فعلاً موضوع مهم جداّ ومشكوره لهذه الاألتفاته الرائعه منك غاليتي
انا لا اوئيد جلوس الرجل الطويل على الانترنت سواء بداعي الأشراف او اي شي ثاني
لأنه راح يهمل بيته وزوجته واولاده
انا عن تجربتي الخاصه اول مابدأ زوجي الجلوس على النت تعلق فيه بشكل موطبيعي
كنت اجلس معه واشاركه بس صار هالشي يمللني قل الحديث بينا وقلت جلستنا مع بعض صار اذا يكلمني رؤس اقلام ويرد على سؤالي وعينه في الجهاز يعني معي ومو معي
وهذا الشي تعبني كثير بس تصرفت بذكاء بحيث اني انبهه وماازعله اوازعجه بنفس الوقت
صرت من اشوفه جالس على الجهاز على طول اغير المكان اللي هو فيه واطلع بره وصرت مااتكلم معه كثير خصوصاً وهو جالس على النت
مع الأيام فقد وجودي وتواجدي حوله والحمدلله صار اذا طلعت من المكان يطفي الجهاز ويبحث عني ويجلس معي
هو فهمها وصار يخصص اوقات لنت وباقي وقته لي فديته
يعني الوحده المفروض ماتخلي فرصه لنت ياخذ مكانها ويصير هو المتصدر والمتربع على عرش وقت زوجها
لازم تتصرفين وتغيرين هالعاده فيه طرق كثيره بس اهم شي بدون زعل اومشاكل حليها صح تربحي في النهايه
طبعاً الحل موكذا بس الرجال بعد لازم ينتبه لنفسه ولا يخلي شي مثل النت يخرب بيته وسعادته اجلس بحدود واعط كل ذي حق حقه
اسفه على الأطاله
غاليتي انين دائما أختياراتك في الطرح رائعه دمتي غاليتي
فراشه فوشيه