بطلع فوق

نوف : طيب تغدي ما كليتي شي ..

نجود : مالي نفس والله .. اذا خلصتي تعالي



/
/

طلعت نجود بالاصنصير .. وهي تناظر بكل حاجه
فهالبيت .. !!

كل شي فهالقصر مر عليه نايف .. كل حاجه هنا لمسها .. كل حاجه هنا عطره مر عليها ..

مشت فالممر الطويل .. وجالسه تناظر فغرفته من بعيييييييد

قربت تدخل غرفة نوف .. بس وقفت .. ظلت ملتفته
بجسمها لجهة غرفة نايف .. نزلت دمعه سريعه وكنها تهرب

مسحتها بسرعه

وقربت بخطوات بطيئة لبابه .. فتحت الباب وجتها لفحه قوية
من ريحة عطره .. تنهدت بقوه ودخلت


شغلت الاضاءة .. الغرفة راقيه ي صاحبها .. !
الغرفة هاديه زي صاحبها .. !
الغرفة معالمها واضحه زي صاحبها .. !

لكن الغرفة موجودة بعكس صاحبها ،

ليش سافرت يا نايف .. تبغى تهرب مني والا من القهر ؟؟ يا
ليتك هنا على الاقل صادفتك او لمحتك .. او عشت باقي
الوقت بلمحة لابتسامتك



قطع تفكيرها صوت نوف : نجيد

نجود اول ما ناظرت فنوف انحرجت وخدها صار احمر ما
حبت حد يشوفها وهي بهالحاله اللي وصلتها تدخل عشان تناظر اي حاجه لها علاقة بنايف : نوف ..

نوف بخوف : هلا

نجود : متى يرجع نايف (بكت بقوه وغطت وجها بيديها)

نوف ما تدري وش تسوي : نجيد يا قلبي .. اذكري الله ..
يومين وراح يرجع

نجود بتوتر : بس انا ما ابغى اشوفه

نوف (بسم الله هذي انجنت ): نجيد تعالي طيب معي

نوف وهي طالعه لغرفتها وضامة نجود (والله ما الومك يا
نجيد ،، والله شي يقهر ومحد يتحمله ،، لو انا مكانك والله
يمكن انجن لما اشوفه حاط يده بيدها وشلون اجل لما
يظمهم بيت واحد وتصير حلاله ) ربي يصبرك ويصبر اخوي
وش هالقهر



/

الساعه 5 المغرب ..

فبيت الجد سامي ..

الكل مجتمع .. بكره المدرسه واليوم آخر يوم من العطله الصيفية ..

الكل ينتظر عايلة ابو سالم .. لهم وحشه .. كم يوم غابو
ومكانهم فاضي ..

الصاله كبيرة وريح البخور مالية المكان .. الكل جالس
يسولف ويضحك ..

نوره : وش فيك نجيد ؟ تعبانه ؟

نجود حاطه ميك أب خفيف ولابسه جينز ستريت مره و تي
شيرت : تعبانه شوي ..

نوره : ما تشوفين شر ..

نوف : نوره وين فصولي ورتوجه .؟؟

نوره : رتوجه نايمه .. كشخت وانتظرتهم بس طولو .. حطت

راسها ونامت .. وفيصل بالحديقه حمودي ..

خالد : يااااا المااااااس

خالد : الماااااااااس


ابو خالد : يمكنها جوا عند البنات

خالد : لا هذي هي اشوفها بس تعمل حالها ما تسمع

ابو خالد : احسن النيه

خالد : نجووووووود

نجود تلتفت بسرعه : نعم؟؟؟


خالد : انعم الله عليك .. ناديلي الماس ..

نجود : ابشر


ام دانه بعصبيه : دانه اتركي الجوال عنك .. سولفي مع الناس

دانه بغرور : محد له دخل فيني ..

الماس لا بسه برمودا بيضا : هلا

خالد : ما تسمعين اناديك

الماس فقلبها (يمال الوجعه لا تفشلني قدام الناس الله
ياخذ هالخشه) : لا ما سمعت كنت احكي تبوله جوال


خالد : اطلعي فوق جيبيلي من الخزنه اللي بجنب التسريحة 7000 ريال ..

الماس تفتح عيونها بقوه (ومرتك ليش ما ترسلها يامال الخبال خدامتك انا ) : طيب



/

فواز ابو دانه : الو هلا سالم وينكم صيفتو علينا

سالم : هذا حنا قريب ..

فواز : يلا عجلو ابوي ينتظركم من الصبح

سالم : 5 دقايق بالكثيرر


سامي باين عليه الحزن عارف ان ناصر بيرجع مكانه : سالم اللي رايح يجيبهم ؟؟

فواز : ايوه ..


نوف حاطه رجل على رجل وتلعب في الكوشية : ......

نجود : نوفه .. فيه شي ؟

نوف تبتسم : لا ليش ؟؟

فجأه دخل حمودي يركض : جووووو بابا جوووو .. حتى
سعودي جا معهم ..

الكل قام وقف ..

دخل ابو سالم وام سالم : السلام عليكم

الكل : هلا وعليكم السلام ..


.. : الحمد لله على السلامه


ام سالم وابو سالم : الله يسلمكم من كل شر


راحو يسلمون على سامي وسلمى في الصاله : شلونك يبه ؟؟

سامي : هلا حي الله بنتي ..

ساره: الله يحييك

سامي : ابو سالم كيفك ؟

ابو سالم : طيب طاب حالك .. بشرنا عنك

سامي : ابد كل شي تمام

سلمى : وين العيال

ام سالم : الحين يجون

سامي بدون شعور : وناصر ؟

ابو سالم بلع ريقه : والله يا عم كلمته وقلت له ينزل بس
رفض ،، والحين اخوانه يقنعوه


جا سعودي يركض وجلس فحضن جده سامي وباسه : هلا سعودي ..

سعد : كيفك جدووو

سامي : ههههه بخير .. اقول سعودي وين ناصر ..

نوف جالسه مع الناس وتسمع جدها من اليوم بس يحكي فناصر ..

سعد : ناصر بالسياره لوحده .. قال له سالم انزل قال لا
روح وارجع وصلني ..

سامي: ما فهم شي من سعد الا ان ناصر في السياره ..

الكل جلس يسولف ..


بصوت عالي مرررررررررررره قالت الماس :
نوووووووووووووووووووووووووووف


نوف قفزت من الخرعه : لمو يا نذله خوفتيني وش فيك ؟؟


الماس بصدمه : صارلي ساعه اناديك ليش ما تردين

نوف : ما سمعتك والله


الماس : وراك سرحانه


خالد يسمعهم : اللي يسمعها يقول الهموم ماليه راسها ..

نوف ماردت عليه .. يمكن لأنها كانت تفكر بناصر .. ودها
تطلع تركض وتسلم عليه بس !!

نوف : وش بغيتي ؟؟

الماس تهمس فأذنها : بتول تبغاك في الحديقه


العنود والهنوف طلعو للحديقه يسلمو على بتول : هاااااااااااااااااي تبوله

بتول : هايات .. اشتقت لكم يا مجانين ..

العنود : وش جبتي لنا

بتول : استحي على وجهك ما قعدت لهاللحين

الهنوف : والله اختي ما تستحي ..

بتول : اي والله

الهنوف : وين شنطتك تبوله ؟؟

بتول : هههههههههههههههه يالخايسات .. وجع

ناصر جالس في السيارة يضحك على خبالهم .. بس نوف تأخرت

بتول متعمده توقف برا ..

نوف ورا الباب : نجيد خايفه ..

نجود : نويف فرصتك شوفيه .. كلميه .. هو مشتاق لك .. روحي ناظري فوجهه

نوف : طيب انتو سلمتو على تبوله وناصر ؟؟

نجود + لمو : ايووووووه

نوف ابعدت الخصلة عن وجهها وفتحت الباب بهدوء اول ما
ناظرت فتبوله حضنتها بقوه وجلست تبوله تبكي ..

نجود : هههههههه اشوف سلمت عليك وما بكيتي انا
اوريك .. خلي نوف تنفعك

نوف وهي ضامه بتول صار ناصر فوجهها ..

ناصر عدل جلسته بسرعه وحط عينه فعينها اللي من اول
ما شافته جلست تلمع ..

بتول تبكي خفيف : نويف وربي لك وحشه فقدتك مره

نوف تناظر بناصر اللي ما شال عينه عنها : وانا اشتقت لك تبوله .. كيفك ؟؟

تبوله : تمام يا قلبي ..


وقفو البنات على شكل دائرة ..

وناصر يناظر فنوف ويأشر لها تجي .. ونوف تأشر له وتقول لحظه

نجود : روحي .. يناديك

نوف : عيوني تدمع ..ما ابغاه يشوفني كذا .. انترو شوي

تبوله تمسك خد نوف : مو باين روحي قبل لا يجي سالم

نوف معطيه ناصر ظهرها وتحكي مع البنات

ناصر (نوف تعالي .. اخلصي لا يجي سالم والله مالي
نفس ) : فتح الباب بقوة ونزل بغترته وثوبه ووجهه اللي لو
احد شافه نسى الحكي ..

 

 

[إشراقة أمل]

الفصل الخامس عشر

آغليك و آغليك و و آغليك يـ/ [ الريآض ]
من غلـآ آنسسـآنْ سـآكنً فيك :$


تبوله تمسك خد نوف : مو باين روحي قبل لا يجي سالم

نوف معطيه ناصر ظهرها وتحكي مع البنات

ناصر (نوف تعالي .. اخلصي لا يجي سالم والله مالي
نفس ) : فتح الباب بقوة ونزل بغترته وثوبه ووجهه اللي لو
احد شافه نسى الحكي ..

ناصر جلس على الطاوله وقال بصوت عالي : نويف تعالي

نوف التفت له .. وراحت له بهدوء بعد تردد وبعد ما دخلو
البنات جوا : الحمد لله على السلامه

ناصر جالس على طرف الطاوله : الله يسلمك ،، وراك ما
تناظري فيني ؟؟

نوف تدمع : طيب ليش ما ترجع وينتهي هالفلم ؟؟

ناصر رافع حاجبه : كيف ؟

نوف : اقصد جدي اعتذر لك وش تبغى أكثر ؟؟

ناصر يحد سنونه : يا بنت الناس افهميني لا تصغري
مخك .. انا ما استاهل اللي سواه جدك فيني وماني بحمار
لا قالي اطلع طلعت ولا قال ارجع رجعت


نوف تبكي : بس هذا جدي .. والله يحبك ارجع عاد

ناصر : وانا احبه .. بس لا يقرب عندي .. خلاص


لحظة هدووووووووووووووء ..


ناصـر : نويف قلبي انتي .. تراي متعمد اخلي سالم يوصل
اهلي اول مع اني في طرقهم .. عشان اشوفك .. لا
تضيقيها علي

يرحم امك



نوف : طيب وين راح تروح ؟؟

ناصر : برجع المزرعه عند عزيز


جا سالم من جوا .. : هلا نوف .. وراك ما سلمتي ؟؟

نوف بحزن : هلا سالم كيفك

سالم : طيب الحمد لله ووش في عيونك ؟؟

ناصر : ما فيها شي .. يلا خلنا نمشي ..؟ ؟؟

سالم وقف وجلس يناظر بنوف وناصر : ........


نوف تركته وراحت : مع السلامه ناصر ..


ناصر وهو يركب السياره : انتبهي لحالك .


/


في السياره .. عند الاشاره ..


ناصر رافع رجله ومتسند على المرتبة .. ويناظر في
السيارات اللي برا

سالم : وش فيك ؟؟

ناصر : .......


سالم : ناصر !!

ناصر : هلا ..

سالم : وش فيك يا اخوي ؟؟؟

ناصر : سلامتك .. مافيني الا كل خير

سالم : والله حاس فيك وعارف حالتك .. لكن وش السواة ؟؟

ناصر يتعدل : خلها عى ربك يا بن الحلال


سالم : ناظر ناظر .. شف لبسها .. ؟

ناصر يكره هالحركات : خل عينك قدامك .. ياخي عيب الله ما يرضى ..

سالم : بدا عاد ناصر .. بدا الانسان المثالي .

ناصر وهو معصب : ومن قالك اني مثالي .. العن آبو
المثالية .. يا شيخ .. انت ما ترضى احد يناظر فأهلك وش
فيك ؟؟؟


سالم : يا بن الحلال انت علامك واذا يعني ناظرت فيها
شفها كيف لابسه ؟؟

ناصر : ان شاءالله ما تكون لابسه .. انت وش دخلك ؟؟ والا
عشانها مع سواق ؟؟؟؟؟؟


سالم : خلاص سكر الموضوع ما ابغى اتهاوش

ناصر يتعوذ من ابليس : اعوذ بالله من الشيطان


ناصر فقلبه ( ااااااف انا وش فيني صاير اعصب بسرعه ؟؟؟)





طق يآمطرَ وآغسلْ همومـيْ والـآحزآنَ ،
وأرويْ الضلـوعَ اليآبسـه من » ظمـآهآ



/


القاهره

نايف بعد ما وصل وارتاح ارسل مسجين واحد لناصر وواحد لناصر يبلغهم بوصوله بالسلامه ..

/


تــعالـ آظلمني بلا ذنب وحسـاب
]ظلمكـ[ ولا عـدل الزمن في غيـابـك!!





في الصاااالة ..

نوف بيدها الجوال : نجيد

نجود : هلا

نوف : ابشرك نويف وصل ..

نجود : الله يبشرك بالجنه .. افففف

نوف : اذكري ربك يومين وجاي ..

نجيد : والله هالساعات اللي غاب فيها اشتقت له : ( .. نويف

نوف : هلا ..

نجيد : احس اني حقيره .. تخيلي احب زوج اختي : (

نوف : نجيد عمري .. حنا ما نقدر نحكم مشاعرنا لو بيدك ما
كان حبيتي نايف ولو بيدي ما حبيت خير شر .. بس وش
نسوي دام هالشي

ماهو بيدنا ؟؟؟؟

 

 

[إشراقة أمل]

غنيت لِك في فَجري ..[ الفجـر البعيد ] ..
وإنت بعيد وَ حنيت لك ..
وَ صاح حـزِني ..[ يا عنييييد ]
إرجع ترى ناديت لك ’


/


السبت الساعه 6 صباحا ً


محمد : ماما ما ابغى اروح للمدرسة بطني يوجعني

ام خالد : عادي يا ماما لازم يوجعك اول يوم .. بعدين انت
كبرت خلاص .. الحين تروح وتلقى اصحابك هناك

محمد يناظر فأمة وهي تساعده فلبس الجزمة : اففففففففف


/

الماس واقفة قبال المراية وتغني : رجب حوش صاحبك
عني رجب صاحبك اهو شافني رجب قلو ي


نوف : الحمد لله والشكر .. !! ما انتي بصاحية وربي ؟؟؟

الماس : ههههههه اشتقت للدراسة وللكتب وللالتزام ..

نوف : جد بزر .. راح تداومي وتطفشي وتشتاقي للعطله ,
وقولي نويف ما قالت

الماس : مالك دعوى ، المهم وراك ما جهزتي .. !

نوف : انا طفشانه وضايق خلقي ..

الماس وهي تحط الروج الزهري : آهآ انا عارفه وش اللي مضايقك

نوف باهتمام : اذا انا نفسي مو عارفه انتي كيف عرفتي ان شاءالله ؟؟؟

الماس : مممممممم الا اقولك نويف ،، نويصر ماهو مودينا
الجامعة ؟؟ لأن دايما اول يوم دراسة ياخذنا كلنا هو ونايف
،، صراحه بنفقد هالحركه


نوف بقهر : لمو بلا حركات البزارين وبلا نغزاتك اللي من
تحت لتحت ،، اصلا ما همني من بيجيبنا ومن بيودينا لأني
اساسا مالي نفس اروح للجامعه

الماس وكنها تقلب من المزح للجد : لا جد حياتي نويف
وش فيك ؟؟ دايم تكونين متلهفه للجامعه ولصاحباتك وش
فيك ؟؟


نوف بمزح : لأنك هالسنة جيتي معاي في الجامعه
ههههههه


الماس سحبت العباية من الدولاب وطلعت من الغرفة :
حتى ابتسامتك وضحكتك تغيرت ..



نوف انعقدت حواجبها وجلست تفكر بحكي الماس .. جد
هي تغيرت ؟؟ صحيح انا ما عدت بنوف القديمه ؟؟ آآآآآآآىخ
يا ناصر والله من بعدك كل شي تغير

وعدتني ترجع واخلفت بالوعد على غير عاده .. لكن عاذرتك
والله عاذرتك بس خلاص ما عاد فيني حيل ..



مكتوب لي كل العمر اني اغليك
هذا القدر واحلى قدر في حياتي



/

/


بتول : آه ماما ألم ما هو طبيعي .. آآآآآه

ام سالم خافت ومسكت معدة بنتها : من هنا ؟

بتول بصياح : آآآآآه .. ايوه .. لا توجعيني ماما ..

ام سالم : انتظري اتصل بسالم يجي

بتول : لا ماما سالم يقول عند اصدقاه وماهو جاي الا على الغدا .. آه ..

ام سالم ماسكه الجوال : وش وراه ما يجي ؟؟ من الأهم ؟

بتول : ماما راح يطول .. بليز ماني قادره ..

ام سالم بصوت عالي : فاااااااااااارس ..

فارس قفز من سريره لقى حاله قبال السلم : بسم الله
وش فيك يمه ؟

ام سالم : اسمالله عليك .. بس ابغاك تودي تبوله للمستشفى بسرعه يوجعها بطنها


فارس يرد شعره لورا : يمه اخاف دلع .. تبوله حياتي اذا
ماودك تروحي للجامعه خايفه من البنات اللي بالي بالك لا
تروحي .. وبلا مسرحياتك اللي مالها داعي


بتول : ماااااامااااااا خليه يسكت .. ينرفز آآآآخ والله يوجع ..


فارس ناظر فيها .. وجها غريب مو زي عبطها اللي دايم :
البس واجي دقيقه



/



في بيت ابو دانه ..

ام دانه على طاولة الطعام : هم هم

الريم بعصبيه : ماما انا مو بزر توكليني ..

ام دانه : بس هالزيتونه .. على شان امك

الريم وهي تاكلها : وين بناتك مالهم صوت ؟؟

ام دانه : شفت جدولهم الاسبوع اللي فات .. عندهن

محاضره 9الساعه ماهو الحين



الريم : وانا اجلس من النوم الحين .. اففففففففف متى اخلص وافتك

ام دانه : جوالك يرن ..

الريم تلتفت بسرعه للجوال : نايف !!

ام دانه : والله عارفه انه بيتصل ..

الريم بحيا : الو ؟

نايف : صباح الخير

الريم : صباح النور .. كيفك نايف

ام دانه تناظر فبنتها اللي لاحظت عليها كل ما تكلم نايف يتغير صوتها !!


نايف : بخير الله يسلمك .. ها جاهزه ؟

الريم : لأيش ؟؟

نايف : لأيش يعني ؟؟ للمدرسه ؟

الريم : ايوه جالسه افطر مع امي ..

نايف :لا خلصتي من الفطور عطيني رنه واطلعي عشان اوصلك ..

الريم وهي طايره من الفرحه : ها ؟ لا ما ابغى اتعبك ؟ ابغى اروح مع السواق


نايف : افا ترديني ؟؟ مو بعلى كيفك اصلا ..

الريم : اجل انا خلصت


نايف : اكيد ؟


الريم : ايوه

نايف : اجل يلا انا بالسياره ..

الريم تركض للشباك : الله يسامحك جالس تنتظر من الصبح ؟


نايف : لا عادي .. يلا اطلعي ..

الريم : دقايق

الريم باست راس امها لبست عبايتها و رمت الشيله على
كتفها وطلعت تركض وكنها مو مصدقه انها راح تطلع مع
نايف .. يا حبني لك وبس

ما اقول اعزك مثل باقي الناس !!
بقول : لك (دنيا) بقلبي وسيعة


/
/



في المستشفى ..

الجو كان مره هادي .. لا زحمه ولا ازعاج .. اصلا مافيه احد ..

هناك جالس فارس بثوبه الابيض وشعره الأسود كان يشبه
عيون ناصر .. .. وبجنبه بتول اللي باين عليها التعب كانت
مره توجع القلب .. وجها البريء والناعم ماهو راكب على
جسمها الهالك

جالسين ينتظرون النتيجه


بتول : فارس الله يخليك ما ني قادره .. خلنا نطلع للقصر
بعدين نعرف النتيجه ..


فارس : انتظري يا بنت الحلال . . ما بقى شي ..


دخل واحد على كرسي متحرك واصدقاه يركضون بجنبه ..
كان الدم مغطي شكله .. كان هو الرابع .. والثلاثه كانو
لابسين لبس رياضي وباين انهم كانو جايين من بر من
شي زي كذا ...


الاول : وين اللي هنا .. الله يلعنكم احد يرد علينا ..


بتول رافعه الغطا وتناظره .. نست الالم والعوار وكل حاجه ..
ناظرت فيه وكان يحاول ينزل عينه ما هو قادر يحط عينه
بعينها الرجل يكره لحظة الضعف ..

كان مره وسيم .. طويل وشوي معضل وشعره اسود
وشوي طويل لتحت اذنه واسمر و عامل لحيته ديرتي ..
كان شكله ينرحم .. بتول



سامي كره حاله المستشفى كبير وفاضي وما حطيتوني
الا فوجه هالبنت .. شكله بيزيد الالم


كانت تقول فقلبها : استغفر الله كل هالحلا حرام يتعذب
كذا .. رجله مره ممتليه دم .. الله يشفيك يا رب ..

من كثر جماله بتول ما قدرت تشيل عينها عنه .. لكن في
الاخير لحقت حالها واوجع قلبها وعملت حالها ماهي
مهتمه ..


وبين كل هالثواني اللي مرت بلمح البصر .. وقف فجأه
فارس عل صوت واحد من الشباب يلعن .. وينادي ..



فارس : مهند .. !!

مهند : فارس ؟؟ شسالفه وراهم ما يردون علينا


فارس يسحب الدراجه بسرعه : سلامات يا سامي .. الله
يشفيك .. تعالو هنا بدخله على هالدكتور


مهند : الكلاب يقولو طوارئ وهم نايمين في العسل .. والله ما اتركهم

سامي رغم الالم ما صرخ : اذكر الله يا مهند .. الحمد لله
وصلنا ..


سامي وعينه على فارس .. ( معقوله البنت اللي كانت

بجنبه من اهله ؟؟ استغفر الله وانا من اليوم اطالعها وما
انتبهت لخويي اللي بجنبها وش يقول عني الحين ؟؟؟

بتول حاطه يدها على فمها تناظر فسامي ناظرت بحالها
وهان عليها الالم شكله كان مره يخوف وهي

ماهي متعوده تشوف نقطه جرح : ........ ؟



/



في شقة ابو تركي ..

ام تركي : روحي للجوهره وعقليها .. وقوليلها عيب تزعل
من امها مهما كان انا ماني صاحبتها

ساره : والله فهمتها يمه .. بس انتي تعرفين الجوهره بزر ..
اذا رفضتي حاجتها كنك تكرهينها .. وش درها انك تدورين
مصلحتها ؟؟

ام تركي : والله هالبنت بتجنني .. ما كانت كذا .. من اول ما
طلع عزيز وتركي وهي متغيره .. والله عيالي يخوفوني

ساره : الله يرحم حالنا اول .. يااااوه يا يمه والله اشتقت
لجمعتنا واشتقت لهواش عزيز ودلع الجوهره وجدية ابوي
وحنان تركي

واشتقت لضحكتك

الحين كلهم راحو مع بعض ..


ام تركي : الله يسترها علينا يا بنت الحلال .. هذي هي
الحياه وش نسوي اكثر من كذا ..

انا وابوك يا ساره تعبنا بهالدنيا كثير رغم هذا عارفين ان فيه
ناس تعبت اكثر منا

عشان كذا لازم نحمد ربنا على كل حاجه غيرنا تلاقيه ماهو
لاقي راحة البال اللي الناس ماهي حاسه بقيمتها

ساره بألم : وانتي يمه حاسه براحة البال ؟؟؟

ام تركي تسكت شوي وتكمل رجاحة عقلها : راحة بالي يا
ساره اني اشوفك انتي واختك قبالي .. واشوف عزة ابوك
ما ماتت رغم كل اللي صار

ساره تتنهد : هالكلام وهالمواضيع تتعبني .. كل ما افكر
فيها اكره حالي وبعدها اتعوذ من الشيطان ..

ام تركي : وش هالمواضيع اللي تتفتح على هالصباح ..
روحي روحي نادي اختك تفطر معي .. وحشتني لقافتتها

ساره توقف : يمه انا رايحه اناديها بس تكفين راضيها على
شاني .. ولا تنسين ان الجوهره بنت وتبغى تكشخ وتطلع
مع صاحباتها

وحنا هنا مو موفريلها ولا حاجه .. فهذا ما يمنع انها تطلع
شوي وتروح وترفه عن حالها بحدود المعقول


ام تركي سكتت وكنها تفكر بحكي ساره



/


ام سالم : ها يا فارس وش صار ؟؟

فارس : يا يمه يا حبيبتي قلت لك ان وصلنا شي بلغتك
فيه .. لا اتعبي حالك

ام سالم : انا الغبيه طعتك وما رحت معكم .. اخاف انهم
قايلين لك حاجه ومخبيها عني

فارس : تعوذي من ابليس يا ام سالم .. هذي بنتك ماسكه
الجوال وتقرقر فيه مافيها الا العافية ..

ام سالم : طيب مثل ما قلت لك .. اول ما يقولك وش فيها
دق علي طيب؟ ؟؟؟


فارس : ابشري ما طلبتي شي ..



/


بتول تحاكي نوف عالجوال


بتول : والله احلف لك وراك ما تصدقيني

نوف : كذابه .. امس جايه من السفر واليوم بالمستشفى
؟؟ كذاااااااابه انا ما اصدقك اصلا

بتول : هذي اللي تبغاني اذبحها والله اني بالمستشفى
ومع فارس كمان

فارس : ووراك فرحانه انك في المستشفى ؟؟؟

نوف : هههههههههههههههه اي والله صادق .. هذا فارس ؟؟

بتول بتريقه : ايوه فارس ابو دم خفيف ..

نوف : لا جد تبوله كنها قلبت جد .. وش فيك عسى ما شر ؟؟


بتول : بطني يوجعني مره نويف .. احس راح أودع


نوف : بعيد الشر عنك .. لا تقولي على نفسك كذا .. مغص او نزلة معويه ..


بتول : اول مره يوجعني زي كذا .. انا خايفه

فارس بصوت طفشان : بدت الافلاااااام .. اشوفك بعد شوي
تنطنطين زي القرده


بتول تضرب رجلها في الارض : فارس .. انا مو قرده .. اففففففف


فارس : وطي صوتك ما تشوفي اخوياي هناك ..


بتول : ماني عاجبتك رح عندهم .. بعدين انت شايف
اشكالهم ؟؟ هذيلا كبار ما تقول اعمارهم 20 او 19


فارس : ومين قال انهم 19 يا البزر فيه 24 وناس 23 هذيلا اخويا ناصر ..

نوف فز قلبها : وشفيهم ؟؟؟

بتول : تقولك نويف وش فيهم

نوف : وجع يا حماره انا اسئلك انتي .. الحين يهاوشك
مالت عليك


فارس برفعة حاجب : وش دخلها الاميره نوف ؟؟؟ بتعالجهم
؟؟ والله ان جلست عندكم لأذبحكم اروح اشوف الرياجيل
ابرك

بتول : اي والله ابرك

/



بتول بهمس : نويف


نوف : وجعه شفتي كيف هاوش .. صدق انك خبله


بتول بهمس مره ثانيه : نووويف


نوف : هلا ؟؟


بتول : اصدقا ناصر كل واحد احلى من الثاني .. جايبين
صاحبهم ازين واحد فيهم مصابه رجله وكلها دم شكله
يخوف

اوجع قلبي حسبي الله على عدوه الله يشفيه

نوف راسها اوجعها : حكيك ورا بعض مدري انتي تدعين له
او تدعي عليه حبه حبه

بتول : يووووه وش قلت انا .. ؟ جالسه اقولك يجنن يخقق ..
جلس يناظر فيني وانا اناظر فيه محد استحى هههههه


نوف : شكله هو اللي استحى ههههه

بتول : وجع نويف .. يا زينه .. طلع اسمه سامي .. عاد انا اكره اسم سامي بس الحين حبيته

نوف بفمها ضحكه : حبيتيه ؟؟

بتول بسرعه وبدون تردد : اااااااااايوووووووووووووووه


نوف فجرت ضحكتها : هههههههههههههههههه جد هبله
ههههههههههه امداك تحبيه ؟؟ اجل يا كثر ما حبيتي .. هههههه

بتول بجديه : نويف والله واجد المزايين اللي شفتهم في
حياتي بس هذا غير والله .. صدقيني

نوف : طيب صدقت ههههههههه

بتول :عارفه كيف انا الغلطانه اللي متصله فيك اول وحده
عشان اعيك اخبار اول بأول ..

نوف : ياويلك من الله .. اصلا فقدتك ما اتصلتي .. دايم
تهجديني من الصباح .. وش البس وش احط

بتول : طيب انتي ليه ماراح تدوامين ؟؟

نوف تلعب فشعرها : كذا

بتول : وشو اللي كذا ؟؟ ما نمتي والا ما شبعتي من الاجازة ؟؟

نوف وكنها تسأل نفسها زي هالسؤال : والله مدري

بتول تناظر فالباب وبوجه مصدووووم : نويف سامي سامي


نوف : سامي مين ؟؟؟


بتول : يوووووووووه المزيوووون


نوف : وشفيه ؟؟؟


بتول بهدوء : طلع من الغرفه .. واول ما طلع ناظرني والله ناظرني وشال عينه


نوف : يا هبله لا تناظريه عيب يعرف ناصر ..

