[حواوه]

بسم الله الرحمن الرحيم

السلام عليكم ورحمه الله وبركآته

مرحبآآآ للجميع ، شلونكم ؟ ان شاء الله تكونون بأحسن حآل

وعليكم السلام
بخير الله يصلحلش نيتش وذوقتش

بصراحه مو عارفه كيف أبدآ الموضوع بس هو بإختصار اني قليله خبره في الشوبنق وخصوصاً شوبنق العرايس
فـ إشتريت كل شي احس اني احتآجه في حياتي وفي شهر العسل بس ابي منكم تعطوني رايكم بإختياراتي
وبرضه ابغاكم تعلموني ايش الاشياء الي نسيت اجيبها ، لانو مابقى وقت باليالله يمديني اجيب النواقص
واصلا فلوسي خلّـصن فيارب ما تكون الاشياء مكلفه يا اخوات لاني توي متسلفه من امي خمسين

لاأملك سوى كلمة يآآآآي باللهجه المنفوحيه

ويا ريت عند النقل ذكر المصدر بللللليز
(شبكه العِـيـلّا للفاشن والموضه)

المهم

قصدك الله يعينا على الهم الحين

نجي للملابس الرئيسية واولهم الي هو فستان الزواج
وبصراحه مره مرررره مليت من اللوك بالفستان الأبيض وخصوصاً ان زواجي راح يكون عائلي لاني قلت لكم خلص المهر
وبرضه حبيبي ابو نجر بيكون لابس ابيض فـ ماحبيت نكون مطقمين تقل زمزميات ، حبيت اتميّز
فـ انا حبيت اغير وجبت فستآآن اخضر فآآآتح
ومره شيك من عند مصمم هندي بس مبدع وحبيت اضيف له بعض الافكار وكذا <<اخاف خيآط حارتكم وملتبس عليك !!

زي منتم شايفين إضافتي كآنت بـ البيلت _الحزام_ البينك مررره اعطاه شكل غريب ومُلفت
كل الي شافوه انهبلووو عليه وسألوني من وين على بالهم من فرنسا <=فرنسا يختي مره وحده ههههههههه

مير لو انتس قايله بديعه مول كان تنزرط

طبعا زي منتم شايفين على قولة مدام نجر هيدا طقم جديد لقهوجيات قاعة نياره
مير ازدو يوم غيرو حزامهم الفضي لفوشي ذوووق والله

~

فستان السهره الثاني هو الي نويت ان شاء الله اني ألبسه ثاني يوم من الزواج عند اهل زوجي
وحبيت يكون سآآتر وبنفس الوقت يكون انيق وطقّمت معه شنطه سلفر_فضيّه_ مره راقيه
وراح البس شوز اصفر عشان اكسر حده الالوان الغامقه

شاااااااايفته عند البساطه سعديه المصريه في بطحى سنتر والله العظيم تلاته ماحلفش

~
الحين نجي لفستان سهره ثاني
احس اني طقمته بإحترافيه
بليز بنات اذكرو الله

تكفييين لاتقولين فستان تخربين سمعت الفساتين

لونه اورنج وما حبيت يكون عااري ويطلع يديني فـ جبت له بلوزه بكم طويل بنفسجيه بس طالعه جناااااان
خصوصا مع العقد البني وتركواز ، وحبيت اضيف لها شي سبور عشان يكسر الشكل الكلاسيكي
فـ وقع اختياري على شنطه نادي ارسنال الانجليزي وفعلاً طلعت جداً مناسبه ورائعه مع اللبس

يختي مير مادريت عن شنطتش اول ماشتفها حسبتها كيسة بطاطس تسالي حار

~
الفستان الاخير من فساتين السهره
مره مررررره رااااااقي وما اتوقع تلقون مثله لانه قطعه وحده بس وانا الي لقطتها
بس القهر ما انتبهت ان الفستان قصير وراح يبين مفاتني قدام زوجي وبعد خفت يطلقني ويقول اني مارجه وكذا
عشان كذا خطرت على بالي اني البس تحت الفستان جينز راااايق وحزام ابيض غرييب وحلوو وطلع فعلاً مناسب وانييق

~
نجي الحين للسبورات وملابس الطلعآت
وبصراحه مخمخت عليهم بقووووه واخذو من وقتي ومجهودي وميزانيتي الكثيييير
طبعاً اول شي هذي البدله التوب من مصمم مصري مبدع
والبنطلون اشتريته من السوق العادي وحبيت اعطيه لمسه خاااصه بوجود الخط الاصفر عشان احس بتميز وغرابه
وحبيت اضيف شنطه بيج مره رووووعه اخذتها من دولاب مآمي كانت شاريتها من الكويت قبل تتزوج ايام الجمس

بلوزه من عهد هارون الرشيدي

نعتذر على الخلل الفني سروال ابو نجر داخل بالطول

~
القطعه الثانية طبعاً مراح تتكرر ابد
كلاسيك على فنكي مره مره
إعتمدت فيها على خطّ السته أقصد على خطّ المصممين الفرنسيين
وخصوصاً الجآكيت لاني تعبت ادور نفس الموديل هاذا والي عرفته بعدين ان اسمه موديل نآمق
وحطيت على الرقبه إيشارب صوووف بيج علشان يقصّر عنقي لانهم يسموني ام عنق ما شا ءالله عليّ
وطبعاً الشورت معروف جداً موديل سمير غانم_عبدالسّميع اللمّيع_ والحمدلله كآن التطقيم موفق جداً