عليك ياراعي العيون الظليله...

[غريب الدار]

الله من قلب تزايد غليله

بديت احس انه من الجوف منزوع

والنوم مازار العيون الكليله

نومي تنهات وعبرات ودموع

ماذقت حلو النوم لو كان ليله

صارلي علي ذا الحال شهرين واسبوع

باقي علي موتي ليالي قليله

وشلون اعيش وباقي القلب مقطوع

عليك ياراعي العيون الظليله

ياللي تركت القلب هايم ومفجوع

هايم ومفجوع وحبك دليله

يعصي هوائ وانت يمشي معك طوع

والله لو كلفته المستحيله

امرك مطاع وكل ماقلت مسموع

الزين مايقدر يجي كيف اجيله

مالي علي الغالي طريق ومشروع

والله وش الفايده والحصيله

مادام ممنوع وانا عنه ممنوع

قصه غرامي مع حبيبي طويله

ولا بسجل الحب يوجد لها نوع

اعيش ذكراها برووح عليله

روح بها حب المواليف مطبوع
تحياتي..