بتول : والله ماقدر .. يجذب

نوف : هههههههههههه راحت فيها بنت عمتي

بتول : اي والله . اقول نويف الدكتور نادى علينا يلا باي

نوف : طمنيني

بتول : اوكي



/


الجوهره تبوس راس امها : صباح الخيـر

منيره : صباح النور فبنتي حبيبتي .. هلا والله بآخر واحلى العنقود

الجوهره بزعل : هلا فيك يالغاليه

منيره بحنان الأم وعاطفتها : وش في الحلو مبوز ؟؟

الجوهره بابتسامه : ولا حاجه

منيره : هذا وانتي بكره بتروحين لنوف زعلانه ؟؟ شكلك ما
ودك تروحين

الجوهره بفرح : وشو ؟؟؟؟ اروح يمه ؟؟؟



منيره : لا لا شكلك زعلانه


الجورهره : لا يمه وش يزعلني الحمد لله والشكر دامك
عندي والله ما ازعل .. ها يمه من جدك اروح ؟؟


منيره : بس بشرط ؟

الجوهره باهتمام : وشو ؟

ساره بضحك : لما تجي الساعه 12 تكونين في البيت

منيره : هههههههه لا وانتي الصادقه .. الساعه 9 وهي
في البيت

الجوهره بدلع : ومتى اروح لها اجل ؟؟

منيره : الساعه 8

الجوهره : يمه من جدك ساعه ؟؟؟

منيره : ما عندي الا هي ..

الجوهره : وابوي ؟؟

منيره : ابوك خليه علي ..

ساره بصدمه : بتقولي له بتروح بيت اخوك :|

منيره : ليه مجنونه ؟؟؟ لا بقوله بيت صاحبتها ..

ساره : ومن راح يوديها

منيره : انا وانتي .. مع التاكسي


الجوهره : انا اروح بتكسي ؟؟ لا ان شاءالله

منيره : اجل اجسي يا بنت الامير


الجوهره بحزن : يمه كيف اروح لها بتاكسي وهي تركب احلى السيارات ..

منيره : الواحد بروحه مو بماله .. بعدين مثل ما سمعت ان
نوف ما تهتم بالهيئه كثر المضمون .. مو هذا حكيك عنها ؟؟

الجوهره : الا بس ..

ساره : المره الجايه خليها ترسل واحد من سواقينهم
الجوهره : اففففففففف


منيره وكنها تذكرت حاجه : ايه واسمعيني كويس .. تبلغين
نوف لا تعلم احد انتي من بنته فاهمه .؟؟؟


الجوهره : لا حنا متفقين على كذا من زمان .. مع انها تمدح فأمها وابوها ..


منيره : عز الله ابو خالد مافيه زيه جلس طول هالسنين
يقنع فأبوي .. ولما فقد الامل جا يقنعني فقصر ومصروف وما
اقتنع اني رافضه الا حلفت ما آخذ منه شي



ساره : يا حظك يالجوهره .. راح تشوفيهم كلهم .. والله
شي حلو تشوفي ناس ما عمرك شفتيهم وانتي عارفه
انهم اهلك



الجوهره بفرح : اي والله موقف يخوف .. انا طالعه الجامعه
يمكن اصادف نوف هناك واقولها .. بااااااااااي



/


في المستشفى [ عيادة الاشعة والسونار ]

الدكتور فهمي : أهلا تفضلو

فارس يجلس : دام فضلك

الدكتور يفتح الاشعه ويدبس فيها الاوراق : كم عمرك يا
شاطره

بتول تناظر فصلعته (مكتوب قدامك يا الدلخ ) : ما حسبته

الدكتور مستغرب وفارسس اكثر استغراب : إيه ؟

فارس بصوت هادي : انا اوريك ،، 19 سنة يا دكتور

الدكتور : بصي يا بنتي .. العملية مش حتطول .. والكل
بيعملها بالمستشفى عندنا

بتول من اول ما سمعت كلمة عملية وهي تبقق عيونها
على كبرهم : إيــش ؟؟


فارس استغرب : وش عمليته ؟؟

الدكتور : لأه ما تخفوش ، عملية الدودة الزايدة

بتول مصدومه دايم يوجعو قلبها صاحباتها اكثرهم فيهم دودة
زايدة وعملو العمليه بس كانت ترحمهم الحين كيف هي ؟؟؟

بتول جلست تبكي بقوه


فارس توهق : تبوله عيب بزر انتي

بتول تبكي زياده : ابغى بااااااااااااااااااابااااااااااااااا

الدكتور يوقف : انته متأكد ان عمرها 19 ؟؟

فارس باحراج : وش يدريني .. على بكيها هذا ما اعطيها حتى 10 سنوات


الدكتور يقرب من عندها : اسمعيني كويس .. واللهي العمليه ناجحه 100 بالميه مالك خايفه ؟؟؟


فارس : اي والله مالك خايفه .. وش فيك خايفه ؟؟؟ انا
قلبت حسبي الله على عدوك

بتول : اخاااااااف من العمليه ما ابغاها ..

فارس عارف ان اخته خوافه هي حتى البندول او الحبوب
تخاف تاكلهم كيف عمليه وشق وجرح ودم وقص ؟؟؟ هو
نفسه حامت كبده



فارس : مالك دخل فيها دكتور فهمي .. مين احسن واحد في الرياض يعملها ؟؟؟


فهمي وكنه يقول فقلبه فيه دلاخه اكثر من كذا ؟؟ : فيه ايه مالكم بتحسسوني انها عمليه .... لا سمح الله انتا

هنا بأحسن وارقى مستشفيات المملكة كلها .. وبتسئل ؟؟؟



فارس : مين اللي راح يعمل العمليه طيب ؟؟

فهمي : انا


بتول فقلبها (كملت .. والله وجهك غبي .. ياويلي لو تنسى المقص جوا) : آآآآآه يا بطني


فارس : طيب متى العمليه ؟؟

فهمي : بأسرع وقت .. بكره الصبح ..

بتول تزيد بصياحها : ما ابغى ما ابغىىىىىىىىىىىى



فارس تفشل : المشفى كلهم درو ان بتول من صوت صياحها

/



فغرفة الانتظااار

مهند : هذي وش فيها ؟؟


سامي بخوف : فارس يقول ينتظرو النتايج .. لا يكون
اكتشفو فيها الــ .... لا سمح الله

مهند : وش فيك خايف انت ؟؟؟


سامي بتوتر : وشو يعني ما اخاف .. ما هي انسانه ؟؟؟

مهند : ههههههههههههه وش فيك سامي .. ما اقصد كذا
يا بن الحلال حتى لو ما كانت اخت صاحبنا ندعي لها
بالشفاء

بس انا اقصد وش فيك مأثر مرررره ؟؟؟

سامي فهم نغزات صديقه : مهند . . لا تزيد الالم علي ..
قلت لك عادي .. كلامي عادي وشعوري عادي

ماني انسان ؟؟


مهند: هههههههههههههههه وش فيك اليوم ؟؟ انسانه وانسان ؟؟؟ جد محامي ..




سامي : بلا تريقه .. والله صوتها وشكلها ينرحم


مهند : لانها انسانه ههههههههههههه

سامي وده يحذف مهند من الشباك بس ؟؟ : مهند لا
تقهرني والله ما عندك احساس .. قسم بالله صدمتني


مهند باحراج : وشفيك حساس من بعد الاصابه .. يابن
الحلال اذكر الله لو فيها الخبيث مالقيتها هنا


سامي بعصبيه : لا تقول اسمه .. اعوذ بالله .. ان شاءالله مافيها شي


طلع فارس مع بتول اللي نست ان سامي برا .. لو تدري
مسكت حالها (يوووه هذا وش مقعده يا فشلتي الحين
يقول بزر

وخبله ودفشه ) ياربي انا كيف بكيت ؟؟؟ افففففففف اكيد
بكيت زي البقره : لحقت على حالها ورمت الغطا على وجها
لا يشوف عيونها الحمرا




سامي ينادي فارس : عسى ما شر فارس بشرنا عن الاهل


فارس ماسك ضحكته : انا خفت حسبي الله على عدوها ماهي ببنت بزر ..


سامي نسى حاله : وش فيها ؟؟

فارس : دوده زايده بس

سامي : اشوى

فارس : نعم ؟؟

سامي يلحق حاله : لا اقصد ان صوتها خلانا نروح بعيد .. الله يشفيها ان شاءالله .. ويقومها بالسلامه

فارس : الله يجزاك خير .. تامرنا بشي

سامي : سلامتك


فارس : الله يسلمك ماتشوفون شر شباب



/

مهند : هههههههههههههههههههههههههههههه

سامي : ان حكيت كلمه وحده قتلتك

مهند حاط يده على شعره وفاطس ضحك :
ههههههههههههههههههههههه



علي : وشفيكم ؟؟؟؟؟؟؟

سامي يناظر بمهند : ولا حاجه ..

علي : طيب انت وش فيك تسئل فارس زي كذا اللي
يسمعك يقول بنت خالتك والا عمتك



مهند ما قدر يسكت : ناظر .. مهو بس انا اللي ملاحظ .. زودتها بقوه .. ههههههههههه


سامي : انتو من جدكم ؟؟ وش قلت يا عالم ؟؟؟

مهند يغمز لسامي : تبغى اسمها ؟؟؟


سامي : احترم نفسك هذي اخت صاحبك

مهند : افا وش كنت اقصد انا .. والله نيتي شريفه .. اول كنت اجي العب مع ناصر .. واعرف اخوه الكبير سالم واعرف اخوه الصغير فارس وسعد وما

كان عندهم الا هالاخـت وكنت اشوفها تطلع مع ابوها
وناداها سعد وحفظت اسمها بس والله كانت مزيونه انا
وهي بزر اذكرها


سامي عصب : انت ما تستحي ؟؟ وش فيك اليوم ؟؟؟

مهند : ههههههههه عاد انت كل ما تزعل او تعصب تاخذ
اغراضك وتطلع .. الحين ورنا كيف بتطلع ؟؟

سامي وده يعرف اسمها : طيب وش كان اسمها ؟


مهند مات من الضحك مره ثانيه : هههههههههههههههههههههههههههههههههههههههههه


سامي تحسف انه سئل : كل تبن

مهند : هههههههههههه اعلمك بس هد اعصابك وراك حمقان يا بن الحلال ..

سامي يزين ثوبه : اخلص قول ؟

مهند : مصر تعرفه ؟؟؟

سامي : يووووووووووووووووووووووووووووووووه

علي : قول يخرب بيتك .. انا اشتهيت اعرف اسمها

مهند : بــتـــــــول ..

سامي : .............

علي : راكبين على بعض سامي + بتول الله وش هالرومانسيه

سامي : والله ان ما سكتو لأقوم عنكم لو يحركني الهندي
اللي هناك .. لعنبوكم عملتو قصه على البنت والله حرام

علي عقل شوي : والله ما نقصد كلنا نمزح

سامي : هالامور مافيها مزح اصلا

مهند يشعل زقارته : انت من متى عندك مزح اصلا ؟؟؟
حياتك كلها جد فـ جد لا ولا جيت تمزح من اقصاك قطيت
نكته بايخه

علي : هههههههههههه ايه ونضحك عليها مجامله

سامي : ههههههههههههههههههه الله يقلعكم .. شككتوني فنفسي

علي : الله يعينها عليك هههههههههه

سامي : منهي ؟؟


مهند : اللي بتاخذك .. لايروح فكرك بعيييييييييييد ..

علي: اقول مهند ..

مهند : يا لبيه


علي : يبيعون هنا تبوله ؟؟؟

سامي ما فهم : عمرك شفت تبوله بمشفى ؟؟ والله انك مفهي


مهند : خخخخخخخخخخخخ تبوله عند امداها وصلت قصرهم ..


سامي رفع حاجبه وكنه توه يفهم : ما انتهينا ؟؟؟؟؟؟؟

علي : سامي شكله متحسف ان الدراسه قطعته عن

ناصر .. ههههههههه شكله بيرجع صلة الرحم

سامي جلس يحرك كرسيه

صرخو كلهم : خلاص خلاص والله لنسكت بس تعال

 

 

[إشراقة أمل]

الفصل السادس عشــر

.
لازم العاشق ليا حب يعرف حاجتين
بالبدايه والنهايه قليل اللي سلم

البدايه حب واشواق بسمات وحنين
والنهايه هم وفراق ودموع وألم


:





/


قصر ابو سلمان

ام سالم جايه تركض : والله محد يعتمد عليك وين اللي قايلي بيتصل ؟؟؟

ركضت بتول تبكي وضمت امها ..

ام سالم مصدومه كل شي شين خطر فبالها !!!!

ام سالم : وش فيك تبوله ؟؟؟

بتول تصيح : آآآآآآآآآآآه ماما انا فيني مرض

ام سالم : هااااااااااااااااااااااه !!!

فارس : عمى ان شاءالله .. احد يحكي بهالطريقه ؟؟؟؟ خوفتي امك يا بقره ..

ام سالم ماهي فاهمه شي : وش السالفه ؟؟؟

فارس يجلي بهدوء : بنتك فيها دوده زايده

ام سالم : لا اله الا الله .. (كنها تقول فقلبها اشوى جت على كذا)

بتول وبكيها اللي ما يخلص : ماما راح اموت أأأأأأأأه

ام سالم : يا قلبي تبوله هذا ما يسموونه مرض ، وش فيك ؟؟ انتي كبيره هالحين .. عمليه بسيطه يشيلونها وبس


فارس يقهرها : ياويلك يالبتول بيفتحون بطنك وينكن يتلخبطو بالقص بعدين يلعبو فمصارينك وبعدين يخيطوه

زي ما يخطو القماش يااااااااااااا ويلك ههههههههههه


بتول انهااااااارت اعصابها : ااااااااااااااااسكت انت ،، ماما شوفيه (وتكمل بكيها اللي يفجر الاذان)

ام سالم : فارس !!! هذا بدل ما تهدي اختك ؟؟

فارس وهو طالع على السلم : والله بنتك عياره ،، اشوفها تلبس عدسات ومادري وش تعمل فوجها وما خافت
هالنوب تخاف من عمليه تافهه ؟؟؟

طلع وصعد


ترك ام سالم وبتول حيرانين وش دخل العدسات فالعمليه ؟؟؟



بتول وهي فحضن امها : ماما

ام سالم : هلا يا قلب ماما

بتول : وش دخل العدسات فموضوعنا

ام سالم : والله مادري

بتول : ههههههههههههه فارس تحفه تلاقيه منصدم كيف نقدر نغير لون عيونا

ام سالم فرحت لما ناظرت فبتول اللي نست المها : ههههههههههههه

بتول وكنها ترجع لحالتها : ماما انا خايفه ..

ام سالم : والله ما تستاهل الخوف بس عطوك شي ادويه والا شراب

بتول : ايوه بس ما ابغاهم .. انا طالعه اكي مع نوف ويمكن اروح لها

ام سالم : خليها تجيك ليه تروحي ؟؟ نويف تقدر ويمكن تهديك وتعلمك بالعمليه

بتول : اسئلها واشوف .. الله يعيني كيف اتحمل هالالم ..


/


الساعه 2 الظهر

وقف السواق بالسياره الكشخه مرررره اللي يروحو فيها البنات دواماتهم في الجامعه
نزلت الماس والهنوف والعنود ونجود

وكل وحده طلعت قصرها

الماس : هاااااااااااااااااااااااي


الكل ينتظر وقت الغدا : وعليكم السلام

الماس تبوس راس ابوها وامها : اشتقت لكم

خالد : انا اشوف القصر هادي طلعتي مداومه ؟؟؟

الماس : ههههههه اول دوام اليوم ..

خالد : اجل انتي ورتوجه وفيصل تدوامو مع بعض ؟؟ وديتهم اليوم الروضه

الماس عصبت : انا بالجامعه ودعت المدارس بس وش اسوي اذا الله كاتب اني ادوام مع بزارينكم

خالد : الحين هم البزارين ؟؟؟

الماس : ايوه ههههههههه


خالد : هههههههه الله يرحم يا لمو وش سويتي في الجامعه ؟؟ ووينها اختك المصون ؟؟؟

الماس : اختي الحلوه ما داومت اليوم ..

خالد باستغراب : كيف ؟؟

الماس طلعت عذر من مزاجها : تقول راسها يوجعها ، تامرون بشي ؟؟؟

ام خالد : اجلسي حطينا الغدا

الماس وهي تشيل عبايتها لا ماما تغديت في الجامعه مع البنات جاااااااااااو

،



على الغدا


ابو خالد وام خالد و خالد ونوره يتغدون ، وفيصل ورتوجه على طاولة بجنبهم

ابو خالد : الحين الماس ما عاد تشوفونها ينقلب نومها لما تبدى الدراسه وحتى لو صحت تلقاها على
هالكمبيوتر

خالد : تبغاني آخذه منها ؟؟؟


ابو خالد بنرفزه : لا لا لا تقرب عندها ..

خالد انقهر : تامر انت

نزلت نوف لابسه عبايتها : السلام عليكم

الكل : وعليكم السلام

نوف : عافيه يا رب

.... : الله يعافيك تعالي تغدي

نوف : لا والله مو مشتهيه أبد ، بطلع عند تبوله ويمكن اطول عندها زي ما قلت لك بابا

خالد ويترك الملعقه من يده : اشوف وحده طالعه ووحده داخله .. ابغى افهم متى بتجلسون فهالبيت ؟؟؟

نوف تبغى تحرجه : تبوله بكره عمليتها ورايحه لعندها ،، اذا ما تبغاني اروح يا هالد ما عندي مشكله

خالد سكت : .......

نوره : سلامات عمليه ايش ؟؟؟

نوف : زايده بعيد عنكم

الكل : لحوووووووول الله يعينها عاد هي خوافه

نوف : اي والله .. تامرون بشي ؟؟

..... : سلامتك

فيصل : نوووووفا اخذيني معك

نوف تبوسه : لا انت اجلس هنا واكل عشان تصير قوي طيب ؟؟

فيصل يجلس : طيب

//





نجود تتصل : هذي وش فيها ما ترد ؟؟؟؟؟؟؟؟؟؟؟؟؟؟؟؟؟

الهنوف على فراشها : تراك ازعجتينا يمكن نايمه ؟؟

نجود : ما قامت الا الظر كيف تنام ؟؟؟

الهنوف : وانتي حاسدتها .. اطلعي عند العنود ابغى اناااااااااااااام

نجود : اففففففف اصلا وش جايبني عندك ؟؟؟؟

الهنوف : نادي لي الخادمه بطريقك

نجود : اقول اسكتي ..

//



نوف : يلا اطلع .. روح بيت بابا سلمان

سواق : اوكي

نوف (اوووووووووووف 7 مكالمات ؟؟؟)



نوف : الو ؟؟؟

نجيد : تو الناس !!

نوف : سوري نجيد والله كنت البس وش فيك ؟؟

نجيد على الشباك : انتي اللي فالسياره ؟؟؟

نوف : ايوه ؟

نجيد : وين طالعه ؟؟

نوف : عند تبوله ..

نجيد : وما تعلميني يالخايسه

نوف : والله قلت مدامه وتعبانه اكيد .. بعدين انا اعرفك لو ايش ما تجين وانت عندك دوام عارفه
نفسيتك هههههه

نجيد : على الاقل جاملي ..


نوف : ما بينا مجاملات .. ما قلتي لي وش فيك ؟؟

نجيد : ايه .. نوف من شفت وانا طالعه من الجامعه ؟؟؟

نوف : مين ؟

نجيد : واحد نسخة نايف .. وربي يا نوف اني جلست اناظر فيه سااااااااعه ياويلي يالفشله

والله يا نويف والله لوما اني عارفه انه بمصر كان قلت هو

نوف : هههههههههههههه صرتي تشوفي الناس كلهم نايف

نجيد : لااااااا والله يشبهه ،، الا هو

نوف : اسمالله عليك ..

نجيد : انتي متأكده انه مسافر ؟؟

نوف : مثل ما انا متأكده اني احاكي نجيد ..

نجيد : انا انجنيت .. سبحان الله .. لا وواقف شوي بعيد تقولي استخبارات ..

نوف : طيب شفتي من ركب معه ؟؟

نجيد : لا طلعنا قبله .. حتى هو كان يناظر ..

نوف : غريبه والله .. المهم وش سويتي اليوم مع الحلوات ؟؟؟

نجود : اسكتي اسكتي هبلو بي .. كني طالعه نزهه مع بزارين

نوف : هههههههههههههههه احلى تشبيه وربي

نجود : لا تضحكين وربي اتكلم جد .. تعرفي اللي مكبوتات من الدراسه وجو طلعوها كلها بأول يوم ؟؟؟
لا وصديقاتهم وووووووووووووووع


نوف : هههههههههههههههههه ليه ؟؟


نجود : جايتني صديقة الماس تقول انا معجبه فيك انا جلست اناظر فيها !! والثانيه تطلب جوالي من الهنوف تقول اختك مره


حلوه وكيوت ههههههههههههههههههه ماشافتني وانا اضرب الهنوف


نوف : ههههههههههههههههه حسبي الله على عدوك شرقت بالمويا

نجود : على طاري المويا ما شربت اليوم ابدا .. ياويلي على بشرتي بتخرب مع هالجامعه .. ام شاربه 12 كوب واليوم ولا شي


نوف : الله يعينك بتتعبي اجل

نجود : ايوه وشفت صاحبتك المزيونه وش اسمها ؟؟

نوف : مين ؟؟

نجود : الجوهره

نوف : اييييييي كيفها ؟ زمان عنها ..
نجود : تقول تبغاك ضروري .. اذا فضيتي اتصلي
نوف : يا حياتي .. عساي ما انسى بس


/



ليـه انت بـْ الذَات لآ مِن غبْت " تشغلني "
وغيِرك اذا غَااب قلت: اللـه يسهّل له ؟!




سكرت نجود من نوف و راحت تروشت وشربت 3 أكواب مويا حست راح تنفجر وبعدها دخلت بفراشها

حاولت تنام يمين يسار مااااااااااافيه .. !

نجود : اففففف شسالفه .. قبل ساعه ميته على المخده !! شكلي تسبحت وطار النوم
فتحت الجهاز

دخلت المسن على طول : أكيد شابك .. تلاقيه طفشان هناك


ناظرت في المتواجدين كلهم غير متصل ،، احساسها مو في محله .. مع انه كنه موجود .. غريبه !

حبت ترسله بيت .. بس لااااا انا وعدته ما ارسل


مالي دعوه برسل واللي فيها فيها


فتحت صفحته وكتبت : تموت بخاطري بعض السوالف والظروف سيوف )*( وانا في داخلي لك شي مايطري على بالك



وسكرت الصفحه

جلست دقيقتين بالضبط وانصدمت لما شافته رد عليها


نجود (يعني كان متواااااااجد !! يعني احساسي بمحله !! ياويلي وش اقوله الحين ؟؟؟)




المحادثه

نايف : السلام عليكم

نجود : وعليكم السلام

نايف : ....

نجود : قبل لا تقول أي شي انا عارفه اني وعدتك بس السموحه ياخوي تلخبطت بالمحادثات

نايف : لا ما عليك .. عاذرك ومحسن النيه

نجود : هذا من طيب اصلك والله

نايف : ما عليك زود ..

نجود حبت تتلقف شوي اشتاقت لكلامه وهدوءه : أقول أخوي نايف

نايف : اموت اعرف كيف عرفتي اسمي ؟؟

نجود : اعرفك واعرف امك وابوك واهلك وكلك على بعضك .. وشلون ما اعرفك ؟؟

نايف : كيف يعني .. وحده من الجماعه ؟؟

نجود : لاااااااا اصلا ما تقرب لي شي

نايف : اها

سكت وطول سكوته


نجود : انت مشغول ؟؟ انا ازعجتك ؟؟؟

نايف : لا عادي ..

نجود : ممكن اعرف وينك الحين ؟؟

نايف استغرب سؤالها : وش راح يفيدك فيه هالسؤال ؟؟

نجود : انت بس جاوب

نايف : انا بالرياض ليه هالسؤال ؟؟

نجود مصدومه نايف عمره ما كذب : احلف ؟

نايف : ماني ملزوم احلف لك

نجود اففففففف : لا بس كنت احسبك من اهل الدمام

نايف : انتي موا قلتي اول انا ادري انك من الرياض ؟؟؟

نجود ناسيه : ها نسيت

نايف : حصل خير


نجود : ممكن اسئلك سؤال ؟؟


نايف : تفضلي ..


نجود : بس اخاف ما تجاوب .. طلبتك يا نايف تجاوبني

نايف : اللي تبغينه تم .. وش عندك

نجود : انت حبيت من قبل ؟؟


نايف : .................................


نجود : ؟؟؟


نايف : انتي مين !

نجود تبغى تسمع الاجابه : انت قلت راح تجاوبني وبالله تكون صح الاجابه

نايف : والله كني احاكي لي بزر



نجود : طيب جاوب !!

نايف : لا

نجود : لا ايش ؟؟؟

نايف : لا ما عمري حبيت من قبل

نجود : ...........

نايف : انا تعديت مرحلة الحب زمااااان ولما وصلت للعشق كل شي راح


نجود وكن روحها رجعت مره ثانيه : ليه ؟

نايف : ماله داعي ادخلك بمتاهات معي الوكاد ان حظي زي وجهي


نجود : يعني حلو ؟؟

نايف : ليه انتي شايفته ؟؟

نجود : لا بس من اسلوبك يبان ..

نايف : قايل لك انك بزر .. انا بسئلك يا اخت

نجود : لحظه قبل لا تسئل .. وراك ما سئلتني عن اسمي ؟؟؟؟

نايف : لانه ما يهمني

نجود تضحك فقلبها : تعجبني الصراحه

نايف : آسف اذا اجاباتي تضايقك

نجود : لا عادي ،، وشو سؤالك ؟

نايف : لا خلاص


نجود : بالله عليك قول

نايف : لا تحلفيني بالله .. ولا يصير اسم الله لعبه بلسانك ..

نجود خافت : ان شاءالله بس ابغى اعرفه

نايف : هونت يا بنت الحلال .. انا استأذن الحين فمان الله

نجود سكرت الجهاز وهي الضحكه ماليه فمها .. ركضت لفرااشها وناااااااااااااامت

/

 

 

[إشراقة أمل]

في المزرعة

عبدالعزيز : ليه جيت ؟؟ هههههههه

ناصر : افا ما ودك بجيتي ؟؟؟ ارجع ؟؟

عبدالعزيز : لا امزح معك .. وش جبت لي من الكويت بس !!

ناصر : بهالسفره كلها ما ذكرت الا شخص واحد

عبدالعزيز : اكيد نوف ؟

ناصر : كم مره اقولك لا تجيب اسمها على لسانك ؟؟

عبدالعزيز : ياخوي مثل ماهي بنت خالك فهي بنت خالي انا بعد !

ناصر : حتى لو هي اختك ..

عبدالعزيز انقهر : ابشر ابشر ولا يصير خاطرك الا طيب ..

ناصر : والله اشتقت للمزرعه واهلها

عبدالعزيز : امش نطلع نتمشى ..

ناصر : لا والله مالي نفس .. اطلع انت .. انا المغرب عندي مشوار لبيتنا

عبدالعزيز : واتركك ؟؟ لا لا


ناصر وعزيز جالسين يسولفون على الدكه وديلار واقف بجنب عشة الطيور ومحتار يعلم ناصر باللي
صار والا لا ؟؟؟

/



قصر ابو سالم

غرفة تبوله


نوف : من اول ما جيت والبيت فاضي وش السالفه ؟؟

بتول : الله يخليك البيت كله شباب وين تبغينهم يجلسو ؟ في البيت ؟؟؟ وامي نايمه

نوف : طيب انتي يا نذله اذا فضيتي بهالوقت وراك ما تجي عندنا ؟؟

بتول : وهذا انا كل يوم قاطه وجهي عندكم .. وش تبغين اكثر من كذا

نوف بابتسامه : والله لو تعيشي عندنا ما نطفش منك يا تبوله انتي الغاليه

بتول : اخت الغالي ؟؟

نوف : .........

بتول : اشتقتي له ؟؟

نوف : مرررررررررررررررررررره فوق ما تتخيلي

بتول (ما علمت نوف ان ناصر يدري انها هنا ،، حبت تتركها مفاجئة)

نوف : عرف انك تعبانه ؟

بتول : ايوه ،، وبيكون بكره فالمستشفى ..

نوف اكتفت بالصمت مع ان وجها يعبر اكثر : ......

اكتم شعور /الشوق/ واصارع الخوف!
وفي داخلي نهر من( الحب) جاري

اضحك ~ولحن الحزن~ بالصدر معزوف
ودمعي "حبسته "لا يبين انهياري!!

نوف يرن جوالها : يووووووووو الجوهره .. !

الجوهره : مرحبا

نوف : هلا وغلاااااااا والله

الجوهره : هلافيك وينك ؟؟ سلامات

نوف : الله يسلمك .. لو ادري اني بشوفك دوامت .. لك وحشه والله

الجوهره : تسلميلي وانتي كمان انتي فالبيت ؟؟

نوف : لا والله انا فبيت عمتي ساره آمري

الجوهره (ياحظها رايحه تزور عمتها) : لا والله بس كنت راح اجيك اليوم .. خليها يوم ثاني

نوف : لااااااااا .. انا ما صدقت اهلك يوافقوا ..

بتول : نويف عطيني اياها

بتول : هاي

الجوهره : هايات كيفك ؟

بتول : ماني بزينه ..

الجوهره : افا ..

بتول : اقول الجوهره وش رايك تجين بيتنا الحين ؟؟ والله ضايق خلقي تونسيني انتي ونوف ..
بعدين انا بكره عمليتي حقت
الزايده


نوف : هههههههههههه الله يرجك

الجوهره : سلامات يا قلبي .. والله مادري وش اقولك احكي مع امي وارد لك خبر

نوف بصوت عالي : راح توافق بس انتي اقنعيها .. والله مشتاقين لك جوجو

الجوهره : هههههه مو اكثر مني ..

//


سكرت الجوال نوف

نوف : والله انك مفهيه البنت صاحبتني وتعزميها فبيتك ؟؟ وش تقول عمتي ساره الحين ههههههه

بتول : هههههههه عادي امي فري بعدين بيتي بيتك وبيتك بيتي ..

نوف تاكل حلا : والله مادري عنكم

بتول ما تبغى تخرب خطتها مع ناصر .. لان اذا الجوهره بتطلع لنوف اكيد راح ترجع لبيتهم مبكر
نوف عشان تعدل وتضبط

نوف : حسبي الله على عدوك عاد انا مو كاشخه مره

بتول : كل هذا مو كاشخه ياويلك من الله وربي قمر

نوف : وناسه ههههههه امدحيني اكثر

/


بيت أبو دانه

فواز جالس يشرب القهوه في الصاله وحوله كل بناته

دانه : حلوه الجامعه ؟؟

الهنوف : تجنن ..

