[إشراقة أمل]

/





الفصل الرآبع عشــــــــــر




بـ /


بــظهـرِ آلغيـب ’ حبيٺـكہ ، ۈ ۈدعٺـكہ بـ / ظهـرِ آلغيـب
خيـآل ۈ بعـض آلأحيـآن آلخيـآل يكہـۈن بـهـ - حٺفـكہ -

قبـل مـآ آلملـم آلبـآقي مـن أۈرِآقـي ۈ × أغيـب ×
‏آبـي منـكہ طلـب ۈآحـ 1 ـد
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::
:: آبـي آبكہـي علـى كہٺفـكہ ::


نوف بغرفتها والليل خااافت جالسه لوحدها تبكي .. اشتاااااااااقت
لنااااااصر مرررررررررره

فجأه جت الماس تركض وفتحخت الباب : نو ...... !!!

الماس : علااااااامك تبكين ؟؟؟؟؟

نوف تزيد بالبكي : قلت لك مليون مره استأذني قبل تدخلين ..

الماس تحرك اختها : نوف صاير شي ؟؟

نوف : مافيني شي .. ابعدي خليني اطلع اكمل لبسي ..

الماس : اتفاهم معك بعدين .. اتركك تجهزي .. انا تحت وراح اصعد لك بعد شوي ..

نوف بعد ما طلعت لمو جلست تمسح دموعها .. : مو بوقتك ابدا ..


/

المزرعه ..


عزيز : حبيب قلبي والله

بندر : اعجبك انا ..

عزيز : طيب وينهم ؟؟؟

بندر : في السياره .. وانت اللي راح تطلع تجيبهم ..

عزيز : كان كملت جميلك وجبتهم ؟؟

بندر : تؤ تؤ تؤ عاد انا ما احب الطمع ..


عزيز : امري لله ..

علي يتثاوب : وووووووووووين الغرض ؟؟؟ ترا طول علينا .. زمااااااااان عنه .. !

جابر : هههههههه آه فديت لونه يا ناس .. انا ماخذ اجازه من اهلي

قايلهم اليوم عندي شفت في الدوام.. ماراح اجي الا بكره الصبح

علي : اجل نروح لهم وحنا سكارى ؟؟؟ والله ليعلقو رقابنا ..


عزيز: ماانتم رياجيل انت ويااااه .. وش تركتو من خوف للحريم ؟؟؟

بندر باستهزاء: مو زيك .. !

عزيز ناظره وهو رافع حاجبه : انا طالع اجيبهم ..



/

في المجمع الساعه 8 ..

بتول : ياااااااي يجنن مره ..

ناصر : عاجبك ؟

بتول : ابغى 2 واحد لنويف و واحد لنجيد ..

ناصر : ابشري .. عطنا يا معلم 2


بتول تتلفت وتحاكي ناصر بصوت خفيف : وش معلمه نويصر ؟؟
جالسين فقهوه حنا ؟؟

ناصر توهق : ها ؟ مو متعود اتسوق مع حريم .. لا تزعجينا عاد .. هذا
حكيي ،،

بتول : وين جراح والبنات ؟

ناصر : في الكوفي ..

بتول : ناصر بليز ابغى اطلع الكورنيش بلييييييييييييييز

ناصر : بحر المارينا روعه فوق ما تتخيلين .. اذا طلعنا مريناه

بتول : فديت اخوي يا ناس ..


/

قصر ابو خالد

ألماس : نويف والله طفشت .. انا اوريك مره ثانيه راح اتأخر زيك
واخليك تنتظريني افففف

نوف : تحط كريم على سيقانها .. : يعني انا متعمده ؟؟ كنت احاكي ناصر يسلم عليكم


الماس : اهاااااااا عشان كذا كنتي تبكين ؟؟؟ الله يسلمه ،، شخبار تبوله ؟؟ اكيد تسرح وتمرح في المجمعات ؟

نوف : شرب انتي .. ،، يقول ناصر طالعين للمارينا مول .. !


الماس : آه يا حظها .. الجامعه بعد اياااااااام وانا ما غيرت جو اففف

نوف : لو انا ابغى اروح للكويت .. بكلمه مني تلاقين نفسك هناك

الماس بقهر : عارفه والله .. عشان كذا .. خلينا نروح نويف تكفين حاولي فيهم ..

