o!i كرينة ،، نشّال .. نبّالة !! o!i

[أول الغيث]

قيثارة

اقتباس يالله ...وكنا ننتظر في عصريه رمضان ... بابا فرحان ...وام الخير اكلت حلاوة عيد وسعيد ..ايش ولا مسابقات الحروف على السعوديه الاولى ... وبباي

مسابقة حروف ،، خصوصاً في بداياتها مع المقدم : ماجد الشبل


و بطاقة الأسئلة المميزة ( أقواس ودوائر ) ..


طبعاً أنا من مشجعي الأخضر دائماً ..

اقتباس ولا نتابع كل خميس العصر برنامج المسابقات الاجنبي الجوهرة على السعوديه الثانيه... او كما كنا نسميه تيمنا بالمذيع ... بوصلعه ولا سنان وجازورة وفلونه وسندباد .. وبشار .. وسامي الصياد الصغير ولا كابتن ماجد وجراندايزر وسامي نصف البطل اللي يلعب بيسبول .. والرميه الملتهبه ..

برنامج " الجوهرة " ،، وكيف كنا نحاكي المتسابقين ،، ( شيل ،، ارفع ،، لا تعال منيه ،، انتبه الوقت بينتهي ) ....


خصوصاً عندما يضع " الأصلع " الساعة الرملية ،،، ويعزف أعذب الألحان ..

اقتباس ووووووووووووووووووووووووه ولا سبيروا وما ادراك ما سبيروا ... لما كنا نلعبها بمزرعه جدي والصبيان يطلعون من المزرعه للشارع ولا للمزارع المهجورة عشان ينخشون فيها ولا ينخشون داخل الزريبه ورى البقر ..لووووووووووووووووووووووووووووووووووووووول اف والله ذكريات لا تنسى

هذا يذكرني بمواقف سابقة ..


فقد كنت لا أعرف إلاّ المزرعة ،، والمنطقة التي حولها فقط


وكنت أخشى الإبتعاد عنها ،، خوفاً من الضياع


إلاّ أنني أضطر أحياناً لمجاملة ومجاراة مَن معي مِن الأطفال


وأخرج معهم خائفاً مرتبكاً ،،


وكل اشوي أقول: " الحين انتوا تدلّون ولاّ اشلون ؟؟

اقتباس ولا لما كنا نطلع بالقوايل مع جدي نروح المزرعه ونمر على بيوت عماتي عشان ناخذ عيالهم ونركب بالعراوي والصغار نركبهم قدام بالقمارة .. وحنا نتفيزر ورى بالحوض .. واذا جات مطبه جلسنا على حافه الحوض عشان ننقز ولا نصارخ..خخخخخخخخ

أجل آنا كنت ألزم الجلوس في وسط الحوض ،، وكل ذلك خوفاً من السقوط ..

اقتباس وكله كوم وبقر الحجي كوم ثاني كل وحده لها اسم واحنا نناديهم ونلاحقهم ونمشي وراهم وناكلهم .. والله ايام واذا رحنا المزرعه طبعا ... وقت السقيه نجلس في قرنه ونسوي لنا مقيله ... ونمسك خشبه مسطحه نسويها صينيه ونجلس نسوي فطاير وكيك .. ونخليها تنشف من الصبح للعصر واذا جينا العصر خذنا الكيك وسوينا حرب اولاد وبنات كل ناس ياخذون مجموعه ونتراما فيها ... مو ما عندنا ثلج .. عندنا طين ...:

ما شاء الله أختي


حياة متكاملة بحربها وسلمها ،، وبرها و بحرها ،، وأكلها و شربها


ولم ينقصها سوى شجرة كنار أو ترني " ترنج " ..

اقتباس يالله يا اول الغيث .. ذكرتنا باشياء وذكريات عشناها بطفوله الواحد ما يفكر بشيء ولا همه الا وناسته ...اااااه على هذيك الايام ... مشكور خيوا على هالموضوع ...

أطفال كنا يازمن نحيى مثل وجه الصباح ،، نلعب على أرض الأمل فينا براءة وانشراح


نفرح إذا كنا جميع ،، ونزعل إذا أحدٍ منا صاح،،،


ما أقول بس إلا ّ : ليت الزمن يرجع ورى ،، و ترجع أيام طاق طاق طاقية ,, رن رن ياجرس،،،




قيثارة



الله يعطيج العافية أختي وماقصرتي


على هذه الرحلة الجميلة التي رافقناك فيها


انطلاقاً من المنزل ،، و نهاية بالسقية


والتي لم نعلم كم " هوز " كنتم تستخدمون فيها ..





قبل أن أنسى :


انظروا إلى هذا الملاك ،، الذي سحر الأحسائيين قبل 10 سنوات تقريباً أو أكثر بقليل


حيث اقتناه الفقير والغني و الصغير و الكبير والعالم والجاهل


وأصبح مضرب الأمثال في التواضع و المساواة !!

 

 

[شمس المحبه]

الله ذكرتنا بأيام صعب نشوف مثلها في ايامنا هذي صدق ولهت على ايامنا كثير وانت ضغطت على الوتر الحساس

 

 

[أول الغيث]

شمس المحبة



الله يعطيك العافية اخوي وماقصرت


وهذه هي الدنيا ،، لكل زمانٍ دولة ورجال


والنكهة تختلف من زمن إلى آخر ،،



ألف ألف شكر لك أخي