العنود : تخبل

دانه تحاول تحاكي نجود بأي طريقه : اقول نجيد وراك اليوم مشغول بالك ؟

نجود : انا ؟ لا يتهيا لك

دانه : مادري احساس .. اشوفك سرحانه ومانتي بحولنا

نجود تناظر بالشاشه وتعمل حالها تتابع : حتى لو سرحانه مالك دخل

دانه : بسم الله وش فيك كليتيني ؟؟

ام دانه : انتم وش فيكم ؟؟؟ كل يوم هواش ومناقر

دانه : اسئي بنتك صايره عود كبريت بسم الله

دانه : انا ما حكيت معك ليه تتفلسفي وتألفي قصه من عندك ؟؟؟

الهنوف : ماما دانه اللي بدت

ام دانه : اسكتي انتي

فواز يسكر الجريده : عز الله اللي عنده بنات ما يتهنى ..

دخلت الريم فبجامتها وباست نجود ماشافتها من الصباح : هااااااااي

نجود : هااااااااي ريومه وينك حنا نمنا وانتي قمتي ..

دانه : والسلام لنجود بس !!!

نجود : ااااااااااااافففففففففف

ام دانه : اذا ما سكتن انت الثنتين لنترك لكم الصاله .. ماهي حاله

نجود : ماما تراها ازعجتني ..

فواز : هذا شفيه ما يرد ؟؟

ام دانه : مين ؟

فواز : فارس .. ابغاه يسحب اوراق من المكتب

الهنوف والعنود فز قلبهم وجلسو يضحكون

نجود فهمت وضحكت معهم : ههههههه

فواز : علامكم


البنات : ولا حاجه

فواز : اتصل بنايف احسن ،، هذيلا ما منهم فايده

نجود لا اراديا : بابا نايف فمصر


فواز : كيف ؟؟

نجود وكنها انحرجت : وشو ؟؟؟ انا سمعت

دانه : ماشاءالله وش عرفك ان شاءالله

الريم وهي تنزل كوب الكابتشينو : كيف مسافر ؟؟؟ هو موصلني الصباح المدرسه !


نجود انصدمت شسالفه : ها مادري يمكن

فواز : كيف يمكن ؟؟ متى سمعتي انه مسافر

نجود : نوف قالت انه سافر امس او قبل امس مادري

الريم ك اقولكم والله وداني المدرسه اليوم .. لا تخوفوني




ام فواز : اتصل وشفه .. ؟

فواز يتصل : الو ؟

نايف وبعيونه النوم : هلا

فواز : السلام عليكم

نايف : وعليكم السلام

وبهاللحظه نجود تناظر بالتلفزيون على انها مو بمهتمه وهي من داخل زحمة اسئله .. كيف ما سافر وكيف قال سافر

وشلون ودا الريم المدرسه و اللي شفته في الجامعه هو نايف ؟؟ وصح لما حاكيته على المسن قال انه بالرياض

فواز : انت في السعودية .. ؟

نايف : ايوه آمرني

فواز : نجود تقول انك مسافر مصر !!


نجود تلطم على راسها ليه تقول اسمي اااااااااااااااف


نايف يرقع لنجود : اي والله كنت بسافر بس طافتني الطياره

فواز : وش عند هناك ؟

نايف : اوراق للمكتب وتعاقد آمرني يا عم

فواز : لا شكلك نايم اتصل بخالد

نايف : لا انا قاعد آمر بس ..

فواز : بس بغيتك تسحب الاوراق من الشركه باسمي ..

نايف : عند مصطفى ؟

فواز : ايوه

نايف : ابشر ..

/
/

الكل يناظر فنجود ..

فواز : صح حكي نجود بس طلع طايفته الطياره .. غريبه عاد نايف مره ملتزم ماشاءالله بالمواعيد

دانه : وش يوديه مصر ان شاءالله

ام دانه : هذا وانتي ما اخذتيه تغارين عليه .؟

دانه وكنها لقتها فرصه تقهر نجيد قالت وهي مستحيه : اقول بابا ؟

فواز بابتسامه : هلا

داانه : ما ابغى العرس بعد شهر زي ما اتفقتو .. ابغاكم تأجلوه شوي

فواز : ليه ؟؟ اذا على تجهيزك انتي بس أشري ويجيك .. واللي يبغاله وقت ويخلص نخلصه لك بثواني ليه التأجيل ؟؟


دانه بحيا : على راحتك (والله لأكون قاهرتك يا نجيد .. وتشوفي)

نجود انتظرتهم ليما خلصو حكيهم وطلعت ..

فواز : وين رايحه نجيد ..

نجيد : طالعه احكي مع تغريد صاحبتي


نعم !! . مخنوق !! . وابحث عن انفاس !! .
ما عــاد لــي في (لجـــة النـــاس) قـــــدره ,,


الهنوف + العنود : يناظرو بعض .. عارفين انها طلعت فوق تبكي

/
/


في التاكسي

الجوهره : ماما هذا القصر

ام تركي : عارفه ،، اسمعي ساعه واجي اخذك

الجوهره : ماما مستحيه اخاف اخوان تبوله فيه

ساره : الحمد لله والشكر اخوان تبوله عيال خالتك يا هبله وش فيها ؟؟؟

ام تركي : يلا انزلي .. ماني برايحه الا لما اشوفك دخلتي

/

 

 

[إشراقة أمل]

نوف لابسه فستان رمادي تحت الركبه ضيق .. وطالع شكلها يجنن بعيونها الوساع مع العدسات
الرمادي والميك اب الخفيف

والروج الزهري


جالسين في الصاله مع فارس وينكتو يضحكو



بتول بهمس لنوف : مايدري ان فيه بنت جايه والا كان كشخ


نوف : هههههههه يارب تجي وتشوفه وهو لابس هالبجامه وشكله اللي توه صاحي من النوم

بتول : اذا سمعت صوت الجرس بخلي الخادمه تبعد وبتركه هو يفتح هههههههه

نوف : احسن بعد

(صو ت الجرس)



نوف : ووووووووووووووووصلت

فارس : وشي اللي وصلت ؟؟

نوف : ها ؟

بتول : البيتزا اللي طلبناها

فارس : وش فيك كنك اول مره تشوفين بيتزا

بتول : لاااااا بس جوعانه ههههههه

نوف : فارس روح جيب الاكل الله لا يهينك

فارس : والخادمه وينها

نوف : كلهم فوق ينظفو القصر ارسلتهم عمتي

بتول : تبغى تروح والا اطلع له انا

فارس : عشان احش رجولك قبل الدوده


نوف : يلا فارس فشله ينتظر الرجال اكثر من كذا

بتول : اي والله فشله ههههههههههههههه

فارس : ما انتن صاحيات


برا عند النافوره طلع يفتح الباب الكبير


الجوهره تناظر فيه من تحت الغطا هذا مو بناصر !!

الجوهره : مرحبا

فارس سمع صوتها بغت تجيه سكته : ه ه هلا ا

الجوهره : نوف موجود ه ؟


اشر لها تدخل : نوف وبتول وامي والخدم كلهم جوا انتي بس حياك


الجوهره تضحك فقلبها مره خفيف ذا .. من يطلع ؟؟ : ممكن تناديها ؟؟

فارس استغرب خبره كل صاحبات بتول يدرعمون على القصر على طول : ادخلي جوا عن الهوا والله نويف جوا


الجوهره رمت الغطا : ما عليش نادها

فارس فتح فمه : ..............

الجوهره : فيه شي ؟


فارس بصوت عالي : نجوووووووووووووووووووووووووووووووود


الجوهره : وش دخل نجود ؟؟

فارس : ها ؟ اقصد نوووووووووووووووووووووووووووف

نوف وبتول واقفين على الشباك وميتين ضحك : بطلع له لا يخبل في البنت هذي امانه هههههههه

نوف : هلا وغلا والله بالجوهره ..

الجوهره تسلم على نوف : هلا بك .. كيفك

نوف : تمام يا قلبي زين شفناك

فارس واقف وماسك شعره بيديه : نويف

نوف : نعم ؟

فارس : من ذي ؟

نوف بهمس لفارس : تراها أكبر منك بوااااااجد لا تفشلنا


نوف :ههههههههههه ما عليه اعذرينا يالجوهره ،، فارس .. عمي يناديك

..

دخلو لجوا وسلمت على بتول

الجوهره : اجل هذا فارس ؟؟؟ ههههههه

نوف : تكفين اعذريه لا تقولي بطران خبل ..هو يحب النسوان

الجوهره : لا باين ،، بس عكس ناصر .. مره كان محترم وما يرفع عينه


بتول : فديت ناصر وفديت التراب اللي يمشي عليها ..

مع السوالف والحكي .. بتول حبت الجوهره مررررررررررره

وبما انهم لوحدهم حكولها مين تطلع الجوهره .. ولازالت بتول مصدومه !!


/


دانه : ألو ؟

عبدالله : فديت هالصوت ..

دانه : كيفك عبودي ؟

عبدالله : تمام .. انتي كيفك ؟

دانه : تمام ،، (بدلع )للحين زعلان مني ؟

عبدالله : لا وش يزعلني عادي .. زين انك حسيتي اني قريب منك (أجل انتي طلعتي نجود مو دانه آه
منك كنتي تكذبين علي
انا اوريك)


دانه : فديتك .. اصلا قلبك ما يطاوعك تزعل على نجيد

عبدالله : فديتك وفديت اي اسم لك لان كله لابق عليك يا قلبي

دانه : ههههههههههههههه



/


فتح الباب بقوه ناصر


الكل التفت بسرعه لجهة الباب واولهم نوف

نوف وقفت : ناصر ؟؟؟

ناصر جلس يناظر بنوف لدرجة انه ما انتبه ان فيه بنت جالسه ( يا زينك يا نويف لك وحشه وربي )

ناصر انتبه للمره اللي على جنب و دخل بسرعه الصاله الثانيه

بتول : نااااااااااااااااااصر تعال مافيه احد

ناصر توقعها وحده من بنات عمه لانه ما ركز مره : فيه احد ؟؟

بتول : لااااا

نوف فقلبها لا تخليه يجي ويشوفها والله انقهر


دخل ناصر الصاله ووقفت الجوهره

ناصر: الجوهره ؟؟

الجوهره بابتسامه : هلا ناصر .. زين عرفتني

ناصر : شدعوه ! كيفك ؟

الجوهره : تمام انت كيفك

ناصر : ابد كل شي تمام .. كيفك تبوله ؟؟؟

بتول : الله يستر بس

ناصر: لا ما تشوفين شر ان شاءالله


ناصر التفت لنوف اللي واقفه بجنبه وبينه وبينها شعره .. ناظرها بس ما يدري وش يقول لها ارتبك
من وجود الجوهره

ناصر :حيا لله الجوهره .. ماشاءالله زايرتنا اليوم !

ناصر يقول فقلبه (لو يدري جدي كان طرد نويف معي .. ليته يدري هههههههههههههه )


الجوهره : الله يحييك .. اشتقت لنوف وحبيت ازورها بس ترا محد يدري عن اللي خبري خبرك

ناصر : لا توصين حريص


نوف جالسه وساكته من جده هذا ما حكى معي ولا كلمه .. ما بقى الا يطردنا ويجلس يسولف مع الجوهره



هدووووووووووووء صار في الصاله

الكل يناظر ف الثاني

الا ناصر يناظر فنوف نظرات غريبه ..

نوف ناظرته وابعدت نظرها عنها باين انها زعلانه ،، احساسه بمحله .. حكيه مع الجوهره زعلها

ناصر ناظرها وابتسم لها وهي ابعدت نظرها عنه مره ثانيه


ناصر : نويف ؟

نوف : نعم

ناصر (قالت نعم ما قالت هلا يعني منتفخه ههههههههه) : قهوه الله لا يهينك وراك نسيتينا


نوف : طيب

ناصر (قالت طيب ما اقالت ابشر ياويلنا منها ههههههههه ) : يمال العافية


قربت عنده ومدت له الفنجال : قرب عندها وقال : مو لابق الزعل عليك

مسك يدها اللي بالفنجال وسحبتها بسرعه : تسلمي

الجوهره لاحظت حكيهم مع بعض لهالدرجه هم ميانه مع بعضهم ؟؟

ناصر حط الفنجال وقال اترككم الحين عن اذنكم

ولما جا بيطلع : نويف تعالي يا قلبي شوي ..

الجوهره :| انصدمت (قال لها يا قلبي ؟؟؟ عييييييييييييب ،، بس يمكن هم غير)

نوف استغربت .. دايم يقولها بس مو قدام ناس غرب : عن اذنكم


قامت وطلعت له بالصاله الثانيه

ناصـر جالس على الكنبه وبيده علبه

ناصر : كيفك يا حلو ..

نوف تناظر بالسقف : ..............

ناصر : كم مره اقولك لا تلبسين هاللبس وخاصه فبيتنا ؟؟؟

نوف : تحت الركبه

ناصر :هههههههههههههه يعني فوق تحت الركبه عادي ؟؟

نوف : ايوه .. وش بغيت

ناصر : درينا انك زعلانه خلاص .. شوي وتضربيني بالفازا اللي بجنبك

نوف : ..........

ناصـر : تصدقين عاد ؟ والله كني سنه عنك ..

نوف تدمع عيونها

ناصر يوقف : لااااااااا يرحم امك لا .. انا ما صدقت اشوفك عشان تقلبيها مناحه

نوف تبكي : مليون مره اقولك لا تحكي فهالموضوع وخاصه لما اكون كاشخه

ناصر مات ضحك على شكلها : هههههههههههههههههههههههههههههههه فديت الكاشخين انا .. عدساتك توجعك بعدين
خلاص يا قلبي



ناصر عطاها منديل امسحت دموعها ورجع حطه فجيبه : ههههههه ذكرى

نوف : امحق ذكرى ..

ناصر : المهم انا مستعجل بس جاي اشوفك بعد ما قالت لي اختي حبيتي انك هنا قلت اجيب لك الهديه


نوف : اي هديه ؟

ناصر : من الكويت .. (ناصر يطلع القلادة .. ) جبت ثنتين وحده بحرفي ووحده بحرفك سوالف مراهقين ههههههههه

بس والله احترت وش اجيب لك .. تبغين حرفي والا حرفك ؟؟؟

نوف استحت تقول حرفك : ابغاهم كلهم

ناصر : لاااااا .. دامه كذا انا ما اغباهم كلهم بس ابغا حرفك بعلقه في السياره ..

نوف : ........

ناصر يعطيها السلسال : وبقى حرفي اذا ما تبغينه ارميه ..

نوف : ما اقدر ارمي شي منك .. بلبسه وما راح اشيله لو ايش ..

ناصر : حنا نتناقش بالاحرف .. وحرفنا اصلا واحد .. امحق ..

نوف : اي والله ههههههههههه

ناصر : ما عليه انا مفهي ..


وأحب غيرك ليه والحب صايم!!! . .
عن حب غيرك حافظك مثل ماكنت!. .


/

 

 

[إشراقة أمل]

صباحك في عيوني غيـر يهـد القلـب ويشلـه
صباحك يآخذ ألـوان الفجـر فـي فجـة أنـواره


عشقتك عشق لو شانت ظروف الوقت مـا أملـه
عشقتك عشق من حاول يعرف الغيب وأسـراره


صبآحك خيـر يا الريــــــاض [ ، ،



نايف بالمكتب الساعة 9 الصباح

أحمد توه داخل : السلام عليكم

نايف : وعليكم السلام

نايف وكنه يدور على حاجه : اقول احمد ما شفت لك اوراق بظرف اصفر هنا ؟؟


احمد : لا والله .. دور اكيد بتلقاه ..

نايف يبعد شماغه يبغى ياخذ راحته في البحث : اعوذ بالله انا حاطه هنا .. صاحبه بيجي الحين ..

احمد يساعده : يلا خلنا ندور ..





/

قصر ابو خالد ..

راشد يكح : روحي شوفي بناتك .. خلينا نفطر


ام خالد : ابشر ..

ام خالد دخلت غرفة نوف

ام خالد : لا اله الا الله .. وش ذا الحلا كله ؟

نوف بابتسامه تاخذ العقل : ههه الحلا انتي والله .. بابا تحت ؟

ام خالد : ينتظرك انزلي

نوف بسعاده وبرقبتها سلسال ناصر : انا نازله

لمو تركض على السلم تغني : كل عامن وانتي حبيبتي .. كل عامن وانتي حبيبتي ..

وراها نوف : ماشاءالله سبقتيني .. طيب كملي الاغنيه والا مو حافظه الا هذا ..

لمو : بكره حفلة كاظم بسوريا .. آه يا قلبي

ابو خالد على الطاوله : سلامات وش فيه قلبك ؟

لمو : لا بابا بس يوجعني شوي ههههههه

نوف تبوس راس ابوها : ههههههه صباح الخير يالغلا

ابو خالد : هذيلا البنات ولا بلاش .. والا وش رايك يا لمو ؟؟؟؟؟؟؟

لمو تاكل توست : رايي بإيش بابا .. ؟ ترا مو شرط ابوس راسك يعني انا احبك كثير !!

ابو خالد : هههه مفهيه بنتي

نوف : يا حلو الحيااااااااااااااااااااه .. اقول بابا

ابو خالد : هلا

نوف باستغراب : جدي وراه مو زي اول ؟؟؟

ابو خالد : ليه علامه ؟؟

نوف : مادري احس ما يجينا زي اول .. زياراته الخطافية .. !

ابو خالد : حتى ابو دانه يقولي انه ما صار يجي الشركه ؟؟

نوف : ودي اروح له اليوم القصر بس شكله بعد ما ارجع من الجامعه .. !

ابو خالد : اخذي اختك وروحي له .. تراه يرتاح لما تجينه ..




//

في الجامعه

دخلت نجود المحاضرة بانتظار دكتورتها تدخل

نجود : تأخرت مره افففففففف الساعه صارت 10 و نص

ساره : الحين تجي هذي عادتها

نجود : ياليتني نايمه بدل هالجيه ..

قامت وحده من البنات قالت : اقول بنات وش رايكم نطلع كلنا ؟؟؟ مره تأخرت

البنات كلهم ماصدقوااا .. قبل لا تكمل البنت جملتها طلعو ..

نجود بالممر لوحدها : ألو ؟؟

نوف : يا هلا ويا غلا بهالصووووووووت

نجود : وش مزاج الحلو اليوم ؟؟

نوف : هههههههه مادري مااااااادري والله ماااادري الله يستر ـهههههههههههههـ

نجود : اي والله .. المهم متى راح نطلع لتبوله ؟؟ ترا محاضرتي ملغيه

نوف : أحسن عشان تنتظريني .. انا اطلع الساعه 12 .. ومن هنا نلع للمشفى

نجود : وبزارينك بيجون معنا ؟؟

نوف : ههههههههه أكيد .. اصلا راح يركبو السياره قبلك ..

نجود : الله يصبرني بس .. تعالي بسرعه بحكيلك سواااااااااالف ..

/

في المزرعة

ناصر جالس على السرير .. توه صاحي من النوم .. مبسوط مره .. و يبغى يفطر بسرعه عشان يطلع للمشفى


نفسه يضحك على شكل تبوله وهي بلبس العمليه ..

ديلار يطق الباب ..

ناصر : حياك

ديلار : بابا ناصر انا فيه مشكله

ناصر يعدل جلسته : شغل النور ... ايش فيه يا ديلار ؟؟؟ بابا وماما كويس ؟

ديلار يرد بسرعه : لا لا بابا ماما جين .. هذا بابا عزيز مشكله واجد

ناصر مستغرب وش قايله عزيز : ايوه ؟؟

ديلار : حكى لناصر كل حاجه شافها .. وصف المشهد وكن ناصر معهم .. طبعا ما قصر البنغالي ..
عمل اللي عليه و زياده

اما ردة فعل ناصر !! فـ الله يعلم وش راح يسوي ..

/
/



في المجلس ..

خالد : لانك خواف

نايف : خالد انت عارف اني ما ابغى اغلط فيك .. انا جاي من المكتب أباخذلي كم شغله وارجع عندك شي أجله لبعدين


خالد : لانك ما تحب تواجه .. جباااااااااااان

نايف بصوت عالي وحواجبه انعقدت : اسمعني يا بو فيصل .. انت اكثر واحد عارف طبعي .. وعارف انا كيف افكر

عمري ا فكرت بحالي .. أفكر بغيري قبل ما افكر بنفسي والله يشهد .. نوف يا خالد امانه برقبتك حتى بعين ابوك وامك

ماهي بضاعة تزايد عليها .. و حتى لو ابوي وافق وهذا من سابع المستحيلات انا اول واحد بيوقف فوجهك



خالد : عامل لي فيها ابو المبادئ .. ياخي ارحم حالك .. والله مبادئك هذي ماهي موكلتك عيش

نايف : خل العيش إلك .. اللي عندي قلته لك .. واتق شر الحليم اذا غضب يا خالد .. حنا هالحين
نناقش الموضوع

بعدها انت عارف ايش راح يصير



ام خالد واقفه على الباب : وش في صوتكم عالي ؟؟؟ راشد يبغاكم ..

خالد يتأفف وكنه يقول مو بوقتك

نايف يتنفس بقوه : ابشري يمه ..

خالد يطلع قبل نايف .. وهمس باذنه : لا تجيب طاري لابوك ماهو ناقص

نايف يأشر له يطلع قبله وهو عيونه تشب نار : اطلع اطلع


ابو خالد على الكرسي المتحرك : وكنه يحاول يمد رقبته يناظر وش فيهم : انتوا علامكم ؟؟؟

...... : سلامتك بس جالسين نسولف

خالد عصبيته لازالت فوجهه : مافيه شي

نايف يبتسم : يبه يعني ما تعرفنا .. لا مسكنا سالفة نتهاوش عليها لازم كلنا نطلع صح هههههه

ابو خالد : خوفتونا الله يهداكم واحد يحكي زي كذا .. اللي يسمعكم يقول تتضاربون ..

نايف يوقف : انا طالع تامرون بشي ؟

الكل : سلااااااامتك

:
:
:



الهنوف والعنود جالسين الساعه 12 الظهر في الحديقة بس يضحكون

مر بجنبهم نايف ما انتبه فيهم

الهنوف حبت ينتبه راحت واخذت حجر صغير وحذفته قدام خطوات نايف السريعه

التفت فيهم نايف بسرعه وبعصبيه غريبه عليه : ...........

التفتو هم بسرعه لورا : ......

نايف قرب : مين اللي رمى الحجر ؟؟


الهنوف : ها

العنود بتأفف : ماليوم تجينا احجار اشكال والوان مادري مين الفاضي اللي يرميهم علينا ..

الهنوف انبسطت : مشوين بغت تدخل فعيني وحده

نايف باين عليه مو مصدقهم .. سور القصر عالي مره : آهآ .. خليكم هنا لا تطلعو .. انتبهو يا بنات
حتى انا امس بعد

بغو يفقشو راسي بهالحجر .. شكلي بمنعكم من الطلعه الحديقه او برا القصر وخواتي بعد

مشكله صراحه لو تجي وحده منكم ما تسلم منها


الهنو والعنود خافو انه جد يمنعهم : لاااااااااا ما توجع اصلا

نايف يضحك من داخل :أنتن فاضيات ؟

الهنوف : ايوه

العنود : لا ننتظر نويف ونجيد .. يجون

نايف فقلبه نجيد ؟؟؟؟ : ليه تنتظرونهم ؟

.

غـلآك غ‘ـير
و فَــزّة آلقلـ ـب لك غ‘ـير
وآلعُمـر بـ وجودك ْ / له آح‘ـسسآآس ثـآني


الهنوف : ما دريت تبوله في المشفى و الحين راح يمرونا نوف ونجود ونطلع لهم

نايف انبسط وضحك قلبه : راح يجون هنا ياخذونكم ها !! طيب .. انا على العموم خلصت شغلي
الحمد لله مبكر

شكلي بطلع المشفى بعد .. واجب

الهنوف شوي وتنفجر من الضحك : اي اي صادق واجب

العنود نذله : مادري حسينا قبل شوي انك متأخر على شي وعند شغل !!

نايف يسحب الكرسي : بالعكس اصلا فاضي اليوم .. (يغير الموضوع لانه باين عليه ينتظر نجود)
اقول دانه ماهيب رايحه معكم ؟؟


العنود ترقع لاختها : الا .. اصلا هذي فكرتها


الهنوف تضحك .. تتخيل دانه تكون فكرها زي كذا مو لابق : هههههههههههههههههههه

نايف : وش فيك ؟

العنود : اتركها تجيها حاللات


نايف : تكفى يا شخصيه


العنود : ههههههه اعجبك


نزلت نجود ونوف من السياره عشان يغيرو يتروشو ويرتاحو حبتين ويطلعو لتبوله

نايف بصوت هادي : ما بغو ..

نزلت نجود بهدوء لما عرفته وهي داخل السياره .. ناظرته من بعيد وكان يناظرها .. سكرت الباب
ونزلت راسها ! حركه

توجع القلب .. كل ما تشوف هالرجال ينكسر فيها شي من جوا

نايف عمل حاله مو مره مدقق

نوف بفرح : حي الله اللي يسافر بالمنام لمصر .. (باسته) اشتقت لك حتى لو ما سافرت

نايف : تشتاق لك العافيه يا نويف .. وش نسوي بعد

نجود كانت راح تطلع فوق : .......

نايف من بعيد : كيفك نجيد ؟؟ (خاف انها تطلع وتتركه)

نجود قربت : تمام انت شلونك ؟

نايف يتنهد : بخير الحمد لله

لحظه سكووووووووووووت .. بس صوت الهوا الخفيف ..وكعب نجود اللي كل مالها تقرب ليما وقفت بجنب نوف

نوف : ايوه وايش كمان

نايف : وشو ؟

نوف : مدري ههههههههههه

نايف : نويف صحيح طالعين لبتول ؟؟

نوف : ايوه .. جاي معنا ؟

نايف : اكيد .. بس هي بتدخل ولا طلعت

نوف : لا يمديها طلعت

نايف : عندها احد هناك

نوف محتاره : ممممممممم مادري .. عندها احد نجيد ؟؟

نجود بلعت ريقها ما تدري ليه ترتبك وما تدري اذا باين عليها والا لا مشكله والله : ايه امها وناصر وسالم


نايف فقلبه (لا لا تجيبي طاريهم يرحم امك .. لا تجيبي طاري اي رجال غيري والله انقهرت ) يناظر
فيها : كم يوم بتجلس ؟

نجود : تهز بكتوفها : مادري

نوف ميته ضحك على اشكالهم وخاصه نايف اول مره يكون فضولي كذا وش دعوه ترا كلها زايده

نوف : يلا بنات اطلعو البسو بسرعه انا طالعه اغير وارجع ..

الهنوف والعنود طلعو بسرعه

لحقتهم نجود : ......


نايف ما يدري ليه عمل كذا ليه ناداها : نجود !

نجود التفت له : هلا


خابرن قلبك على قلبي يغير
ونفسي لوتغيب عارف قدرها

جيتك أتالم وأنا ماني بخير
غيبتك وياي زادة شرها

انت لو تدري بغيابك وش يصير
تبكي عيونك وقلبك تكرها



نايف بربكه : أ .. وين رايحه ؟

نجود ما تبغى تشوفها دانه ماهي ناقصه : طالعه البس .. تأخرنا تبغى أجيب لك شي ؟

نايف : ايوه ؟

نجود : ايش ؟

نايف يناظر بعيييييييييييييد : خلاص انسي .. اقول نجود ارتاحي .. زمان ما سولفت معك

نجود تجلس على الكرسي ..

نايف ما عنده شي يقوله .. او ان عنده حكي كثيييييير ماهو مرتب : كيف الدوام معك !


ما غيرها ( اخبارك الحلـوه ) تصبرنّـي
طالبك ، لا تبخل إن قلت : شـاخبارك !


نجود تلعب في الورد اللي على الطاوله : ماشي حاله

نايف : ليه ما تناظري فيني ؟؟؟

نجود ترفع راسها وعينه بعينها : وليه اناظرك !

نايف يرفع حاجبه : وليه ما انتي حابه تناظريني .. عديني سالم والا ناصر ..

نجود فقلبها (الله عليك يا نايف ! تقارن حالك فيهم !!) : لا عادي بس الشمس فوجهي

نايف : مافيه شمس اليوم ما شوفها .. !!

نجود : ..........

سكتو 3 دقايق
وحسو كنها 3 ساعات

بعد صمت نايف : قالولي انسى حبيبتك .. انت متزوج هالحين .. مادري ليه صرت اذكرها واعزها
واحبها زياده

كل من شاف وجهي قال يووووووه باين عليك العشق هذي الخطبه وما تسوي .. ما يعرفو اني عاشق اختها !

كل ما احد شافني قال كان فيه لمعه بعيونك بس ماندري وين راحت ! وانا اقولهم بلا سوالف ابيض
واسود ورومنسيات

وارجع البيت اقول والله كلامهم صحيح .. ! ملاحظه بحالي قبل لا يقولوه !



نجـود (يرحم امك اسكت ،، انت شنو ما عندك احساس .،، تتعبني وتمشي بطريقك ،، توجعني وتجرحني ،، وتروح !! ) : ...


نايف يكمل وهو شابك يدينه ببعض وما يناظر بنجود .. بصوت هادي : حطيت نفسي مكانك ..
وتخيلتك انخطبتي لواحد غيري اشوفك شابكه يدك بيده و بعد شهر زواجك .. تخيلت ان راح يضمكم
بيت واحد وغرفة وحده .. تخيلت انك راح تصيري ام بس ماهو لعيالي .. يوووووووووه يا نجيد
كرهت تلك اللحظه فوق ما تتخيلي



نجود ( قامت )

نايف مسك يدها وخلاها تجلس

نايف : دايم اخليك على هواك .. تتركيني ضايع بالحكي وتروحين ... هالمره لا .. اللي يبغى يحكي
يحكي واللي يبغى يزعل يزعل .. لا تتركيني نجيد .. والله محتاجك .. اذا مر يوم ما شفتك يجيني
بلاي .. انجن ..
اليوم تسليم الاوراق .. ولما عرفت انك هنا قلت مافيه الا اجلس واشوفك ..

