استفسار مهم من أهالي الاحساء الرجاء الدخول

[zuhair14]

السلام عليكم ورحمة الله وبركاته... وبعد

أنا من القطيف وقريبا سوف أشتغل على شاحنة لتوصيل البضائع إلى دولة قطر.

وأنا أول مرة لي أسافر دولة قطر.

أريد واحد يوصف لي طريق آمن وأنا جاي من الدمام على طريق الاحساء إلى قطر. ويكون فيه محطات بنزين وبقالات.

لأن أنا أسمع في بعض الطرق خطيرة فيها جن وقطاعين طرق إلى أخره في الطرق مثل سلوى وحرض وما أدري إيش.

المهم أريد واحد يوصف لي طريق آمن وأنا جاي من الدمام إلى قطر. وشكرا

 

 

[zuhair14]

وكم ساعة تأخذ من الدمام إلى قطر

ليش ماحد يرد

 

 

[سوسو الدلوعه]

عــــــــــذراً أخوي كان ساعدتك بس أنا فتاة لا أعرف الطرق

بس انتظر اكيد بيردون عليك الاخوه الاعزاء


أختك في الله

 

 

[العندليب]

يمكن تأخذ الطريق من القطيف ألى قطر اقل من أربع ساعات

 

 

[العندليب]

عموماُ الطريق عندك طريقين أختر الأحسن وقول

 

 

[العندليب]

عندك طريق 1- انك تنزل على طريق الرياض الجديد أو طريق خريص على الأحساء من طرق الدمام
2- أنك تنزل من طريق الدمام على طول ألى الأحساء وتدخل من الهفوف وهذا الأحسن
وأي استفسار خذ راحتك
وشكراٌ
تحياتي:
ا
ل
ع
ن
د
ل
ي
ب

 

 

[مؤثر]

ان شاء نفيدك بس لازم تمر على طريق سلوى
علشان توصل الى قطر وياخذ الطريق 4 ساعات او اقل بشوي

 

 

[الرايق]

على العموم اذا جيت او مريت الحساء غداك عندي ومستعد اطلعك على طريق سلوة

اذا امعزم ارسل رساله خاصه وانا في الخدمه

بس الله الله في نفسك ولا تسرع خط قطر كله بعارين من الهفوف الى سلوى 150 كلم ومن الجمرك الى الدوحه 120كلم ومن القطيف الى الاحساء 150 كلم تقريبا التوصيف سهل

الحين انت جاي من القطيف الى الحسا لما توصل نقطه التفتيش مالت الحساء بعد النقطه تجيك اشاره كمل معاها سيدة
الين تشوف الخط مال شركة الاسمنت بيجيلك مخرج للهفوف على يدك اليسار لا تدخل المخرج كمل سيده هذا الطريق بيطلعك دايركت على طريق سلوى ولا تصدق سالفة جن ما جن ماهنا الا الخير ولا تشغل اغاني عليك بالعزى

وذا تبي اي استفسار داخل قطر انا حاضر وذا تعطلت في الجمارك او الجوزات هم انا حاضر ربعي شغالين اهناك
الله يستر عليك

 

 

[باسم محمد]

الطريق واضح اذا كان عندك شاحنة كبيرة فالافضل ان تبتل على طول بعد شركة الاسمنت اما اذا كانت عندك نص شاحنة ف الافضل ان تدخل الاحساء ثم تخرج الى خط قطر ومن الطرف الى وسط الدوحة 250 كلم تقريبا
وأي سؤال ثاني تفضل وبعطيك التفاصيل لأنني شغال على الخط واعرف الطريق زين
تنبية اخر الطريق غير خطر عدا مسألة الجمال

 

 

[قاهر المستحيل]

الشباب كفوا ووفوا << اللي يقول عنده خبره

والله عند خدمتك عزيزنا

تامرنا بشيء لا يردك الا لسانك
































والله ولي التوفيق