التزلج على جبل الشعبه

[alsarap]

السلام عليكم ورحمة الله وبركاته

كيف حالكم ..

راح ادخل فالموضوع بدون مقدمات ..

احنا اشخاص تقريباً مبتدئين فالتزلج طلعنا جبل الشعبه ((جبل من جبال الاحساء)) وشفنا شارع مناسب للتزلج ..

فحبينا نتزلج ونصور ونحط المقطع بالمنتدى ...

عشان تشوفون كيف رياضة التزلج ممتعه بكل معنى الكلمه ..

اتمنى ينال على اعجابكم ..



طبعاً حركاتنا بسيطه لان احنا مبتدئين .. لكن اوعدكم اني راح احط مقاطع لاشخاص فنانين في التزلج ومن الاحساء

اتمنى تعطوني رايكم بالمقطع..

(( من انتاجي))

 

 

[M.ǾŻĬļ]

// بسم الله الرحمن الرحيم //

، ،



يا سلامي عليكم يا شباب الأحساء

عنجد مبدعين وربي

أنا أتمنى أني أتعلمها بس خايف من الأصابات وكذا

تقدر تقول عندي خوف منها

، ،

alsarap .. سلمت يداكم على هالمقطع الجميل وفي انتظار التالي بشوق

 

 

[alsarap]

اقتباس المشاركة الأصلية كتبت بواسطة الفتى الملكي // بسم الله الرحمن الرحيم // ، ، يا سلامي عليكم يا شباب الأحساء عنجد مبدعين وربي أنا أتمنى أني أتعلمها بس خايف من الأصابات وكذا تقدر تقول عندي خوف منها ، ، alsarap .. سلمت يداكم على هالمقطع الجميل وفي انتظار التالي بشوق

مشكوووور على ردكـ الرائع والمشجع ..

صدقني انا في البدايه كنت خايف نفسك بس اذا جربتها راح تغير رايك فيها .. يعني اسبوع بس

وراح يتغير توازنك للأفضل ويمكن اقل من اسبوع ..

انشاء الله راح احط مقاطع افضل وافضل ..

نورتـ بتواجدكـ..

 

 

[قاهر الظلام]

طبعا المقطع أجمل من رائع

ولكن عندي سؤال

س) كيف كانت بداياتك في هذه اللعبة الرائعة؟

 

 

[alsarap]

اقتباس المشاركة الأصلية كتبت بواسطة قاهر الظلام طبعا المقطع أجمل من رائع ولكن عندي سؤال س) كيف كانت بداياتك في هذه اللعبة الرائعة؟

مشكوور على ردك الرائع اخوي قاهر الظلام...

بالنسبه لسؤالك .. بصراحه اول ما فكرت العب هذي اللعبه كنت اتخيل اني مستحيل اتعلمها

وانها شي مستحيل وكنت خايف من الطيحات وان ما عندي توازن .. ومخاوف كثيره ..

بس بصراحه يوم شفت ناس يلعبونها جنبي .. ويوم جربتها بنفسي تغيرت نظرتي لها

وتحمست للعبه كثير ..

طبعاً في البدايه لازم في طيحات.. لكنها ماراح تكون قويه.. يعني طيحات عاديه .. ولازم تلبس لبس الوقايه خصوصاً اول ما تبتدي تتعلم ..

الفتره اللي راح تطيح فيها كثير هي اول اسبوع بس بعدها خلاص .. كل شي راح يكون تمام ..

وكل ما تلعب اكثر راح تتعلم حركات جديده..

واذا تبغي تتعلمها بسرعه العبها مع ناس يلعبونها ..

نورتـــ بتواجدكــ..