ليش انا احبك واطيعك ,,, من تكون ,,,
من تكون انت تعذبني واسامح
من تكون انت تخاصمني واصالح
انت واحد بين الاف العيون
ليش انا احبك واطيعك من تكون ,,,
من تكون انت اتحكّم في مصيري
وليش اغيّر لاجل عينك خط سيري
اخضع لامرك عجب وانت اسيري
تاركني بين اوهام وظنون
كيف تغلبني حبيبي رغم ضعفك
وكيف اتحمل اسى هجرك وظلمك
ياللي تتجاهل انني رغم علمك
غاليٍ عندي وعلى قلبك مااهون
انت قلبك ما عرف طعم الهوى
وما هوى ولا حب يوم ولا انكوى
هي حياتي عندك وموتي سوى
تاركني بين هجرك والظنون
لو تصّبرني بوعدٍ تخلفه
لو بكذب دمع عينك تذرفه
انت يالغالي بحالي تعرفه
يا فتون في فتون في فتون
من يحس بلوعتي اوْ جدي و دموعي
يدري حجم النار الي تسكن في ضلوعي
رغم هذا لك انا ما اعلن خضوعي
صامدٍ في وجه رمشك والعيون ,,,
محمد بن راشد آل مكتوم ,,,