|
|
|
21-01-2011, 05:26 AM
|
رقم المشاركة : 1 |
|
طرفاوي نشيط جداً
|
قبل لـآ تذآكرو آدخلوآ هنــإ للـأهميّـه , ,
كل خطوة تقربك لغايتك غامر في المشي إليها ولا تصاب بـ الشلل العقلي مادمت من السائرين على الحق في طريق . . . . . . . . . . . . . . . النجاح .. وتغنّى أثناء سيرك بــ: ومن يتهيب صعود الجبال يعش أبد الدهـر بين الحفـر الحفـر الحفـر السلام عليكم ورحمة الله وبركاته ويلكمو يآحلوين يامساء/صباح ، الإختبارات  ايش اخباركم ان شاء الله تكونوا جاهزين للأختبارات كتير مننا يبغى يحفز نفسو على المداكرة  وكلنا نبغى ناخد درجات كاملة وكلنا نبغى ننجح  اليوم حبيت اساعدكم على المداكرة  ان شاء الله تلقوا نتايجها سريعه بس لازم تتبعوا دي النقاط الي بقولها ليكم  يالله نبدأ مع بعض   تحديد مستوى المداكره [ يعني نقول بنداكر من الصفحة الأولى إلى 100] . بعد مانحدد المستوى الي نداكرو يجينا  نحدد هدفنا من المداكرة ، [متلاً هدفي : اخد درجه كامله ، ارفع راس اهلي ، الأجر والتواب ] وكيدا . بعد تحديد الاهداف  نكتب الأهداف، [فيه دراسه تقول انهم سووا دراسه على عدد من الناس الي يقولوا بنسوي بدون لايكتبوا وسارت نسبة انجازاتهم الي انجزوها 30% وسووها على ناس يكتبوا الي يبغوا يسوها وسارت نسبة الإنجاز 90% بالمية ] خلونا تكتبها بخط عريض كبييييير بورقه او بأي مكان اهم شي نشوفها كل شويا . بعد مانكتب اهدافنا  نتخيل تحقيق الآهداف ، [متلاً نقول : انا اختبرت وحليت كل شي واخدت الدرجه الكامله ] ، لأن الدماغ سبحان الله يستوعب اكثر الاشياء من التخيل ويحولها لواقع .  بعد مانتخيل  نبعد أي تفكير سلبي ، [لاتقول انا مااعرف انا مااقدر انا لو ايش مااراح افهم دي المسأله وانا وانا ]<~ كل هادي الاشيااء نشيلها من تفكيرنا ، مانبغى اي شي سلبي ، خلونا نقول احنا نقدر و احنا نعرف وراح نفهم ان شاء الله . بعدها  الثقه بالله ، [نقول: ربي معايا حتى لو ماحليت كل شي مكتوب وكل شي فيلو خير ليا اكييييييييييييد ] وثقوا ثقه تامه انو دام ربي معاكم بيسير ليكم كل خير . نصفي أذهاننا ، [يعني لاتفكر بأي شي وقت المداكره خلي راسك كلو مع المداكرة ، كل مافكرت شيل دا التفكير وركز ع المداكرة ] لأنك ادا ما فكرت بشي ، وركزت ترا بسرعه بتخلص وبسرعه تستوعب الي انتا تقرأو . بعدها  نفكر بالنتائج والثمار الي ناتجه من الي قاعدين نداكرو ، [ بأستفيد منو ؟ بينفعني ؟ بيعلمني الشعر متلا؟ بيعلمني المفردات ؟ ] فكر بكل الثمرات الي حاصله من مداكرتك للمادة . بعد مانفكر بالنتائج والثمار  نركز ، [ خل كل تركيزك يسار الكتاب يعني نضرك يسار ومكان الكتاب يسار ] لأن سبحان الله الجزء الأيسر في المخ أدق من الأيمن ، ( الأيسر يستوعب الجزئيات والأيمن يستوعب الكليّات ) . بعدها  التصوير ، [ يعني نقرأ الكتاب وكأننا قاعدين نصور الحروف في أذهاننا ] . بعد مانصور  النفس العميق ، [ دخل كميه من الأكسجين ، ويكون النفس بشفط بطنك ] لأن الدماغ سبحان الله يتقوى مع الأكسجين . بعدها  التكرار ، [ نكرر الكلام الي نقرأو 3 مرات ] . وبعد مانكرر  نربط ، [ يعني انك متلاً تربط بين دي الجمله والتانية ، متلا هادي تنتهي بحرف الراء والي بعدها تبدأ بحرف الراء وكيدا ، او متلا ترسم ، يعني زي ادكر مره عندنا حفض علماء كتير مره وحفضها يبغالو شويا ، المذهب كان الحنفيه ويندرج تحتو كم اسم جيت ورسمت حنفيه [صنبور  ] وكتبت اسامي الكتب حقتهم وكيدا وحفضضضتها بسرعه ، و دي الطريقه استخدموها كتير لأنها اسرع طريقة لحفظ الأسامي والأرقام . ]و بعد مانقضي مداكرة  التثبيت والمراجعة ، [ بعد المداكرة خد ليك فتره وارجع راجع المنهج ، لأن مايثبّت المداكره الا المراجعه ] . واهم نقطه  التوكل على الله ، [ لاتقول اني داكرت ولاححل وغيرها ، توكل على الله في كل كبيره وصغيره وانو ماراح يخدلك ولا راح يضيع تعبك واذا صار ليك شي فهو مقدّر ليك وخيرو اختارو ليك الله] .  الدعاء ، [صلي ليك ركعتين واختمها بوتر وادعي ربك فيها انه يثبت حفضك ويسهل عليك الأختبار وتحل كويس وادعي للمسلمين معاك ، عن أبي الدرداء رضي الله عنه أنه سمع رسول الله صلى الله عليه وسلم يقول: "ما من عبد مسلم يدعو لأخيه بظهر الغيب إلا قال الملك: ولك بمثل" أخرجه مسلم .]  الأستغفار ، [ كتر من الاستغفار وانتا بالطريق للأختبار وبكل وقت استغفر و ان شاء الله تلقاها مفتوحه بوجهك ] وأسألوا مجرب الاستغفار شي عجيب وربي عجيب عجيب ، عمري ماشفت زي مفعولو . , , , , , , انتهينا ان شاءالله تكونوا استفدتوا الله يوفقنا جميعاً يارب ناخد نسب ترفع الراس ويارب مانحمل ولا ماده () دعواتكم هناك شخص واحد في هذا العالم يمكن أن يضع حداً لطموحاتك ونموك في هذا العالم وهو : " أنت " * حياتك لا تتغير عندما يتغير مديرك أو يتغير أصدقاؤك أو زوجتك أو شركتك أو مكان عملك أو حالتك المادية ! * حياتك تتغير عندما تتغير أنت وتقف عند حدود وضعتها أنت لنفسك ! { و الله يوفقكم جمييعا تحيــــــــاتي \ وحيــــــــد بدنيتـــــــي
|
|
|
|
21-01-2011, 11:07 PM
|
رقم المشاركة : 2 |
|
طرفاوي نشيط
|
رد: قبل لـآ تذآكرو آدخلوآ هنــإ للـأهميّـه , ,
اللهم صلى على محمد وآل محمد وعجل فرجهم وأهلك أعدائهم وارحمنا بهم
|
|
|
|
|
21-01-2011, 11:26 PM
|
رقم المشاركة : 3 |
|
طرفاوي فائق النشاط
|
رد: قبل لـآ تذآكرو آدخلوآ هنــإ للـأهميّـه , ,
الله بوفقهم يارب
|
|
|
|
|
22-01-2011, 12:18 AM
|
رقم المشاركة : 4 |
|
مشرفة زوايا عامة
|
رد: قبل لـآ تذآكرو آدخلوآ هنــإ للـأهميّـه , ,
وعليكم السلام ورحمة الله
الله يوفق جميع الطلاب والطالبات ويسهل كل عسير عليهم
|
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
|
|