نوف : مممممم افكر واقولك .. (تناظر بالساعه) !!!! ياويلي وربي
تأخرنا .. عييييييب

الماس : الكل هناك .. اتصلت ماما تقول وينكم ؟؟؟ ما بقى الا انا وانتي ..

نوف : سوري حياتي والله الحين اخلص .. عطيني 10 دقايق ..


/


دانه تتصل فعبدالله بس ما يرد عليها .. لأنه بالسياره وطالع للمزرعه
معزوم .. على حفله من نوع خاص ..

دانه : افففففففف هذا وقتك يعني ؟؟ ياويلي لو يدري ان اليوم
خطبتي .. !! يا قلبي يا عبودي ..

ام دانه فتحت الباب : من تحاكين انتي ؟

دانه بغرور : محد

ام دانه : ابوك متحلف فيك .. يقول الحين تنزلين

دانه : بس بس لا يصير فيكو شي .. دقايق وانزل يا قلبي انتي

ام دانه باستغراب : فيك شي انتي ؟؟ ما انتي بصحيه والله

دانه بصوت عالي : يوووووووووووووه انتو ما يعجبكم شي ؟؟؟؟

ام دانه : لا لا لا انا انتظرك برا .. لا تتأخري .. حنا ما صدقنا .. الله
يكملك بعقلك يا بنيتي ..


دانه تحكي مع حالها بصوت هادي : مجنونه انا عشان الله يهديني ..
والله لأوريك يا نجيد الكلبه انتي ونايف الحمار


ام دانه : انتي وش تقولين

دانه وكنها صحت لنفسها : ولا شي ماما .. اقول اطلعي عشان ابغى البس .. !




/


على الكورنيش

جالسين على الكرآسي ..

جراح : انا رايح اجيب بريد تبون ؟؟

بتول بهمس : نويصر .. بريد يعني آيس كريم ؟

ناصر : ايوه هههه

بتول تعلي صوتها : جراح بليز كله كاكاو

جراح : من عيوني .. وانتو ؟؟

ناصر : انا ما آحبه

تسنيم : وانا بعد

تغريد بصدمه : تسنيم خلينا نطلب اللي دايما نآكله فآنيليآ بالكاكاو .

تسنيم تضرب اختها على كتفها : قلت لك ما احبه

جراح : على راحتج

بتول وناصر يناظرو فبعض وبفمهم ضحكه

جلسو البنات بجنب بعض وقام ناصر يمشي عالبحر يبغاهم ياخذو راحتهم شوي ..







آه على من يطير للرياض ويناظر بنويف ايش تعمل الحين ؟ نايمه ؟
والا جالسه تناظر باتلفزيون والا بالسوق والا عند نجيد

والا ذكرتني بهاللحظه ؟؟

انا وش هالتفكير اللي علي .. ياااااوه يا نوف كذا تعملي فيني ؟؟ والله احس

ما بقى بي عقل افكر فيه .. غبت عنها يومين وحالي ماهي حال ..

كثر ما احبك كثر ما ودي ما ابعد عنك .. وارتاح اكثر لما اشوف حبك

لي بعيونك .. كل جلسه لي ولك مع بعضنا ما نسيتها .. لو هي

دقايق .. بس لحظه ؟ معقوله هذي هي الحياه ؟؟؟؟ معقوله الانسانه

اللي احبها وتحبني بجنبي قريبه واقدر اوصلها بأي طريقه ؟؟؟ وين

التعب والفراق اللي يقولو عنه ؟؟ معقوله حياتي معها راح تكون

سهله ؟؟؟ حب وبعده زواج وعيال وبيت كبير !!! معقوله ؟؟؟؟

قلبي ماهو متطمن .. !! والله ماني مرتاااااح .. ربي يحفظك نويف ..



قاطعه صوت جراح .. : صارلك ساعه لوحدك ما طفشت ؟؟
ناصر :ساعه ؟

جراح : اي والله .. حتى البنات طفشو من البحر ..

ناصر : السموحه والله ما حسيتت بالوقت .. يلا مشينا ؟؟

جراح : توكل على الله ..

/

قصر ابو دانه

دانه بهمس .: ماما مين تحت ؟

ام دانه : اهلنا بس ..

