طرق علاج الملل عند البنات

[اشكنـــان]

بسم الله الرحمن الرحيم


1- امسكي التلفون وكلمي رفيجتج من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

2- اطلعي الحوش ولا السطح وافرشيلج فرشة وانسدحي على ظهرج وتآملي النجوم واسترخيييي وتاملي؟!؟!؟

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواش وكل شيء..

5-روحوا الجمعيه وامسكوا العربانة ودوروا فيها ودعموا بخلق الله وقولوا اووه آسفة مادريت

6-امسكي ريموت كونترول واحذفي كل القنوات من الرسيفر ورجعي حطيهم من جديد (هذا ويهي ان رجعتي منهم شي

7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون حلجكم..نص ساعة طبعا بوجود الجميع (مااحد يقدر يسويها)

9-سوي عصير برتقال واشربيه

10- غيرى مكان اثاث دارج

11-اقروا مجلة اطفال (ميكي وماجد)

12-البسي ملابس الوالد دشداشة وغترة وخرعوا اهلكم !!

13- اخذيلك شور وقعدى ساعتين بالحمام >> اذا ما طلعتى تدورين الفراش هذا وجهى

15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

16-روحوا مواقع بطاقات وكاردات وارسلوا لصديقاتكم ودزولي أنا بعد .

17-ألفي مسجات نقال ونكات ماسنجر..خذي مجلات سيدتي أو مجلة عالم السيارات وتعلمي أشلون أتقحصين بالبراحه الي يم بيتكم وهالله هالله بالخمسات ودرب الحيه ( ادري بس الشباب راح يفهمون ) لووول..

18-ادخلي غرفتج وحطي فل ميكأب(مكياج كامل) كأنج رايحة عرس ولطخي ويهج تلطخ وصوري نفسج..حركة صح

19-امسكي دفتر تلوين اطفال واقعدي لوني ...هههه

20-اذا زهقتي افتحي كبت هدومج وقعدي قيسي ملابسك بدلة ورا الثانية< يمكن يأذن الصبح ماخلصتي من كثرهم

21-روحي المطبخ سوي كيكة (هذا ويهي اذا احد اكلها)

22-سوي ايميل يديد وقعدي العبي على اللي تعرفينهم ..

23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية واقعدوا اكشخوا فيهم وتفلسفوا فيهم

24-اركبي السيارة وهي موقفة داخل البيت وكأنك تسوقين

25- طلعي ونزلي السلم عشرين مرة .. منها تتمشين ومنها تسوين ريجيم< ذبحتكم القعدة والفراغة

26-قعدي على الكومبيوتر وحوسيه مثل العادة

27-طلعي الحوش..وصيديلج حشرة لطيفة (زهيوي=صرصور مثلا ) وحطيها بعلبة وقعدي راقبيها..بس لا تخلونها وقت طويل عشان ماتتعذب <والله من العطف عندكم يالبنات

28-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)

29-طلعوا حوشكم ..ولعبي كرة..وكسري ليتات البيت

30-قولي للهندية سوي غدا قوزي وبعدين قوليلها ماتشتهين تاكلين..

الظاهر بعد هالنصايح راح تدعون لي

 

 

[AL-NAQEEB]

اي والله افكار تستاهل الواحد يجربها
يعطيكـِ العافيه
يااشكنــان

تقبلوا تحياتي/
AL-NAQEEB

 

 

[اللؤلؤه البراقه]

مشكوووووووووره ياأشكنان

بس حتى هذي الطرق ماتروح الملل........بالعكس تزيده

 

 

[سُندس }]

والله حقيقه احنا نعاني كثيرا
بس بدال ماتهونين علينا
تزيديناوالله ضحكتينا
المحبه لكم :الدانه

 

 

[حور العين]

السلام عليكم

قرأي القرأن وتأملي مابه
أقرأي جزء من كتاب ونقشي مافيه
صلي رحمك و استغفري لذنوبك
وسعى افاقك باجابه على سؤال
لا تعرفين اجابته و افرشى سجادتك
ودعى ربك
تحياتي
حور العين

 

 

[رونق الماس]

- امسكي التلفون وكلمي رفيجتج من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة
((( والله يعينك على طرقات ابوش )))



3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة
((( لــــــــــحد ما تصرين قرعه)))

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواش وكل شيء..
((( وسجلي صوت البوكسات الي راح تجيش)))

5-روحوا الجمعيه وامسكوا العربانة ودوروا فيها ودعموا بخلق الله وقولوا اووه آسفة مادريت
((( ويه مجنونه )))

تسلمين اشكنان مجرد قرأت الموضوع يروح الملل عالطول000