[إشراقة أمل]

قصـر سلمان ..


بالدور الارضي ناصر يحووووووس .. ياما راح وياما رجع .. لابس شورت ابيض

على بلوزه علاق سودا ..


وده يروح للمستشفى بس كيف ؟ ماله وجه يروح .. كافي اللي سواه وش
بيصير اكثر من كذا ؟


امانـه لارحلـت ودّع قلبـي شــويّ .. شــويّ
تراني منكسـر مـن ((سيـرة الفرقـا)) وطاريهـا

تراني من هذاك اليـوم .. لاميـت .. ولانـي حـيّ
ولا ادري عن جميـع النـاس .. قاصيهـا ودانيهـا

امانه .. وش معي ؟؟ والا وش اللي من غيابك ليّ ؟؟
ياكود ((الوّنه)) اللـي ماتعـدّت .. صـدر راعيهـا


ناصل : (لا حول ولاقوة الا بالله نوف بالمشفى وانا جالس هنا .. والله قلبي ما

يطاوعني اقهرها اكثر ما ابغاها تشوف وجهي .. بس انا ابغى اشوفها ..

قهر الكل راح وانا هنا -- وش اسوي يا رب )


دق جواله

ناصر بصوت متنرفز : ألو ؟

سامي بصوته العذب المميز : السلام عليكم

ناصر : وعليكم السلام ؟ من معي ؟

سامي : ما عرفتني يا النظيف ؟

ناصر : ههههههههه هلا بالدستوووووووووور كيفك ؟؟؟

سامي : ههههههههههه بشرنا عنك ؟؟؟

ناصر : أبد كل شي تمام . عاش من سمع صوتك ؟

سامي : عاشت ايامك .. وراك ما تدق تسئل عن خويك والا خلاص قطعنا عنك لازم تقطع انت ووجهك

ناصر : ياخوي والله انشغلت .. بعدين انت فجأه سافرت مصر .. ورايح تدرس ..
والله ما حبينا نزعجك ..


سامي باستغراب : الله الله ؟؟؟ اتصال تتطمن فيه علي بيزعجني ؟ والله اللي
مثلك لا دق انه يشرح الصدر ..

ناصر : والله انك على البال يا سامي .. شخبار دراستك ؟
سامي : ابشرك تخرجنا .. ولله الحمد .. انت وش سويت بدراستك .. خابرك دافووور

ناصر : الله يسلمك اجتزت المرحله بنجاح بمساعدة زميلتي البرشامه

سامي : افا .. ليه عاد .. ترضى تاخذ شهادتك بالغش اعوذ بالله

ناصر : تكلم العلامه .. والله ياسامي كنت ادرس عادي .. بس قهر انا ادرس
وغيري يبرشم .. لو تفكر فيها ترا عادي الحياه حلوه


سامي : هههههههه والله انك دجه .. _( سامي متردد )شخبار أهلك ؟ اللي طلع فيهم زايده ؟؟؟


ناصر بصدمه : ها ؟

سامي متوقع ردة الفعل : كنت بالمستشفى ذاك اليوم وكانت اختك اعتقد مره
تعبانه وكان معها فارس وسلمت عليه معقوله ما وصلك سلامي ؟


ناصر فهم : لا الحمد لله بخير ،، بعدين فارس ما عليه شرهه تقول من هنا يجيك
من هناك .. طيب ليه عسى ماشر كنت هناك ؟


سامي : والله ياخوك رجلي دخل فيه صيخ وحنا نلعب كوره .. واتلفت اعصاب
الرجل كلها وقاعد هاللحين اسويلها مساج وشكلي بسافر التشيك .


ناصر الله يلعنك يا فارس : اعذرني يا سامي والله تو ما دريت منك .. أدري والله اننا مقصرين .


سامي : مسموح يالغالي .. وما بينا هالسوالف .. بس خلنا نشوفك ترانا

فاقدينك حتى بالمخيم



ناصر : هههههههههههه ايام يالمخيم .. أخبرك ما تحبه .. وش اللي تغير ؟


سامي : ههههههههه غصبن علي احبه مو طيب مني .. هذا لأنه طال عمرك

وظيفتي ما تترك لي متنفس .. عشان كذا أدور اليوم اللي افضى فيهم

واشحذهم شحذه يتجمعون هناك ..



ناصر : الله يعين .. بكره عشاك عندي ..


سامي : يابن الحلال والله ما يستاهل الموضوع .. خلنا بس نشوفك بالمخيم


ناصر : قل تم يا بن الحلال والمخيم لاحقين عليه


سامي : أبشر تم يالنظيف

ناصر : أبك لا تقول يالنظيف تحسسني انك مبطي عن التروش

سامي : ههههههههههههه بعد لا تلومني فيه احد يتروش باليوم 5 مرات ؟
والله من زود النظافه


ناصر : هههههههههههه قول لا اله الا الله .. أجل زيك كل يوم مره

سامي : لا هذا اول .. ألحين ما اتروش الا بالمناسبات وبالاعياد ..