دانه : طبعا انا ماراح اسلم عليهم ؟

ام دانه : يا بنت الناس مو مهم .. اهم شي يشوفك عريسك وخلاص

دانه بفرحه بقلبها : والله لأقهرك يا نويف : طيب ماما من بيكون موجود
جوا بالصاله الثانيه

ام دانه : وش هالاسئله انتي وياه وابوك ..

دانه : لااااااا ماما ماراح ادخل الا ونجود معي .. اخاف اناا استحيييييييي

ام دانه : خبله انتي ؟؟ وش يجيب نجيد لكم .. عيب والله اني مستحيه ادخلها ..


دانه : والله عاد انا علمتك .. هذا شرطي ..



/

نايف جالس بالصاله ينتظر دانه .. وهو يقول فقلبه (ليه كل هالحركات
يا ناس .. عارفها وشايفها .. ليه اتعبوني اكثر ؟؟ )


جالس يفكر ..


اما ابو دانه وابو خالد راحو يودعو الرياجيل اللي هناك لان زمان تعشو
وانتهو ..


ام دانه : ماما نجود .. اطلعي الصاله اللي تحت وبخريها كويس .. نايف
و دانه راح يجلسو فيها ..

نجود وكن فيه شي يقطعها من داخل .. ما تحس بوجود قلبها ..
تحسه بمكان ثاني ماهي بعادته .. : ابشري ..



/

نزلت تحت بعد ما طلعو النسوان ( خلاص ؟؟ راح تزوج يا نايف ؟ الله
يوفقك ويوفق اختي .. يا رب يا رب يا حبيبي ترزقه على قد نيته ..
وتخلي اختي حبيبه معاه ولا تكدره يا رب ) سرحت بتفكيرها و فكره
نجيبها وفكره توديها ..



دخلت بهدوءها الغير معتاد .. دايم نجود تحب الحركه والنشاط

والضحكه اللي دايم على شفايفها ..

لكن اليوم غير .. طبعا قدام الكل الابتسامه ما ابتعدت عنها ثانيه
وحده .. لكن الحين خلاص تركت قناعها فوق ونزلت بوجها الطبيعي ..
وجها البريء اللي مرسوم عليه الحزن .. والظلم .. وكل معنى قاسي في الحياه


دخلت الصاله والبخور فيدها .. وصلت للنصف .. وبعدها صحت لحالها ..
لقت واحد رامي راسه على يدينه من التعب .. لكنها اعرفته .. ايوه
عرفته .. نايف .. هذا جسمه وهذا طوله وهذا هدوءه وهذا عطره اللي
تارس المكان ..



وقفت بمكانها بهدوء وبيدها المبخر ماسكته بيديها الثنتين .. وحست
في عينها دموع تتزاحم تبغى تطلع .. لكنها حست حالها اقوى
ومسكتهم ..

رجعت لورا بخطوات مش ثابته .. رجعت لورا تبغى توصل للباب
بسرعه .. لكن مكان فيه نجود ونايف لازم يحسو فبعض ..


رفع راسه نايف .. وناظرها باستغراب .. وقبل ما تطلع .. بصوت واحد : نجووووود

نجود غمضت ووقفت مكانها .. كرهت حالها انها نزلت .. وش راح يقول لها الحين ؟

نايف وقف وراح لها : نجود ؟

نجود خايفه من قرب المسافه : نـ نــعم

نايف : ما فيه مبروك لولد عمك ؟

نجود بغصه ليه يا نايف ليه : مبروك


نايف : عيونك ذبلانه .. ووجهك اصفر .. وشفايفك ترتعد بالثانيه الف
مره .. ودموعك اشوفها وهي جوا ..

وش تفسيرك لهالكلام يا نجيد ؟


نجود بصوت مرتعد : مافيني شي .. بس تع

نايف : تعبانه ؟

نجود تنزل راسها : ايوه

نايف : انتي تعملي حالك قويه وانتي الهوا يطيرك .. ياليت اللي فبالي ما كان صح .. (تنهد بقوه)

ليه يا نجود تركتيني كذا ؟ والله لو عارف مشاعرك زمان كان ما فرطت فيك ثانيه وحده .. يا نجيد (تغير صوته)

يا نجيد انا ... والله ماني عارف كيف اقولها ..