تبغين تبكين ابكي .. بس خليك جالسه .. خليني اطلع اللي فقلبي من الحكي وانتي طلعي كل شي
فقلبك من الدموع ..

كنت اعتقد اني ماراح يكون لي قلب احاكيك فيه بعد ذاك اليوم لكي والله عجزت عارفه كيف عجزت !!


نجود غارقه بدموعها لكنها ثابته فمكانها اللي يشوفها من بعيد يقول وش هالثقه واذا قرب شاف دموعها اللي كنها بحر: حكيت كثير يا نايف ،، كثييييييييييييييييير ..


نايف : ادري انه بالنسبه لك سكاكين مو بكلام .. اعذريني نجيد .. ابغى اوصلك رساله وياليتها وصلتك


نجود : وصلت بس مره متأخره ..

نايف : أهم حاجه وصلت .. امسحي دموعك ما احب اشوفها ..

نجود تمسحهم بهدوء على دخلت دانه والهنوف

دانه حاطه فل ميك أب .. جايه من آخرها .. ما كنها رايحه مشفى : هاي

نايف : وعليكم السلام ..

دانه : ممكن اجلس ؟ والا في شي خاص ؟

نايف رافع حاجبه : حياك .. لو في شي خاص ما قعدنا هنا

دانه انقهرت : وش فيك نجيد حياتي ؟؟ وجهك اصفر ؟

نجود : ما فيني شي


نايف : اليوم مره حر

دانه (إكل تبن انت عارفه قصدك ) : ........

الهنوف : اي والله

دانه توقف من كرسيها وتقرب لنجود : عمري نجيد اخاف انك مزكمه ؟؟

نجود تبعد راسها عن دانه اللي عامله فيها ذوق ..

نايف ملاحظ كل حااااااااااجه

دانه وبهمس باذن نجود : وش كان يقولك وليه بكيتي ترا شايفتك ..

نجود تبعدها ثاني مره :

دانه : انتي قليلة ادب .. (دخلت لجوا القصر)

نجود رجعت تبكي بقوه : وحطت راسها على الطاوله

الهنوف هربت لجوا ..


نايف باستغراب : وش قالت لك ؟؟؟

نجود بصوت عالي : ماقالت شي


نايف : لا تعلي صوتك .. وش قالت ؟؟

نجود منزله راسها : مالك دعوه


نايف يمسح على راسها وليته ما مسح : نجيد وش فيك ! والله قطعتي قلبي ..

نجود ابعدت يده بسرعه ورفعت راسها ووقفت وقربت لعنده مررررررره : القلب يا نايف لا تجيب
طاريه .. ما ضنتي ان عندك قلب .. كسرت فيني شي صعب تعديله .. و جرحت فيني شي لا يمكن
يلتأم

 

 

[إشراقة أمل]

آآحــآول آخــذ قــرآر و لآ لــقـيــت آلـحــروف. . .
---
، ، ، كـــمـ ؟ كــلـمـةٍ ودهـآ تــطلـع ولآ ودهــــآآآآ


نايف سنونه صكت على بعض و استغرب حكيها معه .. ايوه يا نجيد طلعي اللي فقلبك وارتاحي
تكفين : صادقه يا نجيد ،، الله يجزاك خير على هالنصيحه ..


طلعت بسرعه وتركته في الحديقه طلعت كعادتها لغرفتها مالها الا هي .. متحمله دموعها
ونكدها وحزنها .. واحلى ما في الغرفة انها جماد ما تقدر تقول لأحد ولا تطلع اسرارها ..







//


في الصاله :

ام دانه : يقولو طلعت من العمليات ..

دانه : عساها ما طلعت وش دخلني ؟؟؟

ام دانه : أجل انتي وش له لابسه ؟؟؟

دانه : ها ؟؟ بروح لصديقتي .. تعبانه فبيتهم

ام دانه طفشت من بنتها : مادري متى بتعقلين وتكبرين مخك .. ترا نايف بيكون هناك ..

دانه : بالطقاق .. ( فقلبها عندي الي اهم منه ويسواه مليون مره)


//


طلع ابو خالد وام خالد مع نايف فسيارته .. ونوف ولمو وحمودي .. وجت معهم نوره ..

وطلع فواز و الجد سامي و سلمى وام دانه وبناته كلهم ما عدا دانه ..


طلعو للمشفى الدور الثاني الجناح الملكي رقم 3


اول ما دخل الجد سامي .. انصدم لما شاف ناصر جالس على السرير بجنب بتول ويضحك معها

التفت ناصر .. نسى جده .. : ...... الكل وقف يسلم العم سلمان وسالم وناصر وام سالم


سامي : السلام عليكم

الكل : وعليكم السلام

سلم سامي على الكل وظل ناصر اخر شي .. الكل يناظر فيهم يبغى يعرف وش راح يسوي ناصر !!


نوف تناظر بعينه وعرفت وش راح يسوي ناصر .. تعرفه ..


مشى ناصر بدون لا يحط عينه بعين جده وباس راسه واستأذن من الجميع وطلع ..

نجود لنوف : الله يرحم اول ناصر لا جلس ما يطلع والكل يحب قعدته وسوالفه ..


نوف : .. !

طلع نايف وراه ..

ناصر جالس على الكراسي اللي برا في الجناح ..


نايف : وش فيك طلعت يا ناصر ؟

ناصر : متضايق شوي ما احب اللجه ..

نايف : وش اللي مضايقك ؟ بيعنا بالسوق ياخي

ناصر : عبدالعزيز يا نايف

نايف يجلس : علاااامه العله

ناصر : يوم سافرت الكويت جايب لي حثاله في المزرعه ..

نايف : محذرك زمان ..

ناصر : مدخلهم مزرعة ابوي اللي ما تنذكر الا بالخير .. وش قالو عني جيرانا في المزراع ؟؟ كلهم يعرفونا ؟؟

وش دراهم اني مو بمعهم ؟؟؟ وش دراهم ان هالحفله مو بـ لأبوي ؟؟




نايف : حسبي الله عليه .. الحين اللي راح راح وش بتسوي ؟؟

ناصر : وش بسوي !! خله يجي بس من برا وانا اعلمك وش اسوي


نايف : خبل انت ؟ ابك هذا يخبل فديره .. جنن ابوه وهالنوب انت .. اركد اركد .. ولا تودي نفسك بداهيه ..


ناصر : ماني مجنون اوسخ نفسي عشان كلب ما يسوى لكن والله لأكرهه فحياته الطيب ما نفع معه ..

نايف : انا بجي معك المزرعه اليوم

ناصر : نايف تكفى لا تدخل .. اتركه علي ..والله اني مشتهيه ..

نايف : وانت شعرفك ؟؟

/




نوف على سرير تبوله : شالو دودتك؟؟؟


بتول بتعب : ههههههههه ايوه أحد يبيها ؟

نجود : ليه ما قلتي لهم ابغى اشوفها ،، اصورها .. اي حاجه

بتول : وع اسكتي .. كل ما اذكر انهم فتحو بطني انقرف ..

بتول : ماما عطشااااانه

سامي : جيبو لها مويااااااااا بسرعه

ام سالم : لا يبه لازم ما تشرب شي الحين .. انتظري شوي يا ماما مانتي ببزر ..

بتول : اففففففف

/



شقة ابو تركي ..

جالسين يناظرون برنامج على ام بي سي .. وحاطين الشاي والقهوه

ام تركي : هو تركي وراه ما دق صار له كم يوم !

ابو تركي : لحووول وش فيك يا منيره ؟ الولد ماهو فاضي يدقدق علينا كل ساعه خليه يشوف شغله ..

الجوهره : اللي يسمعك يقول وظيفته فسويسرا والا النمسا .. كلها تبوك .. حذفة عصا على قولتهم

ساره : صادقه يمه الجوهره .. بعدين تركي ماشاءالله ما ينخاف عليه ..

ام تركي : آآآآآآه بس .. متى يرجع واخطب له شيخة البنات وازوجه ..

ساره : هههههههه الله واصير اخت المعرس

ابو تركي : تلحقون خيـر ،، صدق نسوان بس مستعجلات


/
/



رجع نايف بسيارته لوحده القصر .. قالو يبغون يطولو شوي عند تبوله في المشفى .. أخذ بعضه
وطلع

دخل القصر التفت حوله .. مافيه الا الخدم .. اتصل بأحمد واعتذر له .. يبغى
ينااااااااااااااااااااااااااااام يبغى يرتاااااح

كنه صار له سنين عن النوم .. جسمه هلك .. ويحس انه راح يطيح من طوله .. (انا اذا نسيتي
تعبت .. أحس جسمي يتعب

اكثر .. الله يبعدك يا ضيقة البال ) .. ناظر في اللاب توب لكن من التعب ما فكر حتى يفتحه ..

رمى جسمه على السرير على أمل انه ينام ويصحى وهمومه بح .. لكن هذي هي الدنيا بدون هموم
ومشاكل مالها طعم

جلس يفكر هل فيه حل لمشكلته ؟؟؟ وهل صحيح أقدر اعدل اللي خربته ؟؟؟ لكن حرام وش ذنب
دانه !! وش يقولو عنها الناس ؟؟

عارف ان مليون واحد يتمنى يناسب عمي فواز لكن ليه اكسر بخاطر البنت بعد ما خطبتها ؟؟

لا والله ؟؟ ونجود طيب ؟؟ انت مو بس كسرت بخاطرها .. انت هدمت حياتها فوق راسها .. البنت
كانت بحال وصارت

بحال ثانيه الكل ملاحظها .. آه يا ربي انك تحلها من عندك .. يا رب قدرني على التعديل .. يالله عفوك



وقفت .. وما وقفت إلا أدور لـ الحلول ، حلول !
أبعثر ماورى نفسي .. إلين [ أثقلت كاهلها ]

تعبت أحمل من الذكرى على المتن النحيل حمول
و انا نفسي .. وهي نفسي ! وربي ما تحمّلها

ترى مايجرح العاقل من الدنيا سوى المعقول
و انا المجروح من دنياي .. ولو ماكنت عاقلها


:
:


بتول : بكره ما عندكم كليه .؟

نوف بصوت عالي : بابا تبوله تقط نغزات علينا .. يلا مشينا

ابو سالم : هههههههه ليه وش قالت ؟

نوف : تقول طولتو وانتو عندكم دوامات بكره .. ؟

سالم : ههههههههه فديت اختي طول عمرها ذوق ..

بتول بصدمه : لاااااااااا والله العظيم ما قلته .. نويف تكذب

نوف : بعد طلعتيني كذابه الله يسامحك يا بنت عمتي

ام خالد : ما عليك منها يا بتول عارفين سوالفها

ناصر جالس برا ويضحك لما يسمع صوت نوف .. صحيح ما يسمع زين وش تقول لكنه يرتاح رغم ضيقته ..

فتح اللاب توب وجلس .. مره طولو .. اشوى انه معي ..

سامي : اقول ابو سالم .. ناد ناصر اكيد انه برا

ابو سالم : ابشر ..

طلع ورجع مره ثانيه لوحده

سامي : ؟؟؟؟؟

ابو سالم باحراج : يقول عنده شغل على الكمبيوتر يخلص ويجي ان شاءالله ..


سامي عرف : ايه على خير ان شاءالله

نوف بقلبها ليه يا ناصر ليه !!


ام دانه مدت القهوه والفطاير للهنوف اللي بطريقها مدتهم لنوف اللي كانت اقرب وحده للباب : نوف
حبيبتي وصليهم لناصر .. نجود روحو قهووووه من الصبح وهو هنا ..

نجود تقوم مع نوف : أبشري يمه


طلعو من الصالة الرئيسيه ومشو مسافه ولقو ناصر بس ما حس فيهم .. حبو يستهبلو عليه شوي ما
يدرو انه ضايق ومرتفع ضغطه



نوف من ورا الجدار تقلد صوت البسه : ميوووووووووووووووووووووو

ناصر التفت للصوت وكمل على الكمبيوتر ..

نجود ماتت ضحك وراحت قلدت صوت البقره بس ما جابت الصوت كويس : بااااااااااااء


نوف هنا ماتت ضحك ..

التفت ناصر لجهة الصوت وكمل شغله ..


نوف تبغى تكمل صوت البسه بس ماتت ضحك : مـــ هههههههههههههههه


ناصـر يكتب عالكي بورد : ههههههههههههه اطلعي اطلعي

نوف تطلع بيدها القهوه و نجود الحلا

نوف + نجود : ههههههههههههههههههههههههه خفت صح ؟؟

ناصر : إيه مت من الخوف صراحه .. لو مكملين يمكن انحشت السياره ..

نوف هبله : جد ؟؟

ناصر : صبي صبي قهوه .. لا انادي ابوك .. ماشاءالله ما عندنا بنات يقلدو اصوات حيوانات

نجود : هههههههههههههههه


نوف بزعل : بس انا ما قلدت حيوانات : (

ناصر يترك الجهاز : هاه اجل البس والبقره مدري الخروف وشو ؟؟؟

نوف : ههههههههههههههه لا البس انا .. البقره نجيد هههههههه


نجيد تضربها خفيف : وجع نويف .. قلدت صوت بس والله مادري وشو ..

ناصر يضحك بقوه : هههههههههههههههههههههههههه

نوف جلست قباله هي ونجيد

ناصر : هنا يمرون رجال وانتن طالعات من دون عباياتكم ؟؟؟ اطلعو البسو

نوف بثقه : اذا طلعنا ترا ما نرجع .. دور أحد يقهويك

ناصـر وقف سكر الباب الكبير ورجع : كذا زين .. ايه وش علومكن يالبنيات ؟

..... : تمام

ناصـر : عسى دوم ان شاءالله .. ..

ناصر نسى حاله وجلس يناظر بالسلسال اللي يزين رقبة نوف : ........


نوف ما انتبهت اما نجود تقول فقلبها هذا وش فيه تنح في البنت زي كذا ..


ناصر انتبه لحاله لقى نجود مبلقه فعيونها وتناظره : ؟؟؟؟

ناصر : ترا اناظر السلسال والله ..


نجود : وشو اي سلسال (انتبهت ) على طاري السلسال الله يرحم وحده اسمها نجود .. على الاقل
اغلط مره وحده واذكرني بس تذكر نويف .. لنا الله

ناصر : افا عليك عندي واحد بالسياره والله ما يغلى عليك .. والحرف بعد نفسه ..هههههههه

نجيد : تصدق .. ههههه .. لا ماهو بعدك ان شاءالله

ناصر : تسلميلي .. وابشري بالسلسال يا نجيد

نوف انقهرت بس سكتت . . ما توصل انها تغار من نجود .. نجود روحها وقلبها ونفسها .. كيف تغار منها ..

ناصر : اقول انتي يا البسه وين رحتي بفكرك ؟

نوف : ناصر ابغى اناظر فجهازك ..

ناصر يسحب اللاب توب لعنده .. قال ببرود : لا

نوف انقهرت اكيد عنده بنات قفزت لعنده وجلست بجنبه : ابغى اناظر

ناصر : هههههههههه والله انك زي البس .. ابعدي قلت لك ما فيه

نوف جالسه ومربعه يدينها : ماني قايمه الا لما اشوف ..

ناصر : ههههه والله هذي النشبه .. طيب ايميلي كله اسرار ما اقدر اخليك تشوفينه !

نوف زاد قهرها : نجيد تسمعين ؟؟

نجود : انا مالي علاقه ..

نوف : هين يا نجيد ...

نوف: ابغى اشوف نويصـر

ناصر: بعد تدلعني .. او تصغر سمي

نوف : ياااااااااربي .. انا ما عمري طلبتك شي و تردني .. كيف لو اقولك عطني الباسوورد


ناصر : هههههههههههه والله من زود الثقه يا بنت راشد

نوف : الحمد لله .. اذا انا ما اثق فنفسي من يثق فنفسه ان شاءالله ؟؟

ناصر : يلا تعالي شوفي بس نظره وحده

نوف : هههههههه ضحكتني انا بتمدد هنا وانت روح خلص شغلك .. ابي اتصفح الرسايل .. بعدين
اسولف مع الناس على المسن


نجود مسكت راسها هذي هبله لا تجيب العيد

ناصر يعقد حواجبه : لا يكون عندك ايميل وتضيفين الناس فيه .. اللي يسمعك يقول خبره .. والله لو
ادري ان عندك لأعلقك من رموشك في المروحه


نوف حطت يدها على قلبها : يمه .. وش هذا ناصـر ؟ ما عندي ولا ابي .. اصلا لو ابغى عادي
مافيها شي ،اسولف مع صاحباتي ..

ناصر : سولفي معهم في الجوال مو مسن ،، المهم يلا شوفي اضغطي هذي

نوف عامله حالها فاهمه : اي اي اعرف


ناصر : يلا ورينا ..

نوف : ماتدري وش تضغط خرت الصفحه وعلقت

ناصر ياخذ اللاب منها : قومي قومي خربتي الاتصال .. مشكله الواحد اذا عمل حاله فاهم ..

نوف : هههههههههههه

نجود : ههههههههههههههههه

ناصر : وش رايك انا اتصفح لك الرسايل وانتي تقرين ..

نوف : والمسن ؟ ابغى اشوف من تحاكي

ناصر : والله كلهم رياجيل وش لك فيهم عيب حياتي

نوف بقهر : طيب

ناصر (يا حلوك )

كلّبوي يحب شوفـت كلبـّيك
وطفل شوقي لجل حبي لك حبا




/


/

 

 

[إشراقة أمل]

في المملكة

فارس جالس في الكوفي طفشااااااااااااان : مافيه بنات اليوم وش السالفه ؟؟

محمد صاحبه : اي والله تقول راشين عليهم مبيد حشري

فارس : امش نطلع للحياة مول ..

محمد : يابن الحلال رجولي توجعني من المشي .. بعدين انا مو كاشخ ومتجهز للحياة مول

فارس : وش الفرق يعني ..

محمد : كل مجمع وله شكله وستايله

فارس : هههههههه الحمد لله اني حلو ما يحتاج يناظرون فشكلي اصلا .. كلي على بعضي حلا

محمد : وراك تمدح فعمرك تقول بنت ..

فارس كل تبن وخلنا نطلع ..


في الحياة مول .. تقولو داخلين وعليهم واجب لازم يسووه اليوم .. طيب تبغون تغازلون اجلوها بكره
دامها فيكم فيكم

وراكم متعبين حالكم يا شبابنا الله يهداكم

فارس بضحكة عاليه : هههههههههههههههههههههههههه يالله زيدهم .. أرحبوووووووووووووو


محمد يسكته : فشلتنا وراك ما عمرك شفت ناس ؟

فارس : ههههههه

محمد :ناظر هناك يازينها ..

فارس : عاديه وش فيها زود .. لكن انا جيب راسها الحين ولا يهمك

فارس يقرب منها ولما مرت بجنبه لحقها : معك فارس السامي ممكن اتعرف ؟

البنت ناظرت فيه من فوق لتحت ما سمعت وش يقول اصلا : قليل أدب ..

فارس وجهه صار احمر : كح


محمد ما سك بطنه وجالس : ههههههههههههههههههههههههههههههههههههههههههههه لو قايل اسم

ابوك وش بتسوي فيك لعنبوك جاي تقدم على بيت ؟؟ وش له اسمك حسبي الله على عدوك ضحكتني



فارس : كل تبن ..


جت بنت : فارس ؟

فارس يناظر فيها يحاول يتذكر وجهها : ؟؟؟
.
...: عرفتني ؟؟

فارس توهق : ما عليه العتب ع الذاكره .. مين معي ؟

نجلاء : انا نجلاء .. كيفك ؟

فارس يضرب جبهته : يوووووووووو نجلا هههههههههه كيفك ؟؟

نجلاء : تمام يا قلبي انت كيفك ؟

محمد زي الاطرش بالزفه : ؟؟

فارس : صاحبي محمد ..

نجلا : أهلين

فارس : صاحبتي نجلا ههههههههه

محمد : هلا وغلا

نجلا : لو صاحبتك ما نسيت اسمي اصلا ..

فارس يرن جواله : عن اذنك يا نجلا لازن اطلع

تركها وطلع بغت تقتله ..



محمد يمشي بجنب فارس : يا حيوان هذي بزر وش له تصاحبها

فارس : وانا وش دخلني هي مرقمتني اول .. اقول لا يعني ؟؟

محمد : جد حيوان

فارس : ما عليك زود ..

:
:

 

 

[إشراقة أمل]

هلا بك والصباح اللي خذا من طلتك نوره..
هلا به من بداية مطلعه لآخر تفاصيله..

/

في المزرعة

رجع امس بالليل ناصر ما لقى عزوز وحلف انه يشرشحه الصباح .. حط راسه ونام

ولما قام الصباح لقى مكالمات من نايف اتصل فيه

نايف : هلا و غلا ناصر كيفك

ناصر بصوته الخشن : تمام

نايف يناظر بساعته : فيه احد ينام لهالوقت ؟؟؟

ناصـر يتعدل : ليه الساعه كم عندك ؟

نايف : 11 الصباح ..

ناصر : من جدك انت ؟؟؟

نايف : اي والله ،، قم يلا .. بعدين تعال انا داق اسألك .. وش سويت فعزيز طردته ؟

ناصر : الكلب عزيز انا شفته عشان اطرده ؟؟ والله لاطلع هذيك السهره من عيونه .. ما يستاهل
حتى جزمتي .. والله صدمني ..

نايف : هد يا بن الحلال الاشكال هذي ينخاف منها ..

وبهاللحظه عزوز كعادته الوسخه يتسمع لسوالف ناصر .. بس هالمره أول مره بحياته يسمع ناصر يسب فيه

انصدم

عزيز فقلبه : (ديلار علمه ،، وشلون ما فكرت فيه ؟؟؟ انا كلب يا ناصر ؟؟؟ انا ما استاهل جزمتك ؟؟؟ والله لأوريك .. هي خاربه خاربه خلينا نعميها )

ترك ناصر يكمل تلفونه مع نايف .. و طلع بسيارته وانحااااااااااااش يخطط لفكرته القذرة ..

بس وش بيسوي ؟؟؟

من أهم شي فحياة ناصر ؟؟

كيف يقدر يقهر ناصر بأعز ما يملكه ؟؟؟

وبهاللحظه مات قلب عزيز وضميره وكل فطره انسانية فيه

أن مات غالي .. قلت حيل الله أقوى ..
أنا آدمي مثله .. ولا في يدي شّي ..

ماهي بسيطه موتته .. لكن اشوى ...!
المشكلة .. لا مات قلبه وهو "حي " !!

/

البنات جالسين في الكفتريا يفطروا ،، نوف ونجود و الجوهره وعبير

وسوالف وضحك تركت كل اللي في الكفتيريا يناظر فيهم .. كانت الجوهره تشبه نوف ونوف تشبه
نجود مره كان باين عليهم القرب

عبير : والله مصدومه كيف يجلسو كلهم مع بعض احس فشله ههههههههههههههه

الجوهره : لا بالعكس أحس ان هالشي على التعود !!

نوف : من جدكم انتوا ؟؟؟ اصلا كنهم اخواني .. أسولف معهم عادي ألبس عندهم أي شي عادي ،،
حتى نطلع ونتمشى مع بعض

نجود تشرب العصير : ميانه بشكل كبير

الجوهره تحاكي عبير : لما رحت لهم القصر رحت لأمي مصدومه كيف قال ناصر لنوف يا قلبي
ههههههههههههههه وكيف نوف لابسه عنده قصير !!

نجود : ياليتني كنت هناك هههههه

نوف حاطه رجل على رجل : ما انتبهت لك .. تصدقي ناسيه انك ما تعرفي علاقتنا كيف مع عيال
عمامي !!

الجوهره : أما فارس ؟؟ هههههههههه مره خفيف

نجود : ماشاءالله من جلسه وحده معه عرفتي حقيقته ؟؟ خخخخخخخ

الجوهره : أي جلسه الله يخليك ؟؟ قولي كم دقيقه .. ! بس ناصر غير

نوف فقلبها (يووووو يا هالناصر اللي كل ما تحكي تجيب اسمه !) اكتفت بالابتسامه

نجود على طول ناظرت نوف بشل سريع قرت ملامح وجهها : اي ناصر ذوق وحيوي

الجوهره : الله يخليه لشبابه

خالد يناظر التلفزيون وفكره بعيد مو بيمه أبدااااااا

جت ام خالد وجلست وما حس فيها ولدها ..

خالد وكنه صحى بصوت ريتاج

ريتاج : ماما ابغى هم ..

ام خالد تنادي الخادمه : ميررررررررررررررري جيبي فطور رورو

خالد : والله ماني بعارف ليه الصوت العالي يا الغالية عندك الانتر كوم مادري ليه حاطينه

ام خالد استحت احرجها خالد : والله ما اعرف استعمله ..

نايف نازل من تحت ووقف قبال المرايه يعدل شماغه ما انتبه باللي جالسين ..

نايف دخل وناظر بخالد لوى فمه وباس راس امه : صباح الخير يالغالية

ام خالد تموت على نايف اكثر واحد من عيالها وبناتها مره رحوم : يا صباح الورد ،، فطورك جاهز
،، اليوم مره متأخر بالقومه ماهي بعاده لك

نايف : ههههه من التعب والله .. ولدك تعبااااااااااان (يبوس رتوجه) فديت الحلوين يا صباح الخير يا رورو

ريتاج تبسم لعمها بنظرات دقيقه من خالد ..

ام خالد : ما تشوف شر يا ولدي ..

نايف : الشر ما يجيك ،، تامرون بشي

خالد حكى بعد هالصمت : نايف ابغاك

نايف : اذا موضوعك اللي خبري انصحك ما تفتحه يا بوفيصل

خالد : انا ما اشحذ منك دقايق من وقتك ،، قل ماني فاضي وانتهينا .. متغير يا نايف

نايف : كيف يعني ؟

خالد : خلاص رح توكل على الله

ام خالد اخذت ريتاج وطلعت : عن اذنكم

خالد بعد ما طلعت امه وقف من مكانه وقرب لنايف : والله صالح اسم على مسمى والله انه راح يحفظ
اختك ويصونها ..

نايف : وش عرفك ؟؟ عشانه غني ؟؟

خالد : لا .. لأنه شاريها

نايف : و حنا ما عندنا بنات للبيع ..

خالد بصوت عالي استغل فيه وجود ابوه بالشركه : نايف ..

نايف ببرود : تقدر تحكي بهدوء بدون صياح ما حنا بزارين

خالد بنفس النبره : ما يقتلني الا برودك ،، قلت لك اذا ما اخذها صالح بياخذها واحد من عيال عمك يا
سالم يا ناصر والا واحد من عيال خوالك الدشيره

لمو لابسه بتنزل السياره عشان تلحق على محاضرتها .. سمعت كل شي .. ورحمت اختها ..

نايف : وعيال عمي مثلي ومثلك ما يعيبهم شي رجال ..

خالد طلع جناحه : الحكي معك فاضي ..

نايف جلس على الكنبه وجلس يفكر كيف يشيل خالد هالفكره من راسه .. وش هالتفكير المادي .. اللي يسمعك يقول فقران ..

لمو انحاشت لا يشوفها خالد ،، انتظرت شوي وبعدها طلعت الجامعه طيراااااااان ..

في المزرعه

ناصر ببجامته وشعرهه المهمل .. هذا وين راح ؟؟ اول مره يطول زي كذا ؟؟ معقوله ما جا من امس ؟؟

ناصر : ديلاااااااااار

ديلار من بعيد : نننننننننننننعم

ناصر : تعال بابا

ديلار : ؟؟؟

ناصر : ما شفت بابا عزيز

ديلار : عزيز هنا صبح .. ويطلع قبل 10 دقيقه

ناصر : وين راح ؟

ديلار : ما يدري ؟؟

راح ديلار يوكل الحيوانات وترك ناصر بحيره وش عرفه وكيف عرف ؟؟ واذا ما عرف .. ليه ما
يخليني اشوف وجهه ؟؟؟

//

دامني فاضي وراي ما اطلع لتبوله اكيد ذابحها الطفش ،، اختي واعرفها ما تعرف تجلس دقيقتين
على بعضهم !!!

طلع ناصر السوق واشترى مجلات البنات كلها سيدتي ولها وهي والجميلة .. وطلع اشترى من
البقاله حلويات وشوكلاته وبطاطس من اللي تحبهم تبوله ..

وبعدها طلع ناصــر للمستشفى .. ولقى عندها امه .. جلس معهم ..

ام سالم تناظر بناصر وسرحانه

ناصر وبيده الفنجال : عسى ما شر يا ام سالم .. على قولة راشد وش فيه بالك بعيد وجالس تفكر ؟؟؟
شاغل بالك ابو سالم ؟؟

بتول تمسك جنبها من الالم : هههههههههه

ام سالم وبعينها دمعه : لا والله شاغل بالي ولده

ناصر يحط الفنجال : افا ،، الله لا يشغل بالك ،، امري وانا انفذ بس لا يضيق صدرك والله ما احب
اشوفك زي كذا ..

ام سالم تبكي : ارجع لبيتك يا ناصر

ناصر انحرج وقام باس راس امه : ابشري يالغالية والله ما ارقد اليوم الا فبيتنا ..

ام سالم ما تدري تضحك والا تبكي من الفرح طلعت للقصر تجيب ملابس لتبوله وتجي

تبوله قفزت وباست ناصر ..

اتصلت على نوف : الو ؟

نووف : هلا وغلاااااااا تبوله كيفك

بتول : نويف ؟؟

ناصر فز قلبه واشر لها ما تعلم نوف (يبتسم ويأشر ) بتول توهقت وش تقوللها ؟؟؟

ناصر يقول لها حطيه سبيكر

بتول ما صدقت حطت الجوال على السبيكر يبغى يسمع صوتها ..

