قمة اللقافــــــه.....؟

[kaha]

السلام عليكم ورحمة الله وبركاته


1- قمة اللقافه اذا كنت قاعد تتكلم بالتيلفون وجنبك واحد من اصحابك ولما تسكر التيلفون يقولك من هذا وايش السالفه:

بصراحه ما عمري سويتهااا ...

2- قمة اللقافه اذا كنت مشتري شي ومبسوط فيه وجاك واحد ملقوف وقالك ياشيخ في ارخص منه عاد ، بصراحه انضحك عليك......
عااد انت اذا رديت عليه وقلت له عادي ابتسم ابتسامه عبدالله بالخير ثلاثه متر في سته كيلوو

3- قمة اللقافه اذا قلت لشباب منو يبي عشا ترى بنطلب وواحد يقول لالا انا شبعان بس يوصل العشات وتلقاه اول من يعملك راليات ويقضي علىالعشا ..
تقول في نفسك شكل الاخ مستحي ولا شي ..

4- قمة اللقافه اذا قاعدين تبنون بيتكم والناس كل شوي يقلولون اللين الحين ما سكنتوا....
قسم بالله لوني مستأجر في بيتهم .. يا اخوان افهمو مافي فلوس نكمل البيت ... صدق من قال ياشين اللقافه ...

5- قمت اللقافه اذا بتقول سالفه وطب احد وقالها بدالك ....
مره متحمس ويخاف على حبالك الصوتيه لووووووووول ..

6- قمة اللقافه اذا كل ما اشتريت شي جا واحد وسألك من وين شريته ويروح ويشتري زيك ..

7- قمت اللقافه اذا احد دق عليك الساعه اثنين بالليل وانت في سابع نوومه وقال هذا جوال محمد وتقوله لا وانت روحك في خشمك ويقول هو عااد : اووووووووه اسف ازعجتك ..
لا عادي يا ابو الشباب انت ووجهك يعني ما لقيت غيري تصحيه لووووول

8- قمة اللقافه اذا كنت حاط حالتك على المسنجر مشغول ويسلط الله عليك واحد ملقوف كل شوي يسأل انت مشغول ؟؟؟
نفس تقوله يبي لك نظارات ومن المغربي بعد ..

9- قمة اللقافه اذا كنت نايم وواحد يحط كلينكس بخشمك يعني امزززح ..
عااد انت نايم منت داري ايش السالفه وكل شوي تلطم بخشمك اخر شي بتقوم وبتلطمه هو ..


10-توي تذكرت موقف صار لواحد من الشباب كنا في قاعة المحاضرات وكان عندنا اختبار والدكتور طيب هو صلعته اللي كنها ملعب اولد ترافورد طبعا خوينا ماهو مذاكر ومبرشم المرجع كامل ( اموت واعرف من الهندي اللي يتعامل معاه ) ما هو علشان يبرشم لي ودي ابلغ عليه وتكون نذاله من جد .المهم الطالب طقت في راسه فكره وقال اذا مر نص الوقت بطلب من الدكتور قلم عااد الدكتور ما جاب معاه غير الورق اللي فيه البلاوي الزرقاا اللي هي الاسئله المهم مر نص الوقت .. قام خوينا وقال لدكتور دكتور قلمي خلص ممكن قلم عااد المصري قال يابني مافيش ...دقيقه اروح اجيب لك من المكتب ..اطالع فيه مبتسم وبيطلع ابو جد البراشيم .. قاام واحد ملقوف قال دكتور انا خلصت خله ياخذ قلمي .خويناالغشاش يقوله راجع .. وهو يقول لا خلاص ما يحتاج مراجع ...( مره واثق ووجه قوي).. طبعا انا ورا الاخ الغشاش تصدقون حتى انا انقهرت بعض اسئله ما كنت عارفها كنت بلقط شي البراشيم بس يافرحه ما تمت وبعدين انا اصلا ما احب الغش دايم خشتي بورقتي وواحد يصفر والثاني يقول ولو كلمه يا نذل اي كلمه .. بس مطنش ههههههههههههههههههههههه

اتمنى يكون الموضوع عجبكم ....

 

 

[زهور الفلا]

هع لقافه اقوى شي ماعمري سويتها هههههههه

 

 

[عركاوي 89]

اقتباس المشاركة الأصلية كتبت بواسطة kaha السلام عليكم ورحمة الله وبركاته 1- قمة اللقافه اذا كنت قاعد تتكلم بالتيلفون وجنبك واحد من اصحابك ولما تسكر التيلفون يقولك من هذا وايش السالفه: بصراحه ما عمري سويتهااا ... اتمنى يكون الموضوع عجبكم ....