لكن الله يوفقك ويكتب لك الخير في كل خطوه تخطينها .. يمكن
هاللحظه آخر مره احكي معك فيها بصراحه لأن من بعدها .. بيني
وبين اختك كتاب ربنا اللي يخليني ما اتهاون فيه واخونها فيه حتى لو بنظره لك ..

يكفي انك اختها .. وهذا اللي معور قلبي اكثر .. اذا افترقنا لا تزعلي
لأن بيوم بنجتمع .. واحلفك بالله ما تبكي ..



نجود لو ترمش دموعها راح تنزل .. لفت تبغى تهرب .. تهرب من كل
شي : لكن حركة نايف خلتها تبكي بقوه



مسكها نايف بقوه مع كتوفها .. وكنها يبغى يصحيها : الحب بالنسبه
لي يجي مره وحده وانا حبيتك ويعلم الله اني ما تركت الفرصه تروح
مني الا لما اجبرت اني عطيت عمي كلمه .. والا والله ما اتركك .. الله
يقدرني ويساعدني اسعد اختك .. واللي ابغاه منك تنسيني لاني
والله احبك ولا ابغاك تتعذبي .. عشت اللي عشتيه وتعذبت اكثر منك
لأن القرار كان بيدي ..



نجود تبعد يدينه عنها : ابعد نايف اوجعتني (جلست تبكي) انت تقول
اشياء غلط انا اصلا ما احبك انت زي اخوي (جلست تبكي بقوه
وبصوت اعلى)



نايف بصوت اعلى وكن عيونه صارت فيها لمعه غريبه ؟ : نجود ؟
احلفك بالله ما تزعلي مني .. لا تبكي .. فاهم ومقدر موقفك .. ارضينا
الكل على حساب نفسنا ..

نجيد فكت نفسها منه ..

نايف : فمآن الله

نجود : ركضت لفوق .. خافت اهلها يشوفوها وش يقولو ؟؟؟ طلعت
لغرفتها وقفلت الباب وجلست تبكي وتبكي وتشهق .. حست راح
تطلع روحها ..

نجود تبكي : لااااااا ما كنت ابغاك تحكي .. ليه تتكلم لييييييه يا نايف .. (تبكي) ليه يا نايف ؟؟




/
/



الهنوف والعنود : والله لندخل،، حلوه هذي كمان ؟

نوف : يا عمه اتركيهم يدخلو حنا اهل .. وش دعوه ..

ام دانه : كيفكم اعملو اللي تبونه

نايف بالصاله .. من طلعت نجود وهو واقف ما جلس : .......


خالد : علامك نايف ؟؟ اجلس يا بن الحلال .. اللي يسمعك يقول
ناس اول مره نشوفهم ؟؟

نايف : لا عادي مافيني شي ..

خالد : واضح .. ناظر بشكلك في المنظره

نوف حست بنايف : بالعكس يجنن اخوي فديته .. بس هذا طبيعي ..

خطبه هذي مو لعب

خالد : حكت الفيلسوفه ..

نايف : مو كنها طولت ؟

نوف مستغربه وش فيه هذا ؟؟؟ ما تدري انه يبغى يخلص من
الواجب ويطلع يركض يهرب من اللي هو فيه : الحين تنزل !!


/

دانه قلت لك والله ما ادخل الا لما تجي

ام دانه : الله ياخذ هالوجه .. ارسلت لها الخادمه تقول نايمه

دانه بحقد (نايمه ولاا ما تبغى تشوفني وياه ؟؟) : وهذي قعده ..
ماني بقايمه الا لما تجي اختي ..

ام دانه طلعت على السلم تركض .. : نجود ؟؟؟ نجود ؟؟؟ (تضرب
الباب )

نجود بعد ما ارتاحت شوي فتحت الباب : نعم ؟؟

ام دانه : دانه فضحتنا تحت تكفين تعالي

نجود باستغراب : وانا وش دخلني ؟

ام دانه : تقول ما هي داخله الا معك .. خايفه ..

نجود وقلبها يضرب بقوه : انا ؟؟ صاحيه هذي ؟؟

ام دانه : كيف ؟

نجود : ماما انا تعبانه

ام دانه تترجى بنتها : تكفين طلبتك نجيد .. فكيني من سوالفها
وانزلي .. بس شوي واصعدي

نجود ما حبت ان امها تترجاها اكثر ضغطت على نفسها : ابشري ..