نوف : ألووووووووو ؟

بتول : هلا نويف اخبارك ؟

نوف باستغراب : وش في صوتك ؟

بتول : ما في صوتي اي شي هههههههههههههههه

نوف : والله ان فيك شي صوتك باين انه مبسووووطه من شي

بتول : ولا شي حابه اسلم عليك (تغير الموضوع) من عندك ؟

ناصر يتسمع وحاط يده على خده ،، يحب صوتها ويحب بحتها ويحب حكيها واسلوبها كلها على
بعضها والله يعشقها

نوف : عندي (تناظر بالبنات) نجيد والجوهره

صوت ازعاج عندهم بالكفتريا بالغصب تسمع بتول

الجوهره : مييييييييييييين ؟؟

نوف : تبوله الهبله

الجوهره تأشر لنوف تقرب السماعه : ابشرك تبوله بنخطب نوف لعزوز ههههههههههههههههه
لابق لها ،،

نوف : ههههههههه وجع شبي فيه

تبوله بصدمه تبغى تبين لناصر انها مزحه : ليه ؟

الجوهره بضحكه عاليه : البنت عااااااااشقته

بتول بسرعه تشيل السبيكر وتدعي على الجوهره فقلبها (الله ياخذكم ياويلي لا يذبحني ناصر)

ناصر رافع حاجبه بقوه ويناظر في البتول : سكري السماعه

بتول بخوف : أ أ البنت ع الخط

نوف مصدومه من صوته هذا ؟؟؟؟

قفلت الخط البتول وما هي قادره تحط عينها بعين ناصر

ناصر : اللي كانت تحكي الجوهره ؟؟؟

بتول : ايوه

ناصر مع جهله بسوالف البنات ونكتهم : ليه قالت كذا ؟

بتول بخوووووووف : ماا ماا دري والله مادري

ناصر بصوت عالي وصل الور ال20 : قلت لك ليه قالت كذا ؟؟؟

بتول شوي وتبكي إلا بكت وخلصت : لا تصايحعلي ،، والله مادري ،، ضحك يا ناصر مزح والله مزح

ناصر بحكي اول مره يطلع من فمه : ياختي الله يلعن عزيز واخت عزيز ..

بتول بخووووووووووووووف تناظره طلع وطبع الباب وراااااااااه

وجلس انتظر برا ليما جت امه و ترك عندها البتول وطلع لقصره ينام فيه ووصى ديلار أول ما يدخل
المزرعه عزيز اتصل فيني حتى لو 4 الفجر ..

//

//

نجود طلعت لمحاضرتها ،، ونوف جالسه ما تدري وش السالفه ..

نوف يا ويلي اتصل والا لا ؟؟؟؟ هذا سالم اللي يهاوش والا ناصر ؟؟ وليه يهاوش اصلا ؟؟؟ أكيد

ناصر سمع حكينا ياااااااااااويلي (تتذكر شنو كانت تسولف فيه ! )

فجأه جاها اتصال من رقم غريب : ألو ؟

نوف : مين ؟

عزيز : انتي نوف صديقة اختي الجوهره ؟؟؟

نوف : هلا عبدالعزيز ؟

عزيز : أ أ والله مادري وش اقولك يا يا بنت خالي ؟؟

نوف خافت لا يكون صار بناصر شي ؟؟؟ : خوفتني وش فيه ؟؟

عزيز : ناصر وهو طالع المطبخ احترق كله بغينا ننعدم كلنا مره وحده .. بس الله ستر .. !

نوف حطت يدها على قلبها : كييييييييييييييييييييييييييف ؟؟؟؟؟؟؟؟؟؟؟؟؟؟؟؟

عزيز : اي والله يا نوف ،، وتراه موصيني ما اعلمك ولا اعلم امه .. بس انا ماني قادر اتحمل شكله
ينرحم بس يتمتم بحكي مو بمفهوم منه الا نوف - السلسال - الكويت - احبها ما فهمت شي

نوف تأكدت ان حكي عزيز صح من اسلوبه التمثيلي المضبوط ومن حكيه عن السلسال اللي اكيد
ناصر حكى له عنه لان محد يعرف فيه ،، ولان ناصر مره كان يمدح فعزيز

ويهاوشها اذا سبته او غلطت فيه ،، ايه ايه اكيد حكيه صح هذا عزيز صاحب ناصر .. : اقول عزيز هو باي مستشفى ؟؟؟

عزيز وعلامات النصر واضحه فملامحه : لا مو بمستشفى ،، جبت له الدكتور علي اذا تعرفيه ،،
وقال يجلس هنا احسن عشان جروحه ،،

نوف وقفت بزاويه في الجامعه وجلست تبكي بقوه : طيب انا جايه الحين مع نايف والا ابوي ..

عزيز خاف : لااااااااا لاااااااا والله ليكون قاتلني .. ناصر ما يبغى احد يعرف .. مهددني يا بنت
الحلال ،، حتى انتي اصلا ما ابغاك تجي .. حتى لو كان لوحدك

مهما كان انتي بنت خالي وما ارضى لك تجي هنا لوحدك ،، من جدك انتي ؟؟ انا بس حبيت ابلغك لا
اكثر ولا اقل وتدعيله بالشفاء

نوف تفكر ياربي وش العمل : يا عبدالعزيز انت زي اخوي ،، وناصر دامه هناك ما عليه انا لازم
اكون بجنبه وماراح اطول كلها ساعه وراجعه البيت ووعد مني ما اعلم احد بس تكفى خلني اجي

عزيز : قلت لك لا يا نوف ،، لا اعذريني يا اختي

نوف انعمت لما عرفت ان ناصر محترق كله حست انها ما تشوف الصح من الغلط ما تشوف المنطق
من الغباء ،، هذا ناصر لو يروح من يدها والله تلحقه ،، حبها له مو بيوم والا يومين حبها له اكثر من 10 سنوات

نوف بثقه : ما علي من حكيك انا جايه جايه وسواقنا يدل ما يحتاج حتى توصلني انت فمان الله

//

عزيز وكنها فرصة العمر ،، الفرصة الذهبيه اللي والله ما تتعوض بملايين الدولارات ،، آه يا ناصر

والله مستعد ادخل السجن بس انت تتعذب ،، انا من قبل اكرهك والحين اسمعك تهيني ؟؟ وتحتقرني ؟؟

انتظر يا ناصـر .. والله لأحرق قلبك .. والأيام بينا

ابسألكـ ....!! شآن آلزمآن .... ؟
وٍآلآ آلبشر طبعهم شآن ؟. وٍآلآ آلنوٍيآ آلصآفية ضيعتنآ ....؟

:

:

السايق صار له ساعه منزل لمو للجامعه وجالس ينتظر برا

نوف اتصلت فيه وجا عند البوابه وطلعت طريق المزرعه اللي يبعد تقريبا نص ساعه ،،

نوف ( ياربي انا اللي اسويه صح والا غلط ؟؟ ليه غلط ؟؟ ناصر اذا شافني راح يعرف اني مو
بمهتمه الا بصحته ،، اكيد انه يفكر اني راح اخاف من شكله ،، ليه يا ناصر تبعدني عنك ؟؟ غريبه ما
تعرف غلاتك عندي ؟؟؟ - يووو خليني اتصل بتبوله اشوف مين اللي كان عندها يمكن ناصر !!! )

نوف : الو تبوله بسرعه ردي علي

بتول : يوووو يا نويف الحقي علي وعلى اخوي

نوف وكن اللي فبالها تأكد : بعدين نحكي بس ردي على ضروري الحين .. اللي كان عندك ناصر ؟؟؟

بتول : ايوه وطلع وهو معصب و متضاااااااااايق مررررررررررره ياويلي على اخوي يا نويف لا
يصير فيه شي .. عارفه ليه ؟

نوف : تبوله حياتي شوي واتصل فيك .. سلام ..

سكرت الخط نوف وما كملت حديثها مع تبوله اللي لو كملته شوي راح تنكشف لها كذبت عزيز بس
سبحان الله ،، هذا المقدر والمكتووووووووووووب

طلعت للمزرعه وهي مرتاحه .. اهم شي يكون ناصر هناك ما همني احد ،، وماني بخايفه دامني هناك
،، معي ناصر واخاف ؟؟ صحيح انه فيه رهبه اني اول مره اجيها لوحدي بس وش اسوي

ناصر وطلباته ،، الله يشفيك يا ناصر ..

//
//

** الواحد في هاللحظات ما يحس بقراراته وخاصة اذا كان سنه صغير ،، يفكر بعاطفته وينسى عقله
حتى لو كان معروف عنه الذكاء والحكمه ،، عشان كذا حنا دايم نلجأ للي

أكبر منا ،، لان خبراتهم اكثر وتجاربهم أوقع على النفس ،، كل ما كان الاانسان اكبر كل ما كانت
قراراته اقرب للصحه **

//
//

شقة ابو تركي

ساره بدراعتها حاطه يدها على خدها : يمه ترا الثلاجه فاضيه

الجوهره : انا جووووووووووووعانه .. الناس ترجع من الجامعه تلقى شي سنع تاكله .. افففففففففف

ام تركي : هاللحين اسوي لكم بيض وجبن انتظرو شوي

ساره : عاشت ام تركي

الجوهره توقف بطفش وزعل : يوووووووو يمه احد يتغدى بيض ومادري ايش ؟؟ يالله لك الحمد

ام تركي ما استغربت لان بنتها صار لها كم يوم وهذا حكيها : الله يهديك

أكلت هي وساره من الموجود ،، وراحت طلبت من اقرب مطعم لبنتها بكم ريال جمعته ،، ما تحب تترك شي فنفس هالصغيره

 

 

[إشراقة أمل]

لمو : حررررررررررررررررررررررررررررره

الهنوف تبرد اظافرها : ما انتي بأول وحده تخلص مبكر

العنود : فوفا عامله حالك مو مهتمه انا وانتي منقهرات ،، بتروح تنام الحين وحنا نكرف هنا
بهالجامعه

الهنوف : آآآآآآآآآه يا حظ تبوله .. ماخذه اجازه

لمو : نجيد امشي معي دامك خلصتي شدعوه ؟؟ من متى تستحين من نايف ؟؟؟

الهنوف : روحي يا نجيد ترانا حنا ونوف بنطول هنا .. اطلعي معها

نجود : يووووووووه انتوا ما تفهمون ؟؟؟ قلت لكم بنتظر نوف افففففففف

لمو يرن جوالها : كيفك .. يلا جاو بنات

//

بالسياره :

نايف : هلا لمو ..

لمو : سوري لاني طلعتك من الدوام

نايف : لا عادي احمد هناك بعدين دوامي بجنبكم (جا يبغى يمشي)

لمو : اقول نايف ترا نجيد مخلصه محاضراتها بس ما تبغى تجي معنا .. تقول بتنتظر نويف

نايف عصب من جوا وكن براكين وش قصدها ما تبغى تجي معي ؟ (رفع الجوال واتصل فيها)

:

نجود عارفه انه راح يعمل كذا .. رفعت البلاك بيري : نعم ؟

نايف : السلام عليكم

نجود من تسمع صوته يروح كل الزعل بس تكابر : وعليكم

نايف : انا برا .. اطلعي و اتركي عنك سواليف البزارين

نجود : انا مو بزر .. وما ابغى اطلع

نايف : علي الحرام .. لتطلعي الحين .. عطلت السير انا قومي البسي عباتك واطلعي يلا

نجود : قلت لك ما ابغى

نايف بصوت خشن : انا حلفت .. اخلصي ..

نجود تقفل الخط : الله ياخذ هالوجه يا الماس .. رويترز مو بنت

//

قصر بو سالم

ناصر يناظر فغرفته .. ياااااااايوه قديمه مرررررررررررره

فاقد الهدوء وفاقد الاستقرار والنظام والترتيب .. فاقد هذا كله .. وفوق هذا فاقد جو البيت ..

جالس بثوبه الابيض كان يبغى ينام بس ما قدر .. جلس يناظر بأغراضة ،، وفجأه جاه اتصال من
ديلار ..

ناصر : افففففففف هذا وش يبغى ؟؟؟

//

في المزرعه

ديلار يحاول يتصل بناصر اللي ما يرد عليه اساسا يبغى يعلمه ان عزيز جا

نوف متردده !!

والسايق مصدوم وش جايب نوف للمزرعه ؟؟ متعود يطلع هنا بالعطلات ومع العايله كلها !!

نوف توكلت على الله وطلعت .. مثل ما ناصر ولد خالي عزيز ولد خالي وكلهم هنا وش اخاف منه ؟؟

ضغطت على الجرس .. وطلع لها عزيز

عزيز عامل حاله متأثر : هلا نوف ،، الله يسامحك ما كان ودي تجين لكن هذا من ذوقك

نوف تتلفت يمين وشمال : هلا فيك .. عزيز وين ناصر ؟؟؟

عزيز يتنهد يعني متأثر الولد : ناصر ؟؟ جوا بالغرفه .. بس ابغاك تطلي عليه من برا .. ( عزيز

ذكي يحاول يبعدها عن اللي يبغاه عشان ترتاح له نوف وتعمله يحسسها انه مو بمهتم بوجودها )

/

ناصر فقلبه ( يوووووه ديلااار شكله ماهو ب ساكت ،، ما توقع ناصر ان عزيز يرد للمزرعه بهالسرعه !!!! )

ناصر : الو ؟؟؟؟؟؟؟؟

ديلار بصوت واطي : بابا عزيز مني مزرعه مع هرمه

ناصر عيونه طلعت : مع ايش ؟؟؟؟؟؟؟؟؟؟؟؟؟

ديلار : والله بابا موجود هنا .. تعالي بسرعه

ناصر سكر الخط فوجهه وركب سيارته ،،

سالم نازل من سيارته (هذا ناصر وش جايبه ووراه ما يسلم ؟؟ ) : يا ناصر

ناصر مارد عليه ولا التفت له اصلا ؟؟

سالم : هذا علامه ؟؟ دخل وتركه

ناصر بالسياره ومسرع حده (يقسم بالله انه ما يطلع وهو فيه عظم صاحي ،، هين يا عزيز الكلب هذا

وجهي ان ما شربت دمك انت والكلبه اللي معك

وش شايفني تستخف بعقلي انت ؟؟ ما الوم جدي فيك .. لا وهالحين جايب معك خويتك ؟؟ لعنبوك ما
تتوب ؟؟ لكن باذن الله توبتك على يدي هذا اذا تركت لك

مجال ووقت تتوب فيه )

/

نوف انزعجت من حكي عزيز الكثير تبغى تشوف ناصر وخلاص : اقول عزيز خلني اشوف ناصر ..
انا مستعجله ؟؟

عزيز جالس وأشر لها على الغرفه اللي هناك على ان ناصر فيها .. !!

نوف قامت بكشختها وجمالها اللي صدم عزيز وخلاه ينسى الحكي اللي مجهزه واللي خلاه يصر على

خطته القذره اكثر واكثر !!

عزيز ( يا ناس وش هالبني آدم ؟ كل مره اشوفها تزيد حلا ؟ لوين بتوصل يعني ؟ والله ما الومك يا

ناصر التبن ! ،، والله انت اللي تستاهل جزمتي ما تستاهل هالملاك والله والله والله انها فتنه تمشي

على الارض )

//

بالسياره :

رجعت لمو ورا وجلست نجود قدام كان ودها تقعد ورا بس ما حبت تحرج لمو اللي قامت عشانها ،،

عندهم من الاحترام ان الكبير هو اللي يجلس بالامام

نجود اول ما دخلت سلمت وجلست بهدوئها وبوجها اللي مبعده عنه الغطا ،، كان مره رااااااااايق و

وكعادتها تجنن وتخبل .. لكن من داخل انواع التوتر والخوف موجوده فيها !

لمو : نجيد وراك هاديه ؟

نجود ودها تقتلها .. و دها تمسكها وتفقع عينها على قولة حمودي

نايف يناظر فيها (نظره للطريق ونظرتين لنجود ) : .............

نجود ودها تصرخ فوجهه ( لااااااااااااااااااا تناااااااااااااااااااااااظر كذا تنرفزني بس ما تقدر يقولو
عنها مجنونه بعدين !! )

لمو باستغراب : انتوا وشفيكم كذا ؟؟ ترا خوفتوني

نايف يبتسم لان باين على لمو الخوف : مافيه شي لازم نضحك يعني ؟ تلاقي نجود متهاوشه مع بنت
في الجامعه عشان كذا مكتمه

نجود رافعه حاجبها وتناظر قبالها : ............

نايف : ليه تجلسينها بجنبي يا لمو ،، بدت تخوفني ..

نجود بعصبيه مسكت باب السياره وهي مسرعه : تبغااااااااااني انزل ؟؟

نايف انصدم ما توقعها شراره زي كذا : مد جسمه ومسك يدها هذي هبله وتعملها : خبله انتي ؟؟؟؟

حتى لو مزح لا تمسكينه لو تتحرك السياره ينفتح الباب

مجنونه واذا صار فيك شي ؟؟

نجود اول مره تشوفه زي كذا هل هو خوف عليهااااااا والا بس يقهرها ؟ : ارتاح على الاقل واريح

أنا اللي ماخذا منك القصاص ولا طلب له ثار
على كثر الحقوق اللي تمنّى قول مطلوبه

أهلّي بالمواجع كل مانساقت من الأقدار
واقول يحلّها اللي حطّها للقلب مكتوبه !

لمو مو فاهمه شي عليها علامات استفهام : على الاقل آخذ بستك ..

نجود : ما تضحك

لمو : وووووع نجيد مو لابق عليك النكد .. صايره متشائمة و عصبيه مره مدري وش فيك والله

نايف + نجود من داخلهم يأكدون حكي لمو لكن كالعاده الصمت سيد الموقف

لمو بعدها بدقايق : نايف بليز شغل الاذاعه

نايف متنرفز : ابشري

كانت اغنية راشد الماجد ... وجات ع الوتر الحساس ..

الله لا يحرمني منك من حلاك ومن دلالك .. ما أتمنى غير شوفك مبتسم مرتاح بالك
تضحك الدنيا بعيني لا رضيت ... وأقبل أعذارك وأسامح لو خطيت
لـــو أقــول إنك حياتي ما وفيت ... كيف أنا أضيع حياتي من يديني

/

أما في المزرعه !!

كل ما تقرب نوف من الغرفه تجيها رهبه غريبه !! .. وين جرأتك يا نوف ؟؟ ناصر جوا يلا ادخلي ؟؟

سبحان الله وكن عقلها توه يرجع لها ،، تعرفو احساس (انا وش جابني هنا ؟؟ انا كيف جيت هنا ؟؟

وش هالغباء اللي نزل علي ؟؟ ناصر لو يبيني يتصل فيني ؟؟ وش يضمني ان ناصر جوا ؟؟)

وصل هالاحساس لنوف لكن مو بوقته ..

{ ~آقــف عــلــى مــفــرق دروبــي و طــآل آلــوقــوف ..
، ، آحــآول آمــشــي و آقـــدّمـ رجـــل و آردّهـآ ~ }

واقفه على عتبة الباب .. وفكرت ترجع لكن عزيز كان وراها ودفعها بقووووووووه لجوا تركتها

تطيح على الارض طيحة ما تخيلت تطيحها فيوم من الايام

تآلم مره ،، نوف عيونها مفتوحها للآخر بسم الله وش قلب وجهه زي كذا ؟؟ ووين ناصر ؟؟ انا

انكذب علي ؟؟ انا حماره ؟؟ ليه طيب ؟؟

وش سويت له ؟؟ معقوله ناصر هنا وهو عامل هالمقلب ؟؟ لا والله لا يمكن ناصر وش جالسه أقول ؟؟

طبعا احساس غريب لا يمكن وصفه بكم كلمه .. احساس قتل فقلب نوف كل معنى للحياة .. وخلاها
تتوقع الغير متوقع .. غباءها ناظروا لوين وصلها !!

عزيز جالس ويبغى يحرق قلبها في البدايه .. يبغى يطلع اللي فقلبه كله

نوف حاولت تطلع اكثر من مره بس كان يدفها بقوه وترجع لنفس المكان .. لو ما هي قويه كان
انهارت اعصابها والا اغمى عليها ،، من هول الصدمه ..

طول حكيه عندها كانت تدعي ربها وتذكره .. لا يمكن ينـتهي كل شي لا يمكن تكون هذي نهاية
حياتها .. سمعت في القصص عن الغدر لكن مو نوف اللي تجربه .. لااااا

ياويلي حتى الوقت عصر مين بيفقدني يحسبوني في الجامعه .. انا حماره انا غبيه ..

//

في الخط السريع

ناصر اللي مو فباله الا عزيز وخيانته ،، اما لو يدري ان البنت هي نفسها حبيبته وعمره نوف ..

والله ليشيل السياره ويركض فيها .. ولو يدري انها نويف الحبيبه ليدخل فعزيز السجن

ويرتكب فيه جريمه ..

يآ زِمآن آلأقنعة وين آلوجيه ؟
كل يوم يطيح لـ أصحآبي قنآع ~

=(

وش موقفه لما يشوف عزيز ونوف فغرفة وحده ؟ مين بيصدق فيهم ؟ بيصدق قلبه والا عيونه ؟

وهل بيلحق على نوف والا ....... !!!

نـذنـبْ .. وٍنخطـيْ ! وٍنتحججَ( بـ آإلـآإقدآإرٍ)
يـآإ آإقدآإرٍنـآ’! ( رٍبيْ يعينـك علينـآإ) ~

 

 

[إشراقة أمل]

مساء الحزن .. ياهاك الخفوق الذابل الحيران !
مساء المزن .. وعيون السحاب ! ... وثرثرة غيمه !



مساء الجرح .. لاردّت جروحك .. أربعة جدران !
مساء الفرح .. لانسنس هواك .. وضمته .. ديمه !



نزلو من السيارة ..


وطبعا اول من فتح الباب نجود .. تبغى تهرب تبغى تروح لأبعد مكان ما تشوف فيه نايف .. لكن كيف ؟


والباب جنب الباب ؟ كيف وهم يجمعهم سور واحد ؟ كيف والطريق اللي تمشي فيه كل يوم نفسه اللي
يمشي فيه ؟


كيف بتنساه ؟؟؟ كيف بتعيش ؟؟؟ تعبت من كل حاجه مرتبطه فيه .. وللأسف كل شي فحياتي مرتبط
باسم نايف


ليه يا ناس وش هالحظ !!


لمو من التعب طلعت تجري لغرفتها .. تبغى تنااااااام قايمه اليوم بالصباااح ..

نايف نزل بهدوء وسكر باب السياره ووقف يناظر بنجود اللي كل خطوه اكبر من اللي قبلها !! ليه يا
نجود ؟


ليه انا أرجع رجل وانتي تقدمينها ؟ لهالدرجه ما تبغين قربي ؟ كرهتيني ؟؟ لكن ما الومك والله ما
الومك !!

ناظر فيها واقفه على الباب الكبير حق القصر تنتظر اللي يفتح لها !! ..

نجود فقلبها : علامهم اليوم وينهم ؟؟ وين راااااااحو .. (الفتت لوراها تبغى تشوفه موجود والا دخل !)

واقف قدام سياررته ويناظرها


قرب نايف لها بس ما انتبهت ..


نجود الفتت لقته فخلقتها خوفها : بسم الله

نايف بهدوء يطلع المفاتيح ويختار مفتاح معين ويفتحه


نجود تناظر فيه وش يحس فيه هذا ؟ كل دقيقه طالع بطريقي ..


نايف وهو يحاول يفتح الباب : عمي وعمتي مو فيه طلعو لتبوله .. والريم معهم .. بدلي ملابسك
وتعالي عند لمو اذا خايفه



نجود ميته من الرعب ما تحب تجلس لوحدها في البيت لانها اساسا اكبر خوافه : لا عادي وش اخاف
منه ؟؟ عن اذنك


نايف : براحتك ..




/



نجود دخلت القصر واسندت ظهرها على الباب وجلست تصيح بأعلى صوتها .. اول مره تترك
المجال لدموعها وتعطيها


كل هالحريه .. بكت بكي قهر كل الايام اللي فاتت .. و نزلت دموع طول عمرها كانت محبوسه من
الخجل ..


ابغى ارتاح .. ابغى اترك دموعي تروح بلا رجعه ..





..


/






المزرعه الساعه 4 العصر ..

عزيز وقف : اشوف ما ترجيتيني زي الافلام ؟

نوف باشمئزاز : اسمعني يا عبدالعزيز فكني من شرك واحترم حالك واعرف من تحاكي .. فاهم

عزيز يضحك بقوه : هههههههههههههه سبحان الله زي النظره اللي بعيون ناصر .. (يقرب من

وجهها ) : لا يكون انتي ناصر الكلب وانا مدري ؟؟؟


نوف توقف .. تقول وهي ترجف من الخوف: لا تقول عنه كلب .. للمره الثانيه اقولك احترم حالك
وخلني اطلع ..



عزيز : هههههههه تعجبني الثقه وربي .. وراك مانتي بزي البنات الي يبكون ؟ مافيك احساس ؟ والا

واثقه اني ماراح اعملك حاجه ؟ لا يغرك اني ولد عمتك .. (سحب عبايتها بقوه)



نوف تصرخ : عززززززززززززززززززززززززززززززززززيــــــــــز


عزيز يضحك وبيده العبايه : هههههههه تصدقي العبايه تخفي الحلا ؟ والله احلى كذا من دونها .. والا

انتي شرايك ؟؟


نوف نزلت دمعه بس مسحتها بسرعه لكن عزيز شافها : والله ان عرف جدي ليقتلك طيعني يا

عبدالعزيز اتركني اروح




عزيز وهو يناظر فيها من دون العبايه والشيله : .......


نوف : لا تناظرني كذا تراك مقرف ..



عزيز : هههههههههههههههه





وبهاللحظه ناصر وصل عند اللفه اللي توصله للمزرعه الفخمة .. مسرع لآخر حد يبغى يحط نهاية

لهالحكايه اللي شكلها ما بتخلص


وقف بقوه بالسياره ونزل يركض بثوبه .. .. اللي رافع آخره بسبب مسافاته الطويله اللي يخطيها ..


ناصر يضرب الباب بقوه : .......

ديلار اللي مختبي بالمطبخ عشان ما يشوفه عزيز طلع بثقه من المطبخ يركض يفتح الباب لناصر ..

وبهاللحظه شي طبيعي ان عزيز بيناظر من الشباك يبغى يشوف من هذا اللي يضرب الباب بهالقوه ؟؟


نوف خافت انه جايب احد معه .. لكنها ما بينت خوفها .. طول هالوقت ما فقدت الامل تفكر كيف

تهرب منه .. وماهي مصدقه


حالها .. والله كنه حلم وكابوس ..






ناصر دخل وعصبيه العالم فيه : وينه الكلب ؟؟؟



نوف عرفت صوته ( ايه ايه هذا ناصر .. دايم تجي بوقتك يا ناصر .. كل ما احتاجك تجيني حتى لو ما بينت لك ..

لكن انا ما ابغاك تشوفني زي كذا .. ومع هالحقير .. ياليته قتلني ولا اشوف نظرتك لي بهذيك اللحظه .. )

يارب خذ روحي .. قبل ما يفتح الباب ناصر .. يا رب طلبتك ..




عزيز خاف وسحب نوف ورماها على السرير ووقف ورا الباب .. صرخت نوف باسم ناااااااااااصر






وهناااااااااااااااااا !! ؟؟؟ ناصر وقف بنصف المزرعه .. : (اللي سمعته قريب من صوت احد اعرفه ؟؟؟ )



ابعد هالافكار من راسه وكنه يقول مو بوقتك يا نويف تجي فبالي الحين ..



نوف لما حست ان ناصر فيه حست بالامان .. و جلست تبكي .. طلعت كل اللي فقلبها من قهر وخوف ورعب ..



ديلار يأشر لناصر على الغرفه .. وناصر ما يبغى يدخلها .. (وش فيك يا ناصر ؟؟ انت مو قلت بتقتله ؟؟

يلا روح مو قلت تبغى تربيه هو والكلبه اللي معه ؟؟ يلا ورنا شطارتك .. ) : انا وش فيني تراجعت ؟؟
عزيز بالغرفه وراي ما اروح له؟

ركض بسرعه وفتح الباب ووقف !!!!!؟؟؟؟؟؟؟






عيونه انفتحت ع الآآآآآخـــــر : نــوف ؟؟


نوف ركضت لناصر وتعلقت بثوبه وكنها تقول بالله لا تتركني ..

ناصر بصدمه ... ؟؟؟؟ : أ أ نـ



نوف تبكي بقوه .. اول مره يشوفها كذا : ناا نا اناصر (ترتجف بالحكي)



عزيز عرف ان هذا اخر يوم بحياته وحب يخربها اكثر يبغى ينتقم : هذي نوف اللي تحبها ؟؟ ههههههه


ناصر التفت له بسرعه يبغاه يكمل كلامه : ......



عزيز : بكلمه مني جتني .. وانت معذب حالك عليها .. خانتك يا ناصر .. والله لو منتظر علينا بس
شوي كان كملت مهمتي .

لكن مادري وش جايبك هنا .. ها نوفه حياتي وراك لما سمعتي صوته بكيتي ؟؟





ناصر ساكت ويناظر بعيون نوف وباينه الصدمه فوجهه : ........


نوف بصدمه :ناصر لا .. والله يكذب .. اصلا أنـ (وقبل ما تكمل حكيها حست بشي حار على خدها )


ناصر بكل قوته عطاها كف خلى الدنيا تدور حولها كانت هاللحظه اقسى لحظه مرت على نوف :
ماسكه خدها بيدها يوجعها مره


نوف على الارض وتبكي بقوه : والله يا ناصر لا تصدقه والله يكذب .. احلف لك اني مظلومه وربي

ظلمتني (غطت وجهها بيديها) والله كذااب (تشهق بالبكي)




عزيز : ورنا مراجلك .. وانتي انا اوريك اول احبك والحين كذاب ها ؟ انتو كذا يالحريم

ناصر ما قدر يتحمل وش ذا الصدمات كلها ..؟؟ انا القاها من جدي اللي كنت اعتقد انه اقرب لي من ابوي ؟ والا من صاحبي

اللي سلمته مفاتيح اسراري وخسرت حياتي بسببه ؟ والا من حبيبتي اللي اشوفها السبب الوحيد لحياتي
على هالكون .. ؟


ليه هذا كله ليه ؟




سكر الباب برجله ومسك عزيز وضربه .. عزيز يقاوم بس مافيه قدره .. ناصر اقوى منه بكثير وبنية

جسمه أقوى وافضل


وهذا اللي نفعه .. جلس يضرب ويرفس فيه ليما فقد عزيز وعيه تماما ..



