لما اشوف شايب في بار كيف ما اخاف
لما اشوف اطفال تغتصب كيف ما اخاف
لما اشوف عيال يبيعو اهلهم كيف ما اخاف
لما اشوف امتنا الاضعف كيف ما اخاف
لما اشوف اهلي يموتوا في كل مكان وانا مابيدي غير اني ادعيلهم كيف ما اخاف
لما اشوف شذوذ وانفتاح كيف ما اخاف
لما اشوف مطوع يكذب كيف تبغاني ما اخاف
لما البنت تفقد الحياء باللهي كيف ما اخاف
عايش موهوم ومقنع نفسي ب اني خايف
نظرات الشر نظرات الكره نظرات الاستعباد في عيون العالم صرت شايف
تبي تسألني ليش ؟ بقولك مدري ! يمكن مسحور
يمكن مجنون يمكن مختل وماسك هذا الدور
صارت احلى لحظات حياتي وانا لحالي
جالس بين اربع جدران ومافي اي شي في بالي
تاكي في بيتي همــــــومي صارت حياتي
شاشة وفلم وفي السقف لمبة حمرا
آتي لماضي فاتي ايام دراستي
كنت الاول والمثالي كانت حياتي قمرة
وش اللي غيّر كل شي تغير
ماني لحالي .. كل من حولي ضاع
من عنده واسطة هو اللي عايش في متاع
في الزاوية جالس
اشوف الناس تتطور اللي ناجح في وظيفة واللي باني له مراكز
اما انا بائس
ثوبي زهقني حتى عن سعر الثوب الجاهز صرت عاجز
ومقنع نفسي بأني باقي قادر بأني ابارز
وببقى خايف للناس عايف
اخاف من طعنة ظهر تجي من اقرب قرايب
ادفع ضرايب
لأفعال غيري وانا راضي على اساس انهم حبايب
تضرب مصايب
في راسي يختفي كل اللي حولي عن الوعي غايب
ما ودي اصحى من نومي الا في قبري راسي شايب
وش ابي فيكم ... وش ابي فيكم ؟؟
طمع وغل ماليكم
حسد وكره فيكم
الخطا غطا عليهم تاليها عليهم قضى
على كل شي فيهم حلو ما بقا لنا غير الاذى
ما طلبنا غير الرضى
افعالنا تغلبها الطيبة
افعالكم كلها غريبة
انذلينا في وظيفة والأجانب لعبوا فينا
كرامة تخنق , تجبرك ما تتطور
تبي تتطور روح اسأل باقي الخليقة واطلب
تبي الكرامة عيش عمرك كله في ضيقة واسكت
الا من رزق ربك غير الله ابد لا تطلب
زمان يحكم ع الطيب بالمغفل
وش منه انته تتأمل
غير ان تكمل
تشيل ع كتوفك وتتحمل
اطفال يدخنون سموم
الفشل بالكوم
طغى الفساد وانت السبب يا صاحب الانفتاح ب يجيلك يوم
وش تبي تقول ؟
ان احنا عالم ثالث وانتا الذيب اللي بترفعنا
خلونا في حالنا الله يخليكم كافي منكم ما وصلنا
كثير اشياء خسرنا وش نخسر لو اتكلمنا
ربي يعوضنا
لو على اللقمة ربي يرزقنا
لو على الكلمة ما غير الحق نطقنا
تحيــــــــــاتي \ وحيــــــد بدنيتــــــــي