ام دانه : الله يخليك لي ..










نجود عدلت المكياج ومسحت الكحل اللي نازل وحطت كحل وثبته ..
وزيت الشدو .. وزادت الروج ..

ونزلت بسرعه ..


/

نايف يناظر بالموجودين .. الكل موجود هنا ما عدا ام دانه ودانه
ونجود .. متأكد ان نجيد ماهي نازله ..

التفت لقى الهنوف والعنود يناظرو فيه ابتسم لهم ..

نايف يحاكي نوف : نويف وين الريم ؟؟؟

نوف : هناك عند نوره

نايف : ناديها بالله

نوف : انشاء الله

وفجأه

دخلت دانه وكان شكلها مره حلو .. طووووويله وجسمها يجنن كان
مره باين عليها الرشاقه والتناسق .. وسمارها البرونزي طالع روعه
مع الميك أب وفستانها أخضر روتانا ..


نايف يناظر بورى دانه يدور على نجود .. بس مالقاها ..

نجود عملت حالها داخله مع دانه .. وتركتها تدخل لوحدها ..بعدين تجي هي ..

نايف فقد الامل .. وكان توقعه في محله .. ابتسم لدانه ابتسامه بارده
مرررررره وكانت تناظر فيه نجود من براااا


الكل كان يلولش ويضحك ويرقص ..


ام خالد : ههههههههههههههه اول مره اشوف خطبه زي كذا

ام دانه : اي والله صادقه .. بس والله احلى

نوره : اي والله دايم الخطب تكون ممله ومتوتره .. هذي غير ..

الريم واقفه بعيد .. ناداها نايف ..


دانه فقلبها .. قليل ادب انا بجنبه ولا عطاني وجه ورايح ينادي البزر

نايف : هلا ريومه وينك من الصبح ما شفتك ؟

الريم فررحانه حتى فخطبته ذكرها : موجوده .. بس .. (استحت)
مبروك نايف .


نايف : ههههه الله يبارك فيك يا قلبي .. عقبال ما ابارك لك ..
الريم استحت مره وراحت ..


دانه (بعد تقول لها ياقلبي .. كل الناس قلبه .. مالت عليه ،، وهذي وينها الكلبه قالت لي بدخل وما دخلت)



دخلت نجود .. والكل عادي ما انتبهو اصلا ما عدا ثلاثه .. (نايف ودانه نوف)


هالثلاثه كلهم كانو يناظرو بنجود اللي جايه من بعيد بابتسامه تسحر .. تخفي وراها حزن مدفون ..

ابتسامتها كانت ماليه وجها ليما جت عينها فعين نايف تغير وجها
وكأنها تتذكر حكيهم اللي ما مر عليه حتى الساعه

نوف : نجيد .. طالعه قمر فديتك ..

نجود : تسلميلي يا قلبي ..

نوف تبغى تهدي الوضع .. امش نبارك

نجود بصوت هادي : ما ابغى .. اخاف نويف

نوف : نجيد .. ترا دانه حاسه .. امشي

نجود : وش حاسه انتي .. ؟ البنت متأكده ..

نوف .. : اجل امشي معي وبس ..

نايف يناظرهم من بعيد وهم جايين يباركون ..

نوف بصوت عالي عشان الموسيقى : مبروووك نويف واخيرا بتعرس .. ضمته بقوه

نايف وهو ضام نوف يناظر بنجود اللي صارت قدام وجهه : نويف لا يطبع روجك على الغتره

نوف : هههههه .. فديت اخوي يا ناس طالع قمر .. الله يوفقكم يا رب ..


سلمت على دانه عادي وطلعت

نجود وقفت قبال نايف ما تدري وش تسوي : مبروك نايف

مد يده نايف : الله يبارك فيك .. وعقبال ما نفر ( قلبه عوره وما كمل
جملته ،، حس كأنه يدعي على نفسه كيف نجيد تاخذ واحد ثاني)


نجود استغربت انه وقف عن الحكي وللحين ماسك فيدها بس هي
سحبتها بسرعه وسلمت على اختها وطلعت لغرفتها تركض ..