ناصر يصايح وهو يرفس : مستعد ادخل فيك السجن يا الواطي .. يا .....



ناصر وصوته بدى يروح ويتعب : يا حثاله .. ليه نوف يا حيوان ليييييه ..



نوف حاطه يده على شفايفها اللي تتراعد (هذا مو بناصر .. يارب ابغى اقوم من هالكابوس والله ما ابغى اكمله )


ناصر التفت يناظر فيها ومشى لعندها ومسكها بقوه من يدها وسحبها : اسمعيني انتي ،، لو ما انك بنت
ابو خالد واخت نايف كان تركتك هنا زي الــ ، والا ماله داعي اقول ..



نوف انهارت اعصابها وهي بين يدينه : ن ن اص


ناصر : اكلي تبن ،، واسمي لا تجيبينه على لسانك لاني ماراح انطق اسمك غير ما نطقته يا بنت
راشد،،



نوف تناظره بعيونها اللي كلها براءه وتقول بقلبها (هذا من جده ليه يا ناصر وش كل هالقسوه ،،

وربي ما ضنيتك بتقسى علي .. كل الناس تظلمني الا انت .. علامك يا ناصر ،، افهمني عطني مجال

اشرح لك ،، خلني احكي لا تندم بعدين ،، وراك صدقته وكذبتني ؟؟؟ )




ناصر يناظر عيونها بقسوه (لا تناظريني بهالنظرات يا نويف ،، انا تسوين فيني كذا )



نوف تبعده يدينها عنه اوجعها مره : ابعد عني .. فكني ..


ناصر ماسكها اكثر : ولا كلمه البسي عبايتك ..





ما ينلام ناصر .. وش موقف أي رجل في العالم يشوف امه والا اخته والا حبيبته بمكان مع رجل ..

وماهو مكان عادي ، مكان ما تنوجد فيه مره ورجال لوحدهم .. ناصر قلبه انكسر .. ومن هول

الصدمه ماهو قادر يركز ولا يجمع افكاره .



هذي نوف ؟ طيب وش جايبها ؟ وليه سوت فيني كذا ؟ تبغى تقتلني ؟ تبغى تجنني ؟ كل هذا لانها
عارفه حبي لها ؟






نوف انهانت بما فيه الكفايه .. نوف الدلوعه الرقيقه البريئه الناعمه تنهان كرامتها وتنضرب وتنسب
ومن مين ؟؟ من اغلى انسان

سكن قلبها .. ؟ ليه يا ناصر تقسى ؟


ليه تظن فيني هالظن وانا والله لو اشوفك تخوني قدام عيني لأعذرك وانتظر الجواب والعذر منك .. ..


ليه تشك فيني وانت كنت تقول اني نفسك .. و فيه احد يسوي فنفسه زي كذا ؟ فيه أحد يهين نفسه يا
ناس ؟


والا هذا كله كلام ؟ لما وصل الموضوع لسمعتك ؟


من كل عقلك انا اخرب سمعتك يا ناصر ؟؟


انا اجرح نفسي واهينها قبل ما اهين اسمك .. كذا تعمل فيني ..

لبست عبايتها وهي تمسح دموعها اللي جرحت عينها .. مسحتهم لان محد فهالدنيا يستاهلهم ..


مسحتهم لانها خلاص ما تبغى تبكي عنده .. كان يقول انه ما يحب يشوف دموعها والحين كنه يتلذذ
وهو يشوفهم ..



أمرك يا ناصر .. تبغى تخرب كل شي بينا .. أبشر يا ناصر .. ما تعودت ارفض لك طلب حتى لو
كان ضد مصلحتي ..



صدمة كبيرة والبلآ مآ تعلمت . . * . . مآ كل احد يوفي بكلمة " هووويتـكـ "



ناصر واقف على الباب ويحد سنونه فبعض .. مشت نوف وطلعت قبله ..

ناصر بصوت عالي : وقفي هنا ..

نوف غمضت عيونها بقوه ووقفت وهي ضامه عبايتها

طلع وقال للسايق يرجع للجامعه ووصاه ما يحكي لأحد شي مهما كان ..

نادى نوف : انتي تعالي هنا .. اركبي السياره

نوف تمشي وهي رافعه راسها ..

ناصر : تغطي ..

ركبت السياره .. وهي ما تدري وش راح تقول لأهلها ..

ناصر في السياره يسوق وتفكيره مو بمعه ..

يناظر بالطريق وفعينه دمعه حااااااااره صعبه تطلع من رجال .. وفحلقه غصه اوجعته

وده يصيح بأعلى صوته ويقول : يا ناس وش بقى لي بهالدنيا اعيش لأجله ؟؟ وليه يالغالية اشوفك

بهالمكان ومع اخس خلق الله ليه

نوف ما قدرت تمسك حالها كل ما تذكر كف ناصر لها وكل ما تذكر نظرته القاسيه تصيح

وتصيح زياده اذا تذكرت انه ظلمها .. وصعب الاحساس بالظلم من الاغراب فما بالكم بالاقراب ..


ناصر فقلبه لا تبكين توجعين قلبي لا تبكين يا اغلا من دخل هالقلب : ليه البكي ؟ ما ينفع الحين

نوف ماهي قادر تحمل هالظلم : لا تحكي كذاااااااااااااااااااااااا

ناصر يترك السكان : لا تصاااااااااايحين لا والله لاقتلك فاهمه ..

نوف تبكي : ناصر والله عبدالعزيز ما لمسني والله

ناصر وهو يقول فقلبه اعرفك واعرف اخلاقك اللي ما اقدر اشك فيها لحظه وحده لكن صوته جا

بعكس هذا كله : لا توسخين اسم الله


نوف انصدمت وصلت فيك تكذبني بهالموضوع يا ناصر ؟؟؟ : أكرهك .. أكرهك يا ناصر


اخــونـك ؟ حشا لله مـا خـانـك الخـفـــــاق
................................ انا كيـف احبك كل هالحب واخونك ؟
عجب كيف احبك وانتظر جيتك واشتاق !!
................................ ليا صار غيرك شاغلٍ قلب مفتونك ؟




ناصر ضغط على سنونه بقوه وما رد عليها .. وش يرد عليها ووش يقول ؟؟؟ يقول ان هالجمله

اوجعت قلبي وما تمنيتك تقولينها ؟



وصل للجامعه وقال لها انزلي وانتظري بنات عمي فواز راح يطلعون بعد 5 دقايق و لا تخافين يا بنت

راشد محد راح يدري بهالسالفه .. حرك السياره ورااااااااااااااح




راح وتركها غارقه بدموعها وخوفها من بكره .. راح وترك جملته الاخيره تتردد باذنها (محد راح

يدري بهالسالفه) : ليه وانا عندي سالفه تفشل عشان محد يدري فيها ؟؟ تكرمت علي يا ناصر وماانت
معلم احد ؟؟


ليتك تعلمهم وتفكني ،، يمكن يرحموني ويسمعولي اكثر منك ..

يمكن يقولون نوف ما تعملها .. يمكن ما يشكون فيني زيك .. !





طلعو البنات من الجامعه وركبو السياره مع السايق .. ومن دون ولا كلمه .. ليما وصل للقصر ..

حست المسافه طويله مره والطريق يجيب الهم


الهنوف والعنود فقلبهم (هذي وش فيها اليوم .. وعلامها متغطيه ؟؟؟ وليه ما سلمت ولا حكت معنا ؟؟؟ لا يكون تبوله فيها شي )

 

 

[إشراقة أمل]

/


قصر ابو دانه


نجود تحوس في الصاله رايحه راجعه رايحه راجعه .. وعيونها متعلقه على المجلس .. والجلسه

الشعبيه اللي قباله .. اللي كان جالس فيها نايف وفارس وخالد .. بس تناظرهم وترجع .. وعيونها

مركزتهم على نايف اللي تشوف ابتسامته وهي بعيده

وتناظر باسلوبه وحكيه و ضحكه وكيف يأشر بيديه ويسولف ..

و كل ما يبتسم تبتسم معه .. !!!






وقفت السيارة البورش ونزلو منها البنات .. اللي مرو بجنب الجلسة



الهنوف والعنود : هاااااااااااي


....... : وعليكم السلام ..


نايف : عمي وعمتي مو فيه .. عند تبوله ..



فارس : انت وراك ماسك هالجمله من الصباح هههههههههههههههههه انا اقول لو تسجلها ازين


خالد : هههههههههههه


نايف انحرج وجلس يجمع وجهه : لا والله لان عمي موصيني خبرك المبزره خوافات ..


الهنوف : اي والله هالمبزره يخافو حتى من الهوا

فارس : تكفين يالقويه .. ناسيه اللي انحاشت ايام المزرعه من الارنب اللي مع ناصر ؟؟


نوف هنا دخلت بسرعه

نايف مستغرب : مين هذي اللي دخلت ؟؟

العنود : ههههههههه نويف

نايف وقف : علامها ؟؟؟

الهنوف بجديه : من اول ما ركبت السياره وهي كذا .. ؟؟

خالد : دلع بنات تلاقيها متهاوشه مع خويتها لانها ضربتها بالفاين .. يا سخف البنات

الهنوف والعنود ودهم يمسكونه ويعلقونه بالنخله

نجود تناظر فيهم .. واستغربت حركة نوف !!! وراها كذا ؟؟ اكيد فيها شي ..

طلعت من القصر بسرعه وهي تركض ..

ومرت بجنبهم بس ما حاكتهم

خالد : بشووووووويش لا تطيحين

نجود خففت ركضها : السلام عليكم

الكل : وعليكم السلام


دخلت لجوا بسرعه بنظرات دقيقه من نايف .. عارف ان نوف فيها شي واللي اكد له جية نجيد عندها ..


/
/





نوف دخلت غرفتها وجلست تصييييييييييييييييييييييييح ..

تبكي قهر ..


وتبكي من الغبن ..

وتبكي جرووووووووووح توها استجدت


تبكي وتبكي من اشياء كثير راح تتغير عليها بكره ..



تبكي من حظها .. وتبكي على كل حاجه حلوه راحت مع روحة ناصر عنها ..


لهالدرجه انا رخيصه عنده ؟؟


لهالدرجه ما كان يثق فيني ؟ ويدور على الزله مني ؟؟


لهالدرجه انا صفر على الشمال عند ناصر ؟


:
أبكي قهر وابكي من الغبـن والضيم
وابكي من طعون ٍ ' بقلبي ' قديمه
:


ليه يا ناصر وانت كل شي بالنسبه لي انت والله اغلى من نفسي وروحي .. وفيه اغلى من الروح ؟؟؟


نجود تسمع بكيها وهي تحت .. وكل ما قربت على السلم زاد الصوت أكثر وأكثر .. وش السالفه ؟؟ ربي يستر ..


جلست تضرب الباب على نوف لكن نوف مستمره بالبكي .. تحاكيها لكن نوف ما ترد عليها .. تناديها لكن نوف ما تلبيها

نجود خافت مرررررره .. حست ان بكي نوف هالمره مو زي بكيها كل مره .. حست ان اللي جوا مو بنوف وحده ثانيه

نجود : نويف حياتي افتحي وش فيك ؟؟؟

نجود : نوف افتحي .. تكفين اوجعتي قلبي ..



(نايف واقف على زاوية يبغى يعرف ايش فيه ؟ نوف وراها تبكي هالبكي اللي يخوف ؟؟؟ )



نجود تعبت وهي تضرب الباب جلست على الارض وقامت تحاكيها : نويف ؟ ردي علي ؟ بس
علميني ليه تبكين ؟ مين اللي مضايقك ؟

والله مافي شي يستاهل دموعك الغاليه ..




نجود ضمت رجولها لعندها وجلست تبكي مع نوف .. بكيها كان مره يخوف كن أحد ميت عندها ..

نجود & نوف : جلسو يصيحون




نايف ما خاف إلا مات رعب (هذولا علامهم ؟ وهذي للحين ما عرفت السبب وجلست تبكي أجل لو تعرفه وش راح تسوي ؟؟ احساسي يقول انه شي تافه) : علامها ؟


نجود انصدمت هذا ليه اوقاته كلها غلط فغلط ؟؟؟ : ها ؟


نايف : اقولك علامها تبكي ؟ وش فيها حبيبتي ؟

نجود ماتدري وش تقول : مادري ..

نايف : طيب وانتي ؟؟ ليه تبكين ؟

نجود استغربت سؤاله ما توقعته نهائيا : ما كنت ابكي .. كنت جالسه اكلم نويف بس شكلها نامت .. عن اذنك

نايف يبغاها تجلس ما يبغاها تروح : وتتركي نوف لوحدها ؟

نجود باحراج : اكيد لا بـــــــس

نايف : الحين اخليها تفتح لك ...

نايف قرب لعند نجود وصار قبالها .. يناظر بعيونها ويحكي مع نوف : نوف ؟ نوف حياتي افتحي
الباب .. اذا مو لي لنجود ..

نوف تحاول تكتم بكيها : ................


نايف : نويف قلبي افتحي ..

نوف توقف بصعوبه وتفتح الباب .. وترجع تجلس على سريرها .. ما حبت تكبر الموضوع اكثر من كذا ..

دخلت نجود وناظرت بنوف .. وعليها علامة استفهام .. ؟


نايف دخل وجلس بجنب نوف اللي ماسكه دموعها بالغصب : وش فيها حبيبتي زعلانه ؟

نوف نزلت دموعهااااا ورا بعض مره وحده : ..........




انا ادري ان اللي حصل شي مقسوم
لكــن .. قلبـي وش يخفـف .. عذابـه ؟

وآه ياقلبي ياللي من عنآ البعد محكوم
حكمٍ .. رضابه غصب لو ما رضابـه

دمعة عيون .. وعضّة ابهـام .. واهمـوم
وضيقة صدر .. وافكار حزن .. وغرابه



نايف جلس يمسح دموعها اللي وده يعرف وش اللي يبكي وحده زي نوف بهالطريقه هذي ؟؟

نايف : نوف حبيبتي انتي مو بصغيره .. انا عاذرك وعارف انك مانتي بقايلتلي السبب الحقيقي ورا

هالدموع . . لكن اسمعيني كويس .. ياليت تكلمي نجود وتقوليلها وش اللي ابكاك

وانا اذا احتجتيني بشي علميني .. والله لو اعرف منو اللي مزعلك لأقتله ولا اشوف دموعك زي

كذا .. ولا يشوفك خالد زي كذا مو حلوه بحقك ..


/

/

/







في المستشفى




الاثاث الراقي والجو الهادي .. والسوالف الحلوه تقول ان هي مو بأي عايله ..

صحيح ان كل واحد منهم راسم حاله .. وعامل لحاله بريستيج خاص فيه .. الا ان كلهم قلوبهم بيضا ..

تعكس طيب معدنهم


بتول : انا زعلانه على البنات .. اليوم طلعتي من المشفى ولا جو ..

ام دانه : والله كلهم من اكبرهم لي اصغرهم جايين من الكليه تعبانين ما قدرت اجيب الا ريومه ..

واصلا راح يستقبلونك اليوم فالقصر ..

بتول : لهم وحشه وربي .. والقصر له وحشه .. ياااااي كرهت شي اسمه مستفى وادويه وابر

الجد سامي : اللي يسمعك يقول كنتي تحبينهم ..

بتول تفشلت : ههههههههههههههههه شوي مو كثير

الجد سامي : اعذريني يا بنتي اليوم ماراح اجي للقصر استقبلك .. انا وعمامك عندنا شغل كثير في
الشركه .. لكن عماتك وبناتهم بيقومو بالواجب

بتول بحيا : تسلم يا جدي ما تقصـر ..

فواز : يلا يا ام دانه انتي والريم خلينا نمشي .. احطك في البيت واطلع للشركه ..

ام دانه : ابشر ..



/
/




شقة ابو تركي

المكان نظيف مره .. والسبب ان منيرة بنت سلمى تحب شي اسمه نظافة وتعشقه ... رغم بساطة
الاثاث

ابو تركي جالس على الارض وفارش سفرته وقهوته وشايه وجالس يفكر .. بس بإيش ؟؟؟


يفكر بتركي ؟؟ قلبه يوجعه كل ما يذكره .. ماهي عاده له انه يتركهم كذا اياااااااااااااااااااااااااام واسابيع
بدون لا يطمنهم عليه ..

ويا حرام ابو تركي ماهو قادر ينقل احساسه لزوجته لا تخاف هي بعد .. هي كذا وكذا تحاتيه و
تسولف فيه وتهذري به



/

الجوهره : وش فيه الحلو يفكر ؟؟؟؟؟

ابو تركي يبتسم لبنته : فيك يا قمر

الجوهره تقهوي ابوها : ههههههههههه يا حظي والله كانه حقيقه

ياخذ الفنجال منها : عشتي ..

الجوهره : يبه .. ليه ما ترجع العلاقات مع جدي ؟؟

ابو تركي بصدمه من جرأة بنته .. صار له سنين محد يتجرأ يفتح هالملف معه : الجوهره .. ما احب
احكي فهالموضوع

الجوهره تقرب لأبوها بنية انها تقنعه : لييييييييه طيب ؟؟


/
/

\
\








طيب وين ناصر من هذا كله ؟






في الشرقيه .. ( الدمام ) ..


ناصر جالس بالفندق .. يناظر من البلكونه .. و شريط احداث اليوم يمر فوقه ،، عزوز / نوف
نوف / عزوز

عزوز / نوف

نوف : عزوز



وده يشق ثوووووبه .. غدرو به اليوم .. اهانو قلبه اليوم .. حطمو حياته اليوم .. وهو ساكت


طيب وش جايبني الشرقيه؟؟؟ ايش معنى الشرقيه .. والله اني امشي بلا عقل وافكار ..



ليه يا نوف ليه .؟ اول مره اشوف حالي منهار زي كذا .. الزقاير ما اشربها وخليتيني اشربها



حقد ما كنت احقد .. ! كره ما كنت اكره .. !

وخليتيني اكره عبدالعزيز


حط يديه على راسه لما ذكر عزوز وسالفته اللي نساها لما دخلت نوف فيها



كل تفكيره صار بنوف كل تفكيره ابتعد عن عزوز وراح لنوف

بدال ما يسمع منها اهان كرامتها

وبدال ما ينتظر منها اي اجابه تشفع لها حكم عليها بالاعدام

وين الحب ؟ ووين العشق ؟ وين الوفا ؟ ووين التسامح ؟

كل هذا راح مع الهوا .. ؟ كل هذا ايش يسمونه اذا ما كان متعدي مرحلة العشق ؟؟


يا ترى وش تسوين الحين يا نويف ؟؟

الاكيد انك تبكين .. وتلعنيني بالدقيقه الف مره .. الاكيد انك كرهتي الساعه اللي حبيتيني فيها


ياربي انا وش سويت فيها .. ليه ما سمعت لها .. ليه ابعدتها عني لما ركضت تحتمي فيني ؟؟؟

بس هي تحبه ؟؟ ايوه تحبه .. الجوهره تقوله وعزوز يقوله ..

بس نويف ما تحب الا انا .. كيف اصدقهم واكذبها ؟؟.

لكن انا انا شفتها معه بمكان واحد وغرفه وحده و ....

انا ان جلست هنا راح يطق فيني عرق واموت

سحب جواله ومحفظته اللي على الطاوله وطلع بسيارته يشم هوااااااااا


//

 

 

[إشراقة أمل]

قصــر أبو خالد



في الصالة الكبيــــــرة



ابو خالد : رتوجه حبيبتي .. اطلعي العبي مع سعد ومحمد وفيصل روحي

نوره ماسكه بنتها : ما تطلع والله يا عم خوااافه


رتوجه تأشر براسها يعني ما ابغى .


الجد سامي جالس وماوده يجلس بمكان فيه نوره .. يحسها ماهي بمستواه مع ان ابوها تاجر ومن عايلة
اصيلة ،، لكنه ماهو بشايفهم شي ..


الجد سامي : متى نمشي يا بو خالد ؟؟

خالد يبوس ريتاج : يلا مشينا يا طويل العمر


طلع الجد سامي وركب سيارته مع 2 من رجاله

وطلع خالد لسيارته مع ابوه اللي بالغصب يتحرك

وطلع فواز مع نايف ..

ولحقهم سالم وابوه سلمان


//

//


نرجع لقصر ابو خالد وتحديدا الدور الثاني الجناح الشمالي .. بجنب غرفة نايف و محمد ولمو

كانت غرفة نوف .. !!





كانت الغرفة مره حزينة تضامنا مع صاحبتها .. جد كانت الجدران والاثاث ثابت وصامت ماله حياة ولا لون

نجود لازالت حاطه يدها على خدها وتبكي مع بنت عمها .. اختها وحبيبتها .. وكل شي لها فهالدنيا

تنام وتصحى على صوت نوف .. ما هي قادرة تناظر فيها وهي بهالحاله ولا هي قادرة تسوي لها
حاجه

نجود فقدت الامل : نويف احكي لي اي شي .. أي شي بس ارتاحي .. فضفضي






نوف : ماني قادره يا نجود ماني قادره

نجود : طيب ناصر له دخل بالموضوع ؟؟

نوف تبكي بقوه : ....

نجود توقف : يعني له دخل ؟؟

نوف : اسكتي يا نجود ..

نجود : نوف وغلاة ابوك عندك تريحيني وتعلميني والله اني ستر وغطا ويمكن اساعدك

جربي يا نويف ماهي اول مره .. انا لما اعصب او ازعل اول انسانه افكر فيها انتي

حطي نفسك مكاني وانتي تناظري بتوأم روحك تبكي بكي يخوف ولا انتي فاهمه شي

ولا حتى قادره تهدي اعصابها بكام كلمه



نوف بلعت ريقها بصعوبه وتعب : ناصر يا نجود .. (طلعت زفرة طووووووويلة)

نجود رافعه حاجبها وكل فكره شينه جت فبالها : علامه ؟


نوف تبعد يدها عن خدها الشمال : ناظري (تصيح)


نجود حطت يديها على فمها : من عمل فيك كذا ؟؟؟ (ما خطر فبالها ناصر ابدا)



نوف تمسح دموعها : ناصر


نجود : كيف وليه ومتى ..

نوف : لاني خنته مع عبدالعزيز

نجود سكتت : ها ؟

نوف : تصدقي يا نجود اني اخون ناصر ؟؟؟ انا اخونه ؟؟

نجود : حشى والله .. يا نويف انا اعرفك اكثر من نفسي لكن كيف ماني فاهمه شي ؟؟؟ خيانه من اي
ناحيه ؟ وشمعنى عزيز ووش دخله ؟؟



نوف : وهذا اللي قاهرني .. حكي الجوهره اليوم أكد له هالشي .. وعزيز الكلب اتصل فيني و .,....


نجود بدهشه : وايش ؟


نوف : قالي ناصر احترق ويبغى يشوفك .. (تبكي وهي تتذكر الاحداث وتتذكر غباءها)


نجود باستغراب شديد : وانتي صدقتيه ؟؟؟

نوف : ايه اااااااااااايه .. كنت حماره .. ماكنت افكر الا فناصر .. كنت راح افقد اهم شي بحياتي بسببه

كنت راح اموت بسببه .. لكن هو كمل علي واهاني يا نجيد مابقى كلمة ما قالها لي .. انا اللي ماعمري

سمعت منه الا كل كلمة حلوه .. اليوم وجه لي اتهامات باطله وكلها كذب




نجود فقلبها .. هذا اكيد مقلب والا نوف العاقله تصير غبيه بسبب الحب ؟؟ : نوف انتي من جدك والا تمزحين ؟

انتي رايحه عند عزيز المزرعه لوحدك ؟؟؟ وين عقلك ؟



نوف : طعت قلبي يا نجود .. وناصر لحق علي باللحظه الاخيره والله احمد ربي انه لحق علي .. والا

كان انا الحين فمستشفى الطب النفسي من الصدمه




نجود استوعبت نصف المشكله : طيب ناصر .. ما صدقك لما قلتي له انك جايه عشانه تطمني عليه
وان عزيز كذب عليك ؟




نوف تدمع عيونها الحمرا : هو خلاني احكي ؟؟ جلس يضربني ويسحبني زي الخروف ويسبني .. انا
نوف يسبني ؟؟



نجود : وربي كنك تكلمين عن واحد ماهو ناصر !!! وليه طيب ما اتصلتي فيني ؟؟ ليه ما خبرتيني يا
نويف ليه



نوف تبعد نظرها عن نجود : لا تلوميني على شي يا نجيد اللي صار صار .. واللي يقهر انه عامل
حاله متفضل علي .. ويقول محد راح يدري ..


نجود : آه يالقهر .. حسافة حبك له .. والله صدمني مره

نوف : عارفه وش ودي .. ودي اروح لجدي واقول له كل شي صار .. واصدم ناصر .. واخلي

عزوز يتحسف على اليوم اللي عرف اسمي فيه



نجود بسرعه : لا لاا يا خبله .. جدي بيصدقك لكن لما تنتشر السالفه والله كل شخص راح يزيد عليها
بهارات من عنده ويألف على كيفه

وانتي بنت يا نوف وسمعه .. وما ترضينها لأخوانك .. انا اعرفك وجدي يعرفك واخوانك عارفينك
لكن الناس غير



نوف : بس ناصر ما عرفني .. (تبكي ) .. ناصر اللي كنت اعتقد انه اكثر شخص فهالعالم عارفني ..
آآآآآخ ياربي وش هالقهر ..




نجود ودها تشيل عن نوف همها وتحمله على ظهرها لكن كيف : نويف ولا يهمك والله والله لأخليه
يركع عندك يطلبك السماح .. ويقولك والله ما اقصد ..




نوف : لا يا نجيد . ما ابغاه يجيني ولا اجيه .. ما ابغى اكلمه ولا يكلمني .. حتى السلام بينا انتهى .. ما
ابي من ناصر شي فهالدنيا .. حتى لما اموت بحط فوصيتي انه ما يشيلني ولا يصلي علي .. كرهته يا
نجيد كرهته



نجود هنا دمعت عيونها : ليه يا نوف تنازلتي عنه بسهوله ؟؟ هذا ناصر الغالي .. ليه ما تقولين ان

الغلط منك انتي ؟؟ وش موقفك لو تشوفيه مع وحده فأي مكان ،، فما بالك فرجال وعنده غاريه ،، هذا


اقل شي سواه ناصر .. لو احد ثاني والله ما يتركك حيه ،، حتى لو قلتي له السبب .. وحتى لو جبتي

له سبب مقنع ، مافيه زي اللي شافه بعيونه ..




نوف : انا اعترف اني غلطت والله يا خلق اعترف اني كنت حماره وغلطت .. لكن وش ذنبي اتحمل

الغلط لوحدي ؟؟ وش ذنبي اذا عبدالعزيز يبغى

ينتقم من ناصر فيني انا ؟؟ وش ذنبي اذا ناصر عطى عبدالعزيز اسراره وفتح له بيته و عده واحد منا

وفينا ؟؟ انا وش دخلني بهذا كله ؟؟؟


(تبكي ) انا غلطتي اني طعت قلبي ورحت لناصر لما حسيت بس انه بحاجه لي .. كذا يجازيني ؟ كذا

يشك فيني ؟






نجود تضمها بقوه : لا تبكين خلاص .. قلت لك والله ليتأسف لك .. لا تبكين ناظري بعيونك .. والله

محد يستاهل دموعك يا نويف والله




نوف : احلفك بالله يا نجيد وبأغلى ما عندك ان محد يدري بهالسالفه .. واولهم ناصر .. والله لأزعل

عليك ان عرف بالسبب .. لأن مهما شرحت

له راح يكذبني .. ومهما كلمته راح يتهمني اني ارقع لنفسي ..



نجود : لا يت نويف لازم يعرف .. انتي ما تستاهلي حد يشك فيك ولو ذره .. لازم يعرف انتي وش

كثر كنتي تحبينه .. وعملتي اشياء كثيره عشانه ..


نوف : نجود والله لأكون زعلانه منك .. تكفين لا يدري هذا اخر طلب ..


نجود بلعتها وسكتت .. لكن وش بيدها .. !!






فمآن غيآبك
آللي مآ ترك لموآصلك بشرى /
فمآن آلشك
.......... وظنون آلخطآ
......................... وآلكذب
.................................. وآلتشويش





/






قصر ابو سالم ..

دخلت البتول تعبانه .. اشتاقت للبيت و جوه ولأخوانها ..

من بعد ما اتصلو فيها البنات واتركوها ترتاح اليوم وبكره يحتفلون فيها .. ماصدقت خبر حطت راسها
ونامت ..


في المجلس ..



فارس : سبحان الله .. حياتنا تغيرت عن اول ..


ام سالم : ليه ؟ وش تغير فيها ؟

سالم وهو يشرب العصير .. و جالس يسمع بانصااااات ..


فارس يعدل جلسته على الكنب : والله مادري .. بس حياتنا اول غير .. جمعتنا وجلستنا مع بعض ..

عزايمنا .. أكلنا مع بعضنا طلعاتنا كل شي احس تغير



ام سالم تفكر : مممممم ما ضنتي فيه حاجه تغيرت .. !! هذا حنا زي ما كنا .. !! لكن الرجال انشغلو
بالشركه والبنات انشغلو بالدراسه !!




سالم يتدخل بتحليل منطقي : صادق فارس يمه ... واول التغيير طلعت ناصر من القصر .. ومن
حياتنا .. ودخول عزيز بأغلب مواضيعنا .. وجدي اللي انقلب جوه

ولا قام يحب التجمعات والعزايم زي اول .. وطيحة خالي راشد ..




فارس :شفتي يمه ؟ كل هذا وتقولين ما تغير شي ..



ام سالم سرحت بعييييييييييييد : ...............



فارس : وين رحتي يالغلا ؟؟؟؟

ام سالم : لا بس .. ان شاءالله كل شي يرجع برجعة ناصر .. هو وعدني انه يرقد اليوم في القصر
بغرفته فديته



سالم باستغرااااااااااااااااب : كيف ينام بغرفته وانا توني محاكيه يقول انه في الدمام . ؟؟


ام سالم رجعت للزعل : الله يسامحه ناصر والله ان حتى غرفته رجعت خربتها وجلست ارتبها له مره
ثانيه واعطرها وابخرها .. وازين ملابسه وثيابه

ليه وعدني ؟



فارس وده يقتل سالم : لا يمه .. سالم .. اقصد ناصر قالي تعذر من امي انا طالع مع صديقي نسوي
اوراقه حقت الدراسه ونرجع .. يعني بالكثير يومين وراجع


ام سالم : يعني هو علمكم انه بيرجع


فارس ما يدري وش سالفة الرجعه اصلا : إيه أيــــــــــه .. معلمنا فيه زمان اصلا ..

