بسم الله الرحمن الرحيم اللهم صل على محمد وآل محمد وعجل فرجهم السلام عليكم ورحمة الله وبركاته .. .:. درسين سهلين حييييييييييييل .. ما بياخذون منكم وقت بنووب .. والنتيجة ان شاء الله تستفيدون منها في أعمالكم وتصاميمكم القادمة .~ ،’ تصميم بسيط .. طبقت فيه المنحنى ومد الألف .. طبعًا الشرح راح يختلف شوي عن التصميم هذا .. لأني سويته .. ولا حفظته عمل مفتوح .. فاضطريت اسوي الشرح من جديد على عمل جديد .. فبتلاقون اختلاف بسيط .~ ‘’ [ 1 ] طريقة عمل المنحنى : 1/ أول حاجة لعمل المنحنى .. لير جديد : 2/ بعدها نختار المستطيل المقوس الحواف >> لا تدققون ما اعرف وش يسمونه ونرسم شكل بهذي الطريقة ( الخط الأبيض اللي بالنص ) : 3 / على نفس لير الشكل .. نضغط Filter ~> Distort ~> Wave بتطلع لنا ذي النافذة : نلعب في الأسهم .. إلى ما تعجبنا النتيجة .. كل قيمة بترسم منحنى غير .. وكل عمل نبي نسوي فيه منحنى يختلف احتياجنا له .. وبذلك يختلف شكل المنحنى .. >>> مداكم تفهمون علي .. صح ؟ المهم .. بعد ما حركنا الأسهم .. صار المنحنى هيك .~ انتهينا من رسم المنحنى .. نستطيع استخدامه في أكثر من شي .. مثلا : - كشكل تحت الهيدر في شرح درس .. أو في خلفية موضوع .. - كَ فاصل للموضوع ، نحط فوقه صورة وإضافات ونعدل إلى ان يصير فاصل يخبل - استخدامه في التواقيع .. مثل التصميم اللي شفتوه ببداية الموضوع . واللي حاب يطبق .. له الخيار في اختيار اي استخدام من ذولي والتطبيق عليه .~ :: [ 2 ] طريقة مـد الألف أو اللام .. أو الكاف ( أو أي شي ) : 1/ أول حاجة نكتب الكلمة اللي نبي نمد الألف أو اللام أو الكاف فيها .. 2/ نضغط على Layer ~> Rasterize ~> layer 3/ نضغط على أداة التحديد : 4/ نحدد جزء من الحرف اللي نبي نمده بهذا الشكل : 5/ نضغط على Ctrl + T واللي ما تضبط معهم .. يضغطون معهم على Alt ، تصير بهذا الشكل : 6/ نحط الماوس على المربع العلوي من مربعات التحديد ونسحبه إلى فوق بالحد اللي نبيه ، كذا: 7/ نضغط انتر .. ولإزالة التحديد Ctrl + D .. النتيجة : :: في الأخير : هدية إضافية .~ [ 3 ] شلون نسوي الإطار اللي سويته في التصميم الأول .. إضافة إلى طريقة ( صمت المشاعر1 ) في موضوعه عن الإطار .. هذي تشبهها بس يمكن تكون أكثر دقة .. لكن عيبها لازم تجمع الليرات كلها بعد ما تخلص التصميم عشان يصير صورة وحدة وتسوي عليها الإطار .. نجي للطريقة : بعد ما فتحنا الصورة اللي بنسوي لها إطار .. أو التصميم نضغط على Edit ~> stroke بتطلع لنا هذي النافذة : نحط السمك اللي نبيه .. والغالب يستخدم 3 .. نختار اللون المناسب للتصميم او الصورة .. ونخليه داخلي .. والشفافية اللي تبونها .. والنتيجة : ،’ فيه طريقة ثانية للإطار البسيط .. بس مو مثل إطار صمت المشاعر ولا مثل الطريقة اللي فوق يكون إطار شفاف لا فيها اختلاف .. لكنها حلوة .. نقدر نخلي الإطار لون أو باترون أو تدرج .. شلون ؟ بعد ما نفتح التصميم او الصورة .. نختار : وبعدها : وبعدين بتطلع ذي النافذة : من Fill Type نقدر نختار اذا الاطار لون أو باترون أو تدرج .~ النتيجة بالإعدادات اللي في الصورة : >> اللون اللي اخترته ما جا واضح مع التصميم .. السموحة ،’ هذا وصلى الله على محمد وآل بيته الطيبين الطـاهرين >> قبل ما أنسى .. صمت لا هنت إذا طبقت وخلصت ، أعد الشرح بالعربي لتعم الفائدة أكثر أسألكم الدعــاء .~ : .