[الساهرة]

المشكله هذي لها جانبين ..

اولا اذا كان المقترض قريب ومن الأهل او من الاصدقاء المقربين جدا

اذا كان معروف عن هذا الشخص انه وضعه المادي جيد وانه مجرب في هذه الامور ويسدد بوقته فلا يوجد مشكله ان تكون سبب في فك هذي الازمه

لكن المشكله لو انه اخذ المبلغ وبعدها ماشفته المشكله كذا انك بتخسر فلوسك وبتخسر شخص مقرب لك

مره من المرات اقرب صديقه لي طلبت مني مبلغ 6000 ريال عشان اجار شقتهم 6 شهور على اساس بتسدد كل شهر الف انا طبعا كنت مستعده ولم اتردد ان اعطيها المبلغ

لكن قلت لها تعالي بكره واعطيش المبلغ

لما قلت لزوجي يسحبهم قالي احتمال ما ترجعهم بسرعه او تماطل لان زوجها ع قد حاله قلت له مو مشكله تسددهم براحتها قالي طيب بس ترا بتخسري حتى صاحبتك انا استغربت قلت له بالعكس انا ساعدتها بشي مهم وضروري مو لعب المهم قالي عطيها نص المبلغ نصيحه مني وشوفي..

فعلا سحبت 3 الاف وعطيتها ,,

اول شهر جابت اول الف

وبعدها مر شهر وشهرين وثلاثه صارت ما تتصل ولا حتى ترد على اتصالاتي لانها مستحيه بالرغم اني كنت ما اتصل عشان الفلوس بس لانها صديقتي واشتاق لكنها كانت خجلانه مني . للاسف خسرتها سددت المبلغ بعد سنه لكن العلاقه صار فيها بعد وفتور ورسميات ..


عشان كذا اذا بغيت علاقتك تستمر بشخص ابعد الماديات الا اذا كنت بتعطيه المبلغ عطيه ..

بس عندي سؤال

هل الكذب في هذي الامور جائز؟؟

يعني اذا انا عندي المبلغ وكذبت قلت انه ما عندي يجوز ولا ما يجوز؟؟