قصه روعه بين كويتي و سعودي

[أسير الاحزان]

كان فيه سعودي و كويتي زملاء يدرسون في بريطانيا وبعد انتهاء فترة الدراسه قرروا يرجعون لاهلهم فقال الكويتي للسعودي قبل ما تروح للسعوديه تعال معي للكويت و بعدها رح للسعوديه فوافق السعودي وهم في الطيارة رايحين للكويت دق اخو الكويتي من الكويت وقال لاخوه ان جدتي توفت

فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا لما وصلوا على الجنازة وقعد السعودي له مدة في الكويت اعجب بنت جيران الكويتي و قال لزميله اني ودي اتزوجها فرح الكويتي وقال انا مستعد اخطبها لك و فعلا خطبها له وخبر السعودي اهله وسوو الزواج ورجع السعودي لديرته وبعد مدة طويله كبرة تجارة السعودي وطلع تاجر وغني والكويتي خسر كل امواله وتجارته فقال مالي الا اروح لصديقي السعودي اكيد بيساعدني وفعلا راح للسعوديه وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا

و بعد مارجع البواب عطى الكويتي فضله عشى السعودي
تخيلوا
---------------

فضاق صدر الكويتي وقال هذا جزاء الصداقه المهم وهو راجع رجليه في الطريق لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ الكويتي انه هو اللي جاهم الاول واخذ المليون و تاجر بها في السعوديه وقبل ما يرجع للكويت لقى عجوز معاها بنت وقالت له
العجوز ابي اخلي البنت عندك واروح احج اذا مارجعت تزوجها وخلها عند ه لما طولت العجوز عقب الحج اتزوجها وسوا حفله الزواج بالكويت وفي اثناء الزواج وكان من ضمن المدعوين زميله السعودي
لما شافه الكويتي غضب وقال للحضور اطردوة هذا خاين العشرة والصداقه تخيلوا انه لما جا معي للكويت
وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضله عشاااااه
---------------
تدرون وش قال السعودي....؟؟؟؟

قال اسمعوا واحكموا علي ......انا يوم جاني الكويتي وهو محتاج ماحبيت اشوفه على حالته هذي عقب ماكان تجار وكبير اشوفه صغير ومحتاج واتفضل عليه بشي من عندي عشان كذا عطيته فضله عشاي

وبالنسبه للتاجرين اللي متراهنين على مليون هذولي اخواني انا مروحهم له عشان يفكون ضيقته

اما با النسبه للعجوز اللي معاها البنت فهاذي امي والبنت هذي طبعا اختي

وش رايك ما احضر زواج اختي؟

وتحياتي لكم



منقول ,,,

 

 

[نسيم الحب]

مشكور اخوي اسير الاحزان على القصة الجميلة

وننتظر المزيد من روائعك

ويعطيك الف الف عافية

 

 

[لحن الروح]

زين ما سوا السعودي اههه

مشكور اخوي الغالي أسير الاحزان والله يعطيك العافية ..


تحياتي لك
عــــــوني

 

 

[رستم]

القصة جميلة ..

و أستبعد أن تكون أحداث هذه القصة قد دارت بين كويتي وسعودي
إذ قبل ستة أشهر . قرأت هذه القصة في كتاب إسمه :
( أساطير شعبية ) في المجموعة الرابعة للأديب السعودي
عبدالكريم الجهيمان وكانت أحداثها قد دارت بين تاجر من مكة
وتاجر من مصر . ولم تكن الدولة السعودية آنذاك قد قامت

و على أية حال . سمة الإيثار سمة جميلة قليل من
هم يتمتعون بها . أرجو في المرات القادمة أن نحظى منك
واحدة من اجمل القصص الأدبية من نظمك الشخصي . لاتنسى
ذلك نحن في الإنتظار

تحياتي وفي أمان الله

 

 

[آه يازمن]

تسلم على هذه القصه المؤثره

كل واحد منكم يتخيل يصير له مثل هذا الموقف

 

 

[أسير الاحزان]

مشكورين اخواني على المرور الكريم
و ابشر اخوي رستم انشاء الله في المرات الجايه
نخلي فيها اشويت تشويق