ناصر : هههههههههههه تبعد العين عنك ها ؟

سامي : الله يذكر ذيك الايام بالخيـر .. تامر بشي يالغالي

ناصر : أبد سلامتك .. وسلم على الربع

سامي : يوصل .. فمآن الله

ناصر : فمآن الكريم ..

:
:
:










شقة أبو تركــي ..

الجوهره صحت على مسج من نجود .. تعلمها ان نوف في المستشفى ..


الجوهره واقفه ببجامتها : يمه .. ؟

ام تركي تزين الفطور : هلا

ساره : الناس تقول صباح الخــيـر شي ..

الجوهره : نوف بالمستشفى ..

ام تركي + ساره بصدمه : أعوذ بالله ليه عسى ما شر ؟؟

الجوهره : والله مدري تو قالت لي نجيد الله يجزاها خيـر .. أبغى اقول لأبوي

يوديني هناك بس ماراح اقوله انها بنت خالي


ام تركي وكنها تحسد بنتها على غباءها : وابوك ماهو مصادف أبوي و اخواني
هناك ؟؟؟


ساره : وراك ما تفكري كويس انتي ؟

الجوهره بطفش : يووووووووووو وش اسوي يعني ؟

ام تركي بعصبيه : لا تسوين شي .. اجلسي فبيتك وادعيلها .. لا يكون بس
تبغيني اوديك لها ؟؟؟ هذا اللي ناقصني ..

الجوهره : ما قلت وديني .. أقول لعزوز ؟؟؟

ساره : ايه عاد لقيتي فاعل الخيـر .. اسكتي لا يدخلك بالسرير اللي بجنبها .. ترا نفسه بخشمه

الجوهره : والله بقوله ومالي دخل .. عيب ما ازورها والله عيب ..


:
:
:
:


في المستشفى ..
الساعة 11 الصباح ..

نوف نايمة على السرير بس مو حاسه باللي حولها .. بس تناظر بنجيد اللي
بجنبها وتمسح على شعرها ..


عظامها توجعها .. وحيلها مهدود مره .. كنه احد مفكك جسمها بس نسى
يركبه كويس ..


على الساعه 12 دخل ابو خالد وباس نوف وجلس يكلمها بس هي ما ترد من
التعب بس تبتسم له بصعوبه

قرب نايف وسلم على نوف : ما تشوفين شر يالغاليـه ..


نجود فقلبها (وراك متسبح بالعطر .. أحس كله دخل فخشمي .. بس يا زين
ريحتك يا نويف .. أدري انك بتجي قبل أشوفك ) : جلست تكح بقوه


نايف : حلو حلو

نجود تشرب مويا : .......

جلس ابو خالد بجنب الجد سامي .. والكل كان يناظر بسلمى وهي تسولف
وكالعاده تسولف عن ايام أول وكيف تعبوا .. وان الحريم الحين براحه


سالم واقف بعيد مع فارس وخالد .. يقول فقلبه : (غريبه وين ناصر !!! العاده
موجود )


نوف ودها تبكي فيها ضيقة ماهي طبيعية .. ليه يا ناصر تسوي فيني كذا .. ليه
؟ هدمت كل حاجه حلوه بينا .. وجرحت قلب عمره ما فكر يجرحك ..

انا وين وليه انا كذا ووش صار ... كلها اسئله انت جوابها وانت سببها ..

والا انا ويني وين الحزن ..


انسيه يانوف ولا عاد تطرينه خلاص .. ابعد عن تفكيري .. وابعد عن حياتي كلها





وآلريح تصصصصـرخ ..................... { بسسسس
..................... { بسسسس
..................... { بسسسس


لآعآد تطرينه
لآعآد تطرينه لآعآد تطرينه
لآعآد تطرينه لآعآد تطرينه لآعآد تطرينه


/


الجوهره تناظر بأخوها من بعيد ..

عزوز منسدح ويناظر بالتلفزيون ..

الجوهره سحبت صينية الفطور وجلست بجنبه : هاي زووووو

عزوز تعدل : لا تقولين زووو لا والله لأفجر راسك بالجدار

الجوهره : يووووووو نسيت .. أقول عزوز وش قال ابوي لما شافك

عزوز ياخذ الخبز : ما قال شي .. عادي ..

الجوهره : اها .. أقول عزوز ..

عزوز : هااااا

الجوهره : اخوي الغالي .. فديتك

عزوز : لحووووول تراك ذليتينا جايبه الفطور وتبغين تطلعينه من عيوني؟؟؟؟؟؟؟؟؟؟؟

الجوهره : لا عافية على قلبك .. بس بطلبك طلب صغير .. انا اختك الصغيره وزمان ما طلبتك

عزوز: وش تبين اخلصي ..

الجوهره بتردد : نوف بالمستشفى وبغى ازورها ..

عزوز بصدمه كبيررررررررره : نوف مين ؟؟؟؟؟

الجوهره : صاحبتي ..

عزوز بصوت عالي : أدري صاحبتك وانا قايل جدتك .. نوف مين ؟؟ من بنته

الجوهره بخوووووووف وجهه تغير وش فيه ذا : شفيك عزوز .. نوف بنت خالي راشد

عزوز : وش دراك انها بالمستشفى .. طيب شنهو السبب .؟؟؟؟


.
.
.