ام سالم : الله يطمنك يا فارس .. يلا تصبحون على خيــــــر





//




//




//



الدمام





على الكورنيـــــــــــــش ..




ناصر ما طفش من البحر .. لأول مره يجلس عليه 5 ساعات متواصله ..



راح له الساعه 1 الفجر .. وطلع منه الساعه 6 الصباح ..


جلس ناصر على السجادة لوحده وما في يده الاعلبة الزقاير اللي ماهو عارف كيف علقت فيه ؟؟ .. والمويا اللي كل ما يعطش من كثر التفكير ،، يشرب منها ..


حس حاله انه وحيد فهالدنيا

حس حاله انه اكثر انسان ضايق .. ووده يشق ثوووووووووووبه ويطلع منه ..


حس حاله وده يقتل عبدالعزيز .. ولعن الساعه اللي عرفه فيها .. حذروه ناس كثيـر منه لكن ما سمع كلامهم


دخله بيته ... وعيشه فمزرعته .. اكل معه من صحن واحد .. حكو مع بعض ليما طلع الصبح ..
واحيانا لما ينامون .. تكون اخر كلمة بينهم سالفة يجلسو

يضحكو عليها مع بعض ..


طلع معه اماكن وتمشيات فرح فيها عزيز اكثر من ناصــر .. كان ينبسط لما يشوفه يضحك .. يحس
انه جد محتاجه .. وكعادته ناصر ما يرد انسان محتاج له

حتى لو كانت الحاجه عواطف ومشاعر ..


هالايام اللي قضاها مع عبدالعزيز .. مرت وكنها سنين ... سنين طوووووووويله .. اوهمت ناصر انه
يعرف هالانسان زين ..


وخلته يثق فيه ثقه عميا لدرجة انه أمنه على سمعته .. اللي كان يعتقد ان سمعت ناصر من سمعت
عبدالعزيز .. !!


لكن للأسف .. جا عبدالعزيز بأفكاره وروحه الشيطانه . وحقده على الناس .. جا وهدم كل حاجه حلوه بنوها سوا ..


جا عبدالعزيز باعتقاداته الخاطئه ان القوي هو الغني و الفقير هو الضعيف مع ان الغني في كل
الحالتين هو الله سبحانه .. جا وهدم كل حاجه حلوه بينهم



][..كم وفولي نآأس وكم ناس أغدرووآأآأ بي ..][
..........................وكم كسبت بطيب نيـہ||..سوء نيــہ ||


لكن كيف وصل لنوف ؟ وكيف نوف طاعته وهذا اللي مجنني ؟ متى حبته ؟ وليه تعشقه ؟ معقوله نوف

كانت تمثل علي ؟

لا يمكن !!


هذي نويف .. اقرى حكيها من عيونها .. واعرفه قبل ما تحكي فيه شفايفها ..

هذي نويف اللي تخاف تجرح نمله .. كيف قلبها يطاوعها تجرح قلب حبها وعشقها ومستعد يبيع روحه

عشان ضحكه منها ؟



هذي نويف اللي لو كل الناس تحقد وتغدر وتخون .. هي غيرهم .. ما تخون لو ايش .. كيف سويت
فيها كذا ؟


وايش حالتها الحين ؟ .. يا ترى نايمه والا سهرانه .. لكن وين راح يجيها النوم ؟ انا الظالم وعجزت

انام .. كيف المظلوم يا رب ؟؟



يا ترى آكله والا جايعه ؟ لكن كيف تاكل وانا ضاربها كف ؟؟ ياليت يدي انكسرت قبل لا امدها عليك يا نويف ..


ياليتني سمعت لك .. وصدقتك حتى لو قلتيلي ايه احبه .. ياليتني سكت ومشيت ..

ليه عملت فيها كذا ... الحب يسوي كذا ؟؟ والله تعبت يارب .. كل ما انتهي من مشكله تطلع لي مشكله
ثانيه ..




يارب ما ابغاها ترجع تحبني .. ولا ابغاها تسامحني .. لكن يارب ريح قلبها وطمن بالها .. واتركها تنام
براحه .. وخفف من الهم اللي فقلبها


والله قلبها صغير وما يتحمل .. حسبي الله عليك يا عبدالعزيز ..

رمى جزمته ناصر وطلع يمشي على الشاطي .. وده ياخذ الهموم اللي فقلبه ويرميها عليه .. لكن شكله

حتى البحر ماهو طايق همومي ..












.


.



!

 

 

[إشراقة أمل]

اقفى وفي خاطره هرج ٍ.. ولا قاله
..........................حتى [ فمان الله ] ازرى لايكملها



/



يـوم الاجازه - الويك اند -

بتول قايمة الصباح تعودت من المشفى .. وامها هناك تشرف على الفطور .. الكل موجود اليوم ما
عدا ناصـر .. اللي ماراح عن بال امه دقيقه وحده

اما ابو سالم جالس يقرا الجريدة وبجنبه القهوه .

سالم بثوب النوم : صباح الخير يا وجه الخــيــــ{ــر

الكل : صباح النوووووووور

سالم : حي الله تبوله كيفك اليوم ؟

بتول بابتسامه عذبه : الحمد لله تمام ..

ام سالم : وش عندك قايم مبكر ؟

سالم يتمغط : والله شبعان نوم .. والا لو غيره ما كان قمت الا العصر

تبول : فديتك ههههههه بايعها

سالم : اعجبك .. الا وين سعودي زمان عنه ؟

تبول تعقد حاجبها : زمان عنه ؟؟؟ ازعجني اليوم الساعة 7 الصبح بسم الله يناقز فوق السرير ويقولي قومي مدرسه


ام سالم : هههههههههه يا حلوه .. يبيلك الخير ياويلك من الله

تبوله : اي خير ماما ،، شايفني بزر عنده اروح للمدرسه ؟

سالم : وهو وش عرفه .. يحسبنا كلنا نروح كل يوم الصبح المدرسه .. حتى ابوي

تبوله : ههههههههههه تخيل عاد


سالم : هههههههههههه

ابو سالم ينزل نظارته الطبيه : مضحكه عندك يا سالم انت وهالدوده

سالم يوقف وهو يكمل ضحكته ويبوس راس ابوه : ههههههههههههههه والله نمزح .. محشوم
يالغالي .. بعدين ترا الحياة مدرسه

والا وش رايك يبه؟؟



ابو سالم : رايي انك تترك عنك النوم والطلعات والنت وتجي للشركه معنا .. ترا امورنا هاليومين

تلفانه مرره ،، ماندري وش بيصير بكره


سالم بجديه : افا ليه ؟


ابو سالم : والله الارباح مش ولا بد .. ويقول نايف انه جالس يحقق بكم شبهة اختلاس في الشركه

سالم : ونايف وش دخله ؟؟

ابو سالم : وش دخله ؟؟ الا قول حنا وش دخلنا .. الله يسلمك نايف شايل حمل مكتبه التصاميم الهندسية
وشايل هم الشركه

محد يقدر يعمل الميزانيات ويضبطها الا هو الله يجزاه خير ويطرح فيه البركه



سالم يحك شاربه : اهااااااا ،، انا اللي كل يوم اداوم بالشركه واكرف ما ينقال لي الله يجزاك خير ولا
حد يقدر لكن نايف

اللي يجي بالاسبوع مره والا مرتين عادينه باتمان ..



ابو سالم : الله يطرح فيكم البركه كلكم .. انت دورك في الشركه والله محد يوصله ولا يفهم فيه وحتى
ابو فيصل لكن مهما كان صاير

تجلس في البيت كثير




(بتول و امها ساره تعودو على حكي العمل .. اول ما يناظرونهم فتحو هالموضوع يصدون عنهم
ويسولفو لوحدهم )




//





قصر ابو خالــد (راشد)


صحيح اني كثير أيأس ..
ولكن دآخلي طفله !

تقول بصمت
{ يآآآآآربي .. دخيلك لا تخليني . . }

نوف متغطية بالفرااااش ونايمه على سريرها .. ميته من البرد مع ان الجو عاااااادي

من امس ما نامت .. امس كانت تضحك من قلبها وتشوف الحياة حلوه .. واليوم احساسها يقول انها
ماعادت زيها اول

من امس لليوم وهي تفكر .. تعبت .. وكل ما تحس بألم خدها تبكي زياده ..


ناصر ما اهانها وبس .. ناصر ترك لها هدية تذكارية كل ما تحاول تنسى الموضوع يذكرها فيه
غصب .. عطاها كف على خدها

كان مره حااااار ويوجع .. يوجع جسديا ونفسيا .. نفسيتها مررررره بالارض ..



مالها نفس تطلع لأحد .. اول ما تصدق على الله تصحى من النوم وقت الاجازة الاسبوعية - وتروح
لنجيد او يطلعون للملكة بمكانهم المعروف

نجود تروح تشبك و نوف تشرب قهوتها وتسولف مع البنات .. هذي اول اجازه بعد الدراسه يعني
البنات ماراح يتركونها بحالها


واليوم لازم يطلعون لتبوله لانهم وعدوها .. كيف تروح هناك وهي تعتقد ان ناصر موجود هناك ؟



آآآآآآآآآه ياااااااا ناااااااااصر أمس كنت غااااااااااااالي واليووووووووم ما تعني لي ولاااااااااا شي !




البآرحه ؛؛ عآنق غيآبك حنيني
وآشعلت للذكرى : تفآصيل : غيآب


البآرحه .. طآحت من آهدآب عيني
حبآيب ، و ، ذكرى ، قريبين ، و ، آغرآب



/

/




حلو لما تكون قوي وتاخذ قرار صعب وهو انك تنسى الانسان اللي صار لك كم سنة تحمل له مشاعر

حلوة واحساس راقي

لكن الشين انك كل ما تفكر تنساه يطلع بطريقك .. و يناظرك بنظرة غريبه تجلس تحللها بينك وبين
نفسك وتعرف معناها ..

او يطلع بطريقك .. ويكون بينك وبينه موقف .. ما كنت تحب انه يصيـــــر !!




صعبه تفكر تنسى انسان انت وياه في مكان واحد .. - كذاب اللي يقول أقدر - وكذاب اللي يقول
نسيته وهو قدام عينه ..


وهذي هي نجود اللي كل يوم تقول حكي واليوم اللي بعده ما تطبقه ..

تقرر قرارات مصيرية حبا ً باختها .. لكن نايف وقربه يخرب كل حاجه ..


قدام الكل مبسوطه وفرحانه .. وحتى بينها وبين نفسها صايره تحاول قد ما تقدر ما تذكره ولا
تطريه ..



أحلـف وأقـول إنِّــي مع الوقت بـ ." انسـاك " .
الله يسامــحنـي على حلــــف .[ كاااذب ]. !!! .


نجــود فاتحه المسن وتاركته .. نزلت أخذت لها كوفي وتوكس ورجعت للغرفة وسكرتها

نجود ( يااااي نويف ما ترد الهبله .. أبغى اطلع طفشت .. والبنت اكيد جالسه تبكي لازم اخليها تنسى
الموضوع وترتاح .. وورانا تبوله اففففف

يعني مافي وقت للنت اليوم .. )

نجــود قررت تسلم على سالم دامه شابك و موجود ..


وقبل لا تتح المحادثه معه دخل عليها ..

سالم : صباح الخيــر يالغلاااا

نجود تحمد ربها على العافية : صباح النور ..

سالم : مشغوله ؟

نجود: اي والله مشغوله .. انت كيفك ؟؟


سالم : الحمد لله طيــب .. وراك ما تشبكين زي أول .. لك وحشه

نجود تضحك فقلبها : جد وحشتك ؟

سالم : ايوه

نجود : بس انت ما وحشتني

سالم : الله يسامحك ..

نجود ما تحبه لانه يعشق الحريم والمسن عنده مليون ايميل لهم ومن كثرهم يتخربط فأسمائهم : ويسامح

الجميع ان شاءالله انا طالع هباي


سكرت المسن وهي تضحك : ههههههههههههه تستاهل اللي يجيك .. لازم اروح لنويف وش ذا النوم كله ؟؟؟ ..



//

//







أبًسألكہْـ يآللٍيلْ هٌوْ بآقًيْ أحبآبْ ؟!
ولآ " آلوٌفـــآ " مآلًهْ بهآلوقتْ قٍيمًـهْ ..؟!


آللًيّ بقآليْ دمعًــهْ تحْرِقْ آلأهْدآبْ
و أحلآمْ خلقت فٍيْ حًيآتيْ يتيمـــــًهْ





نوف ليلحين وهي بفراشها ما تحركت ..

لمو بين فتره وفتره تصعد لها .. تشوفها متنكده بس كالعاده نوف ما تحكي شي مهم وخاص للمو
باعتبار انها صغيره ..

حتى لمو ما حبت تعلم نويف باللي سمعته عنها وعن صالح لا تضيق صدرها اكثر ..


لمو جالسه ورا ظهر نوف وتمسح على شعرها : نويف حياتي وش فيك ؟ نجيد جيت قومي

نجود تدخل وبعد السلام لمست جبهة نوف : وش فيه الحلو ؟؟

نوف ملتزمه الصمت : ..........

نجود : نويف قومي بنطلع نهيت شوي .. زمان أيام الصياعه

الماس تنقز على السرير : اي والله .. فكررررررررره نجيد

نوف توقف على رجولها بصعوبه وكن جسمها متكســر : آه

نجود + لمو : يناظرون فيها كيف قامت ووقفت على حيلها وكنها عجوز مو بنت

نوف : ما ابغى اروح لمكان .. حتى تبوله بتصل اعتذر منها ..

نجود بابتسامه : ههههههههه هالكلام ينقال عند امك وابوك مو بعندي انا .. لا خذيتي دوش وخلصتي

وكشختي طلعنا لتبوله وبعدها نتمشى ..

لمو عارفه نجود وقدرتها على نوف : يـــــــــس اشتقت للتمشيات .. بروح اكشخ

نجود : انا تحت لا خلصتي نويف ناديني حبي .. تشاااااااااااااو

لمو تناظر بنوف اللي جت بتدخل الحمام : هذي وش فيها اليوم فرحانه ؟؟؟

نوف تهز كتوفها بمدري


:
:



نجود نازله على السلم تغني بصوت مش واضح مره

وكالعاده من تحب تجنن ؟ مافيه غيره حمووووودي ..




نجود تنرفزه : انت يا السمين يا بو كرش

حمودي يتلفت يدور عالصوت عصب تقهره نجود : انا مو سمين انتي ام كرشه


نجود تتخصر قباله وتدور بجسمها : كل هذا وتقول كرش .. على الاقل لما اركض .. اركض زي
الخلق مو زي البطريق الحمد لله والشكر



حمودي عصب مره : اقول اسكتي لا انادي عليك نويف صاحبتك تراها ما ترضى احد يزعلني والله



نجود : نوف ؟؟؟ ههههههههه توني ضاربتها فوق .. اطلع فوق وناظر فيها يا بطوطه



نايف توه صاحي من النوم : فكيه من شرك يا بنت .. والله لو اني مكانه لأقتلك ..


نجود بلقت عيونهااااااااا (هذا من متى هنا ) : ........


حمودي وكن قوه جته هذا نايف مو حي الله : هييييي انتي يا اللي يقال لك نجيد كنك بزر .. اتحداك

تحكي شي الحين



نجود تلملم وجها وتبتسم له ابتسامه صفرا وراها تهديد : ........



نايف جالس وابتسامه عريضه على وجهه زينت وجهه اكثر واكثرررررررررررررر



حمودي ذكي ملاحظ ان نجود تستحي من نايف دايم واستغل هالفرصه : هههههههههههه نايف ناظر بوجهها




نايف اصلا ما شال عينه عنها حتى يناظرها : محمد اطلع العب برا .. عيب يا قلبي هذي نجيد حبيبتك ..



نجود استحت مرررررره



حمودي طلع يلعب وهو يقول بصوت ماهو واضح : حبيبتي ها .. حبيبتي تقولي بطريق .. اجل هي وشو

نايف : هههههههههه أحلى حاجه لما نرفزتيه لما تخصرتي له .. توهق ما يدري وش يقول .. !



نجود قلبها من جوا يضرب يضرب .. خافت انه يبان عليه من ورا الملابس انه يضرب بقوه

(لحووووول أجل انت شفت التخصر والهبااااااااال ؟ عز الله طحت من عينك ونقدت علي ) : ...........



نايف : وش فيك ساكته ؟؟ غريب امرك يا بنت .. !



نجود وحبت ترجع علاقتها بنايف زي اول .. اول محد فتح قلبه للثاني وكل واحد كان يعتقد ان حبه من طرف واحد : لا عادي



نايف : أكثر كلمة تقولها نجود بنت فواز .. عادي ..



لحظه صمــــــــت كعادة اللقاءات المتوتره


نزلت لمو كاشخه وكسرت الصمت : هاي نويف


نايف : هلا لموو .. على وين .. ؟


لمو تزين قصتها وتلعب بشعرها : طالعين مشوااااااااااااااااااااااااار




نايف : جد ؟ على وين ؟؟ زمان عن طلعاتكم



لمو وكنها تقول اي والله وين طالعين ؟؟ : ممممممممم والله مادري هههههههههههه نجيد وين بنروح ؟


نايف يلتفت لنجود اللي تأشر للمو تسكت : آهآ .. يعني الراس المدبر نجيد ؟؟ وعامله حالك بريئه ها ؟

وين بتروحون يالزعيمه ؟



نجود من الاحراج جلست تضحك بقوه : ههههههههه عادي ..


نايف عجز يسكت : ههههههههههههههههههههههه وش مشكلتك مع كلمة عادي ؟؟ عامله صفقه معها ؟؟


لمو : ههههههههه يقولها وين بتروحون تقول له عادي هههههههههههههههههههه (طلعت تستعجل نوف)

نجود وكنها اول مره تضحك من قلب .. تضحك على غباءها وخوفها من نايف اللي يخليها تقول اشياء مالها داعي : ههههههههههههههه

نايف جلس يناظرها : ياااااوه يا نجيد .. والله زمان عن هالضحكه ..

نجود اسكتت بغت تقول لا عادي بس تراجعت جلست تناظر بعيون نايف ..

نايف : أنا اللي سارق ضحكتك نجيد ؟ انا جايب لك كل هالهم ؟ نجيد احلفك بالله حالتك هذي انا سببها صح ؟

نجود ودها تقولها بصوت عالي .. ايوه انت انت انت ومن غيرك : أي حاله اللي تحكي عنها .. انا

عادي اضحك واسولف وعادي يعني

نايف تنرفز من تكبرها : رجعت تقول عادي .. أبغاك تمحيها من قاموسك يرحم امك نجيد



نجود : أبشر ما طلبت شي



نايف : عارفه نجود اني اول مره ابغى الايام والساعات تمشي ببطء اكثر .. والله احس انها تركض
ركض ماهو صاحي ..


نجود عرفت قصده عن عرسه : هذي هي الدنيا .. اذا الواحد ينتظر حاجه يحبها يحس بالوقت يمشي بسرعه


نايف كالعاده نجود لما تستفزه كنها تطعنه : وش قصدك نجيد ؟ تراي احسن النيه بالاول ..


نجود توقف وتاخذ عبايتها بيدها كعادتها الهروب هو الحل الوحيد : وراك تحسن النيه يا شيخ ؟ ماراح

توصلك المسجات كذا



نايف وقف وصار خلفها على طول : يا نجيد لا تخليني اعصب .. ولا تستفزيني بحكيك حتى لو ما
انتي قاصدته .. تراك تجرحيني يا بنت عمي .. !



نجود : على الاقل أجرحك من دون قصد



نايف يتعوذ من ابليس : يعني انا قاصد اجرحك ؟ الله يجزاك خير والله .. اذا هذي فكرتك عني ..



نجود حكيه يوجع قلبها وعارفه ان كل حكيها غلط لكن وش تسوي غير انها تكابر : .................


نايف : وراك ساكته ؟ كملي ترا فيه اماكن كثير باقي ما طعنتيني فيها ..




نجود تمسك دموعها : آسفـه نايف انا ما اقصد بس ....



نايف عينه بعينها : بس ايش ؟


لا للندم.. لا للعتب أو شي من هذا القبيل
وانتي ماجا منك خطا حتى تقولي اسفه


نجود : ولا حاجه .. عن اذنك


طلعت الحديقه تنتظر نوف ولمو .. نايف جلس في الصاله .. و جلس يفكر انه يترك نجود تقول اللي

تبغى .. نجود يحق لها اللي ما يحق لغيرها ..


خلوها تجرح على كيفها .. مسمووووووووووووحه .. المفروض ما اناقشها .. اللي عملته فيها مو قليل ..


:

 

 

[إشراقة أمل]

الدمام

ناصر جالس باللوبي في الفندق .. وجالس يدخن .. ما عنده شغل .. وماله نفس نت .. ولا وده
يحاكي أحد ..

وده يرجع للرياض لكن كيف يناظر بنوف ؟؟؟ الله يلعنك يا عبدالعزيز .. حسبي الله عليك ..

ناصر يرن جواله .. [ اغنية استكثرك لعبدالمجيد]

مو بوقتك يا فريس


ناصر : هلا ..

فارس : هلا بك .. كيفك ناصر ؟

ناصر من دون نفس : تمام

فارس : وراها طالعه منك كذا ؟

ناصر : وش تبغاني اقول يعني ؟؟

فارس : ناصر انا اعرفك .. انت مارحت الدمام الا وانت متضايق .. وش فيك ياخوي قول ؟

ناصـر جلس دقيقه يتذكر الموقف بعدين ابعده عن باله : ولا ولا شي .. تبغى حاجه داق ؟

فارس يكح : احم افا .. أحلى تصرررررريفه ..

ناصر بطفش : يابن الحلال والله مالي نفس احكي مع احد .. ما تشوفني مسكر الجوال .. وتو شغلته

فارس : وطلعت انا فخشتك ؟ ههههههههه

ناصر : ايوه .. فارس حبيبي من الآخر وش تبي ؟؟


فارس : والله انا ما ابغى شي .. امك اللي تبي .. ؟


ناصر باستغراب : ليه امي وش دخلها ؟

فارس : انت وش قايل لأمك يا حبيب امك ؟

ناصر يحد سنونه : فارس تكلم زي الرجال والا بسكره فوجهك .. وش فيها امي ؟

فارس : هدي هدي .. وراك معصب ..

ناصر بعصبيه اكبر مو وقتها : فارس !!!! بتتكلم والا كيف ؟؟؟؟؟؟

فارس : يووووووووو ورا اخلاقك زفت ؟ ياخوي انت واعد امك تنام في البيت امس .. وسحبت عليها

ناصر وكنه تذكر شي غمض عيونه وكنه يلوم حاله : الله يذكرك بالشهاده والله اني ناسي .. تكفى تعذر

لي منها بأي حاجه .. وقوللها والله لينام عندك اليوم والله ..

فارس :قول ان شاءالله ...

ناصر : باذن اللي ما تنام عينه .. بوس لي راسها ..

فارس : ابشر .. سلااااااااام

:
:
:


الحديقة قبال قصر الجد سامي وعياله ..



نوف جالسه بعبايتها : قلت لك .. وهذا اخر كلام عندي ..

لمو : يووووووووه شمعنى اليوم يعني .. لا تخربي طلعتنا ..

نوف : اسكتي انتي لما احاكيك ردي ..

نجود بتفكير : خلاص يا بنت الحلال اتصل بتبوله واسألها وش تبغين اكثر ؟؟؟

نوف بطفش : ايوه كذا احسن

نجود تروح بعيد عنهم وتتصل بتبوله ..




بتول : وووووووولكمووووووووو فبنت خاااااااالوووووووووو

نجود : يسلمووووو يا ألبي .. كيفك يا بنوته

بتول : تمام حياتي وينكم ؟

نجود توطي صوتها : تبوله حياتي بسئلك سؤال .. ( شرقت احم )

بتول : حلو حلو .. وانا بجاوبك جواب قولي

نجود : ناصر موجود ؟

بتول : موجود وين ؟؟

نجود : يووووه تبوله وراك ما تفهمين .. في القصر ؟؟؟

بتول : ههههههههه اهاااا على بالي بتحاكينه .. لا ماهو موجود .. نويصر في الدماااااااام ..

نجود وكنها تأكدت ان السالفه حقيقيه ..خافت : ..........

بتول : ليه تسألين ؟؟

نجود : ولا حاجه .. دقايق ونكون عندكم .. ؟ تشاااااااااو


/
/



نجود تمشي لعند الطاوله اللي دايم يجلس فيها ناصـر .. ونوف جالسه هناك ..

نجود قربت عند اذنها : ناصر بالدمام

نوف توقف بقوه ماهي لابقه عليها : أحسن بعد ،، يلا مشينا

نجود : ؟؟؟؟؟؟؟

لمو تمشي ورا نجود : وش قلتي لها نجيد ؟؟؟؟


نجود : بلا فضووووول .. اطلي يلا ..

لمو : خواتك وين ؟؟

نجود : الحين يجون .. يناظرون فلم أجنبي ..

لمو : فاضياااات على هالعصـر

طلعو بالسياره على انهم يطلعو من عند تبوله ويتمشون بعدها بالمجمعات ..


نوف بالسياره حاسه بضيقه مو بطبيعيه .. ودها تبكي بصوت عالي ودها تصيـــــــح بأقوى ما عندها

عشان ترتاح .. كل ما تحاول تنسى تطري فبالها ليلة أمس .. تتذكر ناصر ونظراته وصدمته

ودها تبكي ..


مِبْطِيْ إذَآ كُنْتْ آتْضَآيَقْ أجِيْ لَكْـ ..
الْحِيِنْ أرُوُحْ لِـ مِيِنْ لَا مِنْ تِضَآيَقْتْ ..؟

مِبْطِيْ إذَآ أشْتَقْتْ لَكْـ جِيِتْ أشْتِكِيْ لَكْـ ..
الحْيِنْ أرُوُحْ لِـ مِيِنْ لَا مِنّْيِ أشْتَقْتْ ..؟


:
:




شقــة أبو تركـــــي ..




تركض ام تركي تبغى ترد على التلفووووووون بسرعه


ام تركي بلهفه : ألو ..

أم تركي (تعبت وهي تنتظر تركي يتصل ودايم توقعاتها بمحلها ) : دقيقه يا بنتي ..

ام تركي بصوت عالي : الجووووووووهره تلفوووووووون


الجوهره تركض : مين ؟

ام تركي : وش دراني انا .. تعالي وتعرفين ..


ام تركــي اشتاقت لبيتها القديم .. على كثـر ما كان بسيط كانت تحس انه بيتها جد .. تشتاق له اذا راحت او جت ..


واشتاقت لتركي .. اللي كان راسم الضحكه عليها وعلى خواته .. البيت كان فيه روح تحييه ..

اشتاقت لعبدالعزيز رغم عصيانه لها .. ولسانه الطويل .. لكن هذا قلب الام اللي لا يمكن يقسى على عياله


يزعل منهم إيه .. يتضايق من تصرفاتهم إيه .. يحاسبهم من خوفه عليهم إيه .. يعتب عليهم إيه ..

لكنه يكره أو يقسى لاااااا يمكن ..


/



قصـــر سلمان ..

جمعة البنات في الصالة بالدور الثاني تجنن .. سوالفهم بينهم وبين بعض كنهم سنين ماشافو بعض ..

كل وحده عندها مواقف تحكيها وكل وحده الابتسامه ماليه وجهها .. وكل واحده ماخذه راحتها وكنها

فبيتهم ..

لما يجلسون مع بعض هالبنات ينسون كل همومهم مهما كانت كبيره ..

نجود : يعني مزيون والا حلــــيــــو ؟؟؟ بالله عاد

بتول تزين جلستها على الكنبه : أقولك وربي فتنه وووووسيم مره ..

نوف تناظر فيها وهي مبتسمه .. وتعذرت لتبوله انها مريضه شوي .. بس ما تمشي على البتول ..

نجود : شوقتيني اشوف هالسامي .. طيب هو مشلول ؟؟

بتول عصبت : اسمالله عليه عدوينه ان شاءالله .. لا ما اعتقد شكله كان طبيعي بس رجله فيها شي .. عرفتي ؟

نجود تاكل حلا : مممممممم ايوه ايوه ..

الجد سامي دخـل : السلام عليكم


البنات كلهم رحوا لما شافوه : جدوووووووووووووووووووووووو

الجد سامي : كيف الحلوات ؟؟؟

الكل : تماااااااااااام ..

بتول تركض وتجلس فحضنه : أقول جدووو

الجد سامي : عيونه ..

بتول : عمره احد قالك ان اسمك حلو ؟؟

الجد سامي بتفكير : ههههههههههه لا

بتول : أجل خذها مني .. والله اسمك يجنن ويخبل .. ياااااوه يا جدو توني احس بقيمة اسمك ..

نجود ماتت ضحك : هههههههههههههههههههههههه

لمو بنذاله : جدو اسئلها ليه ؟؟

الجد سامي بتفكير : ليه يا تبوله ؟؟ وش السبب ؟

بتول توهقت : ها .. والله ان كلك حلا .. تو ما نور القصــر
الهنوف بهمس للعنود : هم مو قالو عزومة بنات وش له الشياب جايين ؟؟



نوف جالسه ساكته .. !

الجد سامي : نوفه حبيبتي وراك تعبانه ؟؟ وذبلانه ؟؟

نوف : تعبانه شوي ..

الجد سامي : ما تشوفين شـر يا قلــبي .. أخليهم يودونك المستشفى

نوف : لا لااا مافيني شي .. ما يستاهل اقصد ..

نجود تغير الموضوع : تبوله حنا جوعانين وين عشاكم ؟؟ صح جدو ؟

الجد سامي : اي والله ما فتحو البوفيه ؟




نوف كان الجو مره عادي ما حست بضيقه لكن فجأه قلبها انقبض بس تحملت ليما نزلو البنات و

انتشرو بالقصـر ..


طلعت وقربت لعند غرفة ناصــر تناظرها من بعيد .. أبعدت نظرها عن هالغرفه بقوه .. وكنه مو

بهامها لكن قبل ما تكمل العين دورانها


دموع نوف ما صدقت تطلع بهالكثره جلست تبكي وتبكي .. لكنها ماهي عارفه ليه تبكي ؟؟؟





{ الدمعه }
اللي تعذبني وتفضحني.,
ياليتني.. عن عيون الناس مخفيها

ماكنت ابي حد ,,
يلمحها., ويفهمني

ولا يعرف وش مضايق عين راعيها ...


:

نجود اطلعت فوق وعرفت انها بتلقاها هنا .. : نوف ؟

نوف تمسح دموعها بسرعه آخ يا نجيد ليه جيتي : هلا

نجود ما سألتها ولا حكت معها اصلا البكي عند نوف صار شي طبيعي وما حبت تحرجها : يلا نتعشى
تحت .. بختار لك على ذوقي وش عليك !! ههه


نوف تبتسم لها وتنزل معها ..





:
:
:




نــاصــر يمشي راجع للريـــــاض .. نسى وعده لأمه .. وش يقولها ؟ ووش يشرحلها ؟؟ ما وقف

بأي محطه يبغى يوصل ويرتاح

ما هو عارف ان الراحه حلم بعيد المناااااااال ..


/

عبدالعزيز من امس ما اكل حاجه .. راح لبيتهم .. مالقى فيه احد .. سأل عنهم .. وعلموه الجيران
بمكان أهله

وراح لهم طياااااااااااره .. ألحني عرف قيمة البيت والعايلة والاب والام .. والاخوه


عبدالعزيز ضاغط ع الجرس بقوه وما شال اصبعه : وينهم ذولا ؟؟


الجوهره على الباب : ميييييييييين ؟؟

عزوز : افتحي ..

الجوهره تحسبه من عمال البنايه : أبوي مو فيه .. تعال بعدين والله مادري وش تقول

عزوز : جوجوووووووو افتحي انا عزوز ..

الجوهره تفتح بسرعه : زوووووووووووووو (ضمته بقوه )

عزوز : هلا الجوهره كيفك ؟


الجوهره : يماااااااااااااااااااااااااااااااااااا يمااااااااااااااااااااااااااااااااااااااااااااااا

ام تركي جت تركض : ايش فــيـــ (وقبل ما تكمل ناظرت بولدها اللي دخل وسكر الباب وراه)

عزوز باس راس امه ،، و رسم على وجهه الندم والأسف ،، لكنه ظل خايف من ابوه ماهو عارف

ردة فعله ايش بتكون !!!

جلسو بالصاله وجتهم ساره اللي تناظر بعزوز من فوق لتحت .. كرهته بعد حركاته واسلوبه مع

امها .. عاد الا امها ..

ساره : تو الناس .. كان مارجعت ؟؟


ام تركي : ساره ؟؟؟ وراك تحاكين اخوك زي كذا ؟؟ هذا الغالي .. واشتاق لكم ورجع لكم

ساره توقف : لو اشتاق لنا صحيح ما كان تركنا بعز حاجتنا وما كان راح يركض ورا الفلووووس يدورها ..

الجوهره ماهي عارفه مين توقف معه ؟؟ مع اخوها اللي باين عليه انه راجع ندمان .. والا مع ساره
اللي حكيها منطقي ؟؟؟


عزوز منزل راسه بالارض (وله وجه اصلا يرفعه ؟؟ لو يعرفون بسواد الوجه اللي سواه ما رحموه
ثانيه وحده ) : اسمحولي يا جماعه .. بس جد

انا حسيت بغلطتي ورجعت لكم أبغاكم تسامحوني .. الله يغفر يا ناس ..



ام تركي : ما عليك منهم يمه .. انت ما غلطت عشان يسامحونك .. حنا ما صدقنا ترجع .. (ترفع
يدينها) عقبال تركي يارب ..


عزوز وعلامات الصدمه عليه : وتركي للحين ما رجع ؟؟؟؟؟؟؟؟؟؟؟؟؟؟


الجوهره : لا مارجع .. و اخباره انقطعت من راح لتبوك ..


/



قصــر أبو سلمان ..


ع البوفيــه ..

نجود + سالم + نايف واقفين ورا بعض بجنب السلطات

سالم : يمي يمي .. وش راح تاخذين نجيد ..

نجيد فقلبها (ما تدري اني صاحبتك على المسن ) : مممم مادري ..

سالم : علميني وش آخذ أبي أخذ زيك ..

نايف شبعااااااان مره بس لما طلعت نجود للبوفيه طلع وراها بحجة الاكل : (ظل يتنحنح يعني ترا حنا هنا لكن سالم ولا عالبال)

نجود : انت اختار وش تبي انا شبعانه بس بآخذ لنويف

سالم : نويف مين ؟

نجود : نوف

سالم : أشوى

نجود تناظره وهي رافعه حاجبها عارفه قصده : ..........



سالم : يلا عاد نجيد وش رايك تحطين لنا فصحن واحد ؟؟ عشان يكون بينا عيش وملح


نجود ببلاهه : ضاقت يعني فصحن واحد؟

نايف حب يتدخل لانه زودها : سالم ...


سالم تو انتبه له : هلااا يا عيونه

نايف : تعشيت يا قلبي ؟؟

سالم : لا والله محتار وش آخذ

نايف تقدم وتعدى نجود ووقف بينهم وسحب صحن سالم : هذي السلطه انصحك فيها .. كل يوم آكلها
في الدوام ..


سالم وده يذبحه على حركاته هذي : كل يوم تاكلها ها ؟؟؟ عاااااااااااااااااافيه يارب عن اذنكم



نجود ماسكه ضحكتها اول مره سالم يتكلم بكل هالحريه وش يحس فيه ؟ : .........

نايف : انا بعد شبعان زيك ..

نجود : أجل ليه دخلت ؟

سكت نايف لما دخل حمودي . جلس يناظر فيهم يمين يسار يمين يسار واخذ بيبسي وطلع

نايف يكمل : مممممممم مادري .. يمكن لان الله يحبني

نجود استحت : عن اذنك أودي العشى لنويف ..

نايف : الصحن فاضي نجيد



نجود تناظر الصحن : هههههههههههههههههههههههههه (تفشلت ورقعتها) ممم س سالم لخبطني وراح

نايف بقلبه (يا حلوك .. يا نجيد )

"
"
"
"


نوف دايخه مره ما هي قادره تتنفس .. (ياربي لهالدرجة نفسية الواحد تأثر بصحة جسمه أحس راح

أودع على هالتعـــــب )



نجود جايتها وهي تغني : حاااابيبي على نياتووووووو كووول البنات اخواتووو ..

نوف : وراك مبسوطه ؟

نجود توكل نوف : هم هم يا قميل ..

نوف:مالي نفس وربي نجيد .. لا توكليني كذا كني بزر .. (تناظر باللي حولها ) والله يضحكون علي

دانه ما تتنازل وتتعشى مع الخلق بس تعرف تسد نفسهم .. : هاااااي

نوف ونجود : هاااي

دانه : وراك توكلينها يديها مكسوره ؟؟ ههههههههه

نجود : انا اللي جالسه آكل مو بهي ....

دانه : اها .. أقول نويف .. وش في وجهك كذا يخوووووووووووووف

نجود بصدمه تناظر بوجه نوف اللي رغم انها مريضه الا انه يخقق : ذا يخوف ؟؟

دانه انقهرت من اختها اللي مفروض تكون بصفها لأنها تعتبر هذي حرب : انتي وراك تدافعين عنها
؟؟؟ ما عندها السان تحكي به ..



نوف تصد بجسمها عن دانه وتتعوذ من ابليس ... امس خسرت غالين واليوم مالها خلق تخسر ناس اكثـر .,


:



بهاللحظه ناصـر وصل القصــر وهو هلكان صار له يوم كامل ما نامه .. والزقاير اتعبته اكثــر .. من

التعب ترك السواق يلبق السياره بمكانها ودخل بسرعه ..



فتح باب القصــر مصدوم على مستغرب على اسئله كثيره كل هالناس وش جايبهم هنا ؟ وجلس يناظر

فشكله اللي باين عليه التعب

وناظر بجده الموجود بينهم .. أخذ نظره سريعه يدور عيون وحده

أخذ نظره خطافية يدور على وووووووووووحده من بينهم كلهم .. لقى وحده تشبه لنوف لكن التعب باين عليها .. وجها اصفـر وعيونها متغيره
وابتسامة وجهها اللي دايم موجوده انمحت اول ما طاحت عينها بعينه .. وجا فباله عبدالعزيز وتذكر

نوف وهي بغرفته وجيتها الغريبه للمزرعه


سكر عينه وابعدها عنه و دخل سلم على ابوه وامه .. وناظر بجده وباس راسه ..


وهنا نوف تقول لنجود بصوت هادي : ما ابغى اشوفه ما ابغى اشوووووووووووفه .. (( تبعد نظرها
عنه ما تبغى تذكر اي حاجه من ليلة أمس .. ))





قلتها والصمت خيّم والذهول
..............كلمتك هذي الأخيره جارحه

وين أعديها وأنا قلبـي يقـول
............."إرتكب غلطه بحقي فادحـه"

لو يطول الشرح عذرك لايطول
.............اقسى ماعشت بزمآني البارحـه




نجود بهدوووووووء : نويف حياتي مو حلوه تطلعين وهو توه داخل والله يلاحظووووووون ..
انتظري شوي هو نفسه ماراح يجلس ..


نوف : كذبتي علي قلتي انه بالدمام .. اكرهه ما ابغى اناظر بوجهه .. (وقفت وهي ترجف ما عاد
يهمها حد تذكرت موقفها معه ) وهي تمشي تعدت نجود ولما


وصلت عند جهة نايف والريم وفارس ونوره اغمى عليهاااااااااااااااااااااا فجأه .. وصوووووووووت
طيحتهاااااا مره قوووووووي ..

ناصر جالس يسلم على خاله فواز .. وفجأه سمع صوت صرخة نجود ..

نجود : نوووووووووووووووووف

البعض وقف بمكانه .. والبعض وقف شعر جسمه .. ما صادفتهم حاله اغماء او اي شي زي كذا .. الكل خاف ..

اول من ركض لها نايف وناصــر ..

ناصر كان بعيد بس بلحظه صار قبالها ..

نايف يمسكها ويحركها : نوف حبيبتي .. نوف ردي

الكل كان يحسبه اغماء عادي ..

لكن لمو أكثر وحده كانت تبكي بصوت مرتفع ..

اما الباقي ماهم عارفين هل البنت ماتت فجأه والا وش فيها .. الاغماء دقايق ويرجع الواحد لوعيه .. لكن !

ناصــر جالس على ركبته وبصوت عالي : جيبي مووويااااااااا


جابته دانه و حط على يده مو يا ورش على وجهها خفيف لكن مافي فايده

ناصر : لازم نطلع للطوارئ على طول .. جيبوا عبايتها ..

العم فواز يتصل بالاسعاااااااف

خالد يركض لا تتصل حنا بناخذها ..

نايف رمى شماااغه و شالها بين يدينه بعد ما غطتها نجود بالعباية وطلعو بسيارة ناصــر اللي كان
يسوق بسرعه ..

نجود طاح قلبها : .. يا ويلي لو يصير شي فيها وربي لأموت .. يا رب ارحمهااااااا والله ان صار

فيها شي لأكون قاتلتك يا ناصر انت والنذل عزوز


تبوله من الصدمه ظلت جالسه مكانها ما تحركت .. أكبر خوافه هي .. ما تحب هالمواقف !!


بعد ما طلعت نوف مع امها و خالد ونايف وناصـر .. الكل جلــس ساكت .. حاط يده على خده ينتظر قومتها ..


صوت لمو يا حرام يوجع القلب .. ما تحب تناظر باختها تعبانه فما بالكم وهم ما يدرون هي حيه والا ميته ..


انقلب الفرح نكد .. الكل يدعي ان الله يعدي هالليله على خيــر

اما ابو خالد فحالته حاله سحب كرسيه وجلس بجنب الشباك عيونه غرقاااانه بالدمووووووع .. لو

كان أول كان هو اللي شال نوف وركض فيها المشفى

زي ماكان يسوي وهو بصحته .. الحين وش بيفيد بنته فيه .. جالس هنا حاله حال اي طاوله .. وكل
ما لدموعه تنزل أكثر واكثـر ..

الله يشفيك يا الغاليه و يرجعك لأبوك وانتي بصحه وعافيــه .. ..





((ونجود جالسه وتتوعد هالناصر فقلبها .. نويف عمرها ما تأثرت بأي موقف بحياتها .. أصلا الهم ما
كانت تعرفه وجيت انت وحملتها هم كبير وهي بهالعمــر .. ياويلك لو يصير فيها شي ))


:
:


ودي أنَامْ ,,
يمكن إذا منّي صِحيتْ
ألقَى " حزُونِي " طَايرَة فُوق الغَمامْ !
وٍ ألقى الوسَادة تبْتسمْ لي , قمّ !
وٍ ألقى الصَباح { أجمَل بليّا همّ ,
يمْكنْ ! ...!

 

 

[إشراقة أمل]

يتبع الفصل الثامن عشر


يَآربْ
يَآوآفيّ ( العطَا ) جنبنِيّ درُوبْ [ الخطا ]
وإغسلنيّ بــ ثلجّ " العَفُو " وألبسنيّ منْ ستّرك | غطَآ |

.
.


في المستشفى الممتلي بشخصيات مرموقة في الرياض .. وفي أحد ممراته

الواسعة .. واقفين ثلاثتهم بانتظار نوف ..

وش راح يكون مصيرها ؟؟

و وش فيها بالضبط ؟؟

و ليه جتها هالحاله فجأه ؟؟

وليه وليه وليه .. أكثر من سؤال يدور فبالهم .. ومالقوا له اجابة ..


بين كل فكره وفكره .. يدعولها بالشفاء العاجل .. وان الله يشملها برحمته ..

وللأسف دخلوها العناية المركزة وليلحين الدكتور ساكت ماهو راضي يقول

شي .. ولا يطمنهم ..

حالة ام خالد يرثى لها .. جالسة على الكرسي ومغطية وجهها اللي ماليته
الدموع ..


اما نايف يحس ان الدقيه اللي تمر سنة .. وده يفتح الباب ويقول اخلصوا علمونا ؟؟


وناصـر من اول ما دخل وهو يروح ويرجع .. يروح ويرجع .. ما حس بالالم . ولا
التعب .. ونسى النوم ..

مع ان صارله فترة ما نام ..

طول هالوقت وهو يردد هالجمله بداخله (عساه فيني مو فيك )

صحيح انه زعلان منها و حاقد على تصرفاتها و موقفها الاخيـر اللي ماهو قادر

يبعده عن خياله .. إلا انه رحمها

من اول ما شاف وجهها تعبان بالمرررره .. من اول ما ناظرها فالقصر حس انها
مريضة ..


عارف انه مني يا رب لكن وش ذنبي وش ممكن تكون ردة فعلي غير اللي
عملته ؟؟

يارب قومها بالسلامه ولا تحرمني منها يا رب .. ياليتني خليتك تحكين وتعتذرين

بأي سبب كان ما كانت هذي نظرتي لك


لا حول ولا قوة الا بالله ..


/
/



قتل الهدوء والتفكير اتصال جا لنايف ..

نايف بصوت مهموم : هلا جدي ؟

الجد سامي : هلا بك .. وش صار معكم ؟ نوف قامت ؟؟؟

نايف يتنهد : والله علمي علمك يا جدي .. تخيل لهاللحين محد تكلم ولا قاللنا حاجه ..

الجد سامي بعصبيه : كيف ؟؟

نايف : هذا اللي صل ..

الجد سامي : الحين اكلم مدير المشفى وارد لك خبـر .. لمتى راح ننتظر يعني ؟؟

نايف : لا يا جدي هي ماهي مسألة انتظار او تأخير منهم .. لكن الدكتور جوا ولسى ما طلع ..


الجد سامي : لا حول ولا قوة الا بالله .. الله يشفيها ..

نايف : الله يجزاك خير ..

:

ناصر : وش يبغى ؟؟

نايف : يسئل عن نويف .

ناصر تذكر كيف كان يناديها ويدلعها وناظر بالباب الكبير حق الملاحظه بحلقه
غصه ما يبغاها تطلع ..

نايف : ناصر وراك ما تجلس ياخوي .. عين خيــر .. !

ناصر بارتباك : ل لا لا كذا كويس

:
:









في شقة ابو تركــي


عزوز و الجوهره يناظرون برنامج أجنبي ..

الجوهره : يااااااااااااااي يشبه ناصر .. ههههههه سبحان الله

عزوز فتح عيونه وعدل جلسته : وشو ؟؟؟ مين يشبه ؟؟؟

الجوهره تبلع ريقها : ولد خالي راشد ..

عزوز : وانتي شايفته ؟؟؟ تعرفينه ؟؟؟ جالسه معه ؟؟؟

الجوهره تبعد الخوف : ياخي انت وش فيك ؟؟ خوفتني .. ايوه جالسه معه ..
وش فيها يعني ؟

عزوز : وين ومتى

الجوهره : اعوذ بالله انت وش فيك كذا .. لما جبته عندنا لبيتنا القديم

عزوز يهدا شوي وكنه تذكر : آهآ .. وليه حضرتك حفظتي وجهه من اول مره ؟؟

جد ما تستحين .. بعض الكلام ماله داعي

الجوهره فقلبها والله انت اللي مالك داعي عاملي فيها رجال .. لو رجال طلعنا

من هالشقة النكد

لو رجال جيب لنا شي ناكله بدل ما تاكل اللي بقى منه .. أجل كيف لو أقول لك

اني رحت قصرهم : ما اقصد بس لأن

المشترك حسيته يشبهه ..

عزوز : طيب لا تجيبين طاريه فاهمه

الجوهره فقلبها انا غبيه كيف ما فكرت انه متهاوش مع ناصر عشان كذا رجع
لنا .. كيف طافتني ؟؟؟؟ : اقول زووو ليه ؟؟؟ انت متهاوش مع ناصر !!


عزوز : هذي اللي تبغاني اقتلها هنا .. قلت لك لا تجيبين طاريه فاهمه والا لا
؟؟؟؟ بعدين وش هالدلع التافه ذا ؟؟ ها ؟؟


الجوهره ببلاهه : ها ؟؟

عزوز : صقها ما تسمعين زين ؟؟ اقولك وش ذا اللي زوووو ؟؟؟ شايفتني
حديقة حيوان ؟؟؟

الجوهره : ههههههههههههههههههههههههههه

عزوز : قايل نكته انا ؟

الجوهره تحاول تمسك ضحكتها : ههه لا بس هههه توني انتبه هههه


عزوز : وجع ان شاءلله انقلعي غرفتك ..

الجوهره طلعت تركض : هههههههههههههه

:
:








قصـر سلمآن .. أبو سالم ..


الكل طفش من الانتظار الساعه جت 12 بالليل .. حس ولا خبر .. أكيد فيه شي !!

سلـمى جالسه بالصاله اللي فيها ام دانه و نوره و ام سالم و دانه ..

سلمى : وراهم طولو كذا ؟ اخاف ان فيهم شي ؟؟

ام دانه تهديها : لا يا عمه توه متصل فيهم عمي يقولون زينه الحمد لله

ام سالم بفرح : من جدك يا ام دانه ؟؟؟

ام دانه تأشر لها انه كذب بس عشان ما يرتفع ضغط العجوز : أيوه أيوه ..

سلمى : أجل ليه ما رجعت ام خالد لهاللحين ؟

نوره : يمكن انشغلو بالاوراق والا حاجه .. (قامت وطلعت عند خالد ) الحين يجون يا جده


بالصاله الثانية المقابله لها الجد سامي وعياله الاثنين وابو سالم وسالم
نوره تنادي خالد اللي طلع وراح لها


خالد قرب : هلا ؟؟؟

نوره بهمس : فيصل وريتاج ناموا فوق بغرفة بتول ورانا ما نطلع للقصـر وننتظر
عمتي ونايف هناك ؟؟؟

خالد : اطلعي مع السواق .. عيب اترك جدي هنا و هو جالس ينتظر .. هو
سهران مع انه ما يحب السهر ..

نوره : طيب كيف اطلع ..؟

خالد : لحوووول يعني تبغيني اطلع واتركه ؟؟ خليهم نايمين فوق وين المشكله ؟؟ والا انتي طفشتي ..


نوره : خالد ؟؟ من جدك انت ؟ انت عارف اني متضايقه عشان نوف وعارف انها
غاليه علي مره بس جلستنا هنا وش

بتغير ؟؟ هناك أحسن .. بعيدن عمتي بتجي تعبانه من بيجلس عندها ؟؟؟



خالد : كلامك منطقي يا بنت .. لكن انتي عارفه جدي .. تبغين ادق على فارس يوديك ؟


نوره : ليه هو ماهو فيه ؟؟

خالد : لا طالع ..

نوره : لا خلاص انا بطلع وبآخذ معي ألماس و محمد والعيال .

خالد : اذا وصلتي دقي علي ..

نوره تاخذ عبايتها : ابشر ..


:

نوره طلعت تنادي الماس من فوق ..

دخلت الصاله اللي بالدور الثاني .. اللي فيها البنات ..

كان شكلهم غريب اول مره كئيبات كذا .. ؟

اول ما دخلت نوره ركضت لعندها لمو تسئلها عن نوف ..

نوره : لمو حبيبتي للحين ما قالو شي .. انا جايه اقولك تجين معنا القصر ..


لمو تبكي : ما ابغى اروح الا مع نوف .. كيف تبغيني أدخل بدونها (يزيد البكي )

نوره بهدوء تضمها : لمو حبيبتي نوف مافيها الا العافية هذا اغماء يصير لنا كلنا ..

بس المستشفى عندهم زحمه شوي

بعدين مو حرام عليك .. امك تجي مع نوف وما يلقون اللي تساعدهم .. يلا

حبيبتي امشي هناك ننتظرهم ..

لمو بحزن : يعني احتمال ترجع اليوم البيت ؟؟

نوره بابتسامه : باذن الله بس انتي ادعيلها .. يلا اخذي عبايتك ..

لمو طلعت حتى بدون لا تودع البنات .. نادت محمد وطلعوا بالسياره ..









طلع الدكتــور السعودي ومرافقينه من الملاحظه بعد مدة ماهي قصيررررره ..

الدكتور ريان : ابوها فيه ؟

نايف : لا بس انا اخوها ..

ام خالد جالسه تسمع ..

الدكتور : حياك الله .. تفضل معي داخل ..

مشى نايف وناصر معه لغرفة الدكتور وطلع من امه ما تدخل لانه ماهو عارف
الدكتور وش راح يقول .. !


قبل لا يدخلون المكتب ناظر الدكتور بناصر وكنه يقول وش يبغى هذا ؟ نايف
فهم عليه : ما عليه دكتور هذا كمان اخوها ..


ريان بابتسامه : حياكم الله ..

يبدا ريان يتكلم : أخ .. ؟

نايف : نايف معك ..

ريان : والنعم .. اسمعني يا اخ نايف .. انا مستغرب صراحه انكم ساكتين عنها ..

ناصر بخوف : وش فيها يا دكتور ؟؟؟

ريان يلتفت لناصر : اذكرو الله يا جماعه باين عليكم ان هذي اول مره تمر
عليكم هالحاله ؟

نايف : اي والله يا دكتور ..

ريان : على العموم تطمنوا البنت مافيها شي .. لكن بسئلكم هي مرت بصدمه
نفسيه ؟؟؟

نايف : كيف يعني ؟

ناصر وكن كل الامور تأكدت عنده عقد حواجبه (مثل ماكنت عارف انا سبب كل هذا )


ريان يشرح : يعني موت عزيز لا سمح الله .. او صدمة مقاربه لها ؟؟؟

نايف : لا يا دكتور محد توفى عندنا لكن هي بالكم ساعة اللي فاتو كانت مره

متضايقة وطول يومها وهي تبكي ..


حاولت اسئلها افهم منها لكن مثل مانت عارف البنات صعبه تاخذ منهم اجابه ..

ريان : هو في الحقيقه المفروض ما اجبرك تعرف وش اللي خلى اعصابها تتلف
لدرجة انها تفقد السيطره على نفسها

وعلى أجهزة التحكم عندها .. لكني أطلب منك انها تبقى تحت رعايتنا كم
يوم ..


ناصر وده يحكي بس هو وعدها ما يحكي شي واصلا حتى لو يقوللهم ما هو
نافعهم بحاجه .. فضل السكوت ..


نايف : طيب يا دكتور ريان يعني هي مافيها شي لا سمح الله ؟؟؟


ريان : تطمن .. مثل ما قلت لك .. اعصابها تبغى راحة تامة .. و لازم محد
يضايقها او يحاول يرفع نسبة الضغط


عندها .. لأن اذا تطورت الحاله راح تؤدي الى تشنجات مرحلية ..

ناصر بصوت مبحوح : طيب تقدر تشوفها امها الحين ؟؟

ريان : احنا عطيناها منوم ومهدئ وماراح تقوم من غير شر الا بكرة الصبح على
الساعه 9 او 10 بالكثير يعني دخلتها

ماراح يكون لها داعي .. ويمكن تتأثر الوالده اكثر ..

نايف : لازم تشوفها يا دكتور و تتطمن .. بس 5 دقايق ..

ريان : براحتك يا اخ نايف .. بس ياليت ما يكون بصوت او ازعاج .. الهدوء أهم حاجه

نايف يوقف ويصافح الدكتور : ولا يهمك أبشـر .. يعطيك العافية

ريان : الله يعافيك ..

طلع نايف عشان يقول لأمه ويفرحها ويريح بالها ..

لكن ناصر وقف على الباب ورجع للدكتور مره ثانيه

ريان يرفع راسه : آمـر ..

ناصر بتردد : ممكن سؤال يا دكتور ؟

ريان : تفضل ..

ناصر وهو مرتبك : اذا صاحبتها اللي سببت لها الصدمة تبغى تشوفها عادي ؟

ريان باستغراب ما مر عليه من أول : كيف ؟ يعني حضرتك عارف القصه ؟

ناصر بتردد : ايوه .. بس ما هي قصه لكن هي فيه خلاف بينها وبين أعز صديقاتها ..


ريان ما يدري وش يقول : والله ياخوي ماني فاهم حاجة .. لكن صديقتها هذي

لازم ما تشوفها نهائيا على الاقل الفترة الجايه .. لأن لو الصدمة كبيره راح ترجع
لها هالحاله

ومثل ما انت عارف هالاشياء نفسية يعني مالها علاقة بالشخص نفسه .. حتى
لو هو سامح ونسى الحاله تبقى ..


ناصر : الله لا يهينك يا دكتور وسامحنا على الازعاج


ريان : لا عادي حياك الله بأي وقت ..



سكر الباب ناصر وهو وده يصيح بأعلى صوته .. الله ياخذني وارتاح من تأنيب
الضمير .. الله لا يردني للبيت وترتاح مني نوف ..

كيف يعني ماراح اشوفها ؟ ماراح اسلم عليها ؟؟ ماراح امزح معها ؟؟ ماراح
تشوف وجهي بعد كذا ؟؟ ليه طيب انا وش سويت ؟؟؟؟

ليه هالعذاب ليه ..


استغفر الله يا رب .. يالله سامحني والله اني مدري وش اقول .. الاكيد اني
تعبان .. تعبااااان مره


:


كمل طريقه بخطوات مش ثابته كمل طريقه وهو فكره توديه وفكره تجيبه .. قرب
من غرفتها يبغى يناظر فيها لو بس يلمحها ..


قرب للشباك لكن ماهو قادر يشوفها لأن نايف واقف ومغطي عليها

وقف ناصر برا ..

انتبه فيه نايف اللي لاحظ عليه اشياء غريبه اليوم ؟؟ سفرته للدمام وسكوته
الغريب و صرخته لما طاحت نوف وجيته معهم ..

و سياقته السريعه للسياره وهم فطريقهم للمشفى .. تأخره عند الدكتور ..
نظرات عيونه .. الحزن اللي باين بملامحه .. !!


كل هذا خلت نايف يقول : ناصر ؟ وراك واقف هنا ؟ ما تبغى تطمن عليها ؟

ناصر وكنه ما صدق خبر : بس ..

نايف : من جدك انت ؟ تعال

ناصر دخل وقلبه من جوا ينبض بقوه .. حاول يكون طبيعي بس ماهو قادر .. دخل

لأنه حس انها فرصته الوحيده اللي يملا عينه من نوف من دون لا تبعد نظرها
عنه أو تهرب منه او

حتى يسبب لها صدمه ثانيه وثالثه ورابعه


دخل ماهو عارف وش يسوي ..


امها طبيعي تناظرها وتمسح على راسها وتطمن بالها ان بنتها بخير

ونايف طبيعي يملا عينه من نوف بحكم انها اعز خواته واقربهم لقلبه ..


أبغى اناظرها بس والله مستحي .. ناظرها النظره الاخيرة وهي نايمة بهدوء

وراسها لافته على اليمين و باين انها تتنفس بصعوبه .. ناظر بشكلها اللي

يوحي لك ان اللي نايمة بزر ..


ناظرها بسرعه و باس راس خالته : الله يقومها بالسلامه ..

طلعت امها وراه مع نايف ..

ام خالد : ابغى انام عندها .. والله هي تخاف .. كيف نتركها هنا لوحدها ؟

نايف : يمه وش دعوه تجلسين عندها .. ماهي حاسه فيك وراح تقوم بكره

الصباح الساعه 10 ووعد اجيبك قبل حتى ما تصحى من نومها ..


ناصر وده يقول روحوا انا مستعد اسهر معها الليل بطوله .. لكن !!


رجعوا بالسياره لقصر سلمان .. عشان ياخذ نايف سيارته اللي هناك ..

نايف يبغى يكلم ناصر لوحدهم شوي : يمه .. انزلي طمني اللي جوا .. احراج
جالسين ينتظرون ..


ام خالد تنزل : انت بتجي ؟

نايف : لا يمه .. بس قولي لجدي يطلع انتظره بالسياره ... ولا تصيفين يا قلبي ..

ام خالد: أبشر ..

: