انتبهو منهم .............. الله ياخذهم

[safer al-shouq]

الله يستـرررر علينا يااارب


السلام عليكم إخواني وخواتي...

تكفووون اللي توصله رسالتي يمرررها على أكبر قدر ممكن وينزلها بالمواقع ويوحد الدعاء على اللي مايخافون ربهم ويتاجرووون بعرض الإنسان وشرفه ويحرق دم أهله عليه ..

ببدا لكم بالحادثه وهي صارت بالمنطقه اللي أنا ساكنه فيها ..)الطايف( وهو حدث في إحدى الأسواق التجاريه الكبيره عندنا..

طلعت بنت مع أمها للسوق والبنت في العشرينات من عمرها ومو من البنات اللي مو مستتره عشان نقول يستاهل مايجيها أو ملفته للنظر..

المهم كانوا بالدور الثاني ولقوا عند الكراسي حرمه كبيره بسنها لدرجه إنها كانت على عكاز ونادت البنت وأمها وقالت إنها تعبانه وماتقدر تنزل مع الدرج وماتعرف تستخدم الليفت (الأصنصير( وقالت لهم ياليت تفتحونه لي قامت الأم وقالت لبنتها أفتحيه لها ودخليها فيه راحت البنت وفتحته للعجوز_ الله يحرقها بها اليوم _ وقالت العجوز بس أنا ماأعرف لانزلت إني أفتحه .

قالت الأم خلاص بنتي تنزلك وتطلع لي.. قامت البنت ونزلت هالعجوز _الله ينتقم منها _

المهم الأم تنتظر بنتها ترجع ومارجعت إلى إن مر من الوقت ساعه وأكثر وراحت تدور عليها ومالقتها قامت الأم تصيح في السوووق وجو رجال الأمن اللي متواجدين على الأبواب وسألوها وش فيها قالت لهم بنتي نزلت مع عجوز كبيره بالسن بالليفت توصلها تقول إنها ماتعرف تستخدمه ومارجعت ..

قالوا لها حنا جتنا عجوز كبيره بسنها وفاتحه الليفت وتصيح تقول بنتي أغمى عليها وتعالوا ساعدوني الله يخليكم وصلوها معي السياره وشلناها وطلعناها ووقفت سياره عند الباب فيها اثنين شباب وساعدونا وراحوا..

الأم قامت تصيح وتقول هذي بنتي..

وجت الشرطه بس بعد مافات الأوان طلعت العجوز وحده ماتخاف ربي متجرده من الإنسانيه وماعندها ضمير وتتاجر بأعراض الناس والعياذ بالله كانت تصيد البنات وتجيبهم للشباب وهالبنت ضحيه بعد ماركبت معها الليفت رشت العجوز عليها حاجه خلتها تدوخ وتفقد الوعي ..

والله العالم بحال البنت ألحين وإلا وين أراضيها .. والأم الله يلطف بحالها بالعنايه المركزه..

تكفووون يابنات أنتبهوا وياأمهااات أحرصوا على بناتكم وعلى أنفسكم حتى المحلات إذا دخلتوها لاتدخلون لأخر المحل إلا إذا كان في المحل زباين كثير شفتوا كيف كان مخططهم من كان يتوقع هالعجوز إنها تتاجر بأعراض البنات جت المسكينه تكسب فيها خير مادرت إنها تكسب في نفسها الهلاك..

الله يرد البنت لأهلها ويشفي أمها ..

الله ياواحد ياقادر على كل شي إنك تكشف هالعصابه وتفضحهم وترجع هالمسكينه لأهلها وتنتقم على هالعجوز وتوقعها بشر أعمالها يارب إنك قادر على كل شي يارب من أراد بنا سوء أو بأحد من المسلمين إنك ترد كيده في نحره يارب تسلط عليهم من يكشف عنهم ويوقع بهم يارب إنك القادر على كل شي ياحافظ إحفظ لنا بناتنا وأبنائنا من كل شر..آآآآميـن يااااااااارب..

تكفووون أدعوا عليهم بكل وقت وأدعوا للمسكينه ولأهلها وحاولوا تنشرونها بالقروبات وبالمنتديات وتناقلوها عشان الناس تاخذ حذرها والبنات وأمهاتهم ينتبهون .......

 

 

[Khaleeji21]

نتمنى من الجميع الانتباه لهذي الامور

لا حول ولا قوة الا بالله وربي ينتقم منهم

 

 

[دانة بـ عين بحاري]

لا حول و لا قوة إلا بالله العلي العظيم
يارب يرد كيدهم في نحرهم ويرجع البنت لأهلها سالمة معافاه وتنشل ايديهم وارجلهم قبل ما يضروها
يسلموا ع الخبر المؤلم والتنبيه
تقبل مروري

 

 

[نورة عبدالله]

سمعت انا بالقصه بس مانقول الا الله يرجع البنت لا أمها سالمه غانمه با أذن الله أدعوا لها في صلاتكم لان يمكن بدعائكم الله يستجب وترجع البنت
وتسلم على التنبيه

 

 

[غلا روحي]

لا حول ولا قوة الا بالله العلي العظيم الله يرجع البنت لاهلها ويشفي امها

 

 

[طرفاوي أصيل]

الله ياخذهم ويخلص العباد من شرهم...انا لله وانا اليه راجعون...على الكل الحذر من هالحيوانات

والله ويكفينا شرهم بحق اهل البيت سلام الله عليهم....

تقبلوا مروري..طرفاوي أصيل