هي مرًه او مرتين .. قولي مائه
لازم يسأل شفيك او منو تكلم شنو السالفة
الموضوع رائع اختي

 

 

[غلا روحي]

هههههههههه
موضوع صج رايق وحلو
يعافيك ربي

 

 

[kaha]

شكرا لتواجدكم ....

دمتم بووود ..

 

 

[الملاك الجميل]

موضوع رائع
القافه هي سبب كل شي يحدث في الكره الارضيه
منما يأدي الى الفتنه وغيرها من الاساليب الغير جيده



مع تحيات الملاك الجميل

 

 

[أحسائية]

وعليكم السلام ورحمة الله
إضافه / تعريف اللقافه
اللقاقه: كلمه عادة ما نرددها ونستخدمها من ضمن مصطلحاتنا اليوميه
اللقافه كلمة نقصد بها التدخل في شؤون الاخرين وفرض رأينا عليهم وأحيانا اخرى تكون بقصد التخريب
وتارة تسبب قطع أرزاق وإحداث فتن
وأحيانا أخرى تكون بمعنى معرفة المجهول والتعرف إلى ما في هذا الكون دون التطرق لشؤون البشر وأمورهم الخاصه
وهذه لقافه محموده وجيده ومطلوبه
في نآس تتفنن في اللقافه لكنـ لو شخص عاملهم بنفس المعاملة ما يعجبهم
الله يعطيك العافية

 

 

[طيف العمر]

يعطيك العااافيه لاعدمناااااك

 

 

[المرعب1139]

كل شي ولا اللقافة ...

أقتل و اتلقف على احد...

 

 

[حلآتِيً بحرٍڪْآتِيً]

واي اكره شي عندي بحاه اللقاافه واذا زادت عند حدها اوفين
ربي يعطيك الف عاافيهه

 

 

[kaha]

اقتباس المشاركة الأصلية كتبت بواسطة زهور الفلا هع لقافه اقوى شي ماعمري سويتها هههههههه

زهور الفلا ...

يسلمو على المرور ..

 

 

[kaha]

اقتباس المشاركة الأصلية كتبت بواسطة المرعب1139 كل شي ولا اللقافة ... أقتل و اتلقف على احد...

المرعب1139......


يسلمو على المرورر والتعقيب ...

 

 

[kaha]

اقتباس المشاركة الأصلية كتبت بواسطة حلآتِيً بحرٍڪْآتِيً واي اكره شي عندي بحاه اللقاافه واذا زادت عند حدها اوفين ربي يعطيك الف عاافيهه

حلاتي بحركاتي ....

لابد من مواجهه اللقافه في الحياه

بس لابد من المجامله ...

يسلمو على المرورر ...

 

 

[kaha]

اقتباس المشاركة الأصلية كتبت بواسطة طيف العمر يعطيك العااافيه لاعدمناااااك

طيف العمر ...

يعافيك ربي ...

يسلمو على المررور

 

 

[kaha]

اقتباس المشاركة الأصلية كتبت بواسطة أحسائية وعليكم السلام ورحمة الله إضافه / تعريف اللقافه اللقاقه: كلمه عادة ما نرددها ونستخدمها من ضمن مصطلحاتنا اليوميه اللقافه كلمة نقصد بها التدخل في شؤون الاخرين وفرض رأينا عليهم وأحيانا اخرى تكون بقصد التخريب وتارة تسبب قطع أرزاق وإحداث فتن وأحيانا أخرى تكون بمعنى معرفة المجهول والتعرف إلى ما في هذا الكون دون التطرق لشؤون البشر وأمورهم الخاصه وهذه لقافه محموده وجيده ومطلوبه في نآس تتفنن في اللقافه لكنـ لو شخص عاملهم بنفس المعاملة ما يعجبهم الله يعطيك العافية

احسائيه ...


باختصار لابد من مواجهه اللقافه في الحياه ولازم المجامله او

السكوت بس اذا الشي زاد عن حده ينقلب ضده او بشكل غير

مباشر وكذا ان شاء الله يتفهم هذه خصوصيات ..

يسلمو على المرورررر والتعقيب ...

 

 

[kaha]

اقتباس المشاركة الأصلية كتبت بواسطة الملاك الجميل موضوع رائع القافه هي سبب كل شي يحدث في الكره الارضيه منما يأدي الى الفتنه وغيرها من الاساليب الغير جيده مع تحيات الملاك الجميل

الملاك الجميل ..


جميل بردك ومرورك يسلمو ...