حواء يآملكة الرومانسيه يامن تُدخلين البهجه على حياة آدم فكنتِ الام الحانية والاخت العطوفة و الزوجة المطيعة والابنه الصالحه .. وجودك في عالم آدم ضروري فأنت نصفه الثاني .. !! حواء في هذه السطور سنتعرف على عآلمك الخاص الذي لايخلو من الرومانسية ممزوجة بالشقاوة ومحلاه ببعض من المصاعب فلا طعم للحيآة بلا مصاعب .. وسنبدأ بأول مرحلة .. السلام عليكم ورحمة الله وبركاته 1/ مكان الميلاد أين كان؟ مستشفى ارامكو السعودية -الظهران 2/حياة الطفوله من كان المؤثر الأول بها؟ البيت - والمدرسة 3/موقف من الطفولة مازال عالق في ذهنكـ؟ مواقف كثيرة أذكر موقف اني لما طلعت من المدرسة كنت بثاني ابتدائي اصرت علي صديقتي اروح معاها بيتهم وانا اقول لها لا لازم اشاور امي وهي تقول بس اشوي شوفي ألعابي المهم رحت معاها وقلت حق اختي قولي حق امي اني حت مع فلانه المهم بعد ماستانسنا ولعبنا قرب المغرب رجعت البيت لقيت امي واقفه بوجهي وبيدها عصاة المخمه وطق من يومها تأدبت والمضحك الاكثر ان اختي يوم ثاني راحت مع نفس البنت ونفس قصتي صارت بالضبط 4/هل كان يوجد معاملة مختلفة لاخوانك الذكورعن البنات؟ لا .. لايوجد الجزاء والعقاب واحد على الكل 5/اليوم الدراسي الأول هل تتذكرين حالكـ فيه؟ اذكر اني ماسكه ايد اختي الي اصغر مني (لان الاهل دخلونا بسنه وحده بحكم مافي فرق إلا سنه) المهم انا ماسكتها عشان ماتخاف او تصيح او تضيع مسويه فيها البطل الشجاع إلا اني انا الي كنت خايفة وفيني الصيحه 6/عبث الطفولة كيف تصفينه في بضع كلمات؟ مشاغبه على خجل على هدوء على لعب بالاعصاب على ضحك خخخخ مزيج من اشياء كثيرة 7/صديقـــات الطفوله هل مازلن على تواصل؟ للأسف لا 1/أول مرة تضعين ميك اب في اي سن ؟ ماذكر اممممممممممم اذكر اني اختي الكبيرة حطت لنا ميك أب تبغي تتعلم علينا انا واختي كنا تقريبا في ثالث اابتدائي وفعلا الحين صارت فنانه خبيرة افضل وحده تحط ميك اب 2/هل حآولتي أن تقودي سيارهـ ؟ نعم 3/مرحلة المراهقة كيف كان تعامل الأهل فيها؟ الحمدلله مراهقتي كانت من النوع السلمي الهادي حتى الاهل كانوا يعتمدون علي في اشياء كثيرة 4/غالباً ما يكون الحب الأول في مرحلة المراهقه فكيف تصفينه إن وجـــد؟ لايوجد حب أول ولاثاني 5/إلى ماذا كنت تطمحين وهل وصلتِ لطموحكـ؟ كنت اطمح اصير معلمة والحمدلله وصلت لطموحي بس باقي الوظيفة 6/عنفوان المراهقه مالذي تبقى منه اليوم في ذاكـرتكـِ؟ الرومانسية الزيادة 1/كيف هي نظرتكـ للحياة اليوم؟ مسؤوليه وتحمل - مشاكل وحلول - تضحيه وصبر - عقبات وتجاوزات - فشل ونجاح - هزيمه وانتصارات - انتظار الفرج 2/كيف هي حياتكـ بعد الزواج وتحقيق حلم الأمومه؟ اخلي الجواب لبعد الزواج 3/هل وجدت حلاوة المسؤولية ما بين واجباتكـ العملية والعائليه؟ نفس الشي الجواب مؤجل لبعدين 4/هل ستربين أبنائكـ بنفس أسلوب تربية والديكـ لكـ؟ نعم .. ولكن مع اسلوب التربية الحديثة 5/ماأكثر مايشغلكـ تفكيركـ في ظل مرحلة النضج؟ الوصول لقمة الكمال العقلي والايماني والاخلاقي والفقهي والعقائدي والمنطقي وكيفية الخروج من هذه الدنيا بأحسن صورة بإذن الله 1/الرجلـ ماذا يعني وجوده في حياتكـ اليوم؟ على مقلولة المصريين ظل راجل ولا ظل حيط 2/من هي الشخصية الرجالية التي تعجبكـ؟ اميري وامير المؤمنين الامام علي بن ابي طالب (عليه السلام) 3/من هي المرأهـ التي تــودين أن تكون قدوة لكل نساء الأرض؟ طبعا امي فاطمة الزهراء (عليها السلام) 4/بعد الأخلاق الحسنة ما أكثر ما يلفت انتباهكـ في الرجل شكلاً؟ الوسامة 5/مارأيكـ بالرجل الذي اهتمامته كمتابعة الموضه والازياء؟ لاااااااااا ويع مو حلو 6/خانكـ آدم فأصبحتِ مابين المنصدم والمنتقم كيف ستكون ردة فعلكـ؟ اممممممممممممممم مادري بس بوكل امره لله وبقول الله يسامحه 7/بيت شعر تهديه لآدم؟ إذا المراجل لبسة شماغ وعقال *********************** قل للعذارى يلبسنّ العمايم ما عاد يفرق زول حرمه ورجال **********************دام الفعايل تشبه البعض دايم المرجله ما هيب كلمه وتنقال ********************* وتروح ما راحت هبوب النسايم وإلا خشونة صوتٍ أو رفع الأثقال ****************** أو رزة صدور ٍ وفعل الزلايم ولا هي بعد مفتاح موتر وجوال ************************ وإلا ردا السان ٍ حديثه شتايم المرجله شيمه عن القيل والقال ****************** رفيع نفس ٍ حر بالجو حايم المرجله عقلٍ وِزن وزنه جبال ****************** ودون العقل وش فرقنا والبهايم يا مسندي لو مايل الوقت بي مال ********************* يا وِلد ابويه يا عظيم العزايم يا معرّب الجدين امن العم والخال ******************** يا نخوة المفزوع وقت الهزايم المرجله يا خويه هي طولة البال ****************** هيّ العزم هيّ الصبر فالظلايم فيها الكرم عزه و دله وفنجال ********************* فيها الكرامه عن ردا الطبع شايم ومن لا يعرف الرب في طيـّـب الحال ********************* لابد وقت الضيق بالهمّ هايم حتى صلاتك مع جماعات ورجال **********************في خيرها يا خوي نعم الغنايم و اليا انتصفت الليل يا طيب الفال ********************* يا عظمه اجرك وانت ساجد وقايم ولامنـّـها للرب رِفعنّ الاعمال *********************** حسن الذكر لا قالو فلان صايم واحذر تبيع النفس في درب الانـذال ********************** وتتبع خوي إبليس راع النمايم النفس خيلِ لك إذا كنت خيّال ************************ ومن لا قوى نفسه قوته الهزايم 8/كلمة توجهينها لآدم سواء كان الأب او الزوج أوالاخ ؟ اتمنى من ادم ان يتقدي بالرسول والامام علي عليهما السلام في كل شي بهذه الحياة مشكووووووووووورة جدتي شوشي على هالورطه يعني